Oʻzbekiston Respublikasi Prezidentining ayrim hujjatlariga raqamli iqtisodiyot va elektron hukumatni rivojlantirishga qaratilgan oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (PF-194-son)

22.08.2022

Oʻzbekiston Respublikasi Prezidentining

Farmoni

Oʻzbekiston Respublikasi Prezidentining 2022-yil 22-avgustdagi “2022-2023-yillarda axborot-kommunikatsiya texnologiyalari sohasini yangi bosqichga olib chiqish chora-tadbirlari toʻgʻrisida”gi PQ-357-son qaroriga muvofiq, shuningdek mamlakatimizda raqamli iqtisodiyot va elektron hukumat rivojlanishini jadallashtirish maqsadida:

1. Oʻzbekiston Respublikasi Prezidentining ayrim hujjatlariga 1-ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.

3. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 22-avgust,

PF-194-son

Oʻzbekiston Respublikasi Prezidentining 2022-yil 22-avgustdagi PF-194-son Farmoniga 1-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

2. Oʻzbekiston Respublikasi Prezidentining 2018-yil 19-fevraldagi “Axborot texnologiyalari va kommunikatsiyalari sohasini yanada takomillashtirish chora-tadbirlari toʻgʻrisida”gi PF-5349-son Farmonida:

a) 3-bandning toʻrtinchi va beshinchi xatboshilari quyidagi mazmundagi xatboshi bilan almashtirilsin:

“barcha vazirlik va idoralar, mahalliy ijro etuvchi hokimiyat organlarida axborot texnologiyalari va kommunikatsiyalarini rivojlantirish uchun masʼul tarkibiy boʻlinma rahbarlari (boʻlinma mavjud boʻlmaganda masʼul xodimlari) tegishliligi boʻyicha Vazirlik va Vazirlikning hududiy boshqarmasi bilan kelishilgan holda lavozimga tayinlanadilar”;

b) 7-bandning “g” kichik bandi “har oylik ustama miqdori” soʻzlaridan keyin “davlat budjetidan, davlat budjetidan ajratilmagan boʻlsa, ushbu tashkilotlarning budjetdan tashqari mablagʻlari hisobidan” soʻzlari bilan toʻldirilsin.

3. Oʻzbekiston Respublikasi Prezidentining 2020-yil 24-avgustdagi “Litsenziyalash va ruxsat berish tartib-taomillarini tubdan takomillashtirish chora-tadbirlari toʻgʻrisida”gi PF-6044-son Farmonining 13-bandi ikkinchi xatboshisi quyidagi tahrirda bayon etilsin:

“Litsenziya” axborot tizimi operatori etib Adliya vazirligi belgilansin”.

4. Oʻzbekiston Respublikasi Prezidentining 2020-yil 5-oktabrdagi “Raqamli Oʻzbekiston — 2030” strategiyasini tasdiqlash va uni samarali amalga oshirish chora-tadbirlari toʻgʻrisida”gi PF-6079-son Farmonida:

a) 3-band quyidagi mazmundagi xatboshi bilan toʻldirilsin:

“Axborot texnologiyalari va kommunikatsiyalarini rivojlantirish vazirligi taklifiga asosan “Elektron hukumat” tizimining maʼlumotlarni qayta ishlash markaziga joylashtiriladigan davlat va xoʻjalik boshqaruvi organlarining axborot tizimlari va resurslari roʻyxatini tasdiqlash va ushbu roʻyxat asosida ularning faoliyatini tizimli ravishda monitoring qilib borish”;

b) 12-band quyidagi mazmundagi xatboshi bilan toʻldirilsin:

“Shunday tartib oʻrnatilsinki, unga koʻra 2022-yil 1-sentabrdan boshlab davlat hokimiyati va boshqaruvi organlarining buyurtmalari asosida Oʻzbekiston Respublikasi hududida mobil aloqa operatorlari tomonidan abonentlarga ommaviy SMS-xabarlarni bepul tarqatish xizmatlari soliq solish maqsadida iqtisodiy jihatdan oʻzini oqlaydigan xarajatlar deb eʼtirof etiladi”.

v) 16-band quyidagi tahrirda bayon etilsin:

“16. Shunday tartib oʻrnatilsinki, unga muvofiq:

