Davlat organlari va boshqa budjet tashkilotlarining axborot texnologiyalari va kommunikatsiyalarini rivojlantirish uchun masʼul boʻlgan rahbarlari va boʻlinmalari xodimlarini attestatsiyadan oʻtkazish tartibi toʻgʻrisidagi nizomning 12-bandiga oʻzgartirish kiritish haqida (3007-2-son)

09.09.2022

Oʻzbekiston Respublikasi axborot texnologiyalari va kommunikatsiyalarini rivojlantirish vazirining

buyrugʻi

[Oʻzbekiston Respublikasi Adliya vazirligi tomonidan 2022-yil 9-sentabrda roʻyxatdan oʻtkazildi, roʻyxat raqami 3007-2]

Oʻzbekiston Respublikasining 2022-yil 14-martdagi OʻRQ-759-son “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonuni va Oʻzbekiston Respublikasi Prezidentining 2020-yil 22-sentabrdagi PF-6065-son “Oʻzbekiston Respublikasida identifikatsiya ID-kartalarni joriy etish chora-tadbirlari toʻgʻrisida”gi Farmoniga muvofiq buyuraman:

1. Oʻzbekiston Respublikasi Axborot texnologiyalari va kommunikatsiyalarini rivojlantirish vazirining 2018-yil 11-apreldagi 168-son buyrugʻi (roʻyxat raqami 3007, 2018-yil 8-may) (Qonun hujjatlari maʼlumotlari milliy bazasi, 10.05.2018-y., 10/18/3007/1190-son) bilan tasdiqlangan Davlat organlari va boshqa budjet tashkilotlarining axborot texnologiyalari va kommunikatsiyalarini rivojlantirish uchun masʼul boʻlgan rahbarlari va boʻlinmalari xodimlarini attestatsiyadan oʻtkazish tartibi toʻgʻrisidagi nizomning 12-bandi uchinchi xatboshisidagi “xodimning pasport maʼlumotlari” degan soʻzlar “xodimning pasporti yoki identifikatsiya ID-kartasiga oid maʼlumotlar” degan soʻzlar bilan almashtirilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir Sh. ShERMATOV

Toshkent sh.,

2022-yil 17-avgust,

226-mh-son