2026-yil Oʻzbekistonda boʻlib oʻtadigan 46-Butunjahon shaxmat olimpiadasiga kompleks tayyorgarlik koʻrish hamda shaxmatni ommaviy harakatga aylantirishga oid chora-tadbirlar toʻgʻrisida (PQ-150-son)

08.05.2023

Oʻzbekiston Respublikasi Prezidentining

Qarori

Mamlakatimizda ilk bor oʻtkaziladigan Butunjahon shaxmat olimpiadasini yuqori saviyada tashkil etishga puxta tayyorgarlik koʻrish, yangi avlod isteʼdodli yosh shaxmatchilarni tayyorlash va jahon shaxmat maydoniga olib chiqish, shaxmatni aholi oʻrtasida yanada ommalashtirish maqsadida:

1. Xalqaro shaxmat federatsiyasining (keyingi oʻrinlarda — FIDE) 2022-yildagi kongressida 46-Butunjahon shaxmat olimpiadasi hamda FIDEning navbatdagi kongressini 2026-yil Oʻzbekistonda oʻtkazish toʻgʻrisida qaror qabul qilinganligini inobatga olib, Yoshlar siyosati va sport vazirligi hamda Oʻzbekiston shaxmat federatsiyasining 46-Butunjahon shaxmat olimpiadasini Samarqand shahrida oʻtkazish toʻgʻrisidagi taklifi maʼqullansin.

2. 2026-yil Oʻzbekistonda boʻlib oʻtadigan 46-Butunjahon shaxmat olimpiadasiga kompleks tayyorgarlik koʻrish boʻyicha tashkiliy qoʻmita (keyingi oʻrinlarda — Tashkiliy qoʻmita) tuzilsin hamda uning tarkibi 1-ilovaga muvofiq tasdiqlansin.

3. Quyidagilar Tashkiliy qoʻmitaning asosiy vazifalari etib belgilansin:

2023-yil 1-dekabrga qadar FIDE rahbariyati boshchiligidagi delegatsiyaning Toshkent va Samarqand shaharlariga tashrifini tashkillashtirish;

46-Butunjahon shaxmat olimpiadasini oʻtkazish boʻyicha FIDE bilan Oʻzbekiston Respublikasi Hukumati oʻrtasida shartnomalar, kelishuvlar, memorandumlar va kafolat xatlarini imzolash;

FIDE tomonidan tasdiqlangan 46-Butunjahon shaxmat olimpiadasiga tayyorgarlikning bosh rejasini tuzish, olimpiada dasturi va logotipini tasdiqlash;

46-Butunjahon shaxmat olimpiadasini yuqori saviyada tashkil etish boʻyicha tegishli vazirlik va idoralar ishini muvofiqlashtirib borish hamda ularning hisobotlarini eshitish;

46-Butunjahon shaxmat olimpiadasini tashkil etish va oʻtkazish uchun zarur mutaxassis kadrlarni tayyorlash boʻyicha ishlarni muvofiqlashtirish;

46-Butunjahon shaxmat olimpiadasini tashkil etish va oʻtkazish boʻyicha xarajatlar smetasini tasdiqlash;

46-Butunjahon shaxmat olimpiadasini oʻtkazishga tayyorgarlik koʻrish boʻyicha barcha masalalarni va yuzaga keladigan muammolarni tezkorlik bilan hal etish.

4. Oʻzbekiston shaxmat federatsiyasi (A. Saʼdullayev) Sport vazirligi (Sh. Maxmudov), Samarqand viloyati hokimligi (E. Turdimov) bilan birgalikda 2024-yildan boshlab 46-Butunjahon shaxmat olimpiadasini oʻtkazish bilan bogʻliq har yilgi xarajatlar smetasini tayyorlab, Tashkiliy qoʻmitaga kiritsin.

5. 46-Butunjahon shaxmat olimpiadasini yuqori saviyada tashkil etish va oʻtkazishga masʼul tashkilot etib Oʻzbekiston shaxmat federatsiyasi belgilansin.

6. Oʻzbekiston shaxmat federatsiyasi (A. Saʼdullayev):

46-Butunjahon shaxmat olimpiadasini oʻtkazish boʻyicha FIDE bilan Oʻzbekiston Respublikasi Hukumati oʻrtasida shartnomalar, kelishuvlar, memorandumlar va kafolat xatlarini imzolash tadbirlarini tashkil etish;

mavjud infratuzilmalar quvvatini tahlil qilish asosida 46-Butunjahon shaxmat olimpiadasi oʻtkaziladigan sport inshootlari va boshqa obyektlarni FIDE talablariga muvofiq tayyorlash, ularni zarur boʻladigan sport, tibbiy, texnik va boshqa jihozlar bilan taʼminlash;

46-Butunjahon shaxmat olimpiadasida ishtirok etuvchi erkaklar va ayollarning 3 tadan milliy terma jamoalarini shakllantirish;

46-Butunjahon shaxmat olimpiadasini tashkil etish va oʻtkazish jarayoniga volontyorlarni jalb etish;

46-Butunjahon shaxmat olimpiadasiga tayyorgarlikning borishi va amalga oshirilayotgan ishlar toʻgʻrisida Sport vazirligi bilan birgalikda Tashkiliy qoʻmitaga muntazam ravishda hisobot taqdim etib borish choralarini koʻrsin.

