Fuqarolik holati dalolatnomalarini yozish tartiblarini yanada takomillashtirish chora-tadbirlari toʻgʻrisida (540-son)

28.09.2022

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Fuqarolarning huquq va erkinliklarini taʼminlash hamda huquqiy xizmat koʻrsatishda adliya organlari va muassasalari faoliyati samaradorligini yanada oshirish chora-tadbirlari toʻgʻrisida” 2022-yil 17-martdagi PF-89-son Farmoniga muvofiq aholiga fuqarolik holati dalolatnomalarini qayd etish bilan bogʻliq davlat xizmatlarini oson va qulay sharoitlarda koʻrsatish, tugʻilganlik holatlarini oʻz vaqtida qayd etish, nikoh tuzish va nikohdan ajralganlik holatlarini qayd etishda ovoragarchiliklarning oldini olish, fuqarolik holati dalolatnomalarini yozish organlari xodimlari oʻrtasida korrupsiyaviy holatlarni va undagi navbatlarni bartaraf etish hamda fuqarolik holati dalolatnomalarini qayd etish tartiblarini yanada takomillashtirish maqsadida, Vazirlar Mahkamasi qaror qiladi:

1. Tugʻilganlikni tibbiyot muassasalari orqali fuqarolik holati dalolatnomalarini yozish boʻlimlarida qayd etish tartibi 2023-yil 1-yanvardan Toshkent shahrida, 2023-yil 1-iyundan esa butun respublika hududida joriy etilsin.

2. Belgilansinki:

tugʻilganlik holati fuqarolik holati dalolatnomalarini yozish boʻlimlarida qayd qilinganligi haqida tibbiyot muassasalari tomonidan QR-kod (matrik shtrixli kod) tasviri tushirilgan maʼlumotnoma beriladi va ushbu maʼlumotnoma tugʻilganlik haqidagi gerbli guvohnomaga tenglashtiriladi hamda davlat organlari va tashkilotlar tomonidan qabul qilishni rad etish qatʼiyan taqiqlanadi;

tugʻilganlik haqidagi gerbli guvohnoma fuqarolarning istalgan vaqtdagi murojaatlariga asosan fuqarolik holati dalolatnomalarini yozish boʻlimlari tomonidan belgilangan miqdorda gerb yigʻimi undirilgan holda rasmiylashtirib beriladi.

3. Oʻzbekiston Respublikasi Adliya vazirligining nikoh tuzish va nikohdan ajratishni qayd etish uchun arizalarni Sirdaryo viloyatining tuman (shahar) davlat xizmatlari markazlari orqali qabul qilish boʻyicha huquqiy eksperiment oʻtkazish haqidagi taklifiga rozilik berilsin.

Huquqiy eksperiment 2022-yil 1-noyabrdan 2023-yil 1-iyulgacha qadar amalga oshiriladi.

4. Nikoh tuzish va nikohdan ajratishni qayd etish uchun davlat xizmatlari markazlari orqali arizalar qabul qilish tartibi toʻgʻrisidagi vaqtinchalik maʼmuriy reglament 1-ilovaga muvofiq tasdiqlansin.

5. Oʻzbekiston Respublikasi Adliya vazirligi oʻtkazilgan huquqiy eksperiment natijalari boʻyicha ushbu davlat xizmatlarini davlat xizmatlari markazlari orqali joriy etish maqsadga muvofiq deb topilgan taqdirda, qonunchilik hujjatlariga oʻzgartirish va qoʻshimcha kiritish haqidagi takliflarni 2023-yil 1-avgustga qadar Vazirlar Mahkamasiga kiritsin.

6. Nikohga kirish haqida ariza berilganda nikohlanuvchi shaxslarning yashash joyidagi mahalla fuqarolari yigʻinini xabardor qilish tartibi bekor qilinsin.

7. Fuqarolarning familiya, ism va ota ismini oʻzgartirishda tekshiruv oʻtkazish uchun fuqarolik holati dalolatnomalarini yozish boʻlimlari tomonidan “FHDYning yagona elektron arxivi” axborot tizimi orqali ichki ishlar organlariga soʻrovnoma yuborish va fikr olish tartibi joriy etilsin.

8. Oʻzbekiston Respublikasi Adliya vazirligi Axborot texnologiyalari va kommunikatsiyalarini rivojlantirish vazirligi bilan birgalikda ikki oy muddatda Sogʻliqni saqlash hamda Ichki ishlar vazirliklari axborot tizimlarini “FHDYning yagona elektron arxivi” axborot tizimiga integratsiya qilish choralarini koʻrsin.

9. Oʻzbekiston Respublikasi Hukumatining ayrim qarorlariga 2-ilovaga muvofiq oʻzgartirish va qoʻshimchalar kiritilsin.

10. Oʻzbekiston Respublikasi Adliya vazirligi, manfaatdor vazirlik va idoralar oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsinlar.

11. Mazkur qarorning bajarilishini nazorat qilish Oʻzbekiston Respublikasi adliya vaziri R.Q. Davletov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2022-yil 28-sentabr,

540-son

Vazirlar Mahkamasining 2022-yil 28-sentabrdagi 540-son qaroriga 1-ILOVA

Nikoh tuzish va nikohdan ajratishni qayd etish uchun davlat xizmatlari markazlari orqali arizalar qabul qilish tartibi toʻgʻrisida

VAQTINCHALIK MAʼMURIY REGLAMENTI

1-bob. Umumiy qoidalar

1. Ushbu Reglament fuqarolardan nikoh tuzish va nikohdan ajratishni qayd etish boʻyicha arizalarni davlat xizmatlari markazlari (keyingi oʻrinlarda — Markaz) orqali qabul qilish va tuman (shahar) fuqarolik holati dalolatnomalarini yozish boʻlimi va nikoh uylarida (keyingi oʻrinlarda — FHDY organi) dalolatnoma yozuvlarini qayd qilish tartibini belgilaydi.

2. Ushbu Reglamentning amal qilishi ozodlikdan mahrum etish joylaridagi shaxslar bilan nikohni qayd etishda tatbiq etilmaydi.

3. Ushbu Reglament faqat Sirdaryo viloyati hududida 2023-yil 1-iyulga qadar amal qiladi.

2-bob. Davlat xizmatini koʻrsatish tartibi

4. Nikoh tuzishni xohlovchi shaxslar bu toʻgʻrida Markaz orqali murojaat etgan kundan keyin bir oy oʻtgach ularning soʻrovnomasida koʻrsatilgan joydagi FHDY organi tomonidan qayd etiladi.

Bunda, nikoh tuzishni xohlovchi shaxslar Markazga oʻzlari kelib murojaat etadi va Markaz xodimi nikohlanuvchi shaxslar nomidan ushbu Reglamentga 1-ilovaga muvofiq shakldagi soʻrovnomani elektron ravishda toʻldiradi.

