Oʻzbekiston Respublikasi hududida portlovchi materiallarni avtomobil transportida tashish qoidalarini tasdiqlash toʻgʻrisida (1492-son)

08.07.2005

OʻZBEKISTON RESPUBLIKASI ICHKI ISHLAR VAZIRLIGI “SANOATKONTEXNAZORAT” DAVLAT INSPEKSIYASINING

Qarori

[Oʻzbekiston Respublikasi Adliya vazirligi tomonidan 2005-yil 8-iyulda 1492-son bilan davlat roʻyxatidan oʻtkazildi]

Oʻzbekiston Respublikasi Vazirlar Mahkamasining 2004-yil 6-maydagi 213-sonli “Portlovchi moddalar va portlatish vositalarini Oʻzbekiston Respublikasiga olib kirish, transportda tashish, saqlash va ulardan foydalanish tartibini takomillashtirish chora-tadbirlari toʻgʻrisida”gi qarorining 6-bandiga muvofiq qaror qilamiz:

1. Oʻzbekiston Respublikasi hududida portlovchi materiallarni avtomobil transportida tashish qoidalari ilovaga* muvofiq tasdiqlansin.

* Ilova rus tilidagi matnda berilgan.

2. Mazkur qaror Oʻzbekiston Respublikasi Adliya vazirligida davlat roʻyxatiga olingan kundan boshlab oʻn kun oʻtgandan keyin kuchga kiradi.

3. Mazkur qarorning kuchga kirish kunidan boshlab:

sobiq SSSRning Togʻkontexnazorat Davlat qoʻmitasi tomonidan 1988-yilning 22-noyabr kuni tasdiqlangan Portlovchi materiallarni avtomobil transportida tashish qoidalari;

Portlovchi materiallarni tashish boʻyicha Yoʻriqnoma (1992-yildagi davlatlararo Portlatish ishlarida qoʻllaniladigan yagona xavfsizlik qoidalariga 5-ilova) Oʻzbekiston Respublikasi hududida qoʻllanilmasin.

4. Mazkur qarorning bajarilishini nazorat qilish Oʻzbekiston Respublikasi IIV Yoʻl harakati xavfsizligi, Patrul-post xizmati va jamoat tartibini saqlash Bosh boshqarmalari hamda “Sanoatkontexnazorat” Davlat inspeksiyasining tarmoq inspeksiyalari zimmalariga yuklatilsin.

Ichki ishlar vaziri Z. ALMATOV

Toshkent sh.,

2005-yil 25-may,

4-son

“Sanoatkontexnazorat” Davlat inspeksiyasi boshligʻi R. SAIDOV

Toshkent sh.,

2005-yil 25-may,

79-son