“Raqamli Oʻzbekiston — 2030” strategiyasida koʻzda tutilgan loyihalarni oʻz vaqtida va keng koʻlamda amalga oshirilishini taʼminlaganligi, shuningdek, axborot texnologiyalari va elektron xizmatlarni joriy etishni reyting baholash natijalariga koʻra vazirlik va idoralar, mahalliy ijro etuvchi hokimiyat organlarining rahbarlari va ularning raqamlashtirish boʻyicha oʻrinbosarlariga har oyda ularning oylik maoshiga 30 foiz miqdorida ustama toʻlanadi;

vazirlik va idoralar, mahalliy ijro etuvchi hokimiyat organlari (keyingi oʻrinlarda — davlat organlari va tashkilotlari) har yili raqamlashtirish boʻyicha oʻz faoliyati samaradorligi koʻrsatkichlarini Axborot texnologiyalari va kommunikatsiyalarini rivojlantirish vazirligi bilan kelishgan holda shakllantiradi;

har chorakda raqamlashtirish boʻyicha davlat organlari va tashkilotlari faoliyati samaradorligi koʻrsatkichlariga erishilganligi, shuningdek, axborot texnologiyalari va elektron xizmatlarni joriy etishni reyting baholash natijalari yuzasidan Axborot texnologiyalari va kommunikatsiyalarini rivojlantirish vazirligi tomonidan beriladigan xulosa rahbarlar va ularning raqamlashtirish boʻyicha oʻrinbosarlariga har oyda ularning oylik maoshiga mazkur bandda koʻzda tutilgan ustamani toʻlash uchun asos boʻladi”;

g) 6-ilovaning 39-pozitsiyasi “Muddati” ustunidagi “2022-yil avgust” soʻzlari “2024-yil mart” soʻzlari bilan almashtirilsin;

d) 10-ilovaning 40-pozitsiyasi “Muddati” ustunidagi “2022-yil avgust” soʻzlari “2024-yil mart” soʻzlari bilan almashtirilsin;

e) 11-ilovaning 39-pozitsiyasi “Muddati” ustunidagi “2022-yil avgust” soʻzlari “2023-yil dekabr” soʻzlari bilan almashtirilsin;

j) 13-ilovaning 49-pozitsiyasi “Muddati” ustunidagi “2022-yil avgust” soʻzlari “2023-yil dekabr” soʻzlari bilan almashtirilsin;

z) 15-ilovaning 9-pozitsiyasi “Muddati” ustunidagi “2022-yil sentabr” soʻzlari “2023-yil dekabr” soʻzlari bilan almashtirilsin;

i) 17-ilovada:

39-pozitsiya quyidagi tahrirda bayon etilsin:

“ 39. Yerlarni masofadan turib zondlash, kosmik yoʻldoshlar orqali aniqlangan suratlarni qabul qilish, qayta ishlash boʻyicha virtual stansiya faoliyatini tashkil etish. 1. Xalqaro tajribani oʻrganish. 2022-yil dekabr Davlat budjetidan ajratilgan mablagʻlar doirasida va budjetdan tashqari mablagʻlar, qonunchilikda taqiqlanmagan boshqa manbalar “Oʻzbekkosmos” agentligi (Sh. Kadirov), Axborot texnologiyalari vazirligi (K. Yuldashev) 2. Yuqori tajriba va kosmik yoʻldoshlarga ega yirik kompaniyalar bilan muzokaralar oʻtkazish, eng yaxshi takliflarni tanlash yoʻli bilan toʻgʻridan-toʻgʻri shartnoma imzolash. 2023-yil may 3. Virtual stansiya faoliyatini “Oʻzbekkosmos” agentligi tizimida tashkil etish. 2023-yil oktabr 4. Virtual stansiya faoliyatini yoʻlga qoʻyish. 2023-yil dekabr ”;

40-pozitsiya quyidagi tahrirda bayon etilsin:

“ 40. Yerga oid huquqbuzarliklarning monitoringini yuritish boʻyicha “E-YER NAZORAT” avtomatlashtirilgan axborot tizimini takomillashtirish. 1. Xalqaro tajribani oʻrganish. 2021-yil mart Davlat budjetidan ajratilgan mablagʻlar doirasida va budjetdan tashqari mablagʻlar, qonunchilikda taqiqlanmagan boshqa manbalar Kadastr agentligi (F. Pulatov), “Oʻzbekkosmos” agentligi (Sh. Kadirov) 2. Kosmik suratlarni qayta ishlash orqali oʻzboshimchalik bilan egallab olingan yer uchastkalari va ulardagi noqonuniy qurilmalarni aniqlash modulini yaratish. 2023-yil yanvar 3. Kosmik suratlarni geoaxborot dasturida qayta ishlash natijasida maʼlum yer maydonidagi oʻzgarishlarni qayd etish. 2023-yil aprel ”;

k) 22-ilovaning matni quyidagi tahrirda bayon etilsin:

“Raqamli Oʻzbekiston — 2030” strategiyasini amalga oshirish boʻyicha muvofiqlashtirish komissiyasi

TARKIBI

1. A.N. Aripov — Oʻzbekiston Respublikasining Bosh vaziri, komissiya raisi 2. Lavozim boʻyicha — Oʻzbekiston Respublikasi Bosh vazirining maslahatchisi, komissiya raisining oʻrinbosari 3. Sh.X. Shermatov — axborot texnologiyalari va kommunikatsiyalarini rivojlantirish vaziri, komissiya raisining oʻrinbosari 4. T.A. Ishmetov — moliya vaziri 5. R.K. Davletov — adliya vaziri 6. A.V. Shin — maktabgacha taʼlim vaziri 7. B.O. Saidov — xalq taʼlimi vaziri 8. A.X. Toshqulov — oliy va oʻrta maxsus taʼlim vaziri 9. B.A. Musayev — sogʻliqni saqlash vaziri 10. Lavozim boʻyicha — energetika vaziri 11. Lavozim boʻyicha — qishloq xoʻjaligi vaziri 12. Sh.R. Xamrayev — suv xoʻjaligi vaziri 13. N.B. Xusanov — bandlik va mehnat munosabatlari vaziri 14. B.I. Zakirov — qurilish vaziri 15. I.Yu. Abduraxmonov — innovatsion rivojlanish vaziri 16. I.R. Maxkamov — transport vaziri 17. Sh.D. Kudbiyev — Davlat soliq qoʻmitasi raisi 18. A.Yu. Mavlonov — Davlat bojxona qoʻmitasi raisi 19. I.I. Norqulov — iqtisodiy taraqqiyot va kambagʻallikni qisqartirish vazirining birinchi oʻrinbosari 20. M.B. Nurmuratov — Markaziy bank boshqaruvi raisi 21. O.A. Pekos — axborot texnologiyalari va kommunikatsiyalarini rivojlantirish vazirining birinchi oʻrinbosari 22. A.J. Ortiqov — Davlat aktivlarini boshqarish agentligi direktori 23. A.A. Abdullayev — Axborotlashtirish va telekommunikatsiyalar sohasida nazorat boʻyicha davlat inspeksiyasi boshligʻi v.b. 24. A.D. Xadjayev — Oʻzbekiston Milliy teleradiokompaniyasi raisi 25. F.J. Pulatov — Kadastr agentligi direktori 26. Sh.M. Kadirov — Vazirlar Mahkamasi huzuridagi Kosmik tadqiqotlar va texnologiyalar agentligi direktori 27. A.X. Muxitdinov — Elektron hukumat loyihalarini boshqarish markazi direktori 28. Sh.R. Rajabbayev — Vazirlar Mahkamasining IT-texnologiyalar, telekommunikatsiyalar va innovatsion faoliyatni rivojlantirish masalalari departamenti boshligʻi oʻrinbosari, komissiya kotibi

Izoh. Komissiya aʼzolari boshqa ishga oʻtganda, uning tarkibiga ushbu lavozimga yangi tayinlangan yoki zimmasiga tegishli vazifalarni bajarish yuklangan shaxslar kiritiladi”.

