Oʻzbekiston Respublikasi Fazoviy maʼlumotlar sohasini tartibga soluvchi ayrim normativ-huquqiy hujjatlarni tasdiqlash toʻgʻrisida (620-son)

26.10.2022

Oʻzbekiston Respublikasi Vazirlar Mahkamasining

qarori

“Fazoviy maʼlumotlar toʻgʻrisida”gi Oʻzbekiston Respublikasi Qonuni, Oʻzbekiston Respublikasi Prezidentining “Yer hisobi va davlat kadastrlarini yuritish tizimini tubdan takomillashtirish chora-tadbirlari toʻgʻrisida” 2020-yil 7-sentabrdagi PF-6061-son Farmoni va “Oʻzbekiston Respublikasi Davlat soliq qoʻmitasi huzuridagi Kadastr agentligi faoliyatini tashkil etish chora-tadbirlari toʻgʻrisida” 2020-yil 7-sentabrdagi PQ-4819-son qarori ijrosini taʼminlash, shuningdek, fazoviy maʼlumotlar sohasini samarali tartibga solish maqsadida Vazirlar Mahkamasi qaror qiladi:

1. Quyidagilar:

a) “Fazoviy maʼlumotlar toʻgʻrisida”gi Oʻzbekiston Respublikasi Qonuniga muvofiq Oʻzbekiston Respublikasi Davlat soliq qoʻmitasi huzuridagi Kadastr agentligi (keyingi oʻrinlarda — Kadastr agentligi) fazoviy maʼlumotlar sohasidagi maxsus vakolatli davlat organi etib belgilanganligi;

b) Oʻzbekiston Respublikasi Prezidentining “Yer hisobi va davlat kadastrlarini yuritish tizimini tubdan takomillashtirish chora-tadbirlari toʻgʻrisida” 2020-yil 7-sentabrdagi PF-6061-son Farmoni 5-bandiga muvofiq:

2020-yil 1-oktabrdan boshlab yer uchastkalariga boʻlgan huquqlarning yuzaga kelishi, oʻzgarishi, boshqa shaxsga oʻtishi, cheklanishi va bekor boʻlishini nazarda tutuvchi qarorlar, auksion va tanlov bayonnomalari, notarial tasdiqlangan bitimlar hamda boshqa hujjatlar Oʻzbekiston Respublikasi Milliy geografik axborot tizimida davlat roʻyxatidan oʻtkazilganidan keyin kuchga kirishi;

davlat yer kadastri, binolar va inshootlar davlat kadastrini yuritish koʻchmas mulkka boʻlgan huquqlarni davlat roʻyxatidan oʻtkazish orqali toʻplangan maʼlumotlar asosida amalga oshirilishi belgilanganligi maʼlumot uchun qabul qilinsin.

2. Belgilansinki:

Milliy geografik axborot tizimi fazoviy maʼlumotlar milliy infratuzilmasining tarkibiy qismi boʻlib, milliy va boshqa fazoviy maʼlumotlar infratuzilmasiga kiritilgan bazaviy va sohaga oid fazoviy maʼlumotlardan foydalangan holda umumdavlat va tarmoqqa oid ahamiyatga ega vazifalarni hal qilishga moʻljallangan avtomatlashtirilgan tizim hisoblanadi va Kadastr agentligi tomonidan yuritiladi;

Milliy geografik axborot tizimi davlat kadastrlari yagona tizimini yuritish, koʻchmas mulkka oid davlat xizmatlarini koʻrsatishda vakolatli organlar hamda boshqa tashkilotlar bilan idoralararo elektron hamkorlik uchun zarur boʻlgan fazoviy maʼlumotlarning yagona manbai hisoblanadi.

3. Quyidagilarni nazarda tutuvchi:

a) Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizom 1-ilovaga muvofiq:

Fazoviy maʼlumotlar milliy infratuzilmasining tuzilishi va uni yuritishni tashkil qilish tartibi;

Davlat kadastrlari yagona tizimiga tegishli tematik qatlamlar davlat kadastrining har bir turi boʻyicha axborotni toʻplash va unga ishlov berish ishlarining bajarilishiga asosan shakllantirilishi va ularning nazorat holatida yuritilishini vakolatli organlar tomonidan taʼminlash tartibi;

Davlat kadastrlari yagona tizimiga taqdim etiladigan maʼlumotlarning tarkibi va mazmuni;

fazoviy maʼlumotlar milliy infratuzilmasini rivojlantirish boʻyicha ishlarning holati toʻgʻrisida yillik hisobotni tayyorlash tartibi;

b) Fazoviy maʼlumotlar milliy infratuzilmasini rivojlantirish boʻyicha muvofiqlashtiruvchi kengash toʻgʻrisidagi nizom 2-ilovaga muvofiq:

Fazoviy maʼlumotlar milliy infratuzilmasini rivojlantirish boʻyicha muvofiqlashtiruvchi kengashning (keyingi oʻrinlarda — Muvofiqlashtiruvchi kengash) Kadastr agentligi huzurida yuridik shaxs tashkil etmagan holda maslahat — kengashuv vazifasini amalga oshiradigan kollegial organ sifatida tashkil etilishi;

Muvofiqlashtiruvchi kengashning asosiy vazifalari va funksiyalari, huquqlari va javobgarligi;

Muvofiqlashtiruvchi kengashning tarkibi, uning faoliyatiga umumiy rahbarlik masalalari;

Muvofiqlashtiruvchi kengash raisi va uning oʻrinbosari funksiyalari, kengash kotibiyati hamda kengash aʼzolarining vazifalari;

v) Fazoviy maʼlumotlar milliy infratuzilmasini rivojlantirish boʻyicha muvofiqlashtiruvchi kengash tarkibi 3-ilovaga muvofiq tasdiqlansin.

4. Vazirlar Mahkamasining 2018-yil 14-dekabrdagi 1010-son qarori bilan tasdiqlangan Koʻchmas mulk obyektlari manzillari yagona reyestrini shakllantirish va yuritish tartibi toʻgʻrisidagi nizomga 4-ilovaga muvofiq oʻzgartirish va qoʻshimchalar kiritilsin.

5. Oʻzbekiston Respublikasi Hukumatining 5-ilovaga muvofiq ayrim qarorlari oʻz kuchini yoʻqotgan deb hisoblansin.

6. Kadastr agentligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi Davlat soliq qoʻmitasi raisi Sh.D. Kudbiyev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2022-yil 26-oktabr,

620-son

Vazirlar Mahkamasining 2022-yil 26-oktabrdagi 620-son qaroriga 1-ILOVA

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi

nizom

1-bob. Umumiy qoidalar

1. Mazkur Nizom “Fazoviy maʼlumotlar toʻgʻrisida”gi Oʻzbekiston Respublikasi Qonuniga muvofiq Oʻzbekiston Respublikasi Fazoviy maʼlumotlar milliy infratuzilmasini yuritish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

atributiv maʼlumot — geografik axborot tizimi obyektlarining tavsiflarini taʼriflovchi jadval va (yoki) matn koʻrinishidagi maʼlumotlar toʻplami;

vakolatli organlar — zimmasiga ayrim davlat kadastrlarini yuritish funksiyalari yuklatilgan hamda faoliyati davomida fazoviy maʼlumotlarni yaratadigan, ularni qayta ishlaydigan vazirliklar, davlat qoʻmitalari, idoralar, xoʻjalik birlashmalari, mahalliy ijro etuvchi hokimiyat organlari;

maxsus vakolatli organ — Oʻzbekiston Respublikasi Davlat soliq qoʻmitasi huzuridagi Kadastr agentligi;

bazaviy fazoviy maʼlumotlar — hamma foydalana oladigan, fazoviy maʼlumotlarga ishlov berish jarayonlari uchun birxillashtirilgan raqamli koordinata — fazoviy asosni tashkil etadigan fazoviy maʼlumotlar;

geoaxborot resurslari — axborot banklari va fazoviy maʼlumotlar bazalari hamda metamaʼlumotlar, fazoviy maʼlumotlar servislari yigʻindisi;

interoperabellik (oʻzaro birgalikda amal qilish qobiliyati) — fazoviy maʼlumotlar milliy infratuzilmasi fazoviy maʼlumotlarining, metamaʼlumotlarining, texnik va dasturiy vositalarining axborot va funksional jihatdan oʻzaro birgalikda amal qilish qobiliyati;

metamaʼlumotlar — fazoviy maʼlumotlarning toʻplamlari, servislari va boshqa xususiyatlarini tavsiflash imkonini beradigan, ularni identifikatsiya qilish, izlash, inventarizatsiyalash va ulardan foydalanish uchun zarur boʻlgan maʼlumotlar;

Milliy geografik axborot tizimi (keyingi oʻrinlarda — MGAT) — fazoviy maʼlumotlar milliy infratuzilmasining tarkibiy qismi boʻlib, milliy va boshqa fazoviy maʼlumotlar infratuzilmasiga kiritilgan bazaviy va sohaga oid fazoviy maʼlumotlardan foydalangan holda umumdavlat va tarmoqqa oid ahamiyatga ega vazifalarni hal qilishga moʻljallangan avtomatlashtirilgan tizim;

geoportal — axborot resurslari toʻgʻrisidagi metamaʼlumotlar saqlanadigan va Internet jahon axborot tarmogʻida milliy geografik axborot resurslaridan foydalanishni taʼminlaydigan geofazoviy maʼlumotlarning internet-vositalari va servislari majmui;

Davlat kadastrlari yagona tizimi (keyingi oʻrinlarda — DKYAT) — davlat kadastrlarining barcha turlarini birlashtiruvchi koʻp maqsadli tizim;

tematik qatlam — maʼlum hududdagi obyektlar toʻplami uchun umumiy boʻlgan koordinatalar tizimida bir mavzuga (oʻsimliklarga, avtomobil yoʻllariga va h.k.) tegishli bir tipdagi fazoviy obyektlarni raqamli ifodalash majmui;

fazoviy (geofazoviy) maʼlumot — joydagi obyektlarning joylashgan joyi toʻgʻrisidagi maʼlumotlarni oʻz ichiga olgan, muayyan shaklda hamda koordinatalar tizimlarida ifodalangan axborot;

WGS-84 (World Geodetic System 1984) — 1984-yilda AQSH Mudofaa vazirligi tomonidan ishlab chiqilgan umumjahon geodeziya koordinatalari tizimi;

sohaga oid fazoviy maʼlumotlar — bazaviy fazoviy maʼlumotlar asosida yaratilgan mavzuga oid (tarmoqqa oid) fazoviy maʼlumotlar;

fazoviy maʼlumotlar — fazoviy obyektlar toʻgʻrisidagi, shu jumladan, ularning joylashgan joyi, shakli va muayyan shaklda hamda fazoviy-vaqt koordinatalari tizimlarida taqdim etilgan boshqa xossalari haqidagi maʼlumotlarni oʻz ichiga olgan maʼlumotlar;

fazoviy maʼlumotlar bazasi — foydalanuvchilarning izlashi va qoʻllashi uchun tizimli tarzda tartibga solingan va ishlov berilgan fazoviy maʼlumotlar yigʻindisi;

fazoviy maʼlumotlarning integratsiyalashuvi — turli manbalardan olingan fazoviy obyektlar haqidagi maʼlumotlarni birlashtirish;

fazoviy maʼlumotlar infratuzilmasi — geografik axborot resurslaridan foydalanish va ular bilan almashinish uchun bazaviy va sohaga oid fazoviy maʼlumotlar, metamaʼlumotlar, standartlar va reglamentlar, axborot uzatish tarmoqlari va geoservislar tizimi;

fazoviy maʼlumotlarni ishlab chiqaruvchi — davlat yoki xoʻjalik boshqaruvi organi, mahalliy davlat hokimiyati organi yoki fazoviy maʼlumotlarni va metamaʼlumotlarni yaratish va yangilashni amalga oshiradigan har qanday yuridik yoki jismoniy shaxs;

fazoviy maʼlumotlarga ishlov berish — fazoviy maʼlumotlar va metamaʼlumotlarni yaratish, yigʻish, tizimlashtirish, saqlash, oʻzgartirish, yangilash, vizuallashtirish, ulardan foydalanish, ularni taqdim etish, tarqatish va uzatish boʻyicha bir yoki bir nechta harakatlar yigʻindisini amalga oshirish;

Fazoviy maʼlumotlar milliy infratuzilmasi (keyingi oʻrinlarda — FMMI) — tashkiliy tuzilma, ilmiy-texnika siyosati, texnik va dasturiy vositalar, bazaviy va sohaga oid fazoviy maʼlumotlar, metamaʼlumotlar hamda metamaʼlumotlar bazalarini, fazoviy maʼlumotlar servislarini, normativ-huquqiy hujjatlarni, shuningdek, texnik jihatdan tartibga solish sohasidagi normativ hujjatlarni, xalqaro standartlarni, Oʻzbekiston Respublikasi hududida foydalanilishi mumkin boʻlgan fazoviy maʼlumotlarni ishlab chiqish, yangilash, ularga ishlov berish, ularni saqlash, berish, integratsiyalash hamda ulardan foydalanish masalalariga doir Oʻzbekiston Respublikasi davlat standartlarini oʻz ichiga oladigan tizim;

FMMI administratori — geodeziya va kartografiya faoliyati sohasidagi maxsus vakolatli davlat organining idoraviy boʻysunuvidagi yuridik shaxs boʻlib, FMMIni yaratish, faoliyat koʻrsatishi va rivojlantirish sohasidagi chora-tadbirlarni amalga oshiradi, FMMIning texnik va texnologik taʼminoti, sifatini nazorat qilish, maʼlumotlarning saqlanishi va himoyasi uchun javobgar boʻladi;

FMMIning geoportali — geoaxborot resurslari toʻgʻrisidagi metamaʼlumotlarni saqlab turadigan va ulardan foydalanishni Internet jahon axborot tarmogʻi orqali taʼminlaydigan fazoviy maʼlumotlarning internet vositalari va servislarining majmuasi;

fazoviy maʼlumotlar saqlovchisi — davlat yoki xoʻjalik boshqaruvi organi, mahalliy davlat hokimiyati organi, fazoviy maʼlumotlarni boshqaradigan hamda qonunchilikda nazarda tutilgan boshqa funksiyalarni amalga oshiradigan har qanday yuridik yoki jismoniy shaxs;

fazoviy maʼlumotlar servislari — foydalanuvchilarga fazoviy maʼlumotlarga ishlov berish va ularni taqdim etish boʻyicha operatsiyalarni amalga oshirishga moʻljallangan dasturiy-texnik vositalar;

fazoviy maʼlumotlar toʻplami — identifikatsiya qilish mumkin boʻlgan fazoviy maʼlumotlar jamlanmasi;

fazoviy maʼlumotlardan foydalanuvchi (keyingi oʻrinlarda — foydalanuvchi) — fazoviy maʼlumotlardan foydalanadigan yuridik yoki jismoniy shaxs;

fazoviy obyektlar — joylashgan joyi belgilangan fazoviy-vaqt koordinatalari tizimida aniqlanishi mumkin boʻlgan tabiiy va sunʼiy obyektlar;

gravimetriya tarmogʻi — yer sathidagi ogʻirlik kuchining miqdorlari maʼlum boʻlgan geodeziya punktlari tizimi;

nivelir tarmogʻi — joyda ishonchli mahkamlangan, balandligi esa hisoblash boshi (noli) deb qabul qilingan boshlangʻich punktdan bir sistemada aniqlangan geodezik punktlar (reperlar) tizimi;

“Elektron hukumat” — davlat organlarining jismoniy va yuridik shaxslarga axborot-kommunikatsiya texnologiyalarini qoʻllash yoʻli bilan davlat xizmatlari koʻrsatishga doir faoliyatini, shuningdek, idoralararo elektron hamkorlik qilishni taʼminlashga qaratilgan tashkiliy-huquqiy chora-tadbirlar va texnik vositalar tizimi.

3. FMMI yaratishdan maqsad:

fazoviy maʼlumotlarni toʻplash, qayta ishlash va taqdim etish bilan bogʻliq jarayonlarni amalga oshirish;

jamiyatning foydalanishi cheklanmagan barcha turdagi geografik axborotga boʻlgan ehtiyojlarini taʼminlash;

turli sohalarda boshqaruv qarorlarini qoʻllab-quvvatlash tizimlarida fazoviy maʼlumotlar va geoaxborot texnologiyalarini qoʻllash samaradorligini oshirish;

fuqarolar, tashkilotlar, davlat hokimiyati va boshqaruvi organlarining fazoviy maʼlumotlarning davlat va hududiy resurslaridan erkin foydalanishini taʼminlaydigan shart-sharoitlarni yaratish va ulardan samarali foydalanish.

