Xalqaro shartnomani qabul qilish toʻgʻrisida (PQ-13-son)

20.01.2023

Oʻzbekiston Respublikasi Prezidentining

Qarori

“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 22-moddasiga muvofiq:

1. Atom energiyasi boʻyicha xalqaro agentlik (MAGATE) Ustavining (1956-yil 26-oktabr) VI moddasiga 1999-yil 1-oktabrda kiritilgan tuzatishlar Oʻzbekiston Respublikasi tomonidan qabul qilinsin.

2. Tashqi ishlar vazirligi depozitariyga mazkur tuzatishlar Oʻzbekiston Respublikasi tomonidan qabul qilinganligi toʻgʻrisida tegishli bildirishnomani yuborsin.

3. Vazirlar Mahkamasi hamda tegishli vazirlik va idoralarning rahbarlari ushbu tuzatishlar kuchga kirganidan keyin Oʻzbekiston Respublikasining majburiyatlari bajarilishi ustidan belgilangan tartibda nazoratni taʼminlasin.

4. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 20-yanvar,

PQ-13-son