Maktabgacha va maktab taʼlimi vazirligi hamda uning tizimidagi tashkilotlar faoliyatini samarali tashkil etish chora-tadbirlari toʻgʻrisida (PF-79-son)

26.05.2023

Oʻzbekiston Respublikasi Prezidentining

Farmoni

Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmoni ijrosini taʼminlash maqsadida:

1. Quyidagilar:

Maktabgacha va maktab taʼlimi vazirligi faoliyatining ustuvor yoʻnalishlari 1-ilovaga muvofiq;

Maktabgacha va maktab taʼlimi vazirligi tizimida amalga oshirilayotgan tashkiliy oʻzgarishlar dasturi 2-ilovaga muvofiq;

Maktabgacha va maktab taʼlimi vazirligining tashkiliy tuzilmasi 3-ilovaga muvofiq;

Ixtisoslashtirilgan taʼlim muassasalari agentligining tashkiliy tuzilmasi 5-ilovaga muvofiq;

Maktabgacha va maktab taʼlimi sohasida islohotlarni chuqurlashtirish va tizim faoliyatini transformatsiya qilish boʻyicha “yoʻl xaritasi” 6-ilovaga muvofiq;

Maktabgacha va maktab taʼlimi vazirligi hamda uning tizimidagi tashkilotlarning xususiy sektorga oʻtkaziladigan funksiyalari roʻyxati 7-ilovaga muvofiq tasdiqlansin.

2. Maktabgacha va umumiy oʻrta taʼlimni yangi bosqichga olib chiqish, uning sifatini oshirish hamda taʼlim dasturlarini takomillashtirish maqsadida shunday tartib oʻrnatilsinki, unga muvofiq 2023/2024 oʻquv yilidan boshlab bosqichma-bosqich:

umumiy oʻrta taʼlim muassasalarining 1 — 4-sinflarida oʻquvchilarga boshlangʻich, 5 — 9-sinflarida tayanch hamda 10-11-sinf oʻquvchilarining qiziqish va qobiliyatiga mos boʻlgan bilimlarni berishga yoʻnaltirilgan oʻquv dasturlari va oʻquv-metodik majmualar joriy etiladi;

umumiy oʻrta taʼlim dasturlari va oʻquv-metodik majmualarning fanlararo va sinflararo integratsiyasi taʼminlanadi;

bilimni baholashning yangi tartibi joriy etiladi va uning doirasida oʻqituvchi tomonidan oʻquvchilarning oʻtilgan mavzuni amaliyotda qoʻllay bilish, tanqidiy fikrlash va berilgan materialni tahlil qila olish kabi koʻnikmalari baholanadi;

umumiy oʻrta taʼlim muassasalarining boshlangʻich sinflarida informatika fani, oʻrta sinflarda esa oʻquvchilarning moliyaviy savodxonligini oshirishga qaratilgan darslar joriy etiladi;

barcha fanlar boʻyicha amaliy mashgʻulotlar ulushi 60 foizga yetkaziladi. Bunda, darslardagi mavzular aniq muammoni hal qilish orqali oʻrgatiladi, amaliyot darslari esa loyihani bajarish shaklida oʻtkaziladi.

3. Belgilansinki, maktabgacha, umumiy oʻrta va maktabdan tashqari taʼlim tashkilotlarini malakali pedagog kadrlar bilan taʼminlash maqsadida:

a) 2024-yil 1-yanvardan boshlab umumiy oʻrta taʼlim muassasalarining pedagogik kasblariga birinchi marta ishga qabul qilinayotgan talabgorlarni kasbiy sertifikatlash tizimi joriy etiladi. Bunda:

2023/2024 oʻquv yilidan boshlab pedagogik kasblarga birinchi marta ishga qabul qilinadigan oliy maʼlumotli talabgorlar stajyor-oʻqituvchi sifatida faoliyat yuritadi va ular ishga qabul qilingan vaqtdan boshlab bir yil muddat davomida kasbiy sertifikatga ega boʻlishi talab etiladi;

stajyor-oʻqituvchilarga ular kasbiy sertifikat olguniga qadar oliy maʼlumotli (toifasiz) oʻqituvchining bazaviy tarif stavkasi qoʻllaniladi;

b) 2024-yil 1-yanvardan boshlab davlat maktabgacha, umumiy oʻrta va maktabdan tashqari taʼlim tashkilotlari pedagog kadrlariga malaka toifasini berishning yangi tartibi joriy qilinadi. Bunda:

malaka toifasini olish boʻyicha sinovlar bir yilda kamida bir marotaba ikki bosqichda oʻtkaziladi hamda birinchi bosqichda talabgorning mutaxassislik fani va kasb standarti boʻyicha bilim darajasi, ikkinchi bosqichda –– pedagogik mahorati baholanadi;

malaka toifasi berishning yangi tartibi joriy qilinguniga qadar malaka toifasini olish boʻyicha sinovlarni oʻtkazishga moratoriy joriy etiladi;

moratoriy davomida pedagog kadrlar navbatdagi malaka toifasini olish sinovlariga jalb etilmaydi hamda ularning malaka toifasini tasdiqlovchi sertifikatning amal qilish muddati navbatdagi sinovlarga jalb qilinguniga qadar avtomatik ravishda uzaytiriladi;

v) 2025-yil 1-yanvarga qadar malaka toifalarini berish tizimini vakolatli xorijiy tashkilotlarning akkreditatsiyasidan oʻtkazish orqali pedagog kadrlarga xalqaro standartlar asosida malaka sertifikatini berish amaliyoti yoʻlga qoʻyiladi.

Bunda, xalqaro standartlar asosida malaka sertifikatini olgan pedagog kadrlarga tarif stavkalarining amaldagi miqdorlariga nisbatan 70 foiz miqdorida qoʻshimcha haq toʻlanadi;

g) pedagog kadrlarning “elektron portfoliosi” shakllantirib boriladi va unga oʻqituvchilarning malaka darajasi, kasbiy rivojlanish natijalari va pedagogik faoliyati davomida erishgan yutuqlari kiritiladi;

d) ixtisoslashtirilgan maktablar umumiy oʻrta taʼlim muassasalari uchun “tayanch maktab” etib belgilanadi.

Bunda, umumiy oʻrta taʼlim muassasalari oʻqituvchilari “tayanch maktablar” tomonidan yangi taʼlim dasturlari, dars oʻtishning ilgʻor metodikalari va oʻquvchi bilimini baholashning zamonaviy usullariga oʻrgatiladi;

e) 2024-yil 1-iyundan boshlab davlat maktabgacha taʼlim tashkilotlarining oliy maʼlumotli tarbiyachi va oʻqituvchilarining bazaviy tarif stavkalari umumiy oʻrta taʼlim muassasalarining tegishli pedagog xodimlari bazaviy tarif stavkalarining amaldagi miqdorlariga tenglashtiriladi.

4. Shunday tartib oʻrnatilsinki, unga muvofiq:

a) 2023-yil 1-sentabrdan boshlab:

umumiy oʻrta taʼlim muassasalari direktorlariga oʻz oʻrinbosarlarini ishga qabul qilish va ishdan boʻshatish masalalarini mustaqil hal qilish huquqi beriladi;

tuman (shahar) maktabgacha va maktab taʼlimi boʻlimlarining umumiy oʻrta taʼlim muassasalari faoliyatini tekshirish va taʼlim sifatini baholash boʻyicha vakolatlari bekor qilinadi;

Qoraqalpogʻiston Respublikasi, viloyatlar va Toshkent shahrida eng tajribali umumiy oʻrta taʼlim muassasalari direktorlaridan iborat boʻlgan Direktorlar kengashlari tuziladi;

umumiy oʻrta taʼlim muassasalari direktorlarini lavozimiga tayinlash Direktorlar kengashi tavsiyasiga asosan Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahri maktabgacha va maktab taʼlimi boshqarmalari (keyingi oʻrinlarda –– hududiy boshqarmalar) tomonidan ochiq tanlov asosida amalga oshiriladi;

b) 2024-yil 1-yanvardan boshlab umumiy oʻrta taʼlim muassasalari direktorlarini har besh yilda bir marotaba kasbiy sertifikatsiyalash tizimi joriy etiladi. Bunda, sertifikatsiyadan oʻta olmagan direktorlar belgilangan tartibda lavozimidan ozod etiladi.

5. Maktabgacha va maktab taʼlimi vazirligi (X. Umarova) 2023-yil 1-dekabrga qadar hududiy boshqarmalarning boshliqlariga shartnomaviy-huquqiy asosda maslahatchi sifatida xorijiy mutaxassislarni jalb qilsin.

Belgilansinki:

hududiy boshqarmalar boshliqlarining xorijiy maslahatchilariga Prezident maktablarining xorijiy mutaxassislariga nisbatan joriy etilgan mehnatga haq toʻlash shartlari qoʻllaniladi va bu bilan bogʻliq boʻlgan xarajatlar Taʼlim sohasidagi islohotlarga koʻmaklashish jamgʻarmasi mablagʻlari hisobidan moliyalashtiriladi;

Maktabgacha va maktab taʼlimi vazirligi tizimi hamda maktabgacha, umumiy oʻrta va maktabdan tashqari taʼlim tashkilotlarida faoliyat koʻrsatish uchun jalb qilingan xorijiy mutaxassislar Oʻzbekiston Respublikasida xorijiy ishchi kuchini jalb etish va undan foydalanish uchun amalga oshiriladigan toʻlovlardan ozod etiladi.

6. Quyidagilar bekor qilinsin:

umumiy oʻrta taʼlim muassasalarida maʼnaviy-maʼrifiy ishlar boʻyicha direktor oʻrinbosarlari lavozimiga kadrlarni tayinlashda tuman (shahar) maʼnaviyat va maʼrifat markazi tomonidan tavsiya berish amaliyoti;

umumiy oʻrta taʼlim muassasalarida jismoniy tarbiya fani oʻqituvchilarini ishga qabul qilishda sport sohasidagi vakolatli davlat organining hududiy boʻlimlari hamda sport maktablari metodistlari tomonidan yoʻllanma berish tartibi.

7. Belgilansinki:

a) nodavlat taʼlim tashkilotlari tarmogʻini kengaytirish, sohada litsenziyalash va ruxsat berish tartib-taomillaridagi byurokratik toʻsiqlarni bartaraf etish maqsadida 2023-yil 1-oktabrdan boshlab:

nodavlat maktabgacha va umumiy oʻrta taʼlim tashkilotlari faoliyatini tashkil qilishda oʻqituvchilarning toifalari hamda bitta sinfda taʼlim oluvchilarning maksimal soniga qoʻyilgan talablar yengillashtiriladi;

nodavlat maktabgacha, umumiy oʻrta va maktabdan tashqari taʼlim tashkilotlariga sport zalni ularga ijara va tekin foydalanish huquqi asosida tegishli boʻlgan hamda belgilangan talablarga javob beradigan binolarda ham tashkil etishga ruxsat etiladi;

Maktabgacha va maktab taʼlimi vazirligi hamda uning hududiy boʻlinmalari tomonidan nodavlat taʼlim tashkilotlari faoliyatini tekshirish vakolatli organni xabardor qilish tartibida amalga oshiriladi;

b) sohada axborot-kommunikatsiya texnologiyalarini keng joriy etish, shu jumladan tizim tashkilotlarida ish jarayonini raqamlashtirish maqsadida 2024-yil 1-yanvardan boshlab:

bola tugʻilganidan soʻng, yashash joyi manzilidagi mikrohududga biriktirilgan umumiy oʻrta taʼlim muassasasida onlayn hisobga qoʻyiladi;

umumiy oʻrta taʼlim muassasalarining har oʻquv yili uchun qabul rejasi “my.maktab.uz” elektron platformasida shakllantiriladi.

8. Maktabgacha va maktab taʼlimi vazirligi (X. Umarova) oʻquvchilarning boʻsh vaqtlarini mazmunli tashkil qilish maqsadida 2023/2024 oʻquv yilidan boshlab:

“Sirdaryo tajribasi” asosida har bitta hududda bittadan zamonaviy “Barkamol avlod” bolalar maktablarini tashkil qilsin, ularda kasb-hunarga va xorijiy tillarga oʻrgatish toʻgaraklarini, shuningdek, kutubxona faoliyatini yoʻlga qoʻysin;

“Barkamol avlod” bolalar maktablarida xususiy sektorni jalb qilgan holda zamonaviy toʻgaraklarni tashkil qilsin;

“Barkamol avlod” bolalar maktablari aʼzolarining xorijiy tillarni bilish darajasini baholovchi xalqaro imtihonlarga tayyorlovchi toʻgaraklar faoliyatini yoʻlga qoʻysin.

9. Budjet mablagʻlaridan maqsadli va oqilona foydalanish, davlat xaridlari shaffofligini oshirish maqsadida:

2023-yil 1-iyuldan boshlab umumiy oʻrta taʼlim muassasalarining budjetdan tashqari jamgʻarmalari mablagʻlarini shakllantirish va ulardan foydalanish boʻyicha belgilangan tartib davlat maktabgacha va ixtisoslashtirilgan taʼlim tashkilotlari uchun ham tatbiq etilsin;

2024-yil 1-yanvardan boshlab markazlashtirilgan moliya-buxgalteriya xizmati xodimlarining bazaviy tarif stavka miqdorlari 1,5 baravarga oshirilsin.

10. Quyidagilar:

faoliyati tugatilgan Xorijiy tillarni oʻrganishni ommalashtirish agentligining budjetdan tashqari jamgʻarmasidagi mavjud mablagʻlarning 100 foizi –– Taʼlim sohasidagi islohotlarga koʻmaklashish jamgʻarmasiga, mol-mulklari –– operativ boshqaruv huquqi asosida Maktabgacha va maktab taʼlimi vazirligiga;

faoliyati tugatilgan Taʼlim sifatini nazorat qilish davlat inspeksiyasining bino va inshootlari tegishli mol-mulki bilan birga –– operativ boshqaruv huquqi asosida Maktabgacha va maktab taʼlimi vazirligiga oʻtkazilsin.

12. Oʻzbekiston Respublikasi Prezidentining ayrim hujjatlariga 8-ilovaga muvofiq oʻzgartirish va qoʻshimchalar kiritilsin.

13. Oʻzbekiston Respublikasi Prezidentining ayrim hujjatlari 9-ilovaga muvofiq oʻz kuchini yoʻqotgan deb hisoblansin.

14. Maktabgacha va maktab taʼlimi vazirligi Adliya vazirligi bilan birgalikda uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

15. Mazkur Farmonning ijrosini samarali tashkil qilishga masʼul va shaxsiy javobgar etib maktabgacha va maktab taʼlimi vaziri X.U. Umarova hamda Ixtisoslashtirilgan taʼlim muassasalari agentligi direktori A.T. Ubbiyev belgilansin.