Belgilangan namunadagi soʻrovnoma nikohlanuvchilarning shaxsini tasdiqlovchi hujjatlari (fuqarolik pasporti, xorijga chiqish pasporti, identifikatsiyalovchi ID-karta, harbiy xizmatchining shaxsiy guvohnomasi yoki harbiy bileti) asosida toʻldiriladi va barcha savollarga aniq va toʻliq javoblar berilishi kerak.

Soʻrovnomada nikohlanuvchi shaxslar tomonidan nikohni qayd etish joyi va tartibi (FHDY organi binosida, jumladan tantanali ravishda yoki joyiga borgan holda qayd qilish) koʻrsatiladi. Nikohlanuvchi shaxslar soʻrovnoma berilgan vaqtdan boshlab bir oy davomida, biroq nikohni qayd etish belgilangan kundan kamida 2 kun oldin Markazga kelgan holda nikohni qayd etish tartibiga oʻzgartirish kiritish huquqiga ega.

Davlat xizmatini koʻrsatish ushbu Reglamentning 2-ilovasiga muvofiq sxema asosida amalga oshiriladi.

5. Markaz orqali murojaat qilingan paytda tibbiy koʻrikdan oʻtish hamda yoshlarni oilaviy hayotga tayyorlash markazlarida oʻquv mashgʻulotlarini oʻtkazish uchun yoʻllanmalar Markaz xodimi tomonidan beriladi, bundan Oʻzbekiston Respublikasi Oila kodeksining 17-moddasi ikkinchi qismida koʻrsatilgan holatlar mustasno boʻlib, ushbu hollarda ellik yoshgacha nikoh tuzuvchi shaxslarga faqat OIV-infeksiyasi yuzasidan majburiy tibbiy tekshiruvdan oʻtish uchun yoʻllanma beriladi.

6. Agar biron-bir sabab bilan nikoh tuzuvchilarning ikkalasi ayni bir vaqtda Markazga kelish imkoniyati boʻlmasa, u holda Markazga arizani ulardan biri berishi mumkin, bu holda kela olmagan shaxsning imzosi notarial tartibda yoki FHDY organi mudiri tomonidan tasdiqlangan boʻlishi lozim.

7. Nikohga kirish haqidagi soʻrovnoma soʻrovnomalar hisobga olinadigan maxsus elektron daftarda qayd etilishi kerak.

8. Nikohlanuvchi shaxslar tomonidan soʻrovnoma belgilangan tartibda imzolangandan soʻng quyidagi toʻlovlar amalga oshiriladi:

nikohni qayd etganlik uchun — “Davlat boji toʻgʻrisida”gi Qonunda belgilangan miqdorlardagi davlat boji;

gerbli guvohnomalar berganlik uchun — bazaviy hisoblash miqdorining 15 foizi miqdorida yigʻim;

nikohni tantanali vaziyatda, shu jumladan joyiga borgan holda qayd qilganlik uchun (soʻrovnomada koʻrsatilgan boʻlsa) belgilangan miqdorlarda yigʻim.

Toʻlovlar amalga oshirilganligi axborot-kommunikatsiya tizimlari orqali tasdiqlanadi.

FHDY organlari tomonidan nikohlanuvchi shaxslardan har qanday toʻlovlarni qabul qilish yoki talab qilish taqiqlanadi.

9. Agar nikohni qayd etish boʻyicha soʻrovnoma berilgan vaqtdan boshlab nikoh qayd etilgunga qadar nikohlanuvchi shaxslar yoki ulardan biri nikoh tuzish fikridan qaytsa, toʻlovlarni amalga oshirgan tarafning yozma murojaatiga asosan toʻlangan pul mablagʻlari Adliya vazirligi tomonidan qonunchilik hujjatlarida belgilangan tartibda qaytarib beriladi.

10. FHDY organi mudiri uzrli sabablar boʻlganda hamda arizachilarning iltimoslariga koʻra bir oylik muddatni qisqartirishi mumkin.

Bunda uzrli sabablarni tasdiqlovchi — bolalarining tugʻilganligi haqidagi guvohnomalari, tibbiyot muassasasining kelinning homiladorligi yoki bir tarafning kasalligi haqidagi maʼlumotnomasi, xizmat safari toʻgʻrisidagi guvohnoma va shu kabi hujjatlar koʻrsatiladi.

11. Nikohni qayd etish muddatini uzaytirish nikoh tuzuvchilarning FHDY organiga birgalikdagi yozma yoki ogʻzaki murojaatiga binoan koʻrib chiqiladi. Ayrim hollarda yetarli asoslar boʻlgan taqdirda, shuningdek FHDY organining tashabbusi bilan ushbu muddat uch oygacha uzaytirilishi mumkin.

12. FHDY organi nikohni qayd qilishdan 15 kun oldin, yaʼni tibbiy koʻrik natijalarini qabul qilish jarayonida quyidagilarni amalga oshiradi:

nikohlanuvchi shaxslarning shaxsini tasdiqlovchi hujjatlari asosida soʻrovnomadagi maʼlumotlarni va ilova qilingan hujjatlar toʻgʻriligini tekshiradi;

nikohlanuvchi shaxslarga nikoh tuzish tartibi va shartlarini, kelgusida er-xotin va ota-ona sifatida vujudga keladigan huquqlari va majburiyatlarini tushuntiradi va bir-birining salomatliklari toʻgʻrisida va oilaviy ahvoli toʻgʻrisida xabardor ekanliklariga ishonch hosil qiladi;

nikohlanuvchi shaxslarni nikoh tuzishga monelik qiladigan holatlarni yashirish oqibatlari toʻgʻrisida ogohlantiradi;

agar nikohlanuvchi shaxslarning otalik belgilanmagan birgalikdagi bolalari boʻlsa, u holda ularga otalikni belgilash tartibini tushuntiradi;

qonun nikohlanuvchi shaxslardan hatto bittasi ilgari qayd etilgan nikohda turgan shaxslar oʻrtasida nikoh tuzilishini taqiqlashi sababli shaxsni tasdiqlovchi hujjatlari boʻyicha nikohlanuvchi shaxslarning qonuniy nikohda turish-turmasligini “FHDYning yagona elektron arxivi” axborot tizimi orqali tekshirib koʻradi.

Ilgari nikohda boʻlgan shaxs FHDY organiga avvalgi nikohi bekor qilinganligini tasdiqlovchi hujjat taqdim etishi kerak. Bu — nikohning bekor qilinganligi haqidagi guvohnoma (nikohdan ajralganlik haqidagi maʼlumotnoma) yoki sud qarori, erning (xotinning) oʻlimi haqidagi guvohnoma (oʻlim haqidagi maʼlumotnoma) va uning vafot etgan shaxs bilan tuzilgan nikohi haqidagi maʼlumotnoma yoxud sudning nikoh haqiqiy emas deb topilganligi haqidagi qarori boʻlishi mumkin.

