Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida (PF-14-son)

25.01.2023

Oʻzbekiston Respublikasi Prezidentining

Farmoni

Oʻzbekiston Respublikasi Prezidentining 2022-yil 21-dekabrdagi “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi PF-269-son Farmoniga muvofiq, shuningdek, vazirlik va idoralar faoliyatini samarali tashkil qilishga yoʻnaltirilgan birinchi navbatdagi chora-tadbirlarni belgilash maqsadida:

1. Respublika ijro etuvchi hokimiyat organlari — vazirliklar, qoʻmitalar, agentliklar va inspeksiyalar (keyingi oʻrinlarda — vazirlik va idoralar) hamda ular hududiy va tuman (shahar) boʻlinmalarining Davlat budjeti hamda budjetdan tashqari jamgʻarmalari mablagʻlari hisobidan moliyalashtiriladigan jami boshqaruv xodimlarining umumiy cheklangan soni 1-ilovaga muvofiq tasdiqlansin.

Vazirlik va idoralar tizimida jami 17 447 ta shtat birliklari qisqartirilayotganligi maʼlumot uchun qabul qilinsin.

Vazirlik va idoralarning budjetdan tashqari jamgʻarmalari mablagʻlari hisobidan qoʻshimcha boshqaruv shtat birliklarini kiritish qatʼiyan taqiqlansin.

2. Respublika ijro etuvchi hokimiyat organlari — vazirliklar, qoʻmitalar, agentliklar va inspeksiyalarning yagona roʻyxati hamda ularning toʻliq (rasmiy) va qisqartma nomlari 2 va 2a-ilovalarga muvofiq tasdiqlansin.

Oʻzbekiston Respublikasi Prezidentining 2003-yil 9-dekabrdagi “Respublika davlat boshqaruvi organlari tizimini takomillashtirish toʻgʻrisida”gi PF-3358-son Farmoni oʻz kuchini yoʻqotgan deb hisoblansin.

3. Vazirlik va idoralar rahbarlari uch hafta muddatda har bir vazirlik va idora faoliyatini mutlaqo yangi tizim asosida tashkillashtirishni nazarda tutuvchi Oʻzbekiston Respublikasi Prezidenti hujjati loyihasini kiritsin. Bunda, quyidagilar nazarda tutilsin:

vazirlik va idoralarning aniq asosiy faoliyat yoʻnalishlarini belgilash, qabul qilingan rivojlantirish dasturlari, strategiyalar va konsepsiyalarni amalga oshirish;

sohalarda hal qilinishi lozim boʻlgan masalalarga yechim topishga yoʻnaltirilgan tashkiliy-huquqiy va moliyaviy chora-tadbirlar, aholi uchun qulay sharoitlar yaratish, fuqarolarning tizimli muammolarini hal etish;

budjet mablagʻlaridan maqsadli va oqilona foydalanish, davlat xaridlari shaffofligini oshirish, shuningdek, tadbirkorlik subyektlari uchun teng imkoniyatlar yaratish orqali davlat xaridlari jarayonida raqobatni rivojlantirish;

energiyani tejash, uning samaradorligini oshirish va sohaga qayta tiklanuvchi energiya manbalarini keng jalb qilish;

tegishli sohalarda davlat-xususiy sheriklik va autsorsing mexanizmlarini keng joriy qilish, 2023-yildan boshlab vazirlik va idoralar hamda ularning tizim tashkilotlarining ayrim funksiyalarini bosqichma-bosqich xususiy sektorga oʻtkazish;

litsenziyalash va ruxsat berish tartib-taomillaridagi byurokratik toʻsiqlarni bartaraf etish boʻyicha takliflar tayyorlash. Bunda, litsenziya va ruxsat berish xususiyatiga ega hujjat talab etiladigan faoliyat turi, ularni berish uchun talab etiladigan hujjatlar soni, xizmat koʻrsatish vaqti hamda ularni berish uchun toʻlovlar (yigʻimlar) miqdorini kamaytirish;

tadbirkorlik faoliyatini rivojlantirish (ularga xizmat koʻrsatish, davlat tomonidan subsidiya taqdim etish, imtiyoz berish va boshqacha tartibda qoʻllab-quvvatlash) hamda aholini ijtimoiy qoʻllab-quvvatlash tizimini takomillashtirish;

sohani rivojlantirish dasturlari uchun jalb qilinadigan grant va texnik koʻmak mablagʻlarining prognozi hamda uning aniq yoʻnalishlarini belgilash, investitsiya loyihalarini amalga oshirish guruhlari faoliyatini qayta koʻrib chiqish;

vazirlik va idoralar tizimidagi davlat unitar korxonalari (muassasalari), masʼuliyati cheklangan jamiyatlar hamda davlat ulushi boʻyicha aksiyalar paketi boshqaruviga berilgan xoʻjalik yurituvchi subyektlarning faoliyatini qayta koʻrib chiqish, shuningdek, ulardagi davlat ulushini xususiylashtirish boʻyicha taklif tayyorlash;

vazirlik va idoralar hamda ularning tizimidagi tashkilotlar tomonidan nazorat funksiyalarini “xavfni tahlil etish” tizimi natijalari asosida amalga oshirish tartibini takomillashtirish, shuningdek, ularni muvofiqlashtirish va nazorat funksiyalarini maqbullashtirish;

vazirlik va idoralar hamda ularning tizimidagi tashkilotlar tomonidan tadbirkorlik subyektlari va aholiga davlat xizmatlari koʻrsatishning modelini takomillashtirish;

vazirlik va idoralarda hamda ular tarkibiga kiradigan tashkilotlar kesimida korrupsiya avj olgan sohalarda uning rivojlanish sabablari va shartlarini oʻrganish asosida ushbu sohalarning har biriga “tashxis qoʻyish” hamda korrupsiya omillarini bartaraf etish;

sohaga axborot-kommunikatsiya texnologiyalarini keng joriy etish, shu jumladan vazirlik va idoralarning ish jarayonini raqamlashtirish;

sohada faoliyat koʻrsatayotgan xodimlarning kasbiy mahorati va masʼuliyatini oshirish, tizim tashkilotlariga tashabbuskor, fidoyi, sadoqatli, oʻz ustida doimiy ishlaydigan kadrlarni jalb qilish hamda ularning salohiyatini doimiy ravishda oshirib borish;

vazirlik va idoralarning tashkiliy tuzilmalarini tasdiqlash, ular tarkibiga kiritilgan muassasalarning faoliyatini takomillashtirish;

qonunchilik hujjatlarini toʻliq xatlovdan oʻtkazish, oʻzgartirish va qoʻshimchalar kiritish zarur boʻlgan normativ-huquqiy hujjatlarni bir-biriga muvofiqlashtirish.

4. Respublika ijro etuvchi hokimiyat organlari — vazirliklar, qoʻmitalar, agentliklar va inspeksiyalarda tarkibiy boʻlinmalarni shakllantirish hamda lavozimlarni joriy etishga oid yagona talablar 3-ilovaga muvofiq tasdiqlansin.

Vazirlik va idoralar rahbarlari shtatlar jadvallarini ishlab chiqish va roʻyxatdan oʻtkazishda mazkur Farmon bilan tasdiqlanayotgan yagona talablarga qatʼiy amal qilsin.

