Gimnastika sport turlarini yanada rivojlantirish chora-tadbirlari toʻgʻrisida (PQ-449-son)
23.12.2022
Oʻzbekiston Respublikasi Prezidentining
Qarori
Aholi oʻrtasida gimnastika sport turlari (sport gimnastikasi, badiiy gimnastika, trampolin, akrobatika) ommaviyligini oshirish, yoshlar orasidan iqtidorli sportchilarni saralab olish tizimini takomillashtirish, xalqaro talab va standartlar asosida professional sportchilarni tayyorlash orqali milliy terma jamoalarimizning nufuzli musobaqalarda yuqori natijalarga erishishini taʼminlash maqsadida:
1. Quyidagilar gimnastika sport turlarini rivojlantirishning asosiy yoʻnalishlari etib belgilansin:
aholi oʻrtasida gimnastika sport turlarining ommaviyligini oshirish, iqtidorli sportchilarni aniqlash, tanlash va saralash (seleksiya) hamda ularni professional sportchilar sifatida tayyorlashning yangi tizimini yoʻlga qoʻyish;
maktabgacha yoshdagi bolalarning gimnastika sport turlari bilan shugʻullanishi uchun keng imkoniyatlarni yaratish va ularda ushbu sport turlari boʻyicha boshlangʻich koʻnikmalarni shakllantirish;
umumiy oʻrta taʼlim maktablarining jismoniy tarbiya darslarida gimnastika sport turlari boʻyicha mashgʻulotlarni bosqichma-bosqich koʻpaytirish hamda mashgʻulot va toʻgaraklar faoliyatini tizimli yoʻlga qoʻyish;
gimnastika sport turlari boʻyicha professional trenerlar, malakali hakamlar va mutaxassislarni tayyorlash, oʻquv-uslubiy qoʻllanmalar hamda videomateriallar ishlab chiqish;
sport-taʼlim muassasalarining moddiy-texnika bazasini mustahkamlash, respublikada gimnastika sport turlari uchun zarur boʻlgan sport jihozlari va inventarlarini ishlab chiqarishni yoʻlga qoʻyish;
qizlar oʻrtasida erta yoshdan gimnastika sport turlarini ommalashtirish, bu borada uzoq yillarga moʻljallangan istiqbolli rejalarni ishlab chiqish va amalga oshirish;
Olimpiya va Osiyo oʻyinlari, jahon va Osiyo chempionatlariga gimnastika sport turlari boʻyicha milliy terma jamoa sportchilarini tayyorlash dasturlarini yanada takomillashtirish;
ommaviy axborot vositalarida sogʻlom turmush tarzining muhim tarkibiy qismi sifatida gimnastika sport turlarini targʻib qilish hamda bu jarayonda yuqori darajali axborotlashtirishni va multimedia mahsulotlaridan foydalanishni taʼminlash.
2. 2023/2024 oʻquv yilidan boshlab:
maktabgacha taʼlim tashkilotlarida “Gimnastikaga ilk qadam” dasturi;
umumiy oʻrta taʼlim maktablarida boshlangʻich sinf oʻquvchilariga moʻljallangan, gimnastika sport turlari boʻyicha sport maktabining boshlangʻich tayyorgarlik guruhlari uchun ishlab chiqilgan dastur asosida “Bolalar uchun gimnastika” dasturi joriy qilinsin.
Belgilansinki:
a) “Gimnastikaga ilk qadam” dasturi doirasida:
maktabgacha taʼlim tashkilotlarida gimnastikani ommalashtirish va keng targʻib qilish orqali tarbiyalanuvchilarni mazkur sport turi bilan muntazam shugʻullanishga jalb etish;
tarbiyalanuvchilar organizmini fiziologik rivojlantirish boʻyicha mutaxassis — shifokorlar tomonidan tavsiya etilgan sport koʻnikmalariga tayyorlash;
bolalarda gimnastika bilan shugʻullanishga kuchli va taʼsirchan motivatsiyani shakllantirishga katta eʼtibor qaratiladi;
b) “Bolalar uchun gimnastika” dasturi doirasida:
gimnastika bilan shugʻullanish istagi yuqori boʻlgan oʻquvchilarga ega hamda sport zallari mavjud umumiy oʻrta taʼlim maktablari belgilab olinadi;
tanlab olingan umumiy oʻrta taʼlim maktablarida gimnastika sport turlari boʻyicha darsdan tashqari alohida sport seksiyalarida mashgʻulotlar maktab joylashgan hududdagi sport maktabidan jalb etilgan trenerlar tomonidan olib boriladi;
umumiy oʻrta taʼlim maktablarida gimnastika zallarini tashkil etish, mavjud gimnastika infratuzilmasini kengaytirish va jihozlash uchun investitsiya va grantlar jalb qilinadi;
yoshlar oʻrtasida gimnastika sport turlarini keng targʻib qilish va ommalashtirish, ularda ushbu sport turiga qiziqishni oshirish, gimnastika boʻyicha musobaqalarni oʻtkazishga koʻmaklashish boʻyicha chora-tadbirlar amalga oshiriladi.
3. Maktabgacha va maktab taʼlimi vazirligi (X. Umarova) 2023/2024 oʻquv yilidan boshlab:
Sport vazirligi, Oʻzbekiston gimnastika federatsiyasi bilan birgalikda gimnastika sport turlarini oʻquvchilar oʻrtasida ommalashtirish boʻyicha tanlangan maktablarni videodarsliklar, gimnastika gilamlari, jihozlari va boshqa zarur anjomlar bilan taʼminlash uchun Xalq taʼlimi sohasida islohotlarga koʻmaklashish jamgʻarmasi mablagʻlari hisobidan har yili zarur mablagʻlarni yoʻnaltirsin;
boshlangʻich sinf oʻquvchilari uchun jismoniy tarbiya fanining amaldagi oʻquv dasturini qayta koʻrib chiqib, uning asosiy qismini gimnastikaning sogʻlomlashtiruvchi elementlari bilan boyitsin.
4. Maktabgacha va maktab taʼlimi vazirligi (A. Shin) Oʻzbekiston gimnastika federatsiyasi bilan birgalikda 2023-yil 1-iyulga qadar davlat maktabgacha taʼlim tashkilotlarida tarbiyalanuvchilarni gimnastikaga asoslangan muntazam jismoniy mashqlarga qiziqtirish va shugʻullantirish boʻyicha toʻgaraklar faoliyatini tizimli yoʻlga qoʻysin.