13. Oʻzbekiston Respublikasi Oila kodeksining 16-moddasiga muvofiq:

loaqal bittasi qayd qilingan boshqa nikohda turgan shaxslar oʻrtasida;

nasl-nasab shajarasi boʻyicha toʻgʻri tutashgan qarindoshlar oʻrtasida, tugʻishgan va oʻgay aka-ukalar bilan opa-singillar oʻrtasida, shuningdek farzandlikka oluvchilar bilan farzandlikka olinganlar oʻrtasida;

loaqal bittasi ruhiyat buzilishi (ruhiy kasalligi yoki aqli zaifligi) sababli sud tomonidan muomalaga layoqatsiz deb topilgan shaxslar oʻrtasida nikoh tuzishga yoʻl qoʻyilmaydi.

14. Nikohlanuvchi shaxslarning istaklariga binoan nikoh ularning qarindoshlari va tanishlari ishtirokida qayd etiladi. Nikohni qayd etishda nikohlanuvchi shaxslar tomonidan belgilangan sonda guvohlar ishtirok etishi mumkin.

15. Nikohni qayd etish faqat nikohlanuvchi shaxslarning ishtirokida amalga oshiriladi. FHDY organlari nikohlanuvchi shaxslarning tibbiy koʻrikdan oʻtganligiga hamda ushbu tekshiruvlarning natijalari toʻgʻrisida ularning xabardor ekanligiga ishonch hosil qilishi kerak, Oʻzbekiston Respublikasi Oila kodeksi 13-moddasining beshinchi qismida nazarda tutilgan holatlar bundan mustasno. Nikohning ishonchnoma boʻyicha yoki vakil orqali, shuningdek tibbiy tekshiruvdan oʻtganligi toʻgʻrisida maʼlumotnoma boʻlmaganda qayd etilishiga yoʻl qoʻyilmaydi.

FHDY organlari xodimlari nikohni qayd etish vaqtida oʻzlariga maʼlum boʻlgan shifokorlik sirlaridan iborat boʻlgan maʼlumotlarni oshkor etganligi uchun belgilangan tartibda javob beradilar.

16. Nikohlanuvchilardan biri betobligi sababli FHDY organiga kela olmaydigan istisno hollarda nikoh tuzilganligi shifoxonada, uyda yoki boshqa tegishli joyda, nikohlanuvchi ikkala shaxsning ishtirokida qayd qilinadi. Dalolatnoma yozuvining “Belgilar uchun” ustunida bu haqda tegishli belgi kiritiladi.

17. Agar FHDY organiga ushbu Reglamentning 12-bandida koʻrsatilgan holatlar mavjudligi haqida ariza tushgan boʻlsa, nikohni qayd etish boshqa muddatga qoldiriladi. Bunda arizachiga belgilangan muddatda zarur dalillarni taqdim etish tavsiya qilinadi. FHDY organi manfaatdor shaxsning iltimosiga koʻra yoki oʻz tashabbusi bilan zarur tekshiruv oʻtkazishi mumkin. Nikohni qayd etish vaqti keyinga surilganligi haqida arizachilar xabardor qilinadi. Nikohni qayd etishga toʻsiq boʻluvchi qonuniy holatlar mavjud boʻlganda FHDY organi uni qayd etishni rad qiladi. Agar mazkur maʼlumotlar tasdiqlanmasa, u holda nikohni qayd etish umumiy asoslarda amalga oshiriladi. Yuqorida qayd etilgan holatlarni tekshirish muddati uch oydan oshmasligi kerak.

18. Nikoh tuzilganligini qayd etishda nikohlanuvchi shaxslar oʻz xohishlariga koʻra ikkalasidan birining familiyasini umumiy familiya sifatida tanlashlari yoki oʻzlarining nikohgacha boʻlgan familiyalarida qolishlari mumkin.

Nikohlanuvchilar familiyalarining qoʻshilishi orqali hosil boʻlgan familiya umumiy familiya sifatida tanlanishi mumkin.

19. Nikohlanuvchilardan biri er yoki xotinning familiyasini qabul qilsa, u holda shaxsini tasdiqlovchi hujjatlarini bir oy ichida almashtirishi zarurligi toʻgʻrisida FHDY organi tomonidan ogohlantiriladi.

Harbiy xizmatga majbur boʻlgan yoki harbiy xizmatga chaqiriluvchining nikohi qayd etilganligi sababli familiyasi oʻzgartirilganda, FHDY organi bu haqda harbiy xizmatga majbur boʻlgan yoki harbiy xizmatga chaqiriluvchi roʻyxatda turgan tuman (shahar) mudofaa ishlari boʻlimiga xabar qiladi.

20. Nikoh tuzishning belgilangan qoidalari buzilganda, shuningdek gʻarazli maqsadni koʻzlab tuzilgan nikoh sud qarori bilan haqiqiy emas deb topiladi.

Sudning nikoh haqiqiy emas deb topilganligi toʻgʻrisidagi qonuniy kuchga kirgan qarori asosida FHDY organi nikoh qayd etilganligi haqidagi dalolatnoma yozuviga bu haqda belgi qoʻyadi va adliya boshqarmasining idoraviy FHDY arxiviga xabarnoma yuboradi, dalolatnoma yozuvi bir nusxada qayd qilingan holatlar bundan mustasno.

Nikoh sud tomonidan haqiqiy emas deb topilgan hollarda nikoh tuzilganligi haqida takroriy guvohnoma berilmaydi.

3-bob. Nikohdan ajratish

§ 1. Voyaga yetmagan farzandlari boʻlmagan er-xotinlarni ularning oʻzaro roziligiga koʻra nikohdan ajratishni qayd etish

21. Oʻzbekiston Respublikasi Oila kodeksining 42 va 218-moddalariga muvofiq FHDY organi mulkiy nizolari hamda voyaga yetmagan farzandlari (shu jumladan, farzandlikka olinganlari) boʻlmagan er-xotinlardan ushbu Reglamentga 3-ilovaga muvofiq shakldagi nikohdan ajratish toʻgʻrisidagi soʻrovnomani Markazlar orqali qabul qiladi.

Nikohdan ajratish yuzasidan murojaat qilgan er-xotin oʻzlari kelib murojaat etgan taqdirda, Markaz xodimi er-xotinlar nomidan soʻrovnomani elektron ravishda toʻldiradi.

Bunda, murojaat qilgan er yoki xotin nikohdan ajratishni qayd etadigan FHDY organini tanlaydi.

Markaz er-xotinni yarashtirish boʻyicha tegishli choralar koʻrish uchun er-xotinning birga yashash joyidagi fuqarolar yigʻinining oilaviy qadriyatlarni mustahkamlash komissiyasini, agar ular birga yashamayotgan boʻlsa, har birining yashash joyidagi fuqarolar yigʻinining oilaviy qadriyatlarni mustahkamlash komissiyasini nikohdan ajratish toʻgʻrisidagi ariza berilgan kundan eʼtiboran uch kundan kechiktirmay yozma ravishda xabardor qilishi kerak.

Davlat xizmatini koʻrsatish ushbu Reglamentning 4-ilovasiga muvofiq sxema asosida amalga oshiriladi.

