Maʼmuriy islohotlar doirasida madaniy meros sohasida davlat boshqaruvini samarali tashkil qilish chora-tadbirlari toʻgʻrisida (PQ-177-son)

01.06.2023

Oʻzbekiston Respublikasi Prezidentining

Qarori

Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmoni ijrosini taʼminlash maqsadida:

1. Quyidagilar:

Madaniy meros agentligi faoliyatining asosiy yoʻnalishlari 1-ilovaga muvofiq;

Madaniy meros agentligining tashkiliy tuzilmasi 2-ilovaga muvofiq;

Madaniy meros agentligining xususiy sektorga beriladigan funksiyalari roʻyxati 3-ilovaga muvofiq;

Madaniy meros sohasida islohotlarni chuqurlashtirish va tizim faoliyatini transformatsiya qilish boʻyicha “yoʻl xaritasi” 4-ilovaga muvofiq tasdiqlansin.

2. Faoliyati tugatilgan Turizm va madaniy meros vazirligi huzurida boʻlgan davlat muassasasi shaklidagi quyidagi tashkilotlar Madaniy meros agentligi (keyingi oʻrinlarda — Agentlik) tizimiga oʻtkazilsin:

Madaniy meros obyektlari restavratsiyasi direksiyasi;

Madaniy meros obyektlarini asrash va turizm hududlarining master-rejalari boʻyicha loyihalashtirish instituti Madaniy meros ilmiy-tadqiqot instituti deb qayta nomlangan holda.

3. Quyidagilarning faoliyati tugatilib, ularning vakolat va funksiyalari Agentlikka oʻtkazilsin:

2017 — 2027-yillarda davlat muzeylari faoliyatini takomillashtirish va moddiy-texnika bazasini mustahkamlash boʻyicha kompleks chora-tadbirlar dasturi bajarilishini muvofiqlashtirish boʻyicha respublika komissiyasi;

Muzeylar faoliyatini takomillashtirish va qoʻllab-quvvatlash boʻyicha respublika ishchi guruhi.

4. Belgilansinki, moddiy madaniy meros obyektlari va muzeylar sohasida davlat nazoratini kuchaytirish hamda ulardan oqilona foydalanish maqsadida:

a) Agentlik va uning hududiy boshqarmalari tomonidan oʻtkaziladigan tekshiruvlar boʻyicha:

tekshiruv oʻtkazishni kelishish uchun buyurtma vakolatli organ va uning hududiy boʻlinmalari tomonidan buyurtma berilgan kunda koʻrib chiqiladi;

“xavfni tahlil etish” tizimi natijalariga asosan oʻtkaziladigan tekshiruvlarni uning boshlanishi haqida tadbirkorlik subyektiga xabarnoma bermagan holda oʻtkazishga ruxsat beriladi;

b) tegishli shartnomalarga asosan unda belgilab qoʻyilgan aniq muddatlar yoki holatlarda, biroq har chorakda kamida bir marta moddiy madaniy meros obyektlarining muhofaza qilinishi, saqlanishi hamda ulardan oqilona foydalanilishida jismoniy va yuridik shaxslar, shu jumladan tadbirkorlik subyektlari tomonidan qonunchilik hujjatlariga rioya qilinishi Agentlik va uning hududiy boshqarmalari tomonidan majburiy tartibda tekshiriladi hamda bunday tekshiruvlarning oʻtkazilishini vakolatli organ bilan kelishish talab etilmaydi;

v) obodonlashtirish hamda zarur holatda saqlash boʻyicha investitsiya majburiyatini olgan holda ijaraga beriladigan moddiy madaniy meros obyektlari va ularga tutash hududlar roʻyxatining faqat Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tomonidan shakllantirilishi va taqdim etilishi tartibi bekor qilinib, ushbu takliflarni barcha tashabbuskor jismoniy va yuridik shaxslar tomonidan taqdim etish tartibi joriy etiladi.

