Ijtimoiy-iqtisodiy muammolari koʻp boʻlgan hududlarning qiyofasi va infratuzilmasini yaxshilash boʻyicha ishlarning samaradorligi oshirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar va qoʻshimcha kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (17-son)

16.01.2023

Oʻzbekiston Respublikasi Vazirlar Mahkamasining

qarori

Respublikada aholining turmush sharoitini tubdan yaxshilash, hududlarni kompleks ijtimoiy-iqtisodiy rivojlantirish, mahallalarning qiyofasini zamonaviylashtirish va infratuzilmasini yaxshilash boʻyicha tizimli ishlar amalga oshirilmoqda.

Shu bilan birga, ijtimoiy-iqtisodiy muammolari koʻp boʻlgan hududlarda amalga oshirilayotgan bunyodkorlik va obodonlashtirish ishlari samaradorligini oshirish dolzarb vazifa hisoblanadi.

Ijtimoiy-iqtisodiy muammolari koʻp boʻlgan hududlarning qiyofasi va infratuzilmasini yaxshilash boʻyicha ishlarning samaradorligi oshirilishi munosabati bilan qonunchilik hujjatlarini muvofiqlashtirish maqsadida, shuningdek, Oʻzbekiston Respublikasi Prezidentining “Ijtimoiy-iqtisodiy muammolari koʻp boʻlgan hududlarning qiyofasi va infratuzilmasini yaxshilash boʻyicha ishlarni samarali tashkil etishga doir qoʻshimcha chora-tadbirlar toʻgʻrisida” 2022-yil 23-iyundagi PQ-291-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirishlar va qoʻshimcha kiritilsin:

Favqulodda vaziyatlar vazirligi tizimida tashkil etilgan va qayta tashkil etilgan tuzilmalarning huquqiy munosabatlarini tartibga solish;

ijtimoiy-iqtisodiy muammolari koʻp boʻlgan hududlarning qiyofasi va infratuzilmasini yaxshilash boʻyicha ishlarning samaradorligi oshirilishi munosabati bilan aloqador Hukumat qarorlariga tegishli oʻzgartirishlar va qoʻshimcha kiritish.

2. Vazirlar Mahkamasining “Oʻzbekiston Respublikasi Favqulodda vaziyatlar vazirligi Maxsus muhandislik-qurilish boshqarmasining faoliyatini tashkil etishga doir qoʻshimcha chora-tadbirlar toʻgʻrisida” 2019-yil 16-yanvardagi 39-son qarori oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi favqulodda vaziyatlar vaziri A.X. Qoʻldoshev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2023-yil 16-yanvar,

17-son

Vazirlar Mahkamasining 2023-yil 16-yanvardagi 17-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirishlar va qoʻshimcha

1. Vazirlar Mahkamasining 2017-yil 21-dekabrdagi 1009-son qarori bilan tasdiqlangan Daryolar oʻzanlarini tozalash va qirgʻoqlarini mustahkamlash ishlarini amalga oshirish tartibi toʻgʻrisidagi nizomda:

4-bandning birinchi xatboshisi quyidagi tahrirda bayon etilsin:

“4. Daryolar oʻzanlarini tozalash va qirgʻoqlarini mustahkamlash ishlari Oʻzbekiston Respublikasi Favqulodda vaziyatlar vazirligining “Maxsus muhandislik-qurilish boshqarmasi” davlat muassasasi (keyingi oʻrinlarda Maxsus muhandislik-qurilish boshqarmasi deb ataladi) hamda Oʻzbekiston Respublikasi Prezidentining 2022-yil 18-noyabrdagi PQ-426-son qarori bilan tashkil etilgan Toshqin suvlari va sel oqimlarini xavf-xatarsiz oʻtkazib yuborishni taʼminlash, qor koʻchish va yer koʻchki hodisalari xavfini kamaytirish boʻyicha Hukumat komissiyasining (keyingi oʻrinlarda Komissiya deb ataladi) qarorlariga asosan boshqa tashkilotlar tomonidan faqat toshqin suvlari va sel oqimlarini oʻtkazib yuborishning imkoniyati yoʻqligi bilan bogʻliq salbiy oqibatlarning oldini olish maqsadida amalga oshiriladi”;

5-banddagi “Ekologiya va atrof-muhitni muhofaza qilish davlat qoʻmitasining (keyingi oʻrinlarda Davlat ekologiya qoʻmitasi deb ataladi)”, soʻzlari “Tabiat resurslari vazirligining” soʻzlari bilan almashtirilsin;

6-banddagi “Davlat ekologiya qoʻmitasi hamda Davlat geologiya qoʻmitalari” soʻzlari “Tabiat resurslari vazirligi hamda Togʻ-kon sanoati va geologiya vazirligi” soʻzlari bilan almashtirilsin;

13-bandning toʻrtinchi xatboshisi quyidagi tahrirda bayon etilsin:

“Oʻzbekiston Respublikasi Tabiat resurslari vazirligi, Togʻ-kon sanoati va geologiya vazirligi, Qurilish va uy-joy kommunal xoʻjaligi vazirligi huzuridagi Qurilish va uy-joy kommunal xoʻjaligi sohasida nazorat qilish inspeksiyasi (keyingi oʻrinlarda Qurilish va uy-joy kommunal xoʻjaligi sohasida nazorat qilish inspeksiyasi deb ataladi), Iqtisodiyot va moliya vazirligi huzuridagi Kadastr agentligi (keyingi oʻrinlarda Kadastr agentligi deb ataladi), Tabiat resurslari vazirligi huzuridagi Gidrometeorologiya xizmati agentligi (keyingi oʻrinlarda Gidrometeorologiya xizmati agentligi deb ataladi), Suv xoʻjaligi vazirligi huzuridagi Suv xoʻjaligi obyektlari xavfsizligini nazorat qilish davlat inspeksiyasi (keyingi oʻrinlarda — “Davsuvxoʻjaliknazorat” davlat inspeksiyasi) hududiy boʻlinmalari”;

18-band quyidagi tahrirda bayon etilsin:

“18. FVV Oʻzbekiston Respublikasi Suv xoʻjaligi vazirligi, Tabiat resurslari vazirligi, Energetika vazirligi, Transport vazirligi huzuridagi Avtomobil yoʻllari qoʻmitasi, “Oʻzbekiston temir yoʻllari” AJ, “Oʻzbekgidroenergo” AJ, “Oʻztransgaz” AJ va boshqa manfaatdor vazirliklar va muassasalar bilan birgalikda hududiy manzilli dasturlar asosida kelgusi yil uchun Yigʻma manzilli dasturni ishlab chiqadi”;

26-banddagi ““Davarxitekqurilish” qoʻmitasi va Davlat ekologiya qoʻmitasi” soʻzlari “Qurilish va uy-joy kommunal xoʻjaligi sohasida nazorat qilish inspeksiyasi va Tabiat resurslari vazirligi” soʻzlari bilan almashtirilsin;

28-banddagi “FVV ixtisoslashtirilgan muhandislik-texnik otryadlari” va 32-banddagi “FVV ixtisoslashtirilgan otryadlariga” soʻzlari “Maxsus muhandislik-qurilish boshqarmasi” soʻzlari bilan almashtirilsin;

34-banddagi “Davlat ekologiya qoʻmitasi” soʻzlari “Tabiat resurslari vazirligi” soʻzlari bilan almashtirilsin;

35-banddagi, 36-bandning birinchi xatboshisidagi va 37-banddagi “FVVning ixtisoslashtirilgan muhandislik-texnik otryadlari” soʻzlari “Maxsus muhandislik-qurilish boshqarmasi” soʻzlari bilan almashtirilsin;

40-banddagi “Davlat ekologiya qoʻmitasi, Suv xoʻjaligi vazirligi, Davlat geologiya qoʻmitasi, Sanoat xavfsizligi davlat qoʻmitasi” soʻzlari “Tabiat resurslari vazirligi, Suv xoʻjaligi vazirligi, Togʻ-kon sanoati va geologiya vazirligi” soʻzlari bilan almashtirilsin.

