Zulfiya nomidagi davlat mukofoti komissiyasining yangilangan tarkibini tasdiqlash toʻgʻrisida (695-son)

07.12.2022

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Zulfiya nomidagi Davlat mukofotini taʼsis etish boʻyicha takliflarni qoʻllab-quvvatlash toʻgʻrisida” 1999-yil 10-iyundagi PF-2326-son Farmoniga muvofiq Zulfiya nomidagi Davlat mukofoti komissiyasi faoliyatini yanada takomillashtirish, isteʼdodli xotin-qizlarni tanlash va ularning iqtidorini turli yoʻnalishlarda namoyon qilish maqsadida Vazirlar Mahkamasi qaror qiladi:

1. Zulfiya nomidagi Davlat mukofoti komissiyasining yangilangan tarkibi 1-ilovaga muvofiq tasdiqlansin.

2. Zulfiya nomidagi davlat mukofoti komissiyasi (Z. Maxkamova)ga iqtidorli qizlarning imkoniyatlarini namoyon qilish, ularning bilim va salohiyatini hayotga keng tatbiq etish borasidagi faoliyatini samarali tashkil etish, ushbu yoʻnalishda hududiy komissiyalarga amaliy yordam koʻrsatish tavsiya etilsin.

3. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oila va xotin-qizlar davlat qoʻmitasi raisi Z.B. Maxkamova zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2022-yil 7-dekabr,

695-son

Vazirlar Mahkamasining 2022-yil 7-dekabrdagi 695-son qaroriga 1-ILOVA

Zulfiya nomidagi davlat mukofoti komissiyasining

TARKIBI

1. Z. Mahkamova — Oʻzbekiston Respublikasi Bosh vazirining oʻrinbosari — Oila va xotin-qizlar davlat qoʻmitasi raisi, Komissiya raisi 2. O. Saliyev — Oʻzbekiston Respublikasi Prezidenti maslahatchisining oʻrinbosari (kelishuv asosida) 3. G. Marufova — Oʻzbekiston Respublikasi Oliy Majlisi Senatining Xotin-qizlar va gender tenglik masalalari qoʻmitasi aʼzosi (kelishuv asosida) 4. X. Dosmuxamedov — Oʻzbekiston Respublikasi Oliy Majlisi Qonunchilik palatasi deputati, Oʻzbekiston Respublikasida xizmat koʻrsatgan madaniyat xodimi (kelishuv asosida) 5. O. Abdullayeva — Oʻzbekiston Respublikasi Oliy Majlisi Qonunchilik palatasi deputati, Zulfiya nomidagi davlat mukofoti sovrindori (kelishuv asosida) 6. A. Xodjayev — Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi direktori (kelishuv asosida) 7. O. Nazarbekov — madaniyat vaziri 8. A. Ikramov — sportni rivojlantirish vaziri 9. U. Sharifxodjayev — xalq taʼlimi vazirining birinchi oʻrinbosari 10. O. Pekos — axborot texnologiyalari va kommunikatsiyalarini rivojlantirish vazirining birinchi oʻrinbosari 11. R. Xakimov — oliy va oʻrta maxsus taʼlim vazirining oʻrinbosari 12. E. Basitxanova — sogʻliqni saqlash vazirining oʻrinbosari 13. Sh. Turdiqulova — innovatsion rivojlanish vazirining oʻrinbosari 14. D. Gʻulomova — Din ishlari boʻyicha qoʻmita raisi oʻrinbosari 15. D. Kattaxanova — Yoshlar ishlari agentligi direktori oʻrinbosari, Zulfiya nomidagi davlat mukofoti sovrindori 16. A. Xaitov — Oʻzbekiston fermer, dehqon xoʻjaliklari va tomorqa yer egalari kengashi raisi 17. D. Vaxabov — Savdo-sanoat palatasi raisi (kelishuv asosida) 18. A. Xadjayev — Oʻzbekiston Milliy teleradiokompaniyasi raisi 19. S. Saidov — Oʻzbekiston Yozuvchilar uyushmasi raisi, Oʻzbekiston xalq shoiri 20. M. Xodjimatov — Respublika Maʼnaviyat va maʼrifat markazi rahbari 21. Lavozimi boʻyicha — Oʻzbekiston Milliy olimpiya qoʻmitasi raisi 22. O. Usarov — Oʻzbekiston Jurnalistlar uyushmasi raisi 23. G. Maxmudova — “Tadbirkor ayol” Oʻzbekiston ishbilarmon ayollar assotsiatsiyasi raisi 24. A. Nuriddinov — Oʻzbekiston Badiiy akademiyasi raisi, Oʻzbekiston xalq rassomi 25. Sh. Ayupov — Oʻzbekiston Respublikasi Fanlar akademiyasi Matematika instituti direktori, Oʻzbekiston Respublikasi fan arbobi, akademik 26. Sh. Egamberdiyev — Oʻzbekiston Respublikasi Fanlar akademiyasi Astronomiya instituti direktori, Oʻzbekiston Respublikasi fan arbobi, akademik 27. K. Irisbekova — “Aloqabank” aksiyadorlik tijorat banki boshqaruvi raisi 28. F. Abduxalikov — Kinematografiya agentligi bosh direktori 29. Lavozimi boʻyicha — Oila va xotin-qizlar davlat qoʻmitasi huzuridagi “Oila va xotin-qizlar” ilmiy-tadqiqot instituti direktori 30. N. Rahimova — “Ijtimoiy fikr” jamoatchilik fikrini oʻrganish markazi direktori 31. F. Ibragimov — “Dasturiy mahsulotlar va axborot texnologiyalari texnologik parki direksiyasi” MChJ direktori 32. G. Rixsiyeva — Toshkent davlat sharqshunoslik universiteti rektori 33. G. Xoliqulova — Oʻzbekiston davlat sanʼat va madaniyat institutining ilmiy ishlar boʻyicha prorektori 34. M. Yoʻlchiyeva — Oʻzbekiston davlat konservatoriyasi anʼanaviy ijrochilik kafedrasi mudiri 35. N. Mirjalolova — Ichki ishlar vazirligi Maʼnaviy-maʼrifiy ishlar xizmati boshligʻining xotin-qizlar masalalari boʻyicha oʻrinbosari 36. D. Umarova — Oʻzbekiston Milliy teleradiokompaniyasi faxriysi 37. J. Shermuhammedova — Respublika maʼnaviyat va maʼrifat markazi ekspert kengashi aʼzosi 38. M. Ulugʻova — Oʻzbekiston Respublikasida xizmat koʻrsatgan madaniyat xodimi, Oʻzbekiston Yozuvchilar uyushmasi aʼzosi, shoira 39. Z. Madraximova — Mukarrama Turgʻunboyeva nomidagi “Bahor” davlat raqs ansambli badiiy rahbari 40. X. Komilova — “Osiyo ramzi” Oʻzbekiston dizaynerlar uyushmasi raisi 41. M. Usmonova — “Saodat” jurnali bosh muharriri, Komissiya masʼul kotibi