5. Sport vazirligi tizimida birinchi bosqichda Nukus, Samarqand va Fargʻona shaharlarida zamonaviy moddiy-texnika va oʻquv-mashq bazasiga ega boʻlgan hududiy Gimnastika sport turlariga tayyorlash markazlari (keyingi oʻrinlarda — Gimnastika markazlari) tashkil etilsin.
6. Belgilansinki:
Gimnastika markazlari ushbu hududlardagi gimnastika sport turlariga ixtisoslashtirilgan sport maktablari negizida tashkil qilinadi;
Gimnastika markazlari faoliyati gimnastika sport turlari boʻyicha qobiliyatli va iqtidorli yosh sportchilarni tanlab olish hamda ularni asosan terma jamoalarga nomzod sifatida tayyorlashga yoʻnaltiriladi;
Gimnastika markazlari yuridik shaxs maqomiga ega boʻlgan ixtisoslashtirilgan davlat sport-taʼlim muassasasi hisoblanadi;
Gimnastika markazlari oʻz faoliyatini 2024/2025 oʻquv yilidan boshlaydi;
Gimnastika markazlari oʻquvchilarining umumiy kontingenti jami 132 nafarni tashkil etib, ular 1 — 11-sinf oʻquvchilaridan iborat boʻladi;
Gimnastika markazlari oʻquvchilarini umumtaʼlim dasturlari boʻyicha oʻqitish ularga eng yaqin joylashgan umumiy oʻrta taʼlim maktablarida amalga oshiriladi;
Gimnastika markazlarining oʻquv jarayoni Sport vazirligi va Maktabgacha va maktab taʼlimi vazirligi tomonidan belgilanadi hamda tasdiqlangan oʻquv rejaga asosan amalga oshiriladi;
Gimnastika markazlarining oʻquv dasturini oʻzlashtirgan va yakuniy davlat attestatsiyasidan oʻtgan 11-sinf bitiruvchilariga qonun hujjatlarida belgilangan tartibda davlat namunasidagi diplom beriladi;
Gimnastika markazlarini bitirganlik toʻgʻrisidagi diplom berilgan mutaxassislik (trener, trener-seleksioner) boʻyicha mehnat faoliyatini amalga oshirish yoki taʼlimning keyingi bosqichlarida oʻqishni davom ettirish huquqini beradi;
Gimnastika markazlari oʻquvchilarini ovqatlantirish xarajatlari Davlat budjeti mablagʻlari hisobidan amalga oshiriladi;
Gimnastika markazlari direktorlari, ularning sport ishlari boʻyicha oʻrinbosarlari, trenerlari, yoʻriqchi-uslubchilariga Olimpiya va paralimpiya sport turlariga tayyorlash markazlari uchun belgilangan mehnatga haq toʻlash va moddiy ragʻbatlantirish shartlari qoʻllaniladi;
Gimnastika markazlari direktorlarining maʼnaviy-maʼrifiy ishlar boʻyicha oʻrinbosari va tarbiyachilari mehnatiga haq toʻlash va ragʻbatlantirish Vazirlar Mahkamasining 2005-yil 21-dekabrdagi “Xalq taʼlimi xodimlari mehnatiga haq toʻlashning takomillashtirilgan tizimini tasdiqlash toʻgʻrisida”gi 275-son qaroriga muvofiq amalga oshiriladi;
Gimnastika markazlari tibbiyot xodimlari mehnatiga haq toʻlash Vazirlar Mahkamasining 2005-yil 21-dekabrdagi “Tibbiyot xodimlari mehnatiga haq toʻlashning takomillashtirilgan tizimini tasdiqlash toʻgʻrisida”gi 276-son qaroriga muvofiq amalga oshiriladi, shuningdek, ularni moddiy ragʻbatlantirishda Olimpiya va paralimpiya sport turlariga tayyorlash markazlari uchun belgilangan moddiy ragʻbatlantirish shartlari qoʻllaniladi.
7. Quyidagilar Gimnastika markazlarini moliyalashtirish manbalari etib belgilansin:
Davlat budjeti mablagʻlari;
faoliyat ixtisosligi boʻyicha tovarlarni (ishlarni, xizmatlarni) realizatsiya qilishdan va Gimnastika markazlari ustavidagi vazifalarga muvofiq boʻlgan boshqa faoliyat turlaridan olingan daromadlar;
asosiy mashgʻulotlar oʻtkazilmaydigan vaqtda boʻsh turgan mol-mulkni ijaraga berishdan tushgan daromadlar;
jismoniy va yuridik shaxslarning homiylik xayriyalari;
qonunchilik hujjatlarida taqiqlanmagan boshqa manbalar.
8. Belgilab qoʻyilsinki:
a) Gimnastika markazlarini zamonaviy va xalqaro talablarga muvofiq tashkil etish (binolar qurish, mavjudlarini rekonstruksiya qilish va taʼmirlash) “Oʻzavtosanoat” AJning homiylik mablagʻlari hisobidan amalga oshiriladi;
b) Gimnastika markazlarini xalqaro standartlarga muvofiq, zamonaviy jihoz va inventarlar bilan taʼminlash uchun Sport vazirligiga Davlat budjetidan zarur mablagʻ ajratiladi.
Iqtisodiyot va moliya vazirligi ushbu maqsadlar uchun hamda Gimnastika markazlari faoliyatini saqlash bilan bogʻliq zarur mablagʻlarni 2024-yildan boshlab Davlat budjeti parametrlarida nazarda tutsin.
Qurilish va uy-joy kommunal xoʻjaligi vazirligi (B. Zakirov) Gimnastika markazlarining loyiha hujjatlarini ishlab chiqishda eng maqbul meʼmoriy hamda texnik yechimlar qoʻllanilishini, ularni innovatsion texnologiyalarga asoslangan, energiya tejamkor va tez barpo etiladigan yengil konstruksiya va materiallardan qurish, shinamlik va ekologik xavfsizlik talablariga muvofiqlik yuzasidan loyiha-smeta hujjatlarini kompleks ekspertizadan oʻtkazishni taʼminlasin va qurilish-montaj ishlarining sifatli bajarilishi ustidan doimiy davlat arxitektura-qurilish nazoratini oʻrnatsin.