7. 2026-yil Oʻzbekistonda boʻlib oʻtadigan 46-Butunjahon shaxmat olimpiadasiga kompleks tayyorgarlik koʻrish hamda shaxmatni ommaviy harakatga aylantirishga oid chora-tadbirlar dasturi 2-ilovaga muvofiq tasdiqlansin.

8. Maktabgacha va maktab taʼlimi vazirligi (H. Umarova), Oliy taʼlim, fan va innovatsiyalar vazirligi (I. Abduraxmonov) hamda Sport vazirligi (A. Ikramov) Oʻzbekiston shaxmat federatsiyasi (A. Saʼdullayev) bilan birgalikda:

maktabgacha taʼlim tashkilotlari tarbiyalanuvchilariga shaxmatni soddalashtirilgan tarzda oʻrgatuvchi animatsion materiallar va oʻquv qoʻllanmalarni yaratsin;

maktabgacha taʼlim tashkilotlari tarbiyalanuvchilarini shaxmatga qiziqtirish va oʻrgatish boʻyicha “Shaxmat bogʻchadan boshlanadi” maxsus dasturini amalga oshirishni tizimli yoʻlga qoʻysin;

har yili maktabgacha taʼlim tashkilotlari tarbiyalanuvchilari oʻrtasida “Shaxmat festivali” musobaqalarini oʻtkazib borsin;

umumiy oʻrta, oʻrta maxsus, professional va oliy taʼlim muassasalarida “Maktab ligasi”, “Akademik litsey ligasi” “Professional taʼlim muassasalari ligasi” va “Talabalar ligasi” musobaqalarini har yili uch bosqichda tizimli oʻtkazishni yoʻlga qoʻysin.

9. 2024-yil 1-yanvardan boshlab “Shaxmat stipendiyasi” taʼsis etilsin.

Belgilansinki, “Maktab ligasi”, “Akademik litsey ligasi”, “Professional taʼlim muassasalari ligasi” va “Talabalar ligasi” musobaqalarida gʻolib boʻlgan oʻquvchi-yoshlar va talabalar yil davomida har oyda bazaviy hisoblash miqdorining besh baravari miqdorida “Shaxmat stipendiyasi” bilan ragʻbatlantiriladi.

10. Shunday tartib oʻrnatilsinki, unga muvofiq 2024-yil 1-yanvardan boshlab xususiy shaxmat klublariga ular tomonidan shaxmat toʻgaraklarini tashkil etish va aholiga xizmat koʻrsatish uchun davlat mulki obyektlari va hududlardagi “Yoshlar markazlari”dan ijara toʻlovlarisiz (kommunal toʻlovlar bundan mustasno) joy ajratiladi.

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Yoshlar ishlari agentligi, Davlat aktivlarini boshqarish agentligi bilan birgalikda shaxmat toʻgaraklarini tashkil etish uchun “Yoshlar markazlari”dan joy tayyorlasin va qiziqish bildirayotgan fuqarolarga ularni taklif qilsin.

11. Mudofaa vazirligi (B. Kurbanov), Milliy gvardiya (R. Djurayev) va Ichki ishlar vazirligi (P. Bobojonov) Sport vazirligi hamda Oʻzbekiston shaxmat federatsiyasi bilan birgalikda Qurolli Kuchlar tizimida, shu jumladan harbiy taʼlimga yoʻnaltirilgan tashkilotlarda, shuningdek, jazoni ijro etish muassasalarida shaxmatni yanada rivojlantirish va ommalashtirish maqsadida:

shaxmat boʻyicha trener va mutaxassislarni jalb qilgan holda harbiy xizmatchi va xodimlar uchun oʻquv mashgʻulotlarini tashkil qilsin;

harbiy xizmatchi va xodimlar uchun shaxmat boʻyicha oʻquv-uslubiy qoʻllanmalar va boshqa axborot materiallarini tayyorlasin;

Qurolli Kuchlar harbiy tuzilmalari, harbiy taʼlimga yoʻnaltirilgan tashkilotlar va jazoni ijro etish muassasalarini shaxmat boʻyicha oʻquv qoʻllanma, shaxmat taxtasi, figuralari, soati va boshqa zarur anjomlar bilan taʼminlasin;

harbiy xizmatchi va xodimlar uchun mashhur shaxmatchilar ishtirokida mahorat darslari, uchrashuvlar, seminar, trening va oʻquv darslarini tashkil etsin;

Qurolli Kuchlar harbiy tuzilmalari, harbiy taʼlimga yoʻnaltirilgan tashkilotlar va jazoni ijro etish muassasalarida yil davomida tizimli ravishda shaxmat boʻyicha turnirlar va musobaqalarni tashkil qilsin hamda gʻolib va sovrindorlarni ragʻbatlantirib borsin.

Belgilansinki, mazkur bandda nazarda tutilgan chora-tadbirlarni amalga oshirish bilan bogʻliq sarf-xarajatlar Mudofaa vazirligi, Milliy gvardiya hamda Ichki ishlar vazirligining mablagʻlari hisobidan amalga oshiriladi.

Yoshlar siyosati va sport vazirligi (Sh. Maxmudov) hamda Oʻzbekiston shaxmat federatsiyasi (A. Saʼdullayev) salohiyatli harbiy xizmatchilar va xodimlarni shaxmat boʻyicha respublika hamda xalqaro musobaqalar va turnirlarga keng jalb qilsin, ularni shaxmatchilar zaxirasi va terma jamoalar tarkibiga qoʻshish choralarini koʻrsin.

