15-modda:

(a) Import qiluvchi Ahdlashuvchi Tomon tasodifiy va/yoki hujjatning haqiqiyligiga yoki koʻrib chiqilayotgan mahsulotlarning yoki uning ayrim qismlarining asl kelib chiqishi haqidagi maʼlumotlarning toʻgʻriligiga asosli shubha tugʻilsa, qayta tekshiruvini (retrospektiv) amalga oshirilishini soʻrashi mumkin.

b) Soʻrov tegishli kelib chiqish sertifikati bilan birga boʻlishi kerak va agar qayta tekshiruv tasodifiy asosda soʻratmagan boʻlsa, ushbu kelib chiqish sertifikatida keltirilgan maʼlumotlar notoʻgʻri boʻlishi mumkinligini belgilaydigan sabablar va har qanday qoʻshimcha maʼlumotni koʻrsatishi kerak.

(s) Import qiluvchi Ahdlashuvchi Tomonning Bojxona Organlari tekshiruv natijalarini kutgan holda imtiyozli rejim toʻgʻrisidagi qoidalarni toʻxtatib turishi mumkin. Biroq, import taqiqlangan yoki cheklanmagan deb hisoblansa va firibgarlikka shubha boʻlmasa, u zarur deb topilgan xar qanday maʼmuriy choralarni qoʻllagan holda import qiluvchiga mahsulotlarni berishi mumkin.

(d) Qayta tekshiruv (retrospektiv) toʻgʻrisidagi soʻrovni qabul qilgan davlat organlari soʻrovga zudlik bilan javob berishi va soʻrov olingan kundan boshlab uch (3) oydan kechiktirmay javob berishi kerak. Agar eksport qiluvchi Ahdlashuvchi Tomon belgilangan muddatda tegishli javobni taqdim etmasa, import qiluvchi Ahdlashuvchi Tomonning bojxona organi oxirgi soʻrovni qoʻshimcha uch (3) oy muddatga yuboradi.