Yoshlar siyosati va sport vaziriga Sportni qoʻllab-quvvatlash jamgʻarmasi mablagʻlari hisobidan gimnastika sport turlari boʻyicha malakali xorijiy trenerlar, menejerlar, ekspertlar va boshqa mutaxassislarni jalb qilish huquqi berilsin.
9. Vazirlar Mahkamasi mazkur qaror talablaridan kelib chiqib, uch oy muddatda Gimnastika markazlari faoliyatini tashkil etish boʻyicha Hukumat qarorini qabul qilsin.
10. Gimnastika sport turlari ommaviyligini oshirish hamda sportchilarni eng quyi boʻgʻindan boshlab tayyorlash va seleksiya qilish boʻyicha quyidagi tizim joriy qilinsin:
maktabgacha taʼlim tashkilotlarida — 3 yoshdan 7 yoshgacha boʻlgan bolalarni jismoniy tarbiya, ayniqsa, gimnastikaga asoslangan muntazam jismoniy mashqlarga qiziqtirish va shugʻullantirish orqali ularda iroda va qatʼiyatlilik, shuningdek, oʻzini tutish kabi axloqiy va jismoniy fazilatlar shakllantiriladi;
umumiy oʻrta taʼlim maktablarida — 7 yoshdan 10 yoshgacha boʻlgan oʻquvchilar uchun jismoniy tarbiya dars mashgʻulotlarida gimnastika sportining sogʻlomlashtiruvchi elementlaridan foydalangan holda bolalarda tana rivojlanishi, mushaklar egiluvchanligi, chaqqonlik, chidamlilik hamda muvozanat hissi va harakatlarni muvofiqlashtirish koʻnikmasi kabi jismoniy sifatlar shakllantiriladi;
sport maktablarida — “Besh tashabbus olimpiadasi” doirasida oʻtkazilgan ommaviy sport musobaqalari, shuningdek, maktabgacha taʼlim tashkilotlari va umumiy oʻrta taʼlim maktablaridan gimnastika sport turlari boʻyicha saralab olingan bolalar dastlab sport maktabining sport-sogʻlomlashtirish guruhlarida harakatlanish qobiliyatini kuchaytirish va harakat faolligi tanqisligini toʻldirish boʻyicha shugʻullantiriladi.
Bunda, sport-sogʻlomlashtirish guruhida shugʻullangan yoshlar aholining jismoniy tayyorgarlik darajasini baholash tizimi boʻyicha sinovlardan muvaffaqiyatli oʻtgan taqdirda, ular sport maktabining navbatdagi guruhlariga bosqichma-bosqich oʻtkazib boriladi;
Gimnastika markazlarida — taʼlim muassasalarida eng yaxshi natija koʻrsatgan, sport sinovlaridan muvaffaqiyatli oʻtgan va yuqori iqtidorga ega boʻlgan yoshlar tanlov asosida qabul qilinib, gimnastikaning ixtisoslashtirilgan turlari boʻyicha professional tarzda shugʻullantiriladi va ular hisobidan hududiy terma jamoalarga asosiy nomzodlar zaxirasi shakllantiriladi;
Gimnastika boʻyicha ixtisoslashtirilgan respublika bolalar-oʻsmirlar olimpiya zaxirasi sport maktabida (keyingi oʻrinlarda — Gimnastika boʻyicha olimpiya zaxiralari maktabi) — Gimnastika markazlari, shuningdek, boshqa taʼlim muassasalaridan sport gimnastikasi, badiiy gimnastika va trampolin bilan shugʻullanuvchi sportchilarni erishgan natijalari asosida tanlab olish orqali ular eng yangi ilmiy-metodik tavsiya hamda yutuqlar asosida milliy terma jamoalar uchun sport zaxirasi va yuqori darajali sportchilar sifatida tayyorlanadi.
11. Shunday tartib oʻrnatilsinki, unga muvofiq:
Gimnastika boʻyicha olimpiya zaxiralari maktabi — milliy terma jamoalarga gimnastika sport turlari boʻyicha zaxira sportchilarni yetkazib beruvchi bazaviy davlat sport-taʼlim muassasasi hisoblanadi;
Gimnastika boʻyicha olimpiya zaxiralari maktabida 7 yoshdan 18 yoshgacha boʻlgan taʼlim oluvchi oʻquvchi-sportchilarning umumiy kontingenti 132 nafarni tashkil etgan holda, oʻqish muddati 11 yil boʻlib, har yili 12 nafar iqtidorli oʻquvchi-sportchi qabul qilinadi;
Gimnastika boʻyicha olimpiya zaxiralari maktabini toʻliq tamomlagan oʻquvchi-sportchilarga qonun hujjatlarida belgilangan tartibda davlat namunasidagi diplom beriladi;
Gimnastika boʻyicha olimpiya zaxiralari maktabini bitirganlik toʻgʻrisidagi diplom berilgan mutaxassislik (trener, trener-seleksioner) boʻyicha mehnat faoliyatini amalga oshirish yoki taʼlimning keyingi bosqichida oʻqishni davom ettirish huquqini beradi.
12. Yoshlar siyosati va sport vazirligi hamda Oliy taʼlim, fan va innovatsiyalar vazirligi 2023/2024 oʻquv yilidan boshlab Oʻzbekiston davlat jismoniy tarbiya va sport universiteti va uning filiallarida gimnastika boʻyicha amaldagi oʻqishga qabul qilishning davlat buyurtmasi parametrlarini ikki baravarga oshirish choralarini koʻrsin.
13. Quyidagilar:
2023 — 2025-yillarda gimnastika sport turlarini yanada rivojlantirish boʻyicha “yoʻl xaritasi” 1-ilovaga muvofiq;
2023 — 2025-yillarda gimnastika sport turlarini rivojlantirishning maqsadli koʻrsatkichlari 2-ilovaga muvofiq tasdiqlansin.
14. Belgilab qoʻyilsinki, 2023-yil 1-yanvardan boshlab anʼanaviy tarzda gimnastika sport turlari boʻyicha Oʻzbekiston Respublikasida quyidagi musobaqalar oʻtkaziladi:
gimnastrada sport turi boʻyicha xotin-qizlar oʻrtasida Oʻzbekiston Respublikasi Prezidenti kubogi;
badiiy gimnastika boʻyicha yoshlar oʻrtasida “Yorqin yulduzcha” va kattalar oʻrtasida “Grand Prix Uzbekistan” xalqaro turniri;
sport gimnastikasi boʻyicha “Duxoba yoʻl” xalqaro turniri;
trampolin boʻyicha “Samodan baland” xalqaro turniri;
xalqaro gimnastika kuniga bagʻishlab oʻtkaziladigan “Gymnastics Day” butun Oʻzbekiston ommaviy forumi;
umumiy oʻrta taʼlim maktablari oʻquvchilari oʻrtasida “Maktabgacha va maktab taʼlimi vaziri kubogi”;
gimnastika sport turlari boʻyicha Xalqaro gimnastika federatsiyasining tasdiqlangan norma va qoidalarida belgilangan yosh toifalari boʻyicha uch bosqichli (tuman/shahar, hududiy va respublika) chempionatlar va kuboklar.
Yoshlar siyosati va sport vazirligi (Sh. Maxmudov) Maktabgacha va maktab taʼlimi vazirligi, Oʻzbekiston Milliy olimpiya qoʻmitasi va Oʻzbekiston gimnastika federatsiyasi bilan birgalikda:
ikki oy muddatda mazkur bandda koʻrsatilgan musobaqalarga puxta tayyorgarlik koʻrish va ularni yuqori saviyada oʻtkazish boʻyicha chora-tadbirlar rejasini tasdiqlasin;
respublikada oʻtkaziladigan xalqaro turnirlarda mahalliy gimnastikachilar bilan birgalikda yuqori reytingga ega boʻlgan xalqaro gimnastikachilar, trenerlar va hakamlarning ishtirokini taʼminlasin;
yuqoridagi musobaqalar va turnirlarni oʻtkazish jarayonini mahalliy va xorijiy ommaviy axborot vositalari hamda boshqa kommunikatsiya manbalarida keng yoritsin.
Turizm qoʻmitasi (U. Shadiyev) ushbu musobaqalar va turnirlarni turistik marshrutlar obyektlari roʻyxatiga kiritsin, ularga xorijiy va mahalliy turistlarni jalb qilish choralarini koʻrsin.
15. Yoshlar siyosati va sport vazirligi (A. Ikramov):
Kambagʻallikni qisqartirish va bandlik vazirligi bilan birgalikda gimnastika sport turlari ommaviyligini oshirish maqsadida 2023-yildan boshlab “Besh tashabbus olimpiadasi” doirasida oʻtkaziladigan ommaviy sport musobaqalari dasturiga gimnastrada musobaqalarini kiritsin;
Iqtisodiyot va moliya vazirligi bilan birgalikda 2023-2024-yillarda bosqichma-bosqich hududlardagi gimnastika sport turlariga ixtisoslashtirilgan sport maktablarining moddiy-texnika bazasini mustahkamlash, mavjud sport inshootlarini mashgʻulotlar uchun xavfsiz va sanitariya meʼyorlari asosida rekonstruksiya qilish, ularni zamonaviy talablarga javob beradigan jihoz va inventarlar bilan taʼminlash choralarini koʻrsin.
16. Vazirlar Mahkamasi Sportni rivojlantirish vazirligi, Sogʻliqni saqlash vazirligi, Oʻzbekiston gimnastika federatsiyasi bilan birgalikda ikki oy muddatda gimnastika sport turlari boʻyicha davlat sport-taʼlim muassasalarida shugʻullanuvchi oʻquvchi-sportchilar uchun amaldagi sutkalik oziq-ovqat meʼyorlari, jihoz va inventarlar normalarini tanqidiy qayta koʻrib chiqib, yangi tahrirdagi Hukumat qarorini qabul qilsin.
17. Sportni rivojlantirish vazirligi (A. Ikramov), Oʻzbekiston gimnastika federatsiyasi bir oy muddatda gimnastika sport turlari boʻyicha milliy terma jamoalar sportchilarini 2024-yil Parij shahrida (Fransiya) boʻlib oʻtadigan XXXIII yozgi Olimpiya oʻyinlariga puxta tayyorlash boʻyicha chora-tadbirlarni ishlab chiqib, Vazirlar Mahkamasiga kiritsin. Bunda, iqtidorli sportchilarni sport kiyimlari va ekipirovkalari bilan taʼminlash nazarda tutilsin.
18. Iqtisodiyot va moliya vazirligi Yoshlar siyosati va sport vazirligi, Toshkent shahri hokimligi va Oʻzbekiston gimnastika federatsiyasi bilan birgalikda 2024-2025-yillarga moʻljallangan Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida Toshkent shahri, Yunusobod tumani, Korxoji ota koʻchasi, 2a-uy manzilida joylashgan Gimnastika boʻyicha olimpiya zaxiralari maktabi tasarrufidagi bino va inshootlarni xalqaro talablarga muvofiq rekonstruksiya qilish va kapital taʼmirlash, shuningdek, ushbu obyektning tegishli boʻsh yer maydonida 36x30 oʻlchamli sport gimnastikasi zalini qurish hamda zamonaviy sport anjomlari bilan toʻliq jihozlangan oʻquv-mashgʻulot bazasiga aylantirish choralarini koʻrsin.
19. Oʻzbekiston gimnastika federatsiyasi (Sh. Umurzakov) va Milliy olimpiya qoʻmitasi (O. Qosimov):
zamonaviy ilm-fan yutuqlari va innovatsion texnologiyalardan foydalangan holda gimnastika sport turlari boʻyicha trenerlar, seleksionerlar, hakamlar va boshqa mutaxassislarning kasbiy mahoratini doimiy oshirib borish maqsadida mahalliy va xorijiy mutaxassislar ishtirokida seminar, trening va mahorat darslarini oʻtkazishni tizimli ravishda yoʻlga qoʻysin;
uch oy muddatda maktabgacha taʼlim tashkilotlarida “Gimnastikaga ilk qadam” va umumiy oʻrta taʼlim maktablarida “Bolalar uchun gimnastika” dasturlarini amalga oshirish hamda joylardagi trenerlar faoliyatiga koʻmaklashish maqsadida ushbu dasturlarni amalga oshirish konsepsiyasi hamda gimnastika sport turlari boʻyicha videodarsliklar toʻplamini yaratsin;
faoliyati davomida namuna koʻrsatgan yuqori malakaga ega trener va mutaxassislar malakasini yanada oshirish, zamonaviy bilim hamda koʻnikmalarga ega boʻlishlarini taʼminlash uchun ularni milliy terma jamoalarning xorijda oʻtkaziladigan oʻquv-yigʻin mashgʻulotlari va xalqaro musobaqalar jarayoniga jalb etish choralarini koʻrsin.
20. Oʻzbekiston Milliy axborot agentligi hamda Oʻzbekiston Milliy teleradiokompaniyasi mazkur qarorning mazmun-mohiyati va amaliy ahamiyatini yoritishga oid maqolalar, brifinglar, tematik telekoʻrsatuvlar tashkil etsin.
21. Yoshlar siyosati va sport vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
22. Ushbu qarorning ijrosini samarali tashkil qilishga masʼul va shaxsiy javobgar etib yoshlar siyosati va sport vaziri A.I. Ikramov, Oʻzbekiston milliy olimpiya qoʻmitasi bosh kotibi O.A. Qosimov hamda Oʻzbekiston gimnastika federatsiyasi raisi Sh.B. Umurzakov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining maslahatchisi O.Q. Abduraxmanov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 23-dekabr,
PQ-449-son
Oʻzbekiston Respublikasi Prezidentining 2022-yil 23-dekabrdagi PQ-449-son qaroriga 1-ILOVA
2023 — 2025-yillarda gimnastika sport turlarini yanada rivojlantirish boʻyicha
“Yoʻl xaritasi”
T/rChora-tadbirlarAmalga oshirish mexanizmlariAmalga oshirish muddatlariMoliyalashtirish manbalariMasʼul ijrochilarI. Iqtidorli sportchilarni aniqlash, tanlash va saralash (seleksiya) hamda ularni professional sportchilar sifatida tayyorlash1.Hududlarda gimnastika sport turlari boʻyicha iqtidorli yoshlarni aniqlash, tanlash va saralash (seleksiya) ishlarini takomillashtirish.1. Hududlardagi seleksionerlarni jalb qilgan holda iqtidorli yoshlarni aniqlash.2023-yil sentabrdan boshlab-Oʻzbekiston gimnastika federatsiyasi(Sh. Umurzakov),Sport vazirligi(Sh. Maxmudov),Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari2. Saralab olish (seleksiya) yoʻli bilan aniqlangan iqtidorli yoshlarni kelajakda oliy mahoratli gimnastikachi boʻlib shakllanishi uchun sport-taʼlim muassasalariga yoʻnaltirish.2024-yil yakuniga qadar2.Gimnastika sport turi bilan shugʻullanuvchilarning umumiy sonini oshirish.1. Gimnastika sport turlari bilan shugʻullanuvchilar boʻyicha haqiqiy holatni yoshlar kesimida aniqlash.2023-yil martIjrochilar mablagʻlariYoshlar siyosati va sport vazirligi(Sh. Maxmudov),Oʻzbekiston Milliy olimpiya qoʻmitasi(O. Qosimov),Oʻzbekiston gimnastika federatsiyasi(Sh. Umurzakov),Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari2. Xorijiy tajribani oʻrgangan holda Yaponiya, Koreya, Fransiya, Italiya, Rossiya, Gruziya, Ozarbayjon kabi davlatlar bilan hamkorlikni kuchaytirish.2023-yil avgust3. Xorijiy tajribadan kelib chiqib, gimnastika sport turlari bilan shugʻullanuvchilar sonini oshirish boʻyicha chora-tadbirlar rejasini ishlab chiqish va tasdiqlash.2023-yil sentabr3.Xalqaro standartlar asosida mustaqil qaror qabul qilishga ega yuqori malakali, ijodiy va tizimli fikrlaydigan kadrlarni tayyorlash.1. Gimnastika sport turlari boʻyicha yuqori malakali sportchilar, boshqaruv, pedagogik, ilmiy va boshqa kadrlarni tayyorlash boʻyicha oʻquv rejalari va dasturlarini tahlil qilish va takomillashtirish.2. Iqtidorli sportchilarni aniqlash, saralash, shuningdek, kadrlar tayyorlashning ilgʻor xorijiy amaliyotlarini joriy etish.2023-yil dekabrIjrochilar mablagʻlariYoshlar siyosati va sport vazirligi(A. Ikramov),Oliy taʼlim, fan va innovatsiyalar vazirligi(I. Abduraxmonov),Oʻzbekiston davlat jismoniy tarbiya va sport universiteti(M. Boltaboyev),Oʻzbekiston gimnastika federatsiyasi(Sh. Umurzakov)4.Hududlarda gimnastika sport turlarini rivojlantirish.1. Hududlarda gimnastika sport turlarining rivojlanmasdan qolish sabablarini tahliliy oʻrganish.2023-yil yanvar — martIjrochilar mablagʻlariYoshlar siyosati va sport vazirligi(A. Ikramov),Oʻzbekiston gimnastika federatsiyasi(Sh. Umurzakov),Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari2. Gimnastika sport turlariga ixtisoslashtirilgan sport maktablari orqali joylarda, ayniqsa chekka va olis hududlarda joylashgan gimnastika sport seksiyalarini qoʻllab-quvvatlash boʻyicha chora-tadbirlar dasturini ishlab chiqish.2023-yil aprel3. Sport menejerlari va trenerlari shtabi zaxirasini yaratish. Bunda, ularni infratuzilmasi rivojlanmagan va gimnastika sport turlari boʻyicha kadrlar kam boʻlgan hududlarga yuborish maqsadida oʻz faoliyatini yakunlagan sportchilarni qayta tayyorlashni nazarda tutish.2023-yil aprel4. Oʻzbekiston gimnastika federatsiyasi tavsiyasi asosida gimnastika sport turlari boʻyicha trenerlar va tegishli mutaxassislarni maʼlum muddatga tajriba almashish uchun boshqa hududlarga yoʻnaltirish.Reja-grafik asosida5.Gimnastika boʻyicha terma jamoa aʼzolarining nufuzli xalqaro musobaqalar (Olimpiya va Osiyo oʻyinlari, Jahon va Osiyo chempionatlari, xalqaro turnirlar)ga tayyorgarlik koʻrishi va unda munosib ishtirok etishini taʼminlash.1. Gimnastika boʻyicha terma jamoalarga malakali xorijiy mutaxassislarni jalb qilish.2. Nufuzli xalqaro musobaqalar (Olimpiya va Osiyo oʻyinlari, Jahon va Osiyo chempionatlari, xalqaro turnirlar)ga tayyorgarlik koʻrish rejasini ishlab chiqish va tasdiqlash.3. Rejaga muvofiq terma jamoa aʼzolari uchun xalqaro va mahalliy oʻquv-mashgʻulot yigʻinlarini oʻtkazish.4. Terma jamoa aʼzolarining nufuzli xalqaro musobaqalarda ishtirokini taʼminlash.2023-2024-yillar davomidaSport va ommaviy jismoniy tarbiya tadbirlarining kalendar rejalari doirasida ajratilgan mablagʻlar, ijrochilar mablagʻlariOʻzbekiston Milliy olimpiya qoʻmitasi(O. Qosimov),Oʻzbekiston gimnastika federatsiyasi(Sh. Umurzakov),Sport vazirligi(Sh. Maxmudov)6.Umumiy oʻrta taʼlim maktablari boshlangʻich sinf oʻquvchilari va maktabgacha yoshdagi bolalar uchun gimnastika sport turlari boʻyicha musobaqalar sonini oshirish.1. Boshlangʻich sinf oʻquvchilari va maktabgacha yoshdagi bolalar uchun gimnastika sport turlari boʻyicha musobaqalarni oʻtkazish rejasini ishlab chiqish va tasdiqlash.2023-yil aprel-Maktabgacha va maktab taʼlimi vazirligi(X. Umarova),Oʻzbekiston gimnastika federatsiyasi(Sh. Umurzakov),Yoshlar siyosati va sport vazirligi(A. Ikramov),Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari2. Tasdiqlangan reja asosida gimnastika musobaqalarini oʻtkazish.3. Gʻolib va sovrindorlarni ragʻbatlantirish.Rejaga asosanII. Gimnastika sport turlari boʻyicha sport infratuzilmasini rivojlantirish7.Har bir hududdagi gimnastika sport turlariga ixtisoslashtirilgan sport maktablari moddiy-texnik bazasini yaxshilash.1. Hududlarda gimnastika sport turlariga ixtisoslashtirilgan sport maktablarining sport inshootlarini rekonstruksiya qilish, zaruratga koʻra yangidan qurish hamda jihoz va inventarlar bilan taʼminlash.2. Foydalanishga topshirilgan sport inshootlaridan samarali foydalanish.3. Sport maktablari va umumiy oʻrta taʼlim maktablaridan iqtidorli sportchi-oʻquvchilarni saralab olish orqali gimnastika sport turlari bilan professional shugʻullanishga keng jalb etish.2024-2025-yillar davomidaIjtimoiy va ishlab chiqarish infratuzilmasini rivojlantirish dasturi, mahalliy budjet mablagʻlari, ijrochilar mablagʻlariQoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,Sport vazirligi(M. Ismailov),Oʻzbekiston gimnastika federatsiyasi(Sh. Umurzakov)8.Gimnastika sport turlari boʻyicha mashgʻulotlar oʻtkaziladigan obyektlarni taʼmirlash.1. Gimnastika sport turlari boʻyicha mashgʻulotlar oʻtkaziladigan obyektlar roʻyxatini shakllantirish.2023-yil aprelIjrochilar mablagʻlariQoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,Yoshlar siyosati va sport vazirligi(M. Ismailov),Oʻzbekiston gimnastika federatsiyasi(Sh. Umurzakov)2. Roʻyxatga muvofiq gimnastika sport turlari boʻyicha mashgʻulotlar oʻtkaziladigan obyektlarning taʼmirga muhtojligini joyiga chiqib oʻrganish.2023-yil may3. Gimnastika sport turlari boʻyicha mashgʻulotlar oʻtkaziladigan obyektlarni taʼmirlash.Reja asosida9.Nukus, Samarqand va Fargʻona shaharlarida zamonaviy moddiy-texnika va oʻquv-mashq bazasiga ega boʻlgan hududiy gimnastika sport turlariga tayyorlash markazlarini tashkil etish..1. Obyekt barpo etiladigan manzilni aniqlash, tegishli yer maydonini ajratish.2023-yil aprel-Qoraqalpogʻiston Respublikasi Vazirlar Kengashi(F. Ermanov),Samarqand viloyati hokimligi(A. Boboyev),Fargʻona viloyati hokimligi(X. Bozarov)Oʻzbekiston gimnastika federatsiyasi(U. Rozukulov),Sport vazirligi(M. Ismailov),Iqtisodiyot va moliya vazirligi(O. Fozilkarimov),Qurilish va uy-joy kommunal xoʻjaligi vazirligi(Sh. Xidoyatov)2. Obyektning loyiha-smeta hujjatlarini ishlab chiqish va tegishli tashkilotlar xulosasini olish.3. Obyektni qurish va jihozlash ishlarini moliyalashtirish manbalarini aniqlash.4. Qurilish ishlarini amalga oshirish uchun tanlov (tender) eʼlon qilish va pudratchi tashkilotlar bilan shartnomalarni rasmiylashtirish.2023-yil may — iyul“Oʻzavtosanoat” AJ homiylik mablagʻlari, ijrochilar mablagʻlari5. Qurilish-taʼmirlash ishlarini amalga oshirish.2026-yil dekabr6. Bino va inshootlarni zamon talablari asosida jihozlash.Ijrochilar mablagʻlari7. Amalga oshirilgan qurilish-taʼmirlash ishlarini qabul qilish, nazorat-oʻlchovdan oʻtkazish.10.Gimnastika sportining moddiy-texnik bazasini mustahkamlash, sohani rivojlantirishga xususiy investitsiyalarni jalb qilish uchun sharoit yaratishda davlat-xususiy sheriklikni joriy etish.1. Ilgʻor xorijiy tajribalar asosida qurilish materiallari, zamonaviy energiya va resurs tejaydigan texnologiyalardan foydalangan holda gimnastika sport turlari boʻyicha namunaviy sport markazlari loyihasini ishlab chiqish.2023-yil iyunXususiy investorlar mablagʻlariSport vazirligi(A. Ikramov),Milliy olimpiya qoʻmitasi(O. Qosimov),Oʻzbekiston gimnastika federatsiyasi(Sh. Umurzakov)Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari2. Gimnastika sportini rivojlantirishga xususiy investitsiyalarni jalb qilish uchun sharoit yaratish.Doimiy3. Davlat-xususiy sheriklik asosida gimnastika sport turlari boʻyicha namunaviy sport markazlarini qurish.Tadbirkorlar tashabbusiga koʻra11.Yosh gimnastikachi sportchilarning salomatligi va tayyorgarligi darajasini yaxshilash, sport zaxiralarini tayyorlash maqsadida yozgi va qishki sogʻlomlashtirish lagerlarini reja asosida muntazam tashkil etish.Yosh gimnastikachi sportchilar uchun yozgi va qishki sogʻlomlashtirish lagerlarini muntazam tashkil etish.2023-2024-yillar davomidaIjrochilar mablagʻlariOʻzbekiston gimnastika federatsiyasi(Sh. Umurzakov),Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariIII. Gimnastika sport turlari boʻyicha sportchilar, trenerlar va boshqa mutaxassislarni qoʻllab-quvvatlash, sport musobaqalariga tayyorgarlik koʻrishni kuchaytirish, gimnastikani ommaviy axborot vositalarida targʻib qilish12.Milliy terma jamoalarni ilmiy va uslubiy taʼminlash tizimini takomillashtirish.1. Gimnastika sport turlari boʻyicha milliy terma jamoalar uchun ilmiy va uslubiy qoʻllanmalar roʻyxatini shakllantirish.2023-yil mayIjrochilar mablagʻlariYoshlar siyosati va sport vazirligi(Sh. Maxmudov),Oʻzbekiston Milliy olimpiya qoʻmitasi(O. Qosimov),Oʻzbekiston gimnastika federatsiyasi(Sh. Umurzakov)2. Roʻyxatga muvofiq ilmiy va uslubiy qoʻllanmalarni takomillashtirish.2023-yil iyul3. Takomillashgan ilmiy va uslubiy qoʻllanmalarni ilmiy kengashda koʻrib chiqish va chop etish hamda gimnastika sport turlari boʻyicha milliy terma jamoalarning asosiy tarkibiga yetkazish.2023-yil sentabr13.Milliy terma jamoalarni tibbiy va tibbiy-biologik qoʻllab-quvvatlash tizimini takomillashtirish.1. Gimnastika sport turi boʻyicha milliy terma jamoalarni tibbiy va tibbiy-biologik vositalari bilan taʼminlanganlik holati va ehtiyojini oʻrganib chiqish.2023-yil avgustIjrochilar mablagʻlariOʻzbekiston Milliy olimpiya qoʻmitasi(O. Qosimov),Oʻzbekiston gimnastika federatsiyasi(Sh. Umurzakov)2. Aniqlangan ehtiyojga koʻra, gimnastika sport turlari boʻyicha milliy terma jamoalarni tibbiy va tibbiy-biologik vositalar bilan taʼminlash.2023-2024-yillar davomida14.Sportchilarni tayyorlash jarayoniga zamonaviy tibbiy va biotibbiy yordam tizimlarini joriy etish.1. Sportchilarni tibbiy va biotibbiy qoʻllab-quvvatlashning eng yaxshi xorijiy amaliyotini oʻrganish.2023-yil aprel-mayIjrochilar mablagʻlariOʻzbekiston Milliy olimpiya qoʻmitasi(O. Qosimov),Sogʻliqni saqlash vazirligi(B. Musayev),Yoshlar siyosati va sport vazirligi(A. Ikramov),Oʻzbekiston gimnastika federatsiyasi(Sh. Umurzakov)2. Sportchilarni tibbiy va biotibbiy qoʻllab-quvvatlash boʻyicha mamlakatda ilgʻor tajribalarni joriy etish boʻyicha Vazirlar Mahkamasiga takliflar kiritish.2023-yil iyun15.Sportchilarni tayyorlash, trenerlar va hakamlarning malakasini oshirishga yetakchi xorijiy mutaxassislarni (xoreograf, akrobat, akkompaniator, fizioterapevt, massajchi, farmakolog, sport menejeri va boshqalar) jalb etish.1. Malakali mahalliy mutaxassislar tomonidan terma jamoa tarkibini tahlil qilish.2023-yil iyul-avgustIjrochilar mablagʻlariMilliy olimpiya qoʻmitasi(O. Qosimov),Oʻzbekiston gimnastika federatsiyasi(Sh. Umurzakov)2. Sportchilarni tayyorlash, trenerlar va hakamlarning malakasini oshirishga yetakchi xorijiy mutaxassislarni (xoreograf, akrobat, akkompaniator, fizioterapevt, massajchi, farmakolog, sport menejeri va boshqalar) jalb etish.Ishchi guruhi takliflari asosida16.Gimnastika sport turlari boʻyicha trenerlarning malakasini oshirish.1. Gimnastika sport turlari boʻyicha trenerlar roʻyxatini shakllantirish.2023-yil iyunIjrochilar mablagʻlariYoshlar siyosati va sport vazirligi(Sh. Maxmudov),Oʻzbekiston Milliy olimpiya qoʻmitasi(O. Qosimov),Oʻzbekiston gimnastika federatsiyasi(Sh. Umurzakov)2. Jismoniy tarbiya va sport boʻyicha mutaxassislarni qayta tayyorlash va malakasini oshirish instituti hamda uning filiallari bazasida gimnastika sport turlari boʻyicha trenerlarning malakasini oshirish.2023/2024 oʻquv yilidan boshlab17.Gimnastika sport turlari boʻyicha milliy terma jamoalar zaxirasini tayyorlash.1. Olimpiya maktablari, Olimpiya va Paralimpiya kollejlarida tahsil olayotgan sportchilarga zarur shart-sharoitlar yaratish.2023-yil sentabrIjrochilar mablagʻlariSport vazirligi(Sh. Maxmudov),Oʻzbekiston Milliy olimpiya qoʻmitasi(O. Qosimov),Oʻzbekiston gimnastika federatsiyasi(Sh. Umurzakov)2. Olimpiya maktablari, Olimpiya va Paralimpiya kollejlari sportchilari oʻrtasida gimnastika sport turlari boʻyicha musobaqalar oʻtkazish.Rejaga muvofiq3. Olimpiya maktablari, Olimpiya va Paralimpiya kollejlariga erkin tashrif