5. Madaniyat va sanʼatni rivojlantirish jamgʻarmasi (keyingi oʻrinlarda — Jamgʻarma) kengashi faoliyati va uning ijrochi direktori lavozimi tugatilib, Jamgʻarma raisi lavozimi joriy qilinsin.

Belgilab qoʻyilsinki:

a) Jamgʻarma raisi YUNESKO ishlari boʻyicha Oʻzbekiston Respublikasi Milliy komissiyasi raisi hisoblanadi.

b) Jamgʻarma:

Agentlikka madaniy meros sohasida davlat siyosatini amalga oshirishga koʻmaklashadi, shuningdek, Agentlik va uning tizimidagi tashkilotlar faoliyatini rivojlantirish, ishini samarali tashkil etish, ularga yuklatilgan vazifalar va funksiyalar toʻliq bajarilishi boʻyicha tavsiyalar beradi;

normativ-huquqiy hujjatlar loyihalarini, shuningdek, Jamgʻarmaga yuklangan vazifalar va funksiyalarni bajarish bilan bogʻliq boʻlgan boshqa hujjatlarni belgilangan tartibda Vazirlar Mahkamasi va Prezident Administratsiyasiga kiritadi;

v) Agentlik direktori jamoatchilik asosida Jamgʻarma raisining oʻrinbosari hisoblanadi hamda u Agentlik faoliyatiga oid masalalarni Jamgʻarma raisi bilan bamaslahat holda olib boradi.

6. Agentlikning jami 216 ta boshqaruv shtat birligidan 10 ta shtat birligi Jamgʻarmaga oʻtkazilsin.

7. Shunday tartib oʻrnatilsinki, unga muvofiq:

moddiy madaniy meros obyektlarida asrashga doir ishlarni amalga oshirish, shuningdek, arxeologiya ishlari uchun Davlat budjeti hisobidan ajratilgan mablagʻlar doirasida muzey ashyolari va muzey kolleksiyalarini restavratsiya va tiklash hamda raqamlashtirish ishlarini amalga oshirishga ruxsat beriladi;

Davlat budjeti mablagʻlari hisobidan asrashga doir ishlar amalga oshiriladigan moddiy madaniy meros koʻchmas mulk obyektlarining har yillik manzilli roʻyxati Agentlik direktori tomonidan tasdiqlanadi;

Agentlikning hisob-kitoblariga asosan moddiy madaniy meros obyektlarini muhofaza qilish, asrash va ulardan foydalanish ishlarini amalga oshirish bilan bogʻliq xarajatlar uchun har yili Qoraqalpogʻiston Respublikasi respublika budjeti, viloyatlar viloyat budjetlari va Toshkent shahri shahar budjeti manbalari hisobidan mablagʻ ajratiladi;

2023-yildan boshlab Davlat budjetidan madaniy meros obyektlarida asrashga doir ishlarni amalga oshirish va ularning muhofazasini taʼminlash, ularni restavratsiya qilish va tiklash, shuningdek, arxeologiya ishlar uchun ajratiladigan mablagʻlarning yil davomida foydalanilmagan qismi Agentlik huzuridagi Madaniy meros jamgʻarmasiga budjet trancferi sifatida ajratiladi;

Agentlik tizimidagi muzey direktorlariga Agentlik bilan kelishilgan holda, ularga ajratilgan Davlat budjeti mablagʻlari doirasida, iqtisod qilingan mablagʻlarni qayta taqsimlash hisobidan muzey xodimlariga qoʻshimcha oylik ragʻbatlantirish ustamalari belgilash vakolati beriladi. Bunda, ragʻbatlantirish miqdori Agentlik tomonidan tasdiqlangan davlat muzeylari xodimlarini qoʻshimcha ragʻbatlantirish tartibiga muvofiq belgilanadi.