12. Sport vazirligi (A. Ikramov) Oʻzbekiston shaxmat federatsiyasi (A. Saʼdullayev), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda:

2024-yildan boshlab har yili professional shaxmat klublari oʻrtasida “Oʻzbekiston birinchiligi” musobaqalarini oʻtkazib borish;

shaxmat boʻyicha milliy terma jamoalar aʼzolari, shuningdek, milliy terma jamoalarga asosiy nomzod boʻlgan shaxmatchilarni tayyorlash uchun tajribali xorijiy trener va mutaxassislarni jalb qilish hamda ularning koʻmagida mahalliy trener va mutaxassislarni oʻqitish;

xalqaro arbitrlar tayyorlash boʻyicha seminarlar va amaliy mashgʻulotlarni muntazam tashkil etib borish;

shaxmatni targʻib qilishda alohida namuna koʻrsatgan ommaviy axborot vositalari vakillari va sharhlovchilar (“strimer”lar)ni tanlov asosida tanlab olish boʻyicha chora-tadbirlarni amalga oshirish;

FIDE tasnifiga kiruvchi nufuzli xalqaro musobaqalarni bosqichma-bosqich Oʻzbekistonda oʻtkazish boʻyicha chora-tadbirlarni amalga oshirish;

hududlarda iqtidorli shaxmatchi yoshlarni aniqlash, tanlash va saralash (seleksiya) hamda ularni professional shaxmatchilar sifatida tayyorlash tizimini yanada takomillashtirish choralarini koʻrsin.

Belgilansinki, ushbu bandda nazarda tutilgan chora-tadbirlarni moliyalashtirish Yoshlarga oid davlat siyosatini qoʻllab-quvvatlash jamgʻarmasi mablagʻlari hisobidan amalga oshiriladi.

13. Iqtisodiyot va moliya vazirligi (Sh. Kudbiyev) 2024-yildan boshlab har yili 46-Butunjahon shaxmat olimpiadasini oʻtkazishga puxta tayyorgarlik koʻrish boʻyicha Tashkiliy qoʻmita tomonidan tasdiqlangan xarajatlar smetasiga muvofiq 50 milliard soʻmgacha mablagʻlar Davlat budjeti parametrlarida nazarda tutilishini taʼminlasin.

Belgilansinki, ushbu bandning birinchi xatboshisida koʻzda tutilgan mablagʻlar quyidagi maqsadlar uchun yoʻnaltiriladi:

46-Butunjahon shaxmat olimpiadasini oʻtkazish uchun FIDEga kafolat mablagʻlarini oʻtkazish;

46-Butunjahon shaxmat olimpiadalariga shaxmatchilarimizni tayyorlash, shu jumladan superkompyuter dasturlarini ijaraga olish, shaxmatchilar va ularning trenerlari FIDE tasnifidagi musobaqalarda ishtirok etishi bilan bogʻliq tadbirlarni moliyalashtirish;

46-Butunjahon shaxmat olimpiadasini oʻtkazishga tayyorgarlik koʻrish va uni oʻtkazish bilan bogʻliq boshqa xarajatlarni moliyalashtirish;

shaxmat boʻyicha zamonaviy metodikalarga asoslangan ilmiy-uslubiy va oʻquv adabiyotlarni tayyorlash va chop etish;

“Shaxmat stipendiyasi”ni toʻlab borish;

shaxmat boʻyicha mahalliy va xalqaro chempionatlar, turnirlar va boshqa musobaqalarni tashkil etish va qoʻshimcha moliyalashtirish.

14. Oʻzbekiston Milliy axborot agentligi (A. Koʻchimov), Oʻzbekiston Milliy teleradiokompaniyasi (A. Xadjayev) va Oʻzbekiston Milliy media assotsiatsiyasi (Sh. Qudratxoʻja) Sport vazirligi (A. Ikramov) hamda Oʻzbekiston shaxmat federatsiyasi (A. Saʼdullayev) bilan birgalikda 2026-yil Oʻzbekistonda boʻlib oʻtadigan 46-Butunjahon shaxmat olimpiadasiga kompleks tayyorgarlik koʻrish hamda shaxmatni ommaviy harakatga aylantirishga oid amaliy chora-tadbirlarni keng yoritsin.

15. Ushbu qaror ijrosini samarali tashkil qilishga masʼul va shaxsiy javobgar etib Yoshlar siyosati va sport vaziri A.I. Ikramov, Yoshlar ishlari agentligi direktori, Oʻzbekiston shaxmat federatsiyasi raisi A.Z. Saʼdullayev hamda Samarqand viloyati hokimi E.O. Turdimov belgilansin.

Qaror ijrosini nazorat qilish 2026-yil Oʻzbekistonda boʻlib oʻtadigan 46-Butunjahon shaxmat olimpiadasiga kompleks tayyorgarlik koʻrish boʻyicha tashkiliy qoʻmita raisi, Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 8-may,

PQ-150-son

Oʻzbekiston Respublikasi Prezidentining 2023-yil 8-maydagi PQ-150-son qaroriga 1-ILOVA

2026-yil Oʻzbekistonda boʻlib oʻtadigan 46-Butunjahon shaxmat olimpiadasiga kompleks tayyorgarlik koʻrish boʻyicha tashkiliy qoʻmita

