Avtomobil transporti haydovchilari mehnatiga haq toʻlashning umumiy shartlari toʻgʻrisidagi nizomga oʻzgartirishlar kiritish toʻgʻrisida (3130-2-son)

19.07.2023

Oʻzbekiston Respublikasi Kambagʻallikni qisqartirish va bandlik vazirligi Oʻzbekiston Respublikasi Iqtisodiyot va moliya vazirligi Oʻzbekiston Respublikasi Transport vazirligining

Qarori

[Oʻzbekiston Respublikasi Adliya vazirligi tomonidan 2023-yil 19-iyulda roʻyxatdan oʻtkazildi, roʻyxat raqami 3130-2]

Oʻzbekiston Respublikasi Mehnat kodeksi va Vazirlar Mahkamasining 2019-yil 16-sentabrdagi 775-son “Mehnatga haq toʻlash yagona tarif setkasini yanada takomillashtirish toʻgʻrisida”gi qaroriga muvofiq Oʻzbekiston Respublikasi Kambagʻallikni qisqartirish va bandlik vazirligi, Iqtisodiyot va moliya vazirligi va Transport vazirligi qaror qiladi:

1. Oʻzbekiston Respublikasi Bandlik va mehnat munosabatlari vazirligi, Moliya vazirligi va Oʻzbekiston avtomobil transporti agentligining 2019-yil 22-yanvardagi 2-2019/QQ, 9 va 1/103-son qarori (roʻyxat raqami 3130, 2019-yil 23-yanvar) (Qonun hujjatlari maʼlumotlari milliy bazasi, 24.01.2019-y., 10/19/3130/2539-son) bilan tasdiqlangan Avtomobil transporti haydovchilari mehnatiga haq toʻlashning umumiy shartlari toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Oʻzbekiston Respublikasi kambagʻallikni qisqartirish va bandlik vaziri B. MUSAYEV

Toshkent sh.,

2023-yil 5-iyul,

58-2023/QQ-son

Oʻzbekiston Respublikasi transport vaziri I. MAXKAMOV

Toshkent sh.,

2023-yil 4-iyul,

20-son

Oʻzbekiston Respublikasi iqtisodiyot va moliya vaziri Sh. KUDBIYEV

Toshkent sh.,

2023-yil 21-iyun,

38-son

Oʻzbekiston Respublikasi Kambagʻallikni qisqartirish va bandlik vazirligining 2023-yil 5-iyuldagi 58-2023/QQ-son, Iqtisodiyot va moliya vazirligining 2023-yil 21-iyundagi 38-son va Transport vazirligining 2023-yil 4-iyuldagi 20-son qaroriga ILOVA

Avtomobil transporti haydovchilari mehnatiga haq toʻlashning umumiy shartlari toʻgʻrisidagi nizomga kiritilayotgan oʻzgartirishlar

1. Muqaddima quyidagi tahrirda bayon etilsin:

“Mazkur Nizom avtomobil transporti haydovchilari mehnatiga haq toʻlashning umumiy shartlarini belgilaydi.”.

2. 3-bandda:

birinchi xatboshidagi “Vazirlar Mahkamasining 2009-yil 21-iyuldagi 206-son qarori” degan soʻzlar “Oʻzbekiston Respublikasi Vazirlar Mahkamasining 2019-yil 16-sentabrdagi 775-son qarori” degan soʻzlar bilan almashtirilsin;

uchinchi xatboshidagi “Mehnat kodeksining 153-moddasiga” degan soʻzlar “Oʻzbekiston Respublikasi Mehnat kodeksining 246-moddasiga” degan soʻzlar bilan almashtirilsin.