“Oʻzbekiston Respublikasi Mudofaa vazirligi tasarrufidagi yopiq harbiy shaharchalar toʻgʻrisidagi nizomni tasdiqlash haqida”gi buyruqqa oʻzgartirishlar kiritish haqida (1869-4-son)

06.07.2023

Oʻzbekiston Respublikasi mudofaa vazirining

buyrugʻi

[Oʻzbekiston Respublikasi Adliya vazirligi tomonidan 2023-yil 6-iyulda roʻyxatdan oʻtkazildi, roʻyxat raqami 1869-4]

Oʻzbekiston Respublikasining “Umumiy harbiy majburiyat va harbiy xizmat toʻgʻrisida”gi hamda “Normativ-huquqiy hujjatlar toʻgʻrisida”gi qonunlari, Oʻzbekiston Respublikasi Prezidentining 2007-yil 14-sentabrdagi PQ-694-son “Oʻzbekiston Respublikasi Qurolli Kuchlari harbiy xizmatchilarni uy-joy bilan taʼminlash tartibi toʻgʻrisidagi nizomni tasdiqlash haqida”gi qarori, Oʻzbekiston Respublikasi Vazirlar Mahkamasining 2018-yil 22-oktabrdagi 845-son “Oʻzbekiston Respublikasi Prezidentining “Chet el fuqarolari va fuqaroligi boʻlmagan shaxslarni doimiy yashash joyi va vaqtincha turgan joyi boʻyicha roʻyxatga olish tartibini takomillashtirish chora-tadbirlari toʻgʻrisida” 2018-yil 28-avgustdagi PQ-3924-son qarorini amalga oshirish chora-tadbirlari haqida”gi, 2019-yil 26-fevraldagi 170-son “Davlat uy-joy fondidagi turar joylarni taqsimlash va fuqarolarga ijara shartnomasi shartlari asosida berishni tartibga solishga qaratilgan normativ-huquqiy hujjatlarni tasdiqlash toʻgʻrisida”gi hamda 2019-yil 28-dekabrdagi 1049-son “Oʻzbekiston Respublikasida fuqarolarni doimiy yashash va vaqtincha turgan joyi boʻyicha roʻyxatga olish tartibini yanada soddalashtirish chora-tadbirlari toʻgʻrisida”gi qarorlariga muvofiq buyuraman:

1. Oʻzbekiston Respublikasi mudofaa vazirining 2008-yil 14-oktabrdagi 658-son “Oʻzbekiston Respublikasi Mudofaa vazirligi tasarrufidagi yopiq harbiy shaharchalar toʻgʻrisidagi nizomni tasdiqlash haqida”gi buyrugʻiga (roʻyxat raqami 1869, 2008-yil 11-noyabr) ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir B. KURBANOV

Toshkent sh.,

2023-yil 6-iyun,

486-son

Oʻzbekiston Respublikasi mudofaa vazirining 2023-yil 6-iyundagi 486-son buyrugʻiga ILOVA

“Oʻzbekiston Respublikasi Mudofaa vazirligi tasarrufidagi yopiq harbiy shaharchalar toʻgʻrisidagi nizomni tasdiqlash haqida”gi buyruqqa kiritilayotgan oʻzgartirishlar

1. 5-banddagi “mudofaa vazirining front orti va kapital qurilish boʻyicha oʻrinbosari” degan soʻzlar “mudofaa vazirining moddiy-texnik taʼminot boʻyicha oʻrinbosari” degan soʻzlar bilan almashtirilsin.

2. Nizomda:

a) 1-bandning oltinchi va yettinchi xatboshilari, 10-bandning birinchi va ikkinchi xatboshilari, 13-bandning birinchi va ikkinchi xatboshilari, 24 va 34-bandlarning davlat tilidagi matnidagi “qonun” degan soʻz “qonunchilik” degan soʻz bilan almashtirilsin;

b) 9-bandning davlat tilidagi matnidagi “Shartnoma” va “qonun” degan soʻzlar tegishli ravishda “Kontrakt” va “qonunchilik” degan soʻzlar bilan almashtirilsin;

v) 11-bandning birinchi xatboshisi quyidagi tahrirda bayon etilsin:

“11. Yopiq harbiy shaharchalarda turar joy bilan taʼminlanadigan harbiy xizmatchilar, Oʻzbekiston Respublikasi Qurolli Kuchlarining ishchi va xizmatchilari (bundan buyon matnda ishchi va xizmatchilar deb yuritiladi) Oʻzbekiston Respublikasi Vazirlar Mahkamasining 2019-yil 26-fevraldagi 170-son “Davlat uy-joy fondidagi turar joylarni taqsimlash va fuqarolarga ijara shartnomasi shartlari asosida berishni tartibga solishga qaratilgan normativ-huquqiy hujjatlarni tasdiqlash toʻgʻrisida”gi qaroriga muvofiq Oʻzbekiston Respublikasi Mudofaa vazirligi nomidan hududiy uy-joydan foydalanish qismi (bundan buyon matnda hududiy UFQ deb yuritiladi) boshligʻi bilan xizmat turar joyini ijaraga olish shartnomasini (bundan buyon matnda shartnoma deb yuritiladi) tuzadilar.”;

g) 12-bandda:

birinchi xatboshining davlat tilidagi matnidagi “Shartnoma” va “qonun” degan soʻzlar tegishli ravishda “Kontrakt” va “qonunchilik” degan soʻzlar bilan almashtirilsin;

ikkinchi xatboshidagi “Oʻzbekiston Respublikasi Qurolli Kuchlarining ishchi va xizmatchilariga” degan soʻzlar “ishchi va xizmatchilarga” degan soʻzlar bilan almashtirilsin;

d) 14-band quyidagi tahrirda bayon etilsin:

“14. Harbiy xizmatchilar, ishchi va xizmatchilarga aholi punkti va aholi punktidan tashqaridagi ruxsatnoma tizimiga ega boʻlgan yopiq harbiy shaharchalardan xizmat turar joylari tegishli harbiy qism va garnizonlar uy-joy komissiyalari qaroriga muvofiq taqdim etiladi.

Xizmat turar joylari taqdim etilgan harbiy xizmatchilar, ishchi va xizmatchilarga harbiy xizmatni oʻtash (mehnat faoliyatini amalga oshirish) davri uchun mazkur Nizomning 2-ilovasida keltirilgan shaklga muvofiq xizmat orderlari rasmiylashtirib beriladi.

Harbiy xizmatchilar, ishchi va xizmatchilarga xizmat orderlarini rasmiylashtirib berish va xizmat turar joylarining hisobini yuritish hududiy UFQ tomonidan belgilangan tartibda amalga oshiriladi.

Xizmat orderlarida harbiy xizmatchilar, ishchi va xizmatchilar hamda ular bilan birga istiqomat qiluvchi shaxslar toʻgʻrisidagi maʼlumotlar koʻrsatiladi.

Yopiq harbiy shaharchalarda xizmat orderlari asosida istiqomat qiluvchi shaxslarni doimiy va vaqtincha roʻyxatga olish hamda roʻyxatdan chiqarish Oʻzbekiston Respublikasi fuqarolarini doimiy yashash joyi va vaqtincha turgan joyi boʻyicha roʻyxatga olish hamda roʻyxatdan chiqarishni tartibga soluvchi qonunchilik hujjatlariga muvofiq amalga oshiriladi.

Xizmat orderlari ularni rasmiylashtirib bergan hududiy UFQga harbiy xizmatchilar, ishchi va xizmatchilar tomonidan, ular belgilangan tartibda roʻyxatga olinganlaridan soʻng, qaytarib topshiriladi.”;

e) 15-bandning ikkinchi va uchinchi xatboshilari quyidagi mazmundagi ikkinchi — beshinchi xatboshilar bilan almashtirilsin:

“Yopiq harbiy shaharchalar umumiy yotoqxonasining yashash uchun moʻljallangan xonasiga koʻchib kirish mazkur Nizomning 3-ilovasiga muvofiq shakldagi talon asosida amalga oshiriladi.

Yopiq harbiy shaharchalarning umumiy yotoqxonasiga koʻchib kirayotgan harbiy xizmatchilar, ishchi va xizmatchilar bilan Oʻzbekiston Respublikasi Vazirlar Mahkamasining 2019-yil 26-fevraldagi 170-son “Davlat uy-joy fondidagi turar joylarni taqsimlash va fuqarolarga ijara shartnomasi shartlari asosida berishni tartibga solishga qaratilgan normativ-huquqiy hujjatlarni tasdiqlash toʻgʻrisida”gi qaroriga muvofiq, xizmat turar joyini ijaraga olish shartnomasi tuziladi.

Yopiq harbiy shaharchalarning umumiy yotoqxonalarida talon asosida istiqomat qiluvchi shaxslarni vaqtincha roʻyxatga olish hamda roʻyxatdan chiqarish Oʻzbekiston Respublikasi fuqarolarini doimiy yashash joyi va vaqtincha turgan joyi boʻyicha roʻyxatga olish hamda roʻyxatdan chiqarishni tartibga soluvchi qonunchilik hujjatlariga muvofiq amalga oshiriladi.