Farmon ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov hamda Oʻzbekiston Respublikasi Prezidentining maslahatchisi O.Q. Abduraxmanov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 26-may,

PF-79-son

Oʻzbekiston Respublikasi Prezidentining 2023-yil 26-maydagi PF-79-son Farmoniga 1-ILOVA

Maktabgacha va maktab taʼlimi vazirligi faoliyatining ustuvor yoʻnalishlari

Quyidagilar Maktabgacha va maktab taʼlimi vazirligi faoliyatining ustuvor yoʻnalishlari hisoblanadi:

a) maktabgacha, umumiy oʻrta va maktabdan tashqari taʼlim sohasida yagona davlat siyosatini ishlab chiqish va amalga oshirish, oʻquv va tarbiya jarayonlarining oʻzaro mustahkam aloqasi va uzluksizligini taʼminlash;

b) oʻquv va tarbiya jarayoniga xalqaro talablar asosida ishlab chiqilgan oʻquv reja, dastur va oʻquv-metodik majmualar va zamonaviy pedagogik texnologiyalarni joriy qilish;

v) oʻquvchilar va tarbiyalanuvchilarni umuminsoniy qadriyatlar, yuksak maʼnaviyat, vatanparvarlik va insonparvarlik ruhida tarbiyalash, ularning qalbi va ongiga mustaqillik gʻoyalarini yanada chuqur singdirish hamda yot gʻoyalarga qarshi immunitetini shakllantirish;

g) iqtidorli yoshlarni aniqlash, saralab olish va ularning har tomonlama rivojlanishi uchun zarur shart-sharoitlarni yaratish, oʻquvchilarning umumtaʼlim fanlari boʻyicha xalqaro olimpiadalar, tanlovlar va musobaqalarda munosib ishtirokini taʼminlash;

d) pedagog kadrlarning kasbiy bilim va koʻnikmalarini oshirish va baholash, maqomi hamda obroʻsini mustahkamlash, ularning moddiy va maʼnaviy ragʻbatlantirilishi, shuningdek, ijtimoiy muhofaza qilinishini tashkil etish;

e) maktabgacha, umumiy oʻrta va maktabdan tashqari taʼlim sohasida nodavlat taʼlim xizmatlari sektorini yanada qoʻllab-quvvatlash, uning har tomonlama rivojlanishi uchun qulay shart-sharoitlar yaratish;

j) maktabgacha, umumiy oʻrta va maktabdan tashqari taʼlim jarayonlarini raqamlashtirish va mazkur sohalardagi davlat xizmatlarini kengaytirish;

z) maktabgacha, umumiy oʻrta va maktabdan tashqari taʼlim (shu jumladan, chet tillarini oʻrgatish) sohasida litsenziyalash, ruxsat berish va xabardor qilish tartib-taomillarini amalga oshirish, mazkur yoʻnalishda faoliyat yuritayotgan taʼlim tashkilotlar tomonidan sifatli taʼlim berilishini taʼminlash.

Oʻzbekiston Respublikasi Prezidentining 2023-yil 26-maydagi PF-79-son Farmoniga 2-ILOVA

Maktabgacha va maktab taʼlimi vazirligi tizimida amalga oshirilayotgan tashkiliy oʻzgarishlar

DASTURI

T/r Tashkilotning amaldagi toʻliq (rasmiy) nomi Amalga oshirilayotgan tashkiliy oʻzgarishlar Amalga oshirilayotgan tashkiliy oʻzgarishlarga oid qoidalar va izohlar 1. Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari, Toshkent shahri xalq taʼlimi bosh boshqarmasi. Negizida Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahri maktabgacha va maktab taʼlimi boshqarmalari tashkil qilinmoqda. Maktabgacha va maktab taʼlimi vazirligining hududiy boʻlinmalaridagi metodistlarga Xalq taʼlimi vazirligining hududiy boʻlinmalaridagi metodistlar uchun amalda boʻlgan bazaviy tarif stavkalari qoʻllanadi. 2. Qoraqalpogʻiston Respublikasi Maktabgacha taʼlim vazirligi, viloyatlar maktabgacha taʼlim boshqarmalari, Toshkent shahri maktabgacha taʼlim bosh boshqarmasi. 3. Prezident taʼlim muassasalari agentligining Qoraqalpogʻiston Respublikasi va viloyatlardagi hududiy boʻlimlari. 4. Maktabgacha va maktab taʼlimi vazirligi huzuridagi Respublika maqsadli kitob jamgʻarmasi. Maktabgacha va maktab taʼlimi vazirligi huzuridagi Respublika maqsadli kitob jamgʻarmasi faoliyati tugatilmoqda. 2022/2023 oʻquv yilidan boshlab maktab darsliklarining ijara toʻlovi toʻliq Davlat budjeti mablagʻlari hisobidan qoplash hamda oʻquvchilarga darsliklarni bepul foydalanishga berish tizimi joriy qilinganligi munosabati bilan budjetdan tashqari Respublika maqsadli kitob jamgʻarmasi faoliyati tugatiladi. Bunda, Respublika maqsadli kitob jamgʻarmasining barcha funksiyalari Maktabgacha va maktab taʼlimi vazirligiga oʻtkazilib, Davlat budjeti hisobidan ushbu maqsadlar uchun ajratiladigan mablagʻlar alohida shaxsiy gʻazna hisobvaragʻida yuritish orqali mustaqil tasarruf etiladi. 5. Maktabgacha va maktab taʼlimi vazirligi huzuridagi yuridik shaxs maqomiga ega boʻlmagan Xalq taʼlimi sohasidagi islohotlarga koʻmaklashish jamgʻarmasi. Maktabgacha va maktab taʼlimi vazirligi huzurida yuridik shaxs maqomiga ega boʻlmagan Taʼlim sohasidagi islohotlarga koʻmaklashish jamgʻarmasi etib qayta nomlanmoqda. Taʼlim sohasidagi islohotlarga koʻmaklashish jamgʻarmasi hamda Maktabgacha va maktab taʼlimi xodimlarini ragʻbatlantirish jamgʻarmalari ularning nizomi tasdiqlanguniga qadar oʻz faoliyatini amaldagi tartibga muvofiq amalga oshiradi. Zarur hollarda maktabgacha va maktab taʼlimi tizimini rivojlantirish hamda tizim xodimlarini moddiy ragʻbatlantirish maqsadida Taʼlim sohasidagi islohotlarga koʻmaklashish jamgʻarmasiga Iqtidorli yoshlarni qoʻllab-quvvatlash jamgʻarmasi hamda Maktabgacha taʼlimni rivojlantirish jamgʻarmasidan zarur mablagʻlarni jalb qilishga ruxsat etiladi. 6. Tuman (shahar) xalq taʼlimi boʻlimlari huzuridagi yuridik shaxs maqomiga ega boʻlmagan Xalq taʼlimi xodimlarini ragʻbatlantirish jamgʻarmalari. Tuman (shahar) maktabgacha va maktab taʼlimi boʻlimlari huzuridagi yuridik shaxs maqomiga ega boʻlmagan Maktabgacha va maktab taʼlimi xodimlarini ragʻbatlantirish jamgʻarmalari etib qayta nomlanmoqda.

Oʻzbekiston Respublikasi Prezidentining 2023-yil 26-maydagi PF-79-son Farmoniga 3-ILOVA

Maktabgacha va maktab taʼlimi vazirligining tashkiliy tuzilmasi

Maktabgacha va maktab taʼlimi vazirligi Respublika taʼlim markazi A. Avloniy nomidagi pedagogik mahorat milliy instituti “Boshlangʻich taʼlim” jurnali tahririyati” davlat korxonasi, “Til va adabiyot taʼlimi”, “Prepodavaniye yazika i literaturi”, “Language and literature teaching” jurnallari tahririyati” davlat korxonasi, “Maʼrifat” va “Uchitel Uzbekistana” gazetalari tahririyati, “Xalq taʼlimi” jurnali tahririyati” davlat korxonasi, “Tong yulduzi” gazetasi tahririyati, “Klass” gazetasi tahririyati, “Gʻuncha” jurnali tahririyati, “Gulxan” jurnali tahririyati, “Ilk Qadam” (IQ) jurnali tahririyati” DUK “Taʼminot va logistika xizmati” DUK Nizomiy nomidagi Toshkent davlat pedagogika universiteti va uning huzuridagi akademik litsey, Toshkent shahridagi Puchon universiteti, Oliy taʼlim muassasalari pedagog kadrlarini qayta tayyorlash va ularning malakasini oshirish tarmoq markazi, Namangan va Xoʻjayli xizmat koʻrsatish va servis texnikumlari, Qori Niyoziy nomidagi Tarbiya pedagogikasi milliy instituti va uning Qoraqalpogʻiston Respublikasi filiali, pedagogika kollejlari, eksperimental davlat maktabgacha taʼlim tashkilotlari, nodavlat maktabgacha taʼlim tashkilotlari Maktabgacha taʼlim tashkilotlari direktor va mutaxassislarini qayta tayyorlash va ularning malakasini oshirish instituti “Axborot va pedagogika texnologiyalari innovatsion markazi” MCHJ Pedagogik mahorat markazlari “Oʻzbekiston” nashriyot-matbaa ijodiy uyi” MCHJ, “Gʻafur Gʻulom nomidagi nashriyot-matbaa ijodiy uyi” MCHJ Oʻquvchilarni kasb-hunarga yoʻnaltirish va psixologik-pedagogik respublika tashxis markazi “Imkon” reabilitatsiya markaziga ega davlat koʻp tarmoqli ixtisoslashtirilgan maktabgacha taʼlim tashkilotlari*, “Mehrli maktab” davlat taʼlim muassasasi, Respublika sogʻlomlashtirish oromgohi “Barkamol avlod” respublika bolalar maktabi Respublika oʻquvchi yoshlar markazi Oʻzbekiston “Yoshlik” jismoniy tarbiya va sport jamiyati Ixtisoslashtirilgan loyiha-izlanish instituti Respublika oʻgʻil bolalar oʻquv-tarbiya muassasasi*,Respublika qiz bolalar oʻquv-tarbiya muassasasi* Jahon banki bilan hamkorlikda “Bolalarni erta yoshdan rivojlantirishni takomillashtirish” loyihasini amalga oshirish guruhi Taʼlim sohasidagi islohotlarga koʻmaklashish jamgʻarmasi Ixtisoslashtirilgan taʼlim muassasalari agentligi Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahar maktabgacha va maktab taʼlimi boshqarmalari Hududiy boshqarmalar tasarrufidagi umumiy oʻrta va maktabdan tashqari taʼlim muassasalari Qoraqalpogʻiston Respublikasi Taʼlim markazi Bolalar kutubxonalari Tuman (shahar) maktabgacha va maktab taʼlimi boʻlimlari Umumiy oʻrta taʼlim tashkilotlari Maktabgacha taʼlim tashkilotlari “Yangi avlod” maktabgacha taʼlim tashkilotlari Maktabdan tashqari taʼlim tashkilotlari

* Oʻzbekiston Respublikasi Prezidentining 2023-yil 1-iyundagi “Aholiga sifatli ijtimoiy xizmat va yordam koʻrsatish hamda uning samarali nazorat tizimini yoʻlga qoʻyish boʻyicha kompleks chora-tadbirlar toʻgʻrisida”gi PF-82-son Farmoniga muvofiq 2024-yil 1-avgustdan boshlab Oʻzbekiston Respublikasi Prezidenti huzuridagi Ijtimoiy himoya milliy agentligi tuzilmasiga oʻtkaziladi.

Oʻzbekiston Respublikasi Prezidentining 2023-yil 26-maydagi PF-79-son Farmoniga 5-ILOVA

Ixtisoslashtirilgan taʼlim muassasalari agentligining tashkiliy tuzilmasi

Ixtisoslashtirilgan taʼlim muassasalari agentligi Ixtisoslashtirilgan maktablar Ijod maktablari Prezident maktablari Muhammad al-Xorazmiy nomidagi ixtisoslashtirilgan maktab Abdulla Oripov nomidagi ijod maktabi Halima Xudoyberdiyeva nomidagi ijod maktabi “Yangi Oʻzbekiston” universiteti Abu Ali ibn Sino nomidagi ixtisoslashtirilgan maktab Erkin Vohidov nomidagi ijod maktabi Abdulla Qodiriy nomidagi ijod maktabi Isʼhoqxon Ibrat nomidagi Namangan davlat chet tillari instituti Mirzo Ulugʻbek nomidagi ixtisoslashtirilgan maktab Muhammad Rizo Ogahiy nomidagi ijod maktabi Muhammad Yusuf nomidagi ijod maktabi Pedagogik mahorat va xalqaro baholash ilmiy-amaliy markazi Hududiy ixtisoslashtirilgan maktablar Isʼhoqxon Ibrat nomidagi ijod maktabi Hamid Olimjon va Zulfiya nomidagi ijod maktabi “Renessans” bolalar sogʻlomlashtirish oromgohi Ibroyim Yusupov nomidagi ijod maktabi Bahodir Jalolov nomidagi boksga ixtisoslashtirilgan sport maktabi Oksana Chusovitina nomidagi gimnastikaga ixtisoslashtirilgan sport maktabi

Oʻzbekiston Respublikasi Prezidentining 2023-yil 26-maydagi PF-79-son Farmoniga 6-ILOVA

Maktabgacha va maktab taʼlimi sohasida islohotlarni chuqurlashtirish va tizim faoliyatini transformatsiya qilish boʻyicha