TARKIBI

1.A.N. Aripov—Bosh vazir, Oʻzbekiston shaxmat federatsiyasi raisi, Tashkiliy qoʻmita raisi2.A.I. Ikramov—sport vaziri, Tashkiliy qoʻmita raisi oʻrinbosari3.A.M. Boboyev—Samarqand viloyati hokimi v.b., Tashkiliy qoʻmita raisi oʻrinbosari4.X.U. Umarova—maktabgacha va maktab taʼlimi vaziri5.K.A. Sharipov—oliy taʼlim, fan va innovatsiyalar vaziri6.O.A. Nazarbekov—madaniyat vaziri7.I.I. Norqulov—iqtisodiyot va moliya vazirining birinchi oʻrinbosari8.I.R. Maxkamov—transport vaziri 9.A.A. Xudayarov—sogʻliqni saqlash vaziri10.Sh.S. Xidoyatov—qurilish va uy-joy kommunal xoʻjaligi vaziri11.Sh.X. Shermatov—raqamli texnologiyalar vaziri12.P.R. Bobojonov—ichki ishlar vaziri13.B.O. Saidov—tashqi ishlar vaziri14.R.M. Djurayev—Milliy gvardiya qoʻmondoni15.A.Yu. Mavlonov—Bojxona qoʻmitasi raisi16.S.E. Xusanov—Davlat xavfsizlik xizmati raisi oʻrinbosari — Chegara qoʻshinlari qoʻmondoni17.Sh.Sh. Xudaykulov—“Uzbekistan Airways” AJ boshqaruvi raisi18.J.O. Umarxodjayev—“Uzbekistan Airports” AJ boshqaruvi raisi19.Z.Gʻ. Narzullayev—“Oʻzbekiston temir yoʻllari” AJ boshqaruvi raisi20.A.K. Koʻchimov—Oʻzbekiston Milliy axborot agentligi bosh direktori21.A.A. Djurabayev—Oʻzbekiston Milliy teleradiokompaniyasi raisi22.Sh.T. Qudratxoʻja—Oʻzbekiston Milliy media assotsiatsiyasi boshqaruvi raisi23.A.Z. Saʼdullayev—Oʻzbekiston shaxmat federatsiyasi raisining birinchi oʻrinbosari, Tashkiliy qoʻmita kotibi

Izoh: Tashkiliy qoʻmita aʼzolari boshqa ishga oʻtgan taqdirda uning tarkibiga ushbu lavozimlarga yangidan tayinlangan yoki zimmasiga tegishli funksiyalarni bajarish yuklangan shaxslar kiritiladi.

Tashkiliy qoʻmita tarkibiga zaruratga koʻra boshqa davlat organlari va tashkilotlari rahbarlari jalb qilinadi.

Oʻzbekiston Respublikasi Prezidentining 2023-yil 8-maydagi PQ-150-son qaroriga 2-ILOVA

2026-yil Oʻzbekistonda boʻlib oʻtadigan 46-Butunjahon shaxmat olimpiadasiga kompleks tayyorgarlik koʻrish hamda shaxmatni ommaviy harakatga aylantirishga oid chora-tadbirlar

