Ayrim davlat kadastrlarini yuritish tartibi toʻgʻrisidagi nizomlarni tasdiqlash haqida (152-son)

30.06.2005

Oʻzbekiston Respublikasi Vazirlar Mahkamasining

qarori

“Davlat kadastrlari toʻgʻrisida”gi Oʻzbekiston Respublikasi Qonuniga va Oʻzbekiston Respublikasi Vazirlar Mahkamasining 2005-yil 16-fevraldagi 66-son qarori bilan tasdiqlangan Davlat kadastrlari yagona tizimini yaratish va yuritish tartibi toʻgʻrisidagi nizomga muvofiq Vazirlar Mahkamasi qaror qiladi:

1. Quyidagilar:

Avtomobil yoʻllari davlat kadastrini yuritish tartibi toʻgʻrisidagi nizom 1-ilovaga muvofiq;

Temir yoʻllar davlat kadastrini yuritish tartibi toʻgʻrisidagi nizom 2-ilovaga muvofiq;

Yetkazib berish quvurlari davlat kadastrini yuritish tartibi toʻgʻrisidagi nizom 3-ilovaga muvofiq;

Aloqa obyektlari davlat kadastrini yuritish tartibi toʻgʻrisidagi nizom 4-ilovaga muvofiq;

Energetika obyektlari davlat kadastrini yuritish tartibi toʻgʻrisidagi nizom 5-ilovaga muvofiq;

Tabiiy xavf yuqori boʻlgan zonalar davlat kadastrini yuritish tartibi toʻgʻrisidagi nizom 6-ilovaga muvofiq;

Texnogen xavf yuqori boʻlgan zonalar davlat kadastrini yuritish tartibi toʻgʻrisidagi nizom 7-ilovaga muvofiq tasdiqlansin.

2. “Yergeodezkadastr” davlat qoʻmitasi tegishli vakolatli organlar bilan birgalikda ushbu qaror bilan tasdiqlangan nizomlarga muvofiq davlat kadastrlarining shakllantirilishi va yuritilishi toʻgʻrisida 2006 va 2007-yil iyulida Vazirlar Mahkamasiga axborot bersin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining tegishli oʻrinbosarlari zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2005-yil 30-iyun,

152-son

Vazirlar Mahkamasining 2005-yil 30-iyundagi 152-son qaroriga 1-ILOVA

Avtomobil yoʻllari davlat kadastrini yuritish tartibi toʻgʻrisida

NIZOM

I. Umumiy qoidalar

1. Avtomobil yoʻllari davlat kadastri (AYDK) “Davlat kadastrlari toʻgʻrisida”, “Avtomobil yoʻllari toʻgʻrisida”gi Oʻzbekiston Respublikasi qonunlariga va Oʻzbekiston Respublikasi Vazirlar Mahkamasining 2005-yil 16-fevraldagi 66-son qarori bilan tasdiqlangan Davlat kadastrlari yagona tizimi (DKYAT)ni yaratish va yuritish tartibi toʻgʻrisidagi nizomga, boshqa normativ-huquqiy hujjatlarga va mazkur Nizomga muvofiq yuritiladi.

2. AYDK — bu avtomobil yoʻllari obyektlari, ularning jugʻrofiy holati, huquqiy maqomi, miqdor va sifat tavsiflari va iqtisodiy baholash toʻgʻrisidagi yangilanib turiladigan ishonchli axborot tizimi.

3. AYDK DKYATning tarkibiy qismi hisoblanadi hamda avtomobil yoʻllari obyektlarini hisobga olish va ularning holatini baholash maqsadida yuritiladi.

4. Mavjud boʻlgan va qurilayotgan avtomobil yoʻllari, maxsus inshootlar hamda Oʻzbekiston Respublikasi hududida joylashgan avtomobil yoʻllarining boshqa obyektlari AYDK obyektlari hisoblanadi.

5. Oʻzbekiston Respublikasi Avtomobil yoʻllari davlat qoʻmitasi AYDKni yuritish boʻyicha vakolatli organ hisoblanadi.

6. AYDK davlat hokimiyati va boshqaruv organlarini, Oʻzbekiston Respublikasi Avtomobil yoʻllari davlat qoʻmitasini, manfaatdor yuridik va jismoniy shaxslarni avtomobil yoʻllari obyektlari toʻgʻrisidagi ishonchli kadastr axborotlari bilan taʼminlash uchun moʻljallangan.

7. Quyidagilar AYDKni yuritishning asosiy prinsiplari hisoblanadi:

Oʻzbekiston Respublikasining avtomobil yoʻllari obyektlarini toʻliq qamrab olish;

makon koordinatalarining yagona tizimini va yagona topografiya asoslarini qoʻllash;

barcha obyektlar boʻyicha kadastr axborotlarini shakllantirishning yagona metodologiyasi;

kadastr axborotlarining ishonchliligi, koʻrgazmaliligi va hujjatliligi;

kadastr axborotlarining ochiqligi.

8. AYDKni yuritish avtomobil yoʻllari obyektlarini xatlash, hisobga olish, baholash bilan taʼminlanadi hamda davlat yer kadastri kadastr axborotlaridan hamda binolar va inshootlar davlat kadastridan majburiy foydalanilishini nazarda tutadi.

9. Avtomobil yoʻllari obyektlariga tegishli boʻlgan yer uchastkalari, binolar va inshootlarga boʻlgan huquqlarni davlat roʻyxatidan oʻtkazish koʻchmas mulkka boʻlgan huquqlarni roʻyxatdan oʻtkazish uchun belgilangan tartibda vakolatli organlar tomonidan amalga oshiriladi.

10. Avtomobil yoʻllari obyektlariga tegishli boʻlgan, davlat yer kadastridan AYDKga berilayotgan yer uchastkalari toʻgʻrisidagi yer-kadastr axborotida maqsadli foydalanilishi boʻyicha yerning tarkibi toʻgʻrisidagi, yer uchastkalariga boʻlgan huquq davlat roʻyxatidan oʻtkazilganligi (shu jumladan yerdan foydalanishda servitutlarda belgilangan mavjud cheklashlar va taqiqlar toʻgʻrisidagi maʼlumotlar), yerning miqdori va sifati toʻgʻrisidagi maʼlumotlar boʻlishi kerak.

11. Bino va inshootlar davlat kadastridan AYDKga berilayotgan avtomobil yoʻllari obyektlariga tegishli boʻlgan binolar va inshootlar toʻgʻrisidagi kadastr axborotida ulardan maqsadli foydalanilishi, huquqlarning davlat roʻyxatidan oʻtkazilishi, asosiy miqdor va sifat tavsiflari toʻgʻrisidagi maʼlumotlar boʻlishi kerak.

12. AYDKni yuritish qogʻoz va/yoki elektron manbalarda amalga oshiriladi.

13. Avtomobil yoʻllari obyektlari toʻgʻrisidagi tizimlashtirilgan kadastr axboroti DKYATga belgilangan tartibda beriladi.

14. AYDKni yaratish va yuritish ishlarini moliyalashtirish Oʻzbekiston Respublikasi Moliya vazirligi huzuridagi Respublika yoʻl jamgʻarmasi mablagʻlari hisobiga amalga oshiriladi.

II. AYDKni yuritishni tashkil etish

15. AYDKni yuritish Oʻzbekiston Respublikasi Avtomobil yoʻllari davlat qoʻmitasining quyidagi tarkibiy boʻlinmalari:

Oʻzbekiston Respublikasi Avtomobil yoʻllari davlat qoʻmitasining vakolatli tashkiloti;

Qoraqalpogʻiston Respublikasi va viloyatlar avtomobil yoʻllari hududiy bosh boshqarmalarining kadastr boʻlinmasi tomonidan amalga oshiriladi.

AYDKni yuritish ishlariga umumiy rahbarlikni Oʻzbekiston Respublikasi Avtomobil yoʻllari davlat qoʻmitasi raisi amalga oshiradi.

AYDKni yuritishni metodik taʼminlash Oʻzbekiston Respublikasi Avtomobil yoʻllari davlat qoʻmitasi tomonidan amalga oshiriladi.

16. AYDKni yuritish mazkur Nizomga ilovaga muvofiq sxemaga binoan amalga oshiriladi.

17. Oʻzbekiston Respublikasi Avtomobil yoʻllari davlat qoʻmitasining vakolatli tashkiloti:

avtomobil yoʻllari davlat kadastrining avtomatlashtirilgan axborot tizimi joriy etilishi va mavjud boʻlishini taʼminlaydi;

maʼlumotlar bazasi tuzilmasini ishlab chiqadi, uni yoʻl korxonalariga beradi, maʼlumotlar bazasi toʻgʻri toʻldirilishi ustidan nazorat qiladi;

hududiy avtomobil yoʻllari bosh boshqarmalarining kadastr bilan ishlaydigan xodimlarini avtomobil yoʻllari davlat kadastrining avtomatlashtirilgan axborot tizimi bilan ishlashga oʻqitishni tashkil etadi;

hududiy avtomobil yoʻllari bosh boshqarmalari tomonidan taqdim etilgan kadastr axborotlarini tizimlashtiradi va uni avtomobil yoʻllari davlat kadastrining avtomatlashtirilgan axborot tizimiga kiritadi;

avtomobil yoʻllarining yangi obyektlari toʻgʻrisidagi hisobga olish va baholash maʼlumotlari toʻplanishi ustidan nazorat qiladi;

kadastr axborotlari DKYATga tezkor berilishini amalga oshiradi;

har yili belgilangan tartibda DKYATga Oʻzbekiston Respublikasi Avtomobil yoʻllari davlat qoʻmitasining avtomobil yoʻllari obyektlarining holati va ulardan foydalanish toʻgʻrisida hisobot taqdim etadi.

18. Oʻzbekiston Respublikasi Avtomobil yoʻllari davlat qoʻmitasining avtomobil yoʻllari hududiy bosh boshqarmalarining:

avtomobil yoʻllari obyektlarining miqdor va sifat holatidagi joriy oʻzgarishlar, ularning atrof muhitga taʼsiri, ekologik-iqtisodiy baholash toʻgʻrisidagi axborotlarni toʻplaydi va tizimlashtiradi;

avtomobil yoʻllari obyektlari kadastr daftarlarini yuritadi, maʼlumotlar bazasini toʻldiradi va ularni tizimlashtirish va avtomobil yoʻllari davlat kadastrining avtomatlashtirilgan axborot tizimiga kiritish uchun Oʻzbekiston Respublikasi Avtomobil yoʻllari davlat qoʻmitasi vakolatli tashkilotining kadastr boʻlimiga beradi;

avtomobil yoʻllarining yangi obyektlarini hisobga qoʻyadi, ular toʻgʻrisidagi hisobga olish va baholash maʼlumotlarini toʻplaydi.

19. Oʻzbekiston Respublikasi Avtomobil yoʻllari davlat qoʻmitasi tizimidan tashqarida mavjud boʻlgan avtomobil yoʻllari obyektlarining egalari/foydalanuvchilar Oʻzbekiston Respublikasi Avtomobil yoʻllari davlat qoʻmitasining vakolatli tashkilotiga kadastr obyektlarining jugʻrofiy holati, huquqiy maqomi, miqdor tavsiflari va baholanishi, shuningdek ular holatining joriy oʻzgarishlari toʻgʻrisidagi axborotni taqdim etishi shart.

III. AYDKni yuritish tartibi

20. AYDKni yuritish avtomobil yoʻllari obyektlarining barcha turlarini roʻyxatdan oʻtkazishdan, ularning miqdor va sifat tavsiflarini hisobga olishdan, obyektlarni ekologik-iqtisodiy baholashdan, shuningdek kadastr axborotlarini toʻplash, tahlil qilish, tizimlashtirish, saqlash, yangilashdan va uni qonunda belgilangan tartibda manfaatdor foydalanuvchilarga taqdim etishdan iboratdir.

21. Avtomobil yoʻllari obyektlari roʻyxati ularning miqdor va sifat tavsiflarini hisobga olish, ekologik-iqtisodiy baholash uchun asos hisoblanadi.

22. Avtomobil yoʻllari obyektlarining barcha turlari birlamchi roʻyxatga olinishi kerak. Bunda asosiy koʻrsatkichlar qayd etiladi. Asosiy koʻrsatkichlarning tarkibi “Yergeodezkadastr” davlat qoʻmitasi bilan kelishuv boʻyicha Oʻzbekiston Respublikasi Avtomobil yoʻllari davlat qoʻmitasi tomonidan tasdiqlanadigan tegishli normativ hujjatlar bilan belgilanadi. Roʻyxat natijalari boʻyicha har bir obyektga pasport tuziladi.

23. Miqdor va sifat tavsiflarining asosiy hisobga olinishi hisobga qoʻyish paytida foydalanishga topshirilgan va mavjud boʻlgan avtomobil yoʻllarining har bir obyekti boʻyicha amalga oshiriladi.

Avtomobil yoʻllari obyektlari tavsiflarida yuz beradigan bundan keyingi oʻzgarishlar joriy hisobga olishda qayd etiladi.

24. Avtomobil yoʻllari obyektlarining miqdor va sifat tavsiflari hisobga qoʻyilishi ularning iqtisodiy, texnologik va ekologik belgilar boʻyicha tasniflanishini oʻz ichiga oladi, ularning tarkibi AYDKni yuritish boʻyicha normativ hujjatlar bilan belgilanadi.

Avtomobil yoʻllari obyektlarining miqdor va sifat tavsiflarini hisobga olish uchun “Yergeodezkadastr” davlat qoʻmitasi bilan kelishuv boʻyicha Oʻzbekiston Respublikasi Avtomobil yoʻllari davlat qoʻmitasi tomonidan texnik parametrlar va kadastr axborotini taqdim etish formatlari ishlab chiqiladi.

Hisobga olish axboroti korxonaning kadastr daftariga yoziladi va avtomobil yoʻllari davlat kadastrining avtomatlashtirilgan axborot tizimiga kiritiladi.

25. Avtomobil yoʻllari obyektlarini iqtisodiy baholash avtomobil yoʻllari har bir obyektining qiymatini belgilash, soliq solish, xususiylashtirish va boshqa maqsadlar uchun oʻtkaziladi.

Avtomobil yoʻllari obyektlarini iqtisodiy baholash oʻziga xosliklar hisobga olingan holda qonunchilikda belgilangan tartibda amalga oshiriladi.

26. Avtomobil yoʻllari obyektlari toʻgʻrisidagi kadastr axborotining ishonchliligi uchun tarkibiy boʻlinmalar rahbarlari va Oʻzbekiston Respublikasi Avtomobil yoʻllari davlat qoʻmitasining AYDKni yuritadigan vakolatli shaxslari javob beradilar.

Avtomobil yoʻllari davlat kadastrini yuritish tartibi toʻgʻrisidagi nizomga ILOVA

Avtomobil yoʻllari davlat kadastrini yuritish sxemasi

* Strelkalar bilan kadastr axboroti harakati yoʻnalishlari belgilangan.

1. “Oʻzavtoyoʻl” davlat-aksiyadorlik kompaniyasi tizimida va “Oʻzavtoyoʻl” davlat-aksiyadorlik kompaniyasi tizimidan tashqarida mavjud boʻlgan avtomobil yoʻllari obyektlari egalari/foydalanuvchilar kadastr axborotlarini avtomobil yoʻllari obyektlari boʻyicha hududiy shuʼba yoʻl-qurilish tashkilotlarining kadastr boʻlinmalariga taqdim etadilar.

2. Hududiy shuʼba yoʻl-qurilish tashkilotlarining kadastr boʻlinmalari ushbu obyektlarning egalari va foydalanuvchilardan avtomobil yoʻllari obyektlari boʻyicha kadastr axborotlarini toʻplaydilar, oʻz hududlari doirasida kadastr ishini shakllantiradilar, avtomobil yoʻllari obyektlari boʻyicha axborotni AYDKni yuritish boʻyicha vakolatli tashkilotga taqdim etadilar.

3. AYDKni yuritish boʻyicha vakolatli tashkilot davlat yer kadastridan hamda binolar va inshootlar davlat kadastridan yer uchastkalari, binolar va inshootlar toʻgʻrisidagi axborotni oladi.

4. AYDKni yuritish boʻyicha vakolatli tashkilot avtomobil yoʻllari obyekti AYDKga kiritilgandan keyin kadastr axborotlarini “Yergeodezkadastr” davlat qoʻmitasi DKYATning maʼlumotlar bazasiga beradi.