4. FMMI yaratish va yuritishning asosiy vazifalari quyidagilar hisoblanadi:

fazoviy maʼlumotlar servislari va kadastr xizmatlarini koʻrsatish, idoralararo elektron hamkorlik uchun zarur boʻlgan yer uchastkalari, bino va inshootlar, geografik obyektlar nomlarini oʻz ichiga olgan raqamli maʼlumotlarni saqlash;

kadastr xizmatlarini koʻrsatishda jismoniy va yuridik shaxslarni identifikatsiyalash;

kadastr obyektlari va unga taalluqli boʻlgan axborot tizimlarini “Elektron hukumat” tizimining idoralararo integratsiya platformasiga birlashtirish orqali amalga oshirish;

yagona milliy geoaxborot manbai sifatida bazaviy, sohaga oid fazoviy maʼlumotlar, metamaʼlumotlarni yaratish va ulardan foydalanish, shuningdek, FMMIni yaratish, faoliyat koʻrsatishi va rivojlantirishni tartibga soladigan normativ-huquqiy hujjatlarni, texnik jihatdan tartibga solish sohasidagi hujjatlarni (texnik reglamentlar, standartlar va klassifikatorlarni) ishlab chiqish va qabul qilish;

Oʻzbekiston Respublikasi hududida yagona koordinatalar tizimini ishlash holatida saqlab turish va foydalanish, shu jumladan, doimiy faoliyat koʻrsatadigan sunʼiy yoʻldosh orqali kuzatish stansiyalari tarmogʻini yaratish, yuritish va undan foydalanish hisobiga taʼminlash;

davlat kadastrlari, kartografik va boshqa turdagi monitoringlarni yuritish asosida Oʻzbekiston Respublikasi hududida bazaviy fazoviy maʼlumotlarni yaratish va dolzarblashtirish;

davlat boshqaruv organlari va xoʻjalik birlashmalari, mahalliy davlat hokimiyati organlari tomonidan tarmoqqa oid (idoraviy) vazifalarni hal qilish uchun zarur sohaga oid fazoviy maʼlumotlarni yaratish, yuritish va dolzarblashtirish;

fazoviy maʼlumotlarning turli toʻplamlaridan foydalanishda ularni oʻzaro taqqoslash va (interoperabelligini) taʼminlash;

FMMIda mavjud fazoviy maʼlumotlar va servislardan foydalanib yangi fazoviy maʼlumotlar va geoaxborot tizimlari toʻplamlarini yaratish imkoniyatini taʼminlash hisobiga fazoviy maʼlumotlar toʻplamlarini yaratishda takrorlanishlarning oldini olish;

FMMIni davlat organlari axborot-texnologik infratuzilmasi bilan integratsiya qilish;

respublika hududida joylashgan kapital qurilish, transport va muhandislik infratuzilmasi obyektlari, sanoat va xoʻjalik obyektlari toʻgʻrisida, maʼmuriy-hududiy tuzilma, hududning kadastrga oid boʻlinishi, yerdan foydalanish va yer tuzish toʻgʻrisidagi fazoviy maʼlumotlarni toʻplash uchun yerni masofadan turib zondlash materiallari, geoaxborot tizimlaridan samarali foydalanilishni taʼminlash;

hududiy rejalashtirish, hududlarni masofadan zondlash, yerdan foydalanishni, oʻrmon va suv fondlarini boshqarish, tabiiy va texnogen tusdagi favqulodda vaziyatlarni prognoz qilish hamda ularning oqibatlarini bartaraf etishda tezkor qarorlarni qabul qilish, harbiylashtirilgan tuzilmalar oʻrtasida oʻzaro hamkorlikni tashkil qilish, tabiiy resurslarni muhofaza qilish, ekologiya, turizm masalalarini hal qilish uchun kartografik asoslarni yaratish;

Internet jahon axborot tarmogʻida FMMI geoportalini shakllantirish hisobiga foydalanuvchilar uchun ochiq foydalanishga ruxsat berilgan bazaviy va sohaga oid fazoviy maʼlumotlardan foydalanishni taʼminlash;

sifatli va kafolatlangan servislar va maʼlumotlarni taqdim etish.

5. FMMI quyidagi prinsiplar asosida yuritiladi:

fazoviy maʼlumotlarni yaratish va ulardan foydalanish, FMMIni yaratish, qoʻllab-quvvatlash va rivojlantirish sohasidagi davlat boshqaruvi;

FMMIni yaratish, qoʻllab-quvvatlash va rivojlantirish jarayonlarining ijtimoiy-iqtisodiy rivojlanish, atrof va tabiiy muhitni muhofaza qilish, iqtisodiy xavfsizlik, davlat boshqaruvi, Oʻzbekiston Respublikasining mudofaa qobiliyati va milliy xavfsizligi ustuvor vazifalarini hal qilishga boʻysundirilganligi;

davlat axborot resurslarini va yangi bazaviy fazoviy maʼlumotlarni yaratishda davlat organlari, shu jumladan, fazoviy maʼlumotlarni ishlab chiqaruvchi boshqa shaxslar tomonidan tartibga solingan koordinatalar tizimlaridan hamda mavjud bazaviy fazoviy maʼlumotlardan foydalanish majburiyligi;

fazoviy maʼlumotlarni yaratish, yangilash, ishlov berish, saqlash, taqdim etish, ularni integratsiya qilish va ulardan foydalanishni taʼminlaydigan FMMI administratori, fazoviy maʼlumotlarni ishlab chiqaruvchilar, saqlovchilar va foydalanuvchilarning faoliyatini muvofiqlashtirish;

barcha fazoviy obyektlar boʻyicha fazoviy maʼlumotlar va metamaʼlumotlarni shakllantirish metodologiyasining birligi;

davlat axborot resurslarini yaratishda fazoviy obyektlarning koordinatalari koʻrsatilishining majburiyligi;

fazoviy maʼlumotlarni yaratish, ulardan foydalanish va sifatini nazorat qilish tartib-taomillarini standartlashtirish;

fazoviy maʼlumotlarni yaratish va ulardan foydalanish sohasidagi texnik reglamentlar, milliy standartlarning tegishli xalqaro standartlar bilan uygʻunligi;

fazoviy maʼlumotlarning dolzarbligi, ishonchliligi, toʻliqligi, yaxlitligi va aniqliligi;

bazaviy fazoviy maʼlumotlarning yagona bankidan, tartibga solingan koordinatalar tizimidan, yagona texnik reglamentlardan va standartlardan foydalanish asosida fazoviy maʼlumotlarning mosligi;

bazaviy va sohaga oid fazoviy maʼlumotlarning integratsiyalashuvi;

fazoviy maʼlumotlar servislari va toʻplamlari hamda ularning metamaʼlumotlarining interoperabelligi;

axborotning ochiqligi va shaffofligi;

bazaviy fazoviy maʼlumotlar hamda metamaʼlumotlarning barcha manfaatdor subyektlar uchun ochiqligi va ommaviyligi hamda ularni yaratish, yigʻish, saqlash, taqdim etish va tarqatishning qonuniyligi.

6. FMMIni yuritish boʻyicha ishlar masʼul organlar Oʻzbekiston Respublikasi Davlat budjetidan ajratilgan mablagʻlar doirasida hamda qonunchilikda taqiqlanmagan boshqa manbalar hisobidan moliyalashtiriladi.

2-bob. FMMI tuzilmasi va uni yuritishni tashkil qilish

7. FMMIni yaratish, yuritish, rivojlantirish va uning ishlashini taʼminlash umumdavlat ahamiyatiga molik geodeziya va kartografiyaga oid ishlarga kiradi.

8. FMMI quyidagi asosiy komponentlardan iborat:

ilmiy-texnika siyosati;

bazaviy va sohaga oid fazoviy maʼlumotlar;

metamaʼlumotlar;

FMMIning geoportali;

FMMIning geoportallari tarmogʻi;

tashkiliy tuzilma;

sohaga oid axborot tizimlari;

axborot resurslari;

texnologiyalar va texnik vositalar;

veb-xaritalash, Internet jahon axborot tarmogʻidan fazoviy maʼlumotlarni olish, foydalanish va tarqatishning dasturiy-texnologik vositalari;

fazoviy maʼlumotlar servislari;

normativ-huquqiy hujjatlar;

fazoviy maʼlumotlar, metamaʼlumotlar va geoaxborot servislarni texnik jihatdan tartibga solish sohasidagi xalqaro standartlar, Oʻzbekiston Respublikasining davlat standartlari va normativ hujjatlar.

9. FMMIni yuritish quyidagi ishlarni bajarish orqali taʼminlanadi:

bazaviy va sohaga oid fazoviy maʼlumotlarni hamda metamaʼlumotlarni ishlab chiqish, yangilash, ularga ishlov berish, taqdim etish va ulardan foydalanish;

turli maqsadlarga moʻljallangan geoaxborot tizimlari va servislarini ishlab chiqish hamda taqdim etish;

texnik va dasturiy vositalarni yaratish;

geoportallarni yaratish va ularni taʼminlash;

fazoviy maʼlumotlarning va metamaʼlumotlarning sifatini tekshirish;

fazoviy maʼlumotlar bazalarini va metamaʼlumotlar bazalari va kataloglarini, fazoviy maʼlumotlar servislarini, geoaxborot tizimlarini, geoportallarni, FMMI sohasidagi boshqa texnik va dasturiy vositalarni yaratish boʻyicha ilmiy-tadqiqot, tajriba-texnologik hamda tajriba-konstruktorlik ishlarini bajarish;

fazoviy maʼlumotlar, ularning servislari va metamaʼlumotlarini ishlab chiqish, saqlash, taqdim etish, integratsiya qilish va ulardan foydalanish masalalari boʻyicha standartlar, normativ-huquqiy hujjatlar va texnik jihatdan tartibga solish sohasidagi normativ hujjatlarni ishlab chiqish;

FMMI faoliyat koʻrsatishini hamda rivojlantirilishini taʼminlash maqsadida boshqa ishlarni bajarish mumkin.

10. FMMI tashkiliy tuzilmasi quyidagilardan iborat:

Vazirlar Mahkamasi;

fazoviy maʼlumotlar sohasidagi maxsus vakolatli davlat organi — Oʻzbekiston Respublikasi Davlat soliq qoʻmitasi huzuridagi Kadastr agentligi (keyingi oʻrinlarda — Kadastr agentligi);

Oʻzbekiston Respublikasi Mudofaa vazirligi;

FMMIga kiritiladigan fazoviy maʼlumotlarga ishlov berishni amalga oshiradigan davlat va xoʻjalik boshqaruvi organlari, shu jumladan, oʻz vakolati doirasida davlat kadastrlarini yuritishga masʼul organlar hamda mahalliy davlat hokimiyati organlari;

FMMI administratori;

fazoviy maʼlumotlarni ishlab chiqaruvchilar;

fazoviy maʼlumotlar saqlovchilari;

fazoviy maʼlumotlardan foydalanuvchilar.

11. Kadastr agentligi fazoviy maʼlumotlar sohasidagi maxsus vakolatli davlat organi sifatida quyidagi funksiyalarni amalga oshiradi:

FMMIni yaratish, faoliyat koʻrsatishi va rivojlantirish sohasidagi yagona davlat siyosatini shakllantirish va amalga oshirishda ishtirok etadi;

FMMIni yaratish, faoliyat koʻrsatishi va rivojlantirish sohasidagi davlat dasturlari va boshqa dasturlar loyihalarini ishlab chiqadi hamda Vazirlar Mahkamasiga kiritadi, ularning bajarilishini taʼminlaydi;

davlat boshqaruv organlari va xoʻjalik birlashmalari, mahalliy davlat hokimiyati organlarining, shuningdek, fazoviy maʼlumotlarga ishlov berishni amalga oshiradigan shaxslarning FMMIni yaratish, faoliyat koʻrsatishi va rivojlantirish masalalari boʻyicha faoliyatini muvofiqlashtiradi, FMMIni rivojlantirish boʻyicha Muvofiqlashtiruvchi kengash faoliyatini taʼminlaydi;

FMMIni yaratish, faoliyat koʻrsatishi va rivojlantirishni taʼminlaydi;

FMMI administratorini belgilaydi va faoliyatini tashkil qiladi;

Bazaviy fazoviy maʼlumotlarga ishlov beradi, FMMI geoportalini yaratish va faoliyat koʻrsatishi boʻyicha ishlarni amalga oshiradi;

FMMI bazaviy fazoviy maʼlumotlari saqlovchisi funksiyalarini bajaradi, davlat boshqaruv organlari va xoʻjalik birlashmalari, mahalliy davlat hokimiyati organlarini, yuridik va jismoniy shaxslarni bazaviy fazoviy maʼlumotlar bilan taʼminlaydi;

ilmiy-tadqiqot, tajriba-konstruktorlik va tajriba-texnologik ishlarni bajaradi, FMMI texnik va dasturiy vositalar yaratilishini va takomillashtirilishini taʼminlaydi;

FMMI, fazoviy maʼlumotlarni ishlab chiqish, yangilash, ularga ishlov berish, saqlash, taqdim etish va ulardan foydalanish masalalari boʻyicha normativ-huquqiy hujjatlarni, texnik jihatdan tartibga solish sohasidagi normativ hujjatlar va standartlarni qonunchilikda belgilangan tartibda ishlab chiqadi va tasdiqlaydi;

fazoviy maʼlumotlarni ishlab chiqish, yangilash, ularga ishlov berish, saqlash, taqdim etish va ulardan foydalanish jarayonlari ustidan davlat nazoratini amalga oshiradi;

fazoviy maʼlumotlar va metamaʼlumotlarni ishlab chiqish, yangilash, ishlov berish, saqlash, taqdim etish va foydalanishning belgilangan tartibi buzilganligini aniqlash natijalari boʻyicha fazoviy maʼlumotlar sohasidagi qonunchilik hujjatlarining buzilishida aybdor mansabdor shaxslarni belgilangan tartibda javobgarlikka tortish haqida asoslangan qaror qabul qiladi;

fazoviy maʼlumotlar sohasida narx siyosatini ishlab chiqish va amalga oshirilishini taʼminlash boʻyicha takliflarni Vazirlar Mahkamasiga kiritadi;

fazoviy maʼlumotlar sohasida kadrlar tayyorlash va qayta tayyorlash vazifasini amalga oshiradi;

FMMI joriy etilishi va undan foydalanilishini monitoring qiladi, yillik hisobotlarni tayyorlash va Vazirlar Mahkamasiga taqdim etishni taʼminlaydi;

Oʻzbekiston Respublikasining xalqaro shartnomalariga muvofiq fazoviy maʼlumotlar sohasida xalqaro hamkorlikni amalga oshiradi;

Qonunchilik hujjatlariga muvofiq FMMIni yaratish, faoliyat koʻrsatishi va rivojlantirish sohasida boshqa funksiyalarni amalga oshiradi.

12. FMMI administratori quyidagi funksiyalarni amalga oshiradi:

FMMIni yaratish, faoliyat koʻrsatishi va rivojlantirish chora-tadbirlarini ishlab chiqadi va tasdiqlash uchun maxsus davlat vakolatli organiga kiritadi;

bazaviy va sohaga oid fazoviy maʼlumotlarni, metamaʼlumotlarni qabul qiladi va nazorat qiladi hamda ularni FMMI geoportaliga joylashtiradi;

geoaxborot tizimlarida, resurslarida va maʼlumotlar bazalarida mavjud boʻlgan hamda davlat xizmatlarini koʻrsatish uchun zarur boʻlgan axborot va maʼlumotlarni “Elektron hukumat” tizimining idoralararo integratsiyalashgan platformasiga taqdim etib boradi;

FMMI faoliyat koʻrsatishi va rivojlantirilishini texnik va texnologik jihatdan taʼminlaydi, dasturiy taʼminotlar yaratadi va unga xizmat koʻrsatadi;

fazoviy maʼlumotlar servislarini yaratadi va ularga xizmat koʻrsatishni taʼminlaydi;

FMMI geoportalida joylashtirilgan maʼlumotlar va metamaʼlumotlardan, shuningdek, fazoviy maʼlumotlar servislaridan foydalanishni taʼminlaydi;

FMMI tarkibidagi fazoviy maʼlumotlar va metamaʼlumotlarning ishonchliligi va dolzarbligining doimiy monitoringini yuritadi.

FMMI administratori fazoviy maʼlumotlar saqlovchisining buyurtmasiga binoan:

qogʻoz shakldagi mavjud fazoviy maʼlumotlarni elektron shaklga aylantiradi;

fazoviy maʼlumotlar va metamaʼlumotlarni yaratadi;

bazaviy va sohaga oid fazoviy maʼlumotlar va metamaʼlumotlarga ishlov beradi va yangilaydi;

bazaviy fazoviy maʼlumotlarni va FMMIga kiritilgan metamaʼlumotlarni foydalanuvchilarga taqdim etadi.

13. FMMI administratori:

FMMI geopartalida dolzarb boʻlmagan, ishonchsiz, xato yoki belgilangan tartibni buzgan holda taqdim etilgan fazoviy maʼlumotlar va metamaʼlumotlar aniqlangan taqdirda, FMMI administratori ushbu maʼlumotlardan foydalanishni cheklab qoʻyilishini taʼminlaydi, shuningdek, bunday maʼlumotlar aniqlangan kundan boshlab uch ish kuni mobaynida FMMI geoportalida aniqlangan faktni eʼlon qiladi va tegishli fazoviy maʼlumotlar saqlovchisiga kamchiliklarni bartaraf etish yuzasidan takliflar kiritadi;

fazoviy maʼlumotlar yaratuvchisi, saqlovchisi koʻrsatma talablarini bajarmagan taqdirda, FMMI administratori tegishli takliflarni tayyorlaydi va Kadastr agentligiga yuboradi, aniqlangan muammolarni hal qilish choralarini koʻradi.

14. FMMI administratorining javobgarligi FMMI administratori texnik va texnologik taʼminot, FMMIda mavjud maʼlumotlarning sifatini taʼminlash va nazorat qilish, saqlash va himoya qilish uchun javob beradi.

15. Fazoviy maʼlumotlar ishlab chiqaruvchilari:

fazoviy maʼlumotlar va metamaʼlumotlarni yaratish va yangilashni amalga oshiradi;

metamaʼlumotlarni fazoviy maʼlumotlar toʻplamlari va servislari boʻyicha ushbu Nizomga, texnik jihatdan tartibga solish sohasidagi normativ hujjatlarga muvofiq yaratishlari va yangilashlari shart.

16. Fazoviy maʼlumotlarni ishlab chiqaruvchilar oʻzlari yaratgan fazoviy maʼlumotlarni oʻn besh kun muddatda belgilangan tartibda FMMI administratoriga begʻaraz taqdim etishlari, shuningdek, metamaʼlumotlar elementlari qiymatlari oʻzgargandan keyin oʻn kun muddatda metamaʼlumotlarni yangilashlari lozim.

17. Fazoviy maʼlumotlarni saqlovchilar:

fazoviy maʼlumotlar va metamaʼlumotlarni yaratishga buyurtma beradilar;

fazoviy maʼlumotlar va metamaʼlumotlarning yangilanishi va yuritilishini taʼminlaydilar;

oʻz vakolatlarini amalga oshirish uchun FMMI tarkibidagi fazoviy maʼlumotlar va metamaʼlumotlardan foydalanadilar;

fazoviy maʼlumotlar va metamaʼlumotlarning dolzarbligini, ishonchliligini, yaxlitligini va aniqligini taʼminlaydilar;

fazoviy maʼlumotlar va metamaʼlumotlarning dolzarbligi, ishonchliligi, toʻliqligi, yaxlitligi, aniqligi va xavfsizligi, shuningdek, bazaviy fazoviy maʼlumotlarning ochiqligi va ommaviyligini taʼminlaydilar.

