Quvayt arab iqtisodiy taraqqiyot jamgʻarmasi ishtirokida “Namunaviy loyihalar boʻyicha yakka tartibdagi uy-joylar qurilishi yuzasidan qishloq massivlarida muhandislik infratuzilmasini rivojlantirish (2-bosqich)” loyihasini amalga oshirishga oid qoʻshimcha chora-tadbirlar toʻgʻrisida (722-son)
26.12.2022
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “2017 — 2021-yillarda qishloq joylarda yangilangan namunaviy loyihalar boʻyicha arzon uy-joylar qurish dasturi toʻgʻrisida” 2016-yil 21-oktabrdagi PQ-2639-son qarori ijrosi yuzasidan Quvayt arab iqtisodiy taraqqiyot jamgʻarmasidan jalb qilingan mablagʻlardan samarali foydalanish maqsadida Vazirlar Mahkamasi qaror qiladi:
1. Quyidagilar:
2019-yil 27-noyabrda Oʻzbekiston Respublikasi bilan Quvayt arab iqtisodiy taraqqiyot jamgʻarmasi (keyingi oʻrinlarda — Jamgʻarma) oʻrtasida Qoraqalpogʻiston Respublikasi, Qashqadaryo, Samarqand, Surxondaryo, Toshkent va Fargʻona viloyatlarida “Namunaviy loyihalar boʻyicha yakka tartibdagi uy-joylar qurilishi yuzasidan qishloq massivlarida muhandislik infratuzilmasini rivojlantirish (2-bosqich)” loyihasini (keyingi oʻrinlarda — loyiha) amalga oshirish boʻyicha 9,0 million Quvayt dinori (ekvivalentida 30,0 million AQSh dollari) miqdorida qarz bitimi (keyingi oʻrinlarda — qarz bitimi) imzolanganligi;
Vazirlar Mahkamasining “Quvayt arab iqtisodiy taraqqiyot jamgʻarmasi ishtirokida “Namunaviy loyihalar boʻyicha yakka tartibdagi uy-joylar qurilishi yuzasidan qishloq massivlarida muhandislik infratuzilmasini rivojlantirish (2-bosqich)” loyihasini amalga oshirish chora-tadbirlari toʻgʻrisida” 2020-yil 7-iyuldagi 427-son qaroriga muvofiq 2020-2021-yillarda loyihani amalga oshirish natijasida ekvivalentida 5,8 million AQSh dollariga teng mablagʻ iqtisod qilinganligi;
Jamgʻarmaning 2022-yil 25-maydagi xatiga asosan ushbu iqtisod qilingan mablagʻni “Qishloq qurilish invest” MChJ IK buyurtmachiligida Andijon, Buxoro, Jizzax, Navoiy, Namangan, Sirdaryo va Xorazm viloyatlarida barpo etilgan uy-joy massivlarida muhandislik infratuzilma obyektlarini qurish ishlarini moliyalashtirish uchun yoʻnaltirishga rozilik berilganligi;
2022-yil 27-iyul kuni Moliya vazirligi va Jamgʻarma tomonidan qarz bitimida qayd etilgan loyiha tavsifiga va tovarlar roʻyxatiga tegishli oʻzgartirishlar va qoʻshimchalar kiritish maqsadida shartnoma imzolanganligi maʼlumot uchun qabul qilinsin.
2. Qoraqalpogʻiston Respublikasi va viloyatlarda “Namunaviy loyihalar boʻyicha yakka tartibdagi uy-joylar qurilishi yuzasidan qishloq massivlarida muhandislik infratuzilmasini rivojlantirish (2-bosqich)” loyihasini amalga oshirishga oid 2020 — 2022-yillarda tashqi muhandislik tarmoqlari va transport kommunikatsiyalari qurilishi boʻyicha yigʻma koʻrsatkichlar ilovaga muvofiq tasdiqlansin.
