Sanoat ishlab chiqarishida xom ashyo uzluksizligini taʼminlash boʻyicha qoʻshimcha qulayliklarni yaratish chora-tadbirlari toʻgʻrisida (PQ-392-son)

12.10.2022

Oʻzbekiston Respublikasi Prezidentining

Qarori

Joriy yilning 22-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan ustuvor vazifalar ijrosini taʼminlash, shuningdek, “bojxona hududida qayta ishlash” bojxona rejimini yanada soddalashtirish, sanoat korxonalarining xom ashyo taʼminotini yaxshilash maqsadida:

1. 2025-yil 1-yanvarga qadar 1-ilovaga muvofiq xom ashyo va yarim tayyor mahsulotlarga import bojxona boji nol stavkada qoʻllanilsin.

2. Belgilansinki, “bojxona hududida qayta ishlash” bojxona rejimi doirasida barcha tashqi iqtisodiy faoliyat ishtirokchilariga bojxona toʻlovlari toʻlanishini taʼminlash talabi bekor qilinadi.

3. Oʻzbekiston Respublikasi hududiga import qilishda bojxona boji va qoʻshilgan qiymat soligʻidan ozod etiladigan, oʻxshashi respublikada ishlab chiqarilmaydigan texnologik asbob-uskunalar roʻyxatiga 2-ilovaga muvofiq texnologik asbob-uskunalar kiritilsin.

4. Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi hamda Moliya vazirligining 2023-yil 1-yanvardan boshlab:

asbob-uskunalar (qurilmalar, mexanizmlar, butlovchi va ehtiyot qismlar) sotib olish (sotish) boʻyicha shartnomada (kontraktda) ularni montaj va (yoki) ishga tushirish-sozlash xizmatlari, xodimlarni oʻqitish xizmatlari va boshqa shu kabi xizmatlar qiymati alohida koʻrsatilmagan hollarda norezidentning soliq solinadigan daromadini ushbu xizmatlarning bozor qiymatidan kelib chiqib hisoblash toʻgʻrisidagi;

mazkur turdagi shartnomalar (kontraktlar) boʻyicha montaj va (yoki) ishga tushirish-sozlash xizmatlari, xodimlarni oʻqitish xizmatlari va boshqa shu kabi xizmatlar koʻrsatganlik uchun norezidentning soliq solinadigan daromadini shartnoma obyekti qiymatining 20 foiziga teng deb hisoblashning amaldagi tartibini bekor qilish toʻgʻrisidagi takliflari maʼqullansin.

Moliya vazirligi Davlat soliq qoʻmitasi bilan birgalikda ikki oy muddatda mazkur band talablaridan kelib chiqib, Soliq kodeksiga oʻzgartish va qoʻshimchalar kiritish toʻgʻrisidagi taklifni Vazirlar Mahkamasiga kiritsin.

5. Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasiga:

respublika hududiga import qilishda bojxona boji va qoʻshilgan qiymat soligʻidan ozod etiladigan texnologik asbob-uskunalar roʻyxatiga kiritilgan, biroq ishlab chiqarilganiga uch yildan koʻp boʻlgan ayrim texnologik asbob-uskunalar roʻyxatini faqat bojxona bojidan ozod qilish sharti bilan tasdiqlash;

muvofiqlik sertifikatini taqdim etmagan holda, uni bojxona hujjatlari rasmiylashtirilgan kundan boshlab ikki oy davomida oʻrnatilgan tartibda olish sharti bilan, oʻz ishlab chiqarish ehtiyojlari uchun olib kiriladigan mahsulotlarning bojxona hujjatlarini rasmiylashtirishga yoʻl qoʻyiladigan holatlar roʻyxatini (import qiluvchining kafolat xati asosida) tasdiqlash vakolati berilsin.