18. Fazoviy maʼlumotlardan foydalanuvchilar:

fazoviy maʼlumotlar va metamaʼlumotlardan foydalanish uchun buyurtma beradilar;

oʻz vakolatlarini amalga oshirish uchun FMMI tarkibidagi fazoviy maʼlumotlar va metamaʼlumotlardan foydalanadilar;

fazoviy maʼlumotlar va metamaʼlumotlarni uchinchi shaxsga taqdim etmaydilar;

fazoviy maʼlumotlar servislaridan foydalanadilar;

fazoviy maʼlumotlardan foydalanish jarayonida ikkilamchi yaratilgan fazoviy maʼlumotlarni FMMIga taqdim etadilar.

3-bob. FMMI axborot resurslari

19. FMMI axborot resurslari quyidagilardan iborat:

bazaviy fazoviy maʼlumotlar toʻplamlari;

sohaga oid (tarmoq, mavzuli) fazoviy maʼlumotlar toʻplamlari;

fazoviy maʼlumotlarni izlash va ulardan foydalanishni taʼminlash uchun metamaʼlumotlar, kataloglar va metamaʼlumotlar bazalari;

fazoviy maʼlumotlar servislari.

20. Fazoviy maʼlumotlar toʻplamlari uchun quyidagilar tegishli spetsifikatsiyalarda va metamaʼlumotlarda belgilangan va tavsiflangan boʻlishi kerak:

oʻlchov birliklari;

fazoviy koordinatalar tizimlari;

vaqt koordinatalari tizimlari;

fazoviy obyektlar xususiyatlarini tasvirlash sxemasi;

tasniflash va kodlash tizimlari;

taqdim etish formatlari;

fazoviy obyektlarni raqamli tavsiflash qoidalari;

fazoviy maʼlumotlarning kataloglari;

vizuallashtirish uchun shartli belgilar majmuasi;

yangilashning dolzarbliligi;

yangilashning davriyligi;

fazoviy maʼlumotlarning sifati.

21. FMMIda foydalaniladigan fazoviy maʼlumotlarning asosiy turlari:

raqamli kartografik asos;

Yerni masofadan turib zondlash (YEMTZ) materiallari;

YEMTZ materiallari asosida yaratilgan ortofotoplanlar va boshqa hosilaviy materiallar;

relyef va joyning raqamli modellari;

bazaviy fazoviy maʼlumotlar toʻplamlari;

sohaga oid fazoviy maʼlumotlar toʻplamlari;

Geografik obyektlarning nomlari davlat reyestri maʼlumotlar bazasi;

Koʻchmas mulk obyektlari manzillar reyestri maʼlumotlar bazasi;

Kadastr va koʻchmas mulkni roʻyxatga olish integratsiyalashgan axborot tizimi maʼlumotlar bazasi;

qonunchilik hujjatlariga muvofiq boshqa maʼlumotlar bazalari.

22. Fazoviy maʼlumotlarda fazoviy obyektning nomi, uning koordinata tavsiflari, manzili va boshqa maʼlumotlar beriladi.

4-bob. Bazaviy fazoviy maʼlumotlarga qoʻyiladigan asosiy talablar

23. Bazaviy fazoviy maʼlumotlar quyidagi fazoviy obyektlar toʻgʻrisidagi maʼlumotlarni oʻz ichiga oladi:

geodeziya, nivelir va gravimetriya tarmoqlari punktlari;

Oʻzbekiston Respublikasi Davlat chegarasi, maʼmuriy-hududiy birliklarning chegaralari;

gidrografik obyektlar va gidrotexnika inshootlari;

aholi punktlari va ularning tarkibiy qismlari (mahallalar, shohkoʻchalar, koʻchalar, maydonlar, dahalar, mavzelar, massivlar, bogʻlar, xiyobonlar);

sanoat, qishloq xoʻjaligi obyektlari va ijtimoiy-madaniy obyektlar;

binolar va inshootlar;

avtomobil yoʻllari;

temir yoʻllar;

magistral quvurlar;

muhandislik kommunikatsiyalari;

aeroportlar, daryo bandargohlari;

oʻsimlik qoplami va tuproqlar;

yer uchastkalarining chegaralari;

muhofaza etiladigan tabiiy hududlar va madaniy meros obyektlari;

aholi punktlarining chegaralari va zonalashtirish obyektlari, shuningdek, shahar atrofidagi zonalar;

muhofaza etiladigan zonalar hamda hududlardan foydalanishning alohida shartlariga ega boʻlgan zonalar;

aholi punktlari hududidagi va undan tashqaridagi koʻchalarning reyestrlari hamda obyektlarning manzillari;

geografik obyektlarning nomlari;

joy relyefi;

ortofotoxaritalar, aero- va kosmik suratlar hamda Yerni masofadan turib zondlashga doir ishlarning natijalari.

Bazaviy fazoviy maʼlumotlar tarkibiga qoʻshimcha tarzda bazaviy maʼlumotlar maqomini berish maqsadga muvofiq deb topilgan boshqa obyektlar toʻgʻrisidagi maʼlumotlar kiritilishi mumkin.

24. Bazaviy fazoviy maʼlumotlar toʻplamlarini yaratishda quyidagi asosiy talablarga rioya etiladi:

fazoviy maʼlumotlarning sifati ularning dolzarbligi, ishonchliligi, toʻliqligi, yaxlitligi va aniqligi;

majburiy doimiy saqlanadigan atributlarning minimal toʻplami;

fazoviy obyektlarni tasniflash va kodlashning mavjud umumdavlat va tarmoqqa oid tizimlar bilan mosligi;

bazaviy fazoviy maʼlumotlar toʻplamlarini shakllantirishdagi ustuvorliklar va ketma-ketlik;

maʼlumotlarni joylardagi oʻzgarishlarga moslashtirgan tarzda tezkor yangilash;

texnik jihatdan tartibga solish sohasidagi hujjatlarga qatʼiy amal qilish;

joyning holati toʻgʻrisidagi bazaviy axborot sifatidagi kartografik asosdan bazaviy fazoviy maʼlumotlar va geoaxborot tizimlarining raqamli toʻplamlaridan foydalanishga izchillik bilan oʻtish.

25. Bazaviy fazoviy maʼlumotlar va ularning metamaʼlumotlarini saqlash, dolzarblashtirish va taqdim etish uchun FMMI administratori tomonidan bazaviy fazoviy maʼlumotlar banki tashkil etiladi.

Bazaviy fazoviy maʼlumotlar banki bazaviy fazoviy maʼlumotlar, ularning metamaʼlumotlari, klassifikatorlar, maʼlumotnomalar va reyestrlar toʻplamlaridan, shu jumladan, Geografik obyektlarning nomlari davlat reyestri, koʻchmas mulk obyektlari manzillari yagona reyestri, MGAT maʼlumotlar bazasi hamda kadastr va koʻchmas mulkni roʻyxatdan oʻtkazish integratsion axborot tizimi maʼlumotlar bazasidan iborat boʻladi.

26. Bazaviy fazoviy maʼlumotlar tarkibiga kiritilgan obyektlar boʻyicha bajarilgan geodeziya, kartografiya, geoaxborot va kadastr ishlari natijalaridan foydalanib bazaviy fazoviy maʼlumotlar va metamaʼlumotlar toʻplamlari yaratiladi va FMMIga kiritiladi.

Geodeziya, kartografiya, geoaxborot va kadastr ishlari natijalari esa buyurtmachida (fazoviy maʼlumotlar saqlovchisida) yoki tegishli ishlarni bajaruvchida saqlanadi.

27. Bazaviy fazoviy maʼlumotlar bankida mavjud maʼlumotlar va boshqa manbalardagi fazoviy maʼlumotlar oʻrtasida qarama-qarshiliklar mavjud boʻlgan taqdirda, bazaviy fazoviy maʼlumotlar banki maʼlumotlari haqqoniy hisoblanadi.

28. Bazaviy fazoviy maʼlumotlar toʻplamlarini dolzarblashtirish fazoviy maʼlumotlarni ishlab chiqaruvchilari tomonidan bajarilgan barcha turdagi geodeziya, topografiya, kartografiya, kadastr va boshqa ishlar natijasida olingan materiallar (maʼlumotlar) asosida FMMI administratori tomonidan amalga oshiriladi.

29. Bazaviy fazoviy maʼlumotlar toʻplamlari umumdavlat axborot resurslariga tegishli boʻlib, davlat mulki hisoblanadi va xususiylashtirilmaydi.

30. Bazaviy fazoviy maʼlumotlarga, ularning metamaʼlumotlariga, tarkibi va mazmuniga batafsil talablar davlat standartlari hamda texnik jihatdan tartibga soluvchi boshqa normativ hujjatlar bilan oʻrnatiladi.

31. Bazaviy fazoviy maʼlumotlardan barcha davlat organlari va tashkilotlari, xoʻjalik birlashmalari, mahalliy ijro etuvchi hokimiyat organlari, fazoviy maʼlumotlarni yaratishda ishtirok etadigan yuridik va jismoniy shaxslar tomonidan foydalanish uchun majburiydir.

5-bob. Sohaga oid fazoviy maʼlumotlarga qoʻyiladigan talablar

32. Sohaga oid (tarmoqqa oid, mavzuli) fazoviy maʼlumotlarga FMMI bazaviy fazoviy maʼlumotlaridan foydalanib yaratilgan, maʼlumotlari va metamaʼlumotlari Oʻzbekiston Respublikasi davlat standartlari talablariga javob beradigan va FMMIga kiritilgan barcha turdagi fazoviy maʼlumotlar kiradi.

33. Sohaga oid fazoviy maʼlumotlar quyidagi sohalarga tegishli maʼlumotlarni oʻz ichiga oladi:

Davlat kadastrlari yagona tizimi tarkibiga kiruvchi davlat kadastrlari obyektlari haqidagi maʼlumotlar;

statistik maʼlumotlar;

aholining taqsimlanishi — demografiyaga oid maʼlumotlar;

geologiya (zonalashtirish, yer qatlamlari va boshqa maʼlumotlar);

tuproq, tuproq turlarining tarqalishi va degradatsiyasi;

hududlarni rejalashtirish va rivojlantirish, inson salomatligi va xavfsizligiga oid maʼlumotlar;

taʼlim (maktabgacha, maktab, oʻrta maxsus, oliy) yoʻnalishiga oid maʼlumotlar;

kommunal xoʻjaligi;

atrof muhit monitoringi;

qishloq xoʻjaligi;

meteorologik sharoitning geografik xususiyatlari va iqlim toʻgʻrisidagi maʼlumotlar;

dengizlar, daryolar va koʻllar mintaqalari;

tabiiy energiya resurslari, ulardan foydalanish, boshqarish va baholash.

Sohaga oid fazoviy maʼlumotlar tarkibiga qoʻshimcha tarzda boshqa maʼlum bir sohaga oid maʼlumotlar kiritilishi mumkin.

34. MGATda shakllanadigan DKYATga oid fazoviy obyektlar toʻgʻrisidagi tematik qatlamlarga qoʻyiladigan umumiy talablar quyidagilar hisoblanadi:

tematik qatlamlarni shakllantirishda bazaviy kartografik asosdan foydalanib, obyekt turlari va axborot turlari (roʻyxatdan oʻtkazishga oid, hisobga olishga oid, baholashga oid) boʻyicha shakllantiriladi;

tematik qatlamlar obyektning xususiyatidan va obyektlarning joylashuvini aniqlash usulidan kelib chiqib 1:500, 1:1 000, 1:5 000, 1:10 000, 1:25 000 masshtablarda shakllantiriladi hamda obyektlarning fazoviy joylashuvidagi xatolik mazkur masshtab talablarida belgilangan meʼyorlardan oshmagan boʻlishi vakolatli organlar tomonidan taʼminlanadi;

bazaviy kartografik asosning tematik qatlamlari hamda tegishli geografik axborot tizimlarini yuritish uchun zarur kartografik asoslar maxsus vakolatli organ tomonidan shakllantiriladi hamda vakolatli organlarga MGAT orqali belgilangan tartibda taqdim etiladi;

tematik qatlamlarning matematik asosi bazaviy kartografik asosning matematik asosiga muvofiq boʻlishi lozim hamda taqdim etilayotgan maʼlumotlar WGS-84 tizimida boʻlishi zarur;

tematik qatlamlarni shakllantirishda vektorli obyektlarning (nuqtalar, chiziqlar va poligonlarning) oʻzaro bogʻliqligi va yondoshligi ularning fazoviy joylashuvini inobatga olgan holda tasvirlanadi;

tematik qatlamlarning atributiv maʼlumotlari hamda metamaʼlumotlari davlat tilida lotin alifbosida shakllantiriladi.

Zarur hollarda atributiv maʼlumotlar boshqa tillarda ham boʻlishi mumkin.

35. Fazoviy maʼlumotlar toʻplamlari davlat boshqaruv organlari va xoʻjalik birlashmalari, mahalliy davlat hokimiyati organlari, fazoviy maʼlumotlarning boshqa ishlab chiqaruvchilari tomonidan yaratilishi mumkin. Ushbu fazoviy maʼlumotlar tarkibi va maʼlumot almashinuvi tartibi ularni ishlab chiqaruvchilar va Kadastr agentligi tomonidan kelishilgan holda belgilanadi.

36. Vakolatli organlar maxsus vakolatli organga idoralararo elektron hamkorlik orqali real vaqt rejimida quyidagi maʼlumotlarni MGATga ushbu Nizomga 1-ilovaga muvofiq yagona texnologiya boʻyicha taqdim etadi:

Oʻzbekiston Respublikasi Adliya vazirligi — koʻchmas mulkka nisbatan notarial harakatlar asosida yuzaga keladigan mulk huquqi va boshqa ashyoviy huquqlar haqidagi maʼlumotlarni;

Adliya vazirligi huzuridagi Personallashtirish agentligi — jismoniy shaxslar toʻgʻrisidagi maʼlumotlarni;

Oʻzbekiston Respublikasi Davlat soliq qoʻmitasi — yuridik va yakka tartibdagi tadbirkorlik subyektlari toʻgʻrisidagi maʼlumotlarni;

Oʻzbekiston Respublikasi Transport vazirligi huzuridagi Avtomobil yoʻllari qoʻmitasi — avtomobil yoʻllarining umumiy koʻrinishi va avtomobil yoʻllari toʻgʻrisidagi maʼlumotlarni;

Oʻzbekiston Respublikasi Qishloq xoʻjaligi vazirligi — tuproq, tuproq turlarining tarqalishi va degradatsiyasi, qishloq xoʻjaligi sohasi uchun yaratilgan fazoviy maʼlumotlar hamda qishloq xoʻjaligi ekin maydonlarining normativ qiymati toʻgʻrisidagi maʼlumotlarni;

Oʻzbekiston Respublikasi Qurilish va uy-joy kommunal xoʻjaligi vazirligi — hududlarni rejalashtirish, rivojlantirish va shaharsozlik hujjatlari toʻgʻrisidagi hamda kommunal xoʻjaligiga oid maʼlumotlarni;

Oʻzbekiston Respublikasi Milliy statistika qoʻmitasi — statistik maʼlumotlar, aholining taqsimlanishi — demografiyaga oid maʼlumotlar hamda aholini roʻyxatdan oʻtkazish toʻgʻrisidagi maʼlumotlarni;

Oʻzbekiston Respublikasi Davlat geologiya va mineral resurslar qoʻmitasi — geologiya (zonalashtirish, yer qatlamlari va boshqa maʼlumotlar) va foydali qazilma konlari, belgilari va texnogen mineral hosilalar davlat kadastri boʻyicha maʼlumotlarni;

Oʻzbekiston Respublikasi Sogʻliqni saqlash vazirligi — inson salomatligi va xavfsizligiga oid maʼlumotlar va texnogen xavfi yuqori boʻlgan tegralar davlat kadastri boʻyicha maʼlumotlarni;

Oʻzbekiston Respublikasi Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi — taʼlim (maktabgacha, maktab, oʻrta maxsus, oliy taʼlim) yoʻnalishiga oid maʼlumotlarini;

Oʻzbekiston Respublikasi Ekologiya va atrof muhitni muhofaza qilish davlat qoʻmitasi — oʻsimlik dunyosi obyektlari, hayvonot dunyosi obyektlari, muhofaza etiladigan tabiiy hududlar, chiqindilarni koʻmib tashlash va utillashtirish joylari davlat kadastrlari hamda atrof muhit monitoringiga oid maʼlumotlarni;

Oʻzbekiston Respublikasi Gidrometeorologiya xizmati markazi — meteorologik sharoitning geografik xususiyatlari, iqlim maʼlumotlari, dengizlar, daryolar va koʻllar mintaqalari hamda suv kadastri toʻgʻrisidagi maʼlumotlarni taqdim etadi.

