Advokat tomonidan ishni olib borishga order shaklini tasdiqlash toʻgʻrisida (3417-son)

31.01.2023

Oʻzbekiston Respublikasi Adliya vazirining

buyrugʻi

[Oʻzbekiston Respublikasi Adliya vazirligi tomonidan 2023-yil 31-yanvarda roʻyxatdan oʻtkazildi, roʻyxat raqami 3417]

Oʻzbekiston Respublikasining “Advokatura toʻgʻrisida”gi Qonuni, Oʻzbekiston Respublikasi Prezidentining 2022-yil 30-maydagi PQ-263-son “Advokatura faoliyatiga zamonaviy axborot-kommunikatsiya texnologiyalarini keng joriy etish chora-tadbirlari toʻgʻrisida”gi qaroriga muvofiq buyuraman:

1. Advokat tomonidan ishni olib borishga order shakli ilovaga muvofiq tasdiqlansin.

2. Oʻzbekiston Respublikasi adliya vazirining 2009-yil 8-apreldagi 91-mh-son “Advokat tomonidan ishni olib borishga order shaklini tasdiqlash toʻgʻrisida”gi buyrugʻi (roʻyxat raqami 1938, 2009-yil 8-aprel) (Oʻzbekiston Respublikasi qonun hujjatlari toʻplami, 2009-y., 15-son, 195-modda) oʻz kuchini yoʻqotgan deb topilsin.

3. Mazkur buyruq Oʻzbekiston Respublikasi Advokatlar palatasi bilan kelishilgan.

4. Mazkur buyruq 2023-yil 1-fevraldan eʼtiboran kuchga kiradi.

Vazir A. TAShKULOV

Toshkent sh.,

2023-yil 31-yanvar,

1-mh-son

Kelishildi:

Advokatlar palatasi raisi A. ERNAZAROV

2023-yil 25-yanvar

Oʻzbekiston Respublikasi adliya vazirining 2023-yil 31-yanvardagi 1-mh-son buyrugʻiga ILOVA

Advokat tomonidan ishni olib borishga

ORDER

1. Order raqami 2. Advokatlik tuzilmasining nomi 3. Advokatlik tuzilmasining manzili va telefon raqami 4. Advokatning familiyasi, ismi va otasining ismi 5. Advokatlik guvohnomasining rekvizitlari (raqami, berilgan sanasi, kim tomonidan berilgan) 6. Advokatning litsenziya boʻyicha ixtisosligi (“” belgisini qoʻyish orqali belgilanadi) □ fuqarolik va iqtisodiy sud ishlarini yuritish □ maʼmuriy va jinoiy sud ishlarini yuritish 7. Order berishga asos (“” belgisini qoʻyish orqali belgilanadi) □ shartnoma (bitim) □ qaror (ajrim) 8. Order berishga asos boʻlgan hujjat rasmiylashtirilgan sana 9. Ishonch bildiruvchi (himoya ostidagi) shaxsning familiyasi, ismi va otasining ismi yoki yuridik shaxs nomi 10. Yuridik yordam koʻrsatiladigan ish turi (“” belgisini qoʻyish orqali belgilanadi) □ fuqarolik ishi □ iqtisodiy ish □ maʼmuriy huquqbuzarlik toʻgʻrisidagi ish □ maʼmuriy ish □ jinoiy ish □ boshqa ish 11. Order berilgan sana 12. Elektron order uchun QR-kod yoki qogʻoz shakldagi order uchun advokatning imzosi va advokatlik tuzilmasining muhri

Izoh:

1) order elektron yoki qogʻoz shaklda rasmiylashtiriladi;

2) elektron shakldagi order “Yuridik yordam” axborot tizimida maxsus QR-kod qoʻyilgan holda rasmiylashtiriladi. Ushbu QR-kodni skanerlash orqali orderning haqiqiyligi tekshirilishi mumkin;

3) qogʻoz shakldagi order advokat tomonidan kompyuter texnikasi yordamida yoki qogʻozga chop etilgandan soʻng yozma shaklda toʻldiriladi hamda advokatning imzosi va advokatlik tuzilmasining muhri bilan tasdiqlanadi;

4) orderga advokat tomonidan mustaqil ravishda tartib raqami beriladi. Orderlarga raqamlar berilishi oʻsib borish tartibida amalga oshiriladi va kalendar yilning boshidan yangidan boshlanadi. Order raqamlari “Yuridik yordam” axborot tizimida roʻyxatga olinadi;

5) qogʻoz shakldagi order rasmiylashtirilgan sanadan eʼtiboran oʻn kun ichida “Yuridik yordam” axborot tizimiga kiritilishi shart, bundan mazkur bandning ikkinchi xatboshisida nazarda tutilgan holatlar mustasno. Qogʻoz shaklidagi orderning barcha rekvizitlarining axborot tizimiga oʻzgarishsiz kiritilishi taʼminlanadi.

2023-yil 1-fevraldan 2023-yil 1-aprelga qadar qogʻoz shaklida rasmiylashtirilgan orderlar 2023-yil 10-aprel sanasiga qadar “Yuridik yordam” axborot tizimiga kiritiladi;

6) order shaklining 1 — 12-bandlaridagi maʼlumotlar toʻliq toʻldirilmagan, lozim tarzda rasmiylashtirilmagan, yozuvlari oʻchirilgan, chizilgan boʻlsa, u haqiqiy hisoblanmaydi;

7) orderdagi maʼlumotlarning toʻgʻriligiga orderni QR-kod bilan tasdiqlagan (imzolagan) advokat shaxsan javobgar hisoblanadi.