Oʻzbekiston Respublikasi Din ishlari boʻyicha qoʻmitasi qayta tashkil etilganligi munosabati bilan Oʻzbekiston Respublikasi Prezidentining ayrim hujjatlariga oʻzgartirishlar kiritish toʻgʻrisida (PF-75-son)

23.05.2023

Oʻzbekiston Respublikasi Prezidentining

Farmoni

Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmoni ijrosini taʼminlash maqsadida:

1. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirishlar kiritilsin.

2. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 23-may,

PF-75-son

Oʻzbekiston Respublikasi Prezidentining 2023-yil 23-maydagi PF-75-son Farmoniga ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar

1. Oʻzbekiston Respublikasi Prezidentining 2006-yil 28-avgustdagi “Har yilgi “Haj” va “Umra” tadbirlarini tashkil etish va oʻtkazish masalalari boʻyicha Jamoatchilik kengashini tashkil etish toʻgʻrisida”gi PF-3793-son Farmoni rus tilidagi matnining 3-bandi ikkinchi xatboshisidagi hamda 1-ilovadagi “Komiteta po delam religiy pri Kabinete Ministrov Respubliki Uzbekistan” soʻzlari “Komiteta po delam religiy Respubliki Uzbekistan” soʻzlari bilan almashtirilsin.

2. Oʻzbekiston Respublikasi Prezidentining 2018-yil 16-apreldagi “Diniy-maʼrifiy soha faoliyatini tubdan takomillashtirish chora-tadbirlari toʻgʻrisida”gi PF-5416-son Farmonida:

3-band oʻz kuchini yoʻqotgan deb hisoblansin;

4-bandning birinchi va uchinchi xatboshilaridagi, 11, 13-bandlardagi hamda 2-ilovaning 2-pozitsiyasidagi “Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita” soʻzlari “Oʻzbekiston Respublikasi Din ishlari boʻyicha qoʻmitasi” soʻzlari bilan almashtirilsin;

11-banddagi “Markaz” soʻzi “Axborot-tahlil va targʻibot ishlarini tashkil etish boshqarmasi” soʻzlari bilan almashtirilsin.

3. Oʻzbekiston Respublikasi Prezidentining 2018-yil 19-sentabrdagi “Terroristik, ekstremistik yoki boshqa taqiqlangan tashkilot va guruhlar tarkibiga adashib kirib qolgan Oʻzbekiston Respublikasi fuqarolarini jinoiy javobgarlikdan ozod etish tartibini takomillashtirish toʻgʻrisida”gi PF-5542-son Farmoniga ilovaning 14-bandi quyidagi tahrirda bayon etilsin:

“14. D.A. Mamadqulov — Oʻzbekiston Respublikasi Din ishlari boʻyicha qoʻmitasi raisining oʻrinbosari”.

4. Oʻzbekiston Respublikasi Prezidentining 2019-yil 5-yanvardagi “Oʻzbekiston Respublikasida turizmni jadal rivojlantirishga oid qoʻshimcha chora-tadbirlar toʻgʻrisida”gi PF-5611-son Farmoniga 5-ilovaning 5-bandidagi “Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita” soʻzlari “Oʻzbekiston Respublikasi Din ishlari boʻyicha qoʻmitasi” soʻzlari bilan almashtirilsin.

5. Oʻzbekiston Respublikasi Prezidentining 2019-yil 15-noyabrdagi “Millatlararo munosabatlar sohasida Oʻzbekiston Respublikasi davlat siyosati konsepsiyasini tasdiqlash toʻgʻrisida”gi PF-5876-son Farmoniga 3-ilovaning 7-pozitsiyasi quyidagi tahrirda bayon etilsin:

“7. S.D. Toshboyev — Oʻzbekiston Respublikasi Din ishlari boʻyicha qoʻmitasi raisi”.

6. Oʻzbekiston Respublikasi Prezidentining 2021-yil 28-iyundagi “Oʻzbekiston Respublikasining jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish milliy tizimini rivojlantirish strategiyasini tasdiqlash toʻgʻrisida”gi PF-6252-son Farmoniga 4-ilovaning 55-pozitsiyasi “Maʼlumotlarni taqdim etadigan tashkilotlar” ustunidagi “Vazirlar Mahkamasi huzuridagi Din ishlari boʻyicha qoʻmita” soʻzlari “Oʻzbekiston Respublikasi Din ishlari boʻyicha qoʻmitasi” soʻzlari bilan almashtirilsin.