yoʻl xaritasi

T/r Chora-tadbirlar Amalga oshirish mexanizmlari Muddati Moliyalashtirish manbalari Masʼul ijrochilar I. Maktabgacha va maktab taʼlimi sohasini takomillashtirish 1. Umumiy oʻrta taʼlim muassasalarida pedagogik faoliyatni olib borish huquqini beradigan kasbiy sertifikatlash tizimini joriy etish. Umumiy oʻrta taʼlim muassasalarida faoliyat yuritadigan pedagog kadrlarni kasbiy sertifikatlash sinovlaridan oʻtkazish tartibini belgilovchi Hukumat qarori loyihasini Vazirlar Mahkamasiga kiritish. Bunda: 2023/2024 oʻquv yilidan boshlab umumiy oʻrta taʼlim muassasalarida pedagogik kasbiga birinchi marta ishga qabul qilingan talabgorlarning bir yil muddat davomida stajyor-oʻqituvchi sifatida faoliyat yuritishini; stajyor-oʻqituvchiga oliy maʼlumotli oʻqituvchining bazaviy tarif stavkasi qoʻllanishini; stajyor-oʻqituvchilarni kasbiy sertifikatlash sinovlaridan oʻtkazish tartibini; 2024/2025 oʻquv yilidan boshlab bosqichma-bosqich umumiy oʻrta taʼlim muassasalarining boshqa pedagog kadrlarini ham kasbiy sertifikatlash sinovlaridan oʻtkazishni nazarda tutish. 2023-yil 1-noyabr - Maktabgacha va maktab taʼlimi vazirligi (X. Umarova), Kambagʻallikni qisqartirish va bandlik vazirligi (B. Musayev), Adliya vazirligi (A. Tashkulov) 2. Maktabgacha va umumiy oʻrta taʼlim tashkilotlari faoliyatini baholash mezonlarini ishlab chiqish va amaliyotga joriy etish. 1. “Zamonaviy maktab”larga qoʻyiladigan talablarni xalqaro baholash mezonlari asosida takomillashtirish hamda maktabgacha taʼlim tashkilotlari uchun “Zamonaviy maktabgacha taʼlim tashkiloti” baholash mezonlarini ishlab chiqish. 2023-yil 1-sentabr - Maktabgacha va maktab taʼlimi vazirligi (X. Umarova) 2. Nodavlat va davlat maktabgacha va umumiy oʻrta taʼlim tashkilotlarini akkreditatsiyalash tartibini “Zamonaviy maktab” hamda “Zamonaviy maktabgacha taʼlim tashkiloti” baholash mezonlariga moslashtirish. 2023-yil 1-oktabr 3. Hisobot yilida baholanadigan nodavlat va davlat maktabgacha hamda umumiy oʻrta taʼlim tashkilotlari roʻyxatini shakllantirish. 2023-yil 1-noyabr 4. Baholangan maktabgacha va umumiy oʻrta taʼlim tashkilotlarining aniqlangan kamchiliklarini bartaraf etish boʻyicha “yoʻl xarita”larini ishlab chiqish. har oʻquv yili yakunida 5. I-II darajali “Zamonaviy maktab” va “Zamonaviy maktabgacha taʼlim tashkiloti” maqomini olgan maktabgacha va umumiy oʻrta taʼlim tashkilotlari rahbarlarini mahalliy budjetlarning qoʻshimcha manbalari hisobidan bir martalik ragʻbatlantirishni tashkil etish. har yil yakunida Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 3. Toshkent davlat pedagogika universiteti tomonidan maktabgacha va umumiy oʻrta taʼlim tashkilotlari ishtirokida pedagogik taʼlim tadqiqot maydonchasi faoliyatini yoʻlga qoʻyish. 1. Universitetga Toshkent shahrida joylashgan kamida 5 tadan maktabgacha va umumiy oʻrta taʼlim tashkilotlarini biriktirish. 2024-yil 1-sentabr Toshkent davlat pedagogika universitetining budjetdan tashqari mablagʻlari Maktabgacha va maktab taʼlimi vazirligi (X. Umarova) 2. Biriktirilgan taʼlim tashkilotlarida taʼlim jarayoni uzviyligi va uzluksizligini taʼminlash imkoniyatini beradigan tajriba-sinov maydonini yaratish. 2024-yil davomida 4. Maktabgacha va maktab taʼlimi vazirligining Taʼlim sohasidagi islohotlarga koʻmaklashish jamgʻarmasi mablagʻlaridan foydalanish tartibini takomillashtirish. Taʼlim sohasidagi islohotlarga koʻmaklashish jamgʻarmasi mablagʻlaridan foydalanish tartibi toʻgʻrisidagi nizomni tasdiqlash. Bunda nizomda: maktabgacha va maktab taʼlimi vaziriga Taʼlim sohasidagi islohotlarga koʻmaklashish jamgʻarmasining mablagʻlari hisobidan mahalliy va xorijiy mutaxassislarni toʻgʻridan-toʻgʻri fuqarolik-huquqiy shartnomalar asosida jalb etish huquqini berish; zarur hollarda, maktabgacha va maktab taʼlimi tizimini rivojlantirish hamda tizim xodimlarini moddiy ragʻbatlantirish maqsadida Iqtidorli yoshlarni qoʻllab-quvvatlash jamgʻarmasi hamda Maktabgacha taʼlimni rivojlantirish jamgʻarmasidan Taʼlim sohasidagi islohotlarga koʻmaklashish jamgʻarmasiga mablagʻlar jalb qilish nazarda tutiladi. 2023-yil 1-sentabr - Maktabgacha va maktab taʼlimi vazirligi (X. Umarova) II. Taʼlim dasturlari mazmunini va pedagoglarni tayyorlash tizimini takomillashtirish 5. Umumiy oʻrta taʼlim muassasalarida xalqaro talablar asosidagi xorijiy darsliklarni joriy qilish. 1. NACNETTE LIVRE GROUP guruhining “Passe-Passe”, “Décibel” va “L'atelier” darsliklarini xarid qilish va amaliyotga joriy qilish. 2. Kembridj nashriyotining “ICT Starters”, “IGCSE ICT” va “International AS and A Level IT” darsliklarini chop etish. 2024-yil 1-yanvar Davlat budjetidan ushbu maqsadlar uchun ajratilgan mablagʻlar Maktabgacha va maktab taʼlimi vazirligi (X. Umarova) 6. Maktabgacha va boshlangʻich maktab taʼlimi uzviyligini taʼminlash maqsadida “6-7 yoshdagi bolaning maktabga tayyorlik xaritasi” maxsus elektron platformasini joriy qilish. 1. Mulkchilik shaklidan qatʼiy nazar, barcha maktabgacha taʼlim tashkilotlarida “6-7 yoshdagi bolaning maktabga tayyorlik xaritasi” maxsus elektron platformasini joriy qilish. 2023-yil 1-dekabr Davlat budjetidan ushbu maqsadlar uchun ajratilgan mablagʻlar Maktabgacha va maktab taʼlimi vazirligi (X. Umarova), Raqamli texnologiyalar vazirligi (Sh. Shermatov) 2. Platformani umumiy oʻrta taʼlimning “my.maktab.uz” elektron platformasi bilan integratsiya qilish. 2024-yil 1-mart 7. Maktabgacha yoshdagi bolalarga moʻljallangan milliy elektron resurslar va multimedia mahsulotlarini yaratish. 1. “Ilk qadam” davlat oʻquv dasturi asosida taʼlimiy va tarbiyaviy mazmundagi milliy elektron resurslar va multimedia mahsulotlarini yaratish. 2. Yaratilgan elektron resurslar va multimedia mahsulotlaridan pedagog kadrlar, tarbiyalanuvchilar va ularning ota-onalari tomonidan erkin foydalanish imkoniyatini taʼminlash. 2024-yil 1-dekabr Davlat budjetidan ushbu maqsadlar uchun ajratilgan mablagʻlar, Maktabgacha taʼlimni rivojlantirish jamgʻarmasi mablagʻlari Maktabgacha va maktab taʼlimi vazirligi (X. Umarova) 8. Maktabgacha, umumiy oʻrta va maktabdan tashqari taʼlim tashkilotlari rahbar, uslubchi va pedagog kadrlarining malaka talablarini takomillashtirish. 1. Maktabgacha, umumiy oʻrta va maktabdan tashqari taʼlim tashkilotlari rahbar, uslubchi va pedagog kadrlarining malaka talablarini ilgʻor xorijiy tajribalar asosida takomillashtirish. 2023-yil 1-sentabr - Maktabgacha va maktab taʼlimi vazirligi (X. Umarova) Oliy taʼlim, fan va innovatsiyalar vazirligi (I. Abduraxmonov) 2. Yangi malaka talablari asosida kadrlar tayyorlash va malaka oshirish tizimi uchun zamonaviy taʼlim dasturlarini ishlab chiqish va amaliyotga kiritish. 2024-yil 1-yanvardan boshlab 9. Maktabgacha, umumiy oʻrta va maktabdan tashqari taʼlim tashkilotlari pedagog kadrlariga malaka toifasini berish tartibini takomillashtirish. Maktabgacha, umumiy oʻrta va maktabdan tashqari taʼlim tashkilotlari pedagog kadrlariga malaka toifasini berish tartibini takomillashtirish yuzasidan Hukumat qarori loyihasini Vazirlar Mahkamasiga kiritish. Bunda, loyihada malaka toifasini olish boʻyicha sinovlarni bir yilda kamida bir marotaba ikki bosqichda oʻtkazish va birinchi bosqichda — talabgorning mutaxassislik fani va kasb standarti boʻyicha bilim darajasini, ikkinchi bosqichda — pedagogik mahoratini baholashni nazarda tutish. 2023-yil 1-dekabr - Maktabgacha va maktab taʼlimi vazirligi (X. Umarova), Kambagʻallikni qisqartirish va bandlik vazirligi (B. Musayev) 10. Maktabgacha taʼlim tashkilotlari va umumiy oʻrta taʼlim muassasalari direktorlarini lavozimga tayinlashning yangi tizimini joriy etish. 1. Direktorlik lavozimiga nomzodlar zaxirasini shakllantirish, ularni oʻqitish, bilim va koʻnikmasini baholash va sertifikatlashni amalga oshiruvchi “Direktorlar maktabi”ni tashkil etish. Bunda, ushbu tizim doirasida: nomzodlar va maktablarning rahbar kadrlari zamonaviy dasturlar asosida oʻqitilishini va ularga menejerlik sertifikatlari berilishini; menejerlik sertifikatiga ega nomzodlardan maktab direktorlari zaxirasi shakllantirilishini; maktab direktorlarining vakant lavozimlariga nomzodlarni faqat sertifikati mavjud va zaxiraga kiritilgan kadrlar orasidan tanlab olinishini nazarda tutish. 2024-yil 1-yanvar - Maktabgacha va maktab taʼlimi vazirligi (X. Umarova) 2. Qoraqalpogʻiston Respublikasi, viloyatlar va Toshkent shahrida eng tajribali umumiy oʻrta taʼlim muassasalari direktorlaridan iborat boʻlgan Direktorlar kengashini tuzish. Umumiy oʻrta taʼlim muassasasi direktori lavozimiga nomzodlarni tayinlashni Direktorlar kengashi tavsiyasiga asosan Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahri maktabgacha va maktab taʼlimi boshqarmalari tomonidan ochiq tanlov asosida amalga oshirishni nazarda tutuvchi tartibni joriy etish. 2023-yil 1-sentabr 3. Davlat maktabgacha taʼlim tashkiloti direktori lavozimiga nomzodlarni tayinlashni Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahri maktabgacha va maktab taʼlimi boshqarmalari tomonidan ochiq tanlov asosida amalga oshirishni nazarda tutuvchi tartibni joriy etish. 2023-yil 1-sentabr 11. Maktabgacha va maktab taʼlimi vazirligi hududiy boʻlinmalarining boshliqlari uchun malakali maslahatchi va konsultantlarni jalb qilish. 1. Qoraqalpogʻiston Respublikasi Maktabgacha va maktab taʼlimi vaziri, viloyatlar va Toshkent shahri maktabgacha va maktab taʼlimi boshqarmalari boshliqlariga maslahatchi sifatida Prezident maktablari direktorlarini, tuman (shahar) maktabgacha va maktab taʼlimi boʻlimlari boshliqlariga esa, ixtisoslashtirilgan maktablar direktorlarini biriktirish. 2023-yil 1-iyul Taʼlim sohasidagi islohotlarga koʻmaklashish jamgʻarmasi mablagʻlari hisobidan Maktabgacha va maktab taʼlimi vazirligi (X. Umarova) 2. Qoraqalpogʻiston Respublikasi Maktabgacha va maktab taʼlimi vaziri, viloyatlar va Toshkent shahri maktabgacha va maktab taʼlimi boshqarmalarining boshliqlariga shartnomaviy-huquqiy asosda maslahatchi sifatida xorijiy mutaxassislarni jalb qilish. 2023-yil 1-dekabr 12. Faoliyati tugatilgan Taʼlim sifatini nazorat qilish davlat inspeksiyasi va Xorijiy tillarni oʻrganishini ommalashtirish agentligining bino va inshootlari, boshqa mol-mulklarini Maktabgacha va maktab taʼlimi vazirligiga oʻtkazish. 1. Maktabgacha va maktab taʼlimi vazirligiga faoliyati tugatilgan: Taʼlim sifatini nazorat qilish davlat inspeksiyasining bino va inshootlarini operativ boshqaruv huquqi asosida bepul berish, shuningdek, uning asosiy vositalari va boshqa mol-mulklarini belgilangan tartibda topshirish; Xorijiy tillarni oʻrganishni ommalashtirish agentligining mol-mulklarini belgilangan tartibda topshirish. 2023-yil 1-iyul - Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi (I. Abduraxmonov) 2. Maktabgacha va maktab taʼlimi vazirligining Toshkent shahri, Chilonzor tumani, Nurxon koʻchasi, 21-uy manzilida joylashgan binosiga Toshkent shahri maktabgacha va maktab taʼlimi boshqarmasini tekin foydalanish huquqi asosida joylashtirish. 2023-yil 1-iyul 3. Quyidagilarni: Xorijiy tillarni oʻrganishni ommalashtirish agentligining budjetdan tashqari jamgʻarmasidagi mavjud mablagʻlarning 100 foizini Taʼlim sohasidagi islohotlarga koʻmaklashish jamgʻarmasiga; Taʼlim sifatini nazorat qilish davlat inspeksiyasining budjetdan tashqari Rivojlantirish jamgʻarmasiga maktabgacha va maktab taʼlimi xizmatlarini koʻrsatishdan tushgan mablagʻlarni Respublika oliy taʼlim kengashiga oʻtkazish. 2023-yil 1-iyul III. Maktabgacha, umumiy oʻrta va maktabdan tashqari taʼlim tashkilotlari faoliyatini raqamlashtirish 13. Maktabgacha va maktab taʼlimi sohasidagi axborot tizimlaridagi maʼlumotlarning dolzarbligini taʼminlash. Adliya vazirligi, Ichki ishlar vazirligi, Raqamli texnologiyalar vazirligi, Qurilish va kommunal xoʻjaligi vazirligining tegishli axborot tizimlarini Maktabgacha va maktab taʼlimi vazirligining Yagona elektron dastur (erp.maktab.uz) va “Bolalar bogʻchasi” axborot tizimi (bbit.uz) bilan oʻzaro integratsiya qilish. Bunda: umumiy oʻrta taʼlim muassasalari uchun “my.maktab.uz” elektron platformasida joriy yilda ushbu muassasaning mikrohududidan 1-sinfga qabul qilinadigan bolalar soni toʻgʻrisida maʼlumotlarni olish imkoniyatini yaratish; umumiy oʻrta taʼlim muassasalarining har oʻquv yili uchun qabul rejasini “my.maktab.uz” elektron platformasida shakllantirish; bola tugʻilganidan soʻng, uni Maktabgacha va maktab taʼlimi vazirligining “my.maktab.uz” elektron platformasi orqali yashash manzili boʻyicha mikrohududga biriktirilgan umumiy oʻrta taʼlim muassasasida roʻyxatga olish; Maktabgacha va maktab taʼlimi vazirligining “my.maktab.uz” elektron platformasida maktabgacha taʼlim tashkilotlarining tayyorlov guruhlarida hamda 6 yoshli bolalarning bir yillik majburiy tayyorlov guruhlarida tarbiyalanayotgan bolalar toʻgʻrisidagi maʼlumotlarni shakllantirish. 2024-yil 1-yanvar - Maktabgacha va maktab taʼlimi vazirligi (X. Umarova), Adliya vazirligi (A. Tashkulov), Ichki ishlar vazirligi (P. Bobojonov), Raqamli texnologiyalar vazirligi (Sh. Shermatov), Kambagʻallikni qisqartirish va bandlik vazirligi (B. Musayev), Qurilish va uy-joy kommunal xoʻjaligi vazirligi (B. Zakirov) 14. Umumiy oʻrta taʼlim muassasalariga biriktirilgan mikrohudud manzillarini raqamlashtirish. “Raqamli Toshkent” elektron platformasi tajribasidan kelib chiqib, umumiy oʻrta taʼlim muassasalariga biriktirilgan mikrohudud manzillarini raqamlashtirish choralarini koʻrish. Bunda, umumiy oʻrta taʼlim muassasalariga mikrohududdagi har bir mahalla, koʻcha, uy va xonadonni biriktirishda taʼlim muassasasining quvvati (oʻquvchi oʻrni) va navbatlilik koeffitsiyentini inobatga olish. 