Qoʻshilgan qiymat soligʻi toʻlovchilarni maxsus hisobga qoʻyish tizimida etil spirti hamda alkogol mahsulotlari ishlab chiqaruvchilar uchun soliq xavfi mezonlarini tasdiqlash toʻgʻrisida (3405-son)

27.12.2022

Oʻzbekiston Respublikasi Davlat soliq qoʻmitasining

Qarori

[Oʻzbekiston Respublikasi Adliya vazirligi tomonidan 2022-yil 27-dekabrda roʻyxatdan oʻtkazildi, roʻyxat raqami 3405]

Oʻzbekiston Respublikasi Prezidentining 2021-yil 30-dekabrdagi PQ-73-son “Oʻzbekiston Respublikasining “2022-yil uchun Oʻzbekiston Respublikasining Davlat budjeti toʻgʻrisida”gi Qonuni ijrosini taʼminlash chora-tadbirlari toʻgʻrisida”gi qarorining 21-bandi va Oʻzbekiston Respublikasi Vazirlar Mahkamasining 2021-yil 22-sentabrdagi 595-son qarori bilan tasdiqlangan Qoʻshilgan qiymat soligʻi toʻlovchilarini soliq organlarida qoʻshilgan qiymat soligʻi boʻyicha maxsus roʻyxatdan oʻtkazish tartibi toʻgʻrisidagi nizomning 48-bandiga muvofiq Oʻzbekiston Respublikasi Davlat soliq qoʻmitasi qaror qiladi:

1. Qoʻshilgan qiymat soligʻi toʻlovchilarni maxsus hisobga qoʻyish tizimida etil spirti hamda alkogol mahsulotlari ishlab chiqaruvchilar uchun soliq xavfi mezonlari ilovaga muvofiq tasdiqlansin.

2. Mazkur qaror Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Moliya vazirligi, Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Savdo-sanoat palatasi, Monopoliyaga qarshi kurashish qoʻmitasi, Alkogol va tamaki bozorini tartibga solish hamda vinochilikni rivojlantirish agentligi bilan kelishilgan.

3. Mazkur qaror rasmiy eʼlon qilingan kundan eʼtiboran uch oy oʻtgach kuchga kiradi.

Davlat soliq qoʻmitasi raisi Sh. KUDBIYEV

Toshkent sh.,

2022-yil 19-dekabr,

2022-39-son

Kelishildi:

Moliya vaziri T. IShMETOV

2022-yil 9-dekabr

Oʻzbekiston Savdo-sanoat palatasi raisi D. VAXABOV

2022-yil 2-dekabr

Monopoliyaga qarshi kurashish qoʻmitasi raisi Sh. ShARAXMETOV

2022-yil 1-dekabr

Alkogol va tamaki bozorini tartibga solish hamda vinochilikni rivojlantirish agentligi direktori R. BOBOYEV

2022-yil 30-noyabr

Iqtisodiy taraqqiyot va kambagʻallikni qisqartirish vaziri D. KUChKAROV

2022-yil 15-dekabr

Tadbirkorlik subyektlarining huquqlari va qonuniy manfaatlarini himoya qilish boʻyicha vakil D. KASIMOV

2022-yil 28-noyabr

Davlat soliq qoʻmitasining 2022-yil 19-dekabrdagi 2022-39-son qaroriga ILOVA

Qoʻshilgan qiymat soligʻi toʻlovchilarni maxsus hisobga qoʻyish tizimida etil spirti hamda alkogol mahsulotlari ishlab chiqaruvchilar uchun soliq xavfi mezonlari

T\r Soliq xavfi belgilari Soliq xavfi darajasi 1. “Asl belgisi” mahsulotlarni markirovkalash va kuzatib borish milliy axborot tizimi hamda isteʼmol va texnik etil spirti, alkogol va tamaki mahsulotlari ishlab chiqarish hajmlarini hisobga olish axborot tizimini joriy etmagan yoki foydalanmaganda Yuqori 2. Real vaqt rejimida avtomatlashtirilgan kuzatish tizimi (GPS) bilan jihozlangan hamda isteʼmol va texnik etil spirti, alkogol mahsulotlarini ishlab chiqarish, ularning aylanmasi hajmini hisobga olish hamda uzumzorlarning yagona reyestri axborot tizimiga integratsiya qilingan elektron hisoblagich oʻrnatilgan avtotransport vositalarida isteʼmol va texnik etil spirtini realizatsiya qilishni t�ʼminlamaganda Yuqori 3. Barcha isteʼmol va texnik etil spirti ishlab chiqarish hamda alkogol mahsulotlarini quyish liniyalarida yigʻma hisobga olish maʼlumotlari koʻrsatkichlarini tegishli himoyalash vositasiga ega boʻlgan tayyor mahsulotlarni elektron hisoblagichlar mavjud boʻlmaganda Oʻrta 4. Tashkilotlar tomonidan doimiy ravishda ustav fondining quyidagi miqdori taʼminlanmaganda: isteʼmol etil spirti va aroq ishlab chiqaruvchi tashkilotlar uchun bazaviy hisoblash miqdorining 10 000 baravari boshqa alkogol mahsulotlari ishlab chiqaruvchilar (uzum va mevalarni birlamchi qayta ishlash tashkilotlari bundan mustasno) uchun bazaviy hisoblash miqdorining 1 000 baravari Oʻrta 5. Aroq hamda isteʼmol etil spirtidan (uzum va rezavor meva etil spirtidan tashqari) aroq va likyor-aroq mahsulotlari ishlab chiqarish boʻyicha mavjud yillik ishlab chiqarish quvvatlaridan oʻrnatilgan quvvatlarning 60 foizidan va yillik ishlab chiqarish hajmi absolyut alkogolga qayta hisoblaganda kamida 100 ming dekalitrdan kam boʻlganda Oʻrta 6. Aroq ishlab chiqarmaydigan tashkilotlarda isteʼmol etil spirtidan (uzum va rezavor meva etil spirtidan tashqari) likyor-aroq mahsulotlari ishlab chiqarish boʻyicha mavjud yillik ishlab chiqarish quvvatlaridan oʻrnatilgan quvvatlarning 50 foizidan kam boʻlganda Oʻrta