8. Agentlikka, istisno tariqasida, Madaniy meros obyektlari restavratsiyasi direksiyasi, Madaniy meros ilmiy-tadqiqot instituti va Yahyo Gʻulomov nomidagi Samarqand arxeologiya instituti bilan:

madaniy meros obyektlarida asrashga doir ishlar va arxeologik tadqiqotlar uchun cheklanmagan qiymatda toʻgʻridan-toʻgʻri shartnomalar tuzishga;

tuzilgan shartnomalar boʻyicha bajariladigan pudrat ishlari uchun 50 foiz avans toʻlashga ruxsat berilsin.

9. Toshkent shahri, Taras Shevchenko koʻchasi, 1-uy manzilida joylashgan:

a) bino va inshootlar tegishli hududi bilan birgalikda operativ boshqarish huquqi asosida Jamgʻarmaga berilsin;

b) binoga quyidagilar tekin foydalanish huquqi asosida joylashtirilsin:

Agentlik;

Madaniy meros obyektlari restavratsiyasi direksiyasi;

YUNESKO ishlari boʻyicha Oʻzbekiston Respublikasi Milliy komissiyasi kotibiyati.

Madaniyat va turizm vazirligi Jamgʻarma bilan birgalikda bir hafta muddatda ushbu bandda koʻrsatilgan manzildagi obyektni topshirish-qabul qilish ishlarini belgilangan tartibda amalga oshirsin.

Jamgʻarma Agentlik bilan birgalikda binoni saqlash va undan samarali foydalanish boʻyicha zarur choralarni koʻrsin.

10. Agentlik Jamgʻarma va Adliya vazirligi bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

11. Mazkur qarorning ijrosini samarali tashkil qilishga masʼul va shaxsiy javobgar etib Madaniyat va sanʼatni rivojlantirish jamgʻarmasi raisi va Madaniy meros agentligi direktori belgilansin.

Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 1-iyun,

PQ-177-son

Oʻzbekiston Respublikasi Prezidentining 2023-yil 1-iyundagi PQ-177-son qaroriga 1-ILOVA

Madaniy meros agentligi faoliyatining asosiy yoʻnalishlari

Quyidagilar Madaniy meros agentligi faoliyatining asosiy yoʻnalishlari hisoblanadi:

a) moddiy madaniy meros va muzeylar sohasida yagona davlat siyosatini amalga oshirish, unda ishtirok etuvchi davlat organlarining ushbu yoʻnalishdagi faoliyatini muvofiqlashtirish;

b) moddiy madaniy meros obyektlari, madaniy boyliklar, muzey ashyolari va kolleksiyalarini aniqlash, ularning davlat hisobini yuritish hamda sohada taʼsirchan davlat nazoratini amalga oshirish;

v) moddiy madaniy meros va muzeylar sohasiga zamonaviy axborot texnologiyalarini keng joriy etish, ularga oid maʼlumotlarning barcha uchun ochiq boʻlishini taʼminlash;

g) madaniy merosimizning jahon madaniy makoniga integratsiyalashuviga koʻmaklashish va ularni keng ommalashtirish;

d) moddiy madaniy meros obyektlaridan oqilona foydalanish, ularni muzeylashtirish, monetizatsiya qilish, mablagʻlar hisobini yuritish va ularning maqsadli sarflanishini yoʻlga qoʻyish;

e) ilmiy-tarixiy yondashuv asosida moddiy madaniy meros obyektlari, madaniy boyliklar, muzey ashyolari va kolleksiyalarini restavratsiya-tiklash, asrashga doir ishlarni amalga oshirish;

j) ilgʻor xorijiy tajribalar asosida muzeylarni kompleks rivojlantirish.