Izoh. Komissiya aʼzolari boshqa ishga oʻtgan taqdirda, uning tarkibiga ushbu lavozimga yangidan tayinlangan yoki zimmasiga tegishli funksiyalar yuklangan shaxslar kiritiladi.

Vazirlar Mahkamasining 2022-yil 7-dekabrdagi 695-son qaroriga 2-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari

ROʻYXATI

1. Vazirlar Mahkamasining “Zulfiya nomidagi Davlat mukofoti komissiyasining yangilangan tarkibini tasdiqlash toʻgʻrisida” 2018-yil 13-avgustdagi 650-son qarori.

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Mamlakatni ijtimoiy-iqtisodiy rivojlantirishning strategik vazifalari amalga oshirilishi samaradorligi uchun Oʻzbekiston Respublikasi Vazirlar Mahkamasining masʼuliyatini oshirishga doir birinchi navbatdagi chora-tadbirlar toʻgʻrisida” 2019-yil 28-yanvardagi PF-5644-son, “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2019-yil 1-fevraldagi PF-5650-son farmonlari va Oʻzbekiston Respublikasi Prezidentining “Oʻzbekiston Respublikasi Hukumati ishini tashkil etishning sifat jihatidan yangi tizimini joriy etish toʻgʻrisida” 2019-yil 28-yanvardagi PQ-4136-son qarori)” 2019-yil 13-maydagi 397-son qaroriga ilovaning 102-bandi.

3. Vazirlar Mahkamasining “Oila va xotin-qizlar bilan ishlash, mahalla va nuroniylarni qoʻllab-quvvatlash tizimi takomillashtirilishi munosabati bilan Oʻzbekiston Respublikasi Hukumatining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2022-yil 9-avgustdagi 438-son qaroriga 1-ilovaning 25-bandi.