2005-yilda yuklarni transportda tashish uchun Oʻzbekiston Respublikasi ichida oʻzaro hisob-kitoblarni amalga oshirish va Tojikiston Respublikasining davlat qarzi boʻyicha xizmat koʻrsatish tartibi toʻgʻrisida nizomni tasdiqlash haqida (1483-son)

27.06.2005

OʻZBEKISTON RESPUBLIKASI MOLIYA VAZIRLIGI OʻZBEKISTON RESPUBLIKASI MARKAZIY BANKI BOShQARUVINING

Qarori

[Oʻzbekiston Respublikasi Adliya vazirligi tomonidan 2005-yil 27-iyunda 1483-son bilan davlat roʻyxatidan oʻtkazilgan]

Oʻzbekiston Respublikasi Vazirlar Mahkamasining 2005-yil 20-maydagi 223-f-sonli Farmoyishi va Oʻzbekiston Respublikasi Hukumati hamda Tojikiston Respublikasi Hukumati oʻrtasida 2005-yilda yuklarni transportda tashish uchun oʻzaro hisob-kitoblar va Tojikiston Respublikasining davlat qarzini qoplash toʻgʻrisida 2005-yil 10-fevralda imzolangan kelishuvga muvofiq qaror qilamiz:

1. “2005-yilda yuklarni transportda tashish uchun Oʻzbekiston Respublikasi ichida hisob-kitoblarni amalga oshirish va Tojikiston Respublikasining davlat qarzi boʻyicha oʻzaro xizmat koʻrsatish tartibi toʻgʻrisida nizom” ilovaga* muvofiq tasdiqlansin.

* Ilova rus tilidagi matnda berilgan.

2. Ushbu qaror Oʻzbekiston Respublikasi Adliya vazirligida davlat roʻyxatiga olingan kundan oʻn kun oʻtgach amalga kiritilsin.

3. Mazkur qaror kuchga kirgan kundan boshlab Oʻzbekiston Respublikasi Moliya vazirligi va Markaziy bankning 2004-yil 12-martdagi 44 va 251-V sonli qarorlari bilan tasdiqlangan “2004-yilda Oʻzbekiston Respublikasi hududida yuklarni tashish, gaz, yonilgʻi-moylash mahsulotlari, mineral oʻgʻitlar yetkazib berish va Tojikiston Respublikasining davlat qarzini undirish boʻyicha oʻzaro hisob-kitoblarni amalga oshirish tartibi toʻgʻrisida nizom” (2004-yil 30-mart, roʻyxat raqami 1331 — Oʻzbekiston Respublikasi Qonun hujjatlari toʻplami, 2004-yil, 13-son, 166-modda) oʻz kuchini yoʻqotadi.

Moliya vaziri S. RAHIMOV

Toshkent sh.,

2005-yil 16-iyun,

53-son

Markaziy bank Boshqaruvi raisi F. MULLAJONOV

Toshkent sh.,

2005-yil 16-iyun,

264-V-son