2024-yil 1-iyun - Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Kadastr agentligi (F. Pulatov) 15. Umumiy oʻrta taʼlim tashkilotlaridan turli koʻrinishdagi jadvallar va hisobotlar talab etilishiga bosqichma-bosqich chek qoʻyish. 1. Yagona elektron dasturda (erp.maktab.uz) umumiy oʻrta taʼlim tashkilotlarining asosiy statistik koʻrsatkichlariga oid maʼlumotlar bazasini shakllantirish. 2. Maʼlumotlarning haqqoniyligi, ochiqligi va shaffofligini taʼminlash uchun Yagona elektron dastur (erp.maktab.uz)ni tegishli vazirlik va idoralarning maʼlumotlar bazasi bilan integratsiya qilish. 2024-yil 1-yanvardan boshlab - Maktabgacha va maktab taʼlimi vazirligi (X. Umarova), Raqamli texnologiyalar vazirligi (Sh. Shermatov), manfaatdor vazirlik va idoralar 16. Maktabgacha va maktab taʼlimi tizimini moliyalashtirishni boshqarishda ilgʻor raqamli texnologiyalardan keng va samarali foydalanish hamda bu borada inson omilini kamaytirish. Axborot tizimlaridan keng foydalangan holda masofaviy nazorat va xavf-xatar tahlillari asosida Davlat budjetidan ajratilgan mablagʻlarning noqonuniy va maqsadsiz sarflanishi holatlarining profilaktikasini amalga oshirish va moliyaviy xato-kamchiliklarning oldini olish. 2023-yil 1-sentabrdan boshlab - Maktabgacha va maktab taʼlim vazirligi (X. Umarova) 18. Nodavlat maktabgacha va umumiy oʻrta taʼlim tashkilotlari uchun belgilangan litsenziya talab va shartlarini qayta koʻrib chiqib, soddalashtirish. 1. Nodavlat maktabgacha va umumiy oʻrta taʼlim tashkilotlarining litsenziya talab va shartlariga oʻzgartirish kiritishni nazarda tutuvchi Hukumat qarori loyihasini Vazirlar Mahkamasiga kiritish. Bunda qaror loyihasida: nodavlat maktabgacha va umumiy oʻrta taʼlim tashkilotlari faoliyatini tashkil qilishda oʻqituvchilarning toifalari hamda bitta sinfda taʼlim oluvchilarning maksimal soniga qoʻyilgan talablarni yengillashtirish; nodavlat maktabgacha, umumiy oʻrta va maktabdan tashqari taʼlim tashkilotlariga sport zalni ularga ijara va bepul foydalanish huquqi asosida tegishli boʻlgan binolarda ham tashkil etishga ruxsat etish; nodavlat umumiy oʻrta taʼlim tashkilotlarining Oʻzbekiston tarixi va oʻzbek tili fanlariga ajratiladigan oʻquv soatlari hajmini davlat umumiy oʻrta taʼlim muassasalari uchun tasdiqlangan tayanch oʻquv rejaga muvofiq belgilash; nodavlat maktabgacha va umumiy oʻrta taʼlim tashkilotlari zimmasiga oʻquvchilar va tarbiyalanuvchilar toʻgʻrisidagi maʼlumotlarni doimiy ravishda Maktabgacha va maktab taʼlimi vazirligining Yagona elektron dasturi (erp.maktab.uz), elektron platformalari (my.maktab.uz, e-shahodatnoma.uz, kundalik.com) va boshqa tegishli axborot tizimlari hamda “Bolalar bogʻchasi” (bbit.uz) axborot tizimiga kiritish hamda yangilab borish vazifasini yuklash; Maktabgacha va maktab taʼlimi vazirligi hamda uning hududiy boʻlinmalari tomonidan nodavlat taʼlim tashkilotlari faoliyatini tekshirishni vakolatli organni xabardor qilish tartibida amalga oshirish nazarda tutiladi. 2023-yil 1-oktabr - Maktabgacha va maktab taʼlimi vazirligi (X. Umarova), Iqtisodiyot va moliya vazirligi (Sh. Kudbiyev), Biznes-ombudsman (D. Kasimov) 2. “Taʼlim toʻgʻrisida”gi, “Tadbirkorlik faoliyati erkinligining kafolatlari toʻgʻrisida”gi hamda “Litsenziyalash, ruxsat berish va xabardor qilish tartib-taomillari toʻgʻrisida”gi Oʻzbekiston Respublikasi qonunlariga tegishli oʻzgartirishlar kiritishni nazarda tutuvchi qonun loyihasini belgilangan tartibda Vazirlar Mahkamasiga kiritish. 2023-yil 1-oktabr Maktabgacha va maktab taʼlimi vazirligi (X. Umarova), Biznes-ombudsman (D. Kasimov), Sogʻliqni saqlash vazirligi (A. Inoyatov) IV. Taʼlim tashkilotlarida tarbiyaviy ishlar samaradorligini oshirish 19. Oʻquvchilar ongida Vatanimiz ramzlarini ulugʻlash va ardoqlash tuygʻusini tarbiyalash maqsadida “Davlat ramzlari — faxrim, gʻururim” mavzusida tadbirlarni tashkil qilish. 1. “Davlat ramzlari — faxrim, gʻururim” mavzusidagi tadbirlar turkumini ishlab chiqish va tasdiqlash. 2023-yil 1-iyun - Respublika Maʼnaviyat va maʼrifat markazi (M. Xodjimatov), Maktabgacha va maktab taʼlimi vazirligi (X. Umarova), Oʻzbekiston Yozuvchilar uyushmasi (S. Saidov) 2. Davlat ramzlari qabul qilingan kunlarda maʼnaviy-maʼrifiy tadbirlar, insholar tanlovlarini tashkil etish. Reja-grafik asosida 20. Ota-onalarning farzand tarbiyasiga beeʼtiborligi, oʻquvchilar oʻrtasida turli huquqbuzarliklar va jinoyatlar sodir etilishining salbiy oqibatlari aks ettirilgan videokontentlarni tayyorlash hamda umumiy oʻrta taʼlim tashkilotlarida oʻquvchilar, ota-onalar oʻrtasida namoyish etish. 1. Oʻquvchilar oʻrtasida gʻayriijtimoiy harakatlarning oldini olishga qaratilgan videokontentlarni ishlab chiqish boʻyicha ijodiy guruhni shakllantirish. 2023-yil 1-sentabr Davlat budjetidan ushbu maqsadlar uchun ajratilgan mablagʻlar Maktabgacha va maktab taʼlimi vazirligi (X. Umarova), Ichki ishlar vazirligi (P. Bobojonov), Milliy gvardiya (R. Djurayev) 2. Loyiha materiallarini tayyorlash va tasvirga olish. 2023-yil 1-dekabr 3. Tayyorlangan videomateriallarni umumiy oʻrta taʼlim muassasalarida oʻquvchilar va ota-onalar oʻrtasida namoyish etish. 2024-yil 1-fevraldan boshlab 21. Umumiy oʻrta taʼlim muassasalari direktorlarining maʼnaviy-maʼrifiy ishlar boʻyicha oʻrinbosarlari va sinf rahbarlarining vazifalarini qayta koʻrib chiqish. 1. Umumiy oʻrta taʼlim tashkilotlarining malakali pedagoglari va direktorlaridan iborat ishchi guruhini shakllantirish. 2023-yil 15-iyun - Maktabgacha va maktab taʼlimi vazirligi (X. Umarova) 2. Umumiy oʻrta taʼlim muassasalari direktorlarining maʼnaviy-maʼrifiy ishlar boʻyicha oʻrinbosarlari va sinf rahbarlarining lavozim yoʻriqnomasini ishlab chiqish. 2023-yil 1-iyul V. Taʼlim olish uchun qulay shart-sharoit yaratish 22. Umumiy oʻrta taʼlim tizimida “Taʼlim uchun qulay muhit” dasturini amalga oshirish. Umumiy oʻrta taʼlim tizimida “Taʼlim uchun qulay muhit” dasturini amalga oshirishga oid Oʻzbekiston Respublikasi Prezidentining qarori loyihasini ishlab chiqish. Bunda, qaror loyihasida: umumiy oʻrta taʼlim muassasalarining moddiy-texnik jihozlarini hisobga olish tartibini takomillashtirish va byurokratik tartib-taomillarga barham berish; talablarni qayta koʻrib chiqish va maqsadli yechimlarni yaratish orqali umumiy oʻrta taʼlim muassasalarining sanitariya-gigiyena muammolari bilan bogʻliq masalalarini kompleks hal qilish; umumiy oʻrta taʼlim tizimida qayta tiklanuvchi energiya manbalaridan keng foydalanish uchun shart-sharoitlar yaratish; umumiy oʻrta taʼlim muassasalarini diqqatga sazovor joylarga aylantirish, shuningdek, davlat-xususiy sheriklikning yangi turlarini joriy etish orqali ularning iqtisodiy barqarorligini oshirish; umumiy oʻrta taʼlim muassasalarining infratuzilmasini yaxshilashda davlat organlari va tashkilotlarining faol ishtirokini taʼminlagan holda ularni qoʻshimcha maqsadli moliyalashtirish manbalarini shakllantirish; tashabbusli budjetlashtirish tizimi orqali umumiy oʻrta taʼlim muassasalarini moliyalashtirish samaradorligi va shaffofligini oshirish; aholini taʼlim muhitini rivojlantirishga jalb qilish, maktablarni rivojlantirishda shaxsiy daxldorlik hissini shakllantirish nazarda tutiladi. 2023-yil 1-dekabr - Maktabgacha va maktab taʼlimi vazirligi (X. Umarova), Strategik islohotlar agentligi (Sh. Vafayev), Iqtisodiyot va moliya vazirligi (Sh. Kudbiyev) 23. Xalqaro tashkilotlar, xorijiy moliya institutlari va hamkorlar bilan taʼlim muassasalarining moddiy-texnika bazasini yaxshilash va taʼlim sifatini oshirishga qaratilgan istiqbolli loyiha va dasturlarni ishlab chiqish. 1. Taʼlim muassasalarining mavjud moddiy-texnik ehtiyojini aniqlash. 2023-yil 1-avgust - Maktabgacha va maktab taʼlimi vazirligi (X. Umarova), Investitsiyalar, sanoat va savdo vazirligi (L. Kudratov), Tashqi ishlar vazirligi (B. Saidov) 2. Xalqaro hamkorlar koʻmagida amalga oshiriladigan taʼlim sifati va moddiy-texnika bazasini rivojlantirish boʻyicha istiqbolli dasturlar konsepsiyasini ishlab chiqish hamda tegishli vazirliklarga taqdim etish. 2024-yil 1-yanvar 3. Xalqaro tashkilotlar, xorijiy moliya institutlari va hamkorlar bilan mazkur yoʻnalishda muzokaralar oʻtkazish hamda moliyaviy manbalarini kelishish. 2025-yil 1-dekabr 24. Umumiy oʻrta taʼlim muassasalarida axborot-kommunikatsiya texnologiyalarini rivojlantirish. Umumiy oʻrta taʼlim muassasalarida axborot-kommunikatsiya texnologiyalari infratuzilmasini yaxshilash boʻyicha qaror loyihasini Vazirlar Mahkamasiga kiritish. Bunda qaror loyihasida: umumiy oʻrta taʼlim muassasalarida informatika sinf xonalarida zamonaviy kompyuter texnikasiga qoʻyilgan minimal talablarni belgilash; umumiy oʻrta taʼlim muassasalarini talab darajasida kompyuter sinf xonalari hamda yuqori tezlikdagi internet tarmogʻi bilan taʼminlash; elektron taʼlim kontentlarini yaratish va axborot tizimlarini joriy etish; axborot texnologiyalari sohasida kadrlar salohiyatini oshirish nazarda tutiladi. 2023-yil 1-avgust Respublika va mahalliy budjet mablagʻlari Maktabgacha va maktab taʼlimi vazirligi (X. Umarova), Iqtisodiyot va moliya vazirligi (Sh. Kudbiyev), Raqamli texnologiyalar vazirligi (Sh. Shermatov), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 25. Oʻquvchilarni IT sohasiga doir kasblarga yoʻnaltirish va ularning bilimini oshirish ishlarini samarali tashkil etish 1. “Digital Generation Uzbekistan” nodavlat notijorat tashkiloti bilan umumiy oʻrta taʼlim tashkilotlarida oʻquvchilarni IT sohasiga doir kasblarga yoʻnaltirish va ularning bilimini oshirish ishlarini tashkil etish boʻyicha hamkorlikni yoʻlga qoʻyish. 2. “Digital Generation Uzbekistan” nodavlat notijorat tashkilotini loyihalarni amalga oshirish uchun Respublika taʼlim markazi binosida tekin foydalanish huquqi asosida joylashtirish. 3. Hamkorlikdagi loyihalarni amalga oshirish uchun Taʼlim sohasidagi islohotlarga koʻmaklashish jamgʻarmasidan zarur mablagʻlar ajratib borish. 2023-yil 1-iyul Taʼlim sohasidagi islohotlarga koʻmaklashish jamgʻarmasi mablagʻlari hisobidan Maktabgacha va maktab taʼlimi vazirligi (X. Umarova) 26. Umumiy oʻrta taʼlim muassasalarini yuqori tezlikdagi internet tarmogʻi bilan taʼminlashni yaxshilash. Umumiy oʻrta taʼlim muassasalarida oʻquvchilar sonidan kelib chiqib, yuqori tezlikdagi internet xizmatlarini koʻrsatish boʻyicha yangi “New Education” tarif rejasini Iqtisodiyot va moliya vazirligida deklaratsiyadan oʻtkazishni taʼminlash. Bunda: 2024-yil 1-yanvardan boshlab Maktabgacha va maktab taʼlimi vazirligi tizimidagi taʼlim tashkilotlarida “New Education” tarif rejasi joriy etilishi; taʼlim muassasalaridagi bolalar sonidan kelib chiqib, “New Education” tarif rejasi internet tezligi hajmlarini belgilash; taʼlim muassasalarida 400 nafargacha oʻquvchisi boʻlgan umumiy oʻrta taʼlim muassasalarida Internet tezligi kamida 40 Mbit/s, oʻquvchilar soni 400 nafardan koʻp boʻlganlarda — kamida 100 Mbit/s boʻlishini taʼminlash; “New Education” tarif rejasining har bir tezlikdagi paketi uchun har oylik abonent toʻlovi miqdorlarini belgilash va bunda taʼlim tashkilotlari tomonidan internet xizmatlaridan tungi vaqtda foydalanilmasligi inobatga olinadi. 2023-yil 1-sentabr Mahalliy budjet mablagʻlari Raqamli texnologiyalar vazirligi (Sh. Shermatov), Iqtisodiyot va moliya vazirligi (Sh. Kudbiyev), Maktabgacha va maktab taʼlimi vazirligi (X. Umarova) 27. Umumiy oʻrta taʼlim muassasalari filiallarini maqbullashtirish. 1. Umumiy oʻrta taʼlim muassasalarining filiallarini xatlovdan oʻtkazish va xatlov natijalariga koʻra: filiallari tugatilib, negizida umumiy oʻrta taʼlim muassasalari tashkil etiladigan; filiallari tugatilib, oʻquvchi va pedagog kadrlari asosiy yoki yaqin joylashgan boshqa umumiy oʻrta taʼlim muassasalariga oʻtkaziladigan; filiallari saqlanib qoladigan umumiy oʻrta taʼlim muassasalarining roʻyxatini shakllantirish. 2023-yil 1-oktabr Mahalliy budjet mablagʻlari Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Maktabgacha va maktab taʼlimi vazirligi (X. Umarova) 2. Umumiy oʻrta taʼlim muassasalarining tugatiladigan filiallari negizida umumiy oʻrta taʼlim muassasalarini tashkil etish. 2024-yil 1-yanvar 28. Maktabgacha va maktab taʼlimi vazirligi tizimidagi 14 ta sogʻlomlashtirish oromgohining moddiy-texnika bazasini yaxshilash. Maktabgacha va maktab taʼlimi vazirligi tizimidagi sogʻlomlashtirish oromgohlari faoliyatini takomillashtirish boʻyicha taklifni Vazirlar Mahkamasiga kiritish. Bunda: iqtidorli bolalar uchun “Mehribonlik” uylari respublika sogʻlomlashtirish oromgohini qayta tashkil etish hamda moddiy-texnika bazasini yaxshilash; hududlardagi oromgohlarning moddiy-texnika bazasini mustahkamlash, faoliyatini samarali tashkil etish nazarda tutiladi. 2023-yil 1-sentabr Investitsiya dasturi doirasida ajratiladigan mablagʻlar Maktabgacha va maktab taʼlimi vazirligi (X. Umarova), Iqtisodiyot va moliya vazirligi (Sh. Kudbiyev), Qurilish va uy-joy kommunal xoʻjaligi vazirligi (B. Zakirov), Sogʻliqni saqlash vazirligi (A. Inoyatov), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 29. “Barkamol avlod” bolalar maktablari faoliyatini takomillashtirish. “Barkamol avlod” bolalar maktablari faoliyatini tubdan takomillashtirishni nazarda tutuvchi Oʻzbekiston Respublikasi Prezidentining qarori loyihasini Vazirlar Mahkamasiga kiritish. Bunda: xususiy sektorni jalb qilish orqali “Barkamol avlod” bolalar maktablarida “STEAM-taʼlim” dasturi asosida laboratoriyalar tashkil etish va toʻgarak aʼzolari sonini oshirish; respublika va mahalliy budjet mablagʻlari hisobidan xalqaro tadbirlarda gʻolib boʻlgan toʻgarak aʼzolarini ragʻbatlantirish tizimini yoʻlga qoʻyish nazarda tutiladi. 2023-yil 1-dekabr Respublika va mahalliy budjet mablagʻlari Maktabgacha va maktab taʼlimi vazirligi (X. Umarova), Iqtisodiyot va moliya vazirligi (Sh. Kudbiyev), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari

Izoh: normativ-huquqiy hujjat loyihalari tartibga solish predmetidan kelib chiqib qayta koʻrib chiqilishi yoki yagona hujjatga birlashtirilishi mumkin. Ikki yoki undan ortiq bandlar birlashtirilganda, ularni ijro etish uchun belgilangan eng kech muddat ijro muddati etib belgilanadi.

Oʻzbekiston Respublikasi Prezidentining 2023-yil 26-maydagi PF-79-son Farmoniga 7-ILOVA

Maktabgacha va maktab taʼlimi vazirligi hamda uning tizimidagi tashkilotlarning xususiy sektorga oʻtkaziladigan funksiyalari

ROʻYXATI

T/r Funksiyalar Vakolatli organ Funksiyalarni xususiy sektorga oʻtkazish muddati 1. Davlat maktabgacha va umumiy oʻrta taʼlim tashkilotlarini koʻmir yoqilgʻisiga oʻtkazish orqali ularni kuz-qish mavsumida issiqlik energiyasi bilan uzluksiz taʼminlash, ushbu muassasalarning qozonxonalarni modernizatsiya qilish, issiqlik tizimini taʼmirlash va belgilangan meʼyorlarda ishlashini taʼminlash funksiyalarini davlat-xususiy sheriklik asosida bosqichma-bosqich xususiy sektorga berish. Maktabgacha va maktab taʼlimi vazirligi 2023-yil avgust 2. Umumiy oʻrta taʼlim muassasalari oʻqituvchilari va maktabgacha taʼlim tashkilotlari tarbiyachilari uchun ayrim fanlar boʻyicha malaka oshirish kurslarini tashkil etish. 2023-yil sentabr

Oʻzbekiston Respublikasi Prezidentining 2023-yil 26-maydagi PF-79-son Farmoniga 8-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2018-yil 5-martdagi “Jismoniy tarbiya va sport sohasida davlat boshqaruvi tizimini tubdan takomillashtirish chora-tadbirlari toʻgʻrisida”gi PF-5368-son Farmonining 5-bandi uchinchi xatboshisidan “davlat maktabgacha taʼlim tashkilotlari, umumtaʼlim maktablari,” soʻzlari chiqarib tashlansin.

2. Oʻzbekiston Respublikasi Prezidentining 2018-yil 5-sentabrdagi “Xalq taʼlimini boshqarish tizimini takomillashtirish boʻyicha qoʻshimcha chora-tadbirlar toʻgʻrisida”gi PF-5538-son Farmonida:

a) 2-bandda:

ikkinchi va uchinchi xatboshilar quyidagi tahrirda bayon etilsin:

“umumiy oʻrta taʼlim davlat taʼlim standartlari va maktabdan tashqari taʼlimga qoʻyiladigan davlat taʼlim talablari umumiy oʻrta taʼlimni moliyalashtirish uchun Oʻzbekiston Respublikasi Davlat budjeti parametrlarida nazarda tutilgan mablagʻlar hisobga olingan holda Taʼlimni rivojlantirish respublika ilmiy-metodik markazi talablari asosida Oʻzbekiston Respublikasi maktabgacha va maktab taʼlimi vaziri tomonidan tasdiqlanadi;

Qoraqalpogʻiston Respublikasi maktabgacha va maktab taʼlimi vazirligi, viloyatlar va Toshkent shahar maktabgacha va maktab taʼlimi boshqarmasi rahbarlari, tuman (shahar) maktabgacha va maktab taʼlimi boʻlimlari, shuningdek, Vazirlikka idoraviy mansub boshqa tashkilotlar va muassasalar boshliqlarini lavozimga tayinlash va lavozimdan ozod etish mahalliy ijro etuvchi hokimiyat organlari bilan kelishilmasdan Oʻzbekiston Respublikasi maktabgacha va maktab taʼlimi vaziri tomonidan amalga oshiriladi”;

toʻrtinchi xatboshi chiqarib tashlansin;

beshinchi — sakkizinchi xatboshilar tegishincha toʻrtinchi — yettinchi xatboshilar deb hisoblansin;

toʻrtinchi xatboshidagi “Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi tomonidan (keyingi oʻrinlarda — Davlat inspeksiyasi)” soʻzlari “Vazirlik tomonidan” soʻzlari bilan almashtirilsin;

beshinchi xatboshidagi “Davlat inspeksiyasining” soʻzlari “Vazirlikning” soʻzi bilan almashtirilsin;

b) 3-banddagi tegishli kelishikdagi “xalq taʼlimi muassasalari” soʻzlari tegishli kelishikdagi “maktabgacha va maktab taʼlimi tashkilotlari” soʻzlari bilan almashtirilsin.

3. Oʻzbekiston Respublikasi Prezidentining 2020-yil 6-noyabrdagi “Oʻzbekistonning yangi taraqqiyot davrida taʼlim-tarbiya va ilm-fan sohalarini rivojlantirish chora-tadbirlari toʻgʻrisida”gi PF-6108-son Farmonida:

a) 3-band quyidagi tahrirda bayon etilsin:

“3. 2021-yil 1-martdan boshlab pedagog kadrlar tayyorlaydigan oliy taʼlim muassasalari hamda litsenziyaga ega nodavlat taʼlim tashkilotlariga umumiy oʻrta taʼlim muassasalarida faoliyat koʻrsatayotgan rahbar, mutaxassis va pedagog xodimlarning (keyingi oʻrinlarda — umumiy oʻrta taʼlim muassasalari xodimlari) malakasini oshirish huquqi berilsin.

Bunda:

umumiy oʻrta taʼlim muassasalari xodimlari oʻz ixtiyoriga koʻra Qoraqalpogʻiston Respublikasi, viloyatlar va Toshkent shahar pedagoglarni yangi metodikalarga oʻrgatish milliy markazlarida, pedagog kadrlar tayyorlaydigan oliy taʼlim muassasalarida yoki litsenziyaga ega nodavlat taʼlim tashkilotlarida malakasini oshirishi mumkin;

oliy taʼlim muassasalari va nodavlat taʼlim tashkilotlarining pedagog kadrlar malakasini oshirish bilan bogʻliq xarajatlari ushbu maqsadlar uchun Maktabgacha va maktab taʼlimi vazirligiga Davlat budjetidan ajratiladigan mablagʻlar hisobidan qoplanadi”;

b) 4-bandning ikkinchi xatboshisidagi “Taʼlim sifatini nazorat qilish davlat inspeksiyasining rasmiy veb-saytidagi maxsus portal” soʻzlari “Maktabgacha va maktab taʼlimi vazirligining rasmiy veb-sayti” soʻzlari bilan almashtirilsin;

v) 6-bandning beshinchi xatboshisidagi “Xalq taʼlimi vazirligi” soʻzlari “Maktabgacha va maktab taʼlimi vazirligi” soʻzlari bilan almashtirilsin;

g) 8-banddagi “Moliya vazirligi Xalq taʼlimi vazirligi” soʻzlari “Iqtisodiyot va moliya vazirligi Maktabgacha va maktab taʼlimi vazirligi” soʻzlari bilan almashtirilsin;

d) 9-bandda:

ikkinchi xatboshidagi “Taʼlim sifatini nazorat qilish davlat inspeksiyasi hamda Xalq taʼlimi vazirligi” soʻzlari “Maktabgacha va maktab taʼlimi vazirligi” soʻzlari bilan almashtirilsin;

toʻrtinchi xatboshidagi “xalq taʼlimi” soʻzi “maktabgacha va maktab taʼlimi” soʻzlari bilan almashtirilsin;

e) 12-banddagi “Qoraqalpogʻiston Respublikasi xalq taʼlimi vaziri, viloyatlar xalq taʼlimi boshqarmasi boshliqlari va Toshkent shahar xalq taʼlimi bosh boshqarmasi boshligʻi, tuman (shahar) xalq taʼlimi boʻlimi mudirlari” soʻzlari “Qoraqalpogʻiston Respublikasi maktabgacha va maktab taʼlimi vaziri, viloyatlar va Toshkent shahar maktabgacha va maktab taʼlimi boshqarmalari boshliqlari, tuman (shahar) maktabgacha va maktab taʼlimi boʻlimi mudirlari” soʻzlari bilan almashtirilsin;

j) 13-bandning “v” kichik bandi quyidagi tahrirda bayon etilsin:

“v) Ijodiy-madaniy masalalar boʻyicha targʻibotchilarga yosh avlodni maʼnan barkamol etib tarbiyalash, oʻquvchilarni kasbga yoʻnaltirish boʻyicha targʻibot ishlarini amalga oshirish, ularni kasb-hunarga oʻrgatishni muvofiqlashtirish, shuningdek, maktab oʻqituvchilari va faol oʻquvchilarining ijodiy ishlarini keng jamoatchilikka yetkazishga koʻmaklashish, turli xildagi viktorinalar, mushoiralar, adabiy kechalar, qiziqarli darslar, kitobxonlik va sheʼrxonlik musobaqalarini tashkil etish vazifalari yuklanadi”;

z) 15-bandda:

“a” kichik bandning birinchi xatboshisidagi “Xalq taʼlimi vazirligi Bandlik va mehnat munosabatlari vazirligi” soʻzlari “Maktabgacha va maktab taʼlimi vazirligi Kambagʻallikni qisqartirish va bandlik vazirligi” soʻzlari bilan almashtirilsin;

“b” kichik bandning birinchi xatboshisidagi “Bandlik va mehnat munosabatlari vazirligi Xalq taʼlimi vazirligi” soʻzlari “Kambagʻallikni qisqartirish va bandlik vazirligi Maktabgacha va maktab taʼlimi vazirligi” soʻzlari bilan almashtirilsin;

i) 24-banddagi “Bosh vazirining oʻrinbosari B.A. Musayev hamda Oʻzbekiston Respublikasi xalq taʼlimi vaziri Sh.X. Shermatov” soʻzlari “maktabgacha va maktab taʼlimi vaziri X.U. Umarova” soʻzlari bilan almashtirilsin.

4. Oʻzbekiston Respublikasi Prezidentining 2022-yil 14-apreldagi “Prezident taʼlim muassasalari agentligi tizimidagi ixtisoslashtirilgan maktablar tarmogʻini kengaytirish toʻgʻrisida”gi PF-106-son Farmonida:

a) nomi quyidagi tahrirda bayon etilsin:

“Oʻzbekiston Respublikasi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi tizimidagi ixtisoslashtirilgan maktablar tarmogʻini kengaytirish toʻgʻrisida”;

b) 1-bandda:

birinchi xatboshidagi “Prezident taʼlim muassasalari agentligi (keyingi oʻrinlarda — Agentlik), Xalq taʼlimi vazirligi” soʻzlari “Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi (keyingi oʻrinlarda — Agentlik)” soʻzlari bilan almashtirilsin;

“a” kichik bandning uchinchi xatboshisidagi “Xalq taʼlimi vazirligi” soʻzlari “Maktabgacha va maktab taʼlimi vazirligi” soʻzlari bilan almashtirilsin;

v) 2-bandda:

oltinchi xatboshidagi “Davlat test markazi” soʻzlari “Oliy taʼlim, fan va innovatsiyalar vazirligi huzuridagi Bilim va malakalarni baholash agentligi” soʻzlari bilan almashtirilsin;

oʻn ikkinchi xatboshi quyidagi tahrirda bayon etilsin:

“Agentlik maktablariga rahbar kadrlarni ishga qabul qilish ikki bosqichli (saralash va suhbat), pedagog kadrlarni ishga qabul qilish uch bosqichli (saralash, test sinovi va suhbat) tanlov asosida amalga oshiriladi”;

g) 3-bandning birinchi xatboshisidagi “X. Umarova” soʻzi “A. Ubbiyev” soʻzi bilan almashtirilsin;

d) 5-bandning ikkinchi xatboshisidagi “Iqtisodiy taraqqiyot va kambagʻallikni qisqartirish vazirligi (A. Boboyev), Agentlik (X. Umarova), Moliya vazirligi (T. Ishmetov)” soʻzlari “Iqtisodiyot va moliya vazirligi (Sh. Kudbiyev), Maktabgacha va maktab taʼlimi vazirligi (X. Umarova)” soʻzlari bilan almashtirilsin;

e) 8-bandning “e” kichik bandidagi “Davlat test markazining” soʻzlari “Oliy taʼlim, fan va innovatsiyalar vazirligi huzuridagi Bilim va malakalarni baholash agentligining” soʻzlari bilan almashtirilsin;

j) 9-bandning birinchi xatboshisidagi “X. Umarova” soʻzi “A. Ubbiyev” soʻzi bilan almashtirilsin;

z) 11-bandning ikkinchi xatboshisidagi “X. Umarova” soʻzi “A. Ubbiyev” soʻzi bilan almashtirilsin;

i) 14-bandda:

birinchi xatboshidagi “Xalq taʼlimi vazirligi” soʻzi “Maktabgacha va maktab taʼlimi vazirligi” soʻzlari bilan almashtirilsin;

yettinchi xatboshi chiqarib tashlansin;

k) 19-band quyidagi tahrirda bayon etilsin:

“19. Mazkur Farmon ijrosini samarali tashkil qilishga masʼul va shaxsiy javobgar etib Maktabgacha va maktab taʼlimi vaziri X. Umarova, Agentlik direktori A. Ubbiyev hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.