5. AYDKni yuritish boʻyicha vakolatli tashkilot soʻrov boʻyicha DKYAT maʼlumotlar bazasidan avtomobil yoʻllari obyektlari boʻyicha axborot olishi mumkin.

6. AYDKni yuritish boʻyicha vakolatli tashkilot avtomobil yoʻllari obyektlari boʻyicha zarur axborotni hududiy shuʼba-yoʻl qurilish tashkilotlarining kadastr boʻlinmalariga yuboradi.

7. DKYAT maʼlumotlar bazasidan foydalanuvchilar soʻrov boʻyicha avtomobil yoʻllari obyektlari boʻyicha kadastr axborotlarini olishlari mumkin.

Vazirlar Mahkamasining 2005-yil 30-iyundagi 152-son qaroriga 2-ILOVA

Temir yoʻllar davlat kadastrini yuritish tartibi toʻgʻrisida

NIZOM

I. Umumiy qoidalar

1. Temir yoʻllar davlat kadastri (TYDK) “Davlat kadastrlari toʻgʻrisida”gi Oʻzbekiston Respublikasi Qonuniga va Oʻzbekiston Respublikasi Vazirlar Mahkamasining 2005-yil 16-fevraldagi 66-son qarori bilan tasdiqlangan Davlat kadastrlari yagona tizimi (DKYAT)ni yaratish va yuritish tartibi toʻgʻrisidagi nizomga, boshqa normativ-huquqiy hujjatlarga va mazkur Nizomga muvofiq yuritiladi.

2. TYDK — bu temir yoʻl transporti infratuzilmasi obyektlari, ularning geografik joylashuvi, yerni, ularning chegaralari, ajratilgan mintaqa, muhofaza zonalari, huquqiy maqomi, miqdor va sifat tavsiflari va iqtisodiy baholash toʻgʻrisidagi yangilanib turiladigan ishonchli axborot tizimi.

3. TYDK DKYATning tarkibiy qismi hisoblanadi hamda temir yoʻllar obyektlarini hisobga olish va ularning holatini baholash maqsadida yuritiladi.

4. Mavjud boʻlgan va foydalanishga qabul qilingan temir yoʻllar, ajratilgan mintaqa, muhofaza zonalari, temir yoʻl stansiyalari hamda Oʻzbekiston Respublikasi hududida joylashgan temir yoʻl transporti infratuzilmalarining boshqa obyektlari TYDK obyektlari hisoblanadi.

5. “Oʻzbekiston temir yoʻllari” aksiyadorlik jamiyati TYDKni yuritish boʻyicha vakolatli organ hisoblanadi.

6. TYDK respublika va mahalliy ijro etuvchi hokimiyat organlarini, “Oʻzbekiston temir yoʻllari” aksiyadorlik jamiyatini, manfaatdor yuridik va jismoniy shaxslarni temir yoʻl transporti infratuzilmasi obyektlari toʻgʻrisidagi ishonchli kadastr axborotlari bilan taʼminlash uchun moʻljallangan.

7. Quyidagilar TYDKni yuritishning asosiy prinsiplari hisoblanadi:

Oʻzbekiston Respublikasi butun hududining temir yoʻl transporti infratuzilmasi obyektlarini toʻliq qamrab olish;

fazoviy koordinatalarining yagona tizimini va yagona topografiya asoslarini qoʻllash;

barcha obyektlar boʻyicha kadastr axborotlarini shakllantirishning yagona metodologiyasi;

kadastr axborotlarining ishonchliligi, koʻrgazmaliligi va hujjatliligi;

kadastr axborotlarining ochiqligi.

8. TYDKni yuritish temir yoʻl transporti infratuzilmasi obyektlarini xatlash, hisobga olish, baholash bilan taʼminlanadi hamda davlat yer kadastri kadastr axborotlaridan hamda binolar va inshootlar davlat kadastridan majburiy foydalanilishini nazarda tutadi.

9. Temir yoʻl transporti infratuzilmasi obyektlariga tegishli boʻlgan yer uchastkalari, binolar va inshootlarga boʻlgan huquqlarni davlat roʻyxatidan oʻtkazish koʻchmas mulkka boʻlgan huquqlarni roʻyxatdan oʻtkazish uchun belgilangan tartibda vakolatli organlar tomonidan amalga oshiriladi.

10. Temir yoʻl transporti infratuzilmasi obyektlariga tegishli boʻlgan, davlat yer kadastridan TYDKga berilayotgan yer uchastkalari toʻgʻrisidagi yer-kadastr axborotida maqsadli foydalanilishi boʻyicha yerning tarkibi toʻgʻrisidagi, yer uchastkalariga boʻlgan huquq davlat roʻyxatidan oʻtkazilganligi (shu jumladan yerdan foydalanishda servitutlarda belgilangan mavjud cheklashlar va taqiqlar toʻgʻrisidagi maʼlumotlar), yerning miqdori va sifati toʻgʻrisidagi maʼlumotlar boʻlishi kerak.

11. Bino va inshootlar davlat kadastridan TYDKga berilayotgan temir yoʻl transporti infratuzilmasi obyektlariga tegishli boʻlgan binolar va inshootlar toʻgʻrisidagi kadastr axborotlarida ulardan maqsadli foydalanilishi, huquqlarning davlat roʻyxatidan oʻtkazilishi, asosiy miqdor va sifat tavsiflari toʻgʻrisidagi maʼlumotlar boʻlishi kerak.

12. TYDKni yuritish geoaxborot tizimi orqali amalga oshiriladi.

121. TYDKni yuritish uchun “Oʻzbekiston temir yoʻllari” aksiyadorlik jamiyati TYDK geoaxborot tizimini yaratadi.

13. Temir yoʻl transporti infratuzilmasi obyektlari toʻgʻrisidagi tizimlashtirilgan kadastr axboroti DKYATga geoaxborot tizimi orqali integratsiya qilish yoʻli bilan real vaqt rejimida taqdim qilib boriladi.

131. TYDKga tegishli tematik qatlamlarning matematik asosi bazaviy kartografik asosning matematik asosiga muvofiq boʻlishi lozim hamda taqdim etilayotgan maʼlumotlar 1984-yilgi koordinatalar butunjahon geodeziya tizimida (WGS-84) boʻlishi zarur.

132. TYDKga tegishli tematik qatlamlarni shakllantirishda vektorli obyektlarning (nuqtali, chiziqli va maydonli) oʻzaro bogʻliqligi va yondoshligi ularning fazoviy joylashuvini inobatga olgan holda tasvirlanadi.

14. TYDKni yaratish va yuritish ishlarini moliyalashtirish “Oʻzbekiston temir yoʻllari” aksiyadorlik jamiyati mablagʻlari hisobiga amalga oshiriladi.

II. TYDKni yuritishni tashkil etish

15. TYDKni yuritish “Oʻzbekiston temir yoʻllari” aksiyadorlik jamiyatining quyidagi tarkibiy boʻlinmalari:

Oʻzbekiston temir yoʻllari” aksiyadorlik jamiyati Korporativ munosabatlar departamentining temir yoʻllar davlat kadastri boʻlimi (keyingi oʻrinlarda — TYDKB);

Infratuzilma operatori va umumiy foydalanishdagi temir yoʻl transporti korxonalarining kadastr boʻlinmalari tomonidan amalga oshiriladi.

TYDKni yuritish boʻyicha ishlarga umumiy rahbarlik qilishni “Oʻzbekiston temir yoʻllari” aksiyadorlik jamiyatining bosh menejeri — bosh muhandisi amalga oshiradi.

TYDKni yuritishni metodik taʼminlashni “Oʻzbekiston temir yoʻllari” aksiyadorlik jamiyati amalga oshiradi.

16. TYDKni yuritish mazkur Nizomga ilovaga muvofiq sxemaga binoan amalga oshiriladi.

17. Temir yoʻllar davlat kadastri boʻlimi:

temir yoʻllar davlat kadastrining avtomatlashtirilgan geoaxborot tizimi joriy etilishi va mavjud boʻlishini taʼminlaydi;

maʼlumotlar bazasi tuzilmasini ishlab chiqadi, uni temir yoʻl korxonalariga beradi, maʼlumotlar bazasi toʻgʻri toʻldirilishi ustidan nazorat qiladi;

korxonalarning kadastr bilan ishlaydigan xodimlarini temir yoʻllar davlat kadastrining avtomatlashtirilgan geoaxborot tizimi bilan ishlashga oʻqitishni tashkil etadi;

korxonalar tomonidan taqdim etilgan kadastr axborotini tizimlashtiradi va uni temir yoʻllar davlat kadastrining avtomatlashtirilgan geoaxborot tizimiga kiritadi;

temir yoʻllarning yangi obyektlari toʻgʻrisidagi hisobga olish va baholash maʼlumotlari toʻplanishi ustidan nazorat qiladi;

kadastr axborotlari DKYATga tezkor berilishini amalga oshiradi;

har yili belgilangan tartibda DKYATga “Oʻzbekiston temir yoʻllari” aksiyadorlik jamiyatining temir yoʻl obyektlarining holati va ulardan foydalanish toʻgʻrisida hisobot taqdim etadi.

18. Infratuzilma operatori va umumiy foydalanishdagi temir yoʻl transporti korxonalarining kadastr boʻlinmalari:

temir yoʻl transporti infratuzilmasi obyektlarining miqdor va sifat holatidagi joriy oʻzgarishlar, ularning atrof muhitga taʼsiri, ekologik-iqtisodiy baholash toʻgʻrisidagi axborotlarni toʻplaydi va tizimlashtiradi;

temir yoʻl transporti infratuzilmasi obyektlari kadastr daftarlarini yuritadi, maʼlumotlar bazasini toʻldiradi va ularni tizimlashtirish va temir yoʻllar davlat kadastrining avtomatlashtirilgan geoaxborot tizimiga kiritish uchun TYDKBga beradi;

temir yoʻl transporti infratuzilmasining yangi obyektlarini hisobga qoʻyadi, ular toʻgʻrisidagi hisobga olish va baholash maʼlumotlarini toʻplaydi.

19. “Oʻzbekiston temir yoʻllari” aksiyadorlik jamiyati tizimidan tashqarida mavjud boʻlgan temir yoʻl transporti infratuzilmasi obyektlarining egalari (foydalanuvchilari) “Oʻzbekiston temir yoʻllari” aksiyadorlik jamiyatining TYDKBga kadastr obyektlarining geografik joylashuvi, huquqiy maqomi, miqdor tavsiflari va baholanishi, shuningdek, ular holatining joriy oʻzgarishlari toʻgʻrisidagi axborotni taqdim etishi shart.

III. TYDKni yuritish tartibi

20. TYDKni yuritish temir yoʻl transporti infratuzilmasi obyektlarining barcha turlarini roʻyxatdan oʻtkazishdan, ularning miqdor va sifat tavsiflarini hisobga olishdan, obyektlarni ekologik-iqtisodiy baholashdan, shuningdek kadastr axborotlarini toʻplash, tahlil qilish, tizimlashtirish, saqlash, yangilashdan va uni qonunda belgilangan tartibda manfaatdor foydalanuvchilarga taqdim etishdan iboratdir.

21. Temir yoʻl transporti infratuzilmasi obyektlari roʻyxati ularning miqdor va sifat tavsiflarini hisobga olish, ekologik-iqtisodiy baholash uchun asos hisoblanadi.

22. Temir yoʻl transporti infratuzilmasi obyektlarining barcha turlari birlamchi roʻyxatga olinishi kerak. Bunda asosiy koʻrsatkichlar qayd etiladi.

Asosiy koʻrsatkichlarning tarkibi Oʻzbekiston Respublikasi Urbanizatsiya va uy-joy bozorini barqaror rivojlantirish milliy qoʻmitasi huzuridagi Kadastr agentligi bilan kelishuv boʻyicha “Oʻzbekiston temir yoʻllari” aksiyadorlik jamiyati tomonidan tasdiqlanadigan tegishli normativ hujjatlar bilan belgilanadi. Roʻyxat natijalari boʻyicha har bir obyektga pasport tuziladi.

23. Miqdor va sifat tavsiflarining asosiy hisobga olinishi hisobga qoʻyish paytida foydalanishga topshirilgan va mavjud boʻlgan temir yoʻl transporti infratuzilmasining har bir obyekti boʻyicha amalga oshiriladi.

Temir yoʻl transporti infratuzilmasi obyektlari tavsiflarida yuz beradigan bundan keyingi oʻzgarishlar joriy hisobga olishda qayd etiladi.

24. Temir yoʻl transporti infratuzilmasi obyektlarining miqdor va sifat tavsiflari hisobga qoʻyilishi ularning iqtisodiy, texnologik va ekologik belgilar boʻyicha tasniflanishini oʻz ichiga oladi, ularning tarkibi TYDKBni yuritish boʻyicha normativ hujjatlar bilan belgilanadi.

Temir yoʻl transporti infratuzilmasi obyektlarining miqdor va sifat tavsiflarini hisobga olish uchun Oʻzbekiston Respublikasi Urbanizatsiya va uy-joy bozorini barqaror rivojlantirish milliy qoʻmitasi huzuridagi Kadastr agentligi bilan kelishuv boʻyicha “Oʻzbekiston temir yoʻllari” aksiyadorlik jamiyati tomonidan texnik parametrlar va kadastr axborotlarini taqdim etish formatlari ishlab chiqiladi.

Hujjatlar bilan rasmiylashtirilgan va belgilangan tartibda tasdiqlangan hisobga olish axboroti infratuzilma operatorining (umumiy foydalaniladigan temir yoʻl transporti korxonasining) elektron kadastr daftariga kiritiladi va TYDKning avtomatlashtirilgan axborot tizimiga kiritiladi.

25. Temir yoʻl transporti infratuzilmasi obyektlarini iqtisodiy baholash har bir obyektning qiymatini belgilash, soliq solish, xususiylashtirish va boshqa maqsadlar uchun oʻtkaziladi.

Temir yoʻl transporti infratuzilmasi obyektlarini iqtisodiy baholash oʻziga xosliklar hisobga olingan holda qonunchilikda belgilangan tartibda amalga oshiriladi.

26. Temir yoʻl transporti infratuzilmasi obyektlari toʻgʻrisidagi kadastr axborotining ishonchliligi uchun “Oʻzbekiston temir yoʻllari” aksiyadorlik jamiyatining TYDKni yurituvchi tarkibiy boʻlinmalari rahbarlari javob beradilar.

Temir yoʻllar davlat kadastrini yuritish tartibi toʻgʻrisidagi nizomga ILOVA

Temir yoʻllar davlat kadastrini yuritish

SXEMASI

Davlat kadastrlari yagona tizimi(DKYAT)(Oʻzbekiston Respublikasi Urbanizatsiya va uy-joy bozorini barqaror rivojlantirish milliy qoʻmitasi huzuridagi Kadastr agentligi)4↑5↓7↓Davlat yer kadastriTemir yoʻllar davlat kadastri(TYDK)DKYAT foydalanuvchilari3Binolar va inshootlar davlat kadastri→“Oʻzbekiston temir yoʻllari” AJ Korporativ aloqalar departamenti Temir yoʻllar davlat kadastri boʻlimi (TYDKB)2↑6↓Infratuzilma operatori, umumiy foydalanishdagi temir yoʻl transporti korxonalarining kadastr boʻlinmalari↑1“Oʻzbekiston temir yoʻllari” AJ tizimida va “Oʻzbekiston temir yoʻllari” AJ tizimidan tashqarida faoliyat koʻrsatayotgan temir yoʻl transporti infratuzilmasi obyektlarining egalari (foydalanuvchilari) infratuzilma operatorining, umumiy foydalanishdagi temir yoʻl transporti korxonalarining kadastr boʻlinmalariga temir yoʻl transporti infratuzilmasi obyektlari toʻgʻrisidagi kadastr axborotini taqdim etadilar

Izoh. Strelkalar bilan kadastr axborotining harakat yoʻnalishlari koʻrsatilgan.

