Oʻzbekiston Respublikasi Oliy Majlisining Qonunchilik palatasi va Rossiya Federatsiyasi Federal Majlisining Davlat Dumasi oʻrtasida parlamentlararo hamkorlikni yanada kengaytirish va mustahkamlash chora-tadbirlari toʻgʻrisida (2867-IV-son)
16.01.2023
Oʻzbekiston Respublikasi Oliy Majlisi Qonunchilik palatasi Kengashining
qarori
Oʻzbekiston Respublikasi Oliy Majlisining Qonunchilik palatasi va Rossiya Federatsiyasi Federal Majlisining Davlat Dumasi oʻrtasida parlamentlararo hamkorlikni yanada kengaytirish va mustahkamlash hamda yangi bosqichga koʻtarish maqsadida Oʻzbekiston Respublikasi Oliy Majlisi Qonunchilik palatasining Kengashi qaror qiladi:
1. Rossiya Federatsiyasi Federal Majlisi Davlat Dumasi Raisi V. Volodinning 2022-yil 27-28-noyabr kunlari Oʻzbekiston Respublikasiga amalga oshirgan rasmiy tashrifi yakuni boʻyicha Tadbirlar rejasi 1-ilovaga* muvofiq tasdiqlansin.
* 1-ilova berilmaydi.
2. Oʻzbekiston Respublikasi Oliy Majlisi Qonunchilik palatasining Rossiya Federatsiyasi Federal Majlisining Davlat Dumasi bilan hamkorlik boʻyicha parlamentlararo komissiyasi 2-ilovaga muvofiq tarkibda tuzilsin.
3. Ushbu Qarorning ijrosini nazorat qilish Oʻzbekiston Respublikasi Oliy Majlisi Qonunchilik palatasi Spikerining birinchi oʻrinbosari A. Saidov zimmasiga yuklatilsin.
4. Ushbu Qaror qabul qilingan kundan eʼtiboran kuchga kiradi.
Oʻzbekiston Respublikasi Oliy Majlisi Qonunchilik palatasining Spikeri N. ISMOILOV
Toshkent sh.,
2023-yil 16-yanvar,
2867-IV-son
Oʻzbekiston Respublikasi Oliy Majlisi Qonunchilik palatasi Kengashining 2023-yil 16-yanvardagi 2867-IV-sonli Qaroriga 2-ILOVA
Oʻzbekiston Respublikasi Oliy Majlisi Qonunchilik palatasining Rossiya Federatsiyasi Federal Majlisining Davlat Dumasi bilan hamkorlik boʻyicha parlamentlararo komissiyasining
TARKIBI
1. Ismoilov Nuriddin Moʻydinxonovich — Oʻzbekiston Respublikasi Oliy Majlisi Qonunchilik palatasining Spikeri, Komissiyaning hamraisi 2. Inoyatov Ulugʻbek Ilyasovich — Oʻzbekiston Respublikasi Oliy Majlisi Qonunchilik palatasi Spikerining oʻrinbosari, Komissiya hamraisining oʻrinbosari 3. Abdullayev Ilxom Zayirovich — Oʻzbekiston Respublikasi Oliy Majlisi Qonunchilik palatasi Innovatsion rivojlanish, axborot siyosati va axborot texnologiyalari masalalari qoʻmitasining raisi 4. Maniyazov Baxtiyar Kamilovich — Oʻzbekiston Respublikasi Oliy Majlisi Qonunchilik palatasi Innovatsion rivojlanish, axborot siyosati va axborot texnologiyalari masalalari qoʻmitasining aʼzosi 5. Kurbonboyev Maqsudbek Komulovich — Oʻzbekiston Respublikasi Oliy Majlisi Qonunchilik palatasi Budjet va iqtisodiy islohotlar qoʻmitasining aʼzosi 6. Kompolshik Yelena Aleksandrovna — Oʻzbekiston Respublikasi Oliy Majlisi Qonunchilik palatasi Mehnat va ijtimoiy masalalar qoʻmitasining aʼzosi 7. Jumayev Nodir Xosiyatovich — Oʻzbekiston Respublikasi Oliy Majlisi Qonunchilik palatasi Xalqaro ishlar va parlamentlararo aloqalar qoʻmitasining aʼzosi 8. Korjikova Inna Ivanovna — Oʻzbekiston Respublikasi Oliy Majlisi Qonunchilik palatasi Fan, taʼlim, madaniyat va sport masalalari qoʻmitasining aʼzosi 9. Vafayev Ulugbek Nazarovich — Oʻzbekiston Respublikasi Oliy Majlisi Qonunchilik palatasi Sanoat, qurilish va savdo masalalari qoʻmitasining aʼzosi 10. Agzamova Gulrux Anvarovna — Oʻzbekiston Respublikasi Oliy Majlisi Qonunchilik palatasi Demokratik institutlar, nodavlat tashkilotlar va fuqarolarning oʻzini oʻzi boshqarish organlari qoʻmitasining aʼzosi 11. Litvinova Olga Ivanovna — Oʻzbekiston Respublikasi Oliy Majlisi Qonunchilik palatasi Fan, taʼlim, madaniyat va sport masalalari qoʻmitasining aʼzosi