7. Oʻzbekiston Respublikasi Prezidentining 2021-yil 9-avgustdagi “Bola huquqlarining kafolatlarini taʼminlash tizimini yanada takomillashtirish chora-tadbirlari toʻgʻrisida”gi PF-6275-son Farmoniga 1-ilovaning 19-pozitsiyasidagi “Vazirlar Mahkamasi huzuridagi Din ishlari boʻyicha qoʻmita” soʻzlari “Oʻzbekiston Respublikasi Din ishlari boʻyicha qoʻmitasi” soʻzlari bilan almashtirilsin.

8. Oʻzbekiston Respublikasi Prezidentining 2017-yil 27-martdagi “Oʻzbekiston Respublikasi Vazirlar Mahkamasi huzurida Imom Buxoriy xalqaro ilmiy-tadqiqot markazini tashkil etish chora-tadbirlari toʻgʻrisida”gi PQ-2855-son qaroriga ilovaning 13-pozitsiyasidagi “Vazirlar Mahkamasi huzuridagi Din ishlari boʻyicha qoʻmita” soʻzlari “Oʻzbekiston Respublikasi Din ishlari boʻyicha qoʻmitasi” soʻzlari bilan almashtirilsin.

9. Oʻzbekiston Respublikasi Prezidentining 2018-yil 16-apreldagi “Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita faoliyatini takomillashtirish chora-tadbirlari toʻgʻrisida”gi PQ-3668-son qarorida:

a) nomlanishidagi “Oʻzbekiston Respublikasi Vazirlar Mahkamasi huzuridagi” soʻzlari chiqarib tashlansin;

b) 2-band oʻz kuchini yoʻqotgan deb hisoblansin;

v) 3-banddagi “Markaz” soʻzi “Oʻzbekiston Respublikasi Din ishlari boʻyicha qoʻmitasi (keyingi oʻrinlarda — Qoʻmita)” soʻzlari bilan almashtirilsin;

g) 2-ilovada:

nomlanishi quyidagi tahrirda bayon etilsin:

“Oʻzbekiston Respublikasi Din ishlari boʻyicha qoʻmitasi huzuridagi Konfessiyalar ishlari kengashi tarkibi”;

1-pozitsiyasi quyidagi tahrirda bayon etilsin:

“1. S.D. Toshboyev — Oʻzbekiston Respublikasi Din ishlari boʻyicha qoʻmitasi raisi, Kengash raisi”.

10. Oʻzbekiston Respublikasi Prezidentining 2018-yil 22-iyundagi “Odamning immunitet tanqisligi virusi keltirib chiqaradigan kasallik tarqalishiga qarshi kurashish va shifoxona ichki infeksiyalarini profilaktika qilish boʻyicha qoʻshimcha chora-tadbirlar toʻgʻrisida”gi PQ-3800-son qarorining 6-bandidagi “Vazirlar Mahkamasi huzuridagi Din ishlari boʻyicha qoʻmita, Mahalla va oilani qoʻllab-quvvatlash vazirligi” soʻzlari “Din ishlari boʻyicha qoʻmita, Kambagʻallikni qisqartirish va bandlik vazirligi” soʻzlari bilan almashtirilsin.

11. Oʻzbekiston Respublikasi Prezidentining 2018-yil 4-avgustdagi “Oʻzbekiston Respublikasi Qurolli Kuchlari harbiy xizmatchilarining maʼnaviy-maʼrifiy saviyasini oshirish tizimini tubdan takomillashtirish toʻgʻrisida”gi PQ-3898-son qarorida:

a) 1-ilovaning 14-bandi oltinchi xatboshisidagi “Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita” soʻzlari “Oʻzbekiston Respublikasi Din ishlari boʻyicha qoʻmitasi” soʻzlari bilan almashtirilsin;

b) 5-ilovaning 12-pozitsiyasi quyidagi tahrirda bayon etilsin:

“12. D. Maxsudov — Oʻzbekiston Respublikasi Din ishlari boʻyicha qoʻmitasi raisining birinchi oʻrinbosari”.