DASTURI

T/rChora-tadbirlarAmalga oshirish mexanizmlariBajarish muddatlariMoliyalashtirish manbalariMasʼul ijrochilarI. 2026-yil Oʻzbekistonda boʻlib oʻtadigan 46-Butunjahon shaxmat olimpiadasiga (keyingi oʻrinlarda — Shaxmat olimpiadasi) kompleks tayyorgarlik koʻrish1.FIDE rahbariyati boshchiligidagi delegatsiyaning Oʻzbekistonga tashrifini amalga oshirish.1. FIDE delegatsiyasining Samarqand shahriga tashrifini tashkillashtirish boʻyicha muzokaralar olib borish.2. Shaxmat olimpiadasini oʻtkazish boʻyicha rasmiy hujjatni (shartnoma, kelishuv memorandumi) imzolash tadbirini oʻtkazish.3. Oʻzbekiston Respublikasi Prezidenti hamda FIDE rahbari oʻrtasida oliy darajadagi uchrashuvni tashkil etish.2023-yil davomida, kelishuvga muvofiqTashkiliy qoʻmita tomonidan tasdiqlangan xarajatlar smetasiga muvofiq Davlat budjeti mablagʻlariTashkiliy qoʻmita, Oʻzbekiston shaxmat federatsiyasi, Yoshlar siyosati va sport vazirligi2.Shaxmat olimpiadasini oʻtkazish boʻyicha hujjatlar toʻplamini FIDEga taqdim etish uchun tayyorlash. Shaxmat olimpiadasini FIDE qoidalari asosida oʻtkazish boʻyicha:Oʻzbekiston Respublikasi Hukumati;Samarqand viloyat hokimi;Bojxona qoʻmitasi;Soliq qoʻmitasi;Davlat xavfsizlik xizmati Chegara qoʻshinlari rahbarlari tomonidan kafolat xatlarini joʻnatish.2024-yil 1-yanvarga qadar-Yoshlar siyosati va sport vazirligi, Oʻzbekiston shaxmat federatsiyasi, Samarqand viloyati hokimligi, Bojxona qoʻmitasi, Soliq qoʻmitasi, DXX Chegara qoʻshinlari3.FIDE vakillarining Oʻzbekistonga tashriflarini tashkil etish.1. FIDE vakillarining Oʻzbekistonga tashrifi boʻyicha muzokaralar olib borish.2. FIDE vakillarining Oʻzbekistonga tashrifi boʻyicha kutib olish dasturini tayyorlash. 3. FIDE vakillarining tashrifi bilan bogʻliq barcha xarajatlarni, shu jumladan, aviachiptalar, ichki transport, yashash va ovqatlanish xarajatlarini qoplash.2023 — 2026-yillarda,kelishuvga muvofiqTashkiliy qoʻmita tomonidan tasdiqlangan xarajatlar smetasiga muvofiq Davlat budjeti mablagʻlariSport vazirligi, Oʻzbekiston shaxmat federatsiyasi4.2024-yil Budapesht shahrida boʻlib oʻtadigan 45-Butunjahon shaxmat olimpiadasini tashkillashtirish tajribasini oʻrganish.1. 2024-yil Budapesht shahrida boʻlib oʻtadigan 45-Butunjahon shaxmat olimpiadasini tashkillashtirish tajribasini oʻrganish. 2. 45-Butunjahon shaxmat olimpiadasi tashkiliy qoʻmitasi bilan uchrashuvlar tashkil qilish.3. FIDE Bosh assambleyasining 94-yigʻilishida Shaxmat olimpiadasiga Oʻzbekistonning tayyorgarligi boʻyicha taqdimot qilish.4. Oʻrganilgan tajriba natijalarini tahlil qilish va Shaxmat olimpiadasini oʻtkazishda samarali foydalanish.2023 — 2024-yillar davomidaTashkiliy qoʻmita tomonidan tasdiqlangan xarajatlar smetasiga muvofiq Davlat budjeti mablagʻlariSport vazirligi, Tashqi ishlar vazirligi, Oʻzbekiston shaxmat federatsiyasi, manfaatdor vazirlik va idoralar5.FIDE vakillariga Shaxmat olimpiadasi oʻtkaziladigan obyektlarni koʻrsatish.1. Samarqand viloyatidagi obyektlarni tayyorlash. 2. Qoʻshimcha barpo etiladigan obyektlar zaxirasini tayyorlash.2024 — 2026-yillarda,kelishuvga muvofiqTashkiliy qoʻmita tomonidan tasdiqlangan xarajatlar smetasiga muvofiq Davlat budjeti mablagʻlariSport vazirligi, Oʻzbekiston shaxmat federatsiyasi6.Toshkent shahri va Samarqand viloyatida mavjud boʻlgan sport inshootlari, logistika, yoʻllar holati, transport, mehmonxona infratuzilmalari quvvatlarini tahlil qilish va chet el tajribasini oʻrgangan holda Shaxmat olimpiadasini oʻtkazish uchun talab etiladigan tegishli qoʻshimcha infratuzilmalar va obyektlar roʻyxatini shakllantirish, ularni qurish hajmlari va qiymatlarini aniqlash hamda ehtiyojlardan kelib chiqqan holda obyektlarni va yoʻllarni taʼmirlash va qurish.1. Mavjud infratuzilmalar quvvatini oʻrganish.2023-yil iyulTashkiliy qoʻmita tomonidan tasdiqlangan xarajatlar smetasiga muvofiq Davlat budjeti mablagʻlariTashkiliy qoʻmita, Sport vazirligi, Samarqand viloyati hokimligi, manfaatdor vazirlik va idoralar2. Oʻrganish asosida qoʻshimcha infratuzilmalarni yaratish boʻyicha Vazirlar Mahkamasiga aniq takliflar kiritish.2023-yil avgust3. Ehtiyojlardan kelib chiqqan holda infratuzilma obyektlarini va yoʻllarni taʼmirlash va qurish.2023 — 2026-yillar davomida7.Shaxmat olimpiadasi logotipini ishlab chiqish.1. Logotip namunasini ishlab chiqish va kelishish.2. Logotipni eʼlon qilish va tarqatish.2024-yil dekabrIjrochilar mablagʻlariOʻzbekiston shaxmat federatsiyasi, Sport vazirligi8.Shaxmat