1993-1995-yillarda “Oʻzbekrezinotexnika” ishlab chiqarish birlashmasida yuk avtomobillari uchun shinalar chiqarish boʻyicha ishlab chiqarish quvvatlari barpo etish toʻgʻrisida (478-son)

30.09.1993

Oʻzbekiston Respublikasi Vazirlar Mahkamasining

qarori

Kimyo sanoati korxonalarini rivojlantirish Konsepsiyasiga muvofiq hamda Oʻzbekiston Respublikasining KamAZ, ZIL, GAZ markali yuk avtomobillari, avtobus va trolleybuslar uchun shinalarga boʻlgan ehtiyojini yanada toʻlaroq taʼminlash maqsadida Vazirlar Mahkamasi qaror qiladi:

1. “Oʻzdavkimyokonsern”ning 5000 mln. soʻm miqdoridagi davlat kredit resurslari va 13,3 mln. AQSh dollari miqdoridagi markazlashgan valyuta mablagʻlari hisobiga har yili yuk avtomobillari uchun 200 ming shina chiqaradigan “Oʻzbekrezinotexnika” IBni tashkil etish va 1995-yilda ishga tushirish toʻgʻrisidagi taklifi qabul qilinsin.

“Oʻzistiqbolstat” davlat qoʻmitasi, Oʻzbekiston Respublikasi Moliya vazirligi va Markaziy banki 1993—1995-yillarda investitsiya dasturida yuk avtomobillari uchun shinalar ishlab chiqaradigan obyektlar qurish uchun zarur boʻlgan uzoq muddatli imtiyozli resurslar ajratishni 1-ilovaga* muvofiq koʻzda tutsinlar.

* 1-ilova matni rus tilida berilgan.

Moliya vazirligi, Tashqi iqtisodiy faoliyat milliy banki 1994-1995-yillarda “Oʻzbekrezinotexnika” IB uchun Respublika jamgʻarmasidan 2-ilovaga* muvofiq import boʻyicha texnologik asbob-uskunalar xarid qilish uchun zarur boʻlgan valyuta mablagʻlari ajratsinlar.

* 2-ilova matni rus tilida berilgan.

“Oʻzbekrezinotexnika” IBga ayni vaqtda obyektlarni loyihalash va qurishga hamda qurilish-montaj ishlari uchun haqiqiy bajarilgan ish hajmlari boʻyicha haq toʻlashni amalga oshirishga ruxsat etilsin.

2. “Oʻzsanoatxoʻjalikqurilish” korporatsiyasi yuk avtomobillari uchun shinalar chiqaradigan korxona qurilishi boʻyicha bosh pudratchi etib belgilansin.

3. Oʻzbekiston Respublikasi Davlat tabiatni muhofaza qilish qoʻmitasi yuk avtomobillari uchun shinalar chiqaradigan korxona loyihalarini tezkorlik bilan va oʻz vaqtida ekspertizadan oʻtkazishni taʼminlasin.

4. 1994-yildan boshlab “Oʻzshartnomasavdo” va respublikaning boshqa taʼminot-sotish tashkilotlari qurilishda qatnashuvchi tashkilotlarga birkitilgan nomenklatura boʻyicha kvotalangan mahsulotlar ajratishni nazarda tutsinlar.

5. “Oʻzdavkimyokonsern” va “Oʻzsanoatxoʻjalikqurilish” korporatsiyasi 1995-yilda yuk avtomobillari uchun shinalar chiqarish korxonasini qurish va ishga tushirishni taʼminlasinlar.

6. Ushbu qarorning bajarilishini nazorat qilish Vazirlar Mahkamasining tegishli majmuilariga yuklatilsin.

Vazirlar Mahkamasining Raisi I. KARIMOV

Toshkent sh.,

1993-yil 30-sentabr,

478-son