Oʻzbekiston Respublikasi Vazirlar Mahkamasi huzuridagi Makroiqtisodiy va hududiy tadqiqotlar institutini hamda Biznes va tadbirkorlik oliy maktabi faoliyatini tashkil etish chora-tadbirlari toʻgʻrisida (153-son)

13.04.2023

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Iqtisodiy islohotlarni amalga oshirishda ilmiy yondashuvlarni kengaytirish va boshqaruv kadrlarini tayyorlash tizimini yanada takomillashtirish chora-tadbirlari toʻgʻrisida” 2023-yil 4-apreldagi PQ-108-son qarori ijrosini taʼminlash maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Vazirlar Mahkamasi huzuridagi Makroiqtisodiy va hududiy tadqiqotlar institutining tuzilmasi 1-ilovaga muvofiq;

Oʻzbekiston Respublikasi Vazirlar Mahkamasi huzuridagi Biznes va tadbirkorlik oliy maktabining tuzilmasi 2-ilovaga muvofiq tasdiqlansin.

Oʻzbekiston Respublikasi Vazirlar Mahkamasi huzuridagi Makroiqtisodiy va hududiy tadqiqotlar institutini (keyingi oʻrinlarda — Institut) va Oʻzbekiston Respublikasi Vazirlar Mahkamasi huzuridagi Biznes va tadbirkorlik oliy maktabi (keyingi oʻrinlarda — Oliy maktab) direktoriga, zaruratga koʻra, Vazirlar Mahkamasi bilan kelishilgan holda Institut va Oliy maktabning tuzilmasiga xodimlarning belgilangan cheklangan soni va mehnatga haq toʻlash fondi doirasida oʻzgartirishlar kiritish huquqi berilsin.

2. Belgilansinki:

Institut davlat ilmiy-tadqiqot muassasasi hisoblanadi;

Oliy maktab biznesni boshqarish (MBA), kadrlarni qayta tayyorlash hamda ularning malakasini oshirish boʻyicha davlat oliy taʼlim muassasasi hisoblanadi;

Institut Prognozlashtirish va makroiqtisodiy tadqiqotlar institutining, Oliy maktab Biznes va tadbirkorlik oliy maktabining barcha huquq va majburiyatlari boʻyicha huquqiy vorisi hisoblanadi.

3. Avtotransport vositalarini saqlash uchun quyidagi limitlar ajratilsin:

Institut uchun 3 ta xizmat avtotransport, shu jumladan 2 ta shaxsiy biriktirilgan va 1 ta navbatchi avtotransport vositasi;

Oliy maktab uchun 4 ta xizmat avtotransport, shu jumladan 2 ta shaxsiy biriktirilgan va 2 ta navbatchi avtotransport vositasi.

4. Institut Toshkent shahri, Xadra koʻchasi, 33A-uy manzilidagi va Oliy maktab Toshkent shahri, Mirobod koʻchasi, 25-uy manzilidagi binolarga joylashtirilsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2023-yil 13-aprel,

153-son

Vazirlar Mahkamasining 2023-yil 13-apreldagi 153-son qaroriga 1-ILOVA

Oʻzbekiston Respublikasi Vazirlar Mahkamasi huzuridagi Makroiqtisodiy va hududiy tadqiqotlar institutining

TUZILMASI

Vasiylik kengashi Direktor Ilmiy kengash Direktorning birinchi oʻrinbosari Direktor oʻrinbosari Direktor oʻrinbosari Ilmiy kotib Inson resurslarini rivojlantirish boʻlimi 2 Sanoat tarmoqlarida tarkibiy oʻzgarishlarni amalga oshirish loyihasi 4 Makroiqtisodiy siyosat va tahlil loyihasi 5 Inson kapitalini rivojlantirish loyihasi 4 Ilmiy-tadqiqot faoliyati va doktorantura boʻlimi 2 Moliya-iqtisod boʻlimi 3 Bozor konyukturasi va eksportni ragʻbatlantirish loyihasi 3 Kambagʻallik, ijtimoiy tabaqalashuv va xavf-xatarlarni aniqlash loyihasi 4 Xalqaro aloqalar boʻlimi 2 Murojaatlar bilan ishlash boʻlimi 2 Togʻ-konchilik va energetika sohasini rivojlantirish loyihasi 3 Axborot kommunikatsiya texnologiyalari boʻlimi 4 Xoʻjalik ishlar boʻlimi 3 Hududlar rivojlanishini strategik rejalashtirish loyihasi 5 Xizmatlarni rivojlantirish va bandlikni taʼminlash loyihasi 4 Qishloq xoʻjaligini rivojlantirish loyihasi 3 Tahririy nashriyot boʻlimi 5 Matbuot xizmati 2 Tadbirkorlik faoliyati va aholi turmush darajasini soʻrovnomalar orqali baholash loyihasi (“Call-markaz”) 6 Investitsiya siyosatini shakllantirish loyihasi 3 Hududlar urbanizatsiyasini rivojlantirish loyihasi 3 Bosh yuriskonsult 1 Yashil va raqamli iqtisodiyotni tahlil qilish loyihasi 3 Narxlar monitoringi loyihasi 4 Inflyatsion xatarlarni tahlil qilish loyihasi 4 Biznes muhitni yaxshilash va tadbirkorlikni rivojlantirish loyihasi 3 Yer islohotlari markazi 9 Yer islohotlarini amalga oshirish loyihasi 5 Yer resurslaridan samarali foydalanish loyihasi 3

Boshqaruv xodimlari umumiy cheklangan soni — 101 nafar.

Texnik va xizmat koʻrsatuvchi xodimlar belgilangan meʼyorlarga muvofiq aniqlanadi.

Vazirlar Mahkamasining 2023-yil 13-apreldagi 153-son qaroriga 2-ILOVA

Oʻzbekiston Respublikasi Vazirlar Mahkamasi huzuridagi Biznes va tadbirkorlik oliy maktabining

TUZILMASI

Vasiylik kengashi Direktor Ilmiy kengash Doktorlik dissertatsiyalari himoyasi boʻyicha kengash Direktor yordamchisi 1 Direktorning innovatsiyalar va ilmiy ishlar boʻyicha birinchi oʻrinbosari Direktorning oʻquv-taʼlim masalalari boʻyicha oʻrinbosari Direktorning hududiy filiallar faoliyatini muvofiqlashtirish masalalari boʻyicha oʻrinbosari Direktorning moliyaviy-iqtisodiy masalalari boʻyicha oʻrinbosari Direktor maslahatchisi 1 Yigʻma axborot-tahlil va strategik rivojlantirish boʻlimi 3 Ilmiy-pedagogik kadrlar tayyorlash va tadqiqotlar boʻlimi 3 Magistratura boʻlimi 4 Biznesni boshqarish (MBA) kafedrasi 15 Hududiy filiallar faoliyatini muvofiqlashtirish va ular bilan ishlash boʻlimi 3 Moliyaviy-iqtisodiy tahlil va buxgalteriya hisobi boʻlimi 3 Adju universiteti bilan qoʻshma dastur boʻyicha loyiha ofisi 1 Inson resurslarini rivojlantirish va boshqarish boʻlimi 2 Raqamli iqtisodiyot kafedrasi 5 Marketing boʻlimi 4 Malaka oshirish kurslarini tashkil etish va sertifikatsiyalash boʻlimi 2 Hokim yordamchilarini malakasini oshirish boʻyicha oʻquv jarayonlarini tashkil etish boʻlimi 4 Ingliz tili va taʼlim texnologiyasi kafedrasi 5 Xoʻjalik va taʼminot boʻlimi 2 Oʻquv-uslubiy boʻlimi 4 Xalqaro aloqalar boʻlimi 5 “Yashil iqtisodiyotni ilgari surish va joriy etish” Loyiha ofisi 7 Axborot-resurs markazi 2 Axborot-kommunikatsiya texnologiyalari boʻlimi 4 Hududiy filiallar Biznes inkubator va startap loyihalar bilan ishlash markazi 6 Ijro nazorati va devonxona boʻlimi 2 Bosh yuriskonsult 1 Korrupsiyaga qarshi kurashish boʻyicha bosh mutaxassis 1 Jamoatchilik bilan aloqalar boʻlimi 3

Xodimlar umumiy cheklangan soni — 138, shundan markaziy apparatda — 73 (professor-oʻqituvchilardan tashqari) va hududiy filiallarda — 65 nafar.

Professor-oʻqituvchilar soni 25 nafardan kam boʻlmagan holda, talabalar sonidan kelib chiqib belgilanadi.

Oʻquv-yordamchi, texnik va xizmat koʻrsatuvchi xodimlar belgilangan meʼyorlarga muvofiq aniqlanadi.