olimpiadasiga tashrif buyuradigan shaxmatchilar, delegatsiya aʼzolari va boshqa mehmonlarni kutib olish ishlarini tashkil etish.Xalqaro shaxmat federatsiya (assotsiatsiya)lari vakillariga kirish vizalarini konsullik yigʻimlari va haqiqiy xarajatlarning oʻrnini qoplash hisobidan yigʻimlarni undirmasdan, zarur hollarda, Islom Karimov nomidagi “Toshkent” xalqaro aeroportida va “Samarqand” xalqaro aeroportida rasmiylashtirish.1. Shaxmat olimpiadasiga tashrif buyuradigan chet ellik fuqarolar roʻyxatini shakllantirish.2. Xalqaro shaxmat federatsiya (assotsiatsiya)lari vakillariga kirish vizalarini konsullik yigʻimlari va haqiqiy xarajatlarning oʻrnini qoplash hisobidan yigʻimlarni undirmasdan, zarur hollarda, Islom Karimov nomidagi “Toshkent” xalqaro aeroportida va “Samarqand” xalqaro aeroportida rasmiylashtirish.2026-yil,Shaxmat olimpiadasi boʻlib oʻtadigan muddatlardaIjrochilar mablagʻlariSport vazirligi, Tashqi ishlar vazirligi, Transport vazirligi, Samarqand viloyat hokimligi, Toshkent shahri hokimligi9.Shaxmat olimpiadasiga tayyorgarlik koʻrish yuzasidan boshqa tashkiliy chora-tadbirlarni amalga oshirish. 1. Televizion koʻrsatuvlar taqdimoti va texnik tayyorgarlik, efirga uzatish huquqlari himoyasi, Shaxmat olimpiadasining tantanali ochilish hamda yopilish marosimlariga tayyorgarlik koʻrish.2. Shaxmat olimpiadasi gʻoyalari va qadriyatlarini targʻib etishga qaratilgan reklama tadbirlarini oʻtkazish, axborot bilan taʼminlash, marketing dasturlarini amalga oshirish, mazkur olimpiadaga homiylarni jalb qilish.2024 — 2026-yillar davomidaIjrochilar mablagʻlariOʻzbekiston shaxmat federatsiyasi, Sport vazirligi10.Shaxmat olimpiadasini yuqori saviyada tashkil etish va oʻtkazish boʻyicha xalqaro va respublika miqyosidagi tadbirlar hamda uning doirasida koʻrgazmalar, konferensiyalar, ilmiy-amaliy anjumanlar va boshqa tadbirlarni oʻtkazish.1. Tadbirlar roʻyxatini shakllantirish.2. Tadbirlarni tashkil qilish.3. Tadbirlarni ommaviy axborot vositalari va ijtimoiy tarmoqlarda yoritish.2023 — 2026-yillar davomidaIjrochilar mablagʻlariOʻzbekiston shaxmat federatsiyasi, Sport vazirligi11.Shaxmat olimpiadasi uchun shaxmatchilar va mutaxassislarni tayyorlash boʻyicha chora-tadbirlarni amalga oshirish.1. Shaxmat boʻyicha terma jamoalarning tayyorgarligi uchun tajribali xalqaro trenerlarni jalb qilish, ular ishtirokida hududlarda yil davomida iqtidorli shaxmatchi yoshlarni aniqlash, tanlash va saralash (seleksiya) hamda ularni professional shaxmatchilar sifatida tayyorlash sifatini yangi bosqichga koʻtarish.2. Professional shaxmatchilar uchun murakkab dasturlar bilan ishlashga moʻljallangan superkompyuterdan foydalanish imkoniyatini yaratish.3. Shaxmat olimpiadasida ishtirok etuvchi erkaklar va ayollarning 3 tadan terma jamoalarni shakllantirish.4. Har yili xalqaro arbitrlar tayyorlash boʻyicha seminarlar, vorkshoplar tashkil etish va bu orqali xalqaro unvonga ega boʻlgan arbitrlar sonini 2026-yilga qadar 100 nafarga yetkazish.2023 — 2026-yillar davomidaOʻzbekiston shaxmat federatsiyasiga Davlat budjetidan ajratiladigan mablagʻlar, homiylik mablagʻlariOʻzbekiston shaxmat federatsiyasi, Sport vazirligi, manfaatdor vazirliklar, idoralar, korxonalar va tashkilotlar5. FIDE reytingi boʻyicha 1800 va undan yuqori ball toʻplagan shaxmatchilarga, istisno tariqasida, malaka oshirish va qayta tayyorlash kurslaridan oʻtmasdan imtihonsiz shaxmat boʻyicha trenerlik faoliyatini amalga oshirish huquqini taqdim etish.2023-yil 1-dekabrdan boshlab12.Shaxmat olimpiadasiga tayyorgarlik koʻrish va oʻtkazish jarayonlarini ommaviy axborot vositalarida keng yoritish.1. Shaxmat olimpiadasiga tayyorgarlik jarayonlarining borishi toʻgʻrisida roliklar tayyorlash.2. Turli koʻrsatuvlar va dasturlar tashkil etish.2024 — 2026-yillar davomidaIjrochilar mablagʻlariOʻzbekiston Milliy teleradiokompaniyasi, Oʻzbekiston Milliy axborot agentligi, Oʻzbekiston Milliy media assotsiatsiyasi, ommaviy axborot vositalariII. Shaxmatni ommaviy harakatga aylantirish13.Maktabgacha taʼlim tashkilotlarida tarbiyalanuvchilarga shaxmatni oʻrgatish, tarbiyalanuvchilar oʻrtasida har yili shaxmat boʻyicha maktabgacha taʼlim tashkilotlari — tuman (shahar) — hudud — respublika bosqichlaridan iborat “Shaxmat festivali” musobaqalarini oʻtkazish.1. Maktabgacha taʼlim tashkilotlari tarbiyalanuvchilari va tarbiyachilari uchun shaxmatni soddalashtirilgan tarzda oʻrgatuvchi animatsion materiallar, oʻquv-qoʻllanmalar