Oʻzbekiston Respublikasi Oliy Majlisi Qonunchilik palatasi deputati Z.R. Xudayberdiyevga “Adolatli deputat” maqomini berish toʻgʻrisida (3308-IV-son)

20.06.2023

Oʻzbekiston Respublikasi Oliy Majlisi Qonunchilik palatasining

Qarori

Oʻzbekiston Respublikasi Oliy Majlisi Qonunchilik palatasining 2022-yildagi faoliyati yakunlariga koʻra qonun hujjatlarini takomillashtirishda, yangi tahrirdagi Oʻzbekiston Respublikasining Konstitutsiyasini va qonunlarni targʻib qilishda, aholining huquqiy ongini va madaniyatini yuksaltirishda faol ishtirok etganligi, huquqni qoʻllash amaliyotini oʻrganish ishiga oʻzining munosib hissasini qoʻshganligini inobatga olib, shuningdek Oʻzbekiston Respublikasi Oliy Majlisi Qonunchilik palatasi deputatlarini maʼnaviy va moddiy ragʻbatlantirish boʻyicha komissiya tavsiyasiga muvofiq Qonunchilik palatasining Kengashi kiritgan taklifga asosan Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Oliy Majlisi Qonunchilik palatasining deputati Zafar Raximovich Xudayberdiyevga “Adolatli deputat” maqomi berilsin.

2. Oʻzbekiston Respublikasi Oliy Majlisi Qonunchilik palatasining deputati Z.R. Xudayberdiyevga “Adolatli deputat” guvohnomasi hamda bazaviy hisoblash miqdorining besh baravari miqdorida bir martalik pul mukofoti berilsin.

3. Tadbirkorlar va ishbilarmonlar harakati — Oʻzbekiston Liberal-demokratik partiyasiga Z.R. Xudayberdiyevni Oʻzbekiston Respublikasi Oliy Majlisi Qonunchilik palatasiga boʻlib oʻtadigan keyingi saylovlarda deputatlikka nomzod sifatida koʻrsatish tavsiya etilsin.

4. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri N. ISMOILOV

Toshkent sh.,

2023-yil 20-iyun,

3308-IV-son