22. Agar er-xotindan biri nikohdan ajralish toʻgʻrisidagi soʻrovnomani berish uchun Markazga kela olmasa, u holda er-xotin nomidan birgalikda yozilgan arizani ulardan biri topshirishi mumkin. Kela olmagan er yoki xotinning arizadagi imzosi notarial tartibda yoki FHDY organi mudiri tomonidan tasdiqlangan boʻlishi kerak. Arizada er-xotin ajralishga oʻzaro rozi ekanliklari, voyaga yetmagan bolalari yoʻqligi, shuningdek ulardan biri nikohdan ajratish qayd etilishi belgilangan kunda FHDY organiga kela olmasa, nikohdan ajratishning uning ishtirokisiz qayd etilishiga roziligi tasdiqlanadi.

Er-xotinni yarashtirish boʻyicha tegishli choralar koʻrilganligi haqida fuqarolar yigʻini tomonidan FHDY organiga dalolatnoma taqdim etiladi.

23. Er va xotin tomonidan soʻrovnoma belgilangan tartibda imzolangandan soʻng quyidagi toʻlovlar amalga oshiriladi:

nikohdan ajratishni qayd etganlik uchun — “Davlat boji toʻgʻrisida”gi Qonunida belgilangan miqdorlardagi davlat boji;

gerbli guvohnomalar berganlik uchun — bazaviy hisoblash miqdorining 15 foizi miqdorida yigʻim.

Er va xotinning oʻzaro kelishuviga koʻra, ularning biridan yoki ikkalasidan belgilangan tartibda davlat boji undiriladi.

Toʻlovlar amalga oshirilganligi axborot-kommunikatsiya tizimlari orqali tasdiqlanadi.

FHDY organlari tomonidan er-xotinlardan har qanday toʻlovlarni qabul qilish yoki talab qilish taqiqlanadi.

24. Agar nikohdan ajratishni qayd etish boʻyicha soʻrovnoma berilgan vaqtdan boshlab ajrim qayd etilgunga qadar er-xotinlar nikohdan ajralish fikridan qaytsa, toʻlovlarni amalga oshirgan tarafning yozma murojaatiga asosan toʻlangan pul mablagʻlari Adliya vazirligi tomonidan qonunchilik hujjatlarida belgilangan tartibda qaytarib beriladi.

25. Agar nikohdan ajralishga er-xotinning oʻzaro roziligi boʻlgani holda umumiy mulk haqida yoki mehnatga layoqatsiz, muhtoj er yoki xotinning taʼminoti haqida nizolar boʻlsa, u holda nikohdan ajratish sud tartibida hal etiladi.

26. Nikohdan ajratishni qayd etish er-xotinning yoki ulardan birining ishtirokida nikohdan ajratish haqida soʻrovnoma berilgan kundan keyin uch oy oʻtgach amalga oshiriladi va sobiq er-xotinlarning har biriga nikohdan ajralganlik haqida guvohnoma beriladi.

27. Er yoki xotindan birining nikohgacha boʻlgan familiyasiga qaytishi toʻgʻrisidagi istagi nikohdan ajratish haqidagi soʻrovnomasida koʻrsatilishi kerak.

Nikohdan ajratish qayd etilgandan soʻng nikoh tuzilganligi toʻgʻrisidagi guvohnomaga uning tugatilganligi haqida belgi qoʻyiladi va u arizachilarga qaytariladi.

§ 2. Er yoki xotindan birining arizasi asosida nikohdan ajratish

28. Oʻzbekiston Respublikasi Oila kodeksining 43 va 219-moddalariga muvofiq er-xotindan biri:

sud tomonidan bedarak yoʻqolgan deb topilgan boʻlsa;

sud tomonidan ruhiyati buzilishi (ruhiy kasalligi yoki aqli zaifligi) sababli muomalaga layoqatsiz deb topilgan boʻlsa;

sodir qilgan jinoyati uchun uch yildan kam boʻlmagan muddatga ozodlikdan mahrum qilingan boʻlsa, oʻrtada voyaga yetmagan umumiy bolalari bor-yoʻqligidan qatʼi nazar, er-xotindan birining arizasiga koʻra FHDY organlarida nikohdan ajratish qayd etiladi.

Bunday hollarda soʻrovnomaga qoʻshimcha ravishda quyidagilar ilova qilinadi:

er (xotin)ning muomalaga layoqatsiz yoxud bedarak yoʻqolgan deb topilganligi toʻgʻrisida qonuniy kuchga kirgan sud qarori;

er (xotin)ning uch yildan kam boʻlmagan muddatga ozodlikdan mahrum qilinganligi toʻgʻrisida qonuniy kuchga kirgan sud hukmidan koʻchirma, shuningdek sudlangan er (xotin)ning nikohdan ajratishga oʻrtada umumiy bolalari va mol-mulki yuzasidan nizolari yoʻqligi toʻgʻrisidagi roziligi.

Bolalari toʻgʻrisida, birgalikdagi umumiy mol-mulkini boʻlish haqida yoki yordamga muhtoj, mehnatga layoqatsiz er(xotin)ga taʼminoti uchun mablagʻ toʻlash haqida nizo mavjud boʻlsa nikohdan ajratish sud tartibida amalga oshiriladi.

29. Nikohdan ajratish yuzasidan murojaat qilgan er yoki xotin oʻzi kelib murojaat etgan taqdirda, Markaz xodimi er yoki xotin nomidan ushbu Reglamentning 5 va 6-ilovasidagi soʻrovnomani elektron ravishda toʻldiradi.

Bunda, murojaat qilgan er yoki xotin nikohdan ajratishni qayd etadigan FHDY organini tanlaydi.

30. Nikohdan ajralishni xohlovchi er (xotin) oʻz soʻrovnomasida sudlangan eri (xotini)ning jazoni oʻtayotgan joyini yoxud muomalaga layoqatsiz eri (xotini) vasiysining yoki bedarak yoʻqolgan eri (xotini)ning mol-mulkini boshqaruvchining manzilini, shuningdek nikohdan ajratishda oʻzi tanlaydigan familiyani koʻrsatishi lozim.

Soʻrovnomani qabul qilgan Markaz shu kuniyoq bu toʻgʻrida jazoni ijro etish muassasasiga yoxud muomalaga layoqatsiz er(xotin) vasiysiga yoki bedarak yoʻqolgan eri (xotini)ning mol-mulkini boshqaruvchiga, ular boʻlmaganda esa — vasiylik va homiylik organiga xabarnoma joʻnatadi.

Xabarnomada bolalar toʻgʻrisida, er (xotin)ning umumiy mulkida boʻlgan mol-mulkni boʻlish toʻgʻrisida nizoning yoxud mehnatga layoqatsiz muhtoj er (xotin) taʼminoti uchun mablagʻlar toʻlash haqidagi nizoning mavjudligi toʻgʻrisidagi maʼlumotni taqdim etish uchun vaqt koʻrsatilgan boʻlishi kerak.

Er (xotin)dan birining soʻrovnomasi boʻyicha nikohdan ajratish uning ishtirokida, Markazga ariza berilgan kundan keyin bir oy oʻtgach FHDY organida amalga oshiriladi.

31. Oʻzaro bolalari va mulkiy nizolari boʻlmagan va 3 yildan kam boʻlmagan muddatga ozodlikdan mahrum qilingan shaxslarni nikohdan ajratish er-xotinning oʻzaro roziligiga koʻra umumiy qoidalar asosida FHDY organlari tomonidan amalga oshiriladi.

32. Sud tomonidan bedarak yoʻqolgan deb topilgan er (xotin) qaytib kelganda va sudning tegishli hal qiluv qarori bekor qilinganda nikoh er-xotinning birgalikdagi arizasi boʻyicha FHDY organi tomonidan tiklanishi mumkin.

Bu holda FHDY organi nikohdan ajratish toʻgʻrisidagi dalolatnoma yozuvini va uning asosida berilgan tegishli guvohnomani bekor qiladi.

Tomonlardan biri yangi nikohga kirgan taqdirda nikoh tiklanishi mumkin emas.

Bu holda bedarak yoʻqolgan deb topilgan shaxs murojaat qilgan taqdirda nikohdan ajralganlik toʻgʻrisida guvohnoma beriladi.

§ 3. Sud qarori bilan nikohdan ajratishni qayd etish

33. Oʻzbekiston Respublikasi Oila kodeksining 47-moddasiga binoan nikoh FHDY organida nikohdan ajratish qayd etilgan kundan boshlab tugatiladi.

34. FHDY organi sud qarori asosida er-xotinlardan birining Markaz orqali bergan soʻrovnomasiga (7-ilova) binoan nikohdan ajratish toʻgʻrisidagi dalolatnoma yozuvini qayd etadi va nikohdan ajratish toʻgʻrisidagi guvohnomani beradi.

Bunda nikohdan ajratishni qayd etishgacha FHDY organi er yoki xotindan birining nikohdan ajratilganlik fakti rasmiylashtirilganligini “FHDYning yagona elektron arxivi” axborot tizimi orqali tekshiradi.

Agar nikohdan ajratish FHDY organida tomonlardan birining arizasiga koʻra qayd etilgan boʻlsa, u holda dalolatnoma yozuvi ikkinchi tomon toʻgʻrisidagi maʼlumotlar bilan toʻldiriladi va nikohdan ajratganlik toʻgʻrisida guvohnoma beriladi.

Nikohdan ajralganlik toʻgʻrisidagi dalolatnoma yozuvini qayd etish, nikohdan ajralganlik toʻgʻrisidagi dalolatnomadagi yozuvlarga qoʻshimchalar kiritish va nikohdan ajralganlik toʻgʻrisidagi guvohnomani berish, shuningdek tomonlardan birining ishonchnoma asosida harakat qiluvchi vakilning soʻrovnomasi boʻyicha ham amalga oshirilishi mumkin.

1998-yil 1-sentabrdan 2010-yil 15-sentabrgacha boʻlgan davrda qonuniy kuchga kirgan sud qarorlari boʻyicha nikohdan ajratishni qayd etish Vazirlar Mahkamasining 2016-yil 14-noyabrdagi 387-son qarori bilan tasdiqlangan Fuqarolik holati dalolatnomalarini qayd etish qoidalariga asosan yoʻqolgan dalolatnoma yozuvlarini tiklash tartibi va qoidalariga binoan amalga oshiriladi.

35. MDH mamlakati va chet el davlat sudi tomonidan qonuniy kuchga kirgan hal qiluv qaror asosida Oʻzbekiston Respublikasi fuqarosi bilan nikohdan ajratish (qaror qachon chiqqanidan qatʼi nazar) agar davlatlararo bitimda boshqa hol nazarda tutilmagan boʻlsa, umumiy tartibda FHDY organida qayd etiladi.

Davlat xizmatini koʻrsatish ushbu Reglamentning 8-ilovasiga muvofiq sxema asosida amalga oshiriladi.

4-bob. Yakunlovchi qoidalar

36. Ushbu Reglament talablari buzilishida aybdor boʻlgan shaxslar qonun hujjatlarida belgilangan tartibda javob beradilar.

Nikoh tuzish va nikohdan ajratishni qayd etish uchun davlat xizmatlari markazlari orqali arizalar qabul qilish tartibi toʻgʻrisidagi vaqtinchalik maʼmuriy reglamentiga 1-ILOVA

Nikoh tuzish va nikohdan ajratishni qayd etish uchun davlat xizmatlari markazlari orqali arizalar qabul qilish tartibi toʻgʻrisidagi vaqtinchalik maʼmuriy reglamentiga 2-ILOVA

Nikoh tuzishni qayd etish uchun davlat xizmatlari markazlari orqali arizalar qabul qilish

SXEMASI

Bosqichlar Subyektlar Tadbirlar Bajarish muddati 1-bosqich Nikohlanuvchi shaxslar Nikohga kirish uchun davlat xizmatlari markazlariga murojaat qilish nikohga kirish yoshiga yetganidan soʻng 2-bosqich Davlat xizmatlari markazi xodimi 1. Nikohlanuvchilar nomidan soʻrovnoma toʻldirish va FHDY boʻlimiga yuborish 2. Majburiy tibbiy koʻrik uchun yoʻllanma rasmiylashtirish bir soat ichida 3-bosqich Nikohlanuvchi shaxslar Nikohga kirish uchun davlat boji, gerb yigʻimi va boshqa toʻlovlarni amalga oshirish soʻrovnoma berilgan vaqtda 4-bosqich FHDY organi Nikohlanuvchilarning nikohini qayd qilish va nikoh tuzilganligi haqida guvohnoma berish Bir oylik muddatdan soʻng (ushbu muddatni belgilangan tartibda qisqartirish bundan mustasno)

Nikoh tuzish va nikohdan ajratishni qayd etish uchun davlat xizmatlari markazlari orqali arizalar qabul qilish tartibi toʻgʻrisidagi vaqtinchalik maʼmuriy reglamentiga 3-ILOVA

Nikoh tuzish va nikohdan ajratishni qayd etish uchun davlat xizmatlari markazlari orqali arizalar qabul qilish tartibi toʻgʻrisidagi vaqtinchalik maʼmuriy reglamentiga 4-ILOVA

Oʻzaro rozilik asosida nikohdan ajratishni qayd etish uchun davlat xizmatlari markazlari orqali arizalar qabul qilish

SXEMASI

Bosqichlar Subyektlar Tadbirlar Bajarish muddati 1-bosqich Er-xotinlar Nikohdan ajratish uchun davlat xizmatlari markazlariga murojaat qilish istalgan vaqtda 2-bosqich Davlat xizmatlari markazi xodimi 1. Er-xotin nomidan soʻrovnoma toʻldirish va FHDY boʻlimiga yuborish murojaat qilingan vaqtda 2. Er-xotinni yarashtirish boʻyicha tegishli choralar koʻrish uchun fuqarolar yigʻinining oilaviy qadriyatlarni mustahkamlash komissiyasiga xabar berish. soʻrovnoma berilgan vaqtda 3-bosqich Er yoki xotin Nikohdan ajratish uchun davlat boji, gerb yigʻimi va boshqa toʻlovlarni amalga oshirish soʻrovnoma berilgan vaqtda 4-bosqich FHDY organi Nikohdan ajratishni qayd etish va nikohdan ajralganlik haqida guvohnoma berish uch oy muddatdan soʻng

Nikoh tuzish va nikohdan ajratishni qayd etish uchun davlat xizmatlari markazlari orqali arizalar qabul qilish tartibi toʻgʻrisidagi vaqtinchalik maʼmuriy reglamentiga 5-ILOVA

Nikoh tuzish va nikohdan ajratishni qayd etish uchun davlat xizmatlari markazlari orqali arizalar qabul qilish tartibi toʻgʻrisidagi vaqtinchalik maʼmuriy reglamentiga 6-ILOVA

Nikoh tuzish va nikohdan ajratishni qayd etish uchun davlat xizmatlari markazlari orqali arizalar qabul qilish tartibi toʻgʻrisidagi vaqtinchalik maʼmuriy reglamentiga 7-ILOVA

Nikoh tuzish va nikohdan ajratishni qayd etish uchun davlat xizmatlari markazlari orqali arizalar qabul qilish tartibi toʻgʻrisidagi vaqtinchalik maʼmuriy reglamentiga 8-ILOVA

Sud qaroriga asosan nikohdan ajratishni qayd etish uchun davlat xizmatlari markazlari orqali arizalar qabul qilish

SXEMASI

Bosqichlar Subyektlar Tadbirlar Bajarish muddati 1-bosqich Er yoki xotin Nikohdan ajratish uchun davlat xizmatlari markazlariga murojaat qilish sudning qarori qonuniy kuchga kirgandan soʻng 2-bosqich Davlat xizmatlari markazi xodimi Er-xotin nomidan soʻrovnoma toʻldirib, soʻrovnoma va sud qarorini FHDY boʻlimiga yuborish murojaat qilingan vaqtda 3-bosqich Er yoki xotin Nikohdan ajratish uchun davlat boji, gerb yigʻimi va boshqa toʻlovlarni amalga oshirish soʻrovnoma berilgan vaqtda 4-bosqich FHDY organi Nikohdan ajratishni qayd etish va nikohdan ajralganlik haqida guvohnoma berish bir soat davomida

Vazirlar Mahkamasining 2022-yil 28-sentabrdagi 540-son qaroriga 2-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2011-yil 29-martdagi 93-son qarori bilan tasdiqlangan Oʻzbekiston Respublikasi adliya organlari va muassasalari xodimlarining martaba darajalari toʻgʻrisida nizomning 4-bandida:

toʻrtinchi xatboshidagi “Davlat xizmatlari agentligi direktoriga” soʻzlari “Toshkent davlat yuridik universiteti rektori” soʻzlari bilan almashtirilsin;

beshinchi xatboshi quyidagi tahrirda bayon etilsin:

“3-darajali davlat adliya maslahatchisi — Oʻzbekiston Respublikasi Adliya vazirligi departamentlari boshliqlariga, Oʻzbekiston Respublikasi Adliya vazirligi hayʼati aʼzolari boʻlgan boshqarma boshliqlariga; Qoraqalpogʻiston Respublikasi adliya vaziriga, viloyatlar va Toshkent shahar adliya boshqarmalari boshliqlariga;”;

oltinchi — oʻninchi xatboshilar quyidagi tahrirda bayon etilsin:

“1-darajali adliya maslahatchisi — Oʻzbekiston Respublikasi Adliya vazirligi boshqarmalari va mustaqil boʻlimlari boshliqlariga; Qoraqalpogʻiston Respublikasi adliya vaziri hamda viloyatlar va Toshkent shahar adliya boshqarmalari boshliqlarining birinchi oʻrinbosarlariga; X. Sulaymonova nomidagi Respublika sud ekspertiza markazi direktoriga; Respublika yuristlar malakasini oshirish markazi direktoriga; Huquqiy siyosat tadqiqoti instituti direktoriga, Toshkent davlat yuridik universiteti prorektorlariga; “Adolat” milliy huquqiy axborot markazi direktoriga; Davlat xizmatlarini rivojlantirish markazi direktoriga; Intellektual mulk markazi direktoriga 2-darajali adliya maslahatchisi — Oʻzbekiston Respublikasi Adliya vazirligi boshqarma boshliqlarining oʻrinbosarlariga, boshqarmalar boʻlimlari boshliqlariga; Qoraqalpogʻiston Respublikasi Adliya vazirining hamda viloyatlar va Toshkent shahar adliya boshqarmalari boshliqlarining oʻrinbosarlariga; yuridik texnikumlar direktorlariga; Toshkent davlat yuridik universiteti huzuridagi akademik litsey direktoriga; X. Sulaymonova nomidagi Respublika sud ekspertiza markazi direktorining oʻrinbosariga; Respublika yuristlar malakasini oshirish markazi direktorining oʻrinbosarlariga; Huquqiy siyosat tadqiqoti instituti direktori oʻrinbosariga; “Adliya organlari va muassasalarida axborot-kommunikatsiya texnologiyalarini rivojlantirish markazi” direktoriga; “Adolat” milliy huquqiy axborot markazi direktorining oʻrinbosarlariga; 3-darajali adliya maslahatchisi — Oʻzbekiston Respublikasi Adliya vazirligining bosh maslahatchilariga; Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari boʻlim boshliqlariga; tuman (shahar) adliya boʻlimlari boshliqlariga; FHDY boʻlimlari va nikoh uylari mudirlariga; davlat notarial idoralarining katta notariuslariga; yuridik texnikum direktorining oʻrinbosariga; Toshkent davlat yuridik universiteti huzuridagi akademik litsey direktorining oʻrinbosariga 1-darajali yurist — Oʻzbekiston Respublikasi Adliya vazirligining yetakchi maslahatchilariga; Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalarining bosh maslahatchilariga; yuridik xizmat koʻrsatish markazlari boshliqlariga; davlat xizmatlari markazlari direktorlariga; davlat notarial idoralarining katta notariuslari oʻrinbosarlariga; idoraviy notarial arxivlar mudirlariga; FHDY arxivlari mudirlariga 2-darajali yurist — Oʻzbekiston Respublikasi Adliya vazirligi katta maslahatchilariga; Qoraqalpogʻiston Respublikasi Adliya vazirligi hamda viloyatlar va Toshkent shahar adliya boshqarmalarining yetakchi maslahatchilariga; tuman (shahar) adliya boʻlimlarining bosh maslahatchilariga, yuridik xizmat koʻrsatish markazlari bosh yuristkonsultlariga, davlat xizmatlari markazlari boʻlim boshliqlari va bosh maslahatchilariga, davlat notarial idoralarining notariuslariga; FHDY organlarining 1-toifali inspektorlariga”;

oʻn birinchi xatboshidan “Davlat xizmatlari agentligining hududiy boshqarmalarining katta maslahatchilariga” soʻzlari chiqarib tashlansin.

7. FHDY boʻlimi:

1 ish kuni davomida bola, ota-ona va ularning nikohi haqidagi maʼlumotlarni Vazirlar Mahkamasining 2016-yil 14-noyabrdagi 387-son qarori bilan tasdiqlangan Fuqarolik holati dalolatnomalarini qayd etish qoidalariga asosan tekshirib, “FHDYning yagona elektron arxivi” axborot tizimida tugʻilganlik haqidagi dalolatnoma yozuvini qayd etadi va ushbu Reglamentga 3-ilovaga muvofiq QR-kod (matrik shtrixli kod) qoʻyilgan tugʻilganlik haqidagi maʼlumotnomani tibbiyot muassasasiga yuboradi hamda ushbu reglamentning 10-bandida koʻrsatilgan davlat xizmatlaridan kompleks tarzda foydalanishni taʼminlash uchun bola haqidagi maʼlumotlarni vakolatli organlarning axborot tizimlariga yuboradi;

elektron tizim orqali kelgan maʼlumotlar qonunchilik hujjatlariga zid boʻlgan hollarda dalolatnoma yozuvini qayd etishni mazkur Reglamentning 9-bandiga asosan rad etadi hamda tibbiyot muassasasiga rad etishning aniq sabablari koʻrsatilgan ushbu Reglamentga 4-ilovaga muvofiq QR-kod qoʻyilgan xabarnomani yuboradi;

soʻrovnoma qayta kelib tushgandan soʻng, 1 ish soati mobaynida tugʻilganlik haqidagi dalolatnoma yozuvini qayd etadi va QR-kod (matrik shtrixli kod) qoʻyilgan tugʻilganlik haqidagi maʼlumotnomani tibbiyot muassasasiga yuboradi.

Ariza beruvchilarning istalgan vaqtdagi talabiga asosan tugʻilganlik haqidagi gerbli guvohnomani eksterritorial tamoyil asosida rasmiylashtirib beradi.”;

g) 8-band oʻz kuchini yoʻqotgan deb hisoblansin;

d) 10-bandda:

birinchi va ikkinchi xatboshilar chiqarib tashlansin;

uchinchi xatboshi birinchi xatboshi deb hisoblansin hamda quyidagi tahrirda bayon etilsin:

“FHDY boʻlimidan axborot tizimlari orqali maʼlumotlar kelib tushganidan soʻng:”;

e) 11-band quyidagi tahrirda bayon etilsin:

“Bir martalik nafaqa miqdoridan bolani doimiy roʻyxatga qoʻyish boʻyicha davlat xizmatini koʻrsatganlik uchun Oʻzbekiston Respublikasining “Davlat boji toʻgʻrisida”gi Qonunida belgilangan bazaviy hisoblash miqdorining 2 foizi miqdoridagi davlat boji chegirib qolinadi.

Pensiya jamgʻarmasining tuman (shahar) boʻlimi har oyning 5 sanasiga qadar FHDY boʻlimining elektron maʼlumotlari asosida hududda tugʻilganlik holati qayd etilgan bolalar soniga muvofiq, tuman (shahar) ichki ishlar boshqarmalari tuzilgan solishtirma dalolatnomalarga asosan respublika budjeti hisobidan doimiy roʻyxatga qoʻyganlik uchun mablagʻlarni belgilangan tartibda Ichki ishlar vazirligining budjetdan tashqari jamgʻarmasi hisobvaragʻiga moliyalashtiradi.

Bunda, davlat boji summasi “Vazirlar Mahkamasining “Oʻzbekiston Respublikasida doimiy va vaqtincha propiska qilish tartibini yanada soddalashtirish chora-tadbirlari toʻgʻrisida” 2019-yil 28-dekabrdagi 1049-son qaroriga oʻzgartirish va qoʻshimchalar kiritish toʻgʻrisida” 2020-yil 22-maydagi 320-son qarorida belgilangan tartibda taqsimlanadi.”;

j) 1 va 2-ilovalar quyidagi tahrirda bayon etilsin:

“Tugʻilganlikni qayd etish bilan bogʻliq kompleks davlat xizmatlarini koʻrsatishning maʼmuriy reglamentiga 1-ILOVA

Tugʻilganlikni tibbiyot muassasasi orqali FHDY boʻlimida qayd etish bilan bogʻliq kompleks davlat xizmatlarini koʻrsatish

