SHNQ 3.01.01-22 “Qurilishda ishlab chiqarishni tashkil qilish” shaharsozlik normalari va qoidalarini tasdiqlash toʻgʻrisida (189-son)

01.11.2022

Oʻzbekiston Respublikasi Qurilish vazirining

Buyrugʻi

[Oʻzbekiston Respublikasi Adliya vazirligi tomonidan 2022-yil 28-noyabrda hisobga olindi, hisob raqami 119-son]

Oʻzbekiston Respublikasining Shaharsozlik kodeksiga muvofiq buyuraman:

1. SHNQ 3.01.01-22 “Qurilishda ishlab chiqarishni tashkil qilish” shaharsozlik normalari va qoidalari ilovaga muvofiq tasdiqlansin.

2. Oʻzbekiston Respublikasi davlat arxitektura va qurilish qoʻmitasi raisining 2003-yil 25-dekabrdagi 84-son buyrugʻi bilan tasdiqlangan SHNQ 3.01.01-03 “Qurilishda ishlab chiqarishni tashkil qilish” shaharsozlik normalari va qoidalari oʻz kuchini yoʻqotgan deb topilsin.

3. Mazkur buyruq Oʻzbekiston Respublikasi Uy-joy kommunal xizmat koʻrsatish vazirligi, Bandlik va mehnat munosabatlari vazirligi hamda Ekologiya va atrof-muhitni muhofaza qilish davlat qoʻmitasi bilan kelishilgan.

4. Mazkur buyruq rasmiy eʼlon qilingan kundan eʼtiboran kuchga kiradi.

Vazir B. ZAKIROV

Toshkent sh.,

2022-yil 1-noyabr,

189-son

Kelishildi:

Uy-joy kommunal xizmat koʻrsatish vaziri Sh. XIDOYATOV

2022-yil 21-oktabr

Bandlik va mehnat munosabatlari vaziri N. XUSANOV

2022-yil 13-oktabr

Ekologiya va atrof-muhitni muhofaza qilish davlat qoʻmitasi raisi N. OBLOMURADOV

2022-yil 21-sentabr

Oʻzbekiston Respublikasi qurilish vazirining 2022-yil 1-noyabrdagi 189-son buyrugʻiga ILOVA

SHNQ 3.01.01-22 “Qurilishda ishlab chiqarishni tashkil qilish” shaharsozlik normalari va qoidalari

Mazkur shaharsozlik normalari va qoidalari (bundan buyon matnda SHNQ deb yuritiladi) mavjud boʻlgan, yangi qurilayotgan, mukammal taʼmirlanayotgan va rekonstruksiya qilinayotgan bino va inshootlarda ishlab chiqarish jarayonini tashkil qilish tartibini belgilaydi.

1-bob. Umumiy qoidalar

1. Mazkur SHNQ barcha loyihalash va qurilish-montaj tashkilotlari uchun moʻljallangan.

2. Mavjud boʻlgan, yangi qurilayotgan, mukammal taʼmirlanayotgan va rekonstruksiya qilinayotgan bino va inshootlarda qurilish ishlari texnologik xaritaga muvofiq kalendar reja asosida olib borilishi kerak.

3. Qurilish obyektida bajarilayotgan ishlarning barcha turlari uchun mazkur SHNQning 1-ilovasida keltirilgan namunaga muvofiq jurnal yuritilishi lozim.

Beton ishlari hamda beton va poʻlat prokati mahsulotlari (konstruksiyalari) hamda toʻldiruvchi elementlarning kirish nazorati jurnallari mazkur SHNQning 11-ilovasiga muvofiq elektron yuritilishi lozim.

11-bob. Shaharsozlik normalari va qoidalariga havola

31. Mazkur SHNQda SHNQ 2.04.20-22 “Turar joy obyektlari va jamoat binolarining muhandislik uskunalari uchun kommunikatsiya va dispetcherlash tizimlari. Loyihalash talablari” shaharsozlik normalari va qoidalariga havola qoʻllanilgan.

2-bob. Atamalar va taʼriflar

4. Mazkur SHNQda quyidagi atamalar va ularning taʼriflari qoʻllanilgan:

ishchi loyiha — obyektning ishchi hujjatlari (chizmalari), texnik va iqtisodiy koʻrsatkichlarini qamrab oluvchi hujjat;

loyiha hujjatlari — hajmiy-rejali, amaliy va texnikaviy yechimlarni, binolarni, inshootlarni va ularning majmualarini qurish, rekonstruksiya qilish hamda mukammal taʼmirlashni, shuningdek obodonlashtirish ishlarining qiymatini belgilovchi hujjatlar;

texnologik xarita — tez-tez takrorlanadigan qurilish-montaj ishlari turlarini va ishni olib borish loyihasi oʻrniga yoki unga qoʻshimcha sifatida foydalaniladigan ishlab chiqarish texnologiyasini belgilovchi hujjat.

koʻrinmaydigan zona — videokuzatuv kamerasining koʻrish maydonidan tashqarida joylashgan yoki toʻsiqlar sababli zarur tasvir sifatida kuzatish imkoni boʻlmagan hudud.

41. Ushbu SHNQda quyidagi qisqartmalar qoʻllanilgan:

PTZ-kamera — burilish, egilish va masshtablash funksiyalariga ega videokuzatuv kamerasi;

QMVVT — qurilish maydonining vaqtinchalik videokuzatuv tizimi;

MMT — masofaviy monitoring tizimi.

3-bob. Qurilishda ishlab chiqarish jarayonlariga tayyorgarlik koʻrish

5. Qurilish maydonining tashqarisida bajariladigan tayyorgarlik ishlari obyektga kirib kelish yoʻllari qurilishi, transformator podstansiyasi yordamida elektr uzatish, suv toʻplovchi inshootlarga ega boʻlgan suv taʼminoti tarmoqlari oʻtkazilishi, tozalash inshootlari bilan birgalikda oqova suvlarni chiqarib yuborish kollektorlari oʻrnatilishi, quruvchilar uchun yashash joylarini barpo etilishi, shuningdek qurilishni boshqarish uchun aloqa inshootlari va qurilmalari qurilishini oʻz ichiga oladi.

6. Qurilish maydonida bajariladigan tayyorgarlik ishlari quyidagilarni oʻz ichiga olishi lozim:

qurilish uchun geodezik rejalashni;

muhandislik tarmoqlari va yoʻllarni yotqizishni;

binolar va inshootlarni tiklash uchun geodezik rejalash ishlarini topshirish-qabul qilishni;

qurilish-montaj ishlarini bajarish uchun hududni tayyorlashni (hududni tozalash, loyiha hujjatlarida nazarda tutilgan foydalanilmaydigan bino va inshootlarni buzish va boshqalarni);

hududni tekislash hamda zarur boʻlganda grunt suvlari sathini pasaytirishni;

mavjud muhandislik tarmoqlarini koʻchirish yoki qayta qurish, yangi muhandislik tarmoqlarini yotqizishni;

doimiy va vaqtinchalik yoʻllarni barpo etish, qurilish maydonini toʻsish hamda zarur boʻlganda kirish-chiqishni nazorat qilish rejimini tashkil etishni;

vaqtinchalik omborxona, yordamchi, maishiy va ijtimoiy binolar hamda inshootlarni joylashtirishni;

ochiq va yopiq ombor maydonchalarini tashkil etishni;

tezkor-dispetcherlik boshqaruvi uchun aloqa tizimini tashkil etishni;

qurilish maydonini yongʻinga qarshi suv taʼminoti, yongʻinga qarshi birlamchi vositalar, yoritish, signalizatsiya vositalari va videokuzatuv tizimi bilan taʼminlashni.

7. Noyob va alohida muhim obyektlar qurilishiga tayyorgarlik koʻrish maxsus dasturlar boʻyicha rejimli (seysmometrik, gidrogeologik, geokimyoviy, geodezik, marksheyder, meteorologik, tenzometrik, glyatsiologik va h.k.) kuzatuvlarini tashkil etish ishlarini, shuningdek zarur boʻlgan hollarda, sinov poligonlari, metrologik punktlar va oʻlchash stansiyalarini yaratish ishlarini oʻz ichiga oladi.

8. Qurilish-montaj ishlarini bajarish uchun tayyorgarlik koʻrishda ishlarni bajarish loyihalari ishlab chiqilgan, shuningdek bino va inshootlarning qismlari va ish turlari boʻyicha joylarga mahkamlangan geodezik uskunalar yordamida aniqlangan sath belgilari boʻlishi lozim.

4-bob. Qurilishni tashkil etish va ishlab chiqarish ishlari

9. Murakkab tabiiy va geologik sharoitlarda olib boriladigan qurilishda, shuningdek noyob va alohida muhim obyektlarni barpo etishda qurilishni tashkil etish va ishlarni bajarish loyihalarida tiklanayotgan va mavjud binolar, shuningdek inshootlar hamda ularning konstruksiyalarini mustahkamligi, turgʻunligi va zilzilabardoshligini taʼminlash boʻyicha maxsus chora-tadbirlar nazarda tutilgan boʻlishi lozim.

10. Noyob va alohida muhim obyektlarni qurish boʻyicha ishlarni bajarish loyihalari tarkibida qurilish ishlarining muvaffaqiyatli bajarilishini va inshootlarning foydalanishga qabul qilishni taʼminlovchi texnik nazorat hamda stansiyalar, poligonlar, oʻlchash postlari va boshqa ishlarni tashkil etish usullarini kiritgan holda zarur boʻlgan tadqiqotlar (izlanishlar), sinovlar va rejimli kuzatuvlarning dasturlari ishlab chiqilishi lozim.

11. Qurilishni tashkil etish loyihasida qurilishning umumiy davomiyligi va oraliq muddatlari, kapital mablagʻlar va qurilish montaj ishlari hajmlarining taqsimlanishi, moddiy-texnik resurslar va ularni qoplash manbalari, qurilish — montaj ishlarini bajarishning asosiy usullari va obyekt qurilishini boshqarish tuzilmasi belgilanadi.

12. Ishlarni bajarish loyihasi qurilish-montaj ishlari texnologiyasini, bajarish muddatlarini va resurslari bilan taʼminlash tartibini belgilab beruvchi loyiha hisoblanadi, shuningdek unda bino va inshootlar hamda ularning qismlarini qurishga doir ishlab chiqarish jarayonlarini tashkil etish belgilanadi.

13. Qurilishni tashkil etish loyihasining atrof-muhit va tabiiy resurslar muhofazasi, transport, suv taʼminoti, oqova suvlarni chiqarib yuborish, elektr taʼminoti, issiqlik taʼminoti, aloqa, noyob texnologik uskunalar va avtomatika tizimlari montaji, muhim yuk koʻtaruvchi konstruksiyalarni tiklash, qurilishni murakkab tabiiy-iqlim sharoitlarida va ishlarni bajarishning tor ishlab chiqarish sharoitlarida amalga oshirish va shu kabi masalalarga daxldor qismlari amaldagi texnik jihatdan tartibga solish sohasidagi normativ hujjatlarga muvofiq ishlab chiqilishi lozim.

14. Qurilishni tashkil etish loyihasini ishlab chiqish quyidagilar asosida amalga oshiriladi:

obyekt qurilishning texnik-iqtisodiy jihatdan asoslanganligi;

muhandislik izlanishlari (obyektlarni rekonstruksiya qilishda — obyektlarni loyiha oldi texnik koʻrigidan oʻtkazish) materiallari va noqulay tabiiy-iqlim sharoitlari hamda xavfli geologik jarayonlar taʼsiriga yoʻliqqan hududlardagi rejimli kuzatuvlarning maʼlumotlari;

qurilish konstruksiyalari, tayyor buyumlar, materiallar, uskunalarni tashish va yetkazib berish boʻyicha maʼlumotlar;

noyob va alohida muhim obyektlar qurilishi boʻyicha maʼlumotlar;

rekonstruksiya qilinadigan obyektlarda qurilish-montaj ishlarini bajarish shart-sharoitlari toʻgʻrisidagi maʼlumotlar;

bino va inshootlarning hajmiy-rejaviy yechimlari hamda qurilish obyektini ishga tushirish navbatlari va tugunlarga (uzel) ajratish bilan asosiy ishlab chiqarishning texnologik sxemalari.

15. Qurilishni tashkil etish loyihasini ishlab chiqish boʻyicha tavsiya etiladigan namuna mazkur SHNQning 2-ilovasiga, asosiy loyihaviy hujjatlarning shakllari esa 3-ilovasiga muvofiq boʻlishi lozim.

16. Bino va inshootlarni texnik qayta jihozlash va rekonstruksiya qilishga doir loyiha hujjatini ishlab chiqish bilan bir vaqtning oʻzida muayyan shart-sharoitlarni hisobga olgan holda ishlarni bajarish usullari va ketma-ketligi ham aniqlashtirilishi lozim.

17. Ishlarni bajarish loyihasini ishlab chiqish quyidagilar asosida amalga oshiriladi:

ishlarni bajarish loyihasining topshirigʻi;

qurilishni tashkil etish loyihasi;

zarur ishchi chizmalar;

konstruksiyalar, tayyor buyumlar, materiallar va uskunalarni yetkazib berishda qurilish mexanizmlaridan va transport vositalaridan foydalanish;

qurilish yuklarini texnologik komplektlashtirish va tashish, shuningdek qurilishni tashkil etish va vaxta usulida ishlarni bajarish shart-sharoitlarini belgilash.

18. Ishlarni bajarish loyihalarining tavsiya etiladigan namunasi mazkur SHNQning 4-ilovasida, asosiy hujjatlarning shakllari esa 5-ilovasida keltirilgan.

19. Oʻta murakkab konstruksiyalarga va murakkab usullarda bajariladigan bino va inshootlar qurilishi uchun ishchi hujjat tarkibidagi maxsus yordamchi inshootlarga, moslamalarga, qurilmalarga va oʻrnatmalarga ishchi chizmalar ishlab chiqilishi lozim. Ularga quyidagilar kiradi:

noyob uskunani, katta gabaritli va ogʻir vaznli texnologik, qurilish va qurilish-montaj bloklarini tashish va montaj qilish (koʻtarish, surish, yigʻish) uchun asbob-uskunalar va moslamalar;

svod-qobiqlarning maxsus qoliplari (yechilmaydigan va suriluvchi qoliplar);

grunt suvlarining sathini sunʼiy pasaytirish, gruntlarni sunʼiy muzlatish va ularni mustahkamlash ishlarining bajarilishi, shu jumladan bunday ishlarni sementatsiya, glinizatsiya, silikatizatsiya, smolizatsiya va termik mustahkamlash usullari bilan bajarilishini taʼminlash uchun qurilmalar;

kotlovanlar va transheyalarning shpuntli toʻsiqlari;

uskunani yirik blokli montaj qilish va konstruksiyalarni yiriklashtirib yigʻish uchun qurilmalar;

yer osti inshootlarini “grunt ichidagi” usul bilan qurish, gruntni zichlash usulini qoʻllash bilan yer osti quvur oʻtkazgichlarini oʻtkazish, chuqur joylashadigan inshootlarni qoziq-qobiqlar ustiga joylashtirish va tushish quduqlarini, shuningdek choʻkuvchan gruntlarda qoziqli poydevorlarni qoʻllagan holda qurish uchun asbob-uskunalar va maxsus qurilmalar;

mavjud bino va inshootlar yaqinida burgʻulash-portlatish ishlarini bajarish vaqtida qoʻllaniladigan himoyalovchi qurilmalar;

binolarni siljitishda va ular ustiga qoʻshimcha konstruksiyalarni qurishda, ularni murakkab sharoitlarda qurishda, shuningdek foydalanilayotgan bino va inshootlarni rekonstruksiya qilishda zarur boʻladigan yordamchi qurilmalar.

5-bob. Moddiy-texnik taʼminot

20. Qurilish-montaj ishlarini bajarish va obyektni qurish uchun elementlar hamda konstruksiyalarni tayyorlashga kerak boʻladigan qurilish materiallari va konstruksiyalariga boʻlgan ehtiyoj loyiha hujjati bilan belgilanadi.

21. Qurilayotgan obyektni moddiy-texnik jihatdan taʼminlash ishlab chiqarish-texnologik ishlab chiqarish asosida amalga oshirilishi lozim. Bunda, qurilish konstruksiyalari, materiallari va muhandislik uskunalarini yetkazib berish texnologik komplektlar bilan qurilish-montaj ishlarini bajarish texnologiyasi va muddatlariga bogʻlangan holda olib boriladi.

22. Materiallar, elementlar, buyumlar, konstruksiyalar va uskunalarni tashish amaldagi davlat standartlari talablariga mos kelishi hamda ularning shikastlanish ehtimoli bartaraf etilishi lozim.

6-bob. Mexanizatsiya va transport ishlari

23. Obyektni qurishda qurilish, montaj va maxsus qurilish ishlarini mexanizatsiyalash kompleksli tarzda va zarur boʻlgan asbob-anjomlar, inventar va moslamalar bilan birgalikda qurilish mashinalari, uskunalar, kichik mexanizatsiya vositalari bilan amalga oshirilishi lozim.

24. Beton, montaj, tosh-gʻisht, suvoq, sanitar-texnik gidroizolyatsiyalash, boʻyoqchilik, oynavandlash va boshqa qurilish ishlarini bajarish uchun zarur boʻlgan kichik mexanizatsiyalash vositalari, shuningdek qurilish-pardozlash mashinalari, asbob-uskunalar hamda texnologik anjomlar ishlarni bajarish texnologiyasiga muvofiq boʻlishi lozim.

25. Transport ishlarini tashkil etish qurilish materiallari, konstruksiyalari, detallar va uskunalarni yetkazib berishning sxemalarini tanlash, temir yoʻl stansiyalari, daryo portlari va havo yoʻllari bilan bogʻliqlikda transport vositalariga boʻlgan ehtiyojni asoslash va ularni taʼminlash grafiklarini ishlab chiqish bilan amalga oshiriladi.

7-bob. Qurilish-montaj ishlarining sifatini taʼminlash

26. Obyektda qurilish-montaj ishlarining sifati, ishonchliligi va zilzilabardoshligini taʼminlash texnik, iqtisodiy va tashkiliy ishlarni amalga oshirish orqali bajariladi.

27. Qurilish-montaj ishlarining sifatini ishlab chiqarish nuqtai nazaridan nazorat qilish ishchi hujjatlar, konstruksiyalar, buyumlar, materiallar va uskunalarni kirish nazoratidan oʻtkazishni hamda alohida qurilish jarayonlari va qurilish-montaj ishlarini qabul qilish nazoratini oʻz ichiga oladi.

28. Qurilish jarayonidagi yopiq ishlarga mazkur SHNQning 6-ilovasida keltirilgan shakl boʻyicha dalolatnomalar tuzilishi lozim. Qurilish jarayonidagi yopiq ishlar dalolatnomalari tugallangan jarayon uchun tuziladi.

Qurilish jarayonidagi yopiq ishlarga dalolatnoma navbatdagi ishlar boshlanishidan oldin tuzilishi lozim.

29. Muhimlik darajasi yuqori boʻlgan konstruksiyalarning qurilish jarayonida tayyorligini mazkur SHNQning 7-ilovasida keltirilgan shakldagi oraliq dalolatnomasini tuzish orqali qabul qilish lozim.

30. Noyob va murakkab obyektlarni qurishda muhimlik darajasi yuqori boʻlgan konstruksiyalarni qabul qilish va yopiq ishlar dalolatnomalari loyihadagi alohida koʻrsatmalar va texnologik shartlarni hisobga olgan holda tuzilishi lozim.

31. Qurilish-montaj ishlarining sifatli bajarilishi qurilish-montaj ishlari va qurilishi tugallangan obyektlar sifatining amaldagi texnik jihatdan tartibga solish sohasidagi normativ hujjatlariga va ishchi chizmalarga muvofiqligini taʼminlashga yoʻnaltirilgan chora-tadbirlarni oʻz ichiga olishi lozim.

71-bob. Qurilish maydonlarida vaqtinchalik videokuzatuv va masofaviy monitoring tizimlariga qoʻyiladigan talablar

1-§. Umumiy talablar

311. Oʻzbekiston Respublikasi Prezidentining 2026-yil 4-iyundagi PF-104-son “Qurilish sohasida natijaga asoslangan boshqaruvni joriy etish hamda sohada davlat xizmatlarini soddalashtirish chora-tadbirlari toʻgʻrisida”gi Farmonining 5-bandi “a” kichik bandida nazarda tutilgan qurilish obyektlarining qurilish maydonlari mazkur bob talablariga muvofiq QMVVT va MMT bilan jihozlanishi lozim.

QMVVT va MMT qurilish-montaj ishlari boshlanguniga qadar qurilishni tashkil etish loyihasi hamda ishlarni bajarish loyihasida nazarda tutilishi lozim.

312. QMVVT va MMT boʻyicha loyiha yechimlari quyidagilarni oʻz ichiga olishi zarur:

QMVVT va MMTning sxemasini;

har bir videokuzatuv kamerasining identifikatsiya raqami, oʻrnatish joyi va balandligi, koʻrish maydoni, videokuzatuv qamrovidagi hududlar hamda koʻrinmaydigan zonalar koʻrsatilgan joylashtirish rejasini;

elektr taʼminoti, uzluksiz quvvat manbai, yerga ulash va ortiqcha kuchlanishdan himoya qilish yechimlarini;

qoʻllaniladigan uskunalarning nomi, turi, soni va texnik koʻrsatkichlarini;

videoarxivning sigʻimi, videoyozuvlarni saqlash muddatini;

masofaviy monitoring uchun maʼlumot almashish, masofadan ulanish hamda axborot xavfsizligini taʼminlash yechimlarini.

313. QMVVT va MMT uskunalarining texnik parametrlari mazkur SHNQning 8-ilovasida belgilangan minimal talablardan past boʻlmasligi lozim.

314. Qurilish obyektidagi QMVVT va MMT quyidagilarni taʼminlashi lozim:

videokuzatuv bilan qamrab olinishi lozim boʻlgan zonalarni real vaqt rejimida kuzatishni;

videoaxborotni uzluksiz yoki harakat aniqlanganda yozib borishni hamda arxivlashni;

masofadan ulanish imkoniyatini;

videoyozuvlar va tizim hodisalari vaqtining yagona vaqt manbai bilan sinxronlashtirilishini.

315. QMVVT va MMT uskunalari qurilish-montaj ishlarini bajarishga, transport vositalari harakatiga, yuk koʻtarish mexanizmlarining xavfsiz ishlashiga xalaqit bermaydigan, shuningdek uskunalarning xavfsiz ishlashi va shikastlanishdan himoyalanishini taʼminlaydigan joylarda oʻrnatilishi lozim.

316. Videokuzatuv kameralarining koʻrish maydoni qurilish obyektini, uning kirish-chiqish joylarini hamda loyiha hujjatlarida belgilangan nazorat zonalarini qamrab olishi lozim.

Qurilish obyektiga aloqador boʻlmagan hududlarni asossiz videokuzatuv bilan qamrab olishga yoʻl qoʻyilmaydi.

2-§. Nazorat zonalari va videokuzatuv kameralarini joylashtirish

317. Qurilish maydonida mavjud boʻlgan quyidagi zonalar videokuzatuv bilan qamrab olinishi lozim:

qurilish maydoni perimetri hamda asosiy va yordamchi kirish-chiqish joylari;

transport vositalarining kirish-chiqish, yuklarni yuklash va tushirish joylari;

kotlovanlar, poydevorlar, armaturalash va betonlash ishlari bajariladigan zonalar;

bino va inshootlarning qurilish-montaj ishlari olib borilayotgan qavatlari hamda asosiy konstruksiyalar montaj qilinadigan hududlar;

kranlar, yuk koʻtarish mexanizmlari va materiallar uzatiladigan hududlar;

materiallar, konstruksiyalar, uskunalar, yoqilgʻi hamda vaqtinchalik elektr qurilmalari joylashtirilgan hududlar;

buzish, balandlikda bajariladigan, payvandlash, yuk koʻtarish, yer qazish, yopiq makonlarda bajariladigan, elektr, gaz, bosim ostidagi uskuna va xavfli moddalar bilan bogʻliq ishlar bajariladigan zonalar;

qurilish-montaj ishlarining umumiy holati va bajarilish jarayonini kuzatish uchun zarur hududlar.

318. Videokuzatuv bilan qamrab olinishi lozim boʻlgan har bir nazorat zonasi doimiy videoyozuvni taʼminlaydigan kamida bitta videokuzatuv kamerasi bilan jihozlanishi lozim. PTZ-kameralardan mazkur nazorat zonasini kuzatishning yagona vositasi sifatida foydalanishga yoʻl qoʻyilmaydi.

319. Videokuzatuv kameralari soni qurilish maydonining oʻlchami va konfiguratsiyasi, nazorat zonalarining joylashuvi, toʻsiqlar hamda koʻrinmaydigan zonalar mavjudligi, bajarilayotgan ishlarning xususiyati va xavf darajasi, shuningdek belgilangan tasvir sifatini taʼminlash zaruratidan kelib chiqib belgilanadi.

3110. Qurilish maydonidagi vaqtinchalik videokuzatuv kameralarining turi, soni va joylashuvi quyidagilarni hisobga olgan holda belgilanadi:

kuzatuv vazifasi (umumiy kuzatish, qurilish obyektini aniqlash, tanib olish yoki identifikatsiya qilish);

nazorat qilinadigan zonaning oʻlchamlari va shakli, shuningdek videokuzatuv kamerasi bilan kuzatiladigan obyektgacha boʻlgan masofa;

videokuzatuv kamerasining tasvir ajratish qobiliyati, koʻrish burchagi, obyektiv fokus masofasi va boshqa tasvir olish parametrlari;

kunduzgi va tungi vaqtdagi yoritilganlik darajasi, qarshi yorugʻlik hamda tasvir sifatiga taʼsir qiluvchi ob-havo sharoitlari;

qurilish konstruksiyalari, havozalar, yuk koʻtarish kranlari, vaqtinchalik bino va inshootlar, qurilish materiallari va boshqa toʻsiqlar hosil qiladigan koʻrinmaydigan zonalar;

videokuzatuv kamerasiga taʼsir etuvchi tebranish, shamol, chang, namlik, harorat va mexanik shikastlanish xavfi;

videokuzatuv tizimining ishonchliligi va rezervlash (videokuzatuv kamerasi yoki tizimning alohida elementi ishdan chiqqanda muhim nazorat zonalarining nazoratsiz qolishiga yoʻl qoʻyilmasligi).

3111. Videokuzatuv kamerasi obyektivining fokus masofasi hamda gorizontal va vertikal koʻrish burchaklari SHNQ 2.04.20-22 talablariga muvofiq aniqlanadi. Koʻrinmaydigan zonalarning oʻlchamlari videokuzatuv kamerasini joylashtirish rejasini ishlab chiqishda qurilish maydonining xususiyatlari va mavjud toʻsiqlar hisobga olingan holda belgilanadi.

3112. Qoʻshni videokuzatuv kamerasi koʻrish maydonlarining joylashuvi nazorat zonalarini uzluksiz videokuzatuv bilan qamrab olishni taʼminlashi lozim. Muhim nazorat zonalarida doimiy koʻrinmaydigan zonalar boʻlishiga yoʻl qoʻyilmaydi.

3113. Videokuzatuv kamerasi barqaror tayanchlar va ishonchli mahkamlagichlarga oʻrnatilishi lozim. Tayanchlar hamda mahkamlagichlar shamol, tebranish va mexanik taʼsirlar sharoitida videokuzatuv kamerasining xavfsiz oʻrnatilishini hamda tasvirning barqarorligini taʼminlashi lozim.

3-§. Videokuzatuv kamerasi va video boshqaruv uskunalariga qoʻyiladigan texnik talablar

3114. Qurilish maydonlarida masofaviy monitoring va videoaxborotni tarmoq orqali uzatishni taʼminlaydigan IP texnologiyasi asosidagi videokuzatuv kameralari yoki funksional jihatdan ularga teng uskunalardan foydalaniladi.

3115. Videokuzatuv kamerasi kunduzgi va tungi rejimda ishlash, videoyozuvlarda raqamli sana va vaqt belgisini shakllantirish, keng dinamik diapazonni taʼminlash, infraqizil yoritish yoki tashqi yoritish vositalari bilan ishlash, shuningdek harakat va videokuzatuv kamerasiga ruxsatsiz tashqi taʼsir koʻrsatish holatlarini aniqlash funksiyalariga ega boʻlishi lozim.”.

8-bob. Qurilishda ishlab chiqarishini tashkil etishda atrof-muhit muhofazasiga qoʻyilgan talablar

32. Qurilishda ishlab chiqarishni tashkil etishda quyidagi atrof-muhitni muhofaza qilish boʻyicha ishlar va chora-tadbirlarni amalga oshirish lozim:

yerlarni rekultivatsiyalash;

tabiiy resurslarning yoʻqotilishini bartaraf etish;

tuproq, suv havzalari va atmosferaga zararli chiqindilar tashlanishini oldini olish va ularni zararli chiqindilardan tozalash.

Yuqorida koʻrsatilgan chora-tadbirlar va ishlar loyiha hujjatida, qurilishni tashkil etish va ishlarni bajarish loyihalarida nazarda tutilgan boʻlishi lozim.

33. Qiyaliklarni yuvilishdan himoya qilmasdan turib qurilish maydonchalaridan bevosita shu qiyaliklarga suv oqizilmaydi. Qurilish maydonchalarida tekislash ishlarini bajarish jarayonida keyinchalik ishlatish uchun yaroqli boʻlgan tuproq qatlami olinishi va maxsus ajratilgan joylarga toʻplab qoʻyilishi lozim.

34. Seliteb (obyektlar qurilishi mumkin boʻlgan) hududlarda qurilish-montaj ishlarini bajarishda havo changlanishi va gazlanishining oldini olishga qoʻyiladigan talablarga rioya qilish lozim.

35. Qurilish maydonchasida burgʻulash ishlarini bajarish jarayonida suvli gorizont qatlamlariga yetganda, yer osti suvlarini bartaraf etish boʻyicha chora-tadbirlar nazarda tutilishi lozim.

Zaif gruntlarni sunʼiy mustahkamlash ishlarini bajarishda pastki gorizontlarda yotuvchi yer osti suvlarining ifloslanishini bartaraf etish boʻyicha loyihada chora-tadbirlar nazarda tutilishi lozim.

SHNQ 3.01.01-22 “Qurilishda ishlab chiqarishni tashkil qilish” shaharsozlik normalari va qoidalariga 1-ILOVA

Obyekt qurilishidagi muhandis-texnik xodimlar roʻyxati

1-jadval F.I.O. Obyekt qurilishi ishlarining boshlanish sanasi Ishlarni bajarishga ruxsat olinganligi belgisi Obyekt qurilishi ishlarining tugash sanasi

Yuk koʻtaruvchi konstruksiyalarni oraliq davrda qabul qilish dalolatnomalari va yopiq ishlarni koʻzdan kechirish

2-jadval T/r Dalolatnomalarning nomlanishi (oʻrnatilgan joyini koʻrsatgan holda) Imzo va sana

Nazorat natijalarining yozma ifodasi va qurilish-montaj ishlari sifatini baholash

3-jadval Sana Konstruktiv qismlar va elementlarning nomlanishi, ularning joylashishini chizmalar raqamlarini havola qilgan holda koʻrsatish Sifatni baholash natijalari Ishlar sifati baholangan sana va imzo

Ishlarning bajarilishi toʻgʻrisida maʼlumotlar

SHNQ 3.01.01-22 “Qurilishda ishlab chiqarishni tashkil qilish” shaharsozlik normalari va qoidalariga 11-ILOVA

Beton ishlari jurnali

Ishni bajarish sanasiInshoot va konstruktiv elementning betonlanayotgan qismining nomi (koordinata oʻqlari va balandlik belgilari koʻrsatiladi)Olib kelingan beton qorishmasining sinfi (markasi)Loyihada belgilangan beton sinfi (markasi)Beton qorishmasining quyish paytidagi harorati, °SJoyiga quyilgan beton hajmi (bir smenada), m³Tashqi havo harorati, °SNazorat namunalarining tamgʻasi (markirovkasi)Laboratoriya sinovlari natijalari

Beton va poʻlat prokati mahsulotlari (konstruksiyalari) hamda toʻldiruvchi elementlarning kirish nazorati jurnali

Mahsulot qabul qilingan sanaMahsulotning nomi, turi va markasiMahsulot sifatini tasdiqlovchi hujjatlarning raqami hamda elektron nusxasiIshlab chiqaruvchi yoki yetkazib beruvchi tashkilotning nomi va STIRiTovar-kuzatuv hujjatining (shartnoma, hisobvaraq-faktura, yuk xati va boshqalar) raqami hamda elektron nusxasiMahsulot miqdori va fotosuratiLoyiha hujjatlari hamda normativ hujjatlar talablariga nomuvofiq mahsulot miqdoriBartaraf etish mumkin boʻlgan nuqsonlarni bartaraf etish boʻyicha amalga oshirilgan ishlarNomuvofiq mahsulot boʻyicha koʻrilgan choralar

SHNQ 3.01.01-22 “Qurilishda ishlab chiqarishni tashkil qilish” shaharsozlik normalari va qoidalariga 2-ILOVA

Qurilishni tashkil etish loyihasining tarkibi va mazmuni

1. Qurilishni tashkil etish loyihasi qurilish ishlarining loyihada (ishchi loyihada) belgilangan butun hajmi uchun ishlab chiqiladi.

2. Qurilishini tashkil etish loyihasi tarkibiga quyidagilar kiradi:

a) qurilishning taqvimiy rejasi (sarf-xarajatlar va qurilish-montaj ishlari hajmlarini obyekt boʻyicha hamda qurilish davrlari boʻyicha taqsimlanganligi, asosiy va yordamchi binolar, inshootlar hamda texnologik uzellarni qurish, shuningdek ish bosqichlari, ishga tushiriladigan qurilish komplekslarining muddatlari va bajarilish ketma-ketligi) mazkur SHNQning 3-ilovasi 1-shakliga muvofiq belgilanadi;

Tayyorgarlik koʻrish davri uchun alohida taqvimiy reja (ish hajmlari oylar kesimida taqsimlanib) tuziladi.

b) qurilish bosh rejasi (doimiy bino va inshootlarning joylashishi, vaqtinchalik binolar, shu jumladan mobil bino va inshootlarni oʻrnatish joylari, doimiy va vaqtinchalik temir yoʻl va avtomobil yoʻllari hamda uskunalarni (ogʻir vaznli va yirik gabaritli uskunalar), konstruksiyalar va materiallar hamda buyumlarni transportirovka qilish uchun boshqa yoʻllar, yuk koʻtarish qobiliyati katta boʻlgan kranlarni koʻchirish yoʻllari, qurilish maydonini elektr energiyasi, ichimlik suvi va issiqlik taʼminoti bilan taʼminlash manbalarini koʻrsatgan holda vaqtinchalik muhandislik kommunikatsiyalarini mavjud tarmoqlarga ulash joylari, montaj kranlari va boshqa qurilish mashina va mexanizmlarning joylashish oʻrinlari hamda harakatlanish yoʻllari, mavjud va buziladigan qurilmalar);

v) tashkiliy-texnologik sxemalar (binolarning katta komplekslarini, shuningdek murakkab va noyob inshootlarni loyihalashda keltiriladi. Bu sxemalar ishlarning texnologik ketma-ketligini koʻrsatish orqali bino va inshootlarni barpo etishning optimal ketma-ketligini aniqlab beradi);

g) asosiy qurilish, montaj va maxsus qurilish ishlarining loyiha hujjatida belgilangan hajmlarining roʻyxati (asosiy bino va inshootlar, ishga tushiriladigan yoki shaharsozlik komplekslari boʻyicha ishlar hamda qurilish davrlari boʻyicha ajratilgan holda mazkur SHNQning 3-ilovasi 2-shakliga muvofiq koʻrsatiladi);

d) qurilish konstruksiyalari, buyumlari, materiallari va uskunalarga boʻlgan ehtiyojlar roʻyxati (qurilish materiallarini sarflashning amaldagi normalaridan kelib chiqqan holda qurilish obyektiga hamda asosiy bino va inshootlarga ishlarning hajmlari uchun tuzilgan ishlarning kalendar davrlarini taqsimlash mazkur SHNQning 3-ilovasidagi 3-shakliga muvofiq amalga oshiriladi);

e) qurilish uchun asosiy qurilish mashinalariga va transport vositalariga boʻlgan ehtiyojlar roʻyxati (mazkur roʻyxat qurilish mashinalari hamda transport vositalarining ish unumdorligi normalariga muvofiq hamda ish hajmlari va yuklarni tashish obyektlari asosida tuziladi);

j) tushuntirish xatining tarkibi:

qurilish sharoitlari va murakkabligini tavsiflovchi xarakteristika;

qurilish, montaj va maxsus qurilish ishlarini, shu jumladan mavsumiy xarakterdagi ishlarni bajarish muddatlarini hamda murakkab bino va inshootlarni qurish boʻyicha texnologik yechimlarni koʻrsatgan holda qish sharoitlarida, shuningdek quruq-issiq iqlim sharoitlarida bajariladigan ushbu ishlarni bajarish metodlari va ularni birgalikda olib borish mumkinligining asoslab berilganligi;

ishlarni vaxtali metod bilan bajarish boʻyicha chora-tadbirlar;

mehnat muhofazasi boʻyicha chora-tadbirlar;

atrofdagi tabiiy muhitni saqlash shartlari;

asosiy qurilish mashinalari, mexanizmlari, transport vositalari, elektr energiyasi, bugʻ, suv, kislorod, atsetilin, siqilgan havoga, shuningdek mobil binolar va inshootlar toʻplami boʻyicha yechimlar hamda namunaviy loyihalarning qabul qilinganligini koʻrsatgan holda vaqtinchalik bino va inshootlarga boʻlgan ehtiyojlarning asoslanganligi;

asosiy qurilish tashkilotlarining roʻyxati;

materiallar, konstruksiyalar va uskunalarni joylashtirish uchun maydonchalarning jihozlanganlik darajasi va ular oʻlchamlarining, shuningdek ogʻir vaznli katta gabaritli uskunalar va yiriklashtirilgan konstruksiyalarni koʻchirish boʻyicha yechimlarning asoslanganligi;

maxsus yordamchi inshootlar, moslamalar va qurilmalar, shuningdek murakkab vaqtinchalik inshootlar va tarmoqlar roʻyxati;

qurilishni tashkil etish loyihasida qabul qilingan qurilish konstruksiyalarini qurish va uskunalarni montaj qilish metodlari bilan bogʻliq holda ishchi chizmalarda hisobga olinishi lozim boʻlgan talablar;

obyekt qurilishini davom etish muddatining asoslanganligi;

barcha ehtiyojlar va xarajatlarning asoslari ularni qoplash manbalari boʻyicha yechimlardan iborat boʻladi.

3. Qurilishni tashkil etish loyihalarining tarkibi va mazmuni obyekt qurilishining murakkabligini hisobga olib hajmiy-rejaviy va konstruktiv yechimlarga, bu yechimlarni unifikatsiyalash va tipizatsiyalash darajasiga, maxsus yordamchi inshootlar, moslamalar, qurilmalar va oʻrnatmalarni qoʻllash zarurligiga, alohida ish turlarining oʻziga xos jihatlariga, shuningdek, qurilish maydoniga materiallar, konstruksiyalar va uskunalarni yetkazib berish shart-sharoitlariga bogʻliq holda toʻldiriladi.

Noyob texnologik uskuna va prinsipial jihatdan yangi texnologiya qoʻllaniladigan murakkab obyektlar, shuningdek yangi konstruksiyalar koʻproq qoʻllaniladigan binolar yoki qurilishi oʻta murakkab geologik yoki tabiiy sharoitlarda amalga oshirilishi kutilayotgan korxonalar va inshootlar uchun qurilishni tashkil etish loyihasi tarkibiga ushbu ilovaning 2-bandida keltirilganlarga qoʻshimcha tarzda quyidagilar kiritiladi:

a) barpo etiladigan konstruksiyalar, bino va inshootlarning sifati hamda ishonchliligini taʼminlash uchun zarur boʻlgan tadqiqot ishlari, sinovlar va rejimli kuzatuvlarni oʻtkazish ketma-ketligi hamda muddatlari boʻyicha koʻrsatmalar;

b) qurilish ishlari ustidan aloqa-dispetcherlik boshqaruvini tashkil etishning oʻziga xos jihatlari.

4. Ishlab turgan korxonalar, binolar va inshootlarni rekonstruksiya qilishda qurilishni tashkil etish loyihalarida ushbu ilovaning 2 va 3-bandlarida keltirilgan talablardan tashqari quyidagilar kiritiladi:

a) ishlab chiqarish jarayonini toʻxtatish bilan bogʻliq boʻlmagan davrda bajariladigan ishlar va ishlab chiqarish jarayonini toʻliq va qisman toʻxtatish bilan bogʻliq boʻlgan ishlar tarkibi;

b) qurilish bosh rejasida foydalanishda boʻlgan bino va inshootlar, rekonstruksiya qilinmaydigan muhandislik tarmoqlari, yangi quriladigan bino va inshootlar hamda tarmoqlar, buziladigan va demontaj qilinadigan bino va inshootlar, buziladigan va qayta yotqiziladigan muhandislik tarmoqlari, yangi tarmoqlarning mavjud boʻlgan tarmoqlarga ulanish joylari, hududdagi oʻtish yoʻllari, quruvchilar va korxona xodimlarining xavfsiz oʻtish yoʻlaklari koʻrsatilgan maʼlumotlar;

v) tor joylar va zararli sharoitlarda bajariladigan ishlar roʻyxati va hajmlarini, shuningdek ularni xavfsiz bajarishning qoʻshimcha chora-tadbirlari, rekonstruksiya ishlarining ustidan operativ rahbarlik qilish tartibi, yongʻin va portlashga qarshi xavfsizlik chora-tadbirlari, montaj va demontaj ishlarini bajarishda saqlab qolinadigan konstruksiyalarning turgʻunligini taʼminlovchi tadbirlar.

5. Umumiy tarmoq tarkibidagi magistral inshootlarni (magistral temir va avtomobil yoʻllari, magistral neft va gaz oʻtkazgichlar, aloqa va elektr uzatish liniyalari va b.) qurishda qurilishni tashkil etish loyihasi tarkibiga mazkur ilovaning 2 va 3-bandlarida keltirilgan talablardan tashqari quyidagilar kiritiladi:

a) trassa uchastkalari boʻyicha asosiy qurilish-montaj ishlarining hajmi va mehnat sigʻimi keltirilgan maʼlumot;

b) tabiiy toʻsiqlar va ularni aylanib oʻtish joylari hamda ularni maxsus vositalar bilan bartaraf etish usullari, shuningdek daryolarning kechuv joylari koʻrsatilgan maʼlumotlar;

v) trassaning alohida uchastkalarida qurilishga xizmat koʻrsatuvchi ishlab chiqarish korxonalarining moddiy-texnik bazalari va energetik taʼminot obyektlari, shuningdek quruvchilar uchun yashash posyolkalarining joylashish oʻrinlari;

g) yuklarni tushirish stansiyalarini, oraliq omborlar va vaqtinchalik kirib kelish yoʻllari, shu jumladan inshoot trassasi boʻylab vaqtinchalik yoʻli koʻrsatilgan moddiy-texnik resurslarni yetkazib berish transport sxemasi;

d) qurilayotgan temir va avtomobil yoʻllari boʻylab joylashgan aloqa va elektr uzatish tarmoqlarining alohida uchastkalaridan qurilish ehtiyojlari uchun foydalanish imkoni boʻyicha koʻzda tutilgan yechimlari.

6. Qishloq xoʻjaligi korxonalarida ichki xoʻjalik avtomobil yoʻllarini qurish uchun mazkur ilovaning 2 va 3-bandlarida keltirilgan talablarga qoʻshimcha tarzda ichki xoʻjalik yoʻllari ham qurilishi ham koʻzda tutiladi (bunda, yer polotnosi boʻyicha vaqtinchalik harakatlanishni taʼminlagan holda hamda trassaning oʻtib boʻlmaydigan va qiyinchilik bilan oʻtiladigan uchastkalarini yaxshilash ishlari amalga oshiriladi).