Iqtisodiyot va moliya vazirligi (Sh. Kudbiyev) Kambagʻallikni qisqartirish va bandlik vazirligi (B. Musayev) bilan birgalikda 2023-yil 1-dekabrga qadar vazirlik va idoralarga yuklatilgan vazifalarni xatlovdan oʻtkazish hamda ishlab chiqarish va yordamchi xodimlarni kiritish boʻyicha shtat normativlarini tasdiqlashni nazarda tutuvchi Hukumat qarori loyihasini Vazirlar Mahkamasiga kiritsin.

5. Vazirlik va idoralar rahbarlari belgilangan vazifalarining bajarilishini hamda davlat xizmatlari koʻrsatilishining uzluksizligini taʼminlash maqsadida uch kun muddatda oʻz rahbarlari oʻrinbosarlari oʻrtasida aniq vazifalar va funksiyalarni taqsimlab, ular faoliyatini samarali tashkil qilsin, shuningdek, ajratilgan mablagʻlar doirasida vazirlik va idoralarning markaziy apparati, hududiy va tuman (shahar) boʻlinmalarining vaqtinchalik tuzilmalarini, shtat birliklarini hamda nizomlarini tasdiqlasin. Bunda:

qayta tashkil etilgan, boʻysunuvi oʻzgartirilgan va tugatilgan davlat boshqaruvi organlarining tuzilmasi va shtat birliklari inobatga olinsin;

ish haqi va boshqa xarajatlar vaqtinchalik xarajatlar smetasi doirasida amalga oshirilsin.

Iqtisodiyot va moliya vazirligiga vazirlik va idoralarda shtat birliklari maqbullashtirilishi natijasida xodimlar bilan oylik ish haqlari boʻyicha yakuniy oʻzaro hisob-kitoblarni amalga oshirish maqsadida vazirlik va idoralarning vaqtinchalik xarajatlar smetasida, istisno tariqasida, zarur mablagʻlarni 2023-yilning 1-choragi uchun rejalashtirishga ruxsat berilsin.

Iqtisodiyot va moliya vazirligi (Sh. Kudbiyev) vazirlik va idoralar rahbarlari tomonidan tasdiqlangan shtat birliklari doirasida ish haqi va boshqa xarajatlar uchun belgilangan tartibda mablagʻ ajratilishini taʼminlasin.

6. Oʻzbekiston Respublikasi Prezidenti hamda Vazirlar Mahkamasining hujjatlari bilan tasdiqlangan vazirlik va idoralarning markaziy apparatlari, hududiy va tuman (shahar) boʻlinmalarining tuzilmalari oʻz kuchini yoʻqotgan deb hisoblansin.

7. Kambagʻallikni qisqartirish va bandlik vazirligi (B. Musayev) maʼmuriy islohotlar doirasida yangi tashkil etilgan vazirlik va idoralarga shtatlar jadvalini tuzish, xodimlarni ishga qabul qilish, mehnat munosabatlarini davom ettirish va bekor qilishni rasmiylashtirish boʻyicha tushuntirish ishlarini, shuningdek, mehnat qonunchiligi talablariga rioya etilishi ustidan nazoratni amalga oshirsin.

Belgilansinki, qoʻmitalar, agentliklar va inspeksiyalarda yangi rahbariyat shakllangunga qadar xodimlarni ishga qabul qilish va mehnat munosabatlarini rasmiylashtirish ishlari mazkur idoralarda amalda faoliyat yuritayotgan rahbarlar (rahbarlar mavjud boʻlmasa ularning oʻrinbosaridan biri) tomonidan amalga oshiriladi.

8. Belgilab qoʻyilsinki:

yangi tashkil qilingan va qayta tashkil qilingan vazirlik va idoralar faoliyati tugatilgan yoki qayta tashkil qilingan vazirlik va idoralarning tegishli huquq va majburiyatlari boʻyicha huquqiy vorisi hisoblanadi;

2023-yil 1-yanvardan boshlab qayta tashkil etilgan va faoliyati tugatilgan davlat organlarining ish yurituvida boʻlgan litsenziyalash, ruxsat berish, xabardor qilish va boshqa davlat xizmatlarini koʻrsatish toʻgʻrisidagi hujjatlar va arizalar tegishliligi boʻyicha yangi tashkil etilgan hamda tugatilayotgan tashkilotning tegishli funksiyalari oʻtkazilgan vazirlik va idoralar tomonidan amalga oshiriladi;

davlat unitar korxonalarida xodimlar soni, ularning mehnatiga haq toʻlash va ragʻbatlantirish shartlari hamda xizmat avtotransport vositalarining cheklangan soni va turlarini tasdiqlashda Iqtisodiyot va moliya vazirligi bilan majburiy ravishda kelishiladi.

Vazirlik va idoralar uchun belgilangan Yagona tarif setkasi boʻyicha mehnatga haq toʻlashning tasdiqlangan razryadlariga muvofiq xodimlarning lavozim maoshiga nisbatan qoʻllaniladigan oshirish koeffitsiyentlari faqat boshqaruv va ishlab chiqarish xodimlariga nisbatan tatbiq etiladi.

Adliya vazirligi (A. Tashkulov) Raqamli texnologiyalar vazirligi (Sh. Shermatov) bilan birgalikda uch kun muddatda:

barcha yangi tashkil etilgan vazirlik va idoralar Yagona interaktiv davlat xizmatlari portaliga va “Litsenziya” axborot tizimiga ulanishini;

Yagona interaktiv davlat xizmatlari portali va “Litsenziya” axborot tizimi orqali kelib tushgan va koʻrib chiqish jarayonida boʻlgan hujjatlar va arizalarning tegishliligi boʻyicha yangi tashkil etilgan vazirlik va idoralar orasida qayta taqsimlanishini taʼminlasin.

9. Iqtisodiyot va moliya vazirligi (Sh. Kudbiyev) 2023-yil 1-avgustga qadar:

yuridik maqomga ega boʻlgan jamgʻarmalar ijro etuvchi organlarining (direksiyalar, boshqaruv qoʻmitalari va departamentlari hamda boshqalar) faoliyatini tugatish, ularning funksiyalarini tegishli vazirlik va idoralarga oʻtkazish;

vazirlik va idoralarda xizmat avtotransport vositalaridan foydalanish tizimini ilgʻor tajriba asosida tanqidiy tahlil qilgan holda, ularning sonini va saqlash xarajatlarini qisqartirish, mazkur vazifani autsorsing tizimi asosida tashkil etish yuzasidan normativ-huquqiy hujjat loyihasini Vazirlar Mahkamasiga kiritsin.

10. Adliya vazirligi (A. Tashkulov) vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga tegishli normativ-huquqiy hujjatlar loyihalarini kiritsin.

11. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari S.U. Umurzakov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 25-yanvar,

PF-14-son

Oʻzbekiston Respublikasi Prezidentining 2023-yil 25-yanvardagi PF-14-son Farmoniga 1-ILOVA

Respublika ijro etuvchi hokimiyat organlari — vazirliklar, qoʻmitalar, agentliklar va inspeksiyalar hamda ular hududiy va tuman (shahar) boʻlinmalarining jami boshqaruv xodimlarining umumiy cheklangan soni

T/rVazirlik va idora nomiJami boshqaruv shtat birliklari sonishu jumladan:Davlat budjeti hisobidanbudjetdan tashqari jamgʻarmalar mablagʻlari hisobidanJami44 18740 9723 2151. Iqtisodiyot va moliya vazirligiIqtisodiyot va moliya vazirligi5 5855 55035shu jumladan, vazir oʻrinbosarlari soni881.Davlat zaxiralarini boshqarish qoʻmitasi9898shu jumladan, rais oʻrinbosarlari soni112.Gʻaznachilik xizmati qoʻmitasi 960960shu jumladan, rais oʻrinbosarlari soni224.Davlat asillik darajasi nazorati inspeksiyasi3636shu jumladan, boshliq oʻrinbosarlari soni2. Investitsiyalar, sanoat va savdo vazirligiInvestitsiyalar, sanoat va savdo vazirligi 946946shu jumladan, vazir oʻrinbosarlari soni661.Xorijiy investitsiyalarni jalb etish agentligi1919shu jumladan, direktor oʻrinbosarlari soni113. Kambagʻallikni qisqartirish va bandlik vazirligiKambagʻallikni qisqartirish va bandlik vazirligi3 0943 094shu jumladan, vazir oʻrinbosarlari soni444. Qishloq xoʻjaligi vazirligiQishloq xoʻjaligi vazirligi 2 3232 022301shu jumladan, vazir oʻrinbosarlari soni661.Chorvachilik va yaylov xoʻjaligini rivojlantirish agentligi157157shu jumladan, direktor oʻrinbosarlari soni222.Agrosanoatni rivojlantirish agentligi28727215shu jumladan, direktor oʻrinbosarlari soni3215. Suv xoʻjaligi vazirligiSuv xoʻjaligi vazirligi265265shu jumladan, vazir oʻrinbosarlari soni441.Suv xoʻjaligi obyektlarini ekspluatatsiya qilish agentligi851851shu jumladan, direktor oʻrinbosarlari soni112.Suv xoʻjaligi obyektlari xavfsizligini va suvdan foydalanishni nazorat qilish inspeksiyasi155155shu jumladan, boshliq oʻrinbosarlari soni116. Qurilish va uy-joy kommunal xoʻjaligi vazirligiQurilish va uy-joy kommunal xoʻjaligi vazirligi1 2281 2208shu jumladan, vazir oʻrinbosarlari soni447. Transport vazirligiTransport vazirligi358358shu jumladan, vazir oʻrinbosarlari soni331.Avtomobil yoʻllari qoʻmitasi335335shu jumladan, rais oʻrinbosarlari soni222.Fuqaro aviatsiyasi agentligi109109shu jumladan, direktor oʻrinbosarlari soni113.Transport nazorati inspeksiyasi331331shu jumladan, boshliq oʻrinbosarlari soni118. Energetika vazirligiEnergetika vazirligi9393shu jumladan, vazir oʻrinbosarlari soni339. Togʻ-kon sanoati va geologiya vazirligiTogʻ-kon sanoati va geologiya vazirligi115115shu jumladan, vazir oʻrinbosarlari soni331.Togʻ-kon sanoati va geologiya sohasini nazorat qilish inspeksiyasi6969shu jumladan, boshliq oʻrinbosarlari soni1110. Raqamli texnologiyalar vazirligiRaqamli texnologiyalar vazirligi202202shu jumladan, vazir oʻrinbosarlari soni441.Kosmik tadqiqotlar va texnologiyalar agentligi6060shu jumladan, direktor oʻrinbosarlari soni222.Axborotlashtirish va telekommunikatsiyalar sohasida nazorat inspeksiyasi172172shu jumladan, boshliq oʻrinbosarlari soni2212. Sogʻliqni saqlash vazirligiSogʻliqni saqlash vazirligi1 4041 404shu jumladan, vazir oʻrinbosarlari soni661.Sanitariya-epidemiologik osoyishtalik va jamoat salomatligi qoʻmitasi5959shu jumladan, rais oʻrinbosarlari soni222.Tibbiyot va farmatsevtika tarmogʻini rivojlantirish agentligi734231shu jumladan, direktor oʻrinbosarlari soni22 3.Klinik audit inspeksiyasi128128 shu jumladan, boshliq oʻrinbosarlari soni2213. Maktabgacha va maktab taʼlimi vazirligiMaktabgacha va maktab taʼlimi vazirligi4 8844 884shu jumladan, vazir oʻrinbosarlari soni551.Ixtisoslashtirilgan taʼlim muassasalari agentligi9393shu jumladan, direktor oʻrinbosarlari soni2214. Oliy taʼlim, fan va innovatsiyalar vazirligiOliy taʼlim, fan va innovatsiyalar vazirligi18114140shu jumladan, vazir oʻrinbosarlari soni441.Innovatsion rivojlanish agentligi964947shu jumladan, direktor oʻrinbosarlari soni222.Bilim va malakalarni baholash agentligi108108shu jumladan, direktor oʻrinbosarlari soni11 3.Kasbiy taʼlim agentligi207207 shu jumladan, direktor oʻrinbosarlari soni3315. Sport vazirligiSport vazirligi431431shu jumladan, vazir oʻrinbosarlari soni3316. Madaniyat vazirligiMadaniyat vazirligi 592592shu jumladan, vazir oʻrinbosarlari soni441.Kinematografiya agentligi3838shu jumladan, direktor oʻrinbosarlari soni1117. Adliya vazirligiAdliya vazirligi3 3811 8091 572shu jumladan, vazir oʻrinbosarlari soni441.“Oʻzarxiv” agentligi 8989shu jumladan, direktor oʻrinbosarlari soni11 2.Toʻlovga qobiliyatsizlik ishlari agentligi8181 shu jumladan, direktor oʻrinbosarlari soni1118. Tashqi ishlar vazirligiTashqi ishlar vazirligi286286shu jumladan, vazir oʻrinbosarlari soni5519. Raqobatni rivojlantirish va isteʼmolchilar huquqlarini himoya qilish qoʻmitasiRaqobatni rivojlantirish va isteʼmolchilar huquqlarini himoya qilish qoʻmitasi3253205shu jumladan, rais oʻrinbosarlari soni2220. Din ishlari boʻyicha qoʻmitaDin ishlari boʻyicha qoʻmita31129120shu jumladan, rais oʻrinbosarlari soni3321. Davlat aktivlarini boshqarish agentligiDavlat aktivlarini boshqarish agentligi517293224shu jumladan, direktor oʻrinbosarlari soni2222. Milliy antidoping agentligiMilliy antidoping agentligi1616shu jumladan, direktor oʻrinbosarlari soni23. Madaniy meros agentligiMadaniy meros agentligi21620610shu jumladan, direktor oʻrinbosarlari soni3324. Yoshlar ishlari agentligiYoshlar ishlari agentligi737737shu jumladan, direktor oʻrinbosarlari soni3325. Vazirlar Mahkamasi huzuridagi Oʻzbekiston texnik jihatdan tartibga solish agentligiOʻzbekiston texnik jihatdan tartibga solish agentligi7373shu jumladan, direktor oʻrinbosarlari soni331.Texnik jihatdan tartibga solish sohasida nazorat inspeksiyasi7272shu jumladan, boshliq oʻrinbosarlari soni2226. Vazirlar Mahkamasi huzuridagi Sanoat, radiatsiya va yadro xavfsizligi qoʻmitasiSanoat, radiatsiya va yadro xavfsizligi qoʻmitasi149149shu jumladan, rais oʻrinbosarlari soni2227. Vazirlar Mahkamasi huzuridagi Atom energiyasi agentligiAtom energiyasi agentligi4747shu jumladan, direktor oʻrinbosarlari soni2228. Energetika bozorini rivojlantirish va tartibga solish agentligiEnergetika bozorini rivojlantirish va tartibga solish agentligi5050shu jumladan, direktor oʻrinbosarlari soni2229. Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasiElektr energiyasi, neft mahsulotlari va gazdan foydalanishni nazorat qilish inspeksiyasi450336114shu jumladan, boshliq oʻrinbosarlari soni2230. Oila va xotin-qizlar qoʻmitasiOila va xotin-qizlar qoʻmitasi553553shu jumladan, rais oʻrinbosarlari soni2231. Vazirlar Mahkamasi huzuridagi Migratsiya agentligiMigratsiya agentligi111111shu jumladan, direktor oʻrinbosarlari soni2232. Vazirlar Mahkamasi huzuridagi Agrosanoat majmui ustidan nazorat qilish inspeksiyasiAgrosanoat majmui ustidan nazorat qilish inspeksiyasi4564524shu jumladan, boshliq oʻrinbosarlari soni1133. Soliq qoʻmitasiSoliq qoʻmitasi 9 2319 231shu jumladan, rais oʻrinbosarlari soni44 34. Millatlararo munosabatlar va xorijdagi vatandoshlar masalalari boʻyicha qoʻmitaMillatlararo munosabatlar va xorijdagi vatandoshlar masalalari boʻyicha qoʻmita2929shu jumladan, rais oʻrinbosarlari soni2235. Vazirlar Mahkamasi huzuridagi Energiya samaradorligi milliy agentligiEnergiya samaradorligi milliy agentligi7878shu jumladan, direktor oʻrinbosarlari soni22 36. Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasiQurilish va uy-joy kommunal xoʻjaligi sohasida nazorat qilish inspeksiyasi876819shu jumladan, boshliq oʻrinbosarlari soni2237. Vazirlar Mahkamasi huzuridagi Yengil sanoatni rivojlantirish agentligiYengil sanoatni rivojlantirish agentligi6060shu jumladan, direktor oʻrinbosarlari soni33 38. Telekommunikatsiyalarni tartibga solish agentligi Telekommunikatsiyalarni tartibga solish agentligi3131 shu jumladan, direktor oʻrinbosarlari soni22 39. Turizm qoʻmitasi Turizm qoʻmitasi275275 shu jumladan, rais oʻrinbosarlari soni22 40. Oziq-ovqat mahsulotlari xavfsizligi qoʻmitasi Oziq-ovqat mahsulotlari xavfsizligi qoʻmitasi1 3391 32118shu jumladan, rais oʻrinbosarlari soni55