12. Oʻzbekiston Respublikasi Prezidentining 2019-yil 4-sentabrdagi “Diniy-maʼrifiy soha faoliyatini takomillashtirish boʻyicha qoʻshimcha chora-tadbirlar toʻgʻrisida”gi PQ-4436-son qarorining 1-bandi birinchi xatboshisidagi “Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmitaning (keyingi oʻrinlarda — Qoʻmita) Ichki ishlar vazirligi, Yoshlar ishlari agentligi hamda Mahalla va oilani qoʻllab-quvvatlash vazirligi bilan birgalikda” soʻzlari “Oʻzbekiston Respublikasi Din ishlari boʻyicha qoʻmitasining (keyingi oʻrinlarda — Qoʻmita) Ichki ishlar vazirligi, Yoshlar siyosati va sport vazirligi hamda Kambagʻallikni qisqartirish va bandlik vazirligi bilan birgalikda” soʻzlari bilan almashtirilsin.

13. Oʻzbekiston Respublikasi Prezidentining 2019-yil 8-noyabrdagi “Reproduktiv yoshdagi ayollar, homiladorlar va bolalarga koʻrsatiladigan tibbiy yordam sifatini oshirish va koʻlamini yanada kengaytirish toʻgʻrisida”gi PQ-4513-son qaroriga 2-ilovaning toʻqqizinchi xatboshisi quyidagi tahrirda bayon etilsin:

“S.D. Toshboyev — Oʻzbekiston Respublikasi Din ishlari boʻyicha qoʻmitasi raisi”.

14. Oʻzbekiston Respublikasi Prezidentining 2020-yil 11-avgustdagi “Imom Moturidiy xalqaro ilmiy-tadqiqot markazini tashkil etish chora-tadbirlari toʻgʻrisida”gi PQ-4802-son qaroriga 1-ilovaning 9-pozitsiyasi quyidagi tahrirda bayon etilsin:

“9. S.D. Toshboyev — Oʻzbekiston Respublikasi Din ishlari boʻyicha qoʻmitasi raisi”.

15. Oʻzbekiston Respublikasi Prezidentining 2020-yil 9-sentabrdagi “Gʻalaba bogʻi” yodgorlik majmuasi faoliyatini tashkil etish chora-tadbirlari toʻgʻrisida”gi PQ-4820-son qaroriga 1-ilovaning 33-pozitsiyasi “Masʼul ijrochilar” ustunidagi “Mahalla va oilani qoʻllab-quvvatlash vazirligi, Vazirlar Mahkamasi huzuridagi Din ishlari boʻyicha qoʻmita” soʻzlari “Kambagʻallikni qisqartirish va bandlik vazirligi, Din ishlari boʻyicha qoʻmita” soʻzlari bilan almashtirilsin.

16. Oʻzbekiston Respublikasi Prezidentining 2021-yil 2-apreldagi “Ichki ishlar organlarining jamoat xavfsizligini taʼminlash va jinoyatchilikka qarshi kurashish sohasidagi faoliyatini yanada takomillashtirish boʻyicha qoʻshimcha tashkiliy chora-tadbirlar toʻgʻrisida”gi PQ-5050-son qaroriga 3-ilovaning 22-bandi yettinchi xatboshisidagi “Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita” soʻzlari “Oʻzbekiston Respublikasi Din ishlari boʻyicha qoʻmitasi” soʻzlari bilan almashtirilsin.

17. Oʻzbekiston Respublikasi Prezidentining 2022-yil 10-fevraldagi “Qadimiy yozma manbalarni saqlash va tadqiq etish tizimini takomillashtirishga doir qoʻshimcha chora-tadbirlar toʻgʻrisida”gi PQ-126-son qarorining 8-bandi birinchi xatboshisidagi “Oliy va oʻrta maxsus taʼlim vazirligi, Vazirlar Mahkamasi huzuridagi Din ishlari boʻyicha qoʻmita” soʻzlari “Oliy taʼlim, fan va innovatsiyalar vazirligi, Din ishlari boʻyicha qoʻmita” soʻzlari bilan almashtirilsin.

18. Oʻzbekiston Respublikasi Prezidentining 2022-yil 24-dekabrdagi “Samarqand viloyatining turizm va transport salohiyatidan samarali foydalanish, viloyatni “Samarqand — Yangi Oʻzbekistonning turizm darvozasi” konsepsiyasi asosida rivojlantirish boʻyicha qoʻshimcha chora-tadbirlar toʻgʻrisida”gi PQ-455-son qarorining 11-bandida:

a) birinchi xatboshidagi “Turizm va madaniy meros vazirligi” soʻzlari “Madaniyat va turizm vazirligi” soʻzlari bilan almashtirilsin;

b) ikkinchi xatboshidagi “Vazirlar Mahkamasi huzuridagi Din ishlari boʻyicha qoʻmita” soʻzlari “Din ishlari boʻyicha qoʻmita” soʻzlari bilan almashtirilsin.