Farmon ijrosini nazorat qilish, ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti maslahatchisi O.K. Abdurahmanov zimmasiga yuklansin”;

l) 1, 2, va 4-ilovalar nomidagi “Prezident taʼlim muassasalari agentligi” soʻzlari “Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi” soʻzlari bilan almashtirilsin;

m) 6-ilovada:

nomidagi “Prezident taʼlim muassasalari agentligi” soʻzlari “Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi” soʻzlari bilan almashtirilsin;

2-pozitsiyada:

“Moliyalashtirish manbai” ustunidagi “Prezident taʼlim muassasalari agentligi” soʻzlari “Ixtisoslashtirilgan taʼlim muassasalari agentligi” soʻzlari bilan almashtirilsin;

“Ijro uchun masʼullar” ustunidagi “Prezident taʼlim muassasalari agentligi (Umarova), Taʼlim sifatini nazorat qilish davlat inspeksiyasi (Tashkenbayev)” soʻzlari “Maktabgacha va maktab taʼlimi vazirligi (Umarova)” soʻzlari bilan almashtirilsin;

3-pozitsiyadagi “Ijro uchun masʼullar” ustunidagi “Prezident taʼlim muassasalari agentligi (Umarova), Taʼlim sifatini nazorat qilish davlat inspeksiyasi (Tashkenbayev), Oliy va oʻrta maxsus taʼlim vazirligi (Toshkulov)” soʻzlari “Maktabgacha va maktab taʼlimi vazirligi (Umarova), Oliy taʼlim, fan va innovatsiyalar vazirligi (Abdurahmonov)” soʻzlari bilan almashtirilsin;

4-pozitsiyadagi “Ijro uchun masʼullar” ustunidagi “Prezident taʼlim muassasalari agentligi (Umarova)” soʻzlari “Maktabgacha va maktab taʼlimi vazirligi (Umarova)” soʻzlari bilan almashtirilsin;

6-pozitsiyadagi “Ijro uchun masʼullar” ustunidagi “Prezident taʼlim muassasalari agentligi (Umarova), Taʼlim sifatini nazorat qilish davlat inspeksiyasi (Tashkenbayev)” soʻzlari “Maktabgacha va maktab taʼlimi vazirligi (Umarova)” soʻzlari bilan almashtirilsin;

9-pozitsiyadagi “Ijro uchun masʼullar” ustunidagi “Prezident taʼlim muassasalari agentligi (Umarova), Bandlik va mehnat munosabatlari vazirligi (Xusanov)” soʻzlari “Maktabgacha va maktab taʼlimi vazirligi (Umarova), Kambagʻallikni qisqartirish va bandlik vazirligi (Musayev)” soʻzlari bilan almashtirilsin;

15-pozitsiyadagi “Ijro uchun masʼullar” ustunidagi “Investitsiyalar va tashqi savdo vazirligi (Qudratov), Prezident taʼlim muassasalari agentligi (Umarova)” soʻzlari “Investitsiyalar, sanoat va savdo vazirligi (Kudratov), Maktabgacha va maktab taʼlimi vazirligi (Umarova)” soʻzlari bilan almashtirilsin;

16-pozitsiyadagi “Ijro uchun masʼullar” ustunidagi “Prezident taʼlim muassasalari agentligi (Umarova), Investitsiyalar va tashqi savdo vazirligi (Qudratov)” soʻzlari “Maktabgacha va maktab taʼlimi vazirligi (Umarova), Investitsiyalar, sanoat va savdo vazirligi (Kudratov)” soʻzlari bilan almashtirilsin;

17-pozitsiyadagi “Ijro uchun masʼullar” ustunidagi “Investitsiyalar va tashqi savdo vazirligi (Qudratov), Prezident taʼlim muassasalari agentligi (Umarova)” soʻzlari “Investitsiyalar, sanoat va savdo vazirligi (Kudratov), Maktabgacha va maktab taʼlimi vazirligi (Umarova)” soʻzlari bilan almashtirilsin;

20-pozitsiyadagi “Ijro uchun masʼullar” ustunidagi “Prezident taʼlim muassasalari agentligi (Umarova)” soʻzlari “Maktabgacha va maktab taʼlimi vazirligi (Umarova)” soʻzlari bilan almashtirilsin.

5. Oʻzbekiston Respublikasi Prezidentining 2022-yil 11-maydagi “2022 — 2026-yillarda xalq taʼlimini rivojlantirish boʻyicha milliy dasturni tasdiqlash toʻgʻrisida”gi PF-134-son Farmonida:

a) nomi va muqaddimadagi tegishli kelishikdagi “xalq taʼlimi” soʻzlari tegishli kelishikdagi “maktab taʼlimi” soʻzlari bilan almashtirilsin;

b) 1-banddagi “xalq taʼlimini” soʻzlari “maktab taʼlimini” soʻzlari bilan almashtirilsin;

v) 2-bandning sakkizinchi va toʻqqizinchi xatboshilaridagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

g) 3-bandda:

ikkinchi xatboshidagi “Xalq taʼlimi vazirligi (B. Saidov)” soʻzlari “Maktabgacha va maktab taʼlimi vazirligi (X. Umarova)” soʻzlari bilan almashtirilsin;

“a” kichik banddagi “2023-2024-yillarda 4-, 5-, 8-, 9- va 11-sinflar uchun” soʻzlari “2025-yilgacha — qolgan sinflar uchun” soʻzlari bilan almashtirilsin;

d) 4-bandning birinchi xatboshisidagi “Xalq taʼlimi vazirligi” soʻzlari “Maktabgacha va maktab taʼlimi vazirligi” soʻzlari bilan almashtirilsin;

e) 5-bandning birinchi xatboshisidagi “Xalq taʼlimi vazirligidan” soʻzlari “Maktabgacha va maktab taʼlimi vazirligidan” soʻzlari bilan almashtirilsin;

j) 7-bandda:

birinchi xatboshidagi “Xalq taʼlimi vazirligining” soʻzlari “Maktabgacha va maktab taʼlimi vazirligining” soʻzlari bilan almashtirilsin;

ikkinchi xatboshidagi “Xalq taʼlimi vazirligi (B. Saidov) Oliy va oʻrta maxsus taʼlim vazirligi (A. Toshkulov), Maktabgacha taʼlim vazirligi (A. Shin) hamda Taʼlim sifatini nazorat qilish davlat inspeksiyasi (U. Tashkenbayev)” soʻzlari “Maktabgacha va maktab taʼlimi vazirligi (X. Umarova) Oliy taʼlim, fan va innovatsiyalar vazirligi (I. Abduraxmonov)” soʻzlari bilan almashtirilsin;

“v” kichik bandning uchinchi xatboshisidagi “Prezident taʼlim muassasalari agentligi” soʻzlari “Maktabgacha va maktab taʼlim vazirligi huzuridagi Ixtisoslashtirilgan taʼlim muassasalari agentligi” soʻzlari bilan almashtirilsin;

z) 8-bandda:

birinchi xatboshidagi “Xalq taʼlimi vazirligi (B. Saidov)” soʻzlari “Maktabgacha va maktab taʼlimi vazirligi (X. Umarova)” soʻzlari bilan almashtirilsin;

ikkinchi xatboshidagi “2023-yil 1-avgustga qadar” soʻzlari “2023-yil 1-oktabrga qadar” soʻzlari bilan almashtirilsin;

i) 9-bandda:

birinchi xatboshidagi “Xalq taʼlimi vazirligi” soʻzlari “Maktabgacha va maktab taʼlimi vazirligi” soʻzlari bilan almashtirilsin;

ikkinchi xatboshidagi “umumtaʼlim fanlari” soʻzlari “oʻzi dars beradigan fani” soʻzlari bilan almashtirilsin;

beshinchi va oltinchi xatboshilaridagi “Davlat test markazining” soʻzlari “Oliy taʼlim, fan va innovatsiyalar vazirligi huzuridagi Bilim va malakalarni baholash agentligining” soʻzlari bilan almashtirilsin;

oʻn birinchi xatboshidagi “Xalq taʼlimi vazirligi (B. Saidov) Moliya vazirligi (T. Ishmetov)” soʻzlari “Maktabgacha va maktab taʼlimi vazirligi (X. Umarova) Iqtisodiyot va moliya vazirligi (Sh. Kudbiyev)” soʻzlari bilan almashtirilsin;

k) 10-bandning birinchi xatboshisidagi “Davlat test markazi” soʻzlari “Oliy taʼlim, fan va innovatsiyalar vazirligi huzuridagi Bilim va malakalarni baholash agentligi” soʻzlari bilan almashtirilsin;

l) 11-bandda:

beshinchi xatboshi chiqarib tashlansin;

oltinchi xatboshi beshinchi xatboshi deb hisoblansin;

m) 12-bandining birinchi xatboshisidagi “Xalq taʼlimi vazirligi” soʻzlari “Maktabgacha va maktab taʼlimi vazirligi” soʻzlari bilan almashtirilsin;

n) 13-banddagi “Xalq taʼlimi vazirligi” soʻzlari “Maktabgacha va maktab taʼlimi vazirligi” soʻzlari bilan almashtirilsin;

o) 14-banddagi “Moliya vazirligi (T. Ishmetov)” soʻzlari “Iqtisodiyot va moliya vazirligi (Sh. Kudbiyev)” soʻzlari bilan almashtirilsin;

p) 1-ilova nomidagi “xalq taʼlimini” soʻzlari “maktab taʼlimini” soʻzlari bilan almashtirilsin.

6. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmoniga 1-ilovada:

a) 13-boʻlim “Maktabgacha va maktab taʼlimi vazirligi” pozitsiyasi “Jami boshqaruv shtat birliklari soni” va “Davlat budjeti hisobidan” ustunlaridagi “4 950” raqami “4 898” raqami bilan almashtirilsin;

b) izoh qismining 5.14-kichik bandidan “, Taʼlim sifatini baholashning xalqaro tadqiqotlar milliy markazi, Respublika maqsadli kitob jamgʻarmasi” soʻzlari chiqarib tashlansin.

7. Oʻzbekiston Respublikasi Prezidentining 2017-yil 29-noyabrdagi “Ichki ishlar organlari kadrlari bilan ishlash va ularning xizmatini tashkil etish tartibini tubdan takomillashtirish chora-tadbirlari toʻgʻrisida”gi PQ-3413-son qarorida:

a) 5-bandning oltinchi xatboshisidagi “navbatdan tashqari” soʻzlari “qonunchilikda belgilangan tartibda imtiyozli roʻyxat asosida” soʻzlari bilan almashtirilsin;

b) 1-ilovaning 125-bandi birinchi xatboshisidagi “maktabgacha taʼlim tashkilotlariga,” soʻzlari “davlat maktabgacha taʼlim tashkilotlariga qonunchilikda belgilangan tartibda imtiyozli roʻyxat asosida,” soʻzlari bilan almashtirilsin.

8. Oʻzbekiston Respublikasi Prezidentining 2018-yil 5-apreldagi “Maktabgacha taʼlim tizimini yanada ragʻbatlantirish va rivojlantirish chora-tadbirlari toʻgʻrisida”gi PQ-3651-son qarorida:

a) 4-bandning ikkinchi va uchinchi xatboshilaridagi “Oʻzbekiston Respublikasi Maktabgacha taʼlim vazirligi” soʻzlari “Maktabgacha taʼlim agentligi” soʻzlari bilan almashtirilsin;

b) 11-bandning uchinchi xatboshisidagi “Oʻzbekiston Respublikasi Maktabgacha taʼlim vazirligiga” soʻzlari “Maktabgacha taʼlim agentligiga” soʻzlari bilan almashtirilsin;

v) 13-bandda:

“a” kichik banddagi “Oʻzbekiston Respublikasi Maktabgacha taʼlim vazirligi” soʻzlari “Maktabgacha taʼlim agentligi” soʻzlari bilan almashtirilsin;

“b” kichik banddagi “Qoraqalpogʻiston Respublikasi Maktabgacha taʼlim vazirligi, viloyatlar va Toshkent shahar maktabgacha taʼlim boshqarmalari” soʻzlari “Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahar maktabgacha va maktab taʼlimi boshqarmalari” soʻzlari bilan almashtirilsin;

g) 1-ilovada:

2-bandning beshinchi xatboshisidagi “Oʻzbekiston Respublikasi Maktabgacha taʼlim vazirligi (keyingi oʻrinlarda matnda Vazirlik deb yuritiladi)” soʻzlari “Maktabgacha taʼlim agentligi (keyingi oʻrinlarda — Agentlik deb yuritiladi)” soʻzlari bilan almashtirilsin;

15-band quyidagi tahrirda bayon etilsin:

“15. Davlat sherigi tanlov boshlanishidan 30 kun avval tanlov savdolari oʻtkazilishi haqidagi eʼlonni Agentlik rasmiy saytining maxsus boʻlimiga, boshqa ommaviy axborot vositalariga, shu jumladan Qoraqalpogʻiston Respublikasi Vazirlar Kengashining, viloyatlar va Toshkent shahri hokimliklarining hamda Davlat aktivlarini boshqarish agentligi hududiy organlarining davriy bosma nashrlariga va “Maktabgacha taʼlim metodikasi” jurnaliga, ijtimoiy tarmoqlarga majburiy tartibda joylashtiradi, shuningdek ushbu axborotni Kambagʻallikni qisqartirish va bandlik vazirligi va boshqa manbalar orqali tarqatadi”;

17-banddagi “Vazirlikka” soʻzi “Agentlikka” soʻzi bilan almashtirilsin.

27-band quyidagi tahrirda bayon etilsin:

“27. Davlat-xususiy sheriklik loyihasining konsepsiyasi tasdiqlangandan hamda bitim imzolangandan keyin uch kalendar kuni mobaynida Agentlik rasmiy tartibda uch nusxadan iborat loyiha konsepsiyasi, loyihani baholash hujjatlari va bitimning elektron va qogʻoz koʻrinishdagi nusxalarini Oʻzbekiston Respublikasi Iqtisodiyot va moliya vazirligiga DXSH loyihalarining reyestriga kiritish uchun taqdim qiladi”;

34-bandda:

oʻn ikkinchi xatboshidagi “garovga qoʻyish” soʻzlari “boshqa majburiyatlar boʻyicha garovga qoʻyish” soʻzlari bilan almashtirilsin;

quyidagi mazmundagi oʻn uchinchi xatboshi bilan toʻldirilsin:

“Davlat-xususiy sheriklik doirasida ijaraga berilgan yer uchastkasida nodavlat maktabgacha taʼlim tashkiloti binosini qurgan xususiy sherikka ushbu binoni bank kreditlari boʻyicha garovga qoʻyishga ruxsat etiladi”;

36-bandning uchinchi xatboshisidagi “Moliya vazirligi huzuridagi Davlat-xususiy sheriklikni rivojlantirish agentligi” soʻzlari “Iqtisodiyot va moliya vazirligi” soʻzlari bilan almashtirilsin;

93-band quyidagi mazmundagi ikkinchi xatboshi bilan toʻldirilsin:

“Davlat-xususiy sheriklik asosidagi maktabgacha taʼlim tashkilotlarning faoliyati, shu jumladan koʻp kvartirali uy-joylarning noturar qavatlarida va/yoki yakka tartibda qurilgan uy-joylarda amalga oshirilishi mumkin.”

114-banddagi “Moliya vazirligiga” soʻzi “Iqtisodiyot va moliya vazirligiga” soʻzlari bilan almashtirilsin”;

118-banddagi “Vazirlik” soʻzi “Agentlik” soʻzi bilan almashtirilsin.