Izohlar:

1. Favqulodda vaziyatlar vazirligi, Ichki ishlar vazirligi, Mudofaa vazirligi, Bojxona qoʻmitasi hamda Mudofaa sanoati agentligining shtat birliklari alohida normativ-huquqiy hujjatlar bilan belgilanadi.

2. Tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimining yordamchisi, mahallalardagi xotin-qizlar faollari, yoshlar yetakchilari hamda yolgʻiz keksalar va nogironligi boʻlgan shaxslarga uyida xizmat koʻrsatuvchi ijtimoiy xodimlar shtat birliklari mazkur ilovada inobatga olinmagan.

3. Qoraqalpogʻiston Respublikasi vazirliklarining vazir oʻrinbosarlari mazkur ilovada inobatga olinmagan.

4. Boshqaruv shtat birliklarining umumiy cheklangan sonida ishlab chiqarish shtat birliklari inobatga olingan (normativ asosida kiritiladigan ishlab chiqarish shtat birliklari bundan mustasno).

5. Vazirliklar, qoʻmitalar, agentliklar va inspeksiyalar xodimlarining umumiy cheklangan soni tarkibida quyidagi tashkilotlarning shtat birliklari inobatga olingan:

5.1. Iqtisodiyot va moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasini boshqarish departamenti, Budjetdan tashqari Pensiya jamgʻarmasi;

5.2. Qishloq xoʻjaligi vazirligi tizimida “Biosifat” respublika markazi, Qishloq xoʻjaligi texnikasi va texnologiyalarini sertifikatlash va sinash davlat markazi, Qishloq xoʻjaligi ekinlari navlarini sinash markazi, Qishloq xoʻjaligida bilim va innovatsiyalar milliy markazi, Oziq-ovqat va qishloq xoʻjaligi sohasida strategik rivojlanish va tadqiqotlar xalqaro markazi;

5.2.1. 16 ta shtat birligi Qishloq xoʻjaligi vazirligi huzuridagi Agrosanoatni rivojlantirish agentligining Agrosanoatni rivojlantirish va qoʻllab-quvvatlash davlat maqsadli jamgʻarmasi mablagʻlari hisobidan moliyalashtiriladi;

5.4. Suv xoʻjaligi vazirligi tizimida Suv xoʻjaligida islohotlar markazi, Baliqchilikni rivojlantirish markazi, Markaziy dispetcherlik va suv balansi xizmati, Suv xoʻjaligi loyihalarini amalga oshirish departamenti, Zarafshon magistral tizimidan foydalanish boshqarmasi, Fargʻona vodiysi magistral kanallaridan foydalanish boshqarmasi (sh.j. Katta Fargʻona magistral kanali boshqarmasi), Janubiy Mirzachoʻl kanalidan foydalanish boshqarmasi;

5.4.1. Suv xoʻjaligi obyektlarini ekspluatatsiya qilish agentligi tizimida Qoraqalpogʻiston Respublikasi Suv xoʻjaligi vazirligi, irrigatsiya tizimlari havza boshqarmalari, magistral kanallar (tizimlar) boshqarmalari, irrigatsiya tizimi boshqarmalari (sh.j. Orolboʻyi delta boshqarmasi, Amudaryo chap qirgʻoq himoya dambalar boshqarmasi), nasos stansiyalari va energetika boshqarmalari, meliorativ ekspeditsiyalar, Qarshi magistral kanalidan foydalanish boshqarmasi, Amu-Buxoro mashina kanalidan foydalanish boshqarmasi (sh.j. Amu-Buxoro mashina kanali Olot tumani boshqarmasi, Amu-Buxoro mashina kanali Qiziltepa tumani boshqarmasi), Qirgʻoq himoyalovchi dambalar va oʻzan rostlovchi inshootlar boshqarmasi, Jizzax bosh nasos stansiyasi boshqarmasi, suv omborlaridan foydalanish boshqarmalari (sh.j. Navoiy viloyati suv omborlari va yirik gidrotexnika inshootlaridan foydalanish boshqarmasi), Tuyamoʻyin gidrouzelidan foydalanish boshqarmasi;

5.5. Transport vazirligi tizimida Transport va logistikani rivojlantirish muammolarini oʻrganish markazi;

5.6. Avtomobil yoʻllari qoʻmitasi tizimida “Avtoyoʻlinvest” agentligi;

5.8. Raqamli texnologiyalar vazirligi tizimida Axborot-kommunikatsiya texnologiyalarini rivojlantirish jamgʻarmasi;

5.12. Maktabgacha va maktab taʼlimi vazirligi tizimida Oʻquvchilarni kasb-hunarga yoʻnaltirish va psixologik-pedagogik respublika tashxis markazi, Respublika taʼlim markazi, Taʼlim sohasida ovqatlantirishni tashkil etish va nazorat qilish markazi;

5.13. Ixtisoslashtirilgan taʼlim muassasalari agentligi tizimida Pedagogik mahorat va xalqaro baholash ilmiy-amaliy markazi, Fan olimpiadalari markazi;