Oʻzbekiston Respublikasi Prezidentining 2023-yil 1-iyundagi PQ-177-son qaroriga 2-ILOVA

Madaniy meros agentligining tashkiliy tuzilmasi

Madaniy meros agentligiIlmiy-ekspert kengashQoraqalpogʻiston Respublikasi, viloyatlar va Toshkent shahri madaniy meros boshqarmalariOʻzbekiston davlat sanʼat muzeyi,Oʻzbekiston amaliy sanʼat va hunarmandchilik tarixi davlat muzeyi,Qoraqalpogʻiston Respublikasitarixi va madaniyati davlat muzeyi,I.V. Savitskiy nomidagi Qoraqalpogʻiston davlat sanʼat muzeyi,Berdaq nomidagi Qoraqalpoq adabiyoti tarixi davlat muzeyi,Oʻzbekiston zamonaviy sanʼati muzeyi,Andijon, Jizzax, Qashqadaryo, Navoiy, Namangan, Sirdaryo, Fargʻona viloyatlari tarixi va madaniyati davlat muzeylari,Termiz arxeologiya muzeyi,Angren shahar tarixi muzeyi,Chirchiq shahar tarixi muzeyi,Olmaliq shahar oʻlkashunoslik muzeyi,Oqqoʻrgʻon tumani oʻlkashunoslik muzey-memoriali, “Ipak yoʻli” davlat muzeyi“Buxoro”, “Shahrisabz”, “Samarqand”, “Termiz”, “Qoʻqon”, “Ichan-qalʼa” davlat muzey-qoʻriqxonalariMadaniy meros ilmiy-tadqiqot institutiAbdulla Qahhor uy-muzeyi,Abdulla Qodiriy uy-muzeyi,Abdulla Qodiriy memorial muzeyi,Muxtor Ashrafiy uy-muzeyi,Oybek uy-muzeyi,Sergey Borodin uy-muzeyi,Sergey Yesenin memorial muzeyi,Tamaraxonim uy-muzeyi,Toʻra Sulaymon uy-muzeyi,Usmon Yusupov memorial uy-muzeyi,Yunus Rajabiy uy-muzeyi,Oʻrol Tansiqboyev uy-muzeyi, Gʻafur Gʻulom uy-muzeyiMadaniy meros obyektlari restavratsiyasi direksiyasi va uning mintaqaviy markazlariRegiston ansamblini taʼmirlash va undan foydalanish direksiyasi,“Oʻzbek — Turkman doʻstlik uyi”va “Ulli hovli” majmuasi” direksiyasi,Abu Muin Nasafiy majmuasini boshqarish va obodonlashtirish direksiyasi“Moziydan sado” jurnali tahririyatiYa. Gʻulomov nomidagi Samarqand arxeologiya instituti(“Arxeologik topilmalar fondi” noyob ilmiy obyekti bilan)

Oʻzbekiston Respublikasi Prezidentining 2023-yil 1-iyundagi PQ-177-son qaroriga 3-ILOVA

Madaniy meros agentligining xususiy sektorga beriladigan funksiyalari

ROʻYXATI

T/r Funksiyalar Amalga oshirish muddati 1. Restavratorlar malakasini oshirish uchun oʻquv kurslarini tashkil etish. 2023-yil oktabr 2. Muzey xodimlarining malakasini oshirish va ularni qayta tayyorlash. 3. Moddiy madaniy merosning koʻchmas mulk obyektlari qoʻriqlanadigan tegralarining loyihalarini ishlab chiqish. 2023-yil noyabr

Oʻzbekiston Respublikasi Prezidentining 2023-yil 1-iyundagi PQ-177-son qarorga 4-ILOVA

Madaniy meros sohasida islohotlarni chuqurlashtirish va tizim faoliyatini transformatsiya qilish boʻyicha