1. “Oʻzbekiston temir yoʻllari” aksiyadorlik jamiyati tizimida va “Oʻzbekiston temir yoʻllari” aksiyadorlik jamiyati tizimidan tashqarida mavjud boʻlgan temir yoʻl transporti infratuzilmasi obyektlari egalari/foydalanuvchilari temir yoʻl transporti infratuzilmasi obyektlari boʻyicha kadastr axborotlarini umumiy foydalanishdagi temir yoʻl transporti korxonalarining kadastr boʻlinmalariga taqdim etadilar.

2. Infratuzilma operatorining, umumiy foydalanishdagi temir yoʻl transporti korxonalarining kadastr boʻlinmalari ushbu obyektlarning egalari va foydalanuvchilaridan temir yoʻl transporti infratuzilmasi obyektlari boʻyicha kadastr axborotlarini toʻplaydilar, oʻz hududlari doirasida temir yoʻl obyektlari boʻyicha axborotni “Oʻzbekiston temir yoʻllari” AJ Korporativ munosabatlar departamentining temir yoʻllar davlat kadastri boʻlimiga (TYDKB) taqdim etadilar.

3. “Oʻzbekiston temir yoʻllari” AJ Korporativ munosabatlar departamentining TYDKB davlat yer kadastridan hamda binolar va inshootlar davlat kadastridan yer uchastkalari, binolar va inshootlar toʻgʻrisidagi axborotni oladi.

4. “Oʻzbekiston temir yoʻllari” AJ Korporativ munosabatlar departamentining TYDKB temir yoʻl obyekti TYDKga kiritilgandan keyin kadastr axborotlarini Oʻzbekiston Respublikasi Urbanizatsiya va uy-joy bozorini barqaror rivojlantirish milliy qoʻmitasi huzuridagi Kadastr agentligi DKYATning maʼlumotlar bazasiga beradi.

5. “Oʻzbekiston temir yoʻllari” AJ Korporativ aloqalar departamentining TYDKB soʻrov boʻyicha Oʻzbekiston Respublikasi Urbanizatsiya va uy-joy bozorini barqaror rivojlantirish milliy qoʻmitasi huzuridagi Kadastr agentligining DKYAT maʼlumotlar bazasidan temir yoʻl transporti infratuzilmasi obyektlari boʻyicha axborot olishi mumkin.

6. “Oʻzbekiston temir yoʻllari” AJ Korporativ munosabatlar departamentining temir yoʻllar davlat kadastri boʻlimi temir yoʻl transporti infratuzilmasi obyektlari boʻyicha zarur axborotni umumiy foydalanishdagi temir yoʻl transporti korxonalari kadastr boʻlinmalariga yuboradi.

7. DKYATdan foydalanuvchilar soʻrov boʻyicha temir yoʻl transporti infratuzilmasi obyektlari boʻyicha kadastr axborotlarini olishlari mumkin.

Vazirlar Mahkamasining 2005-yil 30-iyundagi 152-son qaroriga 3-ILOVA

Yetkazib berish quvurlari davlat kadastrini yuritish tartibi toʻgʻrisida

NIZOM

I. Umumiy qoidalar

1. Yetkazib berish quvurlari davlat kadastri (YEBQDK) “Davlat kadastrlari toʻgʻrisida”gi Oʻzbekiston Respublikasi Qonuniga va Oʻzbekiston Respublikasi Vazirlar Mahkamasining 2005-yil 16-fevraldagi 66-son qarori bilan tasdiqlangan Davlat kadastrlari yagona tizimi (DKYAT)ni yaratish va yuritish tartibi toʻgʻrisidagi nizomga, boshqa normativ-huquqiy hujjatlarga va mazkur Nizomga muvofiq yuritiladi.

2. YEBQDK — bu yetkazib berish quvurlari obyektlari, ularning geografik joylashuvi, yerni, ularning chegaralari, muhofaza zonalari, huquqiy maqomi, miqdor va sifat tavsiflari va iqtisodiy baholash toʻgʻrisidagi yangilanib turiladigan ishonchli axborot tizimi.

3. YEBQDK DKYATning tarkibiy qismi hisoblanadi hamda yetkazib berish quvurlari obyektlarini hisobga olish va ularning holatini baholash maqsadida yuritiladi.

4. Neft, gaz va gaz kondensatini yetkazib berishga moʻljallangan Oʻzbekiston Respublikasi hududidagi mavjud va qurilayotgan yetkazib berish quvurlari va ularga xizmat koʻrsatish obyektlari: belgilangan armaturali va yer usti inshootlari bilan birgalikda yetkazib berish quvurlarining liniyali qismi, kompressor va nasos stansiyalari, elektrokimyoviy himoya vositalari, gaz taqsimlash stansiyalari va neft, gaz va gaz kondensati transporti korxonalari balansida boʻlgan, katta uzunlikdagi, yuqori bosimli, ularning yuqori xavfliligi munosabati bilan qoʻriqlash zonasiga ega boʻlgan boshqa koʻchmas mulk YEBQDK obyektlari hisoblanadi.

YEBQDK quyidagi toifalarga boʻlinadi:

1-toifa. Magistral yetkazib berish quvurlari va gaz tizimi obyektlari;

2-toifa. Uglevodorod xom ashyosini qazib chiqarish va qayta ishlash uchun foydalaniladigan kon quvurlari;

3-toifa. Gaz taqsimlash quvurlari (maishiy va ulgurji istemolchilar).

5. Energetika vazirligi YEBQDKni yuritish boʻyicha vakolatli organ hamda YEBQDKga kiruvchi 3 ta toifadagi obyektlarni yaratish va yuritish boʻyicha “Oʻzbekneftgaz” aksiyadorlik jamiyati, “Oʻztransgaz” aksiyadorlik jamiyati, “Hududgaztaʼminot” aksiyadorlik jamiyatlari vakolatli organlar hisoblanadi.

6. YEBQDK davlat hokimiyati va boshqaruv organlarini, Energetika vazirligini manfaatdor yuridik va jismoniy shaxslarni yetkazib berish quvurlari obyektlari toʻgʻrisidagi ishonchli kadastr axborotlari bilan taʼminlash uchun moʻljallangan.

7. Quyidagilar YEBQDKni yuritishning asosiy prinsiplari hisoblanadi:

Oʻzbekiston Respublikasining butun hududida lokal va magistral quvurlarning butun tizimini va ularga xizmat koʻrsatish obyektlarini qamrab olish;

fazoviy koordinatalarining yagona tizimini va yagona topografiya asoslarini qoʻllash;

barcha obyektlar boʻyicha kadastr axborotlarini shakllantirishning yagona metodologiyasi;

kadastr axborotlarining ishonchliligi, koʻrgazmaliligi va hujjatliligi;

kadastr axborotlarining ochiqligi.

8. YEBQDKni yuritish yetkazib berish quvurlari obyektlarini xatlash, hisobga olish, baholash bilan taʼminlanadi hamda davlat yer kadastri kadastr axborotlaridan hamda binolar va inshootlar davlat kadastridan majburiy foydalanilishini nazarda tutadi.

9. Yetkazib berish quvurlari obyektlariga tegishli boʻlgan yer uchastkalari, binolar va inshootlarga boʻlgan huquqlarni davlat roʻyxatidan oʻtkazish koʻchmas mulkka boʻlgan huquqlarni roʻyxatdan oʻtkazish uchun belgilangan tartibda vakolatli organlar tomonidan amalga oshiriladi.

10. Yetkazib berish quvurlari obyektlariga tegishli boʻlgan, davlat yer kadastridan YEBQDKga berilayotgan yer uchastkalari toʻgʻrisidagi yer-kadastr axborotida maqsadli foydalanilishi boʻyicha yerning tarkibi toʻgʻrisidagi, yer uchastkalariga boʻlgan huquq davlat roʻyxatidan oʻtkazilganligi (shu jumladan yerdan foydalanishda servitutlarda belgilangan mavjud cheklashlar va taqiqlar toʻgʻrisidagi maʼlumotlar), yerning miqdori va sifati toʻgʻrisidagi maʼlumotlar boʻlishi kerak.

11. Bino va inshootlar davlat kadastridan YEBQDKga berilayotgan yetkazib berish quvurlari obyektlariga tegishli boʻlgan binolar va inshootlar toʻgʻrisidagi kadastr axborotida ulardan maqsadli foydalanilishi, huquqlarning davlat roʻyxatidan oʻtkazilishi, asosiy miqdor va sifat tavsiflari toʻgʻrisidagi maʼlumotlar boʻlishi kerak.

13. Yetkazib berish quvurlari obyektlari toʻgʻrisidagi tizimlashtirilgan kadastr axboroti DKYATga geoaxborot tizimi orqali integratsiya qilish yoʻli bilan real vaqt rejimida taqdim qilib boriladi.

Davlat siri hisoblangan davlat kadastrlariga doir axborotdan foydalanish qonunchilik hujjatlariga muvofiq taqdim qilinadi.

131. YEBKDKga tegishli tematik qatlamlarning matematik asosi bazaviy kartografik asosning matematik asosiga muvofiq boʻlishi lozim hamda taqdim etilayotgan maʼlumotlar 1984-yilgi koordinatalar butunjahon geodeziya tizimida (WGS-84) boʻlishi zarur.

132. YEBKDKga tegishli tematik qatlamlarni shakllantirishda vektorli obyektlarning (nuqtali, chiziqli va maydonli) oʻzaro bogʻliqligi va yondoshligi ularning fazoviy joylashuvini inobatga olgan holda tasvirlanadi.

14. YEBQDKni yaratish va yuritish ishlarini moliyalashtirish Energetika vazirligi, “Oʻzbekneftgaz” aksiyadorlik jamiyati, “Oʻztransgaz” aksiyadorlik jamiyati, “Hududgaztaʼminot” aksiyadorlik jamiyati mablagʻlari hisobidan amalga oshiriladi.

II. YEBQDKni yuritishni tashkil etish

15. YEBQDKni yuritish Energetika vazirligining quyidagi tarkibiy boʻlinmalari:

“Oʻzbekneftgaz” aksiyadorlik jamiyati;

“Oʻztransgaz” aksiyadorlik jamiyati;

“Hududgaztaʼminot” aksiyadorlik jamiyati tomonidan amalga oshiriladi.

YEBQDKni yuritish ishlariga umumiy rahbarlik qilish Energetika vazirligi tomonidan geoaxborot tizimi orqali amalga oshiriladi.

16. YEBQDKni yuritish mazkur Nizomga ilovaga muvofiq sxemaga binoan amalga oshiriladi.

17. Hisobga olish va baholash kadastr axborotlarini shakllantirish yetkazib berish quvurlari boʻyicha maʼlumotlar banki tashkil etilgan holda Energetika vazirligi va YEBQDKning tegishli boʻlimiga qarab, “Oʻzbekneftgaz” aksiyadorlik jamiyati, “Oʻztransgaz” aksiyadorlik jamiyati va “Hududgaztaʼminot” aksiyadorlik jamiyatlari tomonidan amalga oshiriladi.

18. Energetika vazirligi va uning tizim tashkilotlarining yetkazib berish quvurlari obyektlariga quruvchi, foydalanuvchi, rekonstruksiya qiluvchi va taʼmirlovchi boʻlinmalari bir oy mobaynida maʼlumotlar bazasiga yetkazib berish quvurlari obyektlarining miqdor va sifat oʻzgarishlari, holati va ulardan foydalanish toʻgʻrisidagi axborotni kiritishlari shart.

19. YEBQDK xizmati:

yetkazib berish quvurlari davlat kadastrining avtomatlashtirilgan geoaxborot tizimi joriy etilishi va mavjud boʻlishini taʼminlaydi;

maʼlumotlar bazasi tuzilmasini ishlab chiqadi, uni neft-gaz-transport korxonalariga beradi, maʼlumotlar bazasi toʻgʻri toʻldirilishi ustidan nazorat qiladi;

xodimlarni yetkazib berish quvurlari davlat kadastrining avtomatlashtirilgan geoaxborot tizimi bilan ishlashga oʻqitishni tashkil etadi;

korxonalar tomonidan taqdim etilgan kadastr axborotlarini tizimlashtiradi va ularni yetkazib berish quvurlari davlat kadastrining avtomatlashtirilgan geoaxborot tizimiga kiritadi;

yetkazib berish quvurlarining yangi obyektlari toʻgʻrisidagi hisobga olish va baholash maʼlumotlari toʻplanishi ustidan nazorat qiladi;

shakllantirilayotgan kadastr maʼlumotlari sifati ustidan nazorat olib boradi, uning ishonchliligi va oʻz vaqtida YEBQDK avtomatlashtirilgan geoaxborot tizimiga kiritilishi uchun javobgar boʻladi;

kadastr axborotlarining xilma xilligi va sifatiga talabni muntazam oʻrganadi, kadastrni yuritish texnologiyasi takomillashtirilishini taʼminlaydi;

kadastr axborotlari DKYATga tezkor berilishini amalga oshiradi;

YEBQDK yuritish ishlarini metodik taʼminlashni aksiyadorlik jamiyatlarining YEBQDK boʻlimlari bilan birgalikda amalga oshiradi.

20. Neft-gaz-transport korxonalarining kadastr boʻlinmalari:

yetkazib berish quvurlari obyektlarining miqdor va sifat holatidagi joriy oʻzgarishlar, ularning atrof muhitga taʼsiri, ekologik-iqtisodiy baholash toʻgʻrisidagi axborotlarni toʻplaydi va tizimlashtiradi;

yetkazib berish quvurlari obyektlari kadastr daftarlarini yuritadi, maʼlumotlar bazasini toʻldiradi va ularni tizimlashtirish va yetkazib berish quvurlari davlat kadastrining avtomatlashtirilgan axborot tizimiga kiritish uchun kadastr xizmatiga beradi;

yetkazib berish quvurlarining yangi obyektlarini hisobga qoʻyadi, ular toʻgʻrisidagi hisobga olish va baholash maʼlumotlarini toʻplaydi.

21. Energetika vazirligi:

umuman tarmoq boʻyicha YEBQDKni yuritish boʻyicha Energetika vazirligining tarkibiy boʻlinmalari ishini muvofiqlashtiradi;

har yili belgilangan tartibda Oʻzbekiston Respublikasi Davlat soliq qoʻmitasi huzuridagi Kadastr agentligiga ularni DKYATga kiritish uchun yetkazib berish quvurlari obyektlarining holati va ulardan foydalanish toʻgʻrisida hisobot taqdim etadi.

22. Energetika vazirligi tizimidan tashqarida mavjud boʻlgan yetkazib berish quvurlari obyektlarining egalari (foydalanuvchilar) Energetika vazirligining kadastr yuritish yuklatilgan tizim tashkilotlariga kadastr obyektlarining geografik joylashuvi, huquqiy maqomi, miqdor tavsiflari va baholanishi, shuningdek, ular holatining joriy oʻzgarishlari toʻgʻrisidagi axborotni taqdim etishi shart.

III. Yetkazib berish quvurlari davlat kadastrini yuritish tartibi

23. YEBQDKni yuritish magistral va lokal quvurlarning barcha turlarini va ularning xizmat koʻrsatish obyektlarini roʻyxatga olishdan, ularning miqdor va sifat tavsiflarini hisobga olishdan, obyektlarni ekologik-iqtisodiy baholashdan, shuningdek kadastr axborotlarini toʻplash, tahlil qilish, tizimlashtirish, saqlash, yangilashdan va uni qonunda belgilangan tartibda manfaatdor foydalanuvchilarga taqdim etishdan iboratdir.

24. Yetkazib berish quvurlari obyektlari roʻyxati ularning miqdor va sifat tavsiflarini hisobga olish, ekologik-iqtisodiy baholash uchun asos hisoblanadi.

25. Yetkazib berish quvurlari obyektlarining barcha turlari birlamchi roʻyxatga olinishi kerak. Bunda asosiy koʻrsatkichlar qayd etiladi. Asosiy koʻrsatkichlarning tarkibi Oʻzbekiston Respublikasi Davlat soliq qoʻmitasi huzuridagi Kadastr agentligi bilan kelishuv boʻyicha Energetika vazirligi tomonidan tasdiqlanadigan tegishli normativ-huquqiy hujjatlar bilan belgilanadi. Roʻyxat natijalari boʻyicha har bir obyektga pasport tuziladi.

26. Miqdor va sifat tavsiflarining asosiy hisobga olinishi hisobga qoʻyish paytida foydalanishga topshirilgan va mavjud boʻlgan (sanoat yuklamasi ostida) yetkazib berish quvurlarining har bir obyekti boʻyicha amalga oshiriladi.

Yetkazib berish quvurlari obyektlari tavsiflarida yuz beradigan bundan keyingi oʻzgarishlar joriy hisobga olishda qayd etiladi.

27. Yetkazib berish quvurlari obyektlarining miqdor va sifat tavsiflari hisobga qoʻyilishi ularning iqtisodiy, texnologik va ekologik belgilar boʻyicha tasniflanishini oʻz ichiga oladi, ularning tarkibi Vazirlar Mahkamasi tomonidan yetkazib berish quvurlari davlat kadastrini yuritish boʻyicha normativ-huquqiy hujjatlar bilan belgilanadi.

Yetkazib berish quvurlari obyektlarining miqdor va sifat tavsiflarini hisobga olish uchun Oʻzbekiston Respublikasi Davlat soliq qoʻmitasi huzuridagi Kadastr agentligi bilan kelishuv boʻyicha Energetika vazirligi tomonidan texnik parametrlar va kadastr axborotini taqdim etish formatlari ishlab chiqiladi.

Hujjatlar bilan rasmiylashtirilgan va belgilangan tartibda tasdiqlangan hisobga olish axboroti korxonaning kadastr daftariga yoziladi va YEBQDK avtomatlashtirilgan geoaxborot tizimiga kiritiladi.

28. Yetkazib berish quvurlari obyektlarini iqtisodiy baholash har bir obyektning qiymatini belgilash, soliq solish, xususiylashtirish va boshqa maqsadlar uchun oʻtkaziladi.

Yetkazib berish quvurlari obyektlarini iqtisodiy baholash oʻziga xosliklar hisobga olingan holda qonunchilikda belgilangan tartibda amalga oshiriladi.

29. Yetkazib berish quvurlari obyektlari toʻgʻrisidagi kadastr axborotlarining ishonchliligi uchun neft-gaz-transport korxonalarining mansabdor shaxslari va Energetika vazirligi tizimidagi YEBQDKni yuritish yuklangan tizim tashkiloti javob beradi.

Yetkazib berish quvurlari davlat kadastrini yuritish tartibi toʻgʻrisidagi nizomga ILOVA

Yetkazib berish quvurlari davlat kadastrini yuritish

SXEMASI

Izoh: Strelkalar bilan kadastr axboroti harakati yoʻnalishlari belgilangan.

1. Energetika vazirligi tizimidan tashqarida mavjud boʻlgan yetkazib berish quvurlari obyektlarining egalari (foydalanuvchilar) Energetika vazirligi, YEBQDKni yaratish va yuritishga tegishli toifalariga masʼul boʻlinmalariga kadastr obyektlarining geografik joylashuvi, huquqiy maqomi, miqdor tavsiflari va baholanishi, shuningdek, ular holatining joriy oʻzgarishlari toʻgʻrisidagi axborotni korxonalarning tegishli kadastr boʻlinmalariga taqdim etadilar.

2. Energetika vazirligining YEBQDKni yuritish uchun masʼul tarkibiy boʻlinmalari ushbu obyektlarning egalari va foydalanuvchilardan boʻlgan yetkazib berish quvurlari obyektlari boʻyicha kadastr axborotlarini toʻplaydilar, oʻz hududlari doirasida kadastr ishini shakllantiradilar, ularni Energetika vazirligining YEBQDKni umumlashtirish uchun masʼul YEBKDK xizmatiga taqdim etadilar.

3. Energetika vazirligining YEBQDKni umumlashtirish uchun masʼul YEBKDK xizmati davlat yer kadastridan hamda binolar va inshootlar davlat kadastridan yer uchastkalari, bino va inshootlar toʻgʻrisidagi axborotni oladi.

4. Energetika vazirligining YEBQDKni umumlashtirish uchun masʼul YEBKDK xizmati yetkazib berish quvurlari obyekti axborotlarini YEBQDKga kiritilgandan keyin umumlashtirilgan YEBQDKdagi kadastr maʼlumotlarini Oʻzbekiston Respublikasi Davlat soliq qoʻmitasi huzuridagi Kadastr agentligining DKYATga geoaxborot tizimi orqali integratsiya qilish yoʻli bilan real vaqt rejimida taqdim qilib boradi.

5. Energetika vazirligining YEBQDKni umumlashtirish uchun masʼul YEBKDK xizmati yetkazib berish quvurlari obyekti axborotlarini soʻrov boʻyicha Oʻzbekiston Respublikasi Davlat soliq qoʻmitasi huzuridagi Kadastr agentligi DKYATning maʼlumotlar bazasidan olishi mumkin.

6. Energetika vazirligining YEBQDKni umumlashtirish uchun masʼul YEBKDK xizmati Energetika vazirligi tizimidagi YEBQDKni yurituvchi vakolatli tashkilotlarga yetkazib berish quvurlari obyekti zarur axborotlarni Energetika vazirligining YEBQDKni yuritish uchun masʼul tarkibiy boʻlinmalariga yuboradi.

7. DKYATdan foydalanuvchilar soʻrov boʻyicha yetkazib berish quvurlari obyektlari boʻyicha kadastr axborotlarini Kadastr agentligi DKYAT maʼlumotlar bazasidan olishlari mumkin.

1. “Oʻzbekneftgaz” milliy-xolding kompaniyasi tizimida va “Oʻzbekneftgaz” milliy-xolding kompaniyasi tizimidan tashqarida mavjud boʻlgan yetkazib berish quvurlari obyektlari egalari/foydalanuvchilar kadastr axborotlarini neft-gaz-transport korxonalarining kadastr boʻlinmalariga taqdim etadilar .

2. Neft-gaz-transport korxonalarining kadastr boʻlinmalari ushbu obyektlarning egalari va foydalanuvchilardan yetkazib berish quvurlari obyektlari boʻyicha kadastr axborotlarini toʻplaydilar, oʻz hududlari doirasida kadastr ishini shakllantiradilar, ularni “Oʻzbekneftgaz” milliy-xolding kompaniyasining “OʻzLITIneftgaz” ochiq aksiyadorlik jamiyati huzuridagi YEBQDK xizmatiga taqdim etadilar.

3. “Oʻzbekneftgaz” milliy-xolding kompaniyasining “OʻzLITIneftgaz” ochiq aksiyadorlik jamiyati huzuridagi YEBQDK xizmati davlat yer kadastridan hamda binolar va inshootlar davlat kadastridan yer uchastkalari, binolar va inshootlar toʻgʻrisidagi axborotni oladi.

4. “Oʻzbekneftgaz” milliy-xolding kompaniyasining “OʻzLITIneftgaz” ochiq aksiyadorlik jamiyati huzuridagi YEBQDK xizmati yetkazib berish quvurlari obyekti YEBQDKga kiritilgandan keyin kadastr axborotlarini “Yergeodezkadastr” davlat qoʻmitasi DKYATning maʼlumotlar bazasiga beradi.

5. “Oʻzbekneftgaz” milliy-xolding kompaniyasining “OʻzLITIneftgaz” ochiq aksiyadorlik jamiyati huzuridagi YEBQDK xizmati transport korxonalari obyektlari boʻyicha axborotni soʻrov boʻyicha “Yergeodezkadastr” davlat qoʻmitasi DKYATning maʼlumotlar bazasidan olishi mumkin.

6. “Oʻzbekneftgaz” milliy-xolding kompaniyasining “OʻzLITIneftgaz” ochiq aksiyadorlik jamiyati huzuridagi YEBQDK xizmati transport korxonalari obyektlari boʻyicha zarur axborotni neft-gaz-transport korxonalarining kadastr boʻlinmalariga yuboradi.

7. DKYATdan foydalanuvchilar soʻrov boʻyicha yetkazib berish quvurlari obyektlari boʻyicha kadastr axborotlarini “Yergeodezkadastr” davlat qoʻmitasi DKYAT maʼlumotlar bazasidan olishlari mumkin.

Vazirlar Mahkamasining 2005-yil 30-iyundagi 152-son qaroriga 4-ILOVA

Aloqa obyektlari davlat kadastrini yuritish tartibi toʻgʻrisida

NIZOM

I. Umumiy qoidalar

1. Aloqa obyektlari davlat kadastri (AODK) “Davlat kadastrlari toʻgʻrisida”gi Oʻzbekiston Respublikasi Qonuniga, Oʻzbekiston Respublikasi Vazirlar Mahkamasining 2005-yil 16-fevraldagi 66-son qarori bilan tasdiqlangan Davlat kadastrlari yagona tizimi (DKYAT)ni yaratish va yuritish tartibi toʻgʻrisidagi nizomga, boshqa normativ-huquqiy hujjatlarga hamda ushbu Nizomga muvofiq yuritiladi.

2. AODK — bu aloqa obyektlari, ularning geografik joylashuvi, huquqiy maqomi, muhofaza zonalari, miqdor va sifat tavsiflari hamda iqtisodiy bahosi toʻgʻrisidagi yangilab boriladigan ishonchli maʼlumotlar tizimidir.

3. AODK DKYATning tarkibiy qismi hisoblanadi va Oʻzbekiston Respublikasining barcha hududidagi aloqa obyektlarini tabiiy, xoʻjalik obyekti yoki boshqa obyekt muayyan turining geografik joylashuvi, huquqiy maqomi, miqdor, sifat tavsiflari va bahosi toʻgʻrisidagi yangilanib turiladigan maʼlumotlar va hujjatlar tizimidan iborat boʻladi.

4. Quyidagilar AODK obyektlari hisoblanadi:

xalqaro, shaharlararo, viloyat va tuman ahamiyatiga ega boʻlgan telefon-telegraf stansiyalari, shu jumladan turgʻun aloqa asbob-uskunalari va magistral liniyalari;

telekommunikatsiya uzellari, shu jumladan asbob-uskunalari, liniya inshootlari;

radiorele aloqa liniyalarining stansiya va inshootlari;

yoʻldosh aloqa stansiyalari;

qabul qilish-uzatish radiostansiyalari;

koʻchma obyektlarga ega boʻlgan quruqlikdagi radioaloqa stansiyalari (radial tizimlar, uyali telefonlar);

radiotelevizion stansiyalar va rentranslyatorlar;

pochta va maxsus aloqa obyektlari.

5. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi AODKni yuritish boʻyicha vakolatli organ hisoblanadi.

6. AODK davlat hokimiyati va boshqaruv organlarini, Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, manfaatdor yuridik va jismoniy shaxslarni aloqa obyektlari toʻgʻrisidagi ishonchli kadastr maʼlumotlari bilan taʼminlash uchun moʻljallangan.

7. Quyidagilar AODKni yuritishning asosiy prinsiplari hisoblanadi:

Oʻzbekiston Respublikasi hududidagi barcha aloqa obyektlarini qamrab olish;

fazoviy koordinatlari yagona tizimini va yagona topografik asosni qoʻllanish;

barcha obyektlar boʻyicha kadastr axborotlarini shakllantirish metodologiyasining yagonaligi;

kadastr axborotlarining ishonchliligi, koʻrgazmaliligi va hujjatliligi;

kadastr axborotlarining ochiqligi.

71. AODKga tegishli tematik qatlamlarning matematik asosi bazaviy kartografik asosning matematik asosiga muvofiq boʻlishi lozim hamda taqdim etilayotgan maʼlumotlar 1984-yilgi koordinatalar butunjahon geodeziya tizimida (WGS-84) boʻlishi zarur.

72. AODKga tegishli tematik qatlamlarni shakllantirishda vektorli obyektlarning (nuqtali, chiziqli va maydonli) oʻzaro bogʻliqligi va yondoshligi ularning fazoviy joylashuvini inobatga olgan holda tasvirlanadi.

8. DKYATni yuritish aloqa obyektlarini xatlovdan oʻtkazish, hisobga olishni taʼminlaydi hamda davlat yer kadastri maʼlumotlaridan va bino va inshootlar davlat kadastri maʼlumotlaridan majburiy foydalanishni nazarda tutadi.

9. Aloqa obyektlariga tegishli yer uchastkalari, bino va inshootlarga boʻlgan huquqlarni davlat roʻyxatidan oʻtkazish vakolatli organlar tomonidan, koʻchmas mulkka boʻlgan huquqlarni roʻyxatdan oʻtkazish uchun belgilangan tartibda amalga oshiriladi.

Yer uchastkalarida oʻrnatilgan va belgilangan tartibda foydalanishga topshirilgan antenna-machta metall konstruksiyalari hamda ularga oʻrnatilgan va ularning ajralmas qismi boʻlgan konstruksiyalar (tortqilar, atrofni oʻrovchi devorlar, yuk koʻtarish moslamalari, chaqmoqdan himoya qilish tizimlari, yerga ulash qurilmalari, signal-yoritish tizimlari, qoʻriqlash signalizatsiyasi va videokuzatuv tizimlari) koʻchmas mulk obyekti hisoblanadi.

Antenna-machtalarga oʻrnatiladigan telekommunikatsiya qurilmalari: tayanch stansiya, signallarni efirga uzatish va qabul qilish qurilmalari, antennalar, fiderlar, radiorele qurilmalari, optik tolali aloqa qurilmalari, asosiy va zaxira elektr taʼminoti qurilmalari (elektr podstansiya, shit, dizel-generator, UPS, akkumulyatorlar) hamda mazkur qurilmalar ishlashi uchun zarur boshqa texnologik qurilmalar va apparat-dasturiy tizimlar koʻchmas mulk obyekti hisoblanmaydi.

10. Davlat yer kadastridan AODKga beriladigan aloqa obyektlariga tegishli yer uchastkalari toʻgʻrisidagi yer kadastri axborotlari maqsadli foydalaniladigan yerlar tuzilmasi, yer uchastkalariga boʻlgan huquqlarning davlat roʻyxatidan oʻtkazilishi (shu jumladan yerlardan foydalanishda servitutlarda belgilangan mavjud cheklashlar va taqiqlar toʻgʻrisidagi maʼlumotlar), yerlarning miqdori va sifati toʻgʻrisidagi maʼlumotlarga ega boʻlishi kerak.

11. Bino va inshootlar davlat kadastridan AODKga beriladigan aloqa obyektlariga tegishli boʻlgan bino va inshootlar toʻgʻrisidagi kadastr axborotlari ularning maqsadli foydalanilishi, huquqlarning davlat roʻyxatidan oʻtkazilishi, asosiy miqdor va sifat tavsiflari toʻgʻrisidagi maʼlumotlarga ega boʻlishi kerak.

12. AODKni yuritish geoaxborot tizimi orqali amalga oshiriladi.

121. AODKni yuritishga masʼul vazirlik va idora AODK geoaxborot tizimini yaratadi.

13. Aloqa obyektlari toʻgʻrisidagi tizimlashtirilgan ochiq tematik qatlamlar DKYATga geoaxborot tizimi orqali integratsiya qilish yoʻli bilan real vaqt rejimida taqdim qilib boriladi.

Maʼlumotlar elektron-raqamli bazalarining texnik parametrlari (klassifikatorlar, shartli belgilar va boshqalar) Oʻzbekiston Respublikasi Davlat soliq qoʻmitasi huzuridagi Kadastr agentligi bilan kelishilishi kerak.

Davlat siri hisoblangan davlat kadastrlariga doir axborotdan foydalanish qonunchilik hujjatlariga muvofiq taqdim qilinadi.

14. AODKni yaratish va yuritish ishlarini moliyalashtirish Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi apparati taʼminoti uchun smetada nazarda tutilgan mablagʻlar, shuningdek qonunchilikda taqiqlanmagan boshqa manbalar hisobiga amalga oshiriladi.

II. AODKni yuritishni tashkil etish

15. AODKni yuritish Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining quyidagi tarkibiy boʻlinmalari hamda vakolatli shaxslari tomonidan amalga oshiriladi:

AODK xizmatining vazifalari yuklatilgan Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining ““UNICON.UZ” fan-texnika va marketing tadqiqotlari markazi” davlat unitar korxonasi;

mulkdorlar/foydalanuvchilar yoki aloqa obyektlariga boshqa huquqlar egalarining kadastr xizmatlari (vakolatli shaxslari).

AODKni yuritish boʻyicha ishlarni muvofiqlashtirish Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining AODK xizmati tomonidan amalga oshiriladi.

AODKni yuritishni metodik taʼminlash Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan amalga oshiriladi.