DKYAT obyektlari boʻyicha quyidagilar taqdim etiladi:

davlat yer kadastri boʻyicha — Kadastr agentligining Davlat kadastrlari palatasi, Oʻzbekiston Respublikasi Qishloq xoʻjaligi vazirligi (tuproq bonitirovkasini oʻtkazish, qishloq xoʻjaligi yerlarining meʼyoriy qiymatini aniqlash, tuproq unumdorligini oshirish, tuproqshunoslik, geobotanikaga oid tadqiqotlar);

foydali qazilma konlari, belgilari va texnogen mineral hosilalar davlat kadastri boʻyicha — Oʻzbekiston Respublikasi Davlat geologiya va mineral resurslar qoʻmitasi;

davlat suv kadastri boʻyicha — Oʻzbekiston Respublikasi Gidrometeorologiya xizmati markazi (yer usti suvlari), Oʻzbekiston Respublikasi Davlat geologiya va mineral resurslar qoʻmitasi (yer osti suvlari), Oʻzbekiston Respublikasi Suv xoʻjaligi vazirligi (suv resurslaridan foydalanish va yerlarning meliorativ holati);

davlat oʻrmon kadastri boʻyicha — Oʻzbekiston Respublikasi Oʻrmon xoʻjaligi davlat qoʻmitasi;

binolar va inshootlar davlat kadastri boʻyicha — Kadastr agentligining Davlat kadastrlari palatasi;

davlat shaharsozlik kadastri boʻyicha — Oʻzbekiston Respublikasi Qurilish va uy-joy kommunal xoʻjaligi vazirligi;

gidrotexnika inshootlari davlat kadastri boʻyicha — “Suvxoʻjaliknazorat” inspeksiyasi, Oʻzbekiston Respublikasi Suv xoʻjaligi vazirligi, Oʻzbekiston Respublikasi Energetika vazirligi;

moddiy madaniy meros obyektlarining davlat kadastri boʻyicha — Oʻzbekiston Respublikasi Turizm va madaniy meros vazirligi huzuridagi Madaniy meros agentligi;

avtomobil yoʻllari davlat kadastri boʻyicha — Oʻzbekiston Respublikasi Transport vazirligi huzuridagi Avtomobil yoʻllari qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari;

temir yoʻllar davlat kadastri boʻyicha — Oʻzbekiston Respublikasi Transport vazirligi, “Oʻzbekiston temir yoʻllari” AJ;

transport quvurlari davlat kadastri boʻyicha — Oʻzbekiston Respublikasi Energetika vazirligi, “Oʻzbekneftgaz” AJ, “Oʻztransgaz” AJ, “Hududgaztaʼminot” AJ;

aloqa obyektlari davlat kadastri boʻyicha — Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi;

energetika obyektlari davlat kadastri boʻyicha — Oʻzbekiston Respublikasi Energetika vazirligi, “Issiqlik elektr stansiyalari” AJ, “Oʻzbekgidroenergo” AJ, “Oʻzbekiston MET” AJ, “Hududiy elektr tarmoqlari” AJ;

oʻsimlik dunyosi obyektlari, hayvonot dunyosi obyektlari, muhofaza etiladigan tabiiy hududlar, chiqindilarni koʻmib tashlash va utillashtirish joylari davlat kadastrlari maʼlumotlari boʻyicha — Oʻzbekiston Respublikasi Ekologiya va atrof muhitni muhofaza qilish davlat qoʻmitasi;

tabiiy xavfi yuqori boʻlgan tegralar davlat kadastri boʻyicha — Oʻzbekiston Respublikasi Davlat geologiya va mineral resurslar qoʻmitasi, Oʻzbekiston Respublikasi Fanlar akademiyasi, Oʻzbekiston Respublikasi Gidrometeorologiya xizmati markazi;

texnogen xavfi yuqori boʻlgan tegralar davlat kadastri boʻyicha — Oʻzbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi, Favqulodda vaziyatlar vazirligi, Sogʻliqni saqlash vazirligi, Fanlar akademiyasining Yadro fizikasi instituti;

kartografiya-geodeziya davlat kadastri boʻyicha — Kadastr agentligining Davlat kartografiya-geodeziya fondi tomonidan taqdim etiladi.

Fazoviy maʼlumotlar tarkibida davlat sirlarini va qonun bilan qoʻriqlanadigan boshqa sirni, shuningdek, foydalanilishi qonunchilikka muvofiq cheklangan boshqa axborotni tashkil etadigan maʼlumotlar mavjud boʻlmaganda, belgilagan tartibda maʼlumotlar almashiladi.

37. Har bir davlat kadastri boʻyicha tematik qatlamlar va ularning atributiv maʼlumotlar jadvali mazkur Nizomga 2 — 21-ilovalarda belgilangan tematik qatlamlarga muvofiq shakllantiriladi.

38. Vakolatli organlar tomonidan yaratiladigan fazoviy maʼlumotlar va ularning toʻplamlari haqidagi metamaʼlumotlar MGATga kiritiladi.

DKYATga davlat kadastrlari fazoviy maʼlumotlari va ularning metamaʼlumotlarini taqdim etish, koʻrib chiqish va maʼlumotlardagi kamchiliklarni maʼlum qilib borish ushbu Nizomga 22-ilovada keltirilgan sxemaga muvofiq amalga oshiriladi.

39. Sohaga oid fazoviy maʼlumotlar toʻplamlari bazaviy fazoviy maʼlumotlar toʻplamlarida bayon qilingan fazoviy obyektlar haqidagi atributiv maʼlumotlarni kengaytirish yoki yangi fazoviy obyektlarning koordinata-atributiv tavsiflarini yaratish yoʻli bilan shakllantiriladi va ular tegishli darajadagi bazaviy fazoviy maʼlumotlar bilan fazoviy-koordinata va topologik mos boʻlishi lozim.

40. Sohaga oid fazoviy maʼlumotlarning har bir toʻplami uchun metamaʼlumotlar, texnik reglamentlar, tarmoqqa oid standartlar ishlab chiqiladi va ularda obyektlar kataloglari va ularning atributlari, fazoviy obyektlar modellarini taqdim etish chizmalari (sxemalari), sifatga boʻlgan talablar, taqdim etish va foydalanish shartlari belgilanadi.

41. Sohaga oid fazoviy maʼlumotlarga metamaʼlumotlar, tarmoqqa oid standartlar va texnik reglamentlar FMMI fazoviy maʼlumotlarining davlat standartlari asosida hamda ochiq geoaxborot tizimlarida maʼlumotlarga ishlov berishning xalqaro standartlari va texnik shartlari talablarini hisobga olgan holda ishlab chiqiladi.

6-bob. Metamaʼlumotlarga asosiy talablar

42. Metamaʼlumotlar fazoviy maʼlumotlarni izlash, sifati, yaroqliligi va ishlov berish imkoniyatlarini baholash uchun moʻljallangan. Fazoviy maʼlumotlardan samarali foydalanish, FMMI geoportalidan foydalanuvchilarga begʻaraz taqdim etiladigan metamaʼlumotlardagi mavjud axborotdan foydalanish yoʻli bilan tashkil etiladi.

43. Metamaʼlumotlarning kataloglari va bazalarida maxsus maʼlumotlarning rasmiylashtirilgan toʻplamlari mavjud boʻlib, ularda geografik axborot elementlarining tarkibi va xossalari bayon etiladi, axborot raqamli va raqamsiz koʻrinishda axborotni izlash, uning saqlovchilari, ishlab chiqaruvchilari va foydalanuvchilari oʻrtasida axborot almashinuvini taʼminlash maqsadida saqlanadi va taqdim etiladi.

44. Metamaʼlumotlar Internet jahon axborot tarmogʻidagi FMMI geoportalida joylashtiriladigan XML-sxemadan foydalanib yaratilgan XML formatidagi fayllar koʻrinishida elektron shaklda yaratiladi.

45. Metamaʼlumotlarning asosiy funksiyalari quyidagilardan iborat:

FMMIdan joylashtirilgan fazoviy maʼlumotlar toʻplamining mavzusi va hududiy qamrovi haqidagi axborot asosida fazoviy maʼlumotlarni izlash;

fazoviy maʼlumotlarning tarkibi, aniqligi va boshqa sifat koʻrsatkichlari haqidagi metamaʼlumotlardan foydalanib, ularning maqsadi va yaroqliligini baholash;

FMMI tarkibidagi geoaxborot resurslarning alohida koʻrsatilgan manzillari boʻyicha fazoviy maʼlumotlardan foydalanishni taʼminlash;

fazoviy maʼlumotlarga ishlov berishga boʻlgan talablar va ulardan foydalanish shartlari toʻgʻrisidagi axborotlar asosida maʼlumotlardan foydalanishni qoʻllab-quvvatlash.

46. Metamaʼlumotlar idoraviy mansubligi va mulkchilik shaklidan qatʼi nazar, fazoviy maʼlumotlarni ishlab chiqaruvchilar tomonidan yaratilgan barcha bazaviy va sohaga oid fazoviy maʼlumotlarga asosan respublika, hududlar va mahalliy darajada shakllantiriladi.

FMMI administratori va fazoviy maʼlumotlar ishlab chiqaruvchilari metamaʼlumotlarni fazoviy maʼlumotlar toʻplamlari va servislari boʻyicha ushbu Nizom, davlat standartlari hamda fazoviy maʼlumotlar sohasida texnik jihatdan tartibga solish sohasidagi boshqa normativ hujjatlarga muvofiq yaratishi va yangilab borishi shart.

47. Fazoviy maʼlumotlar toʻplamlari va servislari boʻyicha metamaʼlumotlar quyidagi axborotlarni oʻz ichiga oladi:

fazoviy maʼlumotlarning turi, tarkibi va tuzilmasi;

fazoviy maʼlumotlar yaratilgan hududning joylashgan joyi;

fazoviy maʼlumotlarning yaratilgan (yangilangan) yili;

fazoviy maʼlumotlar taqdim etilgan koordinatalar tizimi;

fazoviy maʼlumotlar sifati (davlat standartlari, texnik jihatdan tartibga solish sohasidagi normativ hujjatlar talablariga muvofiqligi);

fazoviy maʼlumotlarning aniqligi va haqqoniyligi;

fazoviy maʼlumotlarni saqlash formati;

fazoviy maʼlumotlarda tijorat, xizmat yoki qonun tomonidan qoʻriqlanadigan boshqa sirni tashkil qiladigan maʼlumotlarning mavjudligi;

fazoviy maʼlumotlarning ishlab chiqaruvchisi haqidagi maʼlumotlar;

fazoviy maʼlumotlar saqlovchisi haqidagi maʼlumotlar;

fazoviy maʼlumotlar toʻplamlari va servislarining ochiqligi, ularni sotib olish va ishlatish muddatlari, narxlari va boshqa shartlari;

fazoviy maʼlumotlar toʻplamlari va servislarini yaratish, boshqarish va taqsimlash uchun masʼul axborot resurslari operatorlari toʻgʻrisidagi maʼlumotlar;

fazoviy maʼlumotlar toʻplamlari va servislaridan foydalanishni cheklash shartlari;

fazoviy maʼlumotlar toʻplamlari va servislarining qoʻshimcha tavsiflari (agar boʻlsa).

7-bob. Fazoviy maʼlumotlar va metamaʼlumotlarning axborot va funksional interoperabelligiga qoʻyiladigan asosiy talablar

48. Fazoviy maʼlumotlar toʻplamlari, metamaʼlumotlar, fazoviy maʼlumotlar servislari, FMMI texnik va dasturiy vositalarining axborot va funksional interoperabelligiga maʼlumotlar modellari, ularni taqdim etish va almashish formatiga yagona standartlar tizimini qoʻllash hamda fazoviy maʼlumotlar va metamaʼlumotlarni olishning birxillashtirilgan geoaxborot servislaridan foydalanish orqali erishiladi.

49. Turli manbalardan olinadigan fazoviy maʼlumotlar toʻplamlarining semantik darajasida interoperabellikni taʼminlash maqsadida ularni yaratishda quyidagi talablar bajarilishi lozim:

yagona koordinatalar asosini qoʻllash;

fazoviy obyektlarga noyob identifikatorlarni berishning yagona tizimini qoʻllash;

ularning interoperabelligini taʼminlash uchun turli darajalarda qoʻllaniladigan identifikatorlarni integratsiya qilish;

fazoviy obyektlar oʻrtasida mantiqiy va topologik oʻzaro bogʻliqlikni saqlab turish;

atributiv axborotning ochiq tasniflash tizimidan foydalanish;

maʼlumotlarning vaqt intervali toʻgʻrisida axborot boʻlishi;

maʼlumotlarning muntazam yangilanib turilishi.

50. Fazoviy maʼlumotlarning alohida mavzulari interoperabelligi va uygʻunligini taʼminlash uchun ishlab chiqaruvchilar maʼlumotlarning umumiy turlariga, fazoviy obyektlarni identifikatsiyalashga, metamaʼlumotlar elementlariga qoʻyiladigan talablarga va fazoviy maʼlumotlarning barcha mavzulariga tatbiq etiladigan qoidalarga rioya etishlari lozim.

Fazoviy maʼlumotlarning bitta mavzusi doirasida interoperabellik va uygʻunlikni taʼminlash uchun barcha ishlab chiqaruvchilar fazoviy maʼlumotlarning ushbu mavzusiga qoʻllaniladigan fazoviy maʼlumotlar tasniflari va taʼriflaridan, ularning asosiy atributlari va assotsiativ rollaridan, maʼlumotlar turlaridan, yoʻl qoʻyiladigan qiymatlar sohasidan va maxsus qoidalardan foydalanishlari lozim.

51. Interoperabellikka boʻlgan batafsil talablar, interoperabellikni taʼminlashning tashkiliy, texnik usullarini belgilaydigan davlat standartlari hamda fazoviy maʼlumotlar sohasini texnik jihatdan tartibga soluvchi normativ hujjatlarda belgilanadi.

8-bob. Fazoviy maʼlumotlardan, metamaʼlumotlardan va fazoviy maʼlumotlar servislaridan maʼlumotlarni foydalanuvchilarga taqdim etish tartibi

52. FMMI administratori fazoviy maʼlumotlardan, metamaʼlumotlardan va fazoviy maʼlumotlar servislaridan foydalanuvchilarning foydalanishlarini hamda fazoviy maʼlumotlar saqlovchilari manfaatlarini himoya qilishni tashkil etadi.

FMMI administratori bazaviy fazoviy maʼlumotlarni va metamaʼlumotlarni ushbu Nizomga, fazoviy maʼlumotlar sohasini texnik jihatdan tartibga soluvchi normativ hujjatlarga muvofiq foydalanuvchilarga taqdim etadi.

53. Bazaviy fazoviy maʼlumotlar foydalanuvchilarga FMMIning geoportal servislaridan va “Elektron hukumat” tizimining idoralararo integratsiyalashgan platformasidan foydalangan holda Kadastr agentligi bilan kelishuvga muvofiq taqdim etiladi.

54. Fazoviy maʼlumotlarning ishlab chiqaruvchilari va saqlovchilari FMMI administratoriga bazaviy fazoviy maʼlumotlarni fazoviy maʼlumotlar servislariga kirishga ruxsat berish hamda fazoviy maʼlumotlarni kelishilgan shakl va sifatda uzatish yoʻli bilan taqdim etadilar.

55. Fazoviy maʼlumotlar ishlab chiqaruvchisi va saqlovchisi:

fazoviy maʼlumotlar va metamaʼlumotlarni FMMI administratoriga taqdim etilishini taʼminlaydilar;

FMMI administratoriga oʻz fazoviy maʼlumotlari va metamaʼlumotlaridan foydalanish imkoniyatini taʼminlaydilar;

oʻz vakolatlarini amalga oshirish uchun fazoviy maʼlumotlar va metamaʼlumotlardan foydalanadilar;

rasmiy veb-saytlarida oʻz geoportallari va FMMI geoportali orqali fazoviy maʼlumotlardan foydalanish shartlari haqidagi axborotni joylashtiradilar.

56. FMMI administratori fazoviy maʼlumotlarni ishlab chiqaruvchilar va saqlovchilar bilan birgalikda FMMI geoportallari tarmogʻini yaratadi hamda uning quyidagi fazoviy maʼlumotlar servislari bilan faoliyat koʻrsatishini taʼminlaydi:

fazoviy maʼlumotlar va fazoviy maʼlumotlar servislarini axborot tarmoqlarida topishni taʼminlaydigan izlash servislari;

fazoviy maʼlumotlarni, fazoviy obyektlar tavsiflari va metamaʼlumotlar mazmuni haqidagi axborotni koʻrib chiqish servislari;

fazoviy maʼlumotlarni bevosita olishni va (yoki) ularning nusxalarini olishni taʼminlaydigan servislar;

fazoviy maʼlumotlar koordinatalarini transformatsiyalash, bitta koordinatalar tizimidan yoki kartografik proyeksiyadan boshqasiga oʻtkazishni taʼminlaydigan koordinata operatsiyalari servislari.

57. Geoportallar tarmogʻi FMMI geoportalini hamda fazoviy maʼlumotlarni ishlab chiqaruvchilar va saqlovchilarning geoportallarini oʻz ichiga oladi.

FMMI geoportalida fazoviy maʼlumotlarni saqlovchilar tomonidan mazkur Nizomga muvofiq taqdim etiladigan bazaviy va sohaga oid fazoviy maʼlumotlar va metamaʼlumotlar joylashtiriladi.

Fazoviy maʼlumotlarni ishlab chiqaruvchilar va saqlovchilar geoportallariga davlat organlari hamda fazoviy maʼlumotlarga ishlov beruvchi boshqa shaxslar tomonidan tarmoqqa oid vazifalarni amalga oshirish uchun yaratilgan sohaga oid fazoviy maʼlumotlar va metamaʼlumotlar joylashtiriladi.

58. Geoportallar quyidagi funksiyalarning amalga oshirilishini taʼminlashi lozim:

kartografik vizuallashtirish;

metamaʼlumotlardan foydalanib fazoviy maʼlumotlar bankiga kirish;

fazoviy maʼlumotlarni, fazoviy maʼlumotlarni ishlab chiqaruvchilar va saqlovchilarni izlash;

namunaviy soʻrovlarni taʼminlaydigan servislar toʻplamlari;

taqdim etilgan fazoviy maʼlumotlarni taʼriflab beruvchi va ularni qoʻllash darajasini baholovchi metamaʼlumotlardan foydalanish;

FMMI asosiy vazifalari va funksiyalariga mos keladigan ilovalarning mavjudligi;

veb-servislar sifatini monitoring qilish, shu jumladan, servislar sifatini oshirish maqsadida turli statistik axborotni toʻplash va uni tahlil qilish.

59. Axborotni geoportallarda samarali izlash fan sohasidagi lugʻatlar, maʼlumotnomalar, tezauruslar va ontologiyalar orqali taʼminlanadi.

60. Geoportallarda fazoviy maʼlumotlarni izlash uchun quyidagi minimal mezonlar boʻyicha servislar kiritiladi:

xaritada joylashgan joyi va nomi;

tashkilotlarning nomlari;

kalitli soʻzlar;

tuzilma turi (davlat boshqaruv organlari va xoʻjalik birlashmalari, mahalliy davlat hokimiyati organlari, xoʻjalik subyektlari, taʼlim muassasalari va boshqa tashkilotlar);

taqdim etish shakli;

holati (tugallangan, yaratilayotgan va yangilanayotgan);

boshlangʻich masshtabi;

maʼlumotlarning dolzarbligi;

maʼlumotlarni yuklab olish mumkinligi.

