Norasmiy bandlik ulushini qisqartirish hamda mehnat resurslari balansini zamonaviy yondashuvlar asosida shakllantirish chora-tadbirlari toʻgʻrisida (PQ-366-son)

30.08.2022

Oʻzbekiston Respublikasi Prezidentining

Qarori

Mehnat resurslari balansini shakllantirish tartibini takomillashtirish, ishsiz fuqarolarni, ayniqsa, xotin-qizlar va mehnat bozoriga ilk bor kirib kelayotgan bitiruvchilar bandligini taʼminlash va tadbirkorlikka keng jalb etish, shuningdek, norasmiy bandlikni kamaytirish boʻyicha taʼsirchan yangi mexanizmlarni joriy etish maqsadida:

1. Mahallalarda ishsizlikni kamaytirish va norasmiy bandlik ulushini qisqartirish uchun shunday tartib oʻrnatilsinki, unga muvofiq:

a) 2022-yil 1-noyabrdan boshlab 1-ilovada koʻrsatilgan 10 ta faoliyat turi oʻzini oʻzi band qilgan shaxslar shugʻullanishi mumkin boʻlgan faoliyat (ishlar, xizmatlar) turlari roʻyxatiga kiritiladi;

b) 2025-yil 1-yanvardan boshlab yakka tartibdagi tadbirkorlar bilan mehnat munosabatlarida boʻlgan jismoniy shaxslar uchun ijtimoiy soliq summasining eng kam miqdori oyiga bazaviy hisoblash miqdorining 50 foizidan yiliga bazaviy hisoblash miqdorining bir baravarigacha kamaytiriladi;

v) 2023-yil 1-yanvardan boshlab oʻzining shaxsiy tomorqa yer uchastkasida 2-ilovada koʻrsatilgan faoliyat turlari bilan shugʻullanayotgan fuqarolar tomonidan yiliga bazaviy hisoblash miqdorining kamida bir baravari miqdorida ijtimoiy soliq toʻlangan taqdirda, ular rasmiy band boʻlgan aholi toifasiga kiritiladi va ushbu davr ularning mehnat stajiga qoʻshiladi. Bunda:

2-ilovada koʻrsatilgan faoliyat turlari bilan shugʻullanayotgan fuqarolarga ularga tegishli boʻlgan tomorqa yer uchastkasining maydoni yoki ular tomonidan parvarish qilinayotgan uy hayvonlari va parrandalarning sonidan qatʼi nazar ixtiyoriy tartibda ijtimoiy soliqni toʻlashga ruxsat etiladi;

2-ilovada koʻrsatilgan faoliyat turlari bilan shugʻullanayotgan fuqarolarning hisobini yuritish mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimining yordamchilari (keyingi oʻrinlarda — hokim yordamchilari) tomonidan amalga oshiriladi;

g) 2022-yil 1-noyabrdan boshlab tomorqa yer uchastkalari egalarini kooperatsiya va kasanachilik asosida ish bilan band qilgan tadbirkorlik subyektlariga Bandlikka koʻmaklashish davlat jamgʻarmasi hisobidan:

parranda (tovuq, bedana, oʻrdak, gʻoz, kurka), parrandani saqlash uchun katak, ozuqa yemi hamda dori vositalari;

uzum koʻchati va tok soʻrisi;

asalari oilasi, asalari uyasi uchun quti hamda ozuqa yemi;

quyon, quyon katagi va ozuqa yemi;

baliq chavoqlari, sunʼiy hovuz va ozuqa yemini xarid qilish hamda keyinchalik tomorqa yer egalariga taqdim etish uchun subsidiya ajratiladi.

Bunda, mazkur subsidiya bir nafar tomorqa yer uchastkasi egasi uchun bazaviy hisoblash miqdorining 20 baravarigacha miqdorda hokim yordamchilarining tavsiyasiga asosan ajratiladi.

Bandlik va mehnat munosabatlari vazirligi (N. Xusanov) Davlat soliq qoʻmitasi (Sh. Kudbiyev) hamda Mahallabay ishlash va tadbirkorlikni rivojlantirish agentligi (M. Ubaydullayev) bilan birgalikda uch oy muddatda Soliq kodeksiga mazkur banddan kelib chiqadigan oʻzgartirish va qoʻshimchalar kiritishga oid qonun loyihasini Vazirlar Mahkamasiga kiritsin.

2. 2023-yil 1-yanvardan boshlab quyidagilarga ruxsat etilsin:

yakka tartibdagi tadbirkorlarga murakkab boʻlmagan umumiy qurilish va qurilish-taʼmirlash ishlari (beton quyish, boʻyoqchilik, suvoqchilik ishlari, gʻisht va kafel terish, perforatsiya, duradgorlik, chilangarlik va boshqa umumiy qurilish ishlari)ni (keyingi oʻrinlarda — umumiy qurilish ishlari), shu jumladan yuridik shaxslar uchun ham bajarishga;

qurilish-pudrat tashkilotlariga umumiy qurilish ishlarini bajarish uchun shartnoma asosida yakka tartibdagi tadbirkorlarni jalb qilishga.

Belgilab qoʻyilsinki:

yakka tartibdagi tadbirkorlarga umumiy qurilish ishlarini bajarish uchun besh nafargacha xodimlarni yollashga ruxsat etiladi.

3. Bandlik va mehnat munosabatlari vazirligi (N. Xusanov) hokim yordamchilari bilan birgalikda:

mahallalarda umumiy qurilish ishlari bilan norasmiy shugʻullanayotgan jismoniy shaxslar, shuningdek, xorijiy davlatlarda qurilish sohasida ishlab, Oʻzbekiston Respublikasiga qaytgan fuqarolarga yakka tartibdagi tadbirkor yoki oʻzini oʻzi band qilgan shaxs sifatida roʻyxatdan oʻtish hamda qonunchilik hujjatlarida belgilangan subsidiyalarni olishda koʻmaklashsin;

2024-yil 1-martga qadar bir martalik ishlarni bajaruvchi shaxslar uchun qulay sharoitlar yaratish maqsadida ular koʻp yigʻiladigan joylarda kunlik mehnat markazlarini, shu jumladan davlat-xususiy sheriklik asosida tashkil etish hamda ushbu markazlarda band boʻlmagan aholini ishga joylashtirish bilan bogʻliq boʻlgan xizmatlarni koʻrsatish choralarini koʻrsin.