7. Gidrotexnika va suv xoʻjaligi obyektlarini qurishda mazkur ilovaning 2 va 3-bandlarida keltirilgan talablarga qoʻshimcha tarzda qurilishni tashkil etish loyihasida quyidagi ishlar amalga oshiriladi:

a) taqvimiy rejada daryo boʻyicha suvning sarflanish hajmlarini koʻrsatgan holda oʻtkazilish muddatlarini, oʻzanni toʻsish (berkitish) va suv omborining toʻlish muddatlarini qurilish davrining alohida bosqichlarida koʻrsatish, shuningdek gidrouzel yoki gidrotexnika inshootini rekonstruksiya qilishda ularni ekspluatatsiya vaqtidagi minimal vaqt uzilishlarini koʻzda tutish;

b) qurilish bosh rejalarida qurilish davrida daryodan suv olinishini taʼminlash uchun moʻljallangan inshootlar va qurilmalarning joylashishini koʻrsatish, uzel yoki gidrotexnika inshootlari kompleksini qurish boʻyicha ishlarning bajarilish navbatini ajratib chiqish, sugʻoriladigan maydonlarni ekspluatatsiyaga qabul qilish navbatini koʻrsatish lozim. Sugʻorish va quritish tizimlari qurilishining inshootlar joylashuvi rejasida ularni ishga tushirish navbatini, ekspluatatsion va qurilish uchastkalarining chegaralarini, karyerlarning joylashishini, yirik inshootlar boʻyicha esa hududlardan suvni qaytarish va ularning suv bilan bosiladigan chegaralarini, aylanma kanallar va vaqtinchalik koʻpriklarni koʻrsatgan holda sugʻoriladigan hamda quritiladigan hududning chegaralari va maydonini koʻrsatish;

v) daryodan oqiziladigan suvni oʻtkazish sxemalarini, shuningdek qurilish davrida daryo oʻzanini toʻsish va suv oqimini qaytarish usullarini ishlab chiqish;

g) suv chiqarish tizimlarini qayta qurish boʻyicha qurilish-montaj ishlarini bajarishda qishloq xoʻjaligi ekinzorlarining uzluksiz sugʻorilishini taʼminlash boʻyicha chora-tadbirlarni koʻzda tutish lozim.

8. Foydali qazilmalarni va boshqa yer osti boyliklarini qazib olish boʻyicha togʻ-kon korxonalari qurilishida mazkur ilovaning 2 va 3-bandlarida keltirilgan talablarga qoʻshimcha tarzda qurilishni tashkil etish loyihasida quyidagilar qoʻshiladi:

a) kon stvollari, gorizontal hamda qiya oʻtkazmalar va kameralarni oʻtkazish sxemalarini (agar ular namunaviy stvollar, oʻtkazmalar, kameralardan farq qilsa);

b) kopyorlar va yer osti qurilmalarining turini tanlashni asoslab beruvchi maʼlumot (ulardan togʻ-kon qazish ishlari davrida vaqtinchalik foydalanilganda);

v) togʻ-kon ishlarini qazish davrlari boʻyicha togʻ-kon qazilmalarining sxemalarini va ularni shamollatish rejimlarini, qazilmaga beriladigan havoni isitish va sovutish boʻyicha yechimlarni, shuningdek chang, gazlar, togʻ jinslari, koʻmir, gazlarning toʻsatdan otilib chiqilishiga, togʻ silkinishi zarbalari va toshlarning oʻpirilib tushishiga, suyuq grunt va suvning yorib oʻtishiga qarshi chora-tadbirlar;

g) stvollar va kon kovlanmalarini oʻtkazishda suv qaytarish sxemalari, shaxta suvlarini qaytarish va tozalash boʻyicha yechimlar.

9. Sovuq tabiiy sharoitlarda obyektlarni qurishda mazkur ilovaning 2 va 3-bandlarida keltirilgan talablarga qoʻshimcha tarzda qurilishning tayyorgarlik jarayoniga, uni tashkil etish va amalga oshirishga taʼsir koʻrsatishi mumkin boʻlgan quyidagi fizik, geografik va iqtisodiy omillar hisobga olinishi kerak:

a) togʻli va baland togʻli hududlar (tumanlar) uchun:

quruvchilar ishlashi uchun maxsus adaptatsiyalangan rejimlarning saqlanishini talab etuvchi pasaytirilgan barometrik bosim;

shiddatli shamolni va yuqori chaqmoq tarqaluvchanligi;

koʻchkilar, sel oqimlari, yer oʻpirilishi va grunt koʻchishi hodisalari;

hududga yetib borish qiyinligi (katta qiyaliklar, sathlarning keskin oʻzgarishlari);

b) choʻlli va yarim choʻlli (dashtli) va oʻta issiq iqlimli tumanlar uchun:

tashqi havoning kunduzgi yuqori temperaturalari;

katta hududlarda mahalliy suv taʼminoti manbalarining mavjud emasligi va shunga bogʻliq ravishda suvni tozalash, tuzsizlantirish, tashish, sovutish va saqlash boʻyicha maxsus chora-tadbirlar;

turgʻunligi past boʻlgan qumli gruntlardagi oʻsimlik qatlamini saqlash boʻyicha chora-tadbirlar.

10. Xavfli geologik jarayonlar kechadigan hududlarda (tumanlarda) obyektlarni qurishda mazkur ilovaning 2 va 3-bandlarida keltirilgan talablarga qoʻshimcha tarzda qurilishni tashkil etish loyihasida quyidagi talablar hisobga olinishi lozim:

alohida xossalarga ega boʻlgan (choʻkuvchan, koʻpchiydigan) gruntli hududlarda obyektlar qurilishini amalga oshirishda gruntlarni keraksiz namlanishini oldini oluvchi suv oqimini aylantirib oʻtkazish ishlari, vaqtinchalik suv taʼminoti tizimlari qurilishi va ekspluatatsiya qilinishini tashkil etish hamda gruntlarning choʻkishini tizimli ravishda nazorat qilish boʻyicha maxsus chora-tadbirlarni birinchi navbatda amalga oshirish.

11. Alohida tabiiy sharoitlarda obyektlarni qurishda qurilishni tashkil etish loyihasi mazkur ilovaning 2 va 3-bandlarida keltirilgan talablarga qoʻshimcha tarzda quyidagilarni oʻz ichiga olishi lozim:

a) yer koʻchishi va oʻpirilishiga qarshi himoya inshootlari uchun:

qurilish davrida yer koʻchishi va oʻpirilishi jarayonlari faolligi va jadalligi prognozi;

himoya inshootlarini qurish davrida qiyaliklar va nishabliklarning turgʻunligini taʼminlash chora-tadbirlari;

yer ishlarini yilning yomgʻirli davrlari boshlangunga qadar tugatish yoki vaqtinchalik toʻxtatish zarurligiga bogʻliq holda hamma ishlarni bajarishning qatʼiy navbati va muddatlari hisobga olingan taqvimiy rejasi;

yer koʻchishi mumkin boʻlgan zonada grunt uyumlarini qurilishiga yoʻl qoʻymasdan gruntni joylashtirish va toʻplash boʻyicha yechimlar;

suvni aylantirib oʻtish, suv sathini pasaytirish va gruntlarni mustahkamlashning maxsus usullari boʻyicha yechimlar;

b) selga qarshi inshootlar uchun:

zarur boʻlgan hollarda suv toshqinlari va sel oqimlarini qurib bitkazilmagan inshootlar orqali (ularning butunligini saqlagan holda) oʻtkazib yuborish boʻyicha yechimlar;

mahalliy sharoitlarni hisobga olgan holda alohida ish turlarini bajarishning asoslangan mavsumiyligi boʻyicha yechimlar;

izlanish natijalari boʻyicha sel hosil boʻlishining ehtimoliy muddatlari toʻgʻrisidagi koʻrsatmalarni qurilish kalendar rejasida keltirilishi;

sel hosil boʻlishini kuzatish xizmati punktlarini joylashtirish hamda ushbu punktlar va qurilish dispetcherlik punkti orasida ishonchli radio aloqani taʼminlash boʻyicha materiallar;

ishlab chiqarish bazasi obyektlarini, yashash posyolkasini va kirib kelish yoʻllarini, shuningdek odamlar va qurilish texnikasini evakuatsiya qilish yoʻllarini xavfsiz zonaga joylashtirish boʻyicha materiallar;

sel hosil boʻlish xavfi boʻlgan davrda ishlarni bajarish rejimiga qoʻyiladigan talablar.