YOʻL XARITASI

T/r Chora-tadbirlar nomi Amalga oshirish shakli Ijro muddati Moliyalashtirish manbalari Masʼul ijrochilar 1. Madaniy meros agentligining markaziy apparati tuzilmasi va hududiy boshqarmalarining tuzilmalari, shtat jadvali hamda nizomlarini tasdiqlash. Amaliy chora-tadbirlar 2023-yil 1-iyul Madaniy meros agentligi 2. Madaniy meros sohasida jamoatchilik nazoratini kuchaytirish, madaniy meros obyektlari, muzeylar va muzey-qoʻriqxonalarda aholi uchun tezkor qayta aloqa tizimi (telegram bot, qisqa raqam, elektron portal)ni yoʻlga qoʻyish. Amaliy chora-tadbirlar 2023-yil 1-iyul Madaniy meros jamgʻarmasi Madaniy meros agentligi, Raqamli texnologiyalar vazirligi 3. Madaniy meros agentligi toʻgʻrisidagi nizomga oʻzgartirish va qoʻshimchalar kiritish. Vazirlar Mahkamasining qarori loyihasi 2023-yil 1-avgust Madaniy meros agentligi 4. Madaniy meros sohasida raqamlashtirish boʻyicha amalga oshirilgan ishlarni qayta koʻrib chiqish, raqamli resurslarni optimallashtirish va maqsadga muvofiqligi boʻyicha xulosa berish. Amaliy chora-tadbirlar 2023-yil 1-sentabr Madaniy meros sohasiga Davlat budjetidan ajratilgan mablagʻlar, Madaniy meros jamgʻarmasi Madaniy meros agentligi, Raqamli texnologiyalar vazirligi, Madaniyat va turizm vazirligi, Madaniyat va sanʼatni rivojlantirish jamgʻarmasi 5. Viloyat, tuman va shaharlar bosh rejalarining madaniy meros obyektlarini muhofaza qilishga oid talablarga muvofiqligi yuzasidan audit oʻtkazish. Amaliy chora-tadbirlar 2023-yil 1-sentabrdan boshlab reja asosida Madaniy meros agentligi, Qurilish va uy-joy kommunal xoʻjaligi vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 6. Restavratsiya mavsumining qisqaligini inobatga olib, Madaniy meros agentligining Madaniy meros obyektlari restavratsiyasi direksiyasi, Madaniy meros ilmiy-tadqiqot instituti hamda Ya. Gʻulomov nomidagi Samarqand arxeologiya instituti bilan tuzilgan toʻgʻridan-toʻgʻri shartnomalari Loyihalar va import kontraktlarini kompleks ekspertiza qilish markazi tomonidan unga soʻrovnoma kelib tushgan kundan boshlab besh kun muddatda koʻrib chiqilishini taʼminlash. Amaliy chora-tadbirlar 2023-yil iyun oyidan boshlab, doimiy Ushbu bandda belgilangan maqsadlar uchun ajratilgan mablagʻlar Loyihalar va import kontraktlarini kompleks ekspertiza qilish markazi, Madaniy meros agentligi, Iqtisodiyot va moliya vazirligi 7. Respublika bolalar kutubxonasini uning amaldagi moliyalashtirish manbalari, shtat birliklari va moddiy-texnika bazasini saqlab qolgan holda Maktabgacha taʼlim va maktab taʼlimi vazirligi tizimidan Madaniyat va sanʼatni rivojlantirish jamgʻarmasi tizimiga oʻtkazish. Amaliy chora-tadbirlar, zaruratga koʻra normativ-huquqiy hujjat loyihasi 2023-yil avgust Maktabgacha taʼlim va maktab taʼlimi vazirligi, Madaniyat va sanʼatni rivojlantirish jamgʻarmasi 8. Madaniy meros obyektlarini kino va seriallar tasvirga olish uchun lokatsiyalar sifatida hamda ularning tasvirlaridan pochta markalari va pochta varaqalarida foydalanish orqali keng targʻib qilish. Amaliy chora-tadbirlar 2023-yil oktabr oyidan boshlab, muntazam Ijrochilar mablagʻlari Madaniy meros agentligi, Madaniyat va turizm vazirligi, “Oʻzbekiston pochtasi” AJ, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 