SXEMASI

Bosqichlar Subyektlar Tadbirlar Bajarish muddati 1-bosqich Tibbiyot muassasasi xodimi 1. Bola va unga beriladigan familiya, ism va ota ismi, ota-ona va ularning nikohi, bola roʻyxatga qoʻyiladigan poliklinika va ichki ishlar boʻlimi, navbatga qoʻyiladigan davlat maktabgacha taʼlim tashkiloti haqidagi maʼlumotlarni “Tugʻilish va oʻlimni, shu jumladan perinatal oʻlimni elektron roʻyxatga olish” axborot tizimiga kiritish hamda ushbu tizim orqali FHDY boʻlimiga yuborish; Bola tugʻilganidan soʻng 1 kun mobaynida 2. FHDY boʻlimi tomonidan tugʻilganlik holatini qayd etish rad etilganda, kamchiliklarni bartaraf etib, soʻrovnomani qayta yuborish Xabarnoma kelgandan soʻng 1 ish soati davomida 2-bosqich FHDY boʻlimi 1. Bola, ota-ona va ularning nikohi haqidagi maʼlumotlarni Vazirlar Mahkamasining 2016-yil 14-noyabrdagi 387-son qarori bilan tasdiqlangan Fuqarolik holati dalolatnomalarini qayd etish qoidalariga asosan tekshirib, “FHDYning yagona elektron arxivi” axborot tizimida tugʻilganlik haqidagi dalolatnoma yozuvini qayd etish va QR-kod (matrik shtrixli kod) qoʻyilgan tugʻilganlik haqidagi maʼlumotnomani tibbiyot muassasasiga yuborish Maʼlumotlar kelib tushgandan soʻng 1 ish kuni mobaynida 2. Elektron tizim orqali kelgan maʼlumotlar qonunchilik hujjatlariga zid boʻlgan hollarda dalolatnoma yozuvini qayd etishni mazkur Reglamentning 9-bandiga asosan rad etish hamda tibbiyot muassasasiga rad etishning aniq sabablari koʻrsatilgan QR-kod qoʻyilgan xabarnomani yuborish Maʼlumotlar kelib tushgandan soʻng 1 ish soati mobaynida 3. Soʻrovnoma qayta kelib tushgandan soʻng, tugʻilganlik haqidagi dalolatnoma yozuvini qayd etish va QR-kod (matrik shtrixli kod) qoʻyilgan tugʻilganlik haqidagi maʼlumotnomani tibbiyot muassasasiga yuborish 4. Bolaga oid maʼlumotlarni kompleks tartibda boshqa xizmatlarni koʻrsatish uchun Ichki ishlar vazirligi, Maktabgacha taʼlim vazirligi, Sogʻliqni saqlash vazirligi hamda Moliya vazirligi huzuridagi budjetdan tashqari Pensiya jamgʻarmasi axborot tizimlariga yuborish Avtomatik ravishda 3-bosqich Tibbiyot muassasasi xodimi QR-kod (matrik shtrixli kod) qoʻyilgan tugʻilganlik haqidagi maʼlumotnomani ariza beruvchilarga chop etib berish Maʼlumotnoma kelib tushgandan soʻng darhol 4-bosqich Tuman (shahar) ichki ishlar boʻlim Ichki ishlar vazirligining “Manzil” axborot almashinuvi tizimi orqali bolani otasi yoki onasi yoxud vasiysi (homiysi), tutingan ota-onasi doimiy roʻyxatda turgan manzili boʻyicha roʻyxatga qoʻyish va natijasi boʻyicha ota yoki onaga SMS xabar yuborish 1 ish kuni ichida 5-bosqich Maktabgacha taʼlim vazirligi Maktabgacha taʼlimni boshqarishning axborot tizimida soʻrovda koʻrsatilgan davlat maktabgacha taʼlim tashkilotiga navbatga qoʻyish va natijasi boʻyicha ota yoki onaga SMS xabar yuborish Avtomatik ravishda 6-bosqich Sogʻliqni saqlash vazirligi “Elektron poliklinika” axborot almashinuvi tizimi orqali ona roʻyxatda turgan poliklinikaga (roʻyxatda turmagan taqdirda doimiy yoki vaqtincha roʻyxatda turgan yashash manzilidagi poliklinikaga) bolani roʻyxatga qoʻyish va roʻyxatga qoʻyilganligi haqida ota yoki onaga SMS xabar yuborish 1 ish kuni ichida 7-bosqich Pensiya jamgʻarmasi boʻlimi 1. Farzand tugʻilganda beriladigan bir martalik nafaqa pulini rasmiylashtirish va natijasi boʻyicha ota yoki onaga SMS xabar yuborish. Avtomatik ravishda 2. Har oyning boshida oʻtgan oyda ushbu hududda toʻlangan farzand tugʻilganda beriladigan bir martalik nafaqalarning umumiy summasidan kam boʻlmagan miqdordagi mablagʻlarni Xalq banki filialining hisobvaragʻiga moliyalashtirish. Har oyning 5 sanasiga qadar 3. FHDY boʻlimining elektron maʼlumotlariga asosan hududda tugʻilganlik holati qayd qilingan bolalar soniga muvofiq doimiy roʻyxatga qoʻyganlik uchun mablagʻlarni belgilangan tartibda Ichki ishlar vazirligining budjetdan tashqari jamgʻarmasi hisobvaragʻiga moliyalashtirish Joriy oydan keyingi oyning 5 sanasiga qadar 8-bosqich Xalq banki Bir martalik nafaqa toʻlovini olish uchun murojaat qilgan ariza beruvchining nafaqaga boʻlgan huquqini Pensiya jamgʻarmasiga elektron soʻrov yuborish orqali tasdiqlash hamda nafaqa toʻlovini amalga oshirish, toʻlov amalga oshirilganligi haqida maʼlumotni ota yoki onaga SMS xabar orqali yuborish. Murojaat qilgan vaqtda 9-bosqich FHDY boʻlimi Ariza beruvchilarning istalgan vaqtdagi talabiga asosan tugʻilganlik haqidagi gerbli guvohnomani eksterritorial tamoyil asosida rasmiylashtirib berish Murojaat qilgan vaqtda

Tugʻilganlikni qayd etish bilan bogʻliq kompleks davlat xizmatlarini koʻrsatishning maʼmuriy reglamentiga 2-ILOVA

______________________ (sana) _____________________ (raqam) Tugʻilganlikni tibbiyot muassasasi orqali FHDY boʻlimida qayd etish bilan bogʻliq kompleks davlat xizmatlaridan foydalanish uchun SOʻROVNOMA I. Bola haqidagi maʼlumotlar (maʼlumotlar toʻliq yozilishi shart): 1. Bolaga beriladigan F.I.O.: 1.1. Bolaning tugʻilganlik haqidagi tibbiy maʼlumotlari: II. Ota-ona haqidagi maʼlumotlar (maʼlumotlar toʻliq yozilishi shart): 1. Onaning F.I.O.: 1.1. Jismoniy shaxsning shaxsiy identifikatsiya raqami (JSH SHIR): 2. Otaning F.I.O.: 2.1. Jismoniy shaxsning shaxsiy identifikatsiya raqami (JSH SHIR): 3. Ota-onaning nikoh tuzilganligi haqidagi maʼlumotlari: III. Tibbiy poliklinikaga hisobga qoʻyish (xohishiga koʻra) 1. Tibbiy poliklinikaga hisobga qoʻyish: ha yoʻq 2. Hisobga qoʻyiladigan tibbiy poliklinika manzili va soni: IV. Bir martalik nafaqani olish (xohishiga koʻra) 1. Bir martalik nafaqani olish: ha yoʻq 2. Naqd koʻrinishda (1) yoki bank plastik kartasi (2) orqali olish: 1 2 3. Bank plastik kartasi tanlanganda, arizachining JSHSHIR orqali unga tegishli karta raqami: V. Bolani roʻyxatga qoʻyish 1. Manzil: Otasi Onasi Boshqa VI. Bolani davlat maktabgacha taʼlim tashkilotiga navbatga qoʻyish (xohishiga koʻra) 1. Tashkilot nomi va manzili: 1. 2. 3.

z) quyidagi mazmundagi 3 va 4 ilovalar bilan toʻldirilsin:

Tugʻilganlikni qayd etish bilan bogʻliq kompleks davlat xizmatlarini koʻrsatishning maʼmuriy reglamentiga 3-ILOVA

Tugʻilganlik haqida dalolatnoma yozuvi qayd qilinganligi toʻgʻrisida MAʼLUMOTNOMA №______ 1. Bolaning F.I.O. 2. Tugʻilgan sanasi va joyi: 3. Dalolatnoma yozuvi qayd qilingan sana va raqami: 3. Bolaning JSHSHIRi: 4. Otasining F.I.O. 5. Millati: 6. Fuqaroligi: 7. Onasining F.I.O. 8. Millati: 9. Fuqaroligi: 10. FHDY boʻlimi: 11. Maʼlumotnoma berilgan sana: Hujjatning haqiqiyligini tasdiqlovchi QR-kod

Tugʻilganlikni qayd etish bilan bogʻliq kompleks davlat xizmatlarini koʻrsatishning maʼmuriy reglamentiga 4-ILOVA

”.