Umumiy yotoqxonalarda istiqomat qiluvchi shaxslarni yashash joyi boʻyicha doimiy roʻyxatga olish taqiqlanadi.”;

j) 17-bandning davlat tilidagi matnidagi “keyingi oʻrinlarda matnda” degan soʻzlar “bundan buyon matnda” degan soʻzlar bilan almashtirilsin;

z) 25-bandning ikkinchi xatboshisidagi “ShNQ 3.01.04-04” qisqartmasi “ShNQ 3.01.04-19” qisqartmasi bilan almashtirilsin;

i) 29-banddagi “Mudofaa vazirligi Uy-joydan foydalanish boshqarmasi” degan soʻzlar “Mudofaa vazirligi markaziy apparati Taʼminot departamenti Uy-joydan foydalanish boshqarmasi” degan soʻzlar bilan almashtirilsin;

k) 1-ilova ushbu oʻzgartirishlarning ilovasiga muvofiq tahrirda bayon etilsin.

Oʻzbekiston Respublikasi Mudofaa vazirligi tasarrufidagi yopiq harbiy shaharchalar toʻgʻrisidagi nizomni tasdiqlash haqida”gi buyruqqa kiritilayotgan oʻzgartirishlarga ILOVA

“Oʻzbekiston Respublikasi Mudofaa vazirligi tasarrufidagi yopiq harbiy shaharchalar toʻgʻrisidagi nizomga 1-ILOVA

Oʻzbekiston Respublikasi Mudofaa vazirligi tasarrufidagi yopiq harbiy shaharchalar

ROʻYXATI

T/r Aholi punkti Harbiy shaharcha raqami Uylar/xonadonlar soni Oʻzbekiston Respublikasi Mudofaa vazirligi markaziy apparatining UFQ 1. Toshkent shahri 51 3/13 (133a, 133b, 133k) Toshkent hud�diy UFQ 2. Malek aholi punkti 2 3/66 3. Quyoshli aholi punkti 176 2/64 4. Chinoz aholi punkti 97 4/16 5. Keles aholi punkti 102 2/8 6. Binokor aholi punkti 118 1/12 Chirchiq hududiy UFQ 7. Qizil shalola aholi punkti 93 2/48 8. Chigʻiriq aholi punkti 113 2/16 9. Shirin aholi punkti 11 “a” 11/222 10. Angren shahri 1 1/64 Samarqand hududiy UFQ 11. Kimyogarlar shaharchasi (Super) 37 2/24 12. Qurqozon aholi punkti 60 4/16 Kattaqoʻrgʻon hududiy UFQ 13. Kattaqoʻrgʻon shahri 2 1/36 14. Oqtosh shahri 30 6/19 Jizzax hududiy UFQ 15. Olmachi aholi punkti 5 5/100 16. Baxmal aholi punkti 36 9/192 Buxoro hududiy UFQ 17. Mehnatobod aholi punkti 34 1/4 18. Qorakoʻl tumani 36 3/144 Qarshi hududiy UFQ 19. Xonobod aholi punkti 4 15/352 20. Qarshi shahri 13 10/214 21. Muborak shahri 38 4/128 22. Nuriston aholi punkti 18 5/248 23. Pachkamar aholi punkti 39 9/176 Termiz hududiy UFQ 24. Kakaydi aholi punkti 1 “k” 18/290 25. Xayrobod aholi punkti 52 8/142 26. Maydon aholi punkti 67 11/208 27. Sariosiyo aholi punkti 17 1/8 28. Sariosiyo aholi punkti 18 2/40 29. Termiz shahri 1 2/64 Nukus hududiy UFQ 30. Nukus shahri 1 11/188 31. Ornek aholi punkti 2 2/52 32. Urganch shahri 24 6/6 33. Qiyot aholi punkti 26 1/16 Namangan hududiy UFQ 34. Gʻurumsaroy aholi punkti 13 “a” 5/72 35. Gʻurumsaroy aholi punkti 13 “b” 4/128 36. Chust shahri 15 “a” 2/96 37. Xasanobod aholi punkti 69 19/300 Fargʻona hududiy UFQ 38. Janubiy Olamushuk aholi punkti 20 8/128 39. Tolmazor aholi punkti 70 5/96 40. Fargʻona shahri 10 1/48 41. Fargʻona shahri 69 1/55 42. Andijon shahri 1 “a” 1/32 43. Soʻx tumani 62 4/96 ”.