buyurib, gimnastika sport turlari boʻyicha mashgʻulotlarni kuzatish va iqtidorli sportchilarni aniqlash.2023-2024-yillar davomida4. Yuqori natijaga ega boʻlgan iqtidorli sportchilarni gimnastika sport turlari boʻyicha Oʻzbekiston milliy terma jamoasi tarkibiga kiritish.18.Oʻzbekiston “Sport” telekanali dasturiga “Gimnastika axborotnomasi” telekoʻrsatuvini kiritish va yoritish.1. Oʻzbek gimnastikasi hayoti haqida maʼlumot tayyorlash.2. Telekoʻrsatuv sahifalariga gimnastika sport turlari boʻyicha mashhur sportchilar va trenerlarni taklif etish orqali oʻzbek gimnastika maktabining ahamiyati haqida axborot berilishini taʼminlash.Rejaga asosan 2023-2024-yillar davomidaIjrochilar mablagʻlariOʻzbekiston milliy teleradiokompaniyasi(F. Maxmudov),Oʻzbekiston Milliy olimpiya qoʻmitasi(O. Qosimov),Oʻzbekiston gimnastika federatsiyasi(Sh. Umurzakov)19.Ijtimoiy tarmoqlarda gimnastika sport turlari boʻyicha musobaqalarni yoritish va tanlovlar oʻtkazish.1. Ijtimoiy tarmoqlarda gimnastika sport turlari boʻyicha musobaqalarni yoritish.2023-yil sentabrdan boshlabIjrochilar mablagʻlariOʻzbekiston Milliy axborot agentligi(X. Xudayberdiyev),Sport vazirligi(Sh. Maxmudov),Oʻzbekiston Milliy olimpiya qoʻmitasi(O. Qosimov),Oʻzbekiston gimnastika federatsiyasi(Sh. Umurzakov)2. Ijtimoiy tarmoqlarda tanlovlar oʻtkazish.Reja asosida3. Gʻoliblarni ragʻbatlantirish.20.Sport faoliyatini tugatgan milliy terma jamoalari sportchilari-gimnastchilari faoliyatini targʻib qilish.1. Sport faoliyatini tugatgan milliy terma jamoalar sportchilari va mashhur oʻzbek gimnastika ustalari roʻyxatini shakllantirish.2023-yil sentabr oyidan boshlabIjrochilar mablagʻlariOʻzbekiston milliy teleradiokompaniyasi(F. Maxmudov),Sport vazirligi(Sh. Maxmudov),Oʻzbekiston Milliy olimpiya qoʻmitasi(O. Qosimov),Oʻzbekiston gimnastika federatsiyasi(Sh. Umurzakov)2. Roʻyxatga muvofiq terma jamoasi sportchilari va mashhur oʻzbek gimnastika ustalari hayotini keng yoritish.Reja asosida
Oʻzbekiston Respublikasi Prezidentining 2022-yil 23-dekabrdagi PQ-449-son qaroriga2-ILOVA
2023 — 2025-yillarda gimnastika sport turlarini rivojlantirishning maqsadli koʻrsatkichlari
T/rKoʻrsatkichlarOʻlchov birligiYillar kesimidaMasʼul ijrochilar2023202420251.Gimnastika sport turlari bilan doimiy shugʻullanuvchilar soniNafar30 00035 00050 000Sport vazirligi, Oʻzbekiston Milliy olimpiya qoʻmitasi, Oʻzbekiston gimnastika federatsiyasi2.Sport-taʼlim muassasalarida gimnastika sport turlari bilan shugʻullanuvchi sportchilar soniNafar26 00030 00035 000Sport vazirligi, Oʻzbekiston Milliy olimpiya qoʻmitasi, Oʻzbekiston gimnastika federatsiyasi3.Sport-taʼlim muassasalaridagi gimnastika sport turlari boʻyicha boʻlimlar soniBirlik550750900Sport vazirligi, Oʻzbekiston Milliy olimpiya qoʻmitasi, Oʻzbekiston gimnastika federatsiyasi4.Maktabgacha taʼlim tashkilotlaridagi gimnastika sport turlari boʻyicha toʻgaraklar soniBirlik4 0005 0006 500Maktabgacha va maktab taʼlimi vazirligi, Oʻzbekiston gimnastika federatsiyasi5.Umumiy oʻrta taʼlim maktablaridagi gimnastika sport turlari boʻyicha toʻgaraklar soniBirlik2 5005 0007 500Maktabgacha va maktab taʼlimi vazirligi, Oʻzbekiston gimnastika federatsiyasi6.Sport-taʼlim muassasalari oʻquvchilari oʻrtasida gimnastika sport turlari boʻyicha tashkil etiladigan musobaqalar soniBirlik141618Sport vazirligi, Oʻzbekiston Milliy olimpiya qoʻmitasi, Oʻzbekiston gimnastika federatsiyasi7.Gimnastika sport turlari boʻyicha terma jamoalarning xalqaro sport musobaqalarida ishtirokini taʼminlashMusobaqalar soni505560Sport vazirligi, Oʻzbekiston Milliy olimpiya qoʻmitasi, Oʻzbekiston gimnastika federatsiyasi8.Oʻzbekistonda gimnastika sport turlari boʻyicha Osiyo va Jahon chempionatlari hamda nufuzli xalqaro sport musobaqalarini oʻtkazishMusobaqalar soni346Sport vazirligi, Oʻzbekiston Milliy olimpiya qoʻmitasi, Oʻzbekiston gimnastika federatsiyasi9.Gimnastika sport turlari boʻyicha trenerlar soniNafar450550725Sport vazirligi, Oʻzbekiston Milliy olimpiya qoʻmitasi, Oʻzbekiston gimnastika federatsiyasi10.Sport-taʼlim muassasalaridagi gimnastika sport turlari boʻyicha oliy maʼlumotli trenerlar soniFoizda(jami trenerlar soniga nisbatan)253035Sport vazirligi, Oʻzbekiston Milliy olimpiya qoʻmitasi, Oʻzbekiston gimnastika federatsiyasi11.Gimnastika sport turlari boʻyicha xalqaro toifadagi hakamlar soniNafar404560Oʻzbekiston gimnastika federatsiyasi, Oʻzbekiston Milliy olimpiya qoʻmitasi, Sport vazirligi12.Sport-taʼlim muassasalarida faoliyat yuritayotgan gimnastika sport turlari boʻyicha hakamlarni tayyorlash va ularning malakasini oshirishFoizda(jami trenerlar soniga nisbatan)152025Sport vazirligi, Oʻzbekiston Milliy olimpiya qoʻmitasi, Oʻzbekiston gimnastika federatsiyasi