SHNQ 3.01.01-22 “Qurilishda ishlab chiqarishni tashkil qilish” shaharsozlik normalari va qoidalariga 3-ILOVA

‎‎Qurilishni tashkil etish loyihasi tarkibidagi asosiy loyiha ‎hujjatlarining shakllari‎‎‎‎‎‎‎‎‎‎‎‎‎‎‎1-shakl‎‎Qurilishning kalendar rejasi ‎____________________________________________________________________________ ‎(obyekt nomi)‎‎‎‎‎‎‎‎‎‎‎‎‎‎‎T/r‎‏ ‎Alohida binolar, inshootlar yoki ish turlarining nomi‎‎‏Smeta narxi, ming soʻm ‎‎Sarf-xarajatlar va qurilish-montaj ishlari hajmlarini qurilish davrlari (kvartallar, yillar) boʻyicha taqsimlash, ming soʻm‎‎‏Barchasi‎‎Shu jumladan, qurilish-montaj ishlarining hajmi‎‎A‎B‎‎1‎‎2‎‎3 — 14‎‎1‎.‎‎‎‎‎‎‎‎2‎.‎‎‎‎‎‎‎‎3‎.‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎Izoh: ‎“B” boʻyicha nomenklatura qurilish turi va qurilishning oʻziga xos jihatlariga bogʻliq ravishda oʻrnatiladi; ‎qurilish-montaj ishlari hajmlarining taqsimlanishi kasr koʻrinishida beriladi. Kasrning suratida sarf-xarajatlar koʻrsatilsa, kasrning maxrajida qurilish-montaj ishlarining hajmi koʻrsatiladi (turar joy-fuqaro obyektlari uchun oylar boʻyicha keltiriladi).‎‎‎‎‎‎‎‎‎‎‎‎‎‎‎‎‎Loyiha bosh muhandisi‎‎____________________________ ‎(imzo)‎‎‎‎‎‎ ‎MUVOFIQLASHTIRILDI: ‎‎‎‎‎‎‎‎‎‎‎‎‎‎‎Buyurtmachi‎‎‎‎____________________________ ‎‎(imzo) ‎‎‎‎‎‎‎Pudrat tashkiloti‎‎‎‎____________________________ ‎ ‎(imzo)‎‎‎‎

‎‎‎‎‎‎‎‎‎‎‎‎‎‎‎‎‎‎‎‎2-shakl‎‎ ‎Asosiy qurilish, montaj va maxsus qurilish ishlari hajmlarining ‎ROʻYXATI ‎‎‏T/rIshlarning turiOʻl. bir.‎‎‏Qurilish-montaj ishlarining hajmlari‎‎JamiShu jumladan, alohida binolar, inshootlar, ishga tushiriladigan yoki shaharsozlik komplekslari boʻyicha‎‎Qurilish davrlari boʻyicha‎‎A‎B‎‎V‎‎1‎‎‎2‎‎3 — 14‎‎1‎.‎‎‎‎‎‎‎‎‎‎‎2‎.‎‎‎‎‎‎‎‎‎‎‎‎3‎.‎‎‎‎‎‎‎‎‎4‎.‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎Izoh: ‎ishlar roʻyxati qurilish turi va uning oʻziga xos jihatlariga bogʻliq ravishda belgilanadi; ‎qurilishning komplekt-blokli metodi qoʻllanilishi hamda qurilish konstruksiyalari va uskunalarining yiriklashtirilgan bloklarda montaj qilinishi ajratilib koʻrsatiladi. ‎‎‎Loyiha bosh muhandisi‎‎‎___________________________ ‎(imzo)‎‎‎‎‎‎‎‎‎‎ ‎MUVOFIQLASHTIRILDI: ‎‎‎‎‎‎‎‎‎‎‎‎‎‎‎‎‎Buyurtmachi ‎‎‎‎‎___________________________ ‎‎(imzo) ‎‎‎‎‎‎‎‎‎‎‎Pudrat tashkiloti ‎‎‎‎‎‎‎___________________________ ‎ ‎‎(imzo)‎‎‎‎‎‎‎‎

3-shakl

Qurilish konstruksiyalari, materiallari va uskunalarga boʻlgan ehtiyojlarning RESURSLI ROʻYXATI

T/rNomlanishiOʻl. bir.Jami qurilish boʻyicha Shu jumladan asosiy obyektlar boʻyichaShu jumladan qurilishning kalendar davrlari boʻyichaABV1231.Yigʻma temir beton konstruksiyalardona2.Poʻlat konstruksiyalart3.Yogʻoch konstruksiyalarm34.Qolip jihozlarim25.Qurilishda qoʻllaniladigan neftli bitumlart6.Sterjenli poʻlat armaturat7.Konstruksion poʻlatt8.Oddiy tunukasimon prokat poʻlatt9.Sanoat uchun metall buyumlar (metizalar)t10.Relslart11.Poʻlat quvurlar12.Choʻyan quvurlarm13.Bosimli va bosimsiz quvurlarm14.Oqova suvlarni chiqarib yuborish va drenaj uchun keramik quvurlarm15.Asbest sementli quvurlar va muftalarm16.Termoplastli quvur va quvur oʻtkazgich detallarim17.Shisha quvurlar va ularning tugun qismlariShartli diametr, m18.Plastmassalar, polimerizatsiyalangan smolalar asosidagi materiallar va yarim tayyor mahsulotlar kg19.Lok-boʻyoq materiallarikg20.Yogʻoch tayyorlash va yogʻochni qayta ishlash sanoati mahsulotlari (gʻoʻla koʻrinishidagi yogʻoch, kesilgan yogʻoch)m321.Chaqiq toshm322.Shagʻalm323.Qurilish uchun tabiiy qumm324.Xarsang toshm325.Gʻovakli toʻldiruvchilarm326.Asbest t27.Sementt28.Qurilish ohagit29.Qurilish gʻishti (shu jumladan toshlar)dona30.Issiqlik va tovush izolyatsiya materiallarim331.Oʻramli, tom yopish va gidroizolyatsiya materiallarim232.Qurilish shishasim233.Narxi qurilish-montaj ishlarining narxiga kiritiladigan uskunalar ming soʻm/t34.Kabel mahsulotlari (asosiy markalar boʻyicha)ming soʻm35.Oʻrnatish simlari, yoritish uchun ishlatiladigan shnur, izolyatsiyalanmagan simm36.Aluminiy konstruksiyalart37.Germetiklarkg38.Yelimkg39.Uskunalar va nazorat-oʻlchov uskunalari (texnologik, energetik, koʻtarish-transport, nasos-kompressorli, umum zavod, elektr-texnik, sanitar-texnik uskunalar, asosiy nomenklatura boʻyicha avtomatlashtirish tizimlari)

SHNQ 3.01.01-22 “Qurilishda ishlab chiqarishni tashkil qilish” shaharsozlik normalari va qoidalariga 4-ILOVA

Ishlarni bajarish loyihasining tarkibi va mazmuni

1. Binolar, inshootlar yoki ularning qismlari (tugunlari)ni qurish boʻyicha ishlarni bajarish loyihasi tarkibiga quyidagilar kiritiladi:

a) qurilish ishlarini bajarish ketma-ketligi, ularning hajmlari va bajarish muddatlarini belgilaydigan ishlarni bajarishning mazkur SHNQning 5-ilovasidagi 1-shakliga muvofiq kalendar grafigi;

b) quyidagilar koʻrsatilgan qurilish bosh rejasi:

qurilish maydonining chegaralari va shu maydon toʻsiqlarining turlari, ishlab turgan va muvaqqat yer osti, yer usti hamda havo orqali oʻtuvchi tarmoqlar va kommunikatsiyalar, doimiy va muvaqqat yoʻllar, transport vositalari va mexanizmlarning harakatlanish sxemalari, qurilish mashinalari va yuk koʻtaruvchi mashinalarning (ularning harakatlanish yoʻllari va taʼsir qilish zonalarini koʻrsatgan holda) oʻrnatilish joylari, doimiy, quriladigan va muvaqqat binolar, geodezik rejalash asosining belgilarini oʻrnatish joylari, xavfli zonalar, ishchilarni ish yaruslariga (qavatlarga) koʻtarish vositalari va yoʻllari, shuningdek binolar va inshootlarga oʻtish yoʻlaklari, yerga ulanish konturlarini koʻrsatgan holda qurilish maydonlarini elektr energiyasi bilan taʼminlash va yoritish manbalari hamda vositalarining joylashishi, qurilish chiqindilarini toʻplash qurilmalarini oʻrnatish joylari, materiallar va konstruksiyalarni joylashtirish maydonchalari va xonalari, konstruksiyalarni yiriklashtirib yigʻish maydonchalari, quruvchilarga sanitar-maishiy xizmat koʻrsatish xonalari, ichimlik suvi oʻrnatmalari va dam olish joylari, xavflilik darajasi yuqori boʻlgan ishlarni bajarish zonalarini joylashtirish, shuningdek choʻkuvchan gruntlarda suv toʻplash punktlari, vaqtinchalik inshootlar va namlik bilan bogʻliq boʻlgan jarayonlarning mexanizatsiyalashgan oʻrnatmalarini bino va inshootlardan relyefi past boʻlgan tomondagi joylarga ega boʻlgan qurilish maydonchasiga joylashtirilishi hamda ular atrofidagi maydonlar suvning tashkil etilgan tez chiqarilishini koʻzda tutgan holda tekislangan boʻlishi lozim;

v) qurilish konstruksiyalari, buyumlari va uskunalarni obyektga yetkazib berish grafigi mazkur SHNQning 5-ilovasidagi 2-shaklga muvofiq;