4. Qurilish vazirligi (B. Zakirov):

qurilish-pudrat tashkilotlari oʻrtasida umumiy qurilish ishlariga yakka tartibdagi tadbirkorlarni keng jalb qilish boʻyicha targʻibot ishlarini olib borsin;

yakka tartibdagi tadbirkorlarni Oʻzbekiston Respublikasining ijtimoiy va ishlab chiqarish infratuzilmasini rivojlantirish, “Obod qishloq”, “Obod mahalla” dasturlari doirasida bajariladigan umumiy qurilish ishlariga keng jalb qilsin.

5. Quyidagilar:

2022 — 2024-yillarda norasmiy bandlik ulushini qisqartirish boʻyicha “yoʻl xaritasi” 3-ilovaga muvofiq;

2023 — 2026-yillarda norasmiy bandlik ulushini qisqartirish boʻyicha maqsadli koʻrsatkichlar 4-ilovaga muvofiq tasdiqlansin.

6. Bandlik va mehnat munosabatlari vazirligi (N. Xusanov) Iqtisodiy taraqqiyot va kambagʻallikni qisqartirish vazirligi (I. Norqulov), Investitsiyalar va tashqi savdo vazirligi (L. Kudratov), Moliya vazirligi (T. Ishmetov) hamda Davlat soliq qoʻmitasi (Sh. Kudbiyev) bilan birgalikda:

har chorakda mahallalarda norasmiy band boʻlgan fuqarolar oʻrtasida soʻrovnoma oʻtkazib borsin;

soʻrovnomalar natijasida norasmiy bandlikni keltirib chiqaruvchi omillarni aniqlasin hamda ularni bartaraf etish boʻyicha zarur choralarni koʻrsin;

har chorakda hududlar va iqtisodiy faoliyat turlari kesimida aniqlangan norasmiy bandlikni bartaraf etish yuzasidan takliflar ishlab chiqsin va Vazirlar Mahkamasiga kiritsin;

har yili kamida 500 ming nafar norasmiy band boʻlgan shaxslarning faoliyatini belgilangan tartibda rasmiylashtirish boʻyicha zarur amaliy chora-tadbirlarni amalga oshirsin.

7. 2022-yil 1-noyabrdan mehnatga layoqatli aholini roʻyxatga olish va hisobini yuritish boʻyicha shunday tartib joriy qilinsinki, unga muvofiq quyidagilarning hisobi:

yuridik shaxslarda faoliyat yuritayotgan shaxslarning — “Yagona milliy mehnat tizimi” idoralararo dasturiy-apparat kompleksida, jismoniy shaxslardan olinadigan daromad soligʻi hisob-kitobi hamda davlat statistika hisobotlarida;

yakka tartibdagi tadbirkorlar va ular yollagan xodimlar, shuningdek, oʻzini oʻzi band qilgan shaxslar hamda dehqon xoʻjaliklarida band boʻlganlar — Davlat soliq qoʻmitasining axborot bazasida;

hunarmandlar — “Hunarmand” uyushmasining axborot bazasida;

haq toʻlanadigan jamoat ishlarida band boʻlganlar va kasb-hunarga oʻqiyotganlar — Bandlik va mehnat munosabatlari vazirligining “Bandlik xizmati” axborot tizimida;

xorijiy davlatlarga vaqtinchalik mehnat faoliyatini yuritish uchun ketgan shaxslar — Tashqi mehnat migratsiyasi agentligining “Labour migration” axborot tizimida hamda Ichki ishlar vazirligining axborot bazasida;

shaxsiy tomorqa yer uchastkalarida band boʻlgan fuqarolar — Moliya vazirligi huzuridagi budjetdan tashqari Pensiya jamgʻarmasining axborot tizimida hamda Mahallabay ishlash va tadbirkorlikni rivojlantirish agentligining axborot bazasida;

oʻzlariga ajratilgan qishloq xoʻjaligiga moʻljallangan yer uchastkalarida band boʻlganlar — Qishloq xoʻjaligi vazirligi va Davlat soliq qoʻmitasi huzuridagi Kadastr agentligining axborot bazasida;

ishlab chiqarish kooperativlarida hamda kasanachilik (uy mehnati) bilan band boʻlganlar — Mahallabay ishlash va tadbirkorlikni rivojlantirish agentligi axborot bazasi hamda Bandlik va mehnat munosabatlari vazirligining “Bandlik xizmati” axborot tizimida;

uy sharoitida pilla yetishtirish, ipak mato, qoʻlda ipak gilam toʻqish bilan shugʻullanuvchi hamda shaxsiy tomorqa yer uchastkasida tut mevasi va koʻchati yetishtiruvchi shaxslar — “Oʻzbekipaksanoat” uyushmasi axborot bazasida;

bir martalik va mavsumiy ishlarni bajaruvchilar, tadbirkorlik subyektlariga yordam beruvchi oila aʼzolari hamda oilaviy korxonalarda band boʻlganlar — Mahallabay ishlash va tadbirkorlikni rivojlantirish agentligi axborot bazasi, Bandlik va mehnat munosabatlari vazirligining “Mening ishim” buyurtmalar birjasi onlayn-maydoni hamda Davlat soliq qoʻmitasining axborot bazasida;

tuman (shahar) aholi bandligiga koʻmaklashish markazlari tomonidan roʻyxatga olingan ishsiz fuqarolar — Bandlik va mehnat munosabatlari vazirligining “Bandlik xizmati” axborot tizimida yuritiladi.

8. Bandlik va mehnat munosabatlari vazirligi uch oy muddatda:

Davlat soliq qoʻmitasi, Davlat statistika qoʻmitasi hamda tegishli vazirlik va idoralar bilan birgalikda “Yagona milliy mehnat tizimi” idoralararo dasturiy-apparat kompleksining mazkur qarorning 7-bandida koʻrsatilgan axborot manbalari bilan integratsiya qilinishini;

“Yagona milliy mehnat tizimi” idoralararo dasturiy-apparat kompleksida jamlangan maʼlumotlar asosida Oʻzbekiston Respublikasi mehnat resurslari balansini shahar va tumanlar kesimida ishlab chiqilishini taʼminlasin.

9. Yoshlar ishlari agentligi, Oliy va oʻrta maxsus taʼlim vazirligi hamda Xalq taʼlimi vazirligining “Yoshlar daftari” platformasida “Bitiruvchilar bandligi” funksionalini joriy qilish va bu orqali umumiy oʻrta, professional hamda oliy taʼlim muassasalari bitiruvchilarining uch yil davomidagi bandlik holatini monitoring qilish toʻgʻrisidagi taklifiga rozilik berilsin.

Axborot texnologiyalari va kommunikatsiyalarini rivojlantirish vazirligi Yoshlar ishlari agentligi bilan birgalikda bir oy muddatda “Yoshlar daftari” platformasining tegishli vazirlik va idoralar axborot tizimlari va resurslari bilan integratsiya qilinishini taʼminlasin.

10. “Oʻz kelajagimga oʻzim investor” loyihasi doirasida 2023-2024-yillarda mehnat organlari tomonidan xorijdan qaytib kelgan mehnat migrantlariga koʻrsatiladigan xizmatlarning prognoz koʻrsatkichlari 5-ilovaga muvofiq tasdiqlansin.

Bandlik va mehnat munosabatlari vazirligi (N. Xusanov), Iqtisodiy taraqqiyot va kambagʻallikni qisqartirish vazirligi (I. Norqulov) hamda Moliya vazirligi (T. Ishmetov) mehnat migratsiyasidan qaytib kelgan shaxslar bandligini taʼminlash, shu jumladan ularni doimiy va vaqtinchalik ishlarga joylashtirish, tadbirkorlikka jalb qilish, kasb-hunarga oʻqitish hamda qonunchilik hujjatlarida belgilangan subsidiyalarni ajratish boʻyicha zarur choralarni koʻrsin.

11. Bandlik va mehnat munosabatlari vazirligi hamda Davlat soliq qoʻmitasi Oʻzbekiston Milliy teleradiokompaniyasi bilan birgalikda:

norasmiy mehnatning inson hayoti va sogʻligʻi, ijtimoiy xavfsizligi, ish qobiliyati saqlanishiga salbiy taʼsiri, ularda davlat pensiya taʼminotiga boʻlgan huquqni beruvchi ish staji shakllanmasligi yuzasidan;

“Oʻz kelajagimga oʻzim investor” loyihasi doirasida xorijdan qaytib kelgan va oʻz biznesini yoʻlga qoʻyib, samarali mehnat qilayotgan tadbirkorlar faoliyati toʻgʻrisida videoroliklar ishlab chiqilishi hamda ommaviy axborot vositalarida, rasmiy veb-saytlarda, ijtimoiy tarmoqlarda namoyish qilib borilishini tashkil etsin.

12. Oʻzbekiston Respublikasi Prezidentining ayrim qarorlariga 6-ilovaga muvofiq oʻzgartirish va qoʻshimchalar kiritilsin.

13. Bandlik va mehnat munosabatlari vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

14. Mazkur qaror ijrosini samarali tashkil qilishga masʼul va shaxsiy javobgar etib bandlik va mehnat munosabatlari vaziri N.B. Xusanov belgilansin.

Qaror ijrosini nazorat qilish, ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 30-avgust,

PQ-366-son

Oʻzbekiston Respublikasi Prezidentining 2022-yil 30-avgustdagi PQ-366-son qaroriga 1-ILOVA

Oʻzini oʻzi band qilgan shaxslar shugʻullanishi mumkin boʻlgan qoʻshimcha faoliyat (ishlar, xizmatlar) turlari

ROʻYXATI

T/r Yoʻnalish nomi 1. Uy hayvonlari (qoramol, qoʻy, echki, ot va boshqalar) bozorlarida vositachilik xizmati 2. Avtomobil bozorlarida vositachilik xizmati 3. Rieltorlik xizmatini koʻrsatish (ijaraga uy topib berish, uy sotib olish va sotishga koʻmaklashish) 4. Uyda sut va sut mahsulotlarini qayta ishlash va sotish xizmati 5. Maishiy buyumlarni ijaraga berish xizmati (stol-stul, idish-tovoq, asbob-uskuna va boshqalar) 6. Gips va ganchdan buyumlar yasash (uy jihozlari, ertak qahramonlari haykallarini yasash) 7. Tosh va tosh mahsulotlaridan yodgorlik, suvenir va dekorativ buyumlar tayyorlash 8. Yogʻoch mahsulotlaridan savat, non mahsulotlari uchun maxsus idish va boshqa buyumlarni toʻqish 9. Uy sharoitida pilla yetishtirish, shaxsiy tomorqa yer uchastkasida tut mevasi, niholi va koʻchatini yetishtirish, uyda ipak mato, ipak gilam toʻqish va sotish 10. Kulolchilik

Oʻzbekiston Respublikasi Prezidentining 2022-yil 30-avgustdagi PQ-366-son qaroriga 2-ILOVA

Shaxsiy tomorqa yer uchastkalarida yuritiladigan qoʻshimcha faoliyat turlari

ROʻYXATI

T/r Yoʻnalish nomi 1. Chorvachilik (qoramol, qoʻy, echki, ot va boshqalar) 2. Issiqxona 3. Parrandachilik (bedana, kurka, gʻoz, oʻrdak) 4. Quyonchilik 5. Asalarichilik 6. Baliqchilik 7. Bogʻdorchilik 8. Limonchilik 9. Gulchilik

Oʻzbekiston Respublikasi Prezidentining 2022-yil 30-avgustdagi PQ-366-son qaroriga 3-ILOVA

2022 — 2024-yillarda norasmiy bandlik ulushini qisqartirish boʻyicha

“yoʻl xaritasi”

T/r Tadbirlar nomi Amalga oshirish mexanizmi Ijro muddati Masʼul ijrochilar I. Norasmiy bandlikni tahlil qilish 1. Norasmiy bandlikni oʻrganish va tahlil qilish vositalarini takomillashtirish. 1. Hududlarda doimiy ravishda norasmiy bandlik diagnostikasini oʻtkazish. Bunda: mahallalarda norasmiy band boʻlgan fuqarolar oʻrtasida soʻrovnoma oʻtkazish; soʻrovnomalar natijasida norasmiy bandlikni keltirib chiqaruvchi omillarni aniqlash; hududlar va iqtisodiy faoliyat turlari boʻyicha norasmiy bandlik xaritasini yaratish; aniqlangan norasmiy bandlikni keltirib chiqaruvchi omillarni bartaraf etish boʻyicha choralar koʻrish. 2. Har chorakda hududlar va iqtisodiy faoliyat turlari kesimida norasmiy bandlikni bartaraf etish yuzasidan takliflar ishlab chiqish va Vazirlar Mahkamasiga kiritish. 2022 — 2024-yillarda har chorakda Bandlik va mehnat munosabatlari vazirligi (N. Xusanov), Davlat soliq qoʻmitasi (Sh. Kudbiyev), Iqtisodiy taraqqiyot va kambagʻallikni qisqartirish vazirligi (I. Norqulov), Davlat statistika qoʻmitasi (B. Begalov), manfaatdor vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2. Xalqaro tashkilotlar bilan hamkorlikda norasmiy bandlikni tahlil qilish va kamaytirish boʻyicha tadqiqotlar oʻtkazish. Xalqaro mehnat tashkiloti, BMTning Taraqqiyot dasturi, Jahon banki, Osiyo taraqqiyot banki va boshqa xorijiy tashkilotlar bilan hamkorlikda jahon tajribasini oʻrgangan holda norasmiy bandlik masalalari boʻyicha tadqiqotlar oʻtkazish. Bunda: sohada ilgʻor boʻlgan xalqaro ekspertlarni tadqiqotlar jarayoniga jalb etish; norasmiy bandlikni kamaytirishda muvaffaqiyatga erishgan davlatlarning tajribalarini oʻrganish; ilgʻor xorijiy tajribalarni amaliyotga joriy etish boʻyicha takliflarni ishlab chiqish va Vazirlar Mahkamasiga kiritish. 2023-2024-yillarda, har yili II chorakda Bandlik va mehnat munosabatlari vazirligi (N. Xusanov), Iqtisodiy taraqqiyot va kambagʻallikni qisqartirish vazirligi (I. Norqulov), Davlat soliq qoʻmitasi (Sh. Kudbiyev), Davlat statistika qoʻmitasi (B. Begalov), manfaatdor vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 3. Iqtisodiy islohotlarning rasmiy bandlikni oshirishga taʼsirini tahlil qilish. Mamlakatda amalga oshirilayotgan iqtisodiy islohotlarning rasmiy bandlikni oshirishga taʼsirini tahlil qilish, shu jumladan: davlat mulkini xususiylashtirish va ijaraga berish; qishloq xoʻjaligi mahsulotlari va energoresurslar narxlarini erkinlashtirish; paxta va gʻalla maydonlarini qisqartirish hamda boʻshagan yer uchastkalarini aholiga ochiq tanlov asosida ijaraga berish; tadbirkorlikni rivojlantirish uchun kreditlar ajratish jarayonlarini oʻrganish. 2023-2024-yillarda, har yili III chorakda Iqtisodiy taraqqiyot va kambagʻallikni qisqartirish vazirligi (I. Norqulov), Qishloq xoʻjaligi vazirligi (A. Voitov), Energetika vazirligi (Sh. Xodjayev), Bandlik va mehnat munosabatlari vazirligi (N. Xusanov), Markaziy bank (M. Nurmuratov), Davlat soliq qoʻmitasi (Sh. Kudbiyev), Davlat statistika qoʻmitasi (B. Begalov), Davlat mulkini boshqarish agentligi (A. Ortiqov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari II. Norasmiy bandlikni qisqartirishni ragʻbatlantirish 4. Oʻzini oʻzi band qilgan shaxslar uchun faoliyat (ishlar, xizmatlar) turlari roʻyxatini kengaytirish orqali norasmiy bandlik ulushini qisqartirish. 1. Oʻzini oʻzi band qilgan shaxs sifatida amalga oshirish mumkin boʻlgan faoliyat (ishlar, xizmatlar) turlarini tahlil qilish. 2023-yil avgust Iqtisodiy taraqqiyot va kambagʻallikni qisqartirish vazirligi (I. Norqulov), Davlat soliq qoʻmitasi (Sh. Kudbiyev), Bandlik va mehnat munosabatlari vazirligi (N. Xusanov) 2. Tahlil natijalaridan kelib chiqib, oʻzini oʻzi band qilgan shaxslar uchun faoliyat (ishlar, xizmatlar) turlari roʻyxatini kengaytirish boʻyicha normativ-huquqiy hujjat loyihasini ishlab chiqish va belgilangan tartibda Vazirlar Mahkamasiga kiritish. 2023-yil noyabr 5. Norasmiy bandlik ulushini qisqartirish maqsadida shaxsiy tomorqa yer uchastkalarida band boʻlgan shaxslarni ijtimoiy himoya qilish tizimini joriy etish. 1. Shaxsiy tomorqa yer uchastkalarda yuritiladigan faoliyat turlarini kengaytirish, shuningdek, tomorqa yer uchastkasida rasmiy band boʻlgan shaxs sifatida faoliyat yuritish uchun qonunchilikda mavjud boʻlgan talablarni soddalashtirish. 2022-yil noyabr Davlat soliq qoʻmitasi (Sh. Kudbiyev), Oʻzbekiston fermer, dehqon xoʻjaliklari va tomorqa yer egalari kengashi (A. Xaitov), Bandlik va mehnat munosabatlari vazirligi (N. Xusanov), Moliya vazirligi (T. Ishmetov) 2. Oʻzining shaxsiy tomorqa yer uchastkasida qonunchilik hujjatlarida koʻrsatilgan faoliyat turlari bilan shugʻullanayotgan fuqarolar tomonidan yiliga bazaviy hisoblash miqdorining kamida bir baravari miqdorida ijtimoiy soliq toʻlangan taqdirda, ularni rasmiy band boʻlgan aholi toifasiga kiritish va ushbu davr uchun ularga mehnat stajini hisoblash. 2023-yil yanvar 6. Yakka tartibdagi tadbirkorlar tomonidan yollagan xodimlar uchun toʻlanadigan ijtimoiy soliq summasini kamaytirish. 1. Yakka tartibdagi tadbirkorlar oʻzlari yollagan xodimlar uchun toʻlaydigan ijtimoiy soliq summasini oyiga bazaviy hisoblash miqdorining 50 foizidan yiliga bazaviy hisoblash miqdorining bir baravari miqdorigacha kamaytirish. 2023-yil yanvar Davlat soliq qoʻmitasi (Sh. Kudbiyev), Iqtisodiy taraqqiyot va kambagʻallikni qisqartirish vazirligi (I. Norqulov), Moliya vazirligi (T. Ishmetov), manfaatdor vazirlik va idoralar 2. Yakka tartibdagi tadbirkorlar tomonidan yaratilgan ish oʻrinlarning umumiy sonini 2 barobarga oshirish choralarini koʻrish. 2024-yil dekabr 7. Mavsumiy ishlarda band boʻlgan shaxslar uchun qulay shart-sharoitlarni yaratish. Mavsumiy ishlarda band boʻlgan shaxslar uchun qulay shart-sharoitlarni yaratish boʻyicha takliflarni ishlab chiqish va Vazirlar Mahkamasiga kiritish va ularda: mavsumiy qishloq xoʻjaligi ishlarida band boʻlganlar uchun brigadalar tashkil qilish va ular aʼzolarini oʻzini oʻzi band qilgan shaxs sifatida roʻyxatdan oʻtkazish; brigada yetakchisiga har bir oʻzini oʻzi band qilgan shaxs sifatida roʻyxatga olingan fuqaro uchun bazaviy hisoblash miqdorining 20 foizi miqdorida Bandlikka koʻmaklashish davlat jamgʻarmasi mablagʻlari hisobidan bir martalik ragʻbatlantiruvchi toʻlovlar toʻlashni nazarda tutish. 2022-yil noyabr Bandlik va mehnat munosabatlari vazirligi (N. Xusanov), Qishloq xoʻjaligi vazirligi (A. Voitov), Davlat soliq qoʻmitasi (Sh. Kudbiyev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 8. Xizmat koʻrsatish sohasida norasmiy band boʻlgan va keyinchalik oʻz faoliyatini belgilangan tartibda rasmiylashtirgan fuqarolarni ragʻbatlantirish boʻyicha taklif tayyorlash. Xizmat koʻrsatish sohasida norasmiy band boʻlgan, keyinchalik oʻz faoliyatini belgilangan tartibda rasmiylashtirgan fuqaroga quyidagi imtiyozlarni joriy etish boʻyicha taklif tayyorlash va Vazirlar Mahkamasiga kiritish: oʻz faoliyatini belgilangan tartibda rasmiylashtirganidan soʻng 6 oy davomida ishlagan shaxslarga — kasb-hunarga oʻrganish va xorijiy tillarga oʻqish yoki malakani tasdiqlovchi sertifikatni olish xarajatlarini toʻlab berish uchun bazaviy hisoblash miqdorining 6 baravari miqdorida; oʻz faoliyatini belgilangan tartibda rasmiylashtirganidan soʻng 3 oy davomida ishlagan shaxslarga — maxsus kiyim va himoyalanish vositalarini sotib olish xarajatlarini qoplab berish uchun bazaviy hisoblash miqdorining 3 baravari miqdorida Bandlikka koʻmaklashish davlat jamgʻarmasi mablagʻlari hisobidan subsidiya ajratish. 2022-yil noyabr Iqtisodiy taraqqiyot va kambagʻallikni qisqartirish vazirligi (I. Norqulov), Bandlik va mehnat munosabatlari vazirligi (N. Xusanov), Moliya vazirligi (T. Ishmetov) 9. Ishlab chiqarish va xizmat koʻrsatish sohalarida faoliyat yuritayotgan hamda mehnatga haq toʻlash fondi miqdorini oshirgan kichik tadbirkorlik subyektlariga toʻlangan ijtimoiy soliq summasining bir qismini qaytarish boʻyicha taklif tayyorlash. Ishlab chiqarish va xizmat koʻrsatish sohalarida faoliyat yuritayotgan hamda mehnatga haq toʻlash fondi miqdorini oshirgan kichik tadbirkorlik subyektlariga toʻlangan ijtimoiy soliq summasini qaytarib berishni nazarda tutuvchi quyidagi imtiyozlarni joriy etish yuzasidan taklif tayyorlash va Vazirlar Mahkamasiga kiritish: yillik mehnatga haq toʻlash fondi miqdorini oʻtgan yilga nisbatan 1 foizga oshirganda — oʻtgan yil davomida toʻlangan ijtimoiy soliq summasining 0,5 foizini; yillik mehnatga haq toʻlash fondi miqdorini oʻtgan yilga nisbatan 3 foizga oshirganda — oʻtgan yil davomida toʻlangan ijtimoiy soliq summasining 2 foizini; yillik mehnatga haq toʻlash fondi miqdorini oʻtgan yilga nisbatan 5 foizga oshirganda — oʻtgan yil davomida toʻlangan ijtimoiy soliq summasining 3,5 foizini; yillik mehnatga haq toʻlash fondi miqdorini oʻtgan yilga nisbatan 10 foizga oshirganda — oʻtgan yil davomida toʻlangan ijtimoiy soliq summasining 8 foizini qaytarish. 2023-yil mart Davlat soliq qoʻmitasi (Sh. Kudbiyev), Iqtisodiy taraqqiyot va kambagʻallikni qisqartirish vazirligi (I. Norqulov), Bandlik va mehnat munosabatlari vazirligi (N. Xusanov), Moliya vazirligi (T. Ishmetov) 10. Qishloq xoʻjaligi sohasida norasmiy band boʻlgan shaxslar faoliyatini belgilangan tartibda rasmiylashtirish boʻyicha taklif tayyorlash. Qishloq xoʻjaligi sohasida norasmiy band boʻlgan shaxslar faoliyatini belgilangan tartibda rasmiylashtirish boʻyicha quyidagi takliflarni tayyorlash va Vazirlar Mahkamasiga kiritish: qishloq xoʻjaligi sohasida faoliyat yuritayotgan shaxslar bilan 7 kundan 11 oygacha boʻlgan muddatda mavsumiy mehnat shartnomasini tuzish; mavsumiy mehnat shartnomasini rasmiylashtirgan ishlovchilarning ijtimoiy soliq toʻlovini 2025-yil 1-yanvarga qadar 1 foiz miqdorida belgilash. 2023-yil yanvar Bandlik va mehnat munosabatlari vazirligi (N. Xusanov), Moliya vazirligi (T. Ishmetov) 11. Masofaviy ishlayotgan xodimlar (frilanser) uchun qulay sharoitlar yaratish. Masofaviy ishlayotgan xodimlar uchun “freelancer.uz” elektron platformasini yaratish. Bunda, elektron platformada buyurtmalar topish, kelishuvlar tuzish, kasbiy malakasini oshirish xizmatlari koʻrsatish imkoniyatlarini yaratib berish. 2023-yil aprel Bandlik va mehnat munosabatlari vazirligi (N. Xusanov), Axborot texnologiyalari va kommunikatsiyalarini rivojlantirish vazirligi (Sh. Shermatov), Davlat soliq qoʻmitasi (Sh. Kudbiyev) 12. Olis hududlardagi mahallalarda kunlik mehnat markazlarini tashkil etish. Olis hududlardagi mahallalarda kunlik mehnat markazlarini tashkil etish. Bunda: Jamoat ishlari jamgʻarmasi hisobidan markazlar uchun mini uskuna va inventarlarni (motokultivator, xashak maydalash mashinasi, avtoulovlarni yuvadigan karcher, koʻrpa qavish uskunasi, qandolatchilik pechlari, beton qorgich, payvandlash va metall kesish apparati va boshqa) sotib olish; uskuna va inventarlarni ishsiz fuqarolarga imtiyozli ijaraga berish; uskuna va inventarlar qiymati toʻliq toʻlanganda, ularni fuqarolarning ixtiyorida qoldirish; markazlar tomonidan berilgan uskuna va inventarlarni ishlatuvchi shaxslarni vaqtinchalik band boʻlgan shaxs sifatida roʻyxatga olish. 2023-2024-yillar davomida, har yili 5 tadan markaz tashkil etish Bandlik va mehnat munosabatlari vazirligi (N. Xusanov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 13. Tashkillashtirilgan holda xorijiy davlatlarga vaqtinchalik mehnat faoliyatini amalga oshirish uchun yuborilayotgan fuqarolarni rasmiy band aholi toifasiga kiritish. Oʻzbekiston Respublikasi fuqarolari mehnat faoliyatini amalga oshirayotgan xorijiy davlatlar, ayniqsa, Rossiya, Qozogʻiston, Turkiya, Koreya Respublikasi bilan: Oʻzbekiston Respublikasi fuqarolarning xorijiy davlatlarda ishlagan davridagi mehnat stajini hisobga olish; Oʻzbekiston Respublikasi fuqarolari tomonidan xorijiy davlatlarda toʻlangan ijtimoiy soliq toʻlovlarini keyinchalik ularga Oʻzbekistonda pensiya tayinlashda hisobga olish maqsadida budjetdan tashqari Pensiya jamgʻarmasiga koʻchirish borasida ikki tomonlama muzokaralar olib borish. 2022-2023-yillar davomida Tashqi ishlar vazirligi (V. Norov), Adliya vazirligi (R. Davletov), Moliya vazirligi (T. Ishmetov), Bandlik va mehnat munosabatlari vazirligi (N. Xusanov), Budjetdan tashqari Pensiya jamgʻarmasi (A. Xaydarov) 14. Kunlik mehnat markazlari faoliyatini takomillashtirish, bir martalik ishlarni bajaruvchilarning mehnat huquqlarini himoya qilish uchun nodavlat notijorat tashkilotlarni keng jalb qilish. 1. Xotin-qizlar, yoshlar va aholining boshqa ehtiyojmand qatlamlarini kunlik ishlarga jalb qilishda nodavlat notijorat tashkilotlar bilan muzokaralar olib borish. 2022-yil noyabr Bandlik va mehnat munosabatlari vazirligi (N. Xusanov), Qoraqalpogʻiston Respublikasi Vazirlar kengashi, viloyatlar va Toshkent shahar hokimligi 2. Nodavlat notijorat tashkilotlar bilan birgalikda kunlik ishlar bozorini takomillashtirish sohasida seminarlar tashkil etish. 2023-yil fevral 3. Kunlik ishlar bozorini takomillashtirish maqsadida oʻtkaziladigan tadqiqotlarga nodavlat notijorat tashkilotlarni jalb qilish. 2023-yil har chorakda 15. Kunlik mehnat markazlarining faoliyatini samarali yoʻlga qoʻyish maqsadida tajribaga ega boʻlgan xorijiy ekspertlarni jalb qilish. 1. Kunlik mehnat markazlari faoliyati samarali yoʻlga qoʻyilgan xorijiy davlatlar tajribasini oʻrganish va chuqur tahlil qilish. 2023-yil dekabr Bandlik va mehnat munosabatlari vazirligi (N. Xusanov), Qoraqalpogʻiston Respublikasi Vazirlar kengashi, viloyatlar va Toshkent shahar hokimligi 2. Ilgʻor xorijiy davlatlar bilan ushbu yoʻnalishda hamkorlik qilish va ekspertlarni jalb qilish boʻyicha memorandumlar imzolash. 2024-yil mart 3. Bandlik va mehnat munosabatlari vazirligi va hokimliklarning mablagʻlari hisobidan xorijiy ekspertlarni jalb qilish. 2024-yil may 4. Kunlik mehnat markazlari orqali bir martalik ishlarni bajaruvchilarning mehnat huquqlari va mehnat muhofazasini taʼminlash boʻyicha zamonaviy mexanizmlarni joriy etish. 2024-yil sentabr 16. Kunlik mehnat markazlari faoliyatini, shu jumladan davlat-xususiy sheriklik asosida tashkil etish. 1. Kunlik mehnat markazlari faoliyatini Toshkent shahrining barcha tumanlarida, shu jumladan davlat-xususiy sheriklik asosida tashkil etish. 2024-yil mart Bandlik va mehnat munosabatlari vazirligi (N. Xusanov), Qoraqalpogʻiston Respublikasi Vazirlar kengashi, viloyatlar va Toshkent shahar hokimligi 2. Davlat-xususiy sheriklik bitimida belgilangan samaradorlik koʻrsatkichlariga muvofiq Kunlik mehnat markazi faoliyatini baholash va tahlil qilish. 2024-yil sentabr 3. Loyiha muvaffaqiyatli amalga oshirilib, kutilgan natijalarga erishilgan taqdirda, mazkur loyihani respublikaning boshqa hududlarida amalga oshirish choralarini koʻrish. 2024-yil dekabr III. Huquqiy mexanizmlarni takomillashtirish orqali norasmiy bandlikni kamaytirish 17. Oʻzbekiston Respublikasi tomonidan Xalqaro mehnat tashkilotining bandlik masalalariga oid konvensiyalarini ratifikatsiya qilish masalasini oʻrganish. 1. Oʻzbekiston Respublikasi tomonidan Xalqaro mehnat tashkilotining quyidagi konvensiyalarini ratifikatsiya qilish masalasini oʻrganib chiqish: Bandlik va mehnat munosabatlari vazirligi (N. Xusanov), Sogʻliqni saqlash vazirligi (B. Musayev), Qurilish vazirligi (B. Zakirov), Moliya vazirligi (T. Ishmetov), Adliya vazirligi (R. Davletov), Tashqi ishlar vazirligi (V. Norov), Sanoat xavfsizligi davlat qoʻmitasi (B. Gulyamov), Oʻzbekiston Kasaba uyushmalari Federatsiyasi (K. Rafikov), manfaatdor vazirlik va idoralar “Ishlab chiqarishdagi baxtsiz hodisalar va kasb kasalliklari tufayli taʼminot toʻgʻrisida”gi 121-sonli Konvensiya (Jeneva, 1964-yil 8-iyul); 2022-yil dekabr “Mehnat xavfsizligi, gigiyenasi va ishlab chiqarish muhiti toʻgʻrisida”gi 155-sonli Konvensiya (Jeneva, 1981-yil 22-iyun); 2023-yil aprel “Bandlikka koʻmaklashish va ishsizlikdan himoya qilish toʻgʻrisida”gi 168-sonli Konvensiya (Jeneva, 1988-yil 21-iyun). 2023-yil iyul 2. Oʻrganish natijalari boʻyicha Vazirlar Mahkamasiga takliflar kiritish. 2023-yil sentabr 18. Ish beruvchilar tomonidan fuqarolik javobgarligi majburiy sugʻurta qilinganligi yuzasidan nazorat mexanizmlarini takomillashtirish, xususan, sugʻurta kompaniyalarini “Yagona milliy mehnat tizimi” idoralararo dasturiy-apparat kompleksiga integratsiya qilish. 1. Sugʻurta kompaniyalari hamda Bandlik va mehnat munosabatlari vazirligi oʻrtasida Memorandum imzolash. 2023-yil yanvar Bandlik va mehnat munosabatlari vazirligi (N. Xusanov), Moliya vazirligi (T. Ishmetov), Budjetdan tashqari Pensiya jamgʻarmasi (A. Xaydarov), Moliya vazirligi huzuridagi Sugʻurta bozorini rivojlantirish agentligi (K. Talipov) 2. Integratsiyaning texnik yoʻriqnomasini ishlab chiqish. 2023-yil mart 3. Sugʻurta kompaniyalarining axborot tizimlarini “Yagona milliy mehnat tizimi” IDAKga integratsiya qilish. 2023-yil sentabr IV. Norasmiy bandlikni kamaytirish boʻyicha targʻibot ishlarini kuchaytirish 19. Kichik biznes va xususiy tadbirkorlik subyektlari oʻrtasida ommaviy treninglar oʻtkazish ishlarini tashkil etish. Hududlar, tuman (shahar)larda professional trenerlarni jalb qilgan holda quyidagi mavzularda treninglar tashkil etish: tadbirkorlik faoliyatini amalga oshirishda soliq va mehnat qonunchiligiga, mehnat huquqi va mehnat xavfsizligi qoidalariga rioya qilish; rasmiy mehnat munosabatlarining ish beruvchilar va xodimlar uchun afzalliklari va imkoniyatlari; norasmiy bandlikning mamlakat iqtisodiyotiga, xodimlarning mehnat huquqlari va ijtimoiy himoyalanganlik darajasiga salbiy taʼsiri va oqibatlari. 2022 — 2024-yillar davomida Davlat soliq qoʻmitasi (Sh. Kudbiyev), Bandlik va mehnat munosabatlari vazirligi (N. Xusanov), Savdo sanoat palatasi (D. Vahobov), Oʻzbekiston Milliy teleradiokompaniyasi (A. Xadjayev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 20. Norasmiy bandlikni kamaytirish yuzasidan amalga oshirilayotgan islohotlarni targʻib qilish ishlarini kuchaytirish. 1. Norasmiy mehnatning inson hayoti va sogʻligʻi, ijtimoiy xavfsizligi, ish qobiliyati saqlanishiga salbiy taʼsiri, ularda davlat pensiya taʼminotiga boʻlgan huquqni beruvchi ish staji shakllanmasligi yuzasidan videoroliklar tayyorlash va ommaviy axborot vositalarida, rasmiy veb-saytlarda, ijtimoiy tarmoqlarda namoyish etish. 2. Qishloq xoʻjaligi, qurilish va norasmiy bandlik ulushi yuqori boʻlgan boshqa sohalarda norasmiy mehnat faoliyatini qonuniylashtirgan tashkilotlarning ijobiy tajribasini ommaviy axborot vositalarida keng yoritib borish. 2022 — 2024-yillar davomida Iqtisodiy taraqqiyot va kambagʻallikni qisqartirish vazirligi (I. Norqulov), Davlat soliq qoʻmitasi (Sh. Kudbiyev), Bandlik va mehnat munosabatlari vazirligi (N. Xusanov), Qurilish vazirligi (B. Zakirov), Qishloq xoʻjaligi vazirligi (A. Voitov), Oʻzbekiston Milliy teleradiokompaniyasi (A. Xadjayev)

Oʻzbekiston Respublikasi Prezidentining 2022-yil 30-avgustdagi PQ-366-son qaroriga 4-ILOVA

2023 — 2026-yillarda norasmiy bandlik ulushini qisqartirish boʻyicha

maqsadli koʻrsatkichlar

T/r Koʻrsatkichlar nomi 2022-yil 2023-yil 2024-yil 2025-yil 2026-yil 1. Ishga joylashtirishga muhtoj shaxslarni bandlikni taʼminlash dasturlari bilan qamrab olish koʻlamini kengaytirish, ishga joylashtirishga muhtoj shaxslarning dasturlar bilan qamrab olingan ulushi, foizda 30 40 45 53 60 2. Mehnat organlari tomonidan koʻrsatiladigan raqamli xizmat turlarini koʻpaytirish, jami koʻrsatilgan xizmatlar sonidagi ulushi, foizda 30 39 40 45 kamida 50 3. Mehnat organlarining ayrim vazifalarini xususiy sektorga oʻtkazish, jami xizmatlar sonidagi ulushi, foizda 5 7 10 13 kamida 15 4. Band boʻlmagan aholini mehnat bozorida talab yuqori boʻlgan kasblarga oʻqitish, ming kishi 37 70 80 90 100 5. Norasmiy sektorda band boʻlganlar ulushini qisqartirish, jami band aholi (tashqi migratsiyaga ketganlar bundan mustasno) sonidagi ulushi, foizda 41 39 36 33 30 6. Norasmiy sektorda band boʻlganlarni ish joyini yoʻqotishdan ijtimoiy sugʻurtalash qamrovini kengaytirish, norasmiy band boʻlgan xodimlar umumiy sonidagi ulushi, foizda - 1 4 7 kamida 10

Oʻzbekiston Respublikasi Prezidentining 2022-yil 30-avgustdagi PQ-366-son qaroriga 5-ILOVA

“Oʻz kelajagimga oʻzim investor” loyihasi doirasida 2023-2024-yillarda mehnat organlari tomonidan xorijdan qaytib kelgan mehnat migrantlariga koʻrsatiladigan xizmatlarning

PROGNOZ KOʻRSATKICHLARI*

nafar T/r Hudud nomi Jami koʻrsatiladigan xizmatlar Shundan, quyidagilar hisobiga: Doimiy ishga joylashtirish yoki oʻzini oʻzi band qilishda koʻmaklashish Tadbirkorlikka jalb qilish va kredit ajratilishida koʻmaklashish Subsidiya ajratish Kasbga oʻqitish, qayta tayyorlash 2023-yil 2024-yil 2023-yil 2024-yil 2023-yil 2024-yil 2023-yil 2024-yil 2023-yil 2024-yil Jami 165 000 170 000 127 000 130 000 19 900 21 000 7 600 8 080 10 500 10 920 1. Qoraqalpogʻiston Respublikasi 19 422 19 760 14 744 15 050 2 482 2 500 977 980 1 218 1 230 2. Andijon viloyati 19 422 19 945 14 925 15 283 2 390 2 462 882 900 1 225 1 300 3. Buxoro viloyati 12 685 12 995 9 593 9 823 1 623 1 672 489 500 980 1 000 4. Jizzax viloyati 3 117 3 918 2 302 2 358 375 945 271 300 168 315 5. Qashqadaryo viloyati 8 880 9 100 6 494 6 650 1 000 1 030 882 900 504 520 6. Navoiy viloyati 2 594 2 722 1 874 1 920 342 352 204 250 175 200 7. Namangan viloyati 15 067 15 466 11 203 11 472 1 790 1 844 814 850 1 260 1 300 8. Samarqand viloyati 21 100 21 649 16 561 16 960 2 465 2 539 828 850 1 246 1 300 9. Sirdaryo viloyati 3 639 3 748 2 777 2 845 382 393 326 350 154 160 10. Surxondaryo viloyati 12 408 12 713 9 396 9 620 1 498 1 543 814 850 700 700 11. Toshkent viloyati 10 460 10 803 8 394 8 595 1 207 1 243 299 400 560 565 12. Fargʻona viloyati 5 068 5 318 3 913 4 007 583 601 68 200 504 510 13. Xorazm viloyati 16 601 16 975 13 237 13 554 1 991 2 051 407 400 966 970 14. Toshkent shahri 14 537 14 889 11 585 11 863 1 773 1 826 339 350 840 850

Izoh:* Ushbu prognoz koʻrsatkichlari qonunchilikda belgilangan barcha manbalar hisobidan amalga oshiriladi. Mehnat bozoridagi vaziyatdan kelib chiqib, Vazirlar Mahkamasi prognoz koʻrsatkichlari yoʻnalishlari va miqdor koʻrsatkichlariga oʻzgartirish va qoʻshimchalar kiritish huquqiga ega.

Oʻzbekiston Respublikasi Prezidentining 2022-yil 30-avgustdagi PQ-366-son qaroriga 6-ILOVA

Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2018-yil 26-apreldagi “Fermer, dehqon xoʻjaliklari va tomorqa yer egalari faoliyatini takomillashtirish boʻyicha qoʻshimcha chora-tadbirlar toʻgʻrisida”gi PQ-3680-son qarorining 15-bandi “a” kichik bandi beshinchi xatboshisidagi “10” raqami “15” raqami bilan almashtirilsin.

2. Oʻzbekiston Respublikasi Prezidentining 2020-yil 18-maydagi “Tomorqa yer egalarini qoʻllab-quvvatlash va aholi bandligini taʼminlash boʻyicha qoʻshimcha chora-tadbirlar toʻgʻrisida”gi PQ-4716-son qarorining 2-bandi “b” kichik bandida:

birinchi xatboshidagi “10” raqami “15” raqami bilan almashtirilsin;

ikkinchi xatboshi “sohalarda” soʻzidan keyin “, shu jumladan qurilish-taʼmirlash sohalarida” soʻzlari bilan toʻldirilsin.

3. Oʻzbekiston Respublikasi Prezidentining 2020-yil 8-iyundagi “Tadbirkorlik faoliyati va oʻzini oʻzi band qilishni davlat tomonidan tartibga solishni soddalashtirish chora-tadbirlari toʻgʻrisida”gi PQ-4742-son qaroriga ilova quyidagi mazmundagi 69 — 78-bandlar bilan toʻldirilsin:

“69. Uy hayvonlari (qoramol, qoʻy, echki, ot va boshqalar) bozorlarida vositachilik xizmati

70. Avtomobil bozorlarida vositachilik xizmati

71. Rieltorlik xizmatini koʻrsatish (ijaraga uy topib berish, uy sotib olish va sotishga koʻmaklashish)

72. Uyda sut va sut mahsulotlarini qayta ishlash va sotish xizmati

73. Maishiy buyumlarni ijaraga berish xizmati (stol-stul, idish-tovoq, asbob-uskuna va boshqalar)

74. Gips va ganchdan buyumlar yasash (uy jihozlari, ertak qahramonlari haykallarini yasash)

75. Tosh va tosh mahsulotlaridan yodgorlik, suvenir va dekorativ buyumlar tayyorlash

76. Yogʻoch mahsulotlaridan savat, non mahsulotlari uchun maxsus idish va boshqa buyumlarni toʻqish

77. Uy sharoitida pilla yetishtirish, shaxsiy tomorqa yer uchastkasida tut mevasi, niholi va koʻchatini yetishtirish, uyda ipak mato, ipak gilam toʻqish va sotish

78. Kulolchilik”.

4. Oʻzbekiston Respublikasi Prezidentining 2021-yil 8-iyundagi “Ishchi kasblar boʻyicha kadrlarni tayyorlash tizimini yanada takomillashtirish chora-tadbirlari toʻgʻrisida”gi PQ-5140-son qarorining 14-bandi beshinchi xatboshisidagi “har bir ish bilan band boʻlmagan fuqaro” soʻzlari “ishsiz fuqarolar, kam taʼminlangan oilalar aʼzolari, tashqi mehnat migratsiyasidan qaytib kelgan shaxslar” soʻzlari bilan almashtirilsin.