“Sogʻlom avlod uchun” hukumatga qarashli boʻlmagan xalqaro xayriya jamgʻarmasini korxonalari, birlashmalari, tashkilotlariga imtiyozli soliq solish toʻgʻrisida (61-son)

08.02.1994

Oʻzbekiston Respublikasi Vazirlar Mahkamasining

qarori

“Sogʻlom avlod uchun” jamgʻarmasining xayriya faoliyatini kengaytirish maqsadida Vazirlar Mahkamasi qaror qiladi:

3. “Sogʻlom avlod uchun” jamgʻarmasi markaziy apparati xodimlari tomonidan xizmat vazifalarini bajarish chogʻida yoʻlovchilar tashish transportidan (taksidan tashqari) bepul foydalanish huquqi toʻgʻrisida ilova qilinayotgan Nizom tasdiqlansin

4. Ushbu qarorning bajarilishini nazorat qilish Ijtimoiy masalalar, fan va madaniyat majmuiga yuklansin.

Oʻzbekiston Respublikasining Bosh vaziri A. MUTALOV

Toshkent sh.,

1994-yil 8-fevral,

61-son

Vazirlar Mahkamasining 1994-yil 8-fevraldagi 61-son qarori bilan TASDIQLANGAN

“Sogʻlom avlod uchun” hukumatga qarashli boʻlmagan Xalqaro xayriya jamgʻarmasi markaziy apparati xodimlari tomonidan jamoat transportidan (taksidan tashqari) bepul foydalanish huquqi toʻgʻrisida

NIZOM

I. UMUMIY QOIDALAR

1. Ushbu Nizom Oʻzbekiston Respublikasi Vazirlar Mahkamasining “Sogʻlom avlod uchun” hukumatga qarashli boʻlmagan xalqaro xayriya jamgʻarmasining takliflari toʻgʻrisida” 1993-yil 28-oktabrdagi 524-sonli qaroriga muvofiq ishlab chiqilgan.

2. Nizom “Sogʻlom avlod uchun” hukumatga qarashli boʻlmagan Xalqaro xayriya jamgʻarmasi markaziy apparati masʼul xodimlari tomonidan yoʻlovchilar tashish transportidan bepul foydalanish tartibini belgilaydi.

II. BEPUL YuRISh HUQUQIDAN FOYDALANUVChI XODIMLAR TOIFASI

3. Jamgʻarma markaziy apparatining masʼul xodimlari, agar ular xizmat vazifalarini bajarayotgan boʻlishsa, jamoat transportida bepul yurish huquqiga egadirlar.

III. BEPUL YuRISh HUQUQI TAALLUQLI BOʻLGAN JAMOAT TRASPORTI TURLARI

4. Jamgʻarmaning markaziy apparati xodimlari quyidagilarda bepul yurish huquqiga egadirlar:

“Oʻzbekiston havo yoʻllari” milliy avikompaniyasining Oʻzbekiston Respublikasi doirasida xizmat koʻrsatadigan avia yoʻllarida.

Xalqaro yoʻnalishlarda imtiyozli yurish huquqi, alohida hollarda, jamgʻarmaning bir martalik talabnomalari boʻyicha beriladi;

Oʻzbekiston Respublikasi doirasida temir yoʻlda yurish huquqi, alohida hollarda, Jamgʻarmaning bir martalik talabnomalari boʻyicha beriladi;

Xalqaro yoʻnalishlarda imtiyozli yurish huquqi, alohida hollarda, jamgʻarmaning bir martalik talabnomalari boʻyicha beriladi;

Oʻzbekiston Respublikasi doirasida shaharlar atrofida va shaharlararo yoʻnalishdagi avtobus transportida;

5. Avia yoʻllarda va temir yoʻlda “Oʻzbekiston havo yoʻllari” milliy avikompaniyasi hamda Oʻrta Osiyo yoʻl boshqarmasi tomonidan, Jamgʻarma boshqaruvi tasdiqlagan familiyali roʻyxat boʻyicha beriladigan chiptalar bilan yuritiladi.

6. Shahar transportida xizmat guvohnomasini koʻrsatgan holda va Jamgʻarma talabnomasi boʻyicha “Toshshaharyoʻlovchitrans” davlat uyushmasi tomonidan berilgan suqma varaq mavjud boʻlgan taqdirda yuriladi.