Mehnat shartnomasi alohida asoslarga koʻra bekor qilinib, ogohlantirish muddati pullik kompensatsiyaga almashtirilganda xodimlarga moddiy madad berish tartibi haqidagi tushuntirishga oʻzgartirishlar kiritish toʻgʻrisida (720-2-son)
09.06.2023
oʻzbekiston respublikasi Kambagʻallikni qisqartirish va bandlik vazirining
buyrugʻi
[Oʻzbekiston Respublikasi Adliya vazirligi tomonidan 2023-yil 9-iyunda roʻyxatdan oʻtkazildi, roʻyxat raqami 720-2]
Oʻzbekiston Respublikasining Mehnat kodeksi va “Oʻzbekiston Respublikasining Mehnat kodeksini tasdiqlash toʻgʻrisida”gi Qonunining 4-moddasiga muvofiq buyuraman:
1. Oʻzbekiston Respublikasi Mehnat vazirligi tomonidan 1999-yil 15-aprelda 684/04-1-son bilan tasdiqlangan Mehnat shartnomasi alohida asoslarga koʻra bekor qilinib, ogohlantirish muddati pullik kompensatsiyaga almashtirilganda xodimlarga moddiy madad berish tartibi haqidagi tushuntirishiga (roʻyxat raqami 720, 1999-yil 10-may) ilovaga muvofiq oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Vazir B. MUSAYEV
Toshkent sh.,
2023-yil 10-may,
9-2023/B-son
Oʻzbekiston Respublikasi Kambagʻallikni qisqartirish va bandlik vazirining 2023-yil 10-maydagi 9-2023/B-son buyrugʻiga ILOVA
Mehnat shartnomasi alohida asoslarga koʻra bekor qilinib, ogohlantirish muddati pullik kompensatsiyaga almashtirilganda xodimlarga moddiy madad berish tartibi haqidagi tushuntirishga kiritilayotgan oʻzgartirishlar
1. Birinchi xatboshidagi “Mehnat kodeksi 102-moddasining birinchi va toʻrtinchi qismlarida” degan soʻzlar “Oʻzbekiston Respublikasi Mehnat kodeksining 165-moddasi uchinchi qismi hamda 168-moddasi uchinchi qismida” degan soʻzlar bilan almashtirilsin.
2. Ikkinchi xatboshi quyidagi tahrirda bayon etilsin:
“Bunda, ushbu ogohlantirish muddatlarini pullik kompensatsiyaga almashtirish ish beruvchining xohishi asosida amalga oshiriladi.”.
3. Uchinchi — beshinchi xatboshilar chiqarib tashlansin;
oltinchi — sakkizinchi xatboshilar tegishli ravishda uchinchi — beshinchi xatboshilar deb hisoblansin.
4. Uchinchi xatboshidagi “Mehnat kodeksi 67-moddasining birinchi va uchinchi qismida” degan soʻzlar “Oʻzbekiston Respublikasi Mehnat kodeksining 100-moddasi birinchi va toʻrtinchi qismlarida” degan soʻzlar bilan almashtirilsin.
5. Toʻrtinchi xatboshidagi “Mehnat kodeksining 67-moddasi birinchi qismida” degan soʻzlar “Oʻzbekiston Respublikasi Mehnat kodeksining 100-moddasi birinchi qismida” degan soʻzlar bilan almashtirilsin.