Oʻzbekiston Respublikasi Oliy Majlisi Qonunchilik palatasining Devoni tomonidan 2022-yilda amalga oshirilgan ishlar toʻgʻrisida (2903-IV-son)

24.01.2023

Oʻzbekiston Respublikasi Oliy Majlisi Qonunchilik palatasining

Qarori

Oʻzbekiston Respublikasi Oliy Majlisi Qonunchilik palatasining Devoni tomonidan 2022-yilda amalga oshirilgan ishlar toʻgʻrisidagi hisobotni koʻrib chiqib, Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Oliy Majlisi Qonunchilik palatasi Devoni rahbari K. Ernazarovning “Oʻzbekiston Respublikasi Oliy Majlisi Qonunchilik palatasining Devoni tomonidan 2022-yilda amalga oshirilgan ishlar toʻgʻrisida”gi hisoboti maʼlumot uchun qabul qilinsin (ilova qilinadi).

2. Oʻzbekiston Respublikasi Oliy Majlisi Qonunchilik palatasining Devoni (K. Ernazarov):

Oʻzbekiston Respublikasi Oliy Majlisi Qonunchilik palatasi faoliyatiga tashkiliy, huquqiy, axborot-tahliliy va moddiy-texnika taʼminoti boʻyicha xizmat koʻrsatish ishlarini samarali tashkil etish maqsadida Devon tarkibiy boʻlinmalarining faoliyatini yanada kuchaytirish;

Oʻzbekiston Respublikasi Oliy Majlisi Qonunchilik palatasi Devoni xodimlarining kasbiy malakasini muntazam ravishda oshirish hamda vakant lavozimlar uchun yetuk kadrlar zaxirasini shakllantirib borish choralarini koʻrsin.

3. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri N. ISMOILOV

Toshkent sh.,

2023-yil 24-yanvar,

2903-IV-son