61. Geoportallar vizuallashtirish vositalari yordamida fazoviy maʼlumotlarni dastlabki koʻrib chiqish yoʻli bilan zarur maʼlumotlarni izlashni taʼminlashi shart.

Fazoviy maʼlumotlarni vizuallashtirish ularni kartografik tasvirlar koʻrinishidagi rastr va (yoki) vektor shaklida, shuningdek, matritsali (toʻrli) taqdim etishda turli aniqlikdagi aero yoki kosmik surat, ortofotoplan (ortomozaika) koʻrinishida taqdim etilishini taʼminlashi lozim.

Qoʻshimcha vizuallashtirish vositalarida fazoviy maʼlumotlar asosida kartografik tasvirlarni hosilaviy jamlash, ularni uch oʻlchamli koʻrinishda, real vaqt rejimida taqdim etish va boshqalar nazarda tutilishi mumkin.

62. Geoportallar metamaʼlumotlardagi tegishli axborotga qarab fazoviy maʼlumotlardan foydalanishning har xil turlarini taʼminlashi lozim, xususan:

erkin foydalanish — ularni cheklanmagan doiradagi foydalanuvchilar olishga haqli, materiallar (maʼlumotlar) begʻaraz taqdim etiladi va istalgan maqsadlarda foydalanilishi mumkin;

haq evaziga cheklanmagan foydalanish — ularni cheklanmagan doiradagi foydalanuvchilar olishga haqli, foydalanuvchilar identifikatsiya qilinadi, materiallar (maʼlumotlar) haq evaziga beriladi;

litsenziyalanadigan foydalanish — intellektual faoliyat natijalaridan foydalanuvchilar faqat litsenziya shartnomasi asosida foydalanishlari mumkin.

63. Fazoviy maʼlumotlar va metamaʼlumotlar davlat organlariga — oʻz vakolatlarini amalga oshirishi uchun begʻaraz, boshqa foydalanuvchilarga esa — Oʻzbekiston Respublikasi Moliya vazirligi bilan kelishilgan holda Kadastr agentligi tomonidan belgilangan miqdorda haq evaziga taqdim etiladi.

64. Davlat organlari, fazoviy maʼlumotlarga ishlov beruvchi shaxslar qonunchilikka muvofiq fazoviy maʼlumotlar va metamaʼlumotlardan foydalanishni cheklab qoʻyishlari mumkin.

65. Metodik, lingvistik, texnik va dasturiy vositalar respublika, hududlar va mahalliy darajada FMMIni yuritish jarayonidagi quyidagi asosiy operatsiyalarning avtomatlashtirilgan tarzda bajarilishini taʼminlashi lozim:

elektron hujjatlar aylanmasining va maʼlumotlar almashinuvining birxillashtirilgan tizimidan foydalangan holda hujjatlashtirilgan maʼlumotlarni boshqa kadastr va axborot tizimlari bilan ayirboshlash;

FMMIda saqlanadigan maʼlumotlarning zaxira nusxasini yaratish va himoya qilish;

yangi hujjatlar va maʼlumotlarni roʻyxatdan oʻtkazish va hisobga olish, shuningdek, belgilangan tartibda haqiqiy emas deb tan olingan hujjatlar va maʼlumotlarni arxivda saqlash rejimiga oʻtkazish yoʻli bilan axborot resurslarini dolzarblashtirish;

fazoviy maʼlumotlarni bazaga kiritish, tahrir qilish va yangilash, raqamli xaritalarni yaratish, chop etish va ulardan foydalanish;

axborotni obyekt manzili yoki uning identifikatsiya raqamiga, yer uchastkasining koordinatalari yoki kadastr raqamiga, hujjatning nomi va rekvizitlariga qarab izlash;

tahliliy hisobotlarni tuzish, chiqish hujjatlarini bosma va (yoki) elektron koʻrinishda shakllantirish, chop etish va taqdim etish;

FMMI axborot resurslaridan foydalangan holda bosma va (yoki) elektron koʻrinishda kiritilgan yoki shakllantirilgan, chop etilgan yoki taqdim etilgan hujjatlarning kirish (chiqish) reyestrini yuritish.

66. FMMI geoportalining texnik va dasturiy vositalariga, funksiyalariga va fazoviy maʼlumotlar servislariga batafsil talablar davlat standartlari hamda texnik jihatdan tartibga solish sohasidagi boshqa normativ hujjatlar bilan belgilanadi.

9-bob. FMMIni rivojlantirish boʻyicha ishlarning holati toʻgʻrisida yillik hisobotni tayyorlash tartibi

67. FMMI administratori FMMIning faoliyat koʻrsatishi va rivojlantirilishini FMMIga kiritilgan fazoviy maʼlumotlar va metamaʼlumotlarni izlash, toʻplash, umumlashtirish, ularning mavjudligi, dolzarbligi, ishonchliligi, ochiqligi va interoperabelligi haqidagi koʻrsatkichlarni baholash va reytinglash yoʻli bilan doimiy monitoring yuritadi.

68. Kadastr agentligi FMMI faoliyat koʻrsatishi va rivojlantirilishini monitoring qilish koʻrsatkichlari va metodikasini belgilaydi, shuningdek, monitoring natijalarini oʻzining rasmiy saytida eʼlon qiladi.

69. Monitoring va boshqa tadbirlar natijalari asosida Kadastr agentligi FMMIni rivojlantirish boʻyicha ishlarning holati haqida yillik hisobot tuzadi, Fazoviy maʼlumotlar milliy infratuzilmasini rivojlantirish boʻyicha Muvofiqlashtiruvchi kengash yigʻilishiga kiritadi va hisobot davridan keyingi yilning 31-yanvarigacha boʻlgan muddatda Vazirlar Mahkamasiga taqdim etadi.

FMMIni rivojlantirish boʻyicha ishlarning holati haqidagi yillik hisobotning loyihasini Vazirlar Mahkamasiga kiritishdan oldin FMMIni rivojlantirish boʻyicha Muvofiqlashtiruvchi kengash koʻrib chiqadi va oʻz takliflarini beradi.

70. FMMIni rivojlantirish boʻyicha ishlarning holati haqidagi yillik hisobot quyidagi maʼlumotlarni oʻz ichiga oladi:

FMMIni yaratish, faoliyat koʻrsatishi va rivojlantirilishi masalalari boʻyicha davlat dasturlari va boshqa dasturlarning amalga oshirilishi;

fazoviy maʼlumotlar sohasida ilmiy-tadqiqot, tajriba-konstruktorlik va tajriba-texnologik ishlarning bajarilishi;

fazoviy maʼlumotlar sohasidagi normativ-huquqiy baza, standartlashtirish va fazoviy maʼlumotlar sohasidagi texnik jihatdan tartibga solish tizimlarini rivojlantirish holati;

FMMI faoliyat koʻrsatishi va rivojlanishi monitoringi natijalari, dolzarb boʻlmagan ishonchsiz yoki belgilangan tartibni buzgan holda taqdim etilgan fazoviy maʼlumotlar va metamaʼlumotlar;

fazoviy maʼlumotlar va metamaʼlumotlar sifatini ilmiy-texnik ekspertizadan oʻtkazish natijalari;

ijtimoiy-iqtisodiy, ekologik, ilmiy va boshqa vazifalarni hal qilishda bazaviy va sohaga oid fazoviy maʼlumotlardan foydalanish xususiyati va miqdoriy koʻrsatkichlari;

FMMI geoportallari tarmogʻining ishlashi;

FMMI faoliyat koʻrsatishining moliyaviy-iqtisodiy koʻrsatkichlari.

Yillik hisobot, shuningdek, FMMI ishida aniqlangan kamchiliklar va muammolar haqidagi axborot, FMMIni yanada rivojlantirish boʻyicha takliflar, boshqa zarur axborot ham kiritiladi.

71. Kadastr agentligi FMMIni rivojlantirish boʻyicha ishlarning holati haqidagi yillik hisobotni Vazirlar Mahkamasi tomonidan maʼqullangandan keyin oʻzining rasmiy saytida eʼlon qiladi.

10-bob. Yakunlovchi qoidalar

72. Ushbu Nizom talablari buzilishida aybdor boʻlgan shaxslar qonunchilikda belgilangan tartibda javob beradilar.

Fazoviy maʼlumotlar sohasidagi huquqbuzarliklar uchun:

fazoviy maʼlumotlar va metamaʼlumotlarga ishlov berish va ulardan foydalanganda standartlar, normalar va qoidalarning buzilishida;

bazaviy fazoviy maʼlumotlar va metamaʼlumotlarni FMMI administratoriga taqdim etish shartlarini buzishda;

FMMIga kiritilgan fazoviy maʼlumotlar va metamaʼlumotlarning oʻgʻirlanishi, yoʻqotilishi, buzib koʻrsatilishi, foydalanish cheklab qoʻyilishi va qalbakilashtirishida;

mualliflik huquqi va intellektual mulk toʻgʻrisidagi qonun hujjatlarini buzganlikda aybdor shaxslar javobgar boʻladilar.

Yuridik va jismoniy shaxslarga fazoviy maʼlumotlar va metamaʼlumotlar axborot resurslarini shakllantirishda va ulardan foydalanishda qonun hujjatlarini buzganligi uchun qonunchilikka muvofiq boshqa choralar ham belgilanishi mumkin.

73. FMMIni yaratish, uning faoliyat koʻrsatishi va uni rivojlantirish sohasidagi nizolar qonunchilik hujjatlarida belgilangan tartibda hal etiladi.

74. Fazoviy maʼlumotlar sohasidagi faoliyat natijasida yuridik yoki jismoniy shaxsga yetkazilgan moddiy va (yoki) maʼnaviy zarar qonunchilik hujjatlarida belgilangan tartibda qoplanishi lozim.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 1-ILOVA

Oʻzbekiston Respublikasi Fazoviy maʼlumotlar milliy infratuzilmasini yuritish

sxemasi

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 2-ILOVA

Texnogen xavf yuqori boʻlgan zonalar davlat kadastri boʻyicha tematik qatlamlarning atributiv MAʼLUMOTLARI

“Texnogen xavf yuqori boʻlgan zonalarga ega xavfli ishlab chiqarish obyektlari” tematik qatlami atributiv maʼlumotlari JADVALI

1-jadval T/r TXYZ obyektining nomi TXYZ obyektining idoraviy mansubligi TXYZ obyektining manzili TXYZ obyektining koordinatasi (X) TXYZ obyektining koordinatasi (Y) TXYZ obyektining yer uchastkasi kadastr raqami TXYZ obyektining kadastr roʼyhatidan oʼtkazilgan sana va raqami TXYZ obyektining yer uchastkasi umumiy maydoni (gektar) 1 2 3 4 5 6 7 8 9

1-jadvalning davomi TXYZ obyektining vazifalari TXYZ obyektida ishlab chiqarish, qayta ishlash, saqlash va ulardan foydalanish moddasining nomlari TXYZ obyektining hozirgi kundagi holati‎ TXYZ obyektining ekspluatasiyaga tushirilgan sanasi Sanitariya himoyasi masofasi TXYZ obyektida xodimlarning umumiy soni TXYZ obyektida xodimlarning ishlash vaqti (bir sutka davomida(soat)) TXYZ obyektidan aholi yashash punktigacha boʼlgan masofa (kmda) 10 11 12 13 14 15 16 17

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Odamlarni evakuatsiya qilishni yoki koʻchirishni talab qiladigan texnogen xavfi yuqori boʻlgan zonalar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Portlash va yongʻin chiqishi xavfi yuqori boʻlgan zonalar (obyektlar)” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Kuchli taʼsir qiluvchi zaharli ximikatlar, pestitsidlar va boshqa moddalarni ishlab chiqarish, qayta ishlash, saqlash va ulardan foydalanish obyektlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Kuchli taʼsir qiluvchi ionlashtiruvchi nurlanish manbai, radioizotop buyumlar, radioaktiv va boshqa moddalarni ishlab chiqarish, qayta ishlash, saqlash va ulardan foydalanish obyektlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Radiatsiyaviy xavf yuzaga kelishi mumkin boʻlgan zonalar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Texnogen xavfi taʼsir etuvchi sanitariya muhofaza zonalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

Togʻ-kon tarmogʻida, geologiya, neft va gaz tarmogʻida geologiya-qidiruv ishlari, foydali qazilmalarni qazib olish, konchilik, qattiq foydali qazilmalarni qayta ishlash hamda portlatish ishlarida xavfi yuqori boʻlgan zonalar” tematik qatlamining atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 3-ILOVA

Davlat suv kadastri boʻyicha tematik qatlamlarning atributiv MAʼLUMOTLARI

“Suv obyektlari — yer usti suvlari” tematik qatlami atributiv maʼlumotlari JADVALI

1-jadval T/r Suv obyektining gidrologik oʻrganilganlik boʻyicha identifikatsiya raqami Suv obyektining nomi Suv obyekti joylashgan joyi Suv obyekti joylashgan yer uchastka kadastr raqami Suv obyektining tipi Suv obyektining etakdan masofasi, km Suv toʻplanadigan maydon, kv.km 1 2 3 4 5 6 7 8

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

‎‎“Suvlarning sathlari”, “Suv sarfi” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Yer osti suv konlari resurslari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Yer osti suv koni uchastkalarining tasdiqlangan zaxiralari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Guruhli suv olish inshootlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlami nuqtali shartli belgi bilan koʻrsatiladi.

“Yer osti suvlaridan foydalanish” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali va maydonli shartli belgi bilan koʻrsatiladi.

“Hududlarda suvdan turli ehtiyojlar uchun foydalanish” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam chiziqli va maydonli shartli belgi bilan koʻrsatiladi.

‎‎“Suv isteʼmolchilari va suvdan foydalanuvchilar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali va chiziqli shartli belgi bilan koʻrsatiladi.

‎‎“Suv sifati — suv ifloslanish indeksi” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 4-ILOVA

Davlat oʻrmon kadastri boʻyicha tematik qatlamlarning atributiv MAʼLUMOTLARI

“Oʻrmon xoʻjaligi boʻlimi” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Oʻrmon kvartallari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Oʻrmonsiz yerlar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Oʻrmonli yerlar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 5-ILOVA

Oʻsimlik dunyosi obyektlari davlat kadastri boʻyicha tematik qatlamlarning atributiv MAʼLUMOTLARI

“Kamyob va yoʻqolib ketish xavfi boʻlgan yovvoyi holda oʻsuvchi oʻsimliklar turlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Xom ashyo maqsadlarida ishlatiladigan yovvoyi holda oʻsuvchi oʻsimliklar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Tabiiy yaylovlar va pichanzorlar oʻsimliklari” tematik qatlami atributiv maʼlumotlari JADVALI

3-jadval T/r Identifikatsiya raqami Yaylov turi Yaylovlar xilma-xilligi Nudud nomi Xoʻjalik yurituvchi subyektining nomi Yaylov va pichanzorlar maydoni (ga) Ozuqa massasining hosildorligi (ts/ga) 1 2 3 4 5 6 7 8

Izoh. Geografik axborot tizimida ushbu tematik qatlami maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 6-ILOVA

Muhofaza etiladigan tabiiy hududlar davlat kadastri boʻyicha tematik qatlamlarning atributiv MAʼLUMOTLARI

“Muhofaza etiladigan tabiiy hududlarning umumiy tasnifi” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Muhofaza etiladigan tabiiy hududlarning oʻsimlik dunyosi” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Muhofaza etiladigan tabiiy hududlarning oʻrmon oʻsimliklari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Muhofaza etiladigan tabiiy hududlarning hayvonot dunyosi” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Suv muhofaza qilish va yer osti chuchuk suvlarining hosil boʻlish zonalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 7-ILOVA

Davlat shaharsozlik kadastri boʻyicha tematik qatlamlarning atributiv MAʼLUMOTLARI

“Shaharsozlik hujjatlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

‎‎“Funksional zonalar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Aholi punktini geologik zonalash” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

‎‎“Qizil chiziqlar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 8-ILOVA

Gidrotexnika inshootlari davlat kadastri boʻyicha tematik qatlamlarning atributiv MAʼLUMOTLARI

‎‎“Suv omborlari”, “III sinfdan past suv omborlari” va “Sel omborlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

‎‎“Gidrouzellar” va “III sinfdan past gidrouzellar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli va nuqtali shartli belgi bilan koʻrsatiladi.

“Kanallar” va “III sinfdan past kanallar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam chiziqli va maydonli shartli belgi bilan koʻrsatiladi.

“Nasos stansiyalari” va “III sinfdan past nasos stansiyalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali va maydonli shartli belgi bilan koʻrsatiladi.

‎‎“Kollektorlar” va “III sinfdan past kollektorlar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam chiziqli va maydonli shartli belgi bilan koʻrsatiladi.

‎‎“Gidrotexnika inshootlarining muhofaza zonalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 9-ILOVA

Madaniy meros obyektlari davlat kadastri boʻyicha tematik qatlamlarning atributiv MAʼLUMOTLARI

“Arxitektura yodgorliklari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Arxeologiya yodgorliklari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Monumental sanʼat yodgorliklari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Diqqatga sazovor joylar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Madaniy meros obyektlarining muhofaza zonalari” tematik qatlami atributiv maʼlumotlari JADVALI

Izoh. Tematik qatlam maʼlumotlari ushbu jadvalga muvofiq va geografik axborot tizimida davlat kadastr obyekti maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 10-ILOVA

Avtomobil yoʻllari davlat kadastri boʻyicha tematik qatlamlarning atributiv MAʼLUMOTLARI

“Avtomobil yoʻllari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam chiziqli va maydonli shartli belgi bilan koʻrsatiladi.

“Sunʼiy inshootlar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam chiziqli va maydonli shartli belgi bilan koʻrsatiladi.

“Tartibga keltirish va jihozlash obyektlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Himoya inshootlari” tematik qatlamiing atributiv maʼlumotlari JADVALI

Izoh. Geografik axborot tizimida ushbu tematik qatlam chiziqli shartli belgi bilan koʻrsatiladi.