tayyorlash va tarbiyalanuvchilarga shaxmatni oʻrgatish.Doimiy reja asosidaOʻzbekiston shaxmat federatsiyasiga Davlat budjetidan ajratiladigan mablagʻlarOʻzbekiston shaxmat federatsiyasi, Sport vazirligi, Maktabgacha va maktab taʼlimi vazirligi2. Maktabgacha taʼlim tashkilotlari tarbiyalanuvchilari oʻrtasida maktabgacha taʼlim tashkilotlari — tuman (shahar) — hudud — respublika bosqichlaridan iborat “Shaxmat festivali” musobaqalarini oʻtkazish tartibini tasdiqlash.2023-yil avgust3. “Shaxmat festivali” musobaqalarini oʻtkazish.Har yili14.Oʻquvchilar oʻrtasida har yili shaxmat boʻyicha taʼlim muassasasi — tuman (shahar) — hudud — respublika bosqichlaridan iborat “Maktab ligasi” musobaqalarini oʻtkazish.1. Maktab oʻquvchilari oʻrtasida har yili shaxmat boʻyicha taʼlim muassasasi — tuman (shahar) — hudud — respublika bosqichlaridan iborat “Maktab ligasi” musobaqalarini oʻtkazish tartibini tasdiqlash.2023-yil sentabrOʻzbekiston shaxmat federatsiyasiga Davlat budjetidan ajratiladigan mablagʻlarOʻzbekiston shaxmat federatsiyasi, Sport vazirligi, Maktabgacha va maktab taʼlimi vazirligi2. “Maktab ligasi” musobaqalarini oʻtkazish.Har yili15.Oliy taʼlim, fan va innovatsiyalar vazirligi bilan birgalikda akademik litseylar oʻquvchilari oʻrtasida har yili taʼlim muassasasi — tuman (shahar) — hudud — respublika bosqichlaridan iborat “Akademik litsey ligasi” musobaqalarini oʻtkazish.1. Akademik litsey oʻquvchilari oʻrtasida har yili shaxmat boʻyicha taʼlim muassasasi — tuman (shahar) — hudud — respublika bosqichlaridan iborat “Akademik litsey ligasi” musobaqalarini oʻtkazish tartibini tasdiqlash.2023-yil sentabrOʻzbekiston shaxmat federatsiyasiga Davlat budjetidan ajratiladigan mablagʻlarOʻzbekiston shaxmat federatsiyasi, Sport vazirligi, Oliy taʼlim, fan va innovatsiyalar vazirligi2. “Akademik litsey ligasi” musobaqalarini oʻtkazish.Har yili16.Oliy taʼlim, fan va innovatsiyalar bilan birgalikda professional taʼlim muassasalari oʻquvchilari oʻrtasida har yili taʼlim muassasasi — tuman (shahar) — hudud — respublika bosqichlaridan iborat “Professional taʼlim muassasalari ligasi” musobaqalarini oʻtkazish.1. Professional taʼlim muassasalari oʻquvchilari oʻrtasida har yili taʼlim muassasasi — tuman (shahar) — hudud — respublika bosqichlaridan iborat “Professional taʼlim muassasalari ligasi” musobaqalarini oʻtkazish tartibini tasdiqlash.2023-yil oktabrOʻzbekiston shaxmat federatsiyasiga Davlat budjetidan ajratiladigan mablagʻlarOʻzbekiston shaxmat federatsiyasi, Sport vazirligi, Oliy taʼlim, fan va innovatsiyalar vazirligi2. “Professional taʼlim muassasalari ligasi” musobaqalarini oʻtkazish.Har yili17.Oliy taʼlim muassasalari talabalari oʻrtasida har yili oliy taʼlim muassasasi — hudud — respublika bosqichlaridan iborat “Talabalar ligasi” musobaqalarini oʻtkazish.1. Oliy taʼlim muassasalari talabalari oʻrtasida har yili oliy taʼlim muassasasi — hudud — respublika bosqichlaridan iborat “Talabalar ligasi” musobaqalarini oʻtkazish tartibini tasdiqlash.2023-yil noyabrOʻzbekiston shaxmat federatsiyasiga Davlat budjetidan ajratiladigan mablagʻlarOʻzbekiston shaxmat federatsiyasi, Sport vazirligi, Oliy taʼlim, fan va innovatsiyalar vazirligi2. “Talabalar ligasi” musobaqalarini oʻtkazish.Har yili18.Korxona va tashkilotlarda xodimlar oʻrtasida har yili shaxmat boʻyicha tuman — hudud — respublika bosqichlaridan iborat “Shaxmat ligasi” musobaqalarini oʻtkazish.1. Korxona va tashkilotlarda xodimlar oʻrtasida har yili shaxmat boʻyicha tuman — hudud — respublika bosqichlaridan iborat “Shaxmat ligasi” musobaqalarini oʻtkazish tartibini tasdiqlash.2023-yil dekabrOʻzbekiston shaxmat federatsiyasiga Davlat budjetidan ajratiladigan mablagʻlar, Oʻzbekiston kasaba uyushmalari federatsiyasi Kengashi, manfaatdor korxona va tashkilotlar mablagʻlariOʻzbekiston shaxmat federatsiyasi, Sport vazirligi, Oʻzbekiston kasaba uyushmalari federatsiyasi Kengashi, manfaatdor korxona va tashkilotlar2. “Shaxmat ligasi” musobaqalarini oʻtkazish.Har yili19.Mahalla fuqarolari oʻrtasida har yili shaxmat boʻyicha mahalla — tuman (shahar) — hudud — respublika bosqichlaridan iborat “Mahalla ligasi” musobaqalarini oʻtkazish.1. Mahalla fuqarolari oʻrtasida har yili shaxmat boʻyicha mahalla — tuman (shahar) — hudud — respublika bosqichlaridan iborat “Mahalla ligasi” musobaqalarini oʻtkazish tartibini tasdiqlash.2023-yil avgustOʻzbekiston shaxmat federatsiyasiga Davlat budjetidan ajratiladigan