“Oʻzbekiston Respublikasi banklarida buxgalteriya hisobini yuritish va buxgalteriya ishlarini tashkil qilish tartibi toʻgʻrisidagi yoʻriqnomani tasdiqlash haqida”gi qarorga oʻzgartirish va qoʻshimchalar kiritish toʻgʻrisida (1834-10-son)

27.02.2023

Oʻzbekiston Respublikasi Markaziy banki boshqaruvining

Qarori

[Oʻzbekiston Respublikasi Adliya vazirligi tomonidan 2023-yil 27-fevralda roʻyxatdan oʻtkazildi, roʻyxat raqami 1834-10]

Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonuniga muvofiq Oʻzbekiston Respublikasi Markaziy banki boshqaruvi qaror qiladi:

1. Oʻzbekiston Respublikasi Markaziy banki boshqaruvining 2008-yil 3-maydagi 11/5-son “Oʻzbekiston Respublikasi banklarida buxgalteriya hisobini yuritish va buxgalteriya ishlarini tashkil qilish tartibi toʻgʻrisidagi yoʻriqnomani tasdiqlash haqida”gi qaroriga (roʻyxat raqami 1834, 2008-yil 11-iyul) (Oʻzbekiston Respublikasi qonun hujjatlari toʻplami, 2008-yil, 28-son, 276-modda) ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Rais M. NURMURATOV

Toshkent sh.,

2023-yil 24-yanvar,

1/7-son

Oʻzbekiston Respublikasi Markaziy banki boshqaruvining 2023-yil 24-yanvardagi 1/7-son qaroriga ILOVA

“Oʻzbekiston Respublikasi banklarida buxgalteriya hisobini yuritish va buxgalteriya ishlarini tashkil qilish tartibi toʻgʻrisidagi yoʻriqnomani tasdiqlash haqida”gi qarorga kiritilayotgan oʻzgartirish va qoʻshimchalar

1. Qaror muqaddimasi quyidagi tahrirda bayon etilsin:

“Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonuniga muvofiq Oʻzbekiston Respublikasi Markaziy banki boshqaruvi qaror qiladi:”.

2. Yoʻriqnomada:

1) muqaddima quyidagi tahrirda bayon etilsin:

“Mazkur Yoʻriqnoma banklar uchun majburiy boʻlgan buxgalteriya hisobini yuritish va buxgalteriya ishlarini tashkil qilish tartibini belgilaydi.”;

2) 3-bandning ikkinchi xatboshisidagi, 5-bandning ikkinchi, uchinchi, oʻn oltinchi va oʻn yettinchi xatboshilaridagi, 18-bandning birinchi xatboshisidagi, 22, 26-bandlardagi, 37-bandning birinchi xatboshisidagi, 46, 49, 51, 58, 59, 65, 66, 68, 71-bandlardagi, 73-bandning ikkinchi xatboshisidagi, 78-bandning birinchi xatboshisidagi, 80, 84, va 132-bandlardagi, 136-bandning ikkinchi xatboshisidagi “pul hisob-kitob” degan soʻzlar “toʻlov” degan soʻz bilan almashtirilsin;

3) 27-banddagi, 28-bandning birinchi xatboshisidagi, 29, 38 va 63-bandlardagi “Pul hisob-kitob” degan soʻzlar “Toʻlov” degan soʻz bilan almashtirilsin;

4) 3-bob va uning 1-paragrafi nomlaridagi “Pul hisob-kitob” degan soʻzlar “Toʻlov” degan soʻz bilan almashtirilsin;

5) 30-bandning birinchi xatboshisi quyidagi tahrirda bayon etilsin:

“30. Bank operatsiyalari qonunchilik hujjatlarida belgilangan shaklda rasmiylashtirilgan elektron hujjatlar asosida amalga oshirilishi mumkin (Bank hisobvaraqlariga masofadan xizmat koʻrsatish tizimi yoki bank kartalari orqali amalga oshiriladigan hisob-kitoblar). Elektron hujjatlar toʻlov hujjatlarining asl nusxasida belgilangan barcha rekvizitlarga ega boʻlishi shart.”;

6) 44-banddagi “koʻzda tutilmagan holatlar” degan soʻzlar “balansdan tashqari” degan soʻzlar bilan almashtirilsin;

7) 52-bandning birinchi jumlasi quyidagi tahrirda bayon etilsin:

“52. Agar mijoz taqdim qilgan toʻlov hujjatlarida Oʻzbekiston Respublikasida naqd pulsiz hisob-kitoblar toʻgʻrisidagi nizomda (roʻyxat raqami 3229, 13-aprel 2020-yil) belgilangan talablarga zid kamchilik va nuqsonlar aniqlansa, toʻlov hujjatlari mijozga ijroga qabul qilinmasdan qaytarilishi lozim.”;