“Avtomobil yoʻllari xavfsizlik mintaqasi” tematik qatlamiing atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 11-ILOVA

Transport quvurlari davlat kadastri boʻyicha tematik qatlamlar atributiv MAʼLUMOTLARI

“Yetkazib berish quvurlari (qazib chiqarish kon quvurlari, magistral quvurlar, ulgurji isteʼmolchilar quvurlari)” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam chiziqli shartli belgi bilan koʻrsatiladi.

“Gaz taqsimlash stansiyalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali va maydonli shartli belgi bilan koʻrsatiladi.

“Gaz taqsimlash punktlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali va maydonli shartli belgi bilan koʻrsatiladi.

“Kompressor stansiyalari va ishlab chiqarish obyektlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Gazni yer ostida saqlash stansiyalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Gazni yer ostida saqlash stansiyasi kon zonasi” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Yetkazib berish quvurlari obyektlarining muhofaza zonalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 12-ILOVA

Aloqa obyektlari davlat kadastri boʻyicha tematik qatlamlarning atributiv MAʼLUMOTLARI

“Xalqaro kommutatsiya markazlari va avtomatik shaharlaro telefon stansiyalari”, “Tuman telekommunikatsiya bogʻlamalari va shahar telekommunikatsiya bogʻlamari”, “Avtomatik telefon stansiyalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Radiorele stansiyalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Radiotelevizion stansiyalar va radio eshittirish stansiyalari”, “Yoʻldosh aloqasi yer stansiyalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Mobil aloqa kommutatsiyasi markazlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Bazaviy qabul qilish-uzatish stansiyasi” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Kabel aloqa liniyalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam chiziqli shartli belgi bilan koʻrsatiladi.

“Radiorele aloqa liniyalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam chiziqli shartli belgi bilan koʻrsatiladi.

“Pochta aloqasi hududiy tashkilotlari”, “Pochta aloqasi shahar va tuman bogʻlamalari”, “Pochta aloqasi shahar va qishloq boʻlinmalari”, “Pochta punktlari”, “Kuryer aloqasi obyektlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Aloqa obyektlarining muhofaza zonalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 13-ILOVA

Energetika obyektlari davlat kadastri boʻyicha tematik qatlamlarining atributiv MAʼLUMOTLARI

“Issiqlik elektr stansiyalari va issiqlik markazlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Gidravlik elektrostansiyalar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Nimstansiyalar va transformator stansiyalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali va maydonli shartli belgi bilan koʻrsatiladi.

“Elektr uzatish tarmoqlari” tematik qatlamining atributiv maʼlumotlar JADVALI

Izoh. Geografik axborot tizimida ushbu tematik qatlam chiziqli shartli belgi bilan koʻrsatiladi.

“Energetika obyektlarining muhofaza zonalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Elektr tarmoqlarining tayanchlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali va maydonli shartli belgi bilan koʻrsatiladi.

“Quyosh elektrostansiyalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Shamol elektrostansiyalari” tematik qatlami atributiv maʼlumotlari JADVALI

Izoh. Tematik qatlam maʼlumotlari ushbu jadvalga muvofiq va geografik axborot tizimida davlat kadastr obyekti maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 14-ILOVA

Chiqindilarni koʻmish va utilizatsiya qilish joylari davlat kadastri boʻyicha tematik qatlamlarning atributiv MAʼLUMOTLARI

“Chiqindilarni koʻmish joylari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Chiqindilarni utilizatsiya qilish joylari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Biologik chiqindilarni koʻmish va utilizatsiya qilish joylari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Chiqindilarni koʻmish va utilizatsiya qilish joylarining sanitariya muhofaza zonalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 15-ILOVA

Tabiiy xavf yuqori boʻlgan zonalar davlat kadastri boʻyicha tematik qatlamlarning atributiv MAʼLUMOTLARI

“Xavfli geologik jarayonlar zonalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Xavfli geologik jarayonlar kichik zonalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Ayrim xavfli geologik jarayonlar yuzaga chiqish hollari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Seysmogen zonalar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Tebranish zonalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Yer qobigʻining aktiv yorilish joylari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam chiziqli shartli belgi bilan koʻrsatiladi.

“Kuchli zilzilalar izoseystlari (>5)” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam chiziqli shartli belgi bilan koʻrsatiladi.

“Zilzilalar epitsentrlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Seysmik stansiyalar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Seysmik mikrorayonlashtirish” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Havo harorati 40 gradus va undan ortiq boʻlgan kunlar soni” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Havoda oxirgi bahor ayozining boʻlishi sanasi” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Tuproqda oxirgi bahor ayozining boʻlishi sanasi” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Havoda birinchi kuz ayozining kelishi sanasi” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Tuproq sirtida birinchi kuz ayozining boʻlishi sanasi” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“12 soat va undan kam vaqt mobaynida 30 mm va undan ortiq yomgʻir koʻrinishidagi kuchli yogʻinlar boʻlgan sutkalar soni” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“12 soat va undan kam vaqt mobaynida 20 mm va undan ortiq qor koʻrinishidagi kuchli yogʻinlar boʻlgan sutkalar soni” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Yarim sutka mobaynida yomgʻir koʻrinishidagi kuchli yogʻinlar boʻlgan sutkalar soni” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Yarim sutka mobaynida qor koʻrinishidagi kuchli yogʻinlar boʻlgan sutkalar soni” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“15 m/sek va undan ortiq tezlikdagi kuchli shamol boʻlgan sutkalar soni” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Turli meʼyorlardan yuqori shamol tezligidagi kuchli shamollar boʻlgan sutkalar soni” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Atmosfera qurgʻoqchiligi boʻlgan kunlarning umumiy soni” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Gidrologik postlarning joylashuvi karta-sxemasi” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Suv miqdorining gidrologik tavsiflari va hisobot yilining vegetatsiya davrida foizlardagi taʼminlanuvi” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Sellar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Qor koʻchkilari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Chang (qum) boʻronli kunlar soni” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Tumanli kunlar soni” tematik qatlami atributiv maʼlumotlari JADVALI

28-jadval T/r Stansiyaning nomi Maksimal (koʻp yillik davr mobaynida kunlar soni) Maksimal (koʻp yillik davr mobaynida kuzatilgan yili) Oʻrtacha (koʻp yillik davr mobaynida kunlar soni) Hisobot yili uchun kunlar soni 1 2 3 4 5 6

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 16-ILOVA

Hayvonot dunyosi obyektlari davlat kadastri boʻyicha tematik qatlamlarning atributiv MAʼLUMOTLARI

“Kamyob va yoʻqolib ketish xavfi boʻlgan yovvoyi holda yashovchi hayvonlar turlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Xoʻjalik ahamiyatiga ega boʻlgan hayvonlar turlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Ovlanadigan baliqlar turlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Qishloq xoʻjaligi va oʻrmon xoʻjaligi zararkunandalari boʻlgan (hashoratlar) hayvonlar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali va maydonli shartli belgi bilan koʻrsatiladi.

“Oʻta xavfli yuqumli oʻlat kasalliklarni tarqatuvchi hayvonlar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

“Xalqaro shartnomalar va bitimlar doirasida muhofazaga olingan hayvonlar turlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam nuqtali shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 17-ILOVA

Temir yoʻllar davlat kadastri boʻyicha tematik qatlamlar atributiv MAʼLUMOTLARI

“Stansiyalar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Peregonlar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Temir yoʻllar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Oʻtish joylari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Temir yoʻllarning muhofaza zonalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 18-ILOVA

Foydali qazilma konlari, belgilari va texnogen mineral hosilalar davlat kadastriga tegishli tematik qatlamlarning atributiv MAʼLUMOTLARI

“Metallga oid foydali qazilma (konlari)” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Metallga oid foydali qazilma (yuzaga chiqish hollari)” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Nometallga oid foydali qazilma (konlari)” tematik qatlami atributiv maʼlumotlari JADVALI

3-jadvalning davomi Geografik karta listining nomenklaturasi Geografik koordinatasi — shimoliy kenglik gradusi‎ Geografik koordinatasi — shimoliy kenglikning minuti Geografik koordinatasi — shimoliy kenglikning sekundi Geografik koordinatasi — sharqiy uzunlik gradusi‎ Geografik koordinatasi — sharqiy uzunlikning minuti Geografik koordinatasi — sharqiy uzunlikning sekundi 10 11 12 13 14 15 16

3-jadvalning davomi Obyektning maydoni, ga‎ Foydali qazilma, gorizontlar, qatlamlar, uchastkalar Xom ashyoning, foydali qazilma texnologik tiplarining, mahsulotning turlari ‎ Foydali qazilmaning hisobot davri oxiridagi V+S1 toifa zaxiralari‎ Foydali qazilmaning hisobot davri oxiridagi S2 toifa zaxiralari‎ Hujjat, zaxiralar qabul qilingan yil Mineral xom ashyoni qoʻllash sohalari Rentabelligi, %‎ Kapital qoʻyilmalarning qoplanishi muddati, yil‎ 17 18 19 20 21 22 23 24 25

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Nometallga oid foydali qazilma (yuzaga chiqish hollari)” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Radioaktiv xom ashyo (konlari)” tematik qatlami atributiv maʼlumotlari JADVALI

5-jadval T/r Obyektning identifikatsiya raqami Obyektning nomi‎ Asosiy foydali qazilma (hamroh)‎ Obyektni oʻzlashtirish darajasi Obyekt ekspluatatsiyaga kiritilgan yil‎ Yuridik yoki jismoniy shaxsning — obyektdan foydalanuvchining nomi‎ Obyektning oʻnashgan joyi (viloyat)‎ Obyektning oʻrnashgan joyi (tuman)‎ 1 2 3 4 5 6 7 8 9

5-jadvalning davomi Geografik karta listining nomenklaturasi Geografik koordinatasi — shimoliy kenglik gradusi‎ Geografik koordinatasi — shimoliy kenglikning minuti Geografik koordinatasi — shimoliy kenglikning sekundi Geografik koordinatasi — sharqiy uzunlik gradusi‎ Geografik koordinatasi — sharqiy uzunlikning minuti Geografik koordinatasi — sharqiy uzunlikning sekundi 10 11 12 13 14 15 16

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Radioaktiv xom ashyo (yuzaga chiqish hollari)” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Neft va gaz konlari” tematik qatlami atributiv maʼlumotlari JADVALI

7-jadval T/r Obyektning identifikatsiya raqami Obyektning nomi‎ Asosiy foydali qazilma (hamroh)‎ Obyektni oʻzlashtirish darajasi Obyekt ekspluatatsiyaga kiritilgan yil‎ Yuridik yoki jismoniy shaxsning — obyektdan foydalanuvchining nomi‎ Obyektning oʻrnashgan joyi (viloyat)‎ Obyektning oʻrnashgan joyi (tuman)‎ 1 2 3 4 5 6 7 8 9

7-jadvalning davomi Geografik karta listining nomenklaturasi Geografik koordinatasi — shimoliy kenglik gradusi‎ Geografik koordinatasi — shimoliy kenglikning minuti Geografik koordinatasi — shimoliy kenglikning sekundi Geografik koordinatasi — sharqiy uzunlik gradusi‎ Geografik koordinatasi — sharqiy uzunlikning minuti Geografik koordinatasi — sharqiy uzunlikning sekundi 10 11 12 13 14 15 16

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Tarqoq konlar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Toshkoʻmir va yonuvchi slanetslarning konlari” tematik qatlami atributiv maʼlumotlari JADVALI

9-jadvalning davomi Geografik koordinatasi — shimoliy kenglik gradusi‎ Geografik koordinatasi — shimoliy kenglikning minuti Geografik koordinatasi — shimoliy kenglikning sekundi Geografik koordinatasi — sharqiy uzunlik gradusi‎ Geografik koordinatasi — sharqiy uzunlikning minuti Geografik koordinatasi — sharqiy uzunlikning sekundi Obyektning maydoni, ga ‎‎ Qazish usuli 11 12 13 14 15 16 17 18

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Toshkoʻmir va yonuvchi slanetslarning yuzaga chiqish hollari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam shartli belgi bilan koʻrsatiladi.

“Tarqoq konlar yuzaga chiqish hollari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Qazib olish natijasida yuzaga kelgan texnogen mineral hosilalari” tematik qatlami atributiv maʼlumotlari JADVALI

Izoh. Tematik qatlam maʼlumotlari ushbu jadvalga muvofiq va geografik axborot tizimida davlat kadastr obyekti maydonli shartli belgi bilan koʻrsatiladi.

“Qayta ishlash natijasida yuzaga kelgan texnogen mineral hosilalari” tematik qatlamiga tegishli atributiv maʼlumotlar JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 19-ILOVA

Davlat yer kadastri boʻyicha tematik qatlamlarning atributiv MAʼLUMOTLARI

“Hududiy darajadagi maʼmuriy-hududiy birliklar” tematik qatlami atributiv maʼlumotlari JADVALI

1-jadval T/r Maʼmuriy-hududiy birlik nomi Maʼmuriy-hududiy tuzilish nomi tasdiqlangan hujjat (sanasi, raqami, hujjatni tasdiqlagan organning nomi) Maʼmuriy-hududiy birliklar belgilash tizimi kodi Maʼmuriy markazi Tashkil topgan sana (sana, oy, yil) Aholi soni, ming kishi Maydoni (ga) 1 2 3 4 5 6 7 8

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Tuman (shahar) darajasidagi maʼmuriy-hududiy birliklar” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Mahalla (shahar, qishloq) fuqarolar yigʻinlarining maʼmuriy-hududiy birliklari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Mintaqa hududini kadastr boʻyicha boʻlish” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Tuman (shahar)ni kadastr boʻyicha boʻlish” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Zonalar hududlarini kadastr boʻyicha boʻlish” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Massivlar hududini kadastr boʻyicha boʻlish” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Mavzelar hududini kadastr boʻyicha boʻlish” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Yer uchastkalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Yerlarning sifat tarkibi (bonitirovka)” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 20-ILOVA

Bino va inshootlar davlat kadastri boʻyicha tematik qatlamlarning atributiv MAʼLUMOTLARI

“Bino va inshootlar davlat kadastri” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 21-ILOVA

Kartografiya-geodeziya davlat kadastri boʻyicha tematik qatlamlar atributiv MAʼLUMOTLARI

“1:1 000 000, 1:500 000, 1:200 000, 1:100 000, 1:50 000, 1:25 000 va 1:10 000 masshtabli topografik kartalar noshirlik originallarining mavjudligi kartogrammalari” tematik qatlamlari atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“1:1000 000, 1:500 000, 1:200 000, 1:100 000, 1:50 000, 1:25 000 va 1:10 000 masshtabli topografik kartalar tiraj ottisklarining mavjudligi kartogrammalari” tematik qatlamlari atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Shaharlar va boshqa aholi punktlari topografik planlarining noshirlik originallari va tirajlash ottisklarining mavjudligi kartogrammalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Ayerofotosʼyomka materiallarining mavjudligi kartogrammalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Oʻzbekiston Respublikasi hududi kosmik sʼyomkasi materiallarining mavjudligi kartogrammalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Triangulatsiya, davlat geodezik tarmogʻi va davlat sʼyomka tarmogʻi punktlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Poligonometriya punktlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Nivelirlash punktlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Oʻzbekiston Respublikasining raqamli topografik kartalari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

“Oʻzbekiston Respublikasi shaharlarining raqamli topografik planlari” tematik qatlami atributiv maʼlumotlari JADVALI

Izoh. Geografik axborot tizimida ushbu tematik qatlam maydonli shartli belgi bilan koʻrsatiladi.

Oʻzbekiston Respublikasi Fazoviy maʼlumotlar milliy infratuzilmasini yuritish tartibi toʻgʻrisidagi nizomga 22-ILOVA

Davlat kadastrlari yagona tizimiga davlat kadastrlari fazoviy maʼlumotlari va ularning metamaʼlumotlarini taqdim etish, koʻrib chiqish va maʼlumotlardagi kamchiliklarni maʼlum qilib borish SXEMASI

Vazirlar Mahkamasining 2022-yil 26-oktabrdagi 620-son qaroriga 2-ILOVA

Fazoviy maʼlumotlar milliy infratuzilmasini rivojlantirish boʻyicha muvofiqlashtiruvchi kengash toʻgʻrisida

NIZOM

1-bob. Umumiy qoidalar

1. Mazkur Nizom “Fazoviy maʼlumotlar toʻgʻrisida”gi Oʻzbekiston Respublikasining Qonuniga muvofiq tashkil etilgan Fazoviy maʼlumotlar milliy infratuzilmasini rivojlantirish boʻyicha Muvofiqlashtiruvchi kengashining (keyingi oʻrinlarda — Muvofiqlashtiruvchi kengash) maqomi, asosiy vazifalari, funksiyalari, huquqlari, javobgarligini, faoliyatini tashkil etish tartibini belgilaydi.

2. Muvofiqlashtiruvchi kengash fazoviy maʼlumotlar sohasidagi maxsus vakolatli davlat organi — Oʻzbekiston Respublikasi Davlat soliq qoʻmitasi huzuridagi Kadastr agentligi (keyingi oʻrinlarda — Kadastr agentligi) qoshida tashkil etilgan, yuridik shaxs maqomiga ega boʻlmagan fazoviy maʼlumotlar sohasidagi davlat siyosatini amalga oshirishda maslahat-kengashuv vazifasini amalga oshiradigan kollegial organ hisoblanadi.

3. Muvofiqlashtiruvchi kengash oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalari qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, ushbu Nizomga va boshqa qonunchilik hujjatlariga amal qiladi.

4. Muvofiqlashtiruvchi kengash faoliyati ishlar rejasiga muvofiq amalga oshiriladi.

2-bob. Muvofiqlashtiruvchi kengashning asosiy vazifalari va funksiyalari

5. Muvofiqlashtiruvchi kengashning asosiy vazifalari quyidagilardan iborat:

Fazoviy maʼlumotlar milliy infratuzilmasini (keyingi oʻrinlarda — FMMI) rivojlantirishga doir faoliyatning muvofiqlashtirilishini taʼminlash;

FMMI rivojlantirishning zamonaviy xalqaro tendensiyalariga va mamlakatni ijtimoiy-iqtisodiy rivojlantirish strategiyasiga mos keladigan ustuvor yoʻnalishlarni belgilashda koʻmaklashish;

FMMIni rivojlantirish dasturlarini amalga oshirishda yagona davlat siyosati olib borilishini taʼminlash hamda davlat organlari, ilmiy-tadqiqot va oliy taʼlim tashkilotlari ishtirokini muvofiqlashtirishda koʻmaklashish;

fazoviy maʼlumotlar va metamaʼlumotlar egalari oʻrtasida axborot hamkorligini rivojlantirishga, foydalanuvchilarning ulardan foydalanishga imkoniyat beruvchi sharoitlarni yaratishga koʻmaklashish;

xalqaro hamkorlikni rivojlantirishga, FMMIni rivojlantirish uchun xorijiy investitsiyalar, homiylar mablagʻlari va grantlarni jalb qilishga koʻmaklashish.

6. Muvofiqlashtiruvchi kengash oʻziga yuklatilgan vazifalarga muvofiq quyidagi funksiyalarni amalga oshiradi:

FMMIni rivojlantirishning ustuvor yoʻnalishlari, fazoviy maʼlumotlar sohasidagi normativ-huquqiy va metodik bazani takomillashtirish boʻyicha takliflar ishlab chiqadi va ularni Kadastr agentligiga kiritadi;

Kadastr agentligi tomonidan tayyorlangan FMMIni rivojlantirish boʻyicha ishlar holati toʻgʻrisidagi yillik hisobot loyihasini koʻrib chiqadi va oʻz takliflarini beradi (kelib tushgandan soʻng bir oy ichida);

davlat kadastrlarini yuritish uchun masʼul boʻlgan davlat boshqaruvi organlari, mahalliy davlat hokimiyati organlari hamda boshqa davlat organlari rahbarlarining, ilmiy-tadqiqot va oliy taʼlim tashkilotlari vakillarining fazoviy maʼlumotlar sohasidagi davlat dasturlari va boshqa dasturlarning amalga oshirilishi toʻgʻrisidagi hisobotlarini koʻrib chiqadi va oʻz takliflarini beradi (kelib tushgandan soʻng bir oy ichida);

fazoviy maʼlumotlar sohasidagi davlat dasturlari va boshqa dasturlar, normativ-huquqiy hujjatlar va texnik jihatdan tartibga solish sohasida normativ hujjatlar, standartlash boʻyicha normativ hujjatlar loyihalarini koʻrib chiqadi (kelib tushgandan soʻng bir oy ichida);

fazoviy maʼlumotlarni ishlab chiqaruvchilar va egalariga fazoviy maʼlumotlar va metamaʼlumotlar toʻplamlarining mazmunini belgilashda koʻmaklashadi;

fazoviy maʼlumotlar sohasida mutaxassislarni tayyorlash va malakasini oshirish, FMMIni rivojlantirish uchun investitsiyalar va grantlar, shuningdek, homiylar mablagʻlarini jalb qilish boʻyicha maslahatlar beradi;

fazoviy maʼlumotlarni ishlab chiqaruvchilar va egalari oʻrtasidagi hamkorlik toʻgʻrisidagi kelishuvlarni ishlab chiqishda maslahatlar beradi va oʻz takliflarini taqdim etadi;

davlat organlari, ilmiy-tadqiqot va oliy taʼlim tashkilotlari va fuqarolik jamiyati institutlari, shuningdek, fazoviy maʼlumotlarni ishlab chiqaruvchilar va egalarining Muvofiqlashtiruvchi kengash vakolatlariga oid masalalar boʻyicha takliflarini koʻrib chiqadi.

3-bob. Muvofiqlashtiruvchi kengashning huquqlari va javobgarligi

7. Muvofiqlashtiruvchi kengash quyidagi huquqlarga ega:

oʻz vakolatiga kiradigan masalalarni hal etish uchun davlat va xoʻjalik boshqaruvi organlaridan, mahalliy davlat hokimiyati organlaridan zarur axborotni belgilangan tartibda soʻrash va olish;

fazoviy maʼlumotlar sohasidagi davlat dasturlari va boshqa dasturlar, normativ-huquqiy hujjatlar va texnik tartibga solish boʻyicha normativ hujjatlar, standartlash boʻyicha normativ hujjatlar loyihalari boʻyicha oʻz takliflarini berish;

Muvofiqlashtiruvchi kengash qonunchilik hujjatlariga muvofiq boshqa huquqlarga ham ega boʻlishi mumkin.

8. Muvofiqlashtiruvchi kengash:

oʻziga yuklangan vazifalar va funksiyalarning oʻz vaqtida, samarali bajarilishi, shuningdek, FMMIni rivojlantirish;

Muvofiqlashtiruvchi kengash tomonidan qabul qilinayotgan qarorlarning sifati, pirovard natijalari va amalga oshirilishi oqibatlari;

oʻz faoliyati sohasini rivojlantirish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarning samarali amalga oshirilishi boʻyicha javobgar hisoblanadi.

4-bob. Muvofiqlashtiruvchi kengashning tarkibi

9. Muvofiqlashtiruvchi kengash tarkibi davlat organlari, ilmiy-tadqiqot va oliy taʼlim tashkilotlari hamda fuqarolik jamiyati institutlari vakillaridan iborat boʻladi.

10. Muvofiqlashtiruvchi kengash rais, rais oʻrinbosari, kotib va Muvofiqlashtiruvchi kengash aʼzolari tarkibida shakllantiriladi.

11. Muvofiqlashtiruvchi kengash faoliyatiga umumiy rahbarlikni rais, u boʻlmaganda — rais oʻrinbosari amalga oshiradi.

12. Kadastr agentligining direktori Muvofiqlashtiruvchi kengash raisi hisoblanadi.

13. Muvofiqlashtiruvchi kengash raisining oʻrinbosari Kadastr agentligi direktorining FMMIni yaratish va rivojlantirish uchun masʼul oʻrinbosari hisoblanadi.

14. Muvofiqlashtiruvchi kengash aʼzolari Muvofiqlashtiruvchi kengash yigʻilishining kun tartibiga kiritilgan masalalarni muhokama qilishda va ular boʻyicha qarorlar qabul qilishda teng huquqlarga egadirlar.

15. Muvofiqlashtiruvchi kengash qoshida kotibiyat faoliyat yuritadi.

16. Muvofiqlashtiruvchi kengash raisi:

Muvofiqlashtiruvchi kengash ishiga mazkur Nizomda belgilangan Muvofiqlashtiruvchi kengashning vazifalari va funksiyalariga muvofiq rahbarlik qiladi;

Muvofiqlashtiruvchi kengash aʼzolari oʻrtasida majburiyatlarni taqsimlaydi;

Muvofiqlashtiruvchi kengash ishi rejasini (bir yilda bir marta), Muvofiqlashtiruvchi kengash yigʻilishining kun tartibi va bayonnomasini tasdiqlaydi (bir yilda kamida toʻrt marta);

Muvofiqlashtiruvchi kengash yigʻilishlarini oʻtkazadi;

Muvofiqlashtiruvchi kengashning navbatdan tashqari yigʻilishlarini oʻtkazish haqida qaror qabul qiladi;

Muvofiqlashtiruvchi kengashda qoʻrilayotgan masalalarga qarab uning yigʻilishlariga Muvofiqlashtiruvchi kengash aʼzolari boʻlmagan idoralar va tashkilotlar vakillarini taklif qiladi;

Muvofiqlashtiruvchi kengash faoliyatining joriy va istiqbolli yoʻnalishlarini belgilaydi;

Muvofiqlashtiruvchi kengash qarorlarini bajarish muddatlariga rioya etilishi uchun masʼul shaxslarni tayinlaydi.

17. Muvofiqlashtiruvchi kengash raisining oʻrinbosari:

Muvofiqlashtiruvchi kengash raisi topshiriqlarining bajarilishini taʼminlaydi;

Muvofiqlashtiruvchi kengash faoliyati yoʻnalishlari boʻyicha takliflar kiritadi;

Muvofiqlashtiruvchi kengash raisi boʻlmagan hollarda Muvofiqlashtiruvchi kengash raisi funksiyalarini bajaradi.

18. Muvofiqlashtiruvchi kengash kotibiyatining funksiyalarini Kadastr agentligining Milliy geoaxborot tizimini muvofiqlashtirish va Davlat kadastrlari boshqarmasi amalga oshiradi.

Muvofiqlashtiruvchi kengash kotibiyati:

Muvofiqlashtiruvchi kengash faoliyatining tashkiliy-texnik va axborot taʼminotini amalga oshiradi;

Muvofiqlashtiruvchi kengash yigʻilishi uchun kun tartibi loyihasini tayyorlaydi hamda Muvofiqlashtiruvchi kengash raisi bilan kelishgan holda yigʻilishga taklif qilinganlar roʻyxatini tuzadi;

Muvofiqlashtiruvchi kengash yigʻilishida koʻrib chiqiladigan masalalar boʻyicha materiallar tayyorlanishini taʼminlaydi;

yigʻilish oʻtkaziladigan kundan oldin besh ish kunidan kechiktirmasdan Muvofiqlashtiruvchi kengash aʼzolarini va taklif qilinganlarni Muvofiqlashtiruvchi kengash yigʻilishining kun tartibi, yigʻilishda koʻrib chiqiladigan masalalar boʻyicha materiallar, oʻtkaziladigan sanasi, vaqti va joyi haqida xabardor qiladi;

Muvofiqlashtiruvchi kengash yigʻilishlarining bayonnomasini yuritadi;

Muvofiqlashtiruvchi kengash aʼzolariga Muvofiqlashtiruvchi kengash yigʻilishining bayonnomasi nusxalarini yuboradi;

Muvofiqlashtiruvchi kengashni zarur hujjatlar va axborotnoma materiallari bilan taʼminlaydi;

Muvofiqlashtiruvchi kengash qarorlarining bajarilishini nazorat qiladi;

Muvofiqlashtiruvchi kengash faoliyatini taʼminlash boʻyicha boshqa funksiyalarni bajaradi.

19. Muvofiqlashtiruvchi kengash aʼzolari:

Muvofiqlashtiruvchi kengash ishida ishtirok etadi;

Muvofiqlashtiruvchi kengash raisining topshiriqlarini hamda Muvofiqlashtiruvchi kengash raisi boʻlmaganda Muvofiqlashtiruvchi kengash raisining oʻrinbosarining topshiriqlarini bajaradi;

Muvofiqlashtiruvchi kengash ishining rejasini, Muvofiqlashtiruvchi kengash yigʻilishining kun tartibini tuzish boʻyicha takliflar kiritadi;

Muvofiqlashtiruvchi kengash yigʻilishi oʻtkaziladigan kundan oldin 15 ish kunidan kechiktirmasdan Muvofiqlashtiruvchi kengash kotibiyatiga Muvofiqlashtiruvchi kengash yigʻilishida koʻrib chiqiladigan masalalar boʻyicha materiallarni, shuningdek, Muvofiqlashtiruvchi kengash yigʻilishining kun tartibi masalalari boʻyicha qarorlar loyihalarini taqdim etadi;

Muvofiqlashtiruvchi kengash yigʻilishida koʻrilayotgan masalalarni muhokama qilishda va tegishli qarorlarni ishlab chiqishda ishtirok etadi.

5-bob. Muvofiqlashtiruvchi kengash ishining reglamenti

20. Muvofiqlashtiruvchi kengash ishi yigʻilishlar shaklida tashkil etiladi.

21. Muvofiqlashtiruvchi kengash yigʻilishlari zaruratga qarab, lekin bir yilda kamida toʻrt marta oʻtkaziladi.

22. Muvofiqlashtiruvchi kengashning navbatdan tashqari yigʻilishlari Muvofiqlashtiruvchi kengash raisining qaroriga koʻra, shuningdek, Muvofiqlashtiruvchi kengash aʼzolarining kamida uchdan bir qismining talabiga koʻra chaqirilishi mumkin.

23. Muvofiqlashtiruvchi kengashning yigʻilishlarini rais, u yoʻq boʻlganda esa — Muvofiqlashtiruvchi kengash raisining oʻrinbosari olib boradi.

24. Muvofiqlashtiruvchi kengash yigʻilishining kvorumi uchun uning aʼzolarining uchdan ikki qismi yigʻilgan boʻlishi shart.

25. Muvofiqlashtiruvchi kengash qarorlari konsensus (muhim masalalarni hal qilish uchun) yoʻli bilan ham, oddiy koʻpchilik ovoz (tartibot, metodika masalalari va boshqa joriy masalalar boʻyicha) bilan ham qabul qilinadi. Konsensus Muvofiqlashtiruvchi kengashning birorta ham aʼzosining rasmiy eʼtirozi yoʻqligi sifatida belgilanadi.

26. Muvofiqlashtiruvchi kengash aʼzolari uning yigʻilishlariga shaxsan hozir boʻladilar. Muvofiqlashtiruvchi kengash aʼzosi yigʻilishda qatnasha olmagan taqdirda, u oldindan bu haqda Muvofiqlashtiruvchi kengash kotibiyatini xabardor qiladi va zarurat boʻlganda koʻrilayotgan masalalar boʻyicha oʻz fikrini yozma shaklda bayon qiladi, u Muvofiqlashtiruvchi kengash yigʻilishida oʻqib beriladi va bayonnomaga biriktirib qoʻyiladi.

27. Muvofiqlashtiruvchi kengash raisi Muvofiqlashtiruvchi kengash yigʻilishini oʻtkazish shaklini belgilaydi:

shaxsan qatnashib, yaʼni Muvofiqlashtiruvchi kengash aʼzolarining birgalikdagi qatnashuvi shaklida;

internet — konferensiyalar yoki selektor majlislar shaklda, yaʼni Muvofiqlashtiruvchi kengash aʼzolarining birgalikdagi qatnashuvisiz.

28. Muvofiqlashtiruvchi kengash yigʻilishining kun tartibi Muvofiqlashtiruvchi kengash aʼzolarining takliflari asosida shakllantiriladi.

Takliflar dastlabki loyihalar, hujjatlar yoki ushbu hujjatlar konsepsiyalari koʻrinishida ularning Muvofiqlashtiruvchi kengashda koʻrib chiqilishi zarurligini asoslab beradigan materiallar bilan birga kiritiladi.

29. Aniq masalani yigʻilish kun tartibiga kiritish haqidagi yakuniy qarorni Muvofiqlashtiruvchi kengash raisi qabul qiladi.

30. Muvofiqlashtiruvchi kengashning kun tartibiga muvofiq koʻrib chiqish uchun qabul qilingan hujjatlar uning aʼzolariga yigʻilish oʻtkaziladigan kundan kamida 15 kundan kechiktirmasdan tarqatiladi, bundan navbatdan tashqari yigʻilishlar mustasno.

31. Muvofiqlashtiruvchi kengash qarorlari uning aʼzolariga ular qabul qilingan kundan keyin 10 kundan kechiktirmasdan tarqatiladi. Yigʻilish davomida Muvofiqlashtiruvchi kengashning har bir aʼzosi kun tartibiga qoʻshimcha masalani kiritishni taklif qilishi mumkin, uni koʻrib chiqish haqidagi qaror shu yigʻilishning oʻzida Muvofiqlashtiruvchi kengash aʼzolarining oddiy koʻpchilik ovozi bilan qabul qilinadi.

32. Muvofiqlashtiruvchi kengash yigʻilishlari, qoida tariqasida, Kadastr agentligida oʻtkaziladi. Zarur hollarda Muvofiqlashtiruvchi kengash yigʻilishlari vakolatli vazirliklarda, davlat qoʻmitalarida va idoralarda oʻtkazilishi mumkin.

6-bob. Yakunlovchi qoidalar

33. Muvofiqlashtiruvchi kengashning davlat organlaridan vakil qilingan aʼzolari boshqa ishga oʻtganda uning tarkibiga ularning lavozimga yangi tayinlangan shaxslari kiritiladi.

34. Muvofiqlashtiruvchi kengash yigʻilishi yakunlari boʻyicha bayonnoma tuziladi. Yigʻilish bayonnomasi yigʻilishda qatnashgan aʼzolar tomonidan imzolanadi.

35. Muvofiqlashtiruvchi kengash yigʻilishida keyingi yigʻilishni oʻtkazish sanasi va joyi belgilanadi.

Vazirlar Mahkamasining 2022-yil 26-oktabrdagi 620-son qaroriga 3-ILOVA

Fazoviy maʼlumotlar milliy infratuzilmasini rivojlantirish boʻyicha muvofiqlashtiruvchi kengash

TARKIBI

F. Pulatov—Davlat soliq qoʻmitasi huzuridagi Kadastr agentligi direktori — Muvofiqlashtiruvchi kengash raisi;M. Mirmaksudov—Davlat soliq qoʻmitasi huzuridagi Kadastr agentligi direktori oʻrinbosari — Muvofiqlashtiruvchi kengash raisining oʻrinbosari;A. Nazarov—suv xoʻjaligi vazirining birinchi oʻrinbosariA. Burxonov—mudofaa vazirining oʻrinbosariM. Ubaydullayev—iqtisodiy taraqqiyot va kambagʻallikni qisqartirish vazirining oʻrinbosariA. Xaydarov—moliya vazirining oʻrinbosariA. Muminov—transport vazirining oʻrinbosariK. Abdijalilov—favqulodda vaziyatlar vazirining oʻrinbosariSh. Mirzayev—qishloq xoʻjaligi vazirining oʻrinbosariSh. Turdikulova—innovatsion rivojlanish vazirining oʻrinbosariB. Shaxriyorov—turizm va madaniy meros vazirining oʻrinbosariJ. Maxsudov—axborot texnologiyalari va kommunikatsiyalarini rivojlantirish vazirining oʻrinbosariSh. Jaxongirov—qurilish vazirining oʻrinbosariGʻ. Qurbonov—Oʻrmon xoʻjaligi davlat qoʻmitasi raisining oʻrinbosariJ. Kazbekov—Ekologiya va atrof muhitni muhofaza qilish davlat qoʻmitasi raisining oʻrinbosariSh. Alimov—Davlat geologiya va mineral resurslar qoʻmitasi raisining oʻrinbosariZ. Ziyayev—Milliy statistika qoʻmitasi raisining oʻrinbosariB. Abduxalimov—Fanlar akademiyasi vitse-prezidentiSh. Kadirov—“Oʻzbekkosmos” agentligi direktoriF. Safarov—Gidrometeorologiya xizmati markazi direktori oʻrinbosariZ. Maxamatov—“Oʻzbekiston temir yoʻllari” AJ boshqaruvi raisi oʻrinbosariB. Mamatkarimov—“Oʻztransgaz” AJ boshqaruvi raisi oʻrinbosariX. Saburov—Mirzo Ulugʻbek nomidagi Oʻzbekiston Milliy universiteti prorektoriT. Sultanov—“Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universiteti prorektoriF. Xikmatov—Oʻzbekiston Geografiya jamiyati raisining birinchi oʻrinbosariM. Valiyev—Davlat kadastrlari palatasi raisiN. Latipov—Kadastr agentligi Milliy geoaxborot tizimini muvofiqlashtirish va Davlat kadastrlari boshqarmasi boshligʻi — Muvofiqlashtiruvchi kengash kotibi

Izoh. Muvofiqlashtiruvchi kengash aʼzolari boshqa ishga oʻtganda uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklatilgan shaxslar kiritiladi.

Vazirlar Mahkamasining 2022-yil 26-oktabrdagi 620-son qaroriga 4-ILOVA

Vazirlar Mahkamasining 2018-yil 14-dekabrdagi 1010-son qarori bilan tasdiqlangan Koʻchmas mulk obyektlari manzillari yagona reyestrini shakllantirish va yuritish tartibi toʻgʻrisidagi nizomga kiritilayotgan oʻzgartirish va qoʻshimchalar

1. 1-band quyidagi tahrirda bayon etilsin:

“1. Ushbu Nizom Koʻchmas mulk obyektlariga manzillar belgilash, oʻzgartirish va bekor qilish hamda manzillar yagona reyestrini (keyingi oʻrinlarda — Reyestr) shakllantirish va yuritish tartibini belgilaydi”.

2. 2-band quyidagi mazmundagi toʻqqizinchi — yigirma birinchi xatboshilar bilan toʻldirilsin:

“fazoviy obyektlar — joylashgan joyi belgilangan fazoviy-vaqt koordinatalari tizimida aniqlanishi mumkin boʻlgan tabiiy, sunʼiy va boshqa obyektlar (shu jumladan, binolar, inshootlar);

halqa avtomobil yoʻli — bir nuqtadan boshlanib shahar va aholi punktlari atroflarini oʻrab turuvchi boshlangan nuqta bilan tutashuvchi aylana shaklidagi yoʻl;

berk koʻchalar — boshqa yoʻllarga oʻzaro oʻtib boʻlmaydigan, koʻcha oxiri obyekt bilan toʻsilgan koʻchalar;

geografik obyektlar nomlarining davlat reyestri — maʼlum bir hudud uchun ularga mos boʻlgan holda kompyuter yordamida oʻqiladigan toponimlarni (geografik nomlarni) oʻz ichiga olgan raqamli maʼlumotlar bazasi;

koʻchalar — aholi punktlarda ikki qator uylar orasidagi avtotransport vositalari va odamlar oʻtishga moʻljallangan joy;

koʻchmas mulk obyektlari manzillari yagona reyestri — manzillar, ularning geokodlari, oʻzgarish tarixi va hozirgi holati toʻgʻrisidagi maʼlumotlarning yagona axborot tizimi;

magistral yoʻllar — keng va toʻgʻridan-toʻgʻri shahar koʻchasi, odatda jadal harakatlar boʻladigan koʻchalar, shahardan tashqariga olib chiquvchi koʻchalar;

tor koʻchalar — ikkita katta koʻchani oʻzaro bogʻlovchi kichik koʻcha;

xiyobonlar — maydon va koʻchalarning dam olish va dekorativ bezaklar uchun ishlatiladigan kichik yashil maydonlar;

chorraha — ikkita koʻchaning kesishmasi yoki toʻrt tomondan kelayotgan yoʻllarni tutashtiruvchi qism;

shoh koʻcha — uzun, burilishsiz va keng koʻcha;

elektron hujjatlar toʻplami — elektron shaklda qayd etilgan, tizim orqali tasdiqlangan va elektron hujjatlarning ularni identifikatsiya qilish imkoniyatini beradigan boshqa rekvizitlariga ega boʻlgan axborot elektron hujjatlar toʻplami;

koʻchaning ID raqami — geografik obyektlar nomlarining davlat reyestrida yuritiladigan, geografik obyekt nomi oʻzgargan taqdirda ham uni tizimda identifikatsiya qilish maqsadida biriktiriladigan unikal raqam”.

3. 3-band oʻz kuchini yoʻqotgan deb hisoblansin.

4. 4-bandning birinchi xatboshisi quyidagi tahrirda bayon etilsin:

“4. Reyestrni shakllantirish va yuritish ustidan nazorat qilish Oʻzbekiston Respublikasi Davlat soliq qoʻmitasi huzuridagi Kadastr agentligi (keyingi oʻrinlarda — Kadastr agentligi) tomonidan amalga oshiriladi. Kadastr agentligi:”.

5. Quyidagi mazmundagi 41 va 42-bandlar bilan toʻldirilsin:

“41. Koʻchmas mulk obyektining manzillarini belgilash, oʻzgartirish va bekor qilish hamda ularni roʻyxatdan oʻtkazishning maqsadi quyidagilardan iborat:

koʻchmas mulk obyektlari manzillarini tartibga solish;

yer uchastkasi, yangi qurilgan, rekonstruksiya qilingan, foydalanilayotgan bino va inshootlarning hayot siklining turli bosqichlarida yuridik jihatdan toʻgʻri belgilangan manzillarini markazlashgan holda roʻyxatga olishni taʼminlash;

reyestrda roʻyxatga olingan obyekt manzilining hujjatlarga muvofiqlik asosida bino va inshootlar yoki uning qismini shu bilan birga koʻcha va yoʻllarni identifikatsiyalashni taʼminlash.

42. Koʻchmas mulk obyektining manzili reyestrda roʻyxatdan oʻtkazilganidan soʻng ushbu manzil maʼlumotlari jismoniy va yuridik shaxslar uchun haqiqiy manba hisoblanadi”.

6. 5-band quyidagi tahrirda bayon etilsin:

“5. Oʻzbekiston Respublikasi Davlat soliq qoʻmitasi huzuridagi Kadastr agentligining Davlat kadastrlari palatasi hududiy boshqarmalari (keyingi oʻrinlarda — hududiy boshqarmalar) manzillarning mavjudligini belgilash, oʻzgartirish, bekor qilish subyektlari hisoblanadi”.

7. 8-bandda:

a) birinchi xatboshidagi “korxonaning koʻchmas mulk obyektlariga huquqlarni roʻyxatga olish ishlarini (keyingi oʻrinlarda roʻyxatga olish deb ataladi) roʻyxatga oluvchi (keyingi oʻrinlarda roʻyxatga oluvchi deb ataladi)” soʻzlari “boshqarma” soʻzi bilan almashtirilsin;

b) quyidagi mazmundagi ikkinchi xatboshi bilan toʻldirilsin:

“koʻchmas mulk obyektiga kadastr pasportini rasmiylashtirish jarayonida;”;

v) ikkinchi — toʻrtinchi xatboshilar tegishlicha uchinchi — beshinchi xatboshilar deb hisoblansin.

8. Quyidagi mazmundagi 81-band bilan toʻldirilsin:

“81. Quyidagi koʻchmas mulk obyektlariga manzillar belgilanadi:

yer uchastkasiga, qishloq xoʻjaligiga moʻljallangan yerlar bundan mustasno;

koʻp kvartirali uylardagi kvartiraga (har bir kvartira uchun);

bino va inshoot hamda uning bir qismiga”.

9. 9-bandda:

a) quyidagi mazmundagi uchinchi xatboshi bilan toʻldirilsin:

““E-IJRO AUKSION” yagona elektron savdo maydonchasida oʻtkazilgan elektron auksion natijalari haqidagi bayonnoma”;

b) uchinchi — toʻrtinchi xatboshilar tegishlicha toʻrtinchi — beshinchi xatboshilar deb hisoblansin;

v) toʻrtinchi xatboshi quyidagi tahrirda bayon etilsin:

“qurilishi tugallangan obyektni foydalanishga qabul qilish dalolatnomasi”.

10. 13-band quyidagi mazmundagi ikkinchi — yettinchi xatboshilar bilan toʻldirilsin:

“Quyidagi hollarda manzilni belgilash uchun toʻlov undirilmaydi:

koʻchmas mulk joylashgan maʼmuriy — hududiy birlik oʻzgarganda;

koʻchmas mulk obyektining bir qismi begonalashtirilganda obyektning qolgan qismiga eski manzili berilganda;

koʻchaning nomi oʻzgarishi bilan ushbu koʻchada joylashgan barcha koʻchmas mulklarning manziliga oʻzgartirish kiritilganda;

nomsiz koʻchalarga nom berilishi bilan ushbu koʻchada joylashgan barcha koʻchmas mulklarning manzili belgilanganda va manziliga oʻzgartirish kiritilganda;

qonunchilik hujjatlariga muvofiq aholi punktlarining nomlanishi va chegaralari oʻzgarganda, shu jumladan, bir hududdan boshqa hududga oʻtkazilganda (turar yoki noturar koʻchmas mulk obyektida rekonstruksiya, qoʻshimcha va alohida qurilish mavjud boʻlgan hollar bundan mustasno)”.

11. 16 va 17-bandlardagi “korxona” soʻzi “boshqarma” soʻzi bilan almashtirilsin.

12. 19-band quyidagi mazmundagi xatboshilar bilan toʻldirilsin:

“Geokoddan manzilni axborot tizimida identifikatsiyalash uchun foydalaniladi.

Manzillarni axborot tizimlarida identifikatsiya qilish uchun manzilning unikal raqami ishlatiladi”.

13. Quyidagi mazmundagi 201-band bilan toʻldirilsin:

“201. Manzil elementlarining turlari ushbu Nizomga 5-ilovaga, manzil tuzilmasi 6-ilovaga, ichki manzil tuzilmasi 7-ilovaga muvofiq belgilanadi”.

14. 21-bandning birinchi xatboshisi quyidagi tahrirda bayon etilsin:

“21. Ichki manzil ushbu Nizomga 7-ilovaga muvofiq shakllantiriladi va quyidagilarni oʻz ichiga oladi:”.

15. 23-bandning birinchi xatboshisi quyidagi tahrirda bayon etilsin:

“Koʻchmas mulk obyektlariga, alohida ajratilgan xonalarga raqamlar berish majburiydir, ushbu bandning ikkinchi xatboshisida nazarda tutilgan holatlar bundan mustasno”.

16. 29-band quyidagi tahrirda bayon etilsin:

“29. Obyektni ushbu Nizomning 25 — 28-bandlariga muvofiq raqamlash imkoni boʻlmagan taqdirda raqamlash dunyo qismlari boʻyicha (tegishlicha gʻarbdan sharqqa yoki shimoldan janubga) amalga oshiriladi”.

17. Quyidagi mazmundagi 501 va 502-bandlar bilan toʻldirilsin:

“501. Manzillar reyestri tuzilgunga qadar raqamlashtirilgan manzillar koʻchmas mulkka boʻlgan huquqlar va u haqida tuzilgan bitimlarning davlat reyestriga (keyingi oʻrinlarda — koʻchmas mulk reyestri) kiritilgan paytdan eʼtiboran manzil belgilangan, oʻzgartirilgan, mavjudligi bekor qilingan deb hisoblanadi.

502. Raqamlashtirilgan manzillar Manzillar reyestriga mutaxassis tomonidan bosqichma — bosqich kiritib boriladi. Bunda mulkdor tomonidan ariza va toʻlov talab etilmaydi”.

18. 52-band quyidagi tahrirda bayon etilsin:

“Oʻzbekiston Respublikasi Davlat soliq qoʻmitasi huzuridagi Kadastr agentligining Davlat kadastrlari palatasi (keyingi oʻrinlarda — maʼmur) Reyestrni shakllantirish, yuritish va undagi axborotning yaxlitligi uchun masʼuldir”.

19. 53-bandning birinchi xatboshisidagi “korxonalar” soʻzi “boshqarmalar” soʻzi bilan almashtirilsin.

20. 60-bandda:

a) ikkinchi xatboshidagi “inventar” soʻzi “kadastr” soʻzi bilan almashtirilsin;

b) uchinchi xatboshidagi “korxonalar” soʻzi “boshqarmalar” soʻzi bilan almashtirilsin.

21. 62-banddagi “roʻyxatga oluvchi” soʻzlari “hududiy boshqarma” soʻzlari bilan almashtirilsin.

22. 64-bandning birinchi va ikkinchi xatboshilari quyidagi tahrirda bayon etilsin:

“Reyestrga tuzatishlarni kiritish hududiy boshqarma tomonidan:

hududiy boshqarmaning tashabbusi bilan — texnik xato boʻlganda;”.

23. 67-banddagi “roʻyxatga oluvchi” soʻzlari “hududiy boshqarma” soʻzlari bilan almashtirilsin.

24. 72-band quyidagi mazmundagi xatboshilar bilan toʻldirilsin:

“Indekslar quyidagi lotin harflari bilan belgilanadi:

a, b, d, e, f, g, h, i, j, k, l, m, n, p, q, r, s, t, u, v, x, y, z”.

25. 74-banddagi “Oʻzbekiston Respublikasi Vazirlar Mahkamasining qarorlarida” soʻzlari “qonunchilik hujjatlarida” soʻzlari bilan almashtirilsin.

26. Quyidagi tahrirdagi 5 — 7-ilovalar bilan toʻldirilsin:

“Koʻchmas mulk obyektlari manzillari yagona reyestrini shakllantirish va yuritish tartibi toʻgʻrisidagi nizomga 5-ILOVA

MANZIL ELEMENTLARINING TURLARI

Koʻchmas mulk obyektlari manzillari yagona reyestrini shakllantirish va yuritish tartibi toʻgʻrisidagi nizomga 6-ILOVA

MANZIL TUZILMASI

Koʻchmas mulk obyektlari manzillari yagona reyestrini shakllantirish va yuritish tartibi toʻgʻrisidagi nizomga 7-ILOVA

ICHKI MANZIL TUZILMASI

* Mavjud boʻlganda qoʻllaniladi”.

Vazirlar Mahkamasining 2022-yil 26-oktabrdagi 620-son qaroriga 5-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan qarorlari

ROʻYXATI

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2005-yil 1-apreldagi 95-son qaroriga ilovaning 17-bandi.

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasi Madaniyat vazirligi faoliyatini tashkil etish toʻgʻrisida” 2017-yil 15-fevraldagi PQ-2778-son qarori)” 2017-yil 11-maydagi 270-son qaroriga 1-ilovaning 20 bandi.

4. Vazirlar Mahkamasining “Oʻrmon xoʻjaligini boshqarish tizimini yanada takomillashtirish chora-tadbirlari toʻgʻrisida” 2017-yil 19-iyuldagi 530-son qaroriga 8-ilovaning 9-bandi.

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Favqulodda vaziyatlarning oldini olish va ularni bartaraf etish tizimi samaradorligini tubdan oshirish chora-tadbirlari toʻgʻrisida” 2017-yil 1-iyundagi PF-5066-son Farmoni)” 2017-yil 18-avgustdagi 644-son qaroriga 1-ilovaning 5-bandi.

6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Ekologiya va atrof-muhitni muhofaza qilish sohasida davlat boshqaruvi tizimini takomillashtirish toʻgʻrisida” 2017-yil 21-apreldagi PF-5024-son Farmoni va Oʻzbekiston Respublikasi Prezidentining “Oʻzbekiston Respublikasi Ekologiya va atrof-muhitni muhofaza qilish davlat qoʻmitasi faoliyatini taʼminlash chora-tadbirlari toʻgʻrisida” 2017-yil 21-apreldagi PQ-2915-son qarori)” 2017-yil 14-noyabrdagi 915-son qaroriga 1-ilova 26-bandining “b” kichik bandi.

7. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Qishloq va suv xoʻjaligi davlat boshqaruvi tizimini tubdan takomillashtirish chora-tadbirlari toʻgʻrisida” 2018-yil 17-apreldagi PF-5418-son Farmoni, Oʻzbekiston Respublikasi Prezidentining “Oʻzbekiston Respublikasi Qishloq xoʻjaligi vazirligi faoliyatini tashkil etish chora-tadbirlari toʻgʻrisida” 2018-yil 17-apreldagi PQ-3671-son qarori, “Oʻzbekiston Respublikasi Suv xoʻjaligi vazirligi faoliyatini tashkil etish chora-tadbirlari toʻgʻrisida” 2018-yil 17-apreldagi PQ-3672-son qarori)” 2018-yil 7-dekabrdagi 995-son qaroriga 1-ilovaning 45-bandi.

8. Vazirlar Mahkamasining “Oʻzbekiston Respublikasi Suv xoʻjaligi vazirligi huzuridagi Katta va alohida muhim suv xoʻjaligi obyektlarining texnik holatini hamda bexatar ishlashini nazorat qilish davlat inspeksiyasi toʻgʻrisidagi nizomni tasdiqlash haqida” 2019-yil 12-martdagi 215-son qaroriga 2-ilovaning 1-bandi.

9. Vazirlar Mahkamasining “Qurilish sohasida davlat boshqaruvi tizimining tubdan takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, baʼzilarini oʻz kuchini yoʻqotgan deb hisoblash toʻgʻrisida” 2019-yil 14-iyundagi 498-son qaroriga 1-ilovaning 7-bandi.

10. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Suv xoʻjaligi obyektlari xavfsizligini nazorat qilish davlat inspeksiyasi faoliyatini tartibga soluvchi ayrim qonunchilik hujjatlarini tasdiqlash toʻgʻrisida” 2021-yil 17-avgustdagi 525-son qaroriga 5-ilovaning 2-bandi.

11. Vazirlar Mahkamasining “Oʻzbekiston Respublikasi Turizm va madaniy meros vazirligi huzuridagi Madaniy meros agentligi faoliyati tashkil etilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2022-yil 22-apreldagi 209-son qaroriga ilovaning 3-bandi.