5.15. Oliy taʼlim, fan va innovatsiyalar vazirligi tizimida Ilm-fanni moliyalashtirish va innovatsiyalarni qoʻllab-quvvatlash jamgʻarmasi;

5.16. Adliya vazirligi tizimida Yuridik xizmat koʻrsatish markazlari va Davlat xizmatlari markazlari;

5.17. Tashqi ishlar vazirligi tizimida “Dunyo” axborot agentligi;

5.18. Davlat aktivlarini boshqarish agentligi tizimida Boʻsh turgan obyektlardan samarali foydalanishni tashkil etish markazi hamda Xususiylashtirish va davlat aktivlarini boshqarish muammolarini tadqiq etish markazi;

5.19. Soliq qoʻmitasi tizimida Yirik soliq toʻlovchilar boʻyicha hududlararo soliq inspeksiyasi va Raqamli markirovka qoidalariga rioya qilinishini nazorat qilish boʻyicha hududlararo soliq inspeksiyasi;

5.20. Veterinariya va chorvachilikni rivojlantirish qoʻmitasi huzuridagi Hayvonlarni identifikatsiya qilish, roʻyxatga olish va kuzatish markazi.

6. Iqtisodiyot va moliya vazirligi, Investitsiyalar, sanoat va savdo vazirligining Toshkent shahri hududiy boshqarmalari hamda Toshkent shahri tumanlaridagi boʻlinmalari shtat birliklari mazkur vazirliklar umumiy shtat birliklari soniga kiritilgan.

7. Vazirlik va idoralar rahbarlariga, zarur hollarda, mazkur ilovada keltirilgan boshqaruv xodimlarining umumiy cheklangan soni doirasida tegishli tizim tashkilotlarining tuzilmalariga oʻzgartirishlar kiritish huquqi beriladi.

8. Qurilish va uy-joy kommunal xoʻjaligi sohasida nazorat qilish hududiy inspeksiyalari tegishligiga koʻra oʻz faoliyatidan olingan daromadlar hisobidan moliyalashtiriladi hamda ulardagi boshqaruv xodimlari soni Qurilish va uy-joy kommunal xoʻjaligi sohasida nazorat qilish inspeksiyasining jami boshqaruv xodimlari umumiy cheklangan soniga kirmaydi va nazoratga olingan obyektlar soni, hajmi va masofasidan kelib chiqqan holda belgilanadi.

Hududiy inspeksiyalarning boshqaruv xodimlari sonini nazoratga olingan obyektlarning umumiy sonidan, hajmidan va masofasidan kelib chiqqan holda belgilash boʻyicha tartib tasdiqlangunga qadar hududiy inspeksiyalar amaldagi jami boshqaruv xodimlari soni doirasida faoliyat yuritadi.

Oʻzbekiston Respublikasi Prezidentining 2023-yil 25-yanvardagi PF-14-son Farmoniga 2-ILOVA

Respublika ijro etuvchi hokimiyat organlari — vazirliklar, qoʻmitalar, agentliklar va inspeksiyalarning yagona roʻyxati*

I. Vazirliklar va ular huzuridagi respublika ijro etuvchi hokimiyat organlari1. Iqtisodiyot va moliya vazirligi1.1. Bojxona qoʻmitasi1.2. Davlat zaxiralarini boshqarish qoʻmitasi1.3. Gʻaznachilik xizmati qoʻmitasi1.5. Davlat asillik darajasi nazorati inspeksiyasi2. Investitsiyalar, sanoat va savdo vazirligi2.1. Xorijiy investitsiyalarni jalb etish agentligi3. Kambagʻallikni qisqartirish va bandlik vazirligi4. Qishloq xoʻjaligi vazirligi4.1. Chorvachilik va yaylov xoʻjaligini rivojlantirish agentligi 4.2. Agrosanoatni rivojlantirish agentligi5. Suv xoʻjaligi vazirligi 5.1. Suv xoʻjaligi obyektlarini ekspluatatsiya qilish agentligi5.2. Suv xoʻjaligi obyektlari xavfsizligini va suvdan foydalanishni nazorat qilish inspeksiyasi6. Qurilish va uy-joy kommunal xoʻjaligi vazirligi7. Transport vazirligi7.1. Avtomobil yoʻllari qoʻmitasi7.2. Fuqaro aviatsiyasi agentligi7.3. Transport nazorati inspeksiyasi8. Energetika vazirligi9. Togʻ-kon sanoati va geologiya vazirligi9.1. Togʻ-kon sanoati va geologiya sohasini nazorat qilish inspeksiyasi10. Raqamli texnologiyalar vazirligi10.1. Kosmik tadqiqotlar va texnologiyalar agentligi10.2. Axborotlashtirish va telekommunikatsiyalar sohasida nazorat inspeksiyasi12. Sogʻliqni saqlash vazirligi12.1. Sanitariya-epidemiologik osoyishtalik va jamoat salomatligi qoʻmitasi12.2. Tibbiyot va farmatsevtika tarmogʻini rivojlantirish agentligi12.3. Klinik audit inspeksiyasi13. Maktabgacha va maktab taʼlimi vazirligi13.1. Ixtisoslashtirilgan taʼlim muassasalari agentligi14. Oliy taʼlim, fan va innovatsiyalar vazirligi14.1. Innovatsion rivojlanish agentligi14.2. Bilim va malakalarni baholash agentligi14.3. Kasbiy taʼlim agentligi15. Sport vazirligi 16. Madaniyat vazirligi16.2. Kinematografiya agentligi17. Adliya vazirligi17.1. “Oʻzarxiv” agentligi17.2. Toʻlovga qobiliyatsizlik ishlari agentligi 18. Tashqi ishlar vazirligi 19. Favqulodda vaziyatlar vazirligi20. Ichki ishlar vazirligi21. Mudofaa vazirligi21.1. Mudofaa sanoati agentligiII. Alohida maqomga ega mustaqil respublika ijro etuvchi hokimiyat organlari22. Raqobatni rivojlantirish va isteʼmolchilar huquqlarini himoya qilish qoʻmitasi23. Din ishlari boʻyicha qoʻmita24. Davlat aktivlarini boshqarish agentligi25. Milliy antidoping agentligi26. Madaniy meros agentligi27. Yoshlar ishlari agentligi28. Vazirlar Mahkamasi huzuridagi Oʻzbekiston texnik jihatdan tartibga solish agentligi28.1. Texnik jihatdan tartibga solish sohasida nazorat inspeksiyasi29. Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi30. Vazirlar Mahkamasi huzuridagi Atom energiyasi agentligi 31. Energetika bozorini rivojlantirish va tartibga solish agentligi 32. Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi33. Oila va xotin-qizlar qoʻmitasi34. Vazirlar Mahkamasi huzuridagi Migratsiya agentligi35. Vazirlar Mahkamasi huzuridagi Agrosanoat majmui ustidan nazorat qilish inspeksiyasi36. Soliq qoʻmitasi37. Millatlararo munosabatlar va xorijdagi vatandoshlar masalalari boʻyicha qoʻmita38. Vazirlar Mahkamasi huzuridagi Energiya samaradorligi milliy agentligi39. Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi40. Vazirlar Mahkamasi huzuridagi Yengil sanoatni rivojlantirish agentligi41. Telekommunikatsiyalarni tartibga solish agentligi42. Turizm qoʻmitasi43. Oziq-ovqat mahsulotlari xavfsizligi qoʻmitasi

Jami — 68 ta, shundan:

vazirliklar — 20 ta;

qoʻmitalar — 13 ta, shu jumladan alohida maqomga ega mustaqil qoʻmitalar — 8 ta;

agentliklar — 27 ta, shu jumladan alohida maqomga ega mustaqil agentliklar — 11 ta;

inspeksiyalar — 9 ta, shu jumladan alohida maqomga ega mustaqil inspeksiyalar — 3 ta.