mablagʻlar, mahalliy budjet mablagʻlariOʻzbekiston shaxmat federatsiyasi, Sport vazirligi, Kambagʻallikni qisqartirish va bandlik vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari2. “Mahalla ligasi” musobaqalarini oʻtkazish.Har yili20.Professional shaxmatchilar oʻrtasida “Oʻzbekiston professional shaxmat ligasi” musobaqasini oʻtkazib borish.1. Professional shaxmatchilar oʻrtasida “Oʻzbekiston professional shaxmat ligasi” musobaqasini oʻtkazish tartibini belgilash.2. “Oʻzbekiston professional shaxmat ligasi” musobaqasini oʻtkazish.2024-yildan boshlab har yiliOʻzbekiston shaxmat federatsiyasiga Davlat budjetidan ajratiladigan mablagʻlar,homiylik mablagʻlariOʻzbekiston shaxmat federatsiyasi, Sport vazirligi, manfaatdor vazirliklar, idoralar, korxonalar va tashkilotlar21.Shaxmatni oʻqitishning zamonaviy metodikalariga asoslangan ilmiy-uslubiy va oʻquv adabiyotlarni doimiy tayyorlash hamda shaxmat boʻyicha trenerlarni tayyorlash, ularning malakasini oshirish va qayta tayyorlash tizimini joriy etish.1. Shaxmatni oʻqitishning zamonaviy metodikalariga asoslangan ilmiy-uslubiy va oʻquv adabiyotlarni doimiy tayyorlash.2023-2024-yillar davomidaOʻzbekiston shaxmat federatsiyasiga Davlat budjetidan ajratiladigan mablagʻlarOʻzbekiston shaxmat federatsiyasi, Yoshlar siyosati va sport vazirligi, Maktabgacha va maktab taʼlimi vazirligi, Oliy taʼlim, fan va innovatsiyalar vazirligi2. Ilmiy-uslubiy va oʻquv adabiyotlarni buyurtmalarga asosan ajratish.Vazirlik va idoralar mablagʻlari3. Shaxmat boʻyicha trenerlarni tayyorlash, ularning malakasini oshirish va qayta tayyorlash tizimini joriy etish.Yoshlar siyosati va sport vazirligi mablagʻlari22.Xususiy shaxmat klublariga ular tomonidan shaxmat toʻgaraklarini tashkil etish uchun davlat mulki obyektlari va hududlardagi “Yoshlar markazlari”dan ijara toʻlovlarisiz (kommunal toʻlovlar bundan mustasno) joy ajratish.1. Xususiy shaxmat klublari murojaatiga asosan ular tomonidan shaxmat toʻgaraklarini tashkil etish uchun davlat mulki obyektlari va hududlardagi “Yoshlar markazlari”dan ijara toʻlovlarisiz (kommunal toʻlovlar bundan mustasno) joy ajratish.2. Ustav fondidagi (ustav kapitalidagi) davlat ulushi ellik foizdan ortiq boʻlgan xoʻjalik jamiyatlari tomonidan shaxmat klublarini tashkil etish va homiylik mablagʻlari hisobidan ularni qoʻllab-quvvatlash.2024-yil 1-yanvardan boshlab-Davlat aktivlarini boshqarish agentligi, Yoshlar ishlari agentligi, Oʻzbekiston shaxmat federatsiyasi23.“Maktab ligasi”, “Akademik litsey ligasi”, “Professional taʼlim muassasalari ligasi” va “Talabalar ligasi” musobaqalarining respublika bosqichida gʻolib boʻlgan oʻquvchi-yoshlar va talabalar uchun yil davomida har oyda beriladigan “Shaxmat stipendiyasi”ni taʼsis etish.1. “Maktab ligasi”, “Akademik litsey ligasi”, “Professional taʼlim muassasalari ligasi” va “Talabalar ligasi” musobaqalarining respublika bosqichida gʻolib boʻlgan oʻquvchi-yoshlar va talabalar uchun yil davomida har oyda beriladigan “Shaxmat stipendiyasi”ni tayinlash tartibini ishlab chiqib, tasdiqlash.2023-yil iyulOʻzbekiston shaxmat federatsiyasiga Davlat budjetidan ajratiladigan mablagʻlarSport vazirligi, Oʻzbekiston shaxmat federatsiyasi, Maktabgacha va maktab taʼlimi vazirligi, Oliy taʼlim, fan va innovatsiyalar vazirligi2. “Shaxmat stipendiyasi”ni berib borish.Har bir stipendiatga bir yil davomida24.“Yoshlar” telekanalida shaxmat darslaridan iborat “Grossmeyster” koʻrsatuvini efirga uzatish.1. Grossmeysterlarni koʻrsatuvni suratga olish jarayonlariga jalb qilish.2. Koʻrsatuvni efirga uzatib borish.Har oyda ikki martaOʻzbekiston Milliy teleradiokompaniyasi mablagʻlariOʻzbekiston Milliy teleradiokompaniyasi, Oʻzbekiston shaxmat federatsiyasi25.Aholi, ayniqsa, yoshlar orasida shaxmatni ommalashtirish maqsadida malakali mutaxassislarni jalb etgan holda videodarsliklar platformasini yaratish va darsliklarni ijtimoiy tarmoqlar orqali keng targʻib qilish.1. Videodarslar tayyorlash rejasini ishlab chiqish.2. Videodarslar boʻyicha rivojlangan mamlakatlarning ilgʻor tajribasini oʻrganish.3. Videodarslarning prototipini yaratish hamda aholi, ayniqsa, yoshlarga taqdim qilish.4. Bildirilgan taklif-mulohazalarga asosan videodarslarni takomillashtirish hamda keng jamoatchilikka eʼlon qilish va ijtimoiy tarmoqlarda joylashtirish.2023-yil davomidaIjrochilar mablagʻlariOʻzbekiston shaxmat federatsiyasi, Yoshlar siyosati va sport vazirligi, Raqamli texnologiyalar vazirligi