“Toshkent davlat yuridik universitetida oʻqitishning modul tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomni tasdiqlash haqida”gi qarorga oʻzgartirish va qoʻshimchalar kiritish toʻgʻrisida (2780-5-son)

29.05.2023

Oʻzbekiston Respublikasi Oliy taʼlim, fan va innovatsiyalar vazirligi Oʻzbekiston Respublikasi Adliya vazirligining

Qarori

[Oʻzbekiston Respublikasi Adliya vazirligi tomonidan 2023-yil 29-mayda roʻyxatdan oʻtkazildi, roʻyxat raqami 2780-5]

Oʻzbekiston Respublikasi Prezidentining 2021-yil 23-martdagi PF-6191-son “Aholi va tadbirkorlik subyektlariga davlat xizmatlaridan foydalanishda yanada qulay sharoitlar yaratish, bu borada byurokratik toʻsiqlarni qisqartirish boʻyicha qoʻshimcha chora-tadbirlar toʻgʻrisida” Farmoni hamda 2021-yil 24-dekabrdagi PQ-60-son “Davlat oliy taʼlim muassasalarining akademik va tashkiliy-boshqaruv mustaqilligini taʼminlash boʻyicha qoʻshimcha chora-tadbirlar toʻgʻrisida”gi qaroriga muvofiq Oʻzbekiston Respublikasi Oliy taʼlim, fan va innovatsiyalar vazirligi hamda Adliya vazirligi qaror qiladi:

1. Oʻzbekiston Respublikasi Oliy va oʻrta maxsus taʼlim vazirligi va Adliya vazirligining 2016-yil 22-apreldagi 1-2016, 4-son “Toshkent davlat yuridik universitetida oʻqitishning modul tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomni tasdiqlash haqida”gi qaroriga (roʻyxat raqami 2780, 2016-yil 22-aprel) (Oʻzbekiston Respublikasi qonun hujjatlari toʻplami, 2016-y., 16-son, 172-modda) ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Oʻzbekiston Respublikasi oliy taʼlim, fan va innovatsiyalar vaziri I. ABDURAHMONOV

Toshkent sh.,

2023-yil 24-may,

5-q/q-son

Oʻzbekiston Respublikasi adliya vaziri A. TAShKULOV

Toshkent sh.,

2023-yil 27-may,

2-son

Oʻzbekiston Respublikasi Oliy taʼlim, fan va innovatsiyalar vazirligining 2023-yil 24-maydagi 5-q/q-son hamda Adliya vazirligining 2023-yil 27-maydagi 2-son qaroriga ILOVA

“Toshkent davlat yuridik universitetida oʻqitishning modul tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomni tasdiqlash haqida”gi qarorga kiritilayotgan oʻzgartirish va qoʻshimchalar

1. Qarorning muqaddimasidagi “Oʻzbekiston Respublikasi Prezidentining 2013-yil 28-iyundagi PQ-1990-son “Yuridik kadrlar tayyorlash tizimini yanada takomillashtirish chora-tadbirlari toʻgʻrisida”gi qarori ijrosi yuzasidan Oʻzbekiston Respublikasi Prezidentining 2011-yil 23-avgustdagi PQ-1602-son “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida”gi qarori” degan soʻzlar “Oʻzbekiston Respublikasi Prezidentining 2018-yil 13-apreldagi PQ-3666-son “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi qarori” degan soʻzlar bilan almashtirilsin.

2. Nizomda:

a) muqaddima quyidagi tahrirda bayon etilsin:

“Mazkur Nizom Toshkent davlat yuridik universitetida (bundan buyon matnda universitet deb yuritiladi) oʻqitishning kredit-modul tizimi sharoitlarida talabalar bilimini nazorat qilish tartibi va baholash mezonlarini belgilaydi.”;

b) 21-bandning ikkinchi xatboshisi va 56-banddagi “Oʻquv-uslubiy kengashi” degan soʻzlar “Akademik halollik kengashi” degan soʻzlar bilan almashtirilsin;

d) 22-bandning ikkinchi xatboshisi quyidagi tahrirda bayon etilsin:

“Yakuniy nazorat savollari boʻyicha ballar miqdori taqsimoti (baho foizi) universitet Akademik halollik kengashi qarori bilan tasdiqlanadi.”;

e) 30-band quyidagi tahrirda bayon etilsin:

“30. Yakuniy nazorat oʻtkazilayotgan auditoriyaga auditoriya rahbari va kuzatuvchilardan boshqa shaxslarning kirishi qatʼiyan taqiqlanadi. Yakuniy nazorat oʻtkazish jarayoni rektor, oʻquv ishlari boʻyicha prorektor, Oʻquv-uslubiy boshqarmasining va Taʼlim sifatini nazorat qilish boʻlimining rahbarlari hamda xodimlari, shuningdek dekanlar va ularning oʻrinbosarlari tomonidan nazorat qilib turilishi mumkin.”;

f) 31-bandning sakkizinchi xatboshisi quyidagi tahrirda bayon etilsin:

“yakuniy nazorat oʻtkazish qoidalarini buzgan talabalarni elektron taʼlim platformasida tegishli dalolatnoma tuzgan holda imtihondan chetlashtirish.”;

g) 371-bandning birinchi xatboshisi quyidagi tahrirda bayon etilsin:

“371. I yoki II guruh nogironligi boʻlgan talabaning mazkur Nizomda nazarda tutilgan yakuniy nazorat ishlarini kompyuterda bajarish imkoniyati mavjud boʻlmaganda u yakuniy nazorat davri boshlanishidan kamida ikki hafta oldin oʻquv ishlari boʻyicha prorektorga murojaat qiladi. Bunda, ushbu talabaning nogironligi toʻgʻrisidagi tibbiy maʼlumotnoma yoki tibbiy-ijtimoiy ekspert komissiyasining xulosasi Universitet tomonidan tegishli davlat organlari va tashkilotlaridan, shu jumladan “Elektron hukumat” tizimi idoralararo integratsiyalashuv platformasi yoki “Ijtimoiy xizmat” elektron platformasi orqali mustaqil ravishda olinadi. Mazkur bandda nazarda tutilgan talabalar yakuniy nazoratni ogʻzaki imtihon shaklida komissiyaga topshiradi.”;

h) 40-bandda:

uchinchi xatboshi quyidagi tahrirda bayon etilsin:

“Yakuniy nazorat ishlarini tekshirish yakuniy nazorat imtihonlari yakunlangan kundan boshlab 15 ish kuni ichida amalga oshiriladi. Zaruratga koʻra (internet tarmogʻida yoki elektron taʼlim platformasida texnik nosozlik yuz berganda) ushbu muddat universitet rektori tomonidan 5 ish kunigacha uzaytirilishi mumkin.”;

quyidagi mazmundagi xatboshi bilan toʻldirilsin:

“Yakuniy nazorat ishlarini tekshirish muddati yakunlangan kundan boshlab 1 ish kuni ichida natijalar elektron taʼlim platformasida eʼlon qilinadi.”;

i) 46-bandning toʻrtinchi va beshinchi xatboshilaridagi “Oʻquv-uslubiy kengash” degan soʻzlar “Akademik halollik kengashi” degan soʻzlar bilan almashtirilsin;

j) 49-bandda:

ikkinchi xatboshi quyidagi tahrirda bayon etilsin:

“Oraliq nazorat boʻyicha qoʻyilgan balldan norozi boʻlgan talabalar baho eʼlon qilingandan boshlab 72 soat davomida elektron taʼlim platformasi orqali apellatsiya shikoyati berishlari mumkin. Bunda, talabalar oʻquv dasturidagi baholash mezonlariga asoslanib apellatsiya shikoyatida oʻqituvchining taqriziga shikoyat bildirishi lozim.”;

quyidagi mazmundagi uchinchi xatboshi bilan toʻldirilsin:

“Zaruratga koʻra (internet tarmogʻida yoki elektron taʼlim platformasida texnik nosozlik yuz berganda, talaba betobligi tufayli platformaga apellatsiya shikoyatini yuklay olmay qolganda) ushbu muddat universitet rektori tomonidan 72 soatgacha uzaytirilishi mumkin.”;

uchinchi — oʻn toʻrtinchi xatboshilar tegishli ravishda toʻrtinchi — oʻn beshinchi xatboshilar deb hisoblansin;

oltinchi xatboshi quyidagi tahrirda bayon etilsin:

“Yakuniy nazorat boʻyicha qoʻyilgan balldan norozi boʻlgan talabalar baho eʼlon qilingandan boshlab 72 soat davomida elektron taʼlim platformasi orqali apellatsiya shikoyatini berishlari mumkin. Bunda, talabalar oʻquv dasturidagi baholash mezonlariga asoslanib apellatsiya shikoyatida oʻqituvchining taqriziga shikoyat bildirishi lozim.”;

quyidagi mazmundagi yettinchi xatboshi bilan toʻldirilsin:

“Zaruratga koʻra (internet tarmogʻida yoki elektron taʼlim platformasida texnik nosozlik yuz berganida, talaba betobligi tufayli platformaga apellatsiya shikoyatini yuklay olmay qolganda) ushbu muddat universitet rektori tomonidan 72 soatgacha uzaytirilishi mumkin.”;

yettinchi — oʻn beshinchi xatboshilar tegishli ravishda sakkizinchi — oʻn oltinchi xatboshilar deb hisoblansin;

k) 54-bandda:

“v” kichik bandning birinchi xatboshisidagi “55” raqami “56” raqami bilan almashtirilsin;

“d” kichik bandi toʻrtinchi xatboshisidagi “Oʻquv-uslubiy kengash” degan soʻzlar “Akademik halollik kengashi” degan soʻzlar bilan almashtirilsin;

l) 61-band quyidagi tahrirda bayon etilsin:

“61. Oʻquv mashgʻulotlarida kasalligi yoki hujjat bilan tasdiqlangan boshqa uzrli sabablar tufayli (yoʻl-transport hodisasi, yaqin qarindoshining vafoti, yaqin qarindoshining yoki talabaning nikoh tuzishi, farzand tugʻilishi, fan, madaniyat va sport sohalaridagi xalqaro hamda respublika tanlovlari va musobaqalarida, harbiy kafedra mashgʻulotlarida ishtirok etganlik, universitetning elektron taʼlim platformasida yuzaga kelgan texnik nosozlik) ishtirok etmagan va shu sababli oraliq yoki yakuniy nazoratni belgilangan muddatda topshirmagan talabaga uning arizasi hamda ilova qilingan asoslantiruvchi hujjatlarga muvofiq fakultet dekani tomonidan oʻquv ishlari boʻyicha prorektor bilan kelishilgan holda oraliq yoki yakuniy nazoratni topshirishga ruxsat beriladi.

Bunda, talaba fakultet dekani nomiga oraliq yoki yakuniy nazoratni topshirishga ruxsat berishni soʻrab, uzrli sabablar (holatlar) bartaraf etilgan vaqtdan boshlab 15 ish kuni ichida ariza bilan murojaat qilishi lozim.”;

m) 71-banddagi “Oʻquv-uslubiy kengashda” degan soʻzlar “Akademik halollik kengashida” degan soʻzlar bilan almashtirilsin;

n) 72-banddagi “Oʻquv-uslubiy kengashda” degan soʻzlar “Akademik halollik kengashida” degan soʻzlar bilan almashtirilsin.