* Respublika ijro etuvchi hokimiyat organlari — vazirliklar, qoʻmitalar, agentliklar va inspeksiyalar toʻgʻrisidagi nizom Vazirlar Mahkamasi qarori bilan tasdiqlanadi.

Oʻzbekiston Respublikasi Prezidentining 2023-yil 25-yanvardagi PF-14-son Farmoniga 2a-ILOVA

Respublika ijro etuvchi hokimiyat organlari — vazirliklar, qoʻmitalar, agentliklar va inspeksiyalarning qisqartma nomlari

T/rVazirlik va idoraning toʻliq (rasmiy) nomiVazirlik va idoraning oʻzbek tilidagi qisqartma nomiVazirlik va idoraning rus tilidagi qisqartma nomi1.Oʻzbekiston Respublikasi Iqtisodiyot va moliya vazirligiIqtisodiyot va moliya vazirligiMinekonomfin1.1Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasiBojxona qoʻmitasiTamojenniy komitet1.2Oʻzbekiston Respublikasi Iqtisodiyot va moliya vazirligi huzuridagi Davlat zaxiralarini boshqarish qoʻmitasiOʻzdavzaxiraUzkomgosrezerv1.3Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasiGʻaznachilikKaznacheystvo1.5Oʻzbekiston Respublikasi Iqtisodiyot va moliya vazirligi huzuridagi Davlat asillik darajasi nazorati inspeksiyasiAsillik inspeksiyasiProbirnaya inspeksiya2.Oʻzbekiston Respublikasi Investitsiyalar, sanoat va savdo vazirligiISSVMIPT2.1Oʻzbekiston Respublikasi Investitsiyalar, sanoat va savdo vazirligi huzuridagi Xorijiy investitsiyalarni jalb etish agentligiInvestitsiyalarni jalb etish agentligiAgentstvo privlecheniya investitsiy3.Oʻzbekiston Respublikasi Kambagʻallikni qisqartirish va bandlik vazirligiBandlik vazirligiMinzanyatosti4.Oʻzbekiston Respublikasi Qishloq xoʻjaligi vazirligiQishloq xoʻjaligi vazirligiMinselxoz4.1Oʻzbekiston Respublikasi Qishloq xoʻjaligi vazirligi huzuridagi Chorvachilik va yaylov xoʻjaligini rivojlantirish agentligiChorvachilik agentligiAgentstvo po jivotnovodstvu4.2Oʻzbekiston Respublikasi Qishloq xoʻjaligi vazirligi huzuridagi Agrosanoatni rivojlantirish agentligiAgrosanoatni rivojlantirish agentligiAgentstvo razvitiya agropromishlennosti5.Oʻzbekiston Respublikasi Suv xoʻjaligi vazirligiSuv xoʻjaligi vazirligiMinvodxoz5.1Oʻzbekiston Respublikasi Suv xoʻjaligi vazirligi huzuridagi Suv xoʻjaligi obyektlarini ekspluatatsiya qilish agentligiSuv xoʻjaligi obyektlarini ekspluatatsiya qilish agentligiAgentstvo po ekspluatatsii vodnix obyektov5.2Oʻzbekiston Respublikasi Suv xoʻjaligi vazirligi huzuridagi Suv xoʻjaligi obyektlari xavfsizligini va suvdan foydalanishni nazorat qilish inspeksiyasiSuvxoʻjaliknazoratVodxoznadzor6.Oʻzbekiston Respublikasi Qurilish va uy-joy kommunal xoʻjaligi vazirligiQurilish va kommunal xoʻjaligi vazirligiMinstroykomxoz7.Oʻzbekiston Respublikasi Transport vazirligiTransport vazirligiMintrans7.1Oʻzbekiston Respublikasi Transport vazirligi huzuridagi Avtomobil yoʻllari qoʻmitasiAvtomobil yoʻllari qoʻmitasiKomitet po avtomobilnim dorogam7.2Oʻzbekiston Respublikasi Transport vazirligi huzuridagi Fuqaro aviatsiyasi agentligi“Oʻzaviatsiya” agentligiAgentstvo “Uzaviatsiya”7.3Oʻzbekiston Respublikasi Transport vazirligi huzuridagi Transport nazorati inspeksiyasiTransport nazorati inspeksiyasiInspeksiya “Uztransnadzor”8.Oʻzbekiston Respublikasi Energetika vazirligiEnergetika vazirligiMinenergo9.Oʻzbekiston Respublikasi Togʻ-kon sanoati va geologiya vazirligiKon-geologiya vazirligiMingeologii9.1Oʻzbekiston Respublikasi Togʻ-kon sanoati va geologiya vazirligi huzuridagi Togʻ-kon sanoati va geologiya sohasini nazorat qilish inspeksiyasiKontexnazoratGortexnadzor10.Oʻzbekiston Respublikasi Raqamli texnologiyalar vazirligiRaqamlashtirish vazirligiMinsifri10.1Oʻzbekiston Respublikasi Raqamli texnologiyalar vazirligi huzuridagi Kosmik tadqiqotlar va texnologiyalar agentligi“Oʻzbekkosmos” agentligiAgentstvo “Uzbekkosmos”10.2Oʻzbekiston Respublikasi Raqamli texnologiyalar vazirligi huzuridagi Axborotlashtirish va telekommunikatsiyalar sohasida nazorat inspeksiyasiOʻzkomnazoratUzkomnazorat12.Oʻzbekiston Respublikasi Sogʻliqni saqlash vazirligiSSVMinzdrav12.1Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasiSanepidqoʻmSanepidkom12.2Oʻzbekiston Respublikasi Sogʻliqni saqlash vazirligi huzuridagi Tibbiyot va farmatsevtika tarmogʻini rivojlantirish agentligiTibbiyot va farmatsevtika agentligiAgentstvo po meditsine i farmatsevtike12.3Oʻzbekiston Respublikasi Sogʻliqni saqlash vazirligi huzuridagi Klinik audit inspeksiyasiKlinik audit inspeksiyasiInspeksiya klinicheskogo audita13.Oʻzbekiston Respublikasi Maktabgacha va maktab taʼlimi vazirligiMMTVMDSHO13.1Oʻzbekiston Respublikasi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligiIMAASU14.Oʻzbekiston Respublikasi Oliy taʼlim, fan va innovatsiyalar vazirligiOTFIVMVONI14.1Oʻzbekiston Respublikasi Oliy taʼlim, fan va innovatsiyalar vazirligi huzuridagi Innovatsion rivojlanish agentligiInnovatsiya agentligiAgentstvo innovatsiy14.2Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligiBilimni baholash agentligiAgentstvo otsenki znaniy14.3Oʻzbekiston Respublikasi Oliy taʼlim, fan va innovatsiyalar vazirligi huzuridagi Kasbiy taʼlim agentligiKasbiy taʼlim agentligiAgentstvo professionalnogo obrazovaniya15.Oʻzbekiston Respublikasi Sport vazirligiSport vazirligiMinsporta16.Oʻzbekiston Respublikasi Madaniyat vazirligiMadaniyat vazirligiMinisterstvo kulturi 16.2Oʻzbekiston Respublikasi Madaniyat vazirligi huzuridagi Kinematografiya agentligiKinematografiya agentligiAgentstvo kinematografii17.Oʻzbekiston Respublikasi Adliya vazirligiAdliya vazirligiMinyust17.1Oʻzbekiston Respublikasi Adliya vazirligi huzuridagi “Oʻzarxiv” agentligi “Oʻzarxiv” agentligiAgentstvo “Uzarxiv”17.2Oʻzbekiston Respublikasi Adliya vazirligi huzuridagi Toʻlovga qobiliyatsizlik ishlari agentligiToʻlovga qobiliyatsizlik ishlari agentligiAgentstvo po delam neplatejesposobnosti18.Oʻzbekiston Respublikasi Tashqi ishlar vazirligiTIVMID19.Oʻzbekiston Respublikasi Favqulodda vaziyatlar vazirligiFVVMCHS20.Oʻzbekiston Respublikasi Ichki ishlar vazirligiIIVMVD21.Oʻzbekiston Respublikasi Mudofaa vazirligiMudofaa vazirligiMinoboroni21.1Oʻzbekiston Respublikasi Mudofaa vazirligi huzuridagi Mudofaa sanoati agentligiMudofaa sanoati agentligiAgentstvo oboronnoy promishlennosti22.Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasiRaqobat qoʻmitasiKomitet po konkurensii23.Oʻzbekiston Respublikasi Din ishlari boʻyicha qoʻmitasiDin ishlari qoʻmitasiKPDR24.Oʻzbekiston Respublikasi Davlat aktivlarini boshqarish agentligiDavlat aktivlari agentligiAgentstvo gosudarstvennix aktivov25.Oʻzbekiston Respublikasi Milliy antidoping agentligiOʻzMADAUzNADA26.Oʻzbekiston Respublikasi Madaniy meros agentligiMadaniy meros agentligiAgentstvo kulturnogo naslediya27.Oʻzbekiston Respublikasi Yoshlar ishlari agentligiYoshlar agentligiAgentstvo molodeji28.Vazirlar Mahkamasi huzuridagi Oʻzbekiston texnik jihatdan tartibga solish agentligiTexnik tartibga solish agentligiAgentstvo texnicheskogo regulirovaniya28.1Oʻzbekiston texnik jihatdan tartibga solish agentligi huzuridagi Texnik jihatdan tartibga solish sohasida nazorat inspeksiyasi Texnik tartibga solish inspeksiyasiInspeksiya po texnicheskomu regulirovaniyu29.Vazirlar Mahkamasi huzuridagi Sanoat, radiatsiya va yadro xavfsizligi qoʻmitasiSanoat, radiatsiya va yadro xavfsizligi qoʻmitasiKomitet promishlennoy, radiatsionnoy i yadernoy bezopasnosti30.Vazirlar Mahkamasi huzuridagi Atom energiyasi agentligiAtom energiyasi agentligiAgentstvo po atomnoy energii31.Oʻzbekiston Respublikasi Energetika bozorini rivojlantirish va tartibga solish agentligiEnergetika bozori regulatoriRegulator rinka energetiki32.Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasiOʻzenergoinspeksiyaUzenergoinspeksiya33.Oʻzbekiston Respublikasi Oila va xotin-qizlar qoʻmitasiXotin-qizlar qoʻmitasiKomitet jenshin34. Vazirlar Mahkamasi huzuridagi Migratsiya agentligiMigratsiya agentligiAgentstvo migratsii35.Vazirlar Mahkamasi huzuridagi Agrosanoat majmui ustidan nazorat qilish inspeksiyasi OʻzagroinspeksiyaUzagroinspeksiya36.Oʻzbekiston Respublikasi Soliq qoʻmitasiSoliq qoʻmitasiNalogoviy komitet37.Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasiMillatlararo munosabatlar qoʻmitasiKMOS38.Oʻzbekiston Respublikasi Vazirlar Mahkamasi huzuridagi Energiya samaradorligi milliy agentligiEnergiya samaradorligi agentligiAgentstvo energoeffektivnosti39.Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasiQurilish va kommunal xoʻjaligi nazorati inspeksiyasiUzstroykomxoznadzor 40. Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligiYengil sanoat agentligi Agentstvo legkoy promishlennosti 41.Oʻzbekiston Respublikasi Telekommunikatsiyalarni tartibga solish agentligiTelekommunikatsiyalarni tartibga solish agentligiAgentstvo po regulirovaniyu telekommunikatsiy42.Oʻzbekiston Respublikasi Turizm qoʻmitasiTurizm qoʻmitasiKomitet po turizmu43.Oʻzbekiston Respublikasi Oziq-ovqat mahsulotlari xavfsizligi qoʻmitasiOziq-ovqat mahsulotlari xavfsizligi qoʻmitasiKomitet pishevoy bezopasnosti