2. Vazirlar Mahkamasining 2018-yil 3-dekabrdagi 981-son qarori bilan tasdiqlangan Daryolar oʻzanlarini tozalash maqsadida ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallar tayyorlash tartibi toʻgʻrisidagi nizomda:

4-bandning birinchi xatboshisidagi “huzuridagi “Xavfsiz daryo” davlat unitar korxonasi (keyingi oʻrinlarda — “Xavfsiz daryo” DUK)” soʻzlari ““Xavfsiz daryo boshqarmasi” davlat muassasasi (keyingi oʻrinlarda — “Xavfsiz daryo boshqarmasi”) soʻzlari bilan almashtirilsin;

5-bandning birinchi xatboshisidagi “Ekologiya va atrof-muhitni muhofaza qilish davlat qoʻmitasi hamda Davlat geologiya va mineral resurslar qoʻmitasi” soʻzlari “Tabiat resurslari vazirligi hamda Togʻ-kon sanoati va geologiya vazirligi” soʻzlari bilan almashtirilsin;

6-bandning birinchi xatboshisi quyidagi tahrirda bayon etilsin:

“Oʻzbekiston Respublikasi Favqulodda vaziyatlar vazirligi besh ish kuni mobaynida uchastkalar roʻyxatini Oʻzbekiston Respublikasi Prezidentining 2022-yil 18-noyabrdagi PQ-426-son qarori bilan tashkil etilgan Toshqin suvlari va sel oqimlarini xavf-xatarsiz oʻtkazib yuborishni taʼminlash, qor koʻchishi va yer koʻchki hodisalari xavfini kamaytirish boʻyicha hukumat komissiyasiga (keyingi oʻrinlarda — Komissiya) belgilangan tartibda kiritadi”;

7, 11, 15, 31-bandlardagi ““Xavfsiz daryo” DUK” soʻzlari “Xavfsiz daryo boshqarmasi” soʻzlari bilan almashtirilsin;

9-band quyidagi tahrirda bayon etilsin:

“9. Loyiha tashkilotlari tomonidan tayyorlangan loyiha hujjatlarini olgandan soʻng Xavfsiz daryo boshqarmasi ikki ish kuni mobaynida davlat ekologik ekspertizasi xulosasini olish uchun Oʻzbekiston Respublikasi Tabiat resurslari vazirligining davlat ekologik ekspertizasi organlariga belgilangan tartibda loyiha hujjatlarini taqdim etadi”;

10-band quyidagi tahrirda bayon etilsin:

“10. Oʻzbekiston Respublikasi Tabiat resurslari vazirligining davlat ekologik ekspertizasi organlari yigirma ish kuni mobaynida har bir loyiha hujjati boʻyicha davlat ekologik ekspertizasi xulosasini tayyorlaydi va Xavfsiz daryo boshqarmasining shaxsiy kabinetiga elektron shaklda yuboradi”;

12-bandning uchinchi xatboshisidagi va 14-bandning birinchi xatboshisidagi ““Xavfsiz daryo” DUK direktori” soʻzlari ““Xavfsiz daryo boshqarmasi boshligʻi” soʻzlari bilan almashtirilsin;

16-banddagi ““Xavfsiz daryo” DUK direktorining” soʻzlari “Xavfsiz daryo boshqarmasi boshligʻining” soʻzlari bilan almashtirilsin;

17-bandda:

“a” kichik bandidagi ““Xavfsiz daryo” DUK direktorining” soʻzlari “Xavfsiz daryo boshqarmasi boshligʻining” soʻzlari bilan almashtirilsin;

“g” kichik bandidagi ““Xavfsiz daryo” DUK” soʻzlari “Xavfsiz daryo boshqarmasi” soʻzlari bilan almashtirilsin;

18-bandda:

birinchi xatboshidagi ““Xavfsiz daryo” DUKga” soʻzlari “Xavfsiz daryo boshqarmasiga” soʻzlari bilan almashtirilsin;

ikkinchi xatboshidagi ““Xavfsiz daryo” DUK” soʻzlari “Xavfsiz daryo boshqarmasi” soʻzlari bilan almashtirilsin;

19-bandda:

birinchi xatboshidagi ““Xavfsiz daryo” DUK” soʻzlari “Xavfsiz daryo boshqarmasi” soʻzlari bilan almashtirilsin;

uchinchi xatboshidagi “Ekologiya va atrof-muhitni muhofaza qilish davlat qoʻmitasiga hamda Davlat geologiya va mineral resurslar qoʻmitasiga” soʻzlari “Tabiat resurslari vazirligi hamda Togʻ-kon sanoati va geologiya vazirligiga” soʻzlari bilan almashtirilsin;

20-band quyidagi tahrirda bayon etilsin:

“20. Oʻzbekiston Respublikasi Favqulodda vaziyatlar vazirligi, Tabiat resurslari vazirligi, Togʻ-kon sanoati va geologiya vazirligi tadbirkorlik subyektlarini auksionda ishtirok etishga keng jalb qilishga doir choralarni koʻradi, shu jumladan, Xavfsiz daryo boshqarmasidan olingan hujjatlar va axborotni auksionda ishtirok etish uchun buyurtma joylashtiriladigan internet jahon axborot tarmogʻidagi manziliga tayangan holda, oʻz rasmiy veb-saytlarida majburiy tartibda joylashtiradi”;

23-bandda:

birinchi xatboshidagi ““Xavfsiz daryo” DUK” soʻzlari “Xavfsiz daryo boshqarmasi” soʻzlari bilan almashtirilsin;

uchinchi xatboshidagi “Ekologiya va atrof-muhitni muhofaza qilish davlat qoʻmitasiga hamda Davlat geologiya va mineral resurslar qoʻmitasiga” soʻzlari “Tabiat resurslari vazirligi hamda Togʻ-kon sanoati va geologiya vazirligiga” soʻzlari bilan almashtirilsin;

24-banddagi “Ekologiya va atrof-muhitni muhofaza qilish davlat qoʻmitasi hamda Davlat geologiya va mineral resurslar qoʻmitasi “Xavfsiz daryo” DUKdan” soʻzlari “Tabiat resurslari vazirligi hamda Togʻ-kon sanoati va geologiya vazirligi Xavfsiz daryo boshqarmasidan” soʻzlari bilan almashtirilsin;

25-bandda:

birinchi xatboshidagi ““Xavfsiz daryo” DUKning” soʻzlari “Xavfsiz daryo boshqarmasining” soʻzlari bilan almashtirilsin;

ikkinchi xatboshidagi ““Xavfsiz daryo” DUKning Ustavida” soʻzlari “Xavfsiz daryo boshqarmasining Nizomida” soʻzlari bilan almashtirilsin;

27-band “shartnomada koʻrsatilgan majburiyatlarga” soʻzlaridan soʻng “hamda davlat ekologik ekspertizasi shartlariga” soʻzlari bilan toʻldirilsin;

29-banddagi “Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish hududiy inspeksiyalariga” soʻzlari “Togʻ-kon sanoati va geologiya vazirligining tegishli boʻlinmalariga” soʻzlari bilan almashtirilsin;

30-bandda:

birinchi xatboshidagi ““Xavfsiz daryo” DUK” soʻzlari “Xavfsiz daryo boshqarmasi” soʻzlari bilan almashtirilsin;

ikkinchi xatboshidagi “Ekologiya va atrof-muhitni muhofaza qilish davlat qoʻmitasi hamda Davlat geologiya va mineral resurslar qoʻmitasi” soʻzlari “Tabiat resurslari vazirligi hamda Togʻ-kon sanoati va geologiya vazirligi” soʻzlari bilan almashtirilsin;

Daryolar oʻzanlarini tozalash maqsadida ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallarni tayyorlash sxemasi quyidagi tahrirda bayon etilsin:

“Daryolar oʻzanlarini tozalash maqsadida ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallarni tayyorlash SXEMASI

Loyihani amalga oshirish huquqini realizatsiya qilish boʻyicha elektron onlayn-auksion tashkil qilish haqida Elektron buyurtmadagi ““Xavfsiz daryo” DUK”, ““Xavfsiz daryo” DUKning”, ““Xavfsiz daryo” DUK direktori” hamda “Xavfsiz daryo” DUK direktorining” soʻzlari tegishincha “Xavfsiz daryo boshqarmasi”, “Xavfsiz daryo boshqarmasining”, “Xavfsiz daryo boshqarmasi boshligʻi” va “Xavfsiz daryo boshqarmasi boshligʻining” soʻzlari bilan almashtirilsin.

3. Vazirlar Mahkamasining 2022-yil 25-martdagi 133-son qarori bilan tasdiqlangan Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun ruxsatnomalar berish tartibi toʻgʻrisidagi nizomning 5-bandi beshinchi xatboshisidagi “huzuridagi “Xavfsiz daryo” davlat unitar korxonasi” soʻzlari ““Xavfsiz daryo boshqarmasi” davlat muassasasi” soʻzlari bilan almashtirilsin.