5. Oʻzbekiston Respublikasi Prezidentining 2017-yil 29-avgustdagi “Axborot-kommunikatsiya texnologiyalari sohasida loyiha boshqaruvi tizimini yanada takomillashtirish chora-tadbirlari toʻgʻrisida”gi PQ-3245-son qarorida:

a) 4-band:

quyidagi mazmundagi uchinchi xatboshi bilan toʻldirilsin:

“Dasturiy mahsulotlar va axborot texnologiyalari texnologik parki direksiyasida rezidentlik talablarini istisno qilgan holda harbiylashtirilgan tuzilmalarning ehtiyojlari uchun apparat-dasturiy komplekslarni, avtomatlashtirilgan axborot tizimlarini, dasturiy mahsulotlar va muhandislik infratuzilmalarini hamda ushbu maqsadlar uchun asbob-uskunalar, butlovchi qismlar, uzellar, texnologik hujjatlar va dasturiy taʼminotlarni joriy etishga, shu jumladan, yetkazib berishga”;

uchinchi xatboshi toʻrtinchi xatboshi deb hisoblansin;

b) 5-band quyidagi mazmundagi ikkinchi — toʻrtinchi xatboshilar bilan toʻldirilsin:

“Harbiylashtirilgan tuzilmalarga:

apparat-dasturiy komplekslar, avtomatlashtirilgan axborot tizimlari, dasturiy mahsulotlar va muhandislik infratuzilmalari loyihalarini amalga oshirish doirasida asbob-uskunalar, butlovchi qismlar, uzellar, texnologik hujjatlar va dasturiy taʼminotni yetkazib berish uchun Yagona integrator bilan tuzilgan shartnomalar boʻyicha 100 foiz oldindan toʻlovni amalga oshirish;

tender (tanlov) savdolari oʻtkazmasdan loyiha-texnik hujjatlarni tayyorlash, apparat-dasturiy komplekslarni, avtomatlashtirilgan axborot tizimlarini, dasturiy mahsulotlar va muhandislik infratuzilmalarini ishlab chiqish hamda ushbu maqsadlar uchun asbob-uskunalar, butlovchi qismlar, uzellar, texnologik hujjatlar va dasturiy taʼminotlarni yetkazib berish boʻyicha Yagona integrator bilan shartnomalar tuzish huquqi berilsin”;

v) 13-bandning ikkinchi xatboshisidagi “Markaz” soʻzi “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining “Xavfsiz shahar” jamoat tartibiga koʻmaklashish markazi” davlat muassasasining” soʻzlari bilan almashtirilsin.

6. Oʻzbekiston Respublikasi Prezidentining 2018-yil 16-oktabrdagi “Oʻzbekiston Respublikasida tez tibbiy yordam xizmatini takomillashtirish chora-tadbirlari toʻgʻrisida”gi PQ-3973-son qarorining 3-bandida:

a) ikkinchi xatboshi chiqarib tashlansin;

b) uchinchi — oʻn uchinchi xatboshilar tegishincha ikkinchi — oʻn ikkinchi xatboshilar deb hisoblansin.

7. Oʻzbekiston Respublikasi Prezidentining 2018-yil 21-noyabrdagi “Axborot texnologiyalari va kommunikatsiyalarining joriy etilishini nazorat qilish, ularni himoya qilish tizimini takomillashtirish chora-tadbirlari toʻgʻrisida”gi PQ-4024-son qarorida:

a) 2-bandning toʻrtinchi xatboshisi quyidagi tahrirda bayon etilsin:

“Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining “Xavfsiz shahar” jamoat tartibiga koʻmaklashish markazi” davlat muassasasi (keyingi oʻrinlarda — “Xavfsiz shahar” markazi) tashkil etilsin”;

b) 4-band quyidagi mazmundagi beshinchi va oltinchi xatboshilar bilan toʻldirilsin:

“Xavfsiz shahar” markazi jamoat xavfsizligini taʼminlash va ichki tartibni saqlash sohasiga raqamli texnologiyalarni joriy etishda “Elektron hukumat” tizimini davlat organlari va boshqa tashkilotlarning axborot tizimlari bilan integratsiya qilish boʻyicha Yagona integrator hisoblanadi.

“Xavfsiz shahar” markazi Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Axborot xavfsizligi va jamoat tartibini taʼminlashga koʻmaklashish markazining “Xavfsiz shahar” yagona integratsiyalangan tizimini yaratish loyihasini amalga oshirish bilan bogʻliq huquq va majburiyatlari boʻyicha huquqiy vorisi hisoblanadi”;

v) 5-band quyidagi mazmundagi “v” kichik band bilan toʻldirilsin:

“v) “Xavfsiz shahar” markazining asosiy vazifalari etib belgilansin:

Oʻzbekiston Respublikasida “Xavfsiz shahar” yagona integratsiyalangan tizimini yaratish va undan foydalanishni nazorat qilish sohasida yagona davlat siyosatini amalga oshirish;

jamoat xavfsizligini taʼminlash va ichki tartibni saqlash sohasiga raqamli texnologiyalarni joriy etish va ularning “Elektron hukumat” tizimi bilan integratsiyasini amalga oshirish;

jamoat xavfsizligini taʼminlash va ichki tartibni saqlash sohasida joriy etilayotgan raqamli texnologiyalar boʻyicha yagona texnologik yondashuvni amalga oshirishda yagona talablar, meʼyorlar va mezonlarni belgilash;

davlat organlari va tashkilotlari, shuningdek, xoʻjalik yurituvchi subyektlarga jamoat xavfsizligini taʼminlash va ichki tartibni saqlash sohasida raqamli texnologiyalar joriy etishda koʻmaklashish;

jamoat xavfsizligi va huquq tartibotni taʼminlash sohasida davlat organlari va boshqa tashkilotlar tomonidan amalga oshiriladigan loyihalarni kelishish va xulosalar berish”;

g) 7-band quyidagi mazmundagi “g” kichik band bilan toʻldirilsin:

“g) jamoat xavfsizligini taʼminlash va ichki tartibni saqlash sohasida:

raqamli texnologiyalarni joriy etish, taʼlim muassasalariga kirish test sinovlari jarayonini oshkora va shaffof oʻtkazish, shuningdek, “112” Yagona dispetcherlik xizmatini tashkil etish Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan mahalliy budjet hisobidan moliyalashtiriladi;

davlat ahamiyatiga ega tadbirlarda va obyektlarda, shuningdek, davlat organlari va tashkilotlarida raqamli texnologiyalarni joriy etish Ichki ishlar vazirligi tomonidan muvofiqlashtiriladi;

raqamli texnologiyalarni joriy etish boʻyicha yagona texnologik yondashuvni amalga oshirishda yagona talablar, meʼyorlar va mezonlarni belgilash va ularni “Elektron hukumat” tizimi bilan integratsiyalashga koʻmaklashish Yagona integrator tomonidan amalga oshiriladi”.

8. Oʻzbekiston Respublikasi Prezidentining 2018-yil 26-dekabrdagi “Oʻzbekiston Respublikasining 2019-yilgi asosiy makroiqtisodiy koʻrsatkichlari prognozi va Davlat budjeti parametrlari hamda 2020-2021-yillarga budjet moʻljallari toʻgʻrisida”gi PQ-4086-son qaroriga 18-ilovaning rus tilidagi matni quyidagi tahrirda bayon etilsin:

“NORMATIVI

raspredeleniya plati za ispolzovaniye abonentskogo nomera, uplachivayemoy yuridicheskimi litsami, okazivayushimi uslugi mobilnoy svyazi (sotovimi kompaniyami)

№ Naimenovaniye poluchatelya sredstv ot plati v protsentax ot ostavsheysya chasti summi plati* 1. Spetsialniy raschetniy schet Fonda razvitiya informatsionno-kommunikatsionnix texnologiy dlya finansirovaniya mejvedomstvennix proyektov elektronnogo pravitelstva i sifrovoy ekonomiki 35 2. Fond nauchno-innovatsionnogo razvitiya pri Tashkentskom universitete informatsionnix texnologiy imeni Muxammada al-Xorezmi 1 3. Fond razvitiya informatsionno-bibliotechnix uchrejdeniy pri Natsionalnoy biblioteke Uzbekistana imeni Alishera Navoi — informatsionno-resursnom sentre 2 4. Fond razvitiya informatsionno-kommunikatsionnix texnologiy pri Ministerstve po razvitiyu informatsionnix texnologiy i kommunikatsiy Respubliki Uzbekistan (s selevim ispolzovaniyem dlya realizatsii investitsionnix proyektov i programm informatizatsii i razvitiya telekommunikatsionnix setey) ostatochnaya summa

*protsenti nachislyayutsya ot ostavsheysya chasti plati summi posle napravleniya sredstv na spetsialniy raschetniy schet Fonda razvitiya informatsionno-kommunikatsionnix texnologiy dlya finansirovaniya mejvedomstvennix proyektov elektronnogo pravitelstva i sifrovoy ekonomiki”.

9. Oʻzbekiston Respublikasi Prezidentining 2019-yil 7-yanvardagi “Toshkent shahrida Amiti Universitetini tashkil etish toʻgʻrisida”gi PQ-4097-son qarorida:

a) 4-bandning “e” kichik bandidagi “kunduzgi, sirtqi va kechki” soʻzlari “kunduzgi, sirtqi, kechki va masofaviy” soʻzlari bilan almashtirilsin;

b) quyidagi mazmundagi 101-band bilan toʻldirilsin:

“101. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Toshkent shahri, Shayxontohur tumani, Labzak koʻchasi, 70-uy manzilida joylashgan bino va inshootlarni qurish, rekonstruksiya qilish ishlari yakuniga yetkazilgandan soʻng ushbu bino va inshootlarni hamda Universitet faoliyatini tashkil etish uchun xarid qilingan moddiy-texnik resurslarni belgilangan tartibda Universitetga bepul foydalanish shartnomasi asosida taqdim etsin”.

10. Oʻzbekiston Respublikasi Prezidentining 2019-yil 18-maydagi “Raqamli iqtisodiyot va “Elektron hukumat” tizimi infratuzilmalarini yanada takomillashtirish chora-tadbirlari toʻgʻrisida”gi PQ-4321-son qarori 3-bandi “b” kichik bandining toʻrtinchi xatboshisidagi “resurslarining” soʻzlari “resurslarini ishlab chiqish, takomillashtirish hamda ularning” soʻzlari bilan almashtirilsin.

11. Oʻzbekiston Respublikasi Prezidentining 2019-yil 21-maydagi “Elektron hukumat” tizimi doirasida axborot-kommunikatsiya texnologiyalari sohasidagi loyihalarni ishlab chiqish va amalga oshirish sifatini yaxshilash chora-tadbirlari toʻgʻrisida”gi PQ-4328-son qarorida:

a) 3-bandning ikkinchi xatboshisi quyidagi tahrirda bayon etilsin:

“Elektron hukumat loyihalarini boshqarish markazi” davlat muassasasining (keyingi oʻrinlarda — Markaz) faoliyati sohasi davlat va xoʻjalik boshqaruvi organlariga, ustav fondida davlat ulushi 50 foiz va undan ortiq boʻlgan xoʻjalik yurituvchi subyektlarga, shuningdek, Oʻzbekiston Respublikasining ijtimoiy-iqtisodiy rivojlanish dasturlari doirasida amalga oshirilayotgan barcha loyihalarga nisbatan tatbiq etiladi. Bunda boshqa loyihalar tashabbuskorlari (buyurtmachilar) shartnoma asosida texnik topshiriq yoki tender hujjatlarini ekspertizadan oʻtkazish uchun mustaqil ravishda Markazga “Elektron hukumatning axborot tizimlari va resurslari yagona reyestri” axborot tizimi orqali murojaat qilishlari mumkin”;

b) ilovaning 28-bandi birinchi xatboshisidagi “ekspertizadan” soʻzi “shartnoma asosida ekspertizadan” soʻzlari bilan almashtirilsin.

12. Oʻzbekiston Respublikasi Prezidentining 2020-yil 28-apreldagi “Raqamli iqtisodiyot va elektron hukumatni keng joriy etish chora-tadbirlari toʻgʻrisida”gi PQ-4699-son qarorida:

a) 9-band quyidagi tahrirda bayon etilsin:

“9. Elektron hukumat va raqamli iqtisodiyotning idoralararo loyihalarini moliyalashtirish boʻyicha quyidagi hisob raqamlar ochilsin:

a) Axborot-kommunikatsiya texnologiyalarini rivojlantirish jamgʻarmasida (keyingi oʻrinda — Jamgʻarma) daromad manbalari mobil aloqa xizmatlarini koʻrsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun toʻlanadigan toʻlov summasining taqsimlanguniga qadar boʻlgan 35 foizidan shakllantiriladigan maxsus hisob raqam;

b) “Elektron hukumat loyihalarini boshqarish markazi” davlat muassasasining Moliya vazirligi Gʻaznachiligida ochiladigan daromad manbalari quyidagilardan iborat boʻlgan maxsus hisob raqami:

Yagona interaktiv davlat xizmatlari portali orqali davlat xizmatlarini koʻrsatganlik uchun toʻlangan davlat bojlari, yigʻimlar va barcha turdagi toʻlovlarning 11,25 foizi;

Yagona billing tizimi orqali davlat xizmatlarini koʻrsatganlik uchun toʻlangan davlat bojlari va boshqa toʻlovlardan tushadigan mablagʻlarning 0,5 foizi;

qonun hujjatlari bilan taqiqlanmagan boshqa daromadlar.

Belgilansinki, abonent raqamlaridan foydalanganlik uchun toʻlov, mablagʻlarning tegishli qismi Jamgʻarmaning maxsus hisob raqamiga oʻtkazilgandan soʻng, boshqa oluvchilar orasida mablagʻlarning qolgan qismidan kelib chiqib, oʻrnatilgan tartibda taqsimlanadi va qonun hujjatlarida belgilangan maqsadlarga yoʻnaltiriladi”;

b) 1-ilovaning matni quyidagi tahrirda bayon etilsin:

“Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining

TASHKILIY TUZILMASI

Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi “Elektron hukumat loyihalarini boshqarish markazi” davlat muassasasi “Radioaloqa, radioeshittirish va televideniye markazi” davlat unitar korxonasi Axborot-kommunikatsiya texnologiyalarini rivojlantirish jamgʻarmasi Muhammad al-Xorazmiy nomidagi Toshkent axborot texnologiyalari universiteti Davlat feldyegerlik xizmati “Elektromagnit moslashuv markazi” davlat unitar korxonasi “Binolardan foydalanish va kapital qurilish direksiyasi” davlat muassasasi “Raqamli iqtisodiyot tadqiqotlari markazi” davlat muassasasi “Oʻzbekiston telekommunikatsiya tarmoqlarini boshqarish respublika markazi” davlat unitar korxonasi Toshkent shahridagi Inxa universiteti Toshkent shahridagi Amiti universiteti “UNICON.UZ” fan-texnika va marketing tadqiqotlari markazi” davlat unitar korxonasi “Oʻzbekiston pochtasi” aksiyadorlik jamiyati Muhammad al-Xorazmiy nomidagi AKT yoʻnalishiga oid fanlarni chuqurlashtirib oʻqitishga ixtisoslashtirilgan maktab “Respublika maxsus aloqa bogʻlamasi” davlat unitar korxonasi “Aloqabank” aksionerlik tijorat banki Raqamli texnologiyalar va sunʼiy intellektni rivojlantirish ilmiy-tadqiqot instituti “Oʻzimpeksaloqa” masʼuliyati cheklangan jamiyati “Dasturiy mahsulotlar va axborot texnologiyalari texnologik parki direksiyasi” masʼuliyati cheklangan jamiyati “ALOQALOYINA” davlat unitar korxonasi “ALSKOM” sugʻurta kompaniyasi aksiyadorlik jamiyati “Xavfsiz shahar” jamoat tartibiga koʻmaklashish markazi” davlat muassasasi “UZINFOCOM” davlat axborot tizimlarini yaratish va qoʻllab-quvvatlash boʻyicha yagona integrator” masʼuliyati cheklangan jamiyati “Oʻzbektelekom” aksiyadorlik kompaniyasi “Universal Mobile Systems” masʼuliyati cheklangan jamiyati ”;

v) 2-ilovaning matni quyidagi tahrirda bayon etilsin:

“Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi markaziy apparatining

TUZILMASI

Hayʼat VAZIR Vazir yordamchisi Maslahatchilar 2 Vazirning raqamli iqtisodiyot va elektron hukumat masalalari boʻyicha birinchi oʻrinbosari Vazirning telekommunikatsiya infratuzