Oʻzbekiston Respublikasi Prezidentining ayrim hujjatlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (PF-197-son)

23.08.2022

Oʻzbekiston Respublikasi Prezidentining

Farmoni

Soʻnggi yillarda mamlakatimizning jahon hamjamiyatidagi mavqeyini oshirish, iqtisodiy va siyosiy-huquqiy xalqaro reyting va indekslarda Oʻzbekiston Respublikasining oʻrnini yaxshilash, shuningdek, bu borada vazirlik va idoralarning faoliyatini samarali yoʻlga qoʻyish boʻyicha tizimli ishlar amalga oshirilmoqda.

Shu bilan birga, oʻzgarib borayotgan xalqaro reyting va indekslarning metodologiyalari hamda ular boʻyicha erishilayotgan natijalar ustuvor xalqaro reyting va indekslar boʻyicha belgilangan samaradorlikning eng muhim koʻrsatkichlarini yangilash va ular bilan ishlashni yanada manzilli tashkil etishni taqozo etmoqda.

Respublikamizning ustuvor xalqaro reyting va indekslardagi oʻrnini mustahkamlash, davlat organlari va tashkilotlari rahbarlarining reyting va indekslar bilan ishlash boʻyicha faoliyatini takomillashtirish va shaxsiy masʼuliyatini yanada oshirish, sohadagi islohotlarni izchil davom ettirish maqsadida:

1. Oʻzbekiston Respublikasi Prezidentining ayrim farmonlariga 1-ilovaga muvofiq quyidagilarni nazarda tutuvchi oʻzgartirishlar kiritilsin:

Jahon bankining “Ayollar, biznes va qonun” indeksini Oʻzbekiston Respublikasi uchun ustuvor boʻlgan xalqaro reyting va indekslar roʻyxatiga kiritish;

Oʻzbekiston Respublikasi uchun ustuvor boʻlgan xalqaro reyting va indekslar boʻyicha qisqa muddatli samaradorlikning eng muhim koʻrsatkichlarini belgilash hamda uzoq muddatli koʻrsatkichlarni yangilash;

xalqaro reyting va indekslarning metodologiyalarini hisobga olgan holda, ularning alohida tarkibiy indikatorlarini masʼul davlat organlariga biriktirish.

2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.

3. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 23-avgust,

PF-197-son

Oʻzbekiston Respublikasi Prezidentining2022-yil 23-avgustdagi PF-197-son Farmoniga2-ILOVA

Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim hujjatlari

ROʻYXATI

2. Oʻzbekiston Respublikasi Prezidentining 2019-yil 7-martdagi “Xalqaro reyting va indekslarda Oʻzbekiston Respublikasining oʻrnini yaxshilashga oid chora-tadbirlarni tizimlashtirish toʻgʻrisida”gi PF-5687-son Farmoniga 2-ilovaning 4-bandi.

3. Oʻzbekiston Respublikasi Prezidentining 2019-yil 10-dekabrdagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-5892-son Farmoniga 1-ilovaning 53-bandi.

4. Oʻzbekiston Respublikasi Prezidentining 2020-yil 18-martdagi “Oʻzbekiston Respublikasi Prezidentining ayrim hujjatlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-5968-son Farmoniga 1-ilovaning 13-bandi.

5. Oʻzbekiston Respublikasi Prezidentining 2020-yil 27-sentabrdagi “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida”gi PF-6075-son Farmoniga 2-ilovaning 92-bandi.

6. Oʻzbekiston Respublikasi Prezidentining 2021-yil 21-avgustdagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-6280-son Farmoniga 1-ilovaning 12 va 14-bandlari.

7. Oʻzbekiston Respublikasi Prezidentining 2018-yil 13-iyuldagi “Jahon banki va Xalqaro Moliya Korporatsiyasining “Biznes yuritish” yillik hisobotida Oʻzbekiston Respublikasining reytingini yanada yaxshilash chora-tadbirlari toʻgʻrisida”gi PQ-3852-son qarori.

8. Oʻzbekiston Respublikasi Prezidentining 2019-yil 5-fevraldagi “Jahon banki va Xalqaro moliya korporatsiyasining “Biznes yuritish” yillik hisobotida Oʻzbekiston Respublikasining reytingini yaxshilashga doir qoʻshimcha chora-tadbirlar toʻgʻrisida”gi PQ-4160-son qarori 1-bandining “b” kichik bandi, qarorga 1-ilovaning 56-pozitsiyasi hamda 2-ilovasi.