9. Oʻzbekiston bilan YUNESKOning hamkorligini rivojlantirish va Milliy komissiya faoliyatini qoʻllab-quvvatlash. Amaliy chora-tadbirlar, zaruratga koʻra normativ-huquqiy hujjat loyihasi 2023-yil 1-noyabr Madaniy meros agentligi, YUNESKO ishlari boʻyicha Milliy komissiya, Madaniyat va sanʼatni rivojlantirish jamgʻarmasi, Tashqi ishlar vazirligi 10. Oʻzbekiston muzeylari uyushmasini tuzish va Xalqaro muzeylar kengashi (ICOM)da milliy komissiya maqomini olishga koʻmaklashish. Amaliy chora-tadbirlar 2023-yil 1-noyabr Madaniy meros agentligi, Madaniyat va sanʼatni rivojlantirish jamgʻarmasi, Tashqi ishlar vazirligi, Adliya vazirligi 11. Oʻzbekiston Respublikasi Prezidentining 2023-yil 28-fevraldagi PF-27-son Farmoni bilan tasdiqlangan 2022 — 2026-yillarga moʻljallangan Yangi Oʻzbekistonning taraqqiyot strategiyasini “Insonga eʼtibor va sifatli taʼlim yili”da amalga oshirishga oid Davlat dasturining 237-bandiga muvofiq, 2024-yilda Ijodiy iqtisodiyot boʻyicha IV Butunjahon konferensiyasini (WCCE) oʻtkazish ishlarini jadallashtirish. Bunda: Toshkent shahrida Fransuz madaniyat markazi, Zamonaviy sanʼat markazi va 2 ta art-rezidensiyani ochish; xalqaro jamoatchilik uchun Oʻzbekiston ijodiy iqtisodiyotini birlashtiruvchi platforma sifatida Oʻzbekiston davlat sanʼat muzeyi yangi binosi loyihasining taqdimotini oʻtkazish; madaniyat va tadbirkorlik faoliyatining namunasi sifatida Abulqosim madrasasida ijodiy iqtisodiyot klasterini yaratish; ushbu bandda qayd etilgan obyektlarda tegishli qurilish-montaj ishlarini yakunlash choralarini koʻrishni nazarda tutish. Vazirlar Mahkamasining qarori loyihasi 2024-yil noyabr Davlat budjeti va qonunchilik hujjatlari bilan taqiqlanmagan boshqa manbalar Madaniyat va sanʼatni rivojlantirish jamgʻarmasi, Iqtisodiyot va moliya vazirligi, Toshkent shahri hokimligi, Qurilish va uy-joy kommunal xoʻjaligi vazirligi, Tashqi ishlar vazirligi, Madaniy meros agentligi 12. Madaniy meros sohasida xalqaro hamkorlikni rivojlantirish, shu jumladan, xalqaro tashkilotlar grantlarini jalb qilish, restavratsiya va saqlash boʻyicha malaka oshirish tadbirlarini amalga oshirish. Amaliy chora-tadbirlar 2023-yil noyabr oyidan boshlab, muntazam Madaniy meros jamgʻarmasi, qonunchilik hujjatlari bilan taqiqlanmagan boshqa manbalar Madaniy meros agentligi 13. Oʻzbekiston Respublikasi Prezidentining 2023-yil 28-fevraldagi PF-27-son Farmoni bilan tasdiqlangan 2022 — 2026-yillarga moʻljallangan Yangi Oʻzbekistonning taraqqiyot strategiyasini “Insonga eʼtibor va sifatli taʼlim yili”da amalga oshirishga oid Davlat dasturining 238-bandiga muvofiq, Oʻzbekiston tarixining tarixiy jang sanʼatini ilmiy oʻrganish va namoyish qilish orqali mamlakatning turistik salohiyatini yanada oshirish boʻyicha chora-tadbirlarni tarixiy-ilmiy, amaliy va aniq moliyalashtirish manbalari nuqtai nazaridan takomillashtirish. Normativ-huquqiy hujjat loyihasi 2023-yil 1-dekabr Davlat budjeti va qonunchilik hujjatlari bilan taqiqlanmagan boshqa manbalar Mudofaa vazirligi, Madaniyat va turizm vazirligi, Fanlar akademiyasi, Madaniy meros agentligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 14. Davlat budjetidan madaniy meros obyektlarida asrashga doir ishlarni amalga oshirish va