16. AODKni yuritish ushbu Nizomga ilovadagi sxemaga muvofiq amalga oshiriladi.

17. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining AODK xizmati:

kadastr xizmatlari (vakolatli shaxslar) ishlarini muvofiqlashtiradi;

tushayotgan axborotlar sifatini nazorat qiladi, ularning ishonchliligi va Aloqa obyektlarining geoaxborot tizimiga kiritilishi uchun javob beradi;

kadastr yuritish texnologiyasining takomillashtirilishini taʼminlaydi.

Aloqa obyektlarining geoaxborot tizimini joriy etadi va uning faoliyat koʻrsatishini taʼminlaydi;

mulkdorlar/foydalanuvchilar yoki aloqa obyektlariga boshqa huquqlar egalarining kadastr xizmatlari (vakolatli shaxslari)ning aloqa obyektlarining mavjudligi, miqdoriy va sifat holati, baholanishi va ulardan foydalanish toʻgʻrisidagi hisobotlarini oʻrganadi, tahlil qiladi va umumlashtiradi;

Oʻzbekiston Respublikasi hududida aloqa obyektlarining joylashish xaritasi tuzilishini taʼminlaydi;

manfaatdor yuridik va jismoniy shaxslar tomonidan kadastr axborotlaridan foydalanish tartibi va shartlarini belgilaydi;

DKYATga zarur kadastr axborotlarining tezkorlik bilan taqdim etilishini amalga oshiradi;

har oyning oxirida, belgilangan tartibda Oʻzbekiston Respublikasi Davlat soliq qoʻmitasi huzuridagi Kadastr agentligiga DKYAT maʼlumotlar bazasiga kiritish uchun aloqa obyektlarining holati va ulardan foydalanilishi toʻgʻrisidagi hisobotni taqdim etadi.

20. Aloqa obyektlari mulkdorlari/foydalanuvchilari yoki aloqa obyektlariga boshqa huquqlar egalarining kadastr xizmatlari (vakolatli shaxslari) Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining AODK xizmatiga kadastr obyektlarining geografik holati, huquqiy maqomi, miqdoriy tavsiflari va bahosi, shuningdek oʻtgan hisobot davri (oyi) mobaynida ularning holatidagi joriy oʻzgarishlar toʻgʻrisidagi axborotlarni har oyning 10 sanasiga qadar taqdim etishlari shart.

III. AODKni yuritish tartibi

21. AODKni yuritish aloqa obyektlarining barcha turlari roʻyxatini, ularning miqdor va sifat tavsiflarini hisobga olishni, iqtisodiy baholashni, shuningdek kadastr axborotlarini toʻplash, tahlil qilish, ishlash, tizimlashtirish, saqlash, yangilashni hamda ularni qonunchilikda belgilangan tartibda manfaatdor foydalanuvchilarga berishni oʻz ichiga oladi.

22. AODKni yuritishda shaharlararo aloqaning liniya inshootlari uchun yerlar faqat qurilish davrida ajratiladi. Aloqaning liniya inshootlaridan foydalanish jarayonida yerlardan foydalanish tartibi Oʻzbekiston Respublikasi Vazirlar Mahkamasining 1998-yil 15-maydagi 210-son qarori bilan tasdiqlangan Telekommunikatsiyalar liniyalari va inshootlarini muhofaza qilish qoidalari, boshqa normativ-huquqiy hujjatlar bilan belgilanadi.

23. Aloqa obyektlari roʻyxati ularning miqdor va sifat tavsiflarini hisobga olish hamda ekologik-iqtisodiy baholash uchun asos hisoblanadi.

24. Aloqa obyektlariga boʻlgan mulkdorlar yoki boshqa huquq egalari darajasida, oʻz aloqa obyektlarining barcha turlari boshlangʻich roʻyxatga kiritiladi. Bunda asosiy koʻrsatkichlar qayd etiladi, ushbu koʻrsatkichlarning tarkibi Oʻzbekiston Respublikasi Davlat soliq qoʻmitasi huzuridagi Kadastr agentligi bilan kelishgan holda Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan tasdiqlanadigan tegishli hujjatlar bilan belgilanadi. Roʻyxatga kiritish natijalari boʻyicha har qaysi obyekt uchun texnik pasport tuziladi.

25. Miqdor va sifat tavsiflarini asosiy hisobga olish hisobga qoʻyish vaqtida foydalanishga topshirilgan va faoliyat koʻrsatayotgan (sanoat maqsadida ishlatilayotgan) har qaysi aloqa obyekti boʻyicha amalga oshiriladi.

Aloqa obyektlari tavsiflaridagi keyingi oʻzgarishlar joriy hisobga olishda qayd etiladi.

26. Aloqa obyektlarining miqdor va sifat tavsiflarini hisobga olish ularning iqtisodiy, texnologik va ekologik belgilari boʻyicha klassifikatsiya qilishni oʻz ichiga oladi, ushbu belgilar tarkibi aloqa obyektlari davlat kadastrini yuritish boʻyicha hujjatlarda belgilanadi.

Aloqa obyektlarining miqdor va sifat tavsiflarini hisobga olish uchun Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan Oʻzbekiston Respublikasi Davlat soliq qoʻmitasi huzuridagi Kadastr agentligi bilan kelishgan holda kadastr axborotlarini taqdim etishning texnik parametrlari va hajmlari ishlab chiqiladi.

Hujjatli rasmiylashtirilgan va belgilangan tartibda tasdiqlangan hisobga olish axborotlari korxonaning elektron kadastr daftariga yoziladi va AODKning Aloqa obyektlarining geoaxborot tizimiga kiritiladi.

27. Aloqa obyektlarini iqtisodiy baholash soliq solish, xususiylashtirish va boshqa maqsadlar uchun har qaysi obyekt qiymatini baholash uchun amalga oshiriladi.

Aloqa obyektlarini iqtisodiy baholash ularning xususiyatlarini hisobga olgan holda, qonunchilikda belgilangan tartibda amalga oshiriladi.

Har qaysi aloqa obyekti boʻyicha baholash kadastr koʻrsatkichlari tizimi quyidagi natural (aloqa obyektining har qaysi turi uchun xos boʻlgan) va qiymat koʻrsatkichlari yigʻindisini oʻz ichiga oladi:

quvvat;

smeta qiymati;

balans qiymati;

ishlovchilarning son tarkibi;

ekologik koʻrsatkichlar;

obyektning texnik holati;

asosiy asbob-uskunalar va ularning texnik hamda maʼnaviy eskirganligi.

28. AODKni yuritish zimmasiga yuklangan vakolatli mansabdor shaxslar kadastr axborotlarining ishonchliligi va ularning DKYATga geoaxborot tizimi orqali oʻz vaqtida taqdim etilishi uchun javob berishadi.

Aloqa obyektlari davlat kadastrini yuritish tartibi toʻgʻrisidagi nizomga ILOVA

Aloqa obyektlari davlat kadastrini yuritish sxemasi

Davlat yer kadastri Bino va inshootlar davlat kadastri ↓ 2 Mulkdorlar/foydalanuvchilar yoki aloqa obyektlariga boshqa huquqlar egalarining kadastr xizmatlari (vakolatli shaxslari) 1 → Aloqa obyektlari davlat kadastri (AODK) 4 ← Davlat kadastrlari yagona tizimi (DKYAT) Foydalanuvchilar 6 → 5 ← Axborot texnologiyalari va kommunikatsiyalarini rivojlantirish vazirligi — AODK xizmati 3 → (Kadastr agentligi)

* Strelkalar bilan kadastr axborotlari harakati yoʻnalishi belgilangan.

1. Mulkdorlar/foydalanuvchilar yoki aloqa obyektlariga boshqa huquqlar egalarining kadastr xizmatlari (vakolatli shaxslari) AODK xizmatiga oʻz aloqa obyektlari toʻgʻrisidagi kadastr maʼlumotlarini taqdim etadilar.

3. AODK xizmati davlat yer kadastridan hamda binolar va inshootlar davlat kadastridan yer uchastkalari, bino va inshootlar toʻgʻrisidagi axborotlarni oladi.

4. AODK xizmati aloqa korxonalari obyekti AODKga kiritilgandan keyin kadastr axborotlarini Oʻzbekiston Respublikasi Davlat soliq qoʻmitasi huzuridagi Kadastr agentligining DKYAT maʼlumotlar bazasiga beradi.

5. AODK xizmati soʻrov boʻyicha Oʻzbekiston Respublikasi Davlat soliq qoʻmitasi huzuridagi Kadastr agentligining DKYAT maʼlumotlar bazasidan aloqa korxonalari obyektlari boʻyicha axborotlarni olishi mumkin.

6. AODK xizmati aloqa korxonalari obyektlari boʻyicha zarur axborotlarni mulkdorlar/foydalanuvchilar yoki aloqa obyektlariga boshqa huquqlar egalarining kadastr xizmatlari (vakolatli shaxslari)ga yuboradi.

7. DKYATdan foydalanuvchilar soʻrov boʻyicha “Yergeodezkadastr” davlat qoʻmitasining DKYAT maʼlumotlar bazasidan aloqa korxonalari obyektlari boʻyicha kadastr axborotlarini olishi mumkin.

Vazirlar Mahkamasining 2005-yil 30-iyundagi 152-son qaroriga 5-ILOVA

Energetika obyektlari davlat kadastrini yuritish tartibi toʻgʻrisida

NIZOM

I. Umumiy qoidalar

1. Energetika obyektlari davlat kadastri (EODK) “Davlat kadastrlari toʻgʻrisida”gi Oʻzbekiston Respublikasi Qonuniga, Oʻzbekiston Respublikasi Vazirlar Mahkamasining 2005-yil 16-fevraldagi 66-son qarori bilan tasdiqlangan Davlat kadastrlari yagona tizimi (DKYAT)ni yaratish va yuritish tartibi toʻgʻrisidagi nizomga, boshqa normativ-huquqiy hujjatlarga hamda ushbu Nizomga muvofiq yuritiladi.

2. EODK — bu energetika obyektlari, ularning jugʻrofiy holati, huquqiy maqomi, muhofaza zonalari, miqdor va sifat tavsiflari hamda iqtisodiy bahosi toʻgʻrisidagi yangilab boriladigan ishonchli maʼlumotlar tizimidir.

3. EODK DKYATning tarkibiy qismi hisoblanadi va energetika obyektlarini hisobga olish va baholash maqsadida yuritiladi.

4. Faoliyat koʻrsatayotgan va qurilayotgan gidravlik hamda issiqlik elektr stansiyalari, oʻz ichiga yordamchi stansiyalarni oladigan elektr tarmoqlari, “Oʻzbekenergo” davlat-aksiyadorlik kompaniyasi tarkibida jamlangan havo va kabel liniyalari hamda Oʻzbekiston Respublikasi hududida joylashgan, texnologik jarayonning yaxlitligi vositasida energiya tizimi bilan bogʻlangan boshqa energiya obyektlari EODK obyektlari hisoblanadi.

5. Energetika vazirligi EODKni yuritish boʻyicha vakolatli organ hisoblanadi.

6. EODK davlat hokimiyati va boshqaruv organlarini, “Oʻzbekenergo” davlat-aksiyadorlik kompaniyasini, manfaatdor yuridik va jismoniy shaxslarni energetika obyektlari toʻgʻrisidagi ishonchli kadastr maʼlumotlari bilan taʼminlash uchun moʻljallangan.

7. Quyidagilar EODKni yuritishning asosiy prinsiplari hisoblanadi:

Oʻzbekiston Respublikasi energetika obyektlarini toʻliq qamrab olish;

fazoviy koordinatalarining yagona tizimini va yagona topografik asosni qoʻllanish;

barcha obyektlar boʻyicha kadastr axborotlarini shakllantirish metodologiyasining yagonaligi;

kadastr axborotlarining ishonchliligi, koʻrgazmaliligi va hujjatliligi;

kadastr axborotlarining ochiqligi.

71. EODKga tegishli tematik qatlamlarning matematik asosi bazaviy kartografik asosning matematik asosiga muvofiq boʻlishi lozim hamda taqdim etilayotgan maʼlumotlar 1984-yilgi koordinatalar butunjahon geodeziya tizimida (WGS-84) boʻlishi zarur.

72. EODKga tegishli tematik qatlamlarni shakllantirishda vektorli obyektlarning (nuqtali, chiziqli va maydonli) oʻzaro bogʻliqligi va yondoshligi ularning fazoviy joylashuvini inobatga olgan holda tasvirlanadi.

8. EODKni yuritish energetika obyektlarini xatlovdan oʻtkazish, hisobga olish, baholash bilan taʼminlanadi hamda davlat yer kadastri kadastr maʼlumotlaridan va binolar va inshootlar davlat kadastri maʼlumotlaridan majburiy foydalanishni nazarda tutadi.

9. Energetika obyektlariga tegishli yer uchastkalari, binolar va inshootlarga boʻlgan huquqlarni davlat roʻyxatidan oʻtkazish vakolatli organlar tomonidan, koʻchmas mulkka boʻlgan huquqlarni roʻyxatdan oʻtkazish uchun belgilangan tartibda amalga oshiriladi.

10. Davlat yer kadastridan EODKga beriladigan, energetika obyektlariga tegishli yer uchastkalari toʻgʻrisidagi yer kadastri axborotlari maqsadli foydalaniladigan yerlar tuzilmasi, yer uchastkalariga boʻlgan huquqlarning davlat roʻyxatidan oʻtkazilishi (shu jumladan yerlardan foydalanishda servitutlarda belgilangan mavjud cheklashlar va taqiqlar toʻgʻrisidagi maʼlumotlar), yerlarning miqdori va sifati toʻgʻrisidagi maʼlumotlarga ega boʻlishi kerak.

11. Binolar va inshootlar davlat kadastridan EODKga beriladigan, energetika obyektlariga tegishli boʻlgan binolar va inshootlar toʻgʻrisidagi kadastr axborotlari ularning maqsadli foydalanilishi, huquqlarning davlat roʻyxatidan oʻtkazilishi, asosiy miqdor va sifat tavsiflari toʻgʻrisidagi maʼlumotlarga ega boʻlishi kerak.

12. EODKni yuritish geoaxborot tizimi orqali amalga oshiriladi.

13. Energetika obyektlari toʻgʻrisidagi tizimlashtirilgan kadastr axboroti DKYATga geoaxborot tizimi orqali integratsiya qilish yoʻli bilan real vaqt rejimida taqdim qilib boriladi.

14. EODKni yaratish va yuritish ishlarini moliyalashtirish Energetika vazirligi, “Issiqlik elektr stansiyalari”, “Oʻzbekgidroenergo” va “Hududiy elektr tarmoqlari” aksiyadorlik jamiyatlari mablagʻlari hisobiga amalga oshiriladi.

II. EODKni yuritishni tashkil etish

15. EODKni yuritish Energetika vazirligining quyidagi tarkibiy boʻlinmalari:

“Issiqlik elektr stansiyalari”, “Oʻzbekgidroenergo” va “Hududiy elektr tarmoqlari” aksiyadorlik jamiyatlari EODKni yaratish boʻyicha boʻlinmalari tomonidan amalga oshiriladi.

EODKni yuritish boʻyicha ishlarga umumiy rahbarlik qilish Energetika vazirligi tomonidan amalga oshiradi.

EODKni yuritishni metodik taʼminlashni Energetika vazirligi “Issiqlik elektr stansiyalari”, “Oʻzbekgidroenergo” va “Hududiy elektr tarmoqlari” aksiyadorlik jamiyatlari bilan birgalikda amalga oshiradi.

16. EODKni yuritish ushbu Nizomga ilovadagi sxemaga muvofiq amalga oshiriladi.

17. Energetika vazirligi “Issiqlik elektr stansiyalari”, “Oʻzbekgidroenergo” va “Hududiy elektr tarmoqlari” aksiyadorlik jamiyatlari bilan birgalikda:

energetika obyektlari davlat kadastrining avtomatlashtirilgan axborot tizimi EODK Geografik axborot tizimi (keyingi oʻrinlarda — GAT) joriy etilishini va faoliyat koʻrsatishini taʼminlaydi;

maʼlumotlar bazasi tuzilmasini ishlab chiqadi, uni energetika korxonalariga berishni amalga oshiradi, maʼlumotlar bazasi toʻldirilishining toʻgʻriligini nazorat qiladi;

EOKX kadastr xodimlarini EODK GAT bilan ishlashga oʻqitishni tashkil qiladi;

EOKXga taqdim etilgan kadastr axborotlarini tizimlashtirishni va ularni EODK GATga kiritishni amalga oshiradi;

yangi energetika obyektlari toʻgʻrisidagi hisobga olish va baholash axborotlari toʻplanishini nazorat qiladi;

kadastr axborotlarining DKYATga tezkorlik bilan berilishini amalga oshiradi.