8) 72-banddan “qonunchilik hujjatlari talablariga muvofiq” degan soʻzlar chiqarib tashlansin;

9) 76-band “koʻchirmalar berilganidan” degan soʻzlardan keyin “(masofadan xizmat koʻrsatish dasturlari orqali uzatilgandan)” degan soʻzlar bilan toʻldirilsin;

10) 79-bandda:

birinchi xatboshi quyidagi tahrirda bayon etilsin:

“79. Agar hisobvaraq egasi bank kartasi va naqd pul cheki yoʻqolgani yoki oʻgʻirlangani haqida bankka xabar bergunga qadar, mazkur bank kartasi va cheklar boʻyicha mablagʻlar toʻlab yuborilgan boʻlsa, bu toʻlov uchun bank javob bermaydi.”;

toʻrtinchi xatboshidagi “pul hisob-kitob” degan soʻzlar “toʻlov” degan soʻz bilan almashtirilsin;

11) 90-band quyidagi tahrirda bayon etilsin:

“90. Bankning operatsion xarajatlari hisobi bank tomonidan Tijorat banklarida buxgalteriya hisobining hisobvaraqlar rejasidagi (roʻyxat raqami 3336, 2021-yil 26-noyabr) tegishli hisobvaraqlar taʼrifida belgilangan tartibda yuritiladi.”;

12) 97-band quyidagi tahrirda bayon etilsin:

“97. Tovar-moddiy qimmatliklarni olishga ishonchnomalar bankning ixtiyoriga koʻra mazkur Yoʻriqnomaning 5-ilovasiga muvofiq qogʻoz yoki elektron shaklda rasmiylashtiriladi.

Qogʻoz shaklda rasmiylashtirilgan ishonchnomalar bank rahbari (yoki oʻrinbosari) hamda bosh buxgalter imzolari va bank muhri bilan tasdiqlanadi.

Elektron shaklda rasmiylashtirilgan ishonchnomalar bank rahbari (yoki oʻrinbosari) hamda bosh buxgalterning elektron raqamli imzolari orqali tasdiqlanadi.”;

13) 98-band quyidagi mazmundagi xatboshi bilan toʻldirilsin:

“Mazkur daftar elektron shaklda yuritilganda, ushbu bandning ikkinchi xatboshisi talablari tatbiq etilmaydi.”;

14) 99-band oʻz kuchini yoʻqotgan deb topilsin;

15) 129-bandning birinchi xatboshisidagi, 141-bandning uchinchi xatboshisidagi, 162 va 168-bandlardagi “Koʻzda tutilmagan holatlar” degan soʻzlar “Balansdan tashqari” degan soʻzlar Bilan almashtirilsin;

16) 138-banddagi “END” degan soʻz “END” degan soʻz bilan almashtirilsin;

17) 1476-bandda:

uchinchi xatboshidagi “Kredit 45401 “Spot bitimi boʻyicha chet el valyutalaridagi foyda” degan soʻzlar “Kredit 45403 “Valyuta qoldiqlarini qayta baholashdan olingan foyda” degan soʻzlar bilan almashtirilsin;

beshinchi xatboshidagi “Debet 55302 “Spot bitimlari boʻyicha chet el valyutalaridagi zarar” degan soʻzlar “Debet 55304 “Valyuta qoldiqlarini qayta baholashdan koʻrilgan zararlar” degan soʻzlar bilan almashtirilsin.

18) 157-bandning uchinchi xatboshisi “birinchi nusxasi” degan soʻzlardan keyin “, dasturiy tarzda hisoblash orqali shakllangan memorial orderlar hamda qisman toʻlov boʻyicha shakllangan memorial orderlar bundan mustasno” degan soʻzlar bilan toʻldirilsin;

19) 1-ilovada:

a) 7-banddagi “Tijorat banklari va ularning filiallari rahbarlari, bosh buxgalterlari, boshqaruv aʼzolari, mikrokredit tashkilotlari hamda kredit byurolarining ijro organlari rahbarlariga nisbatan malaka talablariga (roʻyxat raqami 2989, 2018-yil 30-mart)” degan soʻzlar “Bank faoliyatiga ruxsat berish tartibi va shartlari toʻgʻrisidagi nizomga (roʻyxat raqami 3252, 2020-yil 30-mart)” degan soʻzlar bilan almashtirilsin;

b) 16-banddagi, 18-bandning uchinchi va beshinchi xatboshilaridagi “pul hisob-kitob” degan soʻzlar “toʻlov” degan soʻz bilan almashtirilsin;

20) 7-ilovaning matnidagi “Koʻzda tutilmagan holatlar” degan soʻzlar “Balansdan tashqari” degan soʻzlar bilan almashtirilsin.