Izohlar:

1) 2023-yil 1-martdan boshlab yigʻilish va videoselektor bayonlari, xizmat yozishmalari, tahliliy va boshqa materiallarda (qonunlar hamda boshqa normativ-huquqiy hujjatlar loyihalarining qaror qismlari bundan mustasno) vazirlik va idoralarning qisqartma nomlarini koʻrsatish amaliyoti joriy qilinadi;

2) vazirlik va idoralarning qisqartma nomlaridan foydalanish tartibi Adliya vazirligi va Boshqaruv samaradorligi agentligi tomonidan belgilanadi hamda Vazirlar Mahkamasi tomonidan tasdiqlanadi.

Oʻzbekiston Respublikasi Prezidentining 2023-yil 25-yanvardagi PF-14-son Farmoniga 3-ILOVA

Respublika ijro etuvchi hokimiyat organlari — vazirliklar, qoʻmitalar, agentliklar va inspeksiyalarda tarkibiy boʻlinmalarni shakllantirish hamda lavozimlarni joriy etishga oid yagona talablar

I. Respublika ijro etuvchi hokimiyat organlarining markaziy apparatlari

Xodimlar toifasi Rahbariyat* Rahbar Rahbarning birinchi oʻrinbosari Rahbar oʻrinbosari Rahbar maslahatchisi Rahbar yordamchisi Departament** Departament boshligʻi Departament boshligʻining birinchi oʻrinbosari Departament boshligʻi oʻrinbosari Boshqarma*** Boshqarma boshligʻi Boshqarma boshligʻi oʻrinbosari Boʻlim**** Boʻlim boshligʻi (bosh hisobchi) Boʻlim boshligʻi oʻrinbosari (bosh hisobchi oʻrinbosari) Mutaxassislar***** Bosh mutaxassis Yetakchi mutaxassis Mutaxassis

Izohlar:

* rahbar xodimlar lavozimlarining aniq nomlanishi qonunchilik hujjatlariga muvofiq belgilanadi;

** belgilangan masʼul xodimlar shtat birliklari soni 20 va undan ortiq boʻlgan hollarda departament tashkil etilishi mumkin. Bunda, departament boshligʻining 2 nafargacha oʻrinbosari (shu jumladan, 1 nafar birinchi oʻrinbosar) lavozimi kiritilishi mumkin;

*** belgilangan masʼul xodimlar shtat birliklari soni 7 va undan ortiq boʻlgan hollarda tashkil etiladi. Bunda, boshqarma boshligʻining 1 nafar oʻrinbosari lavozimi kiritilishi mumkin. Departament tarkibidagi boshqarmalarda boshqarma boshligʻi oʻrinbosari lavozimi kiritilmaydi;

**** belgilangan masʼul xodimlar shtat birliklari soni 2 va undan ortiq boʻlgan hollarda tashkil etiladi. Shtat birliklari soni 5 nafar va undan ortiq boʻlgan boʻlimlarda 1 nafar boʻlim boshligʻi oʻrinbosari lavozimi kiritilishi mumkin. Boshqarma tarkibidagi boʻlimlarda boʻlim boshligʻi oʻrinbosari lavozimi kiritilmaydi;

***** belgilangan masʼul xodimlar shtat birliklari soni 1 nafardan iborat boʻlganda bosh mutaxassis lavozimi kiritiladi hamda mehnatga haq toʻlash shartlari boʻyicha boʻlim boshligʻiga tenglashtiriladi.

Bunda:

a) markaziy apparatlarning tarkibiy boʻlinmalari va ularning shtat birliklarini shakllantirishda rahbar xodimlar (rahbar va uning oʻrinbosarlari, Vazir kotibiyati boshligʻi, departament boshliqlari va oʻrinbosarlari, boshqarma boshliqlari va oʻrinbosarlari, boʻlim boshliqlari va oʻrinbosarlari) va ijrochilar (bosh mutaxassis, yetakchi mutaxassis, mutaxassis) markaziy apparat boʻyicha kamida 1/3 nisbatda boʻlishi lozim;

b) markaziy apparatlar va hududiy hamda tuman (shahar) boʻlinmalari tuzilmalari tegishli rahbarlar tomonidan tasdiqlanadi hamda xodimlarning belgilangan umumiy soni va ajratilgan budjet mablagʻlari doirasida mustaqil oʻzgartirilishi mumkin;

v) markaziy apparatlarda strategik rejalashtirish va metodologiya, jamoatchilik bilan aloqalar (axborot xizmatlari), inson resurslarini rivojlantirish va boshqarish, axborot tahlil va ijro intizomi, murojaatlar, axborot-kommunikatsiya texnologiyalarini joriy etish va raqamlashtirish, yuridik taʼminlash, korrupsiyaga qarshi kurashish, ichki audit, moliya-iqtisod, xalqaro hamkorlik va reytinglar, birinchi boʻlim tarkibiy boʻlinmalari (lavozimlari) tashkil etilishi majburiy hisoblanadi.

Bunda, strategik rejalashtirish va metodologiya, jamoatchilik bilan aloqalar (axborot xizmatlari), korrupsiyaga qarshi kurashish, xalqaro hamkorlik qilish va reytinglar tarkibiy boʻlinmalari (lavozimlari) faqatgina vazirlik va boshqa mustaqil idoralarda tashkil qilinib, ushbu yoʻnalishlarda ular yagona siyosatni amalga oshiradi. Tizim tashkilotlari koʻp boʻlgan vazirliklar huzuridagi qoʻmitalar, agentliklar va inspeksiyalarda Oʻzbekiston Respublikasi Prezidenti Administratsiyasi bilan kelishilgan holda alohida boʻlinmalar (lavozimlar) tashkil qilinishi mumkin;

g) vazirlarning faoliyatini strategik vazifalarni hal etishga yoʻnaltirish hamda kunlik (joriy ishlar) ish yuklamasini maqbullashtirish maqsadida ular faoliyatini huquqiy, tashkiliy-texnik, axborot-tahlil, nazorat va protokol jihatdan taʼminlaydigan Vazir kotibiyati tashkil qilinishi mumkin.

Vazir kotibiyati boshligʻi hamda rahbar maslahatchisi mehnatga haq toʻlash shartlari boʻyicha departament boshligʻiga tenglashtiriladi;

d) vazirliklar hamda alohida maqomga ega mustaqil respublika ijro etuvchi hokimiyat organlari huzuridagi, shu jumladan tuzilmasidagi qoʻmitalar, agentliklar, inspeksiyalar, markazlar va boshqa organlar markaziy apparati, hududiy va tuman (shahar) boʻlinmalari xodimlari uchun mehnatga haq toʻlash razryadlari tegishlicha vazirliklar hamda alohida maqomga ega mustaqil respublika ijro etuvchi hokimiyat organlari markaziy apparati, hududiy va tuman (shahar) boʻlinmalari xodimlari uchun belgilangan mehnatga haq toʻlash razryadlaridan bir pogʻona past miqdorda qoʻllaniladi.

Bunda ushbu amaliyot markaziy apparat shtat jadvalida aks ettirilgan hududiy boʻlinmalar xodimlariga ham tatbiq etiladi;

e) mutaxassislar uchun mehnatga haq toʻlash razryadlari yetakchi mutaxassislar uchun belgilangan mehnatga haq toʻlash razryadlaridan bir pogʻona past miqdorda, shuningdek, boshqarma boshliqlari uchun mehnatga haq toʻlash razryadlari boʻlim boshliqlari uchun belgilangan mehnatga haq toʻlash razryadlaridan, departament boshliqlari uchun esa boshqarma boshliqlari uchun belgilangan mehnatga haq toʻlash razryadlaridan bir pogʻona yuqori miqdorda qoʻllaniladi;

j) departament boshligʻining birinchi oʻrinbosari uchun mehnatga haq toʻlash razryadlari departament boshligʻi uchun belgilangan mehnatga haq toʻlash razryadlaridan 3 foiz kam miqdorda belgilanadi;

z) jadvalda keltirilgan lavozimlarga boshqa nomdagi lavozimlarni tenglashtirish Oʻzbekiston Respublikasi Kambagʻallikni qisqartirish va bandlik vazirligi hamda Iqtisodiyot va moliya vazirligi bilan kelishilgan holda amalga oshiriladi.

II. Respublika ijro etuvchi hokimiyat organlari — vazirliklar, qoʻmitalar, agentliklar va inspeksiyalarning hududiy hamda tuman (shahar) boʻlinmalari

Xodimlar toifasi Rahbariyat* Rahbar Rahbarning birinchi oʻrinbosari Rahbar oʻrinbosari Boʻlim** Boʻlim boshligʻi Boʻlim boshligʻi oʻrinbosari Shuʼba*** Shuʼba boshligʻi Mutaxassislar**** Bosh mutaxassis Yetakchi mutaxassis Mutaxassis

Izohlar:

* rahbar xodimlar lavozimlarining aniq nomlanishi qonunchilik hujjatlariga muvofiq belgilanadi;

** belgilangan masʼul xodimlar shtat birliklari soni 5 va undan ortiq boʻlgan hollarda tashkil etiladi. Tuman (shahar) boʻlinmalarida kiritilmaydi;

*** belgilangan masʼul xodimlar shtat birliklari soni 2 va undan ortiq boʻlgan hollarda tashkil etiladi;

**** belgilangan masʼul xodimlar shtat birliklari soni 1 nafardan iborat boʻlganda bosh mutaxassis lavozimi kiritiladi hamda mehnatga haq toʻlash shartlari boʻyicha shuʼba boshligʻiga tenglashtiriladi.

Hududiy va tuman (shahar) boʻlinmalarining shtat birliklarini shakllantirishda rahbar xodimlar (rahbar va oʻrinbosarlari, boʻlim boshliqlari va oʻrinbosarlari, shuʼba boshligʻi) va ijrochilar (bosh mutaxassis, yetakchi mutaxassis, mutaxassis) boʻlinma boʻyicha kamida 1/3 nisbatda boʻlishi lozim.