3. Vazirlar Mahkamasining “Quvayt arab iqtisodiy taraqqiyot jamgʻarmasi ishtirokida “Namunaviy loyihalar boʻyicha yakka tartibdagi uy-joylar qurilishi yuzasidan qishloq massivlarida muhandislik infratuzilmasini rivojlantirish (2-bosqich)” loyihasini amalga oshirish chora-tadbirlari toʻgʻrisida” 2020-yil 7-iyuldagi 427-son qarorining 2-bandi ikkinchi xatboshisi, 5-bandi va qarorga 1-ilova oʻz kuchini yoʻqotgan deb hisoblansin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 26-dekabr,
722-son
Vazirlar Mahkamasining 2022-yil 26-dekabrdagi 722-son qaroriga ILOVA
Qoraqalpogʻiston Respublikasi va viloyatlarda “Namunaviy loyihalar boʻyicha yakka tartibdagi uy-joylar qurilishi yuzasidan qishloq massivlarida muhandislik infratuzilmasini rivojlantirish (2-bosqich)” loyihasini amalga oshirishga oid 2020 — 2022-yillarda tashqi muhandislik tarmoqlari va transport kommunikatsiyalari qurilishi boʻyicha
YIGʻMA KOʻRSATKIChLAR
T/r Hududlar nomi Tashki muhandislik tarmoqlari va transport kommunikatsiyalari qurilishi (km)* shu jumladan: 2020-yil 2021-yil 2022-yil kirish va ichki yoʻllar ichimlik suv tarmogʻi oqova suv tozalash inshooti (dona) oqova suv tarmogʻi kirish va ichki yoʻllar ichimlik suv tarmogʻi oqova suv tozalash inshooti (dona) oqova suv tarmogʻi kirish va ichki yoʻllar ichimlik suv tarmogʻi oqova suv tozalash inshooti (dona) oqova suv tarmogʻi kirish va ichki yoʻllar ichimlik suv tarmogʻi oqova suv tozalash inshooti (dona) oqova suv tarmogʻi Jami: 74,98 105,93 118 119,0 20,76 38,18 34 28,32 33,29 38,17 60 51,6 20,93 29,58 24 39,08 1. Qoraqalpogʻiston Respublikasi 7,89 7,40 20 16,19 3,27 1,54 9 8,75 4,62 5,86 11 7,44 2. Andijon viloyati 2,10 1,83 3 1,74 2,10 1,83 3 1,74 3. Buxoro viloyati 4,93 6,10 5 8,40 4,93 6,10 5 8,40 4. Jizzax viloyati 0,70 0,81 0,60 0,70 0,81 0,60 5. Qashqadaryo viloyati 7,69 13,70 26 19,54 4,59 10,38 13 14,55 3,10 3,32 13 4,99 6. Navoiy viloyati 0,64 0,35 0,25 0,64 0,35 0,25 7. Namangan viloyati 5,94 12,34 4 12,95 5,94 12,34 4 12,95 8. Samarqand viloyati 7,48 11,64 11 10,33 1,54 4,10 4 2,60 5,94 7,54 7 7,73 9. Surxondaryo viloyati 7,25 12,46 12 18,81 1,15 2,66 6,10 9,80 12 18,81 10. Sirdaryo viloyati 0,85 0,57 1 1,77 0,85 0,57 1 1,77 11. Toshkent viloyati 11,73 16,95 15 9,75 4,50 9,20 2 1,27 7,23 7,75 13 8,48 12. Fargʻona viloyati 12,01 14,20 10 5,30 5,71 10,30 6 1,15 6,30 3,90 4 4,15 13. Xorazm viloyati 5,77 7,58 11 13,37 5,77 7,58 11 13,37
* Qurilish massivlarini tanlash, arzon uy-joylarning namunaviy loyihalarini joylarga bogʻlash va tashqi muhandislik tarmoqlari va transport kommunikatsiyalari loyiha-smeta hujjatlarini ishlab chiqish yakunlariga koʻra qurilish parametrlariga aniqlik kiritiladi.