Energetika vazirligi energetika obyektlarining holati va ulardan foydalanilishi toʻgʻrisidagi hisobotni DKYATga geoaxborot tizimi orqali real vaqt rejimida taqdim etadi.

18. “Issiqlik elektr stansiyalari”, “Oʻzbekgidroenergo” va “Hududiy elektr tarmoqlari” aksiyadorlik jamiyatlari:

energetika obyektlarining miqdor va sifat boʻyicha holatidagi joriy oʻzgarishlarni, ularning atrof muhitga taʼsirini, ekologik-iqtisodiy bahosini toʻplaydi va tizimlashtiradi;

energetika obyektlarining kadastr daftarlarini yuritadi, maʼlumotlar bazasini toʻldiradi va ularni tizimlashtirish hamda EODK GATga kiritish uchun Energetika vazirligining tegishli kadastr boʻlinmasiga beradi;

yangi energetika obyektlarini hisobga qoʻyadi, ular toʻgʻrisidagi hisobga olish va baholash axborotlarini toʻplaydi.

19. Energetika vazirligi tizimidan tashqarida faoliyat koʻrsatuvchi energetika obyektlari mulkdorlari (foydalanuvchilar) Energetika vazirligining “Issiqlik elektr stansiyalari”, “Oʻzbekgidroenergo” va “Hududiy elektr tarmoqlari” aksiyadorlik jamiyatlarining kadastr boʻlinmalariga kadastr obyektlarining geografik joylashuvi, huquqiy maqomi, miqdoriy tavsiflari va bahosi, shuningdek, ularning holatidagi joriy oʻzgarishlar toʻgʻrisidagi axborotlarni taqdim etishlari shart.

III. EODKni yuritish tartibi

20. EODKni yuritish energetika obyektlarining barcha turlari roʻyxatini, ularning miqdor va sifat tavsiflarini hisobga olishni, obyektlarni ekologik-iqtisodiy baholashni, shuningdek kadastr axborotlarini toʻplash, tahlil qilish, ishlash, tizimlashtirish, saqlash, yangilashni hamda ularni qonunchilikda belgilangan tartibda manfaatdor foydalanuvchilarga berishni oʻz ichiga oladi.

21. Energetika obyektlari roʻyxati ularning miqdor va sifat tavsiflarini hisobga olish hamda ularni ekologik-iqtisodiy baholash uchun asos hisoblanadi.

22. Energetika obyektlarining barcha turlari boshlangʻich roʻyxatga kiritiladi. Bunda asosiy koʻrsatkichlar qayd etiladi, ushbu koʻrsatkichlarning tarkibi Oʻzbekiston Respublikasi Davlat soliq qoʻmitasi huzuridagi Kadastr agentligi bilan kelishgan holda Energetika vazirligining “Issiqlik elektr stansiyalari”, “Oʻzbekgidroenergo” va “Hududiy elektr tarmoqlari” aksiyadorlik jamiyatlarining tegishli normativ hujjatlari bilan belgilanadi. Roʻyxatga kiritish natijalari boʻyicha har qaysi obyekt uchun pasport tuziladi.

23. Miqdor va sifat tavsiflarini asosiy hisobga olish hisobga qoʻyish vaqtida foydalanishga topshirilgan va faoliyat koʻrsatayotgan har qaysi energetika obyekti boʻyicha amalga oshiriladi.

Energetika obyektlari tavsiflaridagi keyingi oʻzgarishlar joriy hisobga olishda qayd etiladi.

24. Energetika obyektlarining miqdor va sifat tavsiflarini hisobga olish ularni iqtisodiy, texnologik va ekologik belgilari boʻyicha klassifikatsiya qilishni oʻz ichiga oladi, ularning tarkibi energetika obyektlari davlat kadastrini yuritish boʻyicha normativ hujjatlarda belgilanadi.

Energetika obyektlarining miqdor va sifat tavsiflarini hisobga olish uchun Energetika vazirligining “Issiqlik elektr stansiyalari”, “Oʻzbekgidroenergo” va “Hududiy elektr tarmoqlari” aksiyadorlik jamiyatlari tomonidan Oʻzbekiston Respublikasi Davlat soliq qoʻmitasi huzuridagi Kadastr agentligi bilan kelishgan holda kadastr axborotlarini taqdim etishning texnik parametrlari va formatlari ishlab chiqiladi.

Hisobga olish axborotlari korxonaning kadastr daftariga yoziladi va EODK GATga kiritiladi.

25. Energetika obyektlarini iqtisodiy baholash soliq solish, xususiylashtirish va boshqa maqsadlar uchun har qaysi obyekt qiymatini baholash uchun amalga oshiriladi.

Energetika obyektlarini iqtisodiy baholash ularning xususiyatlarini hisobga olgan holda, qonunchilikda belgilangan tartibda amalga oshiriladi.

26. Energetika obyektlari kadastr axborotlarining ishonchliligi uchun “Oʻzbekenergo” davlat-aksiyadorlik kompaniyasining EODKni yuritishni amalga oshiruvchi tarkibiy boʻlinmalari rahbarlari javob berishadi.

Energetika obyektlari davlat kadastrini yuritish tartibi toʻgʻrisidagi nizomga ILOVA

Energetika obyektlari davlat kadastrini yuritish

SXEMASI

Izoh: Strelkalar bilan kadastr axboroti harakati yoʻnalishlari belgilangan.

1. Energetika vazirligi tizimidan tashqarida mavjud boʻlgan energetika obyektlarining egalari (foydalanuvchilar) Energetika vazirligi, EODKni yaratish va yuritishga tegishli toifalariga masʼul boʻlinmalariga kadastr obyektlarining geografik joylashuvi, huquqiy maqomi, miqdor tavsiflari va baholanishi, shuningdek, ular holatining joriy oʻzgarishlari toʻgʻrisidagi axborotni korxonalarining tegishli kadastr boʻlinmalariga taqdim etadilar.

2. Energetika vazirligining EODKni yuritish uchun masʼul tarkibiy boʻlinmalari ushbu obyektlarning egalari va foydalanuvchilardan boʻlgan energetika obyektlari boʻyicha kadastr axborotlarini toʻplaydilar, oʻz hududlari doirasida kadastr ishini shakllantiradilar, ularni Energetika vazirligining EODKni umumlashtirish uchun masʼul energetika obyektlari xizmati (EOKX)ga taqdim etadilar.

3. Energetika vazirligining EODKni umumlashtirish uchun masʼul EOKX davlat yer kadastridan hamda binolar va inshootlar davlat kadastridan yer uchastkalari, binolar va inshootlar toʻgʻrisidagi axborotni oladi.

4. Energetika vazirligining EODKni umumlashtirish uchun masʼul EODK xizmati energetika obyekti axborotlarini EODKga kiritilgandan keyin umumlashtirilgan EODKdagi kadastr maʼlumotlarini Oʻzbekiston Respublikasi Davlat soliq qoʻmitasi huzuridagi Kadastr agentligining DKYATga geoaxborot tizimi orqali integratsiya qilish yoʻli bilan real vaqt rejimida taqdim qilib boradi.

5. Energetika vazirligining EODKni umumlashtirish uchun masʼul EOKX energetika obyekti axborotlarini soʻrov boʻyicha Oʻzbekiston Respublikasi Davlat soliq qoʻmitasi huzuridagi Kadastr agentligi DKYATning maʼlumotlar bazasidan olishi mumkin.

6. Energetika vazirligining EODKni umumlashtirish uchun masʼul EOKX Energetika vazirligi tizimidagi EODKni yurituvchi vakolatli tashkilotlarga yetkazib berish quvurlari obyekti zarur axborotlarni Energetika vazirligining EODKni yuritish uchun masʼul tarkibiy boʻlinmalariga yuboradi.

7. DKYATdan foydalanuvchilar soʻrov boʻyicha Oʻzbekiston Respublikasi Davlat soliq qoʻmitasi huzuridagi Kadastr agentligining DKYAT maʼlumotlar bazasidan energetika obyektlari boʻyicha kadastr axborotlarini olishi mumkin.

1. “Oʻzbekenergo” davlat-aksiyadorlik kompaniyasi tizimida hamda uning tizimidan tashqarida faoliyat koʻrsatadigan energetika obyektlari mulkdorlari/foydalanuvchilari energetika obyektlari boʻyicha kadastr axborotlarini EOKXga taqdim etadilar.

2. EOKX ushbu obyektlar mulkdorlari va foydalanuvchilaridan energetika obyektlari boʻyicha kadastr axborotlarini toʻplaydi, oʻz hududlari doirasida kadastr ishini shakllantiradi, energetika obyektlari boʻyicha axborotlarni “Oʻzbekenergo” davlat-aksiyadorlik kompaniyasining “Oʻzenergosozlash” unitar korxonasi kadastr xizmatiga beradi.

3. “Oʻzbekenergo” davlat-aksiyadorlik kompaniyasining “Oʻzenergosozlash” unitar korxonasi kadastr xizmati davlat yer kadastridan hamda binolar va inshootlar davlat kadastridan yer uchastkalari, bino va inshootlar toʻgʻrisidagi axborotlarni oladi.

4. “Oʻzbekenergo” davlat-aksiyadorlik kompaniyasining “Oʻzenergosozlash” unitar korxonasi kadastr xizmati energetika obyekti EODKga kiritilgandan keyin kadastr axborotlarini “Yergeodezkadastr” davlat qoʻmitasining DKYAT maʼlumotlar bazasiga beradi.

5. “Oʻzbekenergo” davlat-aksiyadorlik kompaniyasining “Oʻzenergosozlash” unitar korxonasi kadastr xizmati soʻrov boʻyicha “Yergeodezkadastr” davlat qoʻmitasining DKYAT maʼlumotlar bazasidan energetika obyektlari boʻyicha axborotlarni olishi mumkin.

6. “Oʻzbekenergo” davlat-aksiyadorlik kompaniyasining “Oʻzenergosozlash” unitar korxonasi kadastr xizmati energetika obyektlari boʻyicha zarur axborotlarni EOKXga yuboradi.

7. DKYATdan foydalanuvchilar soʻrov boʻyicha “Yergeodezkadastr” davlat qoʻmitasining DKYAT maʼlumotlar bazasidan energetika obyektlari boʻyicha kadastr axborotlarini olishi mumkin.

Vazirlar Mahkamasining 2005-yil 30-iyundagi 152-son qaroriga 6-ILOVA

Tabiiy xavf yuqori boʻlgan zonalar davlat kadastrini yuritish tartibi toʻgʻrisida

NIZOM

I. Umumiy qoidalar

1. Tabiiy xavf yuqori boʻlgan zonalar davlat kadastri (TXYUZDK) “Davlat kadastrlari toʻgʻrisida”gi Oʻzbekiston Respublikasi Qonuniga, Oʻzbekiston Respublikasi Vazirlar Mahkamasining 2005-yil 16-fevraldagi 66-son qarori bilan tasdiqlangan Davlat kadastrlari yagona tizimi (DKYAT)ni yaratish va yuritish tartibi toʻgʻrisidagi nizomga, boshqa normativ-huquqiy hujjatlarga hamda ushbu Nizomga muvofiq yuritiladi.

2. TXYUZDK DKYATning tarkibiy qismi hisoblanadi va tizimli kuzatishlar, tadqiqotlar hamda axborotlar toʻplash natijalari boʻyicha tayyorlanadigan, doimo yangilab boriladigan va zarurat boʻlganda aniqlashtiriladigan tabiiy xavf yuqori boʻlgan zonalar (TXYUZ)ning unifikatsiya qilingan tavsiflari va tasvirlari toʻplamidan, har yili roʻy bergan xavfli tabiiy hodisalar toʻgʻrisidagi maʼlumotlar toʻplamidan iborat boʻladi.

3. TXYUZDK kadastr obyektlarini hisobga olishni, ularning holatini va roʻy bergan xavfli tabiiy (geologik, gidrometerologik) jarayonlar (hodisalar) oqibatlarini baholashni taʼminlash maqsadida yuritiladi.

4. TXYUZDKni yuritish quyidagi vakolatli organlar:

xavfli geologik jarayonlar roʻy beradigan zonalar (XGJRZ) boʻyicha — Davlat geologiya qoʻmitasining “Oʻzbekgidrogeologiya” davlat geologiya korxonasi tomonidan;

seysmik xavf yuqori boʻlgan zonalar (SXYUZ) boʻyicha — SXYUZ boʻyicha kadastr axborotlarini tayyorlash va realizatsiya qilish (seysmologiya xulosalari, ularni ekspertizadan oʻtkazish, davriy baholash, mufassal tadqiq etish) uchun yagona masʼul boʻlgan Oʻzbekiston Respublikasi Fanlar akademiyasining Seysmologiya instituti tomonidan;

gidrometerologiya hodisalari xavfi yuqori boʻlgan zonalar (GMOʻXYUZ) boʻyicha — “Oʻzgidromet” markazi tomonidan amalga oshiriladi.

5. TXYUZDKni yuritish:

kadastr axborotlarini toʻplash, tizimlashtirish, saqlash, hisobga olish va baholash;

DKYATga kiritish uchun har yilgi axborot hisobotlarini tuzish;

foydalanuvchilarni TXYUZDK boʻlimlarini yuritish boʻyicha vakolatli vazirliklar va idoralar tomonidan belgilangan tartibda kadastr axborotlari bilan taʼminlash yoʻli bilan amalga oshiriladi.

6. Kadastr obyektlarini hisobga olish toʻgʻrisidagi, har yili — roʻy bergan xavfli tabiiy jarayonlar, ularning miqdor va sifat tavsiflari, roʻy bergan quyidagi xavfli tabiiy jarayonlar, (hodisalar) oqibatlari toʻgʻrisidagi muntazam ravishda yangilab va toʻldirib boriladigan maʼlumotlar TXYUZDKning asosini tashkil qiladi:

xavfli geologik jarayonlar roʻy beradigan zonalarda — XGJRZ (zilzilalar, koʻchkilar, yemirilishlar, choʻkishlar, oʻpirilishlar, suffoziyalar, karstlar va boshqalar);

gidrometerologiya hodisalari xavfi yuqori boʻlgan zonalarda — GMOʻXYUZ (suv toshqinlari, sellar, qor koʻchkilari, kuchli shamollar, jalalar, qurgʻoqchilik, suv bosishi va boshqalar).

7. Quyidagilar TXYUZDKning asosiy prinsiplari hisoblanadi:

Oʻzbekiston Respublikasining butun hududini qamrab olish;

koordinatalarning yagona tizimini va yagona topografiya asoslarini qoʻllanish;

hisobga olish yagona tizimini, kadastr axborotlarini ishlash va taqdim etish metodikasini qoʻllanish;

avtomatlashtirilgan geoaxborot texnologiyalarini qoʻllanish;

maʼlumotlarning ishonchliligi va koʻrgazmaliligi, kadastr axborotlarini har yili toʻldirib va yangilab borish;

kadastr axborotlarining ochiqligi.

8. TXYUZDKni yaratish va yuritish bilan bogʻliq ishlar tegishli vazirliklar va idoralarga maqsadli foydalanish uchun ajratiladigan davlat budjeti mablagʻlari hisobiga moliyalashtiriladi.

II. TXYUZDK obyektlari

9. Quyidagilar TXYUZDK obyektlari hisoblanadi:

XGJRZ boʻyicha — xavfli geologik jarayonlar roʻy berish zonasi (daryolar havzasi) elementlari – xavfli geologiya jarayonlari rivojlanadigan kichik zonalar (soy havzasi), uchastkalar;

SXYUZ boʻyicha —zilzila markazlari paydo boʻlishi muqarrar zonalar (seysmogen zonalar) va turlicha toifadagi seysmik taʼsir zonalari;

GMHXYUZ boʻyicha — xavfli gidrometeorologiya hodisalari roʻy berish zonalari (daryolar havzasi), elementlari — xavfli gidrometeorologiya hodisalari rivojlanadigan kichik zonalar.