g) sifatni nazorat qilish, ishlarni bajarish metodlari, mehnat sarfi va materiallar, mashinalar, asbob-anjomlar, ishchi-xodimlarning himoya moslamalari va vositalariga boʻlgan ehtiyojlar, shuningdek korxonalar, binolar, inshootlarni rekonstruksiya qilishda demontaj ishlarining ketma-ketligi koʻrsatilgan alohida ish turlarini bajarishga tuzilgan texnologik xaritalar (sxemalar) (tegishli namunaviy hujjatdan foydalangan holda);

d) geodezik tuzilmalar va oʻlchashlarni bajarish uchun belgilarni joylashtirish sxemalarini kiritgan holda geodezik ishlarni bajarish boʻyicha yechimlarni, shuningdek qurilish-montaj ishlari bajarilishining zarur boʻlgan aniqligi va shu ishlarni geodezik nazorat qilishning texnik vositalari toʻgʻrisidagi koʻrsatmalar;

e) SHNQ 3.01.02 da aniqlangan xavfsizlik texnikasi boʻyicha yechimlar va obyektlarni tor sharoitlarda rekonstruksiya qilishda maxsus xavfsizlik chora-tadbirlari;

j) ish grafiklarini, ishlarni bajarishda texnologik operatsiyalarga rioya qilishda mehnat va dam olish rejimlarini oʻz ichiga kirituvchi ishlarni 2 va 3 smenali rejimda va vaxtali metod bilan bajarish boʻyicha tadbirlar;

z) zarur boʻlganda taʼminot manbalaridan tarmoqlarni olib borish boʻyicha ishchi chizmalarni ishlab chiqish bilan suv, issiqlik va energiya taʼminotining vaqtinchalik tarmoqlarini oʻtkazish hamda qurilish maydoni va ish joylarini yoritish boʻyicha yechimlar;

i) texnologik inventar va montaj asbob-anjomlarining roʻyxati, shuningdek yuklarni ilish va koʻtarish (stropovkalash) sxemalari;

k) quyidagilarni oʻz ichiga olgan tushuntirish xati:

ishlarni bajarish, shu jumladan qish mavsumida va quruq-issiq iqlim sharoitlarida ishlarni amalga oshirish boʻyicha yechimlarning asosnomasini;

energetik resurslarga boʻlgan ehtiyoj, uni taʼminlash va qoplash boʻyicha yechimlarni;

ehtiyojlarni hisoblash va ularni qurilish maydoni uchastkalariga bogʻlash shartlarini asoslab berish bilan mobil (koʻchma) bino va inshootlar hamda qurilmalarning tavsiyaviy roʻyxatini;

qurilish maydonidagi hamda bino va inshootlardagi materiallar, buyumlar, konstruksiyalar va uskunalarning saqlanishini taʼminlashga yoʻnaltirilgan chora-tadbirlarni;

mavjud (ishlab turgan) binolar va inshootlarni shikastlanishlardan himoya qilish va tabiatni qoʻriqlash boʻyicha chora-tadbirlarni;

qurilish-montaj ishlarining hajmlarini va ularni bajarish ketma-ketligini, binoning 1m3 hajmiga va 1m2 yuzasiga toʻgʻri keladigan mehnat sarfi hamda mexanizatsiya darajasini kiritgan holda ishlar fizik hajmlarining birligi uchun hisoblangan texnik-iqtisodiy koʻrsatkichlarni.

2. Alohida ish turlari (montaj, sanitar-texnik, pardozlash, geodezik va shu kabi ishlar)ni bajarish loyihasi quyidagilardan iborat boʻladi:

ishlarni ularning turlari boʻyicha bajarishning kalendar grafigidan (mazkur SHNQning 5-ilovasidagi 1-shaklga muvofiq);

mazkur ilovaning 1-bandidagi “b” kichik band koʻrsatmalariga muvofiq ishlab chiqiladigan qurilish bosh rejasi;

sifatni nazorat qilish sxemalarini ilova qilgan holda ishlarni bajarishning texnologik xaritalari;

asosiy materiallar, konstruksiyalar va buyumlar hamda mashinalar, moslamalar va asbob-uskunalarga boʻlgan ehtiyojlar toʻgʻrisidagi maʼlumotlar va texnik-iqtisodiy koʻrsatkichlarning zaruriy asosnomalariga ega boʻlgan tushuntirish matni.

SHNQ 3.01.01-22 “Qurilishda ishlab chiqarishni tashkil qilish” shaharsozlik normalari va qoidalariga 5-ILOVA

Ishlarni bajarish loyihasi tarkibidagi asosiy hujjatlarning shakllari

1-shakl

Obyekt (ish turlari) boʻyicha ishlarni bajarishning kalendar grafigi

Nomi Ish hajmlari Mehnat sarfi, kishi-kun Talab etiladigan mashinalar Ish davomiyligi, kunlar Smena soni Smenadagi ishchilar soni Brigada tarkibi Ishlar grafigi (kunlar, oylar) Oʻl. bir. miqdori Nomi Mash-smena soni 1 2 3 4 5 6 7 8 9 10 11 Masʼul ijrochi _______________________________________________________________

2-shakl

Obyektga qurilish konstruksiyalari, buyumlari, materiallari va uskunalarni yetkazib berish grafigi

Qurilish konstruksiyalari, buyumlari, materiallari va uskunalarning nomi Oʻlcham birligi Miqdori Kunlar, haftalar, oylar boʻyicha yetkazib berish grafigi 1 2 3 4 Masʼul ijrochi _________________________________________________________ (imzo)

SHNQ 3.01.01-22 “Qurilishda ishlab chiqarishni tashkil qilish” shaharsozlik normalari va qoidalariga 6-ILOVA

SHNQ 3.01.01-22 “Qurilishda ishlab chiqarishni tashkil qilish” shaharsozlik normalari va qoidalariga 7-ILOVA

SHNQ 3.01.01-22 “Qurilishda ishlab chiqarishni tashkil qilish” shaharsozlik normalari va qoidalariga 8-ILOVA

QMVVT VA MMTning minimal texnik parametrlari

Texnik koʻrsatkichI murakkablik toifasiII murakkablik toifasiIII-IV murakkablik toifalariVideokuzatuv kamerasi turidoimiy (statsionar) IP-kameradoimiy (statsionar) IP-kamera va hisob-kitob asosida PTZ-kameradoimiy (statsionar) IP-kamera va hisob-kitob asosida PTZ-kamera yoki panoramali kameraTasvirning ajratish qobiliyatikamida 2 MPkamida 4 MPkamida 4 MP, identifikatsiya talab qilinadigan muhim zonalarda kamida 8 MPKunduzgi va tungi rejimavtomatik kun/tun rejimi, IQ yoritish yoki tashqi yoritish hisob-kitob asosidaavtomatik kun/tun rejimi, IQ yoritish yoki tashqi yoritish hisob-kitob asosidaavtomatik kun/tun rejimi, IQ yoritish yoki tashqi yoritish hisob-kitob asosida muhim zonalarda zaxira yoritishTashqi muhit taʼsiridan himoyakamida IP66kamida IP66,yetib borish mumkin boʻlgan joyda kamida IK08kamida IP66 va IK10PTZ-kameraning optik masshtabiqoʻllanilganda kamida 12xqoʻllanilganda kamida 20xqoʻllanilganda kamida 25xVideo siqish formatiH.264/H.265 yoki ularga teng formatH.264/H.265 yoki ularga teng formatH.265 yoki unga teng samarali formatTarmoqqa ulanishethernet/PoE, simli aloqa asosiy kanal sifatidaethernet/PoE, 100 m dan ortiq masofada optik tolaasosiy va mustaqil zaxira kanalVideoarxivni saqlash muddatikamida10 d (sutka)kamida 20 d (sutka)kamida 30 d (sutka)QMVV va MMT holatini nazorat qilishvideo signali yoʻqolishi va xotira nosozligini aniqlashqoʻshimcha ravishda obyektiv yopilishi, fokus hamda koʻrish maydoni oʻzgarishini aniqlashqoʻshimcha ravishda aloqa, elektr taʼminoti, arxiv va zaxira vositalari holatini nazorat qilishAxborot xavfsizligialohida hisob yozuvlari, zavod parollarini almashtirish, tarmoqni mantiqiy ajratish, TLS va/yoki VPNqoʻshimcha ravishda ikki bosqichli autentifikatsiya va tarmoq segmentatsiyasiqoʻshimcha ravishda zaxiralash, markazlashtirilgan jurnallash va konfiguratsiyani nazorat qilish

Izohlar:

ushbu jadvalda belgilangan talablar minimal hisoblanadi. Qonunchilik hujjatlari, loyihalashtirish topshirigʻi, xavflarni baholash yoki hisob-kitob natijalariga koʻra yuqoriroq parametrlar qabul qilinishi mumkin;

ONVIF — tarmoq videokuzatuv qurilmalarining oʻzaro muvofiq ishlashini taʼminlovchi ochiq interfeys standarti;

PoE — Internet tarmoq kabeli orqali maʼlumotlar va elektr taʼminotini bir vaqtda uzatish texnologiyasi;

TLS — transport qatlamida maʼlumotlarni kriptografik himoyalash protokoli;

VPN — virtual xususiy tarmoq;

WDR — keng dinamik diapazon;

IQ — infraqizil nurlanish.