9. Oʻzbekiston Respublikasi Prezidentining 2018-yil 5-sentabrdagi “Xalq taʼlimi tizimiga boshqaruvning yangi tamoyillarini joriy etish chora-tadbirlari toʻgʻrisida”gi PQ-3931-sonli qarorida:

a) nomlanishidagi “Xalq taʼlimi” soʻzlari “Maktabgacha va maktab taʼlimi” soʻzlari bilan almashtirilsin;

b) 1-bandda:

birinchi xatboshidagi “Xalq taʼlimi vazirligining” soʻzlari “Maktabgacha va maktab taʼlimi vazirligining” soʻzlari bilan almashtirilsin;

ikkinchi xatboshidagi “xalq taʼlimi xodimlarini qayta tayyorlash va ularning malakasini oshirish boʻyicha hududiy markazlar” soʻzlari “pedagoglarni yangi metodikalarga oʻrgatish milliy markazlari” soʻzlari bilan almashtirilsin;

uchinchi xatboshi chiqarib tashlansin;

v) 3-bandning “v” kichik bandida:

birinchi xatboshidagi “vazirning Nazorat-huquqiy xizmati” soʻzlari “Korrupsiyaga qarshi kurashish va huquqiy nazorat boshqarmasi” soʻzlari bilan almashtirilsin;

ikkinchi va uchinchi xatboshilardagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

g) 4-bandning “b” kichik bandida:

birinchi xatboshidagi “Xalq taʼlimi” soʻzlari “Taʼlim” soʻzi bilan almashtirilsin;

oltinchi xatboshidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

yettinchi xatboshidagi “xalq taʼlimi xodimlarini qayta tayyorlash va ularning malakasini oshirish boʻyicha hududiy markazlar” soʻzlari “pedagoglarni yangi metodikalarga oʻrgatish milliy markazlari” soʻzlari bilan almashtirilsin;

sakkizinchi xatboshidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

d) 5-bandning toʻrtinchi xatboshisidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

e) 7-bandda:

yettinchi xatboshi chiqarib tashlansin;

sakkizinchi — oʻn beshinchi xatboshilar tegishincha yettinchi — oʻn toʻrtinchi xatboshilar deb hisoblansin;

j) 9-bandda:

birinchi xatboshi chiqarib tashlansin;

ikkinchi — oʻn ikkinchi xatboshilar tegishincha birinchi — oʻn birinchi xatboshilar deb hisoblansin;

birinchi xatboshidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

uchinchi xatboshidagi “Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari, Toshkent shahar xalq taʼlimi bosh boshqarmasi, tuman (shahar) xalq taʼlimi boʻlimlari” soʻzlari “Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahar maktabgacha va maktab taʼlimi boshqarmalari, tuman (shahar) maktabgacha va maktab taʼlimi boʻlimlari” soʻzlari bilan almashtirilsin;

yettinchi va toʻqqizinchi xatboshilardagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

z) 10-bandda:

birinchi xatboshidagi “Moliya vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi” soʻzlari “Iqtisodiyot va moliya vazirligi, Davlat aktivlarini boshqarish agentligi” soʻzlari bilan almashtirilsin”;

yettinchi xatboshidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

oʻninchi xatboshidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

i) 15-banddagi “Bandlik va mehnat munosabatlari vazirligi” soʻzlari “Kambagʻallikni qisqartirish va bandlik vazirligi” soʻzlari bilan almashtirilsin;

k) 16-bandning birinchi xatboshisi quyidagi tahrirda bayon etilsin:

“A. Avloniy nomidagi Pedagoglarni kasbiy rivojlantirish va yangi metodikalarga oʻrgatish milliy-tadqiqot institutida umumtaʼlim muassasalari rahbarlarining maktab taʼlimi sohasida menejerlik koʻnikmalarini shakllantirish kurslari (keyingi oʻrinlarda — kurslar) tashkil etilsin”.

10. Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomning 199-bandidagi “maktabgacha taʼlim tashkilotlari va” soʻzlari “davlat maktabgacha taʼlim tashkilotlariga qonunchilikda belgilangan tartibda imtiyozli roʻyxat asosida,” soʻzlari bilan almashtirilsin.

11. Oʻzbekiston Respublikasi Prezidentining 2019-yil 26-noyabrdagi “Zamonaviy maktab”larni tashkil etish chora-tadbirlari toʻgʻrisida”gi PQ-4537-son qarorida:

a) 3-band quyidagi mazmundagi beshinchi xatboshi bilan toʻldirilsin:

“Maktabgacha, umumiy oʻrta va maktabdan tashqari taʼlim tashkilotlari hamda oʻquv kurslarini moddiy-texnik jihozlash Taʼlimni rivojlantirish respublika ilmiy-metodik markazi tomonidan belgilangan talablar asosida amalga oshiriladi”;

b) 6-band quyidagi tahrirda bayon etilsin:

“6. Oʻzbekiston Respublikasi Davlat budjeti mablagʻlari, shu jumladan markazlashtirilgan investitsiyalar hisobidan:

a) yangidan quriladigan, rekonstruksiya qilinadigan hamda mukammal taʼmirlanadigan umumiy oʻrta taʼlim muassasalarini jihozlash (qoʻshimcha jihozlash) yuzasidan xaridlarni amalga oshirish boʻyicha buyurtmachi etib Oʻzbekiston Respublikasi Maktabgacha va maktab taʼlimi vazirligi huzuridagi “Taʼminot va logistika” davlat unitar korxonasi;

b) umumiy oʻrta taʼlim muassasalarini yangidan qurish, rekonstruksiya qilish va mukammal taʼmirlash boʻyicha buyurtmachi etib Qoraqalpogʻiston Respublikasi Vazirlar Kengashi va tegishli viloyatlar hokimliklari huzuridagi Yagona buyurtmachi xizmati injiniring kompaniyalar belgilansin”;

v) 7 va 9-bandlar oʻz kuchini yoʻqotgan deb hisoblansin;

g) 8-band quyidagi tahrirda bayon etilsin:

“8. Qoraqalpogʻiston Respublikasi Vazirlar Kengashi va tegishli viloyatlar hokimliklari huzuridagi Yagona buyurtmachi xizmati injiniring kompaniyalari maktabgacha va umumiy oʻrta taʼlim tashkilotlarida amalga oshirilgan qurilish-montaj ishlarining sifati yuzasidan yakuniy nazorat amalga oshirilishi uchun masʼul hisoblanadi”.

12. Oʻzbekiston Respublikasi Prezidentining 2020-yil 16-martdagi “Noshirlik va matbaa sohasini yanada rivojlantirishga oid qoʻshimcha chora-tadbirlar toʻgʻrisida”gi PQ-4640-son qarorida:

a) 1-bandda:

birinchi xatboshidagi “Iqtisodiyot va sanoat vazirligi, Moliya vazirligi” soʻzlari “Iqtisodiyot va moliya vazirligi” soʻzlari bilan almashtirilsin;

ikkinchi xatboshidan “va Respublika maqsadli kitob jamgʻarmasi mablagʻlari” soʻzlari chiqarib tashlansin;

b) 5-bandning uchinchi xatboshisidagi “Xalq taʼlimi vazirligiga” soʻzlari “Maktabgacha va maktab taʼlimi vazirligiga” soʻzlari bilan almashtirilsin;

v) 6-band quyidagi tahrirda bayon etilsin:

“6. Oʻzbekiston Respublikasi maktabgacha va maktab taʼlimi vaziriga umumiy oʻrta taʼlim tashkilotlari, jismoniy yoki psixik rivojlanishida nuqsoni boʻlgan bolalar uchun ixtisoslashtirilgan maktablar va maktab-internatlarining barcha sinflari uchun darsliklar va oʻquv-metodik majmualarning foydalanish (yangi va qayta nashr etish davriyligi) muddatlarini belgilash, shuningdek, Iqtisodiyot va moliya vazirligi bilan kelishilgan holda umumiy oʻrta taʼlim muassasalari barcha sinflari uchun darsliklar va oʻquv-metodik majmualarni qoʻshimcha chop etish yuzasidan qaror qabul qilish huquqi berilsin. Bunda, darsliklar va oʻquv-metodik majmualarning mazmuni asossiz oʻzgartirilishiga yoʻl qoʻyilmaydi”;

g) 10-banddagi “Monopoliyaga qarshi kurashish qoʻmitasi” soʻzlari “Raqobatni rivojlantirish va isteʼmolchilar huquqlarini himoya qilish qoʻmitasi” soʻzlari bilan almashtirilsin;

d) 12-band quyidagi tahrirda bayon etilsin:

“12. Agentlik Oʻzbekiston Respublikasi Iqtisodiyot va moliya vazirligi hamda Oliy taʼlim, fan va innovatsiyalar vazirligi bilan birgalikda oliy taʼlim muassasalarida noshirlik faoliyati sohasidagi taʼlim yoʻnalishlarini takomillashtirish choralarini koʻrsin”.

13. Oʻzbekiston Respublikasi Prezidentining 2020-yil 6-noyabrdagi “Taʼlim-tarbiya tizimini yanada takomillashtirishga oid qoʻshimcha chora-tadbirlar toʻgʻrisida”gi PQ-4884-son qarorida:

a) 2-bandning birinchi — uchinchi xatboshilari quyidagi tahrirda bayon etilsin:

“2. Milliy oʻquv dasturini (keyingi oʻrinlarda — Dastur) joriy qilish boʻyicha tajriba-sinovni lozim darajada oʻtkazish maqsadida Maktabgacha va maktab taʼlimi vazirligi huzuridagi Respublika taʼlim markaziga quyidagi vakolatlar berilsin:

Taʼlimni rivojlantirish respublika ilmiy-metodik markazi talablari asosida umumiy oʻrta taʼlimning davlat taʼlim standarti, tayanch va variativ oʻquv rejalari hamda dasturlarini ishlab chiqish;

Maktabgacha va maktab taʼlimi vazirligi buyurtmasiga asosan muallif va tuzuvchilarni tanlash hamda darsliklar va oʻqituvchilar uchun metodik qoʻllanmalarning yagona maketlarini yaratish”;

b) 5-banddagi “Xalq taʼlimi” soʻzlari “Maktabgacha va maktab taʼlimi” soʻzlari bilan almashtirilsin;

v) 7-bandning birinchi, beshinchi va oltinchi xatboshilaridagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

g) 8-bandning uchinchi xatboshisidagi “Xalq taʼlimi vazirligi” soʻzlari “Maktabgacha va maktab taʼlimi vazirligi” soʻzlari bilan almashtirilsin;

d) 11-band quyidagi tahrirda bayon etilsin:

“11. 2021-yil 1-yanvardan tuman (shahar) maktabgacha va maktab taʼlimi boʻlimlari huzurida yuridik shaxs maqomiga ega boʻlmagan Maktabgacha va maktab taʼlimi xodimlarini ragʻbatlantirish jamgʻarmalari tashkil etilsin.

Quyidagilar Maktabgacha va maktab taʼlimi xodimlarini ragʻbatlantirish jamgʻarmalarining manbalari etib belgilansin:

2021-yilda tuman (shahar) maktabgacha va maktab taʼlimi boʻlimlari xodimlari yillik ish haqi fondining 25 foiziga, 2022-yildan boshlab esa — 50 foiziga teng miqdordagi mablagʻlar;

tuman (shahar) maktabgacha va maktab taʼlimi boʻlimlari tasarrufidagi muassasalarning budjetdan tashqari jamgʻarmalari daromadlari (homiylik xayriyalaridan tashqari), shu jumladan boʻsh turgan bino va yerlarini ijaraga berish hisobidan tushgan tushumlardan 3 foiz miqdoridagi ajratmalar;

umumtaʼlim muassasalarning direktor jamgʻarmasiga ajratilgan mablagʻlarning 5 foizi.

Maktabgacha va maktab taʼlimi xodimlarini ragʻbatlantirish jamgʻarmasining mablagʻlari tuman (shahar) maktabgacha va maktab taʼlimi boʻlimi xodimlari, shu jumladan metodistlari hamda umumtaʼlim muassasalari direktorlarini moddiy qoʻllab-quvvatlash tadbirlariga yoʻnaltiriladi”;

e) 14-bandda:

birinchi xatboshidagi “Oliy va oʻrta maxsus taʼlim vazirligi” soʻzlari “Oliy taʼlim, fan va innovatsiyalar vazirligi” soʻzlari bilan almashtirilsin;

uchinchi xatboshidagi “Xalq taʼlimi vazirligi va Taʼlim sifatini nazorat qilish davlat inspeksiyasi” soʻzlari “Maktabgacha va maktab taʼlimi vazirligi” soʻzlari bilan almashtirilsin.

14. Oʻzbekiston Respublikasi Prezidentining 2021-yil 11-yanvardagi “Olis hududlardagi budjet tashkilotlariga malakali mutaxassislarni jalb qilish chora-tadbirlari toʻgʻrisida”gi PQ-4940-son qarori 5-bandining uchinchi xatboshisi quyidagi tahrirda bayon etilsin:

“taʼlim darajasi yuqori boʻlmagan maktablar roʻyxati Maktabgacha va maktab taʼlimi vazirligi tomonidan shakllantiriladi hamda har yili 1-sentabrga qadar Maktabgacha va maktab taʼlimi vazirligining rasmiy veb-saytida eʼlon qilinadi”.

15. Oʻzbekiston Respublikasi Prezidentining 2021-yil 22-apreldagi PQ-5089-son qarori bilan tasdiqlangan Oʻzbekiston Respublikasi Milliy gvardiyasi xodimlarining xizmatni oʻtash tartibi toʻgʻrisidagi nizomning 118-bandi birinchi xatboshisidagi “yashayotgan joydagi maktabgacha taʼlim tashkilotlariga,” soʻzlari “yashayotgan joydagi davlat maktabgacha taʼlim tashkilotlariga qonunchilikda belgilangan tartibda imtiyozli roʻyxat asosida,” soʻzlari bilan almashtirilsin.

16. Oʻzbekiston Respublikasi Prezidentining 2021-yil 25-maydagi PQ-5124-son qarori bilan tasdiqlangan Sogʻliqni saqlash sohasida amalga oshirilayotgan islohotlarni tezlashtirish boʻyicha “yoʻl xaritasi”ning 21-pozitsiyasi chiqarib tashlansin.

17. Oʻzbekiston Respublikasi Prezidentining 2022-yil 20-yanvardagi “Zakovat” intellektual oʻyinini aholi oʻrtasida ommaviy-maʼrifiy harakatga aylantirish va boshqa intellektual oʻyinlarni rivojlantirishga oid chora-tadbirlar toʻgʻrisida” PQ-96-son qarorining 4-bandida:

beshinchi xatboshidagi “professor-oʻqituvchilarga” soʻzlari “pedagoglarga” soʻzi bilan almashtirilsin;

sakkizinchi xatboshidagi “Yoshlar ishlari agentligi (A. Saʼdullayev) Xalq taʼlimi vazirligi (B. Saidov), Oliy va oʻrta maxsus taʼlim vazirligi (A. Toshkulov), Prezident taʼlim muassasalari agentligi (X. Umarova)” soʻzlari “Yoshlar siyosati va sport vazirligi (A. Ikramov) Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi (I. Abduraxmonov)” soʻzlari bilan almashtirilsin.