6. Investitsiyalar va tashqi savdo vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

7. Mazkur qaror ijrosini nazorat qilish Bosh vazir oʻrinbosarlari J.A. Qoʻchqorov va J.A. Xodjayev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 12-oktabr,

PQ-392-son

Oʻzbekiston Respublikasi Prezidentining 2022-yil 12-oktabrdagi PQ-392-son qaroriga 1-ILOVA

2025-yil 1-yanvarga qadar import bojxona boji nol stavkada qoʻllaniladigan xom ashyo va yarim tayyor mahsulotlar

ROʻYXATI

T/r Xom ashyo va yarim tayyor mahsulot nomi TIF TN kodi 1. Himoyalangan tuproq uchun oʻsimliklar, tomir otgan qalamchalar va yosh oʻsimliklar, kaktuslardan tashqari 0602 90 700 0 2. Himoyalangan tuproq uchun oʻsimliklar, gul yoki gʻunchali gullaydigan oʻsimliklar, kaktuslardan tashqari 0602 90 910 0 3. Himoyalangan tuproq uchun boshqa oʻsimliklar 0602 90 990 0 4. Shakarni rafinadlash yoki ajratib olish natijasida olingan melassa 1703 5. Qayta ishlanmagan yoki dagʻal boʻlaklangan marmar va travertin yoki ohaktoshli tuf 2515 11 000 0 6. Boshqa rang beruvchi moddalar; 3203, 3204 yoki 3205-tovar pozitsiyalaridagi preparatlardan farqlanuvchi, ushbu guruhning 3-izohida koʻrsatilgan preparatlar; kimyoviy tarkibi aniq yoki noaniq boʻlgan, lyuminoforlar sifatida ishlatiladigan noorganik mahsulotlar: titan dioksidi asosida tayyorlangan boshqa pigmentlar va preparatlar 3206 19 000 0 7. Konsentratsiyalangan yoki konsentratsiyalanmagan, qattiq yoki qattiq boʻlmagan boshqa siyohlar 3215 90 000 0 8. Birlamchi shakldagi etilen polimerlari 3901 9. Birlamchi shakllardagi propilen va boshqa olefinlarning polimerlari 3902 10. Plastmassadan qilingan boshqa katushkalar, shpulkalar, bobinalar va shunga oʻxshash buyumlar 3923 40 900 0 11. Yuklama indeksi 121 dan yuqori boʻlgan, avtobuslar yoki yuk tashish uchun belgilangan motorli transport vositalari uchun yangi pnevmatik rezina shinalar va pokrishkalar 4011 20 900 0 12. Havo kemalarida foydalanish uchun yangi pnevmatik rezina shinalar va pokrishkalar 4011 30 000 0 13. Qishloq xoʻjaligi yoki oʻrmon xoʻjaligi transport vositalari va mashinalari uchun yangi pnevmatik rezina shinalar va pokrishkalar (9.00-16, 6.50-16 va 260/95-16 oʻlchamli turlaridan tashqari) 4011 70 000 0 14. Kompleks sintetik iplardan gazlamalar, shu jumladan, 5404-tovar pozitsiyasidagi materiallardan tayyorlanadigan gazlamalar 5407 20 190 0, 5407 20 900 0, 5407 30 000 0, 5407 43 000 0, 5407 44 000 0, 5407 51 000 0, 5407 53 000 0, 5407 54 000 0, 5407 71 000 0, 5407 81 000 0, 5407 91 000 0 15. Sunʼiy kompleks iplardan gazlamalar, shu jumladan, 5405-tovar pozitsiyasidagi materiallardan tayyorlanadigan gazlamalar 5408 10 000 0, 5408 21 000 0, 5408 22 100 0, 5408 32 000 0, 5408 33 000 0 16. Tarkibida sintetik tolalar 85 mas.% yoki undan ortiq boʻlgan sintetik tolalardan gazlamalar 5512 11 000 0, 5512 19 100 0, 5512 91 000 0 17. Tarkibida sintetik tolalar 85 mas.% dan kam, asosan yoki faqat paxta tolalari bilan aralashtirilgan, yuza zichligi 170 g/m² dan ortiq boʻlmagan sintetik tolalardan gazlamalar 5513 11 900 0, 5513 12 000 0, 5513 13 000 0, 5513 19 000 0, 5513 23 100 0, 5513 23 900 0, 5513 31 000 0 18. Tarkibida sintetik tolalar 85 mas.% dan kam, asosan yoki faqat paxta tolalari bilan aralashtirilgan, yuza zichligi 170 g/m² dan ortiq boʻlgan sintetik tolalardan gazlamalar 5514 12 000 0, 5514 19 100 0, 5514 19 900 0, 5514 23 000 0, 5514 30 500 0, 5514 43 000 0 19. Sintetik tolalardan boshqa gazlamalar 5515 11 300 0, 5515 12 300 0, 5515 13 190 0, 5515 19 900 0 20. Sunʼiy tolalardan gazlamalar 5516 12 000 0, 5516 21 000 0, 5516 24 000 0 21. Poliuretan qoplamali yoki dublirlangan, shimdirilgan, 5902-tovar pozitsiyasidagi materiallardan tashqari toʻqimachilik materiallari 5903 20 100 0, 5903 20 900 0 22. Zargarlik sohasida ishlatiladigan plitalar, listlar, plyonkalar, lentalar, tasmalar va boshqa tekis shakllar 3919 10 800 0, 3921 90 900 0

Oʻzbekiston Respublikasi Prezidentining 2022-yil 12-oktabrdagi PQ-392-son qaroriga 2-ILOVA

Oʻzbekiston Respublikasi hududiga import qilishda bojxona boji va qoʻshilgan qiymat soligʻidan ozod etiladigan, oʻxshashi respublikada ishlab chiqarilmaydigan texnologik asbob-uskunalar roʻyxatiga kiritilayotgan texnologik asbob-uskunalar

ROʻYXATI

T/r TIF TN kodlari TIF TN boʻyicha nomi 1. 8426120000 Gʻildirakli, harakatlanadigan koʻtarma fermalar va portal yuk ortkichlar 2. 8426200000 Minora kranlari 3. 8428208001 Toʻqimachilik tolalarini transportirovka qilish uchun pnevmatik koʻtargichlar va konveyrlar 4. 8428208009 Boshqa pnevmatik koʻtargich va konveyerlar 5. 8428320000 Tovarlar yoki materiallar uchun uzluksiz ishlaydigan boshqa kovshli elevator va konveyerlar 6. 8428330000 Tovarlar yoki materiallar uchun uzluksiz ishlaydigan boshqa tasmali elevator va konveyerlar 7. 8428392000 Tovarlar yoki materiallar uchun uzluksiz ishlaydigan boshqa rolikli konveyerlar 8. 8428399009 Tovarlar yoki materiallar uchun uzluksiz ishlaydigan boshqa elevatorlar va konveyerlar 9. 8472300000 Pochta joʻnatmalarini saralash, taxlash yoki konvertlarga joylash yoki oʻrab bogʻlash uchun mashinalar, pochta joʻnatmalarini ochish, yopish yoki muhrlash uchun mashinalar hamda pochta markalarini yopishtirish yoki hisobdan chiqarish uchun mashinalar 10. 8478100000 Tamaki tayoqchalari (stiklari)ni ishlab chiqarish uchun uskuna 11. 8501630000 Oʻzgaruvchan tok generatorlari (nominal chiqish quvvati 375 kVA dan 750 kVA gacha) 12. 8501640000 Oʻzgaruvchan tok generatorlari (nominal chiqish quvvati 750 kVA dan yuqori) 13. 8515190000 Yuqori haroratli payvandlash uchun boshqa mashina va apparatlar 14. 8704109000 Yoʻlsiz sharoitlarda foydalanish uchun moʻljallangan, elektromexanik transmissiyaga ega (dizel va elektr dvigatellari oʻrnatilgan) yuk koʻtarish quvvati 50 tonnadan yuqori boʻlgan yuk mashinasi (avtomobil-samosval)