ularning muhofazasini taʼminlash, ularni restavratsiya qilish va tiklash, shuningdek, arxeologiya ishlar uchun Madaniy meros agentligiga ajratiladigan mablagʻlarning yil davomida foydalanilmagan qismi har yili 20-dekabrga qadar Agentlik huzuridagi Madaniy meros jamgʻarmasiga oʻtkazilishini taʼminlash. Amaliy chora-tadbirlar 2023-yildan boshlab, har yili 20-dekabrga qadar Madaniy meros agentligi, Iqtisodiyot va moliya vazirligi 15. Oʻzbekiston Respublikasi davlat muzeylarida saqlanayotgan, koʻrgazma uchun chet ellarga olib chiqilmaydigan noyob osori-atiqalarning yangilangan roʻyxatini tasdiqlash. Vazirlar Mahkamasining qarori loyihasi 2024-yil 1-mart Madaniy meros agentligi, Madaniyat va sanʼatni rivojlantirish jamgʻarmasi 16. Moddiy madaniy meros koʻchmas mulk obyektlari atrofini obodonlashtirish, tozaligini saqlash, sanitar-gigiyenik shoxobchalarni tashkil qilish boʻyicha yagona minimal talablarni belgilash. Idoraviy normativ-huquqiy hujjat loyihasi 2024-yil 1-aprel Madaniy meros agentligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 17. Moddiy madaniy meros koʻchmas mulk obyektlarida inklyuziv sharoitlarni yaratish boʻyicha yagona minimal talablarni belgilash. Idoraviy normativ-huquqiy hujjat loyihasi 2024-yil 1-aprel Madaniy meros agentligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 18. Moddiy madaniy meros koʻchmas mulk obyektlari davlat reyestrini tasdiqlash. Bunda, obyektning toʻliq nomi, davri, toifasi, manzili, koʻchmas mulkka boʻlgan huquqini nazarda tutish. Vazirlar Mahkamasining qarori loyihasi 2024-yil 1-aprel Madaniy meros agentligi, Kadastr agentligi, Davlat aktivlarini boshqarish agentligi, Fanlar akademiyasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 19. Moddiy madaniy meros koʻchmas mulk obyektlariga virtual tur (360 darajadagi media materiallar) qilish imkonini yaratish va targʻib qilish. Amaliy chora-tadbirlar 2024-yil 1-sentabr Ijrochilar mablagʻlari Madaniy meros agentligi, Madaniyat va turizm vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 20. Xalqaro va mahalliy ekspertlarni jalb qilgan holda muzeylar sohasini rivojlantirish strategiyasini belgilash. Oʻzbekiston Respublikasi Prezidentining qarori loyihasi 2024-yil 1-noyabr Madaniy meros agentligi, Madaniyat va sanʼatni rivojlantirish jamgʻarmasi 21. Xalqaro va mahalliy ekspertlarni jalb qilgan holda, madaniy meros obyektlarini muhofaza qilish va ulardan foydalanish strategiyasini tasdiqlash. Oʻzbekiston Respublikasi Prezidentining qarori loyihasi 2024-yil 1-noyabr Madaniy meros agentligi, Madaniyat va sanʼatni rivojlantirish jamgʻarmasi 22. Moddiy madaniy meros koʻchmas mulk obyektlarining elektron pasporti va davlat kadastrini toʻliq shakllantirish hamda ularni Madaniy meros portaliga joylashtirish. Amaliy chora-tadbirlar 2024-yil 1-dekabr Madaniy meros sohasiga Davlat budjetidan ajratilgan mablagʻlar, Madaniy meros jamgʻarmasi Madaniy meros agentligi

Izoh: normativ-huquqiy va idoraviy hujjatlar huquqiy munosabatlarni tartibga solish predmeti va sohasiga qarab qayta koʻrib chiqilishi yoki yagona hujjatga birlashtirilishi mumkin. Ikki va undan ortiq bandlar birlashtirilganda, ularni ijro etish uchun belgilangan eng kech muddat ijro muddati etib belgilanadi.