18. Oʻzbekiston Respublikasi Prezidentining 2022-yil 11-maydagi “Xalq taʼlimini rivojlantirishga oid qoʻshimcha chora-tadbirlar toʻgʻrisida”gi PQ-241-son qarorida:

a) nomidagi “Xalq taʼlimini” soʻzlari “Maktabgacha va maktab taʼlimini” soʻzlari bilan almashtirilsin;

b) muqaddimadagi “xalq taʼlimini” soʻzlari “maktab taʼlimini” soʻzlari bilan almashtirilsin;

v) 1-bandda:

birinchi va uchinchi xatboshilardagi “Xalq taʼlimi vazirligi” soʻzlari “Maktabgacha va maktab taʼlimi vazirligi” soʻzlari bilan almashtirilsin;

toʻrtinchi xatboshidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

g) 2-bandda:

birinchi xatboshidagi “Xalq taʼlimi vazirligi (B. Saidov), Ichki ishlar vazirligi (P. Bobojonov), Mudofaa vazirligi (B. Kurbanov), Milliy gvardiya (R. Djurayev), Yoshlar ishlari agentligi (A. Saʼdullayev), Respublika Maʼnaviyat va maʼrifat markazi (M. Xodjimatov)” soʻzlari “Maktabgacha va maktab taʼlimi vazirligi (X. Umarova), Ichki ishlar vazirligi (P. Bobojonov), Mudofaa vazirligi (B. Kurbanov), Milliy gvardiya (R. Djurayev), Yoshlar siyosati va sport vazirligi huzuridagi Yoshlar ishlari agentligi (A. Saʼdullayev), Respublika Maʼnaviyat va maʼrifat markazi (M. Xodjimatov)” soʻzlari bilan almashtirilsin;

sakkizinchi xatboshidagi “Mahalla va nuroniylarni qoʻllab-quvvatlash vazirligi (T. Xudaybergenov)” soʻzlari “Kambagʻallikni qisqartirish va bandilik vazirligi (B. Musayev)” soʻzlari bilan almashtirilsin;

d) 3-bandning birinchi xatboshisi quyidagi tahrirda bayon etilsin:

“3. Maktabgacha va maktab taʼlimi vazirligi (X. Umarova)”;

e) 4-bandda:

uchinchi xatboshidagi “Moliya vazirligi (T. Ishmetov)” soʻzlari “Iqtisodiyot va moliya vazirligi (Sh. Kudbiyev)” soʻzlari bilan almashtirilsin;

toʻrtinchi xatboshidagi “Axborot texnologiyalari va kommunikatsiyalarini rivojlantirish vazirligi (Sh. Shermatov) Xalq taʼlimi vazirligi (B. Saidov)” soʻzlari “Raqamli texnologiyalar vazirligi (Sh. Shermatov), Maktabgacha va maktab taʼlimi vazirligi (X. Umarova)” soʻzlari bilan almashtirilsin;

oltinchi xatboshidagi “Xalq taʼlimi vazirligi (B. Saidov)” soʻzlari “Maktabgacha va maktab taʼlimi vazirligi (X.Umarova)” soʻzlari bilan almashtirilsin;

yettinchi xatboshi quyidagi tahrirda bayon etilsin:

“Investitsiyalar, sanoat va savdo vazirligi (L. Kudratov) Iqtisodiyot va moliya vazirligi (Sh. Kudbiyev) bilan birgalikda 2024-yildan boshlab har yili Maktabgacha va maktab taʼlimi vazirligi tomonidan taqdim etiladigan maʼlumotlar asosida umumiy oʻrta taʼlim muassasalarini zamonaviy kompyuterlar bilan taʼminlash boʻyicha moliyalashtirish manbalarini aniqlasin”;

j) 6-bandda:

birinchi xatboshidagi “Iqtisodiy taraqqiyot va kambagʻallikni qisqartirish vazirligi (A. Boboyev), Investitsiyalar va tashqi savdo vazirligi (A. Voitov), Moliya vazirligi (T. Ishmetov), Qurilish vazirligi (B. Zokirov) hamda Xalq taʼlimi vazirligi (B. Saidov)” soʻzlari “Iqtisodiyot va moliya vazirligi (Sh. Kudbiyev), Investitsiyalar, sanoat va savdo vazirligi (L. Kudratov), Qurilish va uy-joy kommunal xoʻjaligi vazirligi (B. Zokirov) hamda Maktabgacha va maktab taʼlimi vazirligi (X. Umarova)” soʻzlari bilan almashtirilsin;

quyidagi mazmundagi uchinchi xatboshi bilan toʻldirilsin:

“Bunda, maktabgacha, umumiy oʻrta va maktabdan tashqari taʼlim tashkilotlari hamda oʻquv kurslarini moddiy-texnik jihozlash boʻyicha talablar Taʼlimni rivojlantirish respublika ilmiy-metodik markazi tomonidan belgilanadi”;

uchinchi va toʻrtinchi xatboshilar tegishincha toʻrtinchi va beshinchi xatboshilar deb hisoblansin;

beshinchi xatboshidagi “Iqtisodiy taraqqiyot va kambagʻallikni qisqartirish vazirligi (A. Boboyev), Moliya vazirligi (T. Ishmetov)” soʻzlari “Iqtisodiyot va moliya vazirligi (Sh. Kudbiyev)” soʻzlari bilan almashtirilsin;

z) 7-bandning birinchi xatboshisidagi “Xalq taʼlimi vazirligi (B. Saidov) Bandlik va mehnat munosabatlari vazirligi (N. Xusanov) hamda Oliy va oʻrta maxsus taʼlim vazirligi (A. Toshkulov)” soʻzlari “Maktabgacha va maktab taʼlimi vazirligi (X. Umarova) Kambagʻallikni qisqartirish va bandlik vazirligi (B. Musayev) hamda Oliy taʼlim, fan va innovatsiyalar vazirligi (I. Abduraxmonov)” soʻzlari bilan almashtirilsin;

i) 11-bandda:

birinchi xatboshidagi “Xalq taʼlimi vazirligining” soʻzlari “Maktabgacha va maktab taʼlimi vazirligining” soʻzlari bilan almashtirilsin;

uchinchi xatboshidagi “xalq taʼlimi vazirining” soʻzlari “maktabgacha va maktab taʼlimi vazirining” soʻzlari bilan almashtirilsin;

k) 12-bandda:

ikkinchi xatboshidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

uchinchi xatboshi quyidagi tahrirda bayon etilsin:

“2030-yil 1-yanvarga qadar maktabgacha va maktab taʼlimi tizimidagi muassasa va tashkilotlarning (vazirlik markaziy apparati va uning hududiy boʻlinmalaridan tashqari) budjetdan tashqari mablagʻlari hisobidan amalga oshiriladigan ish haqi va unga tenglashtirilgan toʻlovlarga ijtimoiy soliq stavkasi 1 foiz miqdorida belgilanadi”;

l) 13-bandda:

ikkinchi xatboshidagi “Xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

uchinchi xatboshidagi “Xalq taʼlimi” soʻzlari “Maktab taʼlimi” soʻzlari bilan almashtirilsin;

toʻrtinchi — yettinchi, toʻqqizinchi, oʻn birinchi va oʻn beshinchi xatboshilardagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

m) 16-banddagi “xalq taʼlimi vaziri B.O. Saidov, moliya vaziri T.A. Ishmetov” soʻzlari “maktabgacha va maktab taʼlimi vaziri X. Umarova, iqtisodiyot va moliya vaziri Sh. Kudbiyev” soʻzlari bilan almashtirilsin.

19. Oʻzbekiston Respublikasi Prezidentining 2021-yil 19-iyuldagi “Prezident, ijod va ixtisoslashtirilgan maktablar faoliyatini yanada takomillashtirish boʻyicha qoʻshimcha chora-tadbirlar toʻgʻrisida”gi PQ-5188-son qarorida:

a) 1-bandning ikkinchi xatboshisidagi “Prezident taʼlim muassasalari agentligi” soʻzlari “Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi” soʻzlari bilan almashtirilsin;

b) 1-ilovaning matni quyidagi tahrirda bayon etilsin:

“Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi huzuridagi Iqtidorli yoshlarni qoʻllab-quvvatlash jamgʻarmasi Vasiylik kengashining

TARKIBI

1. A.N. Aripov — Oʻzbekiston Respublikasi Bosh vaziri, Vasiylik kengashi raisi 2. X.U. Umarova — maktabgacha va maktab taʼlimi vaziri, Vasiylik kengashi raisi oʻrinbosari 3. Sh.D. Kudbiyev — iqtisodiyot va moliya vaziri 4. I.Yu. Abduraxmanov — oliy taʼlim, fan va innovatsiyalar vaziri 5. J.T. Mirzamahmudov — energetika vaziri 6. Sh.X. Shermatov — raqamli texnologiyalar vaziri 7. Q.S. Sanakulov — “Navoiy kon-metallurgiya kombinati” AJ bosh direktori 8. A.X. Xursanov — “Olmaliq kon-metallurgiya kombinati” AJ boshqaruvi raisi 9. R.X. Pirmatov — “Oʻzmetkombinat” AJ boshqaruvi raisi 10. B.B. Sidiqov — “Oʻzbekneftgaz” AJ boshqaruvi raisi 11. X.N. Xasilov — “Oʻzbekiston temir yoʻllari” AJ boshqaruvi raisi 12. U.U. Rozukulov — “Oʻzavtosanoat” AJ boshqaruvi raisi 13. M.M. Yunusov — “Oʻzeltexsanoat” uyushmasi raisi 14. A.K. Mirsoatov — “Oʻzmilliybank” AJ boshqaruvi raisi 15. K.N. Irisbekova — “Aloqabank” ATB boshqaruvi raisi 16. S.S. Annaklichev — “Oʻzsanoatqurilishbank” ATB boshqaruvi raisi 17. A.T. Ubbiyev — Ixtisoslashtirilgan taʼlim muassasalari agentligi direktori, Vasiylik kengashi kotibi

Izoh.

Vasiylik kengashi tarkibiga koʻngilli tadbirkorlik subyektlari va homiy tashkilotlar ixtiyoriy ravishda jalb qilinishi mumkin.

Vasiylik kengashi aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan shaxslar yoki zimmasiga tegishli funksiyalarni bajarish yuklangan shaxslar kiritiladi”.

20. Oʻzbekiston Respublikasi Prezidentining 2022-yil 29-apreldagi “Ijtimoiy himoyaga va yordamga muhtoj aholi qatlamlarini moddiy qoʻllab-quvvatlashga doir qoʻshimcha chora-tadbirlar toʻgʻrisida”gi PQ-230-son qarori 1-bandining “v” kichik bandi quyidagi tahrirda bayon etilsin:

“v) koʻp tarmoqli ixtisoslashtirilgan maktabgacha taʼlim tashkilotlari, jismoniy yoki psixik rivojlanishida nuqsoni boʻlgan bolalar uchun ixtisoslashtirilgan maktab va maktab-internatlarda hamda nogironligi boʻlgan bolalar kasb-hunar maktablarida ishlovchi mutaxassis, ishlab chiqarish, oʻquv yordamchi, texnik va xizmat koʻrsatuvchi xodimlarning bazaviy tarif stavkalariga 50 foiz miqdorda ustamalar toʻlanadi”.

21. Oʻzbekiston Respublikasi Prezidentining 2023-yil 24-martdagi PQ-102-son qarori bilan tasdiqlangan Ommaviy savdolar orqali toʻliqligicha sotiladigan korxonalarning aksiya paketlari (ulushlari) roʻyxatidan 642 va 643-pozitsiyalar chiqarib tashlansin.

22. Oʻzbekiston Respublikasi Prezidentining 2022-yil 3-fevraldagi F-22-son farmoyishi bilan tasdiqlangan Xalq taʼlimi tizimini isloh qilish boʻyicha milliy kengashning joriy faoliyatini taʼminlash uchun tashkil etilgan respublika shtabi tomonidan joylarda amalga oshiriladigan ishlar rejasining 11-pozitsiyasi quyidagi tahrirda bayon etilsin:

“ 11. Maktabgacha va maktab taʼlimi tizimini rivojlantirish strategiyasini ishlab chiqish. 1. Jahon banki, YUNISEF, Osiyo taraqqiyot banki kabi nufuzli tashkilotlar va moliya institutlari bilan hamkorlikda Maktabgacha va maktab taʼlimi tizimini rivojlantirish strategiyasini (National Compact) ishlab chiqish va xalqaro hamkorlar bilan birga tasdiqlash. 2023-yil iyun Maktabgacha va maktab taʼlimi vazirligi (X. Umarov), Iqtisodiyot va moliya vazirligi (Sh. Kudbiyev), Qoraqalpogʻiston Respublikasi Vazirlar Kengashi, viloyatlar, Toshkent shahri, tuman va shahar hokimliklari 2. Strategiyani (National Compact) maktabgacha va maktab taʼlimi tizimiga joriy etib borish boʻyicha asosiy koʻrsatkichlarni maktabgacha va maktab taʼlimi vaziri buyrugʻi bilan belgilash. 2023/2024 oʻquv yilidan boshlab har yili sentabr oyida ”.

Oʻzbekiston Respublikasi Prezidentining 2023-yil 26-maydagi PF-79-son Farmoniga 9-ILOVA

Oʻzbekiston Respublikasi Prezidentining oʻz kuchini yoʻqotgan deb hisoblanayotgan ayrim hujjatlari

ROʻYXATI

1. Oʻzbekiston Respublikasi Prezidentining 2020-yil 6-noyabrdagi “Oʻzbekistonning yangi taraqqiyot davrida taʼlim-tarbiya va ilm-fan sohalarini rivojlantirish chora-tadbirlari toʻgʻrisida”gi PF-6108-son Farmonining 11 va 14-bandlari.

2. Oʻzbekiston Respublikasi Prezidentining 2022-yil 11-maydagi “2022 — 2026-yillarda xalq taʼlimini rivojlantirish boʻyicha milliy dasturni tasdiqlash toʻgʻrisida”gi PF-134-son Farmoniga 2-ilovaning 4-bandi.

3. Oʻzbekiston Respublikasi Prezidentining 2017-yil 20-apreldagi “Oliy taʼlim tizimini yanada rivojlantirish chora-tadbirlari toʻgʻrisida”gi PQ-2909-son qarorining 5-bandi.

4. Oʻzbekiston Respublikasi Prezidentining 2017-yil 30-sentabrdagi “Oʻzbekiston Respublikasi Maktabgacha taʼlim vazirligi faoliyatini tashkil etish toʻgʻrisida”gi PQ-3305-son qarori.

5. Oʻzbekiston Respublikasi Prezidentining 2018-yil 5-sentabrdagi “Xalq taʼlimi tizimiga boshqaruvning yangi tamoyillarini joriy etish chora-tadbirlari toʻgʻrisida”gi PQ-3931-son qarorining 4-bandi “a” kichik bandi, 7, 8, 23-bandlari, 1-2 ilovalari.

6. Oʻzbekiston Respublikasi Prezidentining 2018-yil 30-sentabrdagi “Maktabgacha taʼlim tizimini boshqarishni takomillashtirish chora-tadbirlari toʻgʻrisida”gi PQ-3955-son qarorining 2-bandi hamda 1 va 2-ilovalari.

7. Oʻzbekiston Respublikasi Prezidentining 2019-yil 16-yanvardagi “Taʼlim sifatini nazorat qilish tizimini takomillashtirish boʻyicha qoʻshimcha chora-tadbirlar toʻgʻrisida”gi PQ-4119-son qarori.

8. Oʻzbekiston Respublikasi Prezidentining 2019-yil 9-sentabrdagi “Oʻzbekiston Respublikasi Vazirlar Mahkamasi huzuridagi Prezident, ijod va ixtisoslashtirilgan maktablarni rivojlantirish agentligi faoliyatini tashkil etish chora-tadbirlari toʻgʻrisida”gi PQ-4444-son qarorining 1-bandi, 1 va 2-ilovalar.

9. Oʻzbekiston Respublikasi Prezidentining 2019-yil 26-noyabrdagi “Zamonaviy maktab”larni tashkil etish chora-tadbirlari toʻgʻrisida”gi PQ-4537-son qarorining 7 va 9-bandlari.

10. Oʻzbekiston Respublikasi Prezidentining 2020-yil 17-martdagi “Toshkent shahrida raqamli texnologiyalarni keng joriy etish chora-tadbirlari toʻgʻrisida”gi PQ-4642-son qaroriga 1-ilovaning 11-bandi hamda 2-ilovaning 11-bandi.

11. Oʻzbekiston Respublikasi Prezidentining 2021-yil 19-iyuldagi “Prezident, ijod va ixtisoslashtirilgan maktablar faoliyatini yanada takomillashtirish boʻyicha qoʻshimcha chora-tadbirlar toʻgʻrisida”gi PQ-5188-son qarorining 14-bandi.