Quyidagilar hisobga olishning boshlangʻich hududiy birligi hisoblanadi;

XGJRZ boʻyicha — 1,0 ming kub metrdan ortiq hajmli xavfli geologiya jarayonlarining nomuntazam roʻy berishi. Shuningdek kadastr obyektlari doirasida xavfli geologiya jarayonlariga har yili duch keladigan maydon ham hisobga olinadi. Grafik hisobga olish belgilangan shartli belgilardan foydalangan holda 1:25000 va 1:200000 masshtabli topografiya xaritalarida amalga oshiriladi;

SXYUZ boʻyicha — zilzilalar roʻy beradigan zona va 25 kv. km maydondagi turlicha toifada taʼsir koʻrsatish zonasi hududi. Shuningdek seysmogen zonadan tashqarida zilzilalar roʻy berganda, yaʼni silkinish zonasida yoki seysmik xavf ancha past boʻlgan zonada zilzila roʻy berganda seysmik xavfning yuqori toifasiga oʻtadigan maydonlar ham hisobga olinadi. Seysmik xavfli zonalarni aks ettirish uchun kartografiya materiallari belgilangan tegishli shartli belgilardan foydalangan holda 1:1000000 yoki 1:500000 va 1:200000 (ayrim hududlar uchun) masshtabda tuziladi.

GMHXYUZ boʻyicha — xavfli gidrometeorologiya hodisalari sodir boʻladigan zona hududi, daryo havzasi (yuqori, oʻrta, quyi oqim), togʻ massivi (yonbagʻir ekspozitsiyasi). Xavfli gidrometeorologiya zonalarini aks etirish uchun kartografiya materiallari belgilangan tegishli shartli belgilardan foydalangan holda 1:1000000 yoki 1:500000 va 1:200000 (ayrim hududlar uchun) masshtabda tuziladi.

III. TXYUZDK maʼlumotlari tarkibi

10. TXYUZDK maʼlumotlari tarkibiga quyidagilardan iborat boʻlgan hisobga olish va baholash axborotlari kiradi:

XGJRZ boʻyicha:

kadastr obyektining (xavfli geologiya jarayonlari roʻy berish zonasi) va kadastr obyekti elementlarining (kichik zona va uchastka) nomi;

kadastr nomeri (soy havzasi, xavfli geologiya jarayonlari — XGJ rivojlanish uchastkasi);

kadastr obyektining, rivojlanishi mumkin boʻlgan va har yili XGJ bilan zararlanadigan maydon hajmlari;

joylashgan oʻrni (XGJ roʻy bergan joy, maʼmuriy manzili, koordinatalari);

XGJning rivojlanish turlari (koʻchkilar, oʻpirilishlar, choʻkishlar, yemirilishlar, suffiziyalar va karstlar);

xavfli geologiya jarayonlari roʻy berish zonasida joylashgan obyektlar roʻyxati;

xavfli geologiya jarayonlari yetkazgan zarar toʻgʻrisidagi maʼlumotlar;

1:25000 masshtabli xavfli geologiya jarayonlari roʻy berish zonalarining kadastr xaritalari (hisobdagi, operativ) hamda qogʻoz va elektron manbalardagi 1:200000 masshtabli kadastr obyektlari xaritalari;

SXYUZ boʻyicha:

kadastr obyektining nomi —turlicha toifali seysmik xavfli zonalar, kadastr obyekti elementlari — seysmogen zonalar, toifalar boʻyicha tabaqalashtirilgan seysmik taʼsirning seysmogenlararo maydonlari, kuchli zilzilalar markazi (pleystoseyst) hududlari;

seysmogen zonalarning, seysmik xavf toifalari boʻyicha seysmik taʼsirning seysmogenlararo maydonlari kadastr nomeri;

seysmogen zonalarning va seysmik taʼsir zonalarining xarakterli taʼsirlari (kengligi va uzunligi) bilan belgilanadigan kadastr obyekti hajmlari;

yuqori seysmik xavfning rivojlanish turlari (seysmogen zonalar doirasida kuchli zilzilalarning takrorlanuvchanligi, muayyan maydonda silkinishlar takrorlanuvchanligining muqarrarlik bahosi);

yuqori seysmik xavf zonalaridagi obyektlar roʻyxati;

yuqori seysmik xavf yetkazgan zarar toʻgʻrisidagi maʼlumotlar (ijtimoiy, iqtisodiy, ekologik);

ayrim hududlar uchun 1:1000000, 1:500000, 1:200000 masshtabli tabiiy xavf yuqori boʻlgan seysmik zonalarning qogʻoz va elektron manbalardagi kadastr xaritalari;

GMHXYUZ boʻyicha:

kadastr obyektining (gidrometerologiya hodisalarining yuqori xavfli zonalari, daryolar havzasi, tizmatogʻ yonbagʻirlari, kotlovina), kadastr obyekti elementlari (kichik zona — soy havzasi, yonbagʻir joylashuvi, gidrometerologiya xavfining roʻy berish uchastkasi) nomi;

kadastr nomeri (daryo va soy havzasi, tizmatogʻ yonbagʻiri, kotlovina boʻyicha);

joylashgan oʻrni (maʼmuriy manzili, xavfli gidrometeorologiya hodisasi roʻy berish uchastkasi);

xavfli gidrometeorologiya hodisasining turlari (tavsifi);

paydo boʻlishining asosiy sabablari;

xavfli gidrometeorologiya hodisalarining roʻy berish zonasida joylashgan obyektlar roʻyxati;

xavfli gidrometeorologiya hodisalari yetkazgan zarar toʻgʻrisidagi maʼlumotlar;

xavfli gidrometeorologiya hodisalari roʻy berish zonalarining qogʻoz va elektron manbalardagi 1:25000, 1:200000 masshtabli kadastr xaritalari.

IV. TXYUZDKni har yili baholash

11. TXYUZDKni har yili baholash mazmuni quyidagilardan iborat boʻladi:

yer yuzasining amalda zararlanishini baholash;

xavfli tabiiy jarayonlar va hodisalar roʻy berishi intensivligini baholash;

xavfli tabiiy jarayonlar va hodisalar roʻy berishidan ijtimoiy, moddiy va ekologik sohalarda koʻrilgan zararni baholash.

V. Kadastr hujjatlari

12. Quyidagilar kadastr hujjatlarining asosiy turlari hisoblanadi:

obyektning kadastr ishi (tabiiy xavf yuqori zona pasporti);

kadastr xaritalari (1:25000 masshtabli hisob xaritalari, 1:200000 masshtabli kadastr xaritalari, seysmik rayonlashtirish (OSR, DSR) va seysmogen zonalarning 1:1000000, 1:500000, 1:200000 masshtabli xaritalari);

kadastr daftari (boshlangʻich kadastr axborotlari shakllari);

kadastr obyektlarining holati toʻgʻrisidagi hisobot.

Kadastr hujjatlari qogʻoz, elektron va boshqa manbalarda tuziladi.

VI. Kadastr maʼlumotlarini berish tartibi

13. TXYUZDK boʻyicha maʼlumotlar “Yergeodezkadastr” davlat qoʻmitasiga vakolatli organlar tomonidan har yili hisobot yilidan keyingi yilning 1-yanvarigacha boʻlgan holatga koʻra, “Yergeodezkadastr” davlat qoʻmitasi bilan kelishilgan shakl boʻyicha va muddatlarda beriladi.

14. TXYUZDKni yuritish ushbu Nizomga ilovadagi sxemaga muvofiq amalga oshiriladi.

15. XGJRZ boʻyicha Davlat geologiya qoʻmitasi “Yergeodezkadastr” davlat qoʻmitasiga DKYAT maʼlumotlar bazasiga kiritish uchun XGJ roʻy berishi toʻgʻrisida quyidagi yigʻma axborotlarni taqdim etadi:

xavfli zonalarning nomi;

xavfli geologiya jarayonlari roʻy beradigan zonalar va zararlanishi mumkin boʻlgan maydonlarning hajmlari;

joylashgan oʻrni (sodir boʻlgan joy: viloyat, tuman, koordinatalar, egallagan maydoni);

xavfli geologiya jarayonlari rivojlanishining eng koʻp turi;

xavfli geologiya jarayonlari taʼsir koʻrsatadigan zonada joylashgan obyektlar roʻyxati;

xavfli geologiya jarayonlari roʻy berish zonalarining 1:200000 masshtabli joylashish sxemasi.

16. SXYUZ boʻyicha Oʻzbekiston Respublikasi Fanlar akademiyasining Seysmologiya instituti “Yergeodezkadastr” davlat qoʻmitasiga DKYAT maʼlumotlar bazasiga kiritish uchun hududning seysmik xavfliligi toʻgʻrisida quyidagi yigʻma axborotlarni taqdim etadi:

seysmik xavfli zonalarning nomi;

seysmik xavfli zonalarning makondagi holati va xarakterli hajmlari;

seysmik xavflilikning eng koʻp turi (paydo boʻlish zonalari, silkinish zonalari, har xil turdagi seysmik joylashuv holati);

zilzilalar katalogi;

kuchli zilzilalar markazlari (pleystoseys);

seysmogen zonalar va seysmik silkinishlar taʼsir koʻrsatadigan zonalarning 1:1000000 masshtabli hamda ayrim hududlar uchun 1:500000, 1:200000 masshtabli joylashish xaritalari.

17. GMHXYUZ boʻyicha “Oʻzgidromet” markazi “Yergeodezkadastr” davlat qoʻmitasiga DKYAT maʼlumotlar bazasiga kiritish uchun xavfli gidrometerologiya hodisalari paydo boʻlishi mumkin boʻlgan zonalar toʻgʻrisida quyidagi yigʻma axborotlarni taqdim etadi:

xavfli zonalarning nomi;

joylashgan oʻrni (viloyat, tuman);

gidrometeorologiya hodisalarining eng koʻp turi;

xavfli gidrometeorologiya hodisalarining vujudga kelish zonalarining va zararlanishi mumkin boʻlgan maydonning hajmlari;

1:200000 masshtabli kadastr xaritalari (xavfli gidrometeorologiya hodisalari paydo boʻlishi mumkin boʻlgan zonalar hisobi);

xavfli gidrometeorologiya hodisalari taʼsir koʻrsatadigan zonada joylashgan obyektlar roʻyxati.

18. TXYUZ kadastr axborotlarining ishonchliligi uchun TXYUZDKni yuritish zimmasiga yuklangan vakolatli organlarning mansabdor shaxslari javob beradilar.

Tabiiy xavf yuqori boʻlgan zonalar davlat kadastrini yuritish tartibi toʻgʻrisidagi nizomga ILOVA

Tabiiy xavf yuqori boʻlgan zonalar davlat kadastrini yuritish sxemasi

1. Hududiy boʻlinmalar va vakolatli tashkilotlar xizmatlari TXYUZ boʻyicha kadastr axborotlarini toʻplaydi.

2. Vakolatli tashkilotlar — Davlat geologiya qoʻmitasining “Oʻzbekgidrogeologiya” DGK, Fanlar akademiyasining Seysmologiya instituti, “Oʻzgidromet” markazi TXYUZ boʻyicha kadastr axborotlarini umumlashtiradilar va “Yergeodezkadastr” davlat qoʻmitasining DKYAT maʼlumotlar bazasiga beradi.

3. Vakolatli tashkilotlar — Davlat geologiya qoʻmitasining “Oʻzbekgidrogeologiya” DGK, Fanlar akademiyasining Seysmologiya instituti, “Oʻzgidromet” markazi soʻrov boʻyicha “Yergeodezkadastr” davlat qoʻmitasining DKYAT maʼlumotlar bazasidan TXYUZ boʻyicha kadastr axborotlarini olishlari mumkin.

4. DKYATdan foydalanuvchilar soʻrov boʻyicha “Yergeodezkadastr” davlat qoʻmitasining DKYAT maʼlumotlar bazasidan TXYUZ boʻyicha kadastr axborotlarini olishlari mumkin.

Vazirlar Mahkamasining 2005-yil 30-iyundagi 152-son qaroriga 7-ILOVA

Texnogen xavf yuqori boʻlgan zonalar davlat kadastrini yuritish tartibi toʻgʻrisida

NIZOM

I. Umumiy qoidalar

1. Texnogen xavf yuqori boʻlgan zonalar davlat kadastri (TXYUZDK) “Davlat kadastrlari toʻgʻrisida”gi Oʻzbekiston Respublikasi Qonuniga, Oʻzbekiston Respublikasi Vazirlar Mahkamasining 2005-yil 16-fevraldagi 66-son qarori bilan tasdiqlangan Davlat kadastrlari yagona tizimi (DKYAT)ni yaratish va yuritish tartibi toʻgʻrisidagi nizomga, boshqa normativ-huquqiy hujjatlarga hamda ushbu Nizomga muvofiq yuritiladi.

2. TXYUZDK DKYATning tarkibiy qismi hisoblanadi va tizimli kuzatishlar, oʻlchashlar, tadqiqotlar hamda axborotlar toʻplash natijalari boʻyicha tayyorlanadigan texnogen xavf yuqori boʻlgan zonalar (TXYUZ)ning unifikatsiya qilingan qisqacha tavsiflari va tasvirlari toʻplamidan iborat boʻladi.

3. TXYUZDK kadastr obyektlarini hisobga olishni, ularning holatini va roʻy bergan xavfli texnogen hodisalar oqibatlarini baholash maqsadida yuritiladi.

4. TXYUZDKni yuritish TXYUZni xatlovdan oʻtkazish, uning tavsiflari va parametrlarini baholash, kadastr axborotlarini hujjatlashtirish, hisobga olish hamda undan texnogen avariyalar va halokatlarni oldini olish boʻyicha profilaktika va ogohlantirish choralarini oʻz vaqtida va samarali amalga oshirish, ular vujudga kelgan taqdirda esa — ularni tezkorlik bilan mahalliylashtirish va bartaraf etishni taʼminlash orqali taʼminlanadi.

5. Oʻzbekiston Respublikasining “Xavfli ishlab chiqarish obyektlarining sanoat xavfsizligi toʻgʻrisida”gi Qonuniga muvofiq belgilangan xavfli ishlab chiqarish obyektlarida roʻy berishi mumkin boʻlgan texnogen hodisalar (yongʻinlar, portlashlar, xavfli zararli moddalarni tashqariga chiqarish, binolar, inshootlar, texnik qurilmalar va shu kabilar) zonalari hamda:

a) radioaktiv moddalar va materiallar ishlab chiqariladigan, ulardan foydalaniladigan, ular qayta ishlanadigan, hosil boʻladigan, saqlanadigan, tashiladigan, yoʻq qilib tashlanadigan obyektlar;

b) barcha turdagi sanoat elektr qurilmalari qoʻllanadigan obyektlar;

v) gidrotexnika inshootlaridan, shu jumladan yirik korxonalar chiqindixonalari va tindirgichlaridan foydalaniladigan obyektlar;

g) ionli nurlanishlar manbalaridan foydalaniladigan obyektlar;

d) favqulodda vaziyatlarga (suv, gaz, issiqlik va elektr energiyasi taʼminotining toʻxtab qolishiga, uy-joy massivlarini suv bosishiga, kanalizatsiya va suvni tozalash tizimlarining ishdan chiqishiga) olib keluvchi buzilishlar (zararlanishlar) sodir boʻlishi mumkin boʻlgan obyektlar TXYUZDK obyektlari hisoblanadi.

6. TXYUZDKni yuritish quyidagi boʻlinmalar tomonidan:

ushbu Nizomning 5-bandida koʻrsatilgan obyektlardan foydalanadigan tashkilotlar tomonidan,

ishlab chiqarish obyektlarida, portlash-yongʻin chiqishi va radiatsiya xavfi mavjud boʻlgan obyektlarda avariya hollari sodir boʻlishi mumkin boʻlgan yuqori xavfli zonalar boʻyicha — Oʻzbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi, uning inspeksiyalari va hududiy boshqarmalarining Texnogen xavf yuqori boʻlgan zonalarning bosh kadastr markazi (keyingi oʻrinlarda TXYUZ BKM deb ataladi) tomonidan;

odamlarni evakuatsiya qilishni yoki koʻchirishni talab qiladigan xavf yuqori boʻlgan zonalar boʻyicha — Oʻzbekiston Respublikasi Favqulodda vaziyatlar vazirligining Texnogen xavf yuqori boʻlgan zonalarning kadastr markazi tomonidan;

portlash va yongʻin chiqishi xavfi yuqori boʻlgan zonalar (obyektlar) boʻyicha —Oʻzbekiston Respublikasi Favqulodda vaziyatlar vazirligining TXYUZ KM tomonidan;

kuchli taʼsir qiluvchi zaharli ximikatlar, pestsidlar, radioizotop buyumlar, radioaktiv va boshqa moddalarni ishlab chiqarish, qayta ishlash, saqlash va ulardan foydalanish obyektlari boʻyicha — Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi, hududiy boshqarmalari va ularning boʻlimlari TXYUZ KM tomonidan;

togʻ-kon tarmogʻida, geologiya, neft va gaz tarmogʻida geologiya-qidiruv ishlari, foydali qazilmalarni qazib olish, konchilik, qattiq foydali qazilmalarni qayta ishlash hamda portlatish ishlarida xavfi yuqori boʻlgan zonalar (obyektlar) boʻyicha — Togʻ-kon sanoati va geologiya vazirligi huzuridagi Togʻ-kon sanoati va geologiya sohasini nazorat qilish inspeksiyasi, uning inspeksiyalari va hududiy boshqarmalari tomonidan;

yadro fizikasi korxonalarida radiatsiya xavfi yuqori boʻlgan zonalar boʻyicha — Oʻzbekiston Respublikasi Fanlar akademiyasi Yadro fizikasi institutining TXYUZ KM tomonidan amalga oshiriladi.

7. TXYUZ BKM TXYUZDKni yuritishni muvofiqlashtiradi.

8. Quyidagilar TXYUZDKni yuritishning asosiy prinsiplari hisoblanadi:

TXYUZ bilan respublikaning butun hududini qamrab olishning toʻliqligi;

kadastr axborotlarining ishonchliligi, koʻrgazmaliligi va hujjatliligi;

barcha obyektlar boʻyicha kadastr axborotlarini shakllantirish va ularni har yili yangilab borish metodologiyasining yagonaligi;

makon koordinatalari yagona tizimini va yagona topografiya asoslarini qoʻllanish;

kadastr axborotlarining ochiqligi.

9. Quyidagilar TXYUZDKning asosiy vazifalari hisoblanadi:

TXYUZ toʻgʻrisidagi axborotlarni toʻplash, tahlil qilish, ishlash, hisobga olish, tizimlashtirish, saqlash, yangilab borish;

TXYUZ pasportlarini tuzish va yuritish;

kadastr daftarini yuritish, TXYUZ kadastr rejalarini va xaritalarini tuzish;

davlat hokimiyati va boshqaruv organlarini, manfaatdor yuridik va jismoniy shaxslarni zarur kadastr axborotlari bilan qonunchilikda belgilangan tartibda taʼminlash.

10. TXYUZDKni yuritish boʻyicha ishlar davlat budjeti mablagʻlari va qonunchilikda taqiqlanmagan boshqa manbalar hisobiga moliyalashtiriladi.

II. TXYUZDKni yuritishni tashkil etish

11. TXYUZDK tegishli vakolatli organlarning rahbarlari tomonidan tasdiqlanadigan dasturlar va jadvallar asosida yuritiladi, ularda kuzatishlar, TXYUZning boshlangʻich va joriy kadastr axborotlarini toʻplash, ishlash, tadqiqotlar tartibi belgilanadi.

12. Ushbu Nizomning 5-bandida koʻrsatilgan obyektlardan foydalanuvchi tashkilotlar:

obyektlarni identifikatsiya qiladi;

boshlangʻich va joriy kadastr axborotlarini hamda TXYUZning miqdor va sifat boʻyicha holatidagi, iqtisodiy baholashdagi, ularning atrof muhitga taʼsir koʻrsatishidagi oʻzgarishlarni toʻplash va tizimlashtirishni amalga oshiradi.

TXYUZ kadastr daftarlarini yuritadi, maʼlumotlar bazasini toʻldiradi va ularni tizimlashtirish hamda TXYUZDK AATga kiritish uchun TXYUZDK BKMga beradi;

TXYUZ kadastr pasportlarini ishlab chiqadi;

oʻzgarishlarni kadastr pasportlariga oʻz vaqtida kiritishni taʼminlaydi;

yangi TXYUZlar hisobini yuritadi, ular toʻgʻrisidagi baholash axborotlarini toʻplaydi;

kadastr axborotlarining ishonchliligi va ularning TXYUZDK AATga kiritish uchun oʻz vaqtida taqdim etilishi uchun javob beradi.

13. Har qaysi TXYUZ uchun Oʻzbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi bilan kelishgan holda belgilangan namunadagi kadastr pasporti rasmiylashtiriladi va tasdiqlanadi.

14. Quyidagilar obyektning kadastr pasportini tuzish uchun boshlangʻich maʼlumotlar hisoblanadi:

oʻz kuzatishlari, oʻlchashlari va tadqiqotlari natijalari boʻyicha olinadigan maʼlumotlar;

sanitariya-texnika pasportlari, sanoat xavfsizligi deklaratsiyasi, ishlab chiqarish-texnika, konstruktorlik, texnologik, foydalanish hujjatlari;

TXYUZ toʻgʻrisida korxonalar, tashkilotlar va boshqa rasmiy manbalardan olinadigan axborotlar.

15. Kadastr pasportlarini ishlab chiqqan vakolatli organlar 5 kun muddatda ularning nusxalaridan bir nusxadan:

TXYUZ BKMga;

TXYUZ BKMning tegishli mintaqaviy boʻlinmasiga;

TXYUZ KMga;

TXYUZ KMning tegishli mintaqaviy boʻlinmasiga taqdim etadi.

16. TXYUZ BKM va TXYUZDK KM vakolati boʻyicha kadastr pasportlarini tekshiradi hamda tegishli roʻyxatdan oʻtkazish axborotlarini va boshqa asosiy axborotlarni kadastr daftariga yozib qoʻyadi.

17. TXYUZ BKM har yili DKYATga kiritish uchun hisobot yilidan keyingi yilning 1-martigacha Oʻzbekiston Respublikasi Iqtisodiyot va moliya vazirligi huzuridagi Kadastr agentligiga zarur kadastr axborotlarini taqdim etadi. Kadastr maʼlumotlarini taqdim etish shakli va ularning hajmi Oʻzbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi tomonidan tasdiqlanadi va Iqtisodiyot va moliya vazirligi huzuridagi Kadastr agentligi bilan kelishiladi.

III. TXYUZDKni yuritish tartibi

18. TXYUZDK texnogen xavf yuqori (TXYU) boʻlgan hodisalarning roʻy berishi mumkin boʻlgan har qaysi zonasi yoki markazi boʻyicha maʼlumotlarga ega boʻladi.

19. TXYUZDKni yuritish ushbu Nizomga ilovadagi sxemaga muvofiq amalga oshiriladi.

20. Quyidagilar TXYUZDKning tarkibiy qismlari hisoblanadi:

obyektlarni identifikatsiya qilish va TXYU hodisalar roʻy berishi mumkin boʻlgan zonalarni roʻyxatdan oʻtkazish;

TXYUZning miqdor va sifat tavsiyalarini hisobga olish;

TXYUZni iqtisodiy, ekologik va ijtimoiy baholash.

21. TXYUZning kadastr axborotlari quyidagilardan iborat boʻladi:

TXYUZning roʻy berishi mumkin boʻlgan turi koʻrsatilgan holda kadastr obyektining nomi;

TXYUZning joylashgan oʻrni;

TXYU hodisalarni vujudga keltiradigan obyektning idoraviy mansubligi va uni foydalanishga kiritish sanasi;

obyektning foydalanish maqsadi (agar xavf antropogen omillar taʼsirida vujudga kelsa va tabiiy hodisa boʻlmasa);

obyektni hisobga olish sanasi;

obyektning kadastr nomeri;

TXYUZda joylashgan obyektlarning roʻyxati;

TXYUZning hisobga olingan vaqtdagi holati;

kartografiya materiallari — TXYU hodisaning roʻy berishi mumkin boʻlgan zonalar tasviriga ega boʻlgan, TXYU hodisa taʼsiriga uchragan maydonlar (zonalar) hajmlari koʻrsatilgan holdagi tegishli masshtabi topografiya xaritalari.

22. TXYUZning hisobga olinadigan axborotlari quyidagilardan iborat boʻladi:

obyektning xavflilik belgilari roʻyxati;

obyektning texnologik asbob-uskunasi tavsifi;

obyektlardagi xavfli moddalardan foydalanish toʻgʻrisidagi maʼlumotlar;

zarar yetkazadigan va buzuvchi omillar tavsiflari: taʼsirlarning kuchi, tezligi, hajmi, turkumligi, chastotasi, asosiy yoʻnalishi va roʻy berish tezligi;

inson salomatligiga va atrof tabiiy muhitga salbiy taʼsir koʻrsatuvchi omillar roʻyxati:

sanitariya-muhofaza va qoʻriqlash zonalari toʻgʻrisidagi maʼlumotlar;

inson faoliyati turlarini cheklash zarur boʻlgan uchastkalar chegaralari yoki masofalar toʻgʻrisidagi maʼlumotlar;

odamlarni evakuatsiya qilishni yoki koʻchirishni talab qiladigan zonalar tavsifi;

TXYUZ hududlaridan foydalanishning belgilangan rejimi, TXYUZda ishlab chiqarish-xoʻjalik faoliyatining, odamlar yashashi va boʻlishining asosiy shart-sharoitlari;

TXYU hodisalar taʼsiriga uchragan obyektlar va inshootlar, ushbu obyektlarning buzilishi va shikastlanishi darajasi toʻgʻrisidagi maʼlumotlar.

23. TXYUZni baholash axborotlari quyidagilardan iborat boʻladi:

TXYUZni oʻrganish boʻyicha aerosuratga olishlar, gidrometeorologiya, muhandislik, geologiya, seysmik, texnologik, ekologik tadqiqotlar va boshqa ishlar natijalari toʻgʻrisidagi sinovdan oʻtkazilgan hisobotlar;

avariyalar xavfini va roʻy berishi mumkin boʻlgan favqulodda vaziyatlarni baholash boʻyicha xulosalar;

sanitariya-gigiyena sharoitlari toʻgʻrisidagi, suv, havo, yer, ifloslantiruvchi (zararli) moddalar konsentratsiyalari holati toʻgʻrisidagi maʼlumotlar;

faoliyati TXYU hodisalar bilan bogʻliq boʻlgan korxonalar tomonidan TXYUZni idoraviy tekshirishlar natijalari boʻyicha xulosalar;

TXYUZni oʻrganishgan (tekshirishgan) rasmiy komissiyalar va mutaxassislarning ekspert xulosalari;

TXYUZdagi va uning yaqinidagi yer, suvdan foydalanish, u yerda turli maqsaddagi obyektlarni joylashtirish imkoniyatlari toʻgʻrisidagi maʼlumotlar;

TXYU hodisalar yetkazgan zarar toʻgʻrisidagi maʼlumotlar.

24. Hisobga olish va baholash maʼlumotlari TXYUZ toʻgʻrisidagi kadastr axborotlari yigʻindisidan iborat boʻladi, u alfavit-raqamli (matnlar, jadvallar) va chizma (xaritalar, sxemalar) koʻrinishida taqdim etiladi, qogʻoz va/yoki elektron manbalarda belgilangan namunadagi kadastr pasporti shaklida rasmiylashtiriladi.

25. TXYUZDKni yuritish kadastr axborotlari uzluksiz ravishda yangilab borishni taʼminlovchi asosiy (boshlangʻich) va joriy hisobga olish (roʻyxatlar) turlaridan iborat boʻladi.

26. TXYUZni dastlabki roʻyxatdan oʻtkazishda (roʻyxatlar tuzishda) obyektlar identifikatsiya qilinadi, ularning miqdor va sifat tavsiflari, TXYU hodisalarning roʻy berishi va taʼsirlari dinamikasi qayd etiladi. Obyektlarni identifikatsiya qilish usullari, TXYUZ tavsiflari tarkibi Oʻzbekiston Respublikasi Iqtisodiyot va moliya vazirligi huzuridagi Kadastr agentligi bilan kelishgan holda tegishli vakolatli organlar tomonidan tasdiqlanadigan tegishli normativ hujjatlar bilan belgilanadi. Roʻyxatdan oʻtkazish axborotlari va boshqa asosiy maʼlumotlar kadastr daftariga yoziladi.

27. Joriy hisobga olishda boshlangʻich hisobga olishdan keyin roʻy bergan barcha oʻzgarishlar va TXYUZning roʻy bergan yangi markazlari qayd etiladi. Qayd etilgan joriy oʻzgarishlar kadastr pasportiga va kadastr daftariga kiritiladi hamda TXYUZDK KM va TXYUZDK BKMga beriladi.

28. TXYUZ kadastr axborotlarining ishonchliligi uchun TXYUZDKni yuritish zimmasiga yuklangan TXYUZ KM va TXYUZ BKM, obyektlardan foydalanuvchi tashkilotlarning mansabdor shaxslari javob beradilar.

Texnogen xavf yuqori boʻlgan zonalar davlat kadastrini yuritish tartibi toʻgʻrisidagi nizomga ILOVA

Texnogen xavf yuqori boʻlgan zonalar davlat kadastrini yuritish sxemasi

Davlat kadastrlari yagona tizimi (DKYAT)(Oʻzbekiston Respublikasi Iqtisodiyot va moliya vazirligi huzuridagi Kadastr agentligi)4↓3↑7Texnogen xavf yuqori boʻlgan zonalar davlat kadastri (TXYUZDK) Oʻzbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi TXYUZDKni yuritish boʻyicha bosh idora5↓2↑FoydalanuvchilarVakolatli idoralar:Favqulodda vaziyatlar vazirligiSogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasiFanlar akademiyasining Yadro fizikasi instituti6↓1↑Xavfli ishlab chiqarish obyektlaridan foydalanuvchi tashkilotlarning kadastr boʻlinmalari (vakolatli shaxslari)

*Yoʻnaltiruvchi chiziqlar bilan kadastr axborotlari harakati yoʻnalishi belgilangan.

1. Nizomning 5-bandida koʻrsatilgan obyektlardan foydalanuvchi tashkilotlar oʻz obyektlari boʻyicha kadastr axborotlarini toʻplaydi va ularni tegishli vakolatli idoralarga beradi.

2. Vakolatli idoralar Favqulodda vaziyatlar vazirligi, Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi, Fanlar akademiyasining Yadro fizikasi instituti respublika boʻyicha TXYUZ kadastr axborotlarini toʻplaydi va TXYUZDKni yuritish boʻyicha bosh idoraga — Vazirlar Mahkamasi huzuridagi Sanoat, radiatsiya va yadro xavfsizligi qoʻmitasiga yuboradi.

3. TXYUZDKni yuritish boʻyicha bosh idora — Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi TXYUZ obyektlari boʻyicha kadastr axborotlarini Iqtisodiyot va moliya vazirligi huzuridagi Kadastr agentligining DKYAT maʼlumotlar bazasiga yuboradi.

4. Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi — bosh idorasi soʻrov boʻyicha Iqtisodiyot va moliya vazirligi huzuridagi Kadastr agentligining DKYAT maʼlumotlar bazasidan TXYUZ boʻyicha axborotlarni olishi mumkin.

5. Vakolatli idoralar — Favqulodda vaziyatlar vazirligi, Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi, Fanlar akademiyasining Yadro fizikasi instituti soʻrov boʻyicha Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi — bosh idorasi orqali Iqtisodiyot va moliya vazirligi huzuridagi Kadastr agentligining DKYAT maʼlumotlar bazasidan TXYUZ boʻyicha axborotlarni olishi mumkin.

6. Nizomning 5-bandida koʻrsatilgan xavfli ishlab chiqarish obyektlaridan foydalanuvchi tashkilotlar soʻrov boʻyicha Iqtisodiyot va moliya vazirligi huzuridagi Kadastr agentligining DKYAT maʼlumotlar bazasidan TXYUZ boʻyicha axborotlarni olishi mumkin.

7. DKYATdan foydalanuvchilar soʻrov boʻyicha Iqtisodiyot va moliya vazirligi huzuridagi Kadastr agentligining DKYAT maʼlumotlar bazasidan TXYUZ boʻyicha kadastr axborotlarini olishi mumkin.