Oʻzbekiston Respublikasi davlat bojxona qoʻmitasi faoliyatining baʼzi masalalari toʻgʻrisida (111-son)

01.03.1993

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Oʻzbekiston Respublikasi Davlat bojxona qoʻmitasini tashkil etish toʻgʻrisida” 1992-yil 10-avgustdagi Farmoniga va Oʻzbekiston Respublikasi Prezidenti huzuridagi Vazirlar Mahkamasining “Oʻzbekiston Respublikasi Davlat bojxona qoʻmitasi faoliyatini tashkil etish toʻgʻrisida” 1992-yil 12-avgustdagi 375-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Davlat bojxona qoʻmitasiga 1-ilovaga* muvofiq qoʻshimcha 150 nafar shtat ajratilsin.

* 1-ilova rus tilidagi matnda berilgan.

Oʻzbekiston Respublikasi Moliya vazirligi Oʻzbekiston Respublikasi Davlat bojxona qoʻmitasining qoʻshimcha shtatlarini taʼminlash uchun respublika budjetidan zarur mablagʻlar ajratishni nazarda tutsin.

2. Oʻzbekiston Respublikasi Davlat bojxona qoʻmitasi va Oʻzbekiston Respublikasi Davlat bojxona qoʻmitasining boshliqlar tarkibi uchun maxsus unvonlar berish toʻgʻrisidagi vaqtinchalik nizomlar tasdiqlansin (2 va 3-ilovalar*).

* 2, 3-ilovalar rus tilidagi matnda berilgan.

3. Oʻzbekiston Respublikasi Vazirlar Mahkamasining 1993-yil 8-yanvardagi 16-son qarori bilan tasdiqlangan Oʻzbekiston Respublikasi Ichki ishlar organlarida xizmatni oʻtash haqida Vaqtinchalik nizom Oʻzbekiston Respublikasi Davlat bojxona qoʻmitasi xodimlariga joriy etilsin.

4. Sobiq Bojxona qoʻmitasi va Oʻzbekiston Respublikasi Ichki ishlar vazirligi huzuridagi tovar-moddiy boyliklarni chetga olib chiqib ketishni nazorat qilish Davlat inspeksiyasi Bosh boshqarmasining shaxsiy va maxsus unvonlari boʻlgan hamda Oʻzbekiston Respublikasi Davlat bojxona qoʻmitasi organlari tizimiga kiritilgan mansabdor shaxslariga ularning Oʻzbekiston Respublikasi Ichki ishlar vazirligi va bojxona organlarida ishlagan vaqti koʻp yillik xizmatiga foizlar qoʻshimcha haq toʻlash uchun xizmat stajiga yozilsin va ularga Oʻzbekiston Respublikasi Ichki ishlar vazirligi xodimlariga nisbatan qoʻllaniladigan pensiya belgilansin.

5. Oʻzbekiston Respublikasi Ichki ishlar vazirligi Davlat avtomobil nazoratining respublika chegarasida joylashgan barcha doimiy postlarining binolari, aloqa vositalar, texnikasi, qoʻshimcha inshootlari va boshqa mulklari bilan birga Davlat bojxona qoʻmitasi balansiga oʻtkazsin.

6. Oʻrta Osiyo temir yoʻl Boshqarmasi temir yoʻl sostavlarini tuzish, amalga oshiriladigan va Oʻzbekistondan tashqariga chiqib ketayotgan fuqarolar poyezdga chiqariladigan barcha temir yoʻl stansiyalari va temir yoʻl vokzallarida Oʻzbekiston Respublikasi Davlat bojxona qoʻmitasi xodimlarini xizmat binolari, mebel va boshqa inventarlar, shuningdek, telefon aloqasi bilan taʼminlasin.

7. Mazkur qarorning bajarilishini nazorat qilish Vazirlar Mahkamasi Raisining birinchi oʻrinbosari oʻrtoq I.K. Joʻrabekov zimmasiga yuklatilsin.

Vazirlar Mahkamasining Raisi I. KARIMOV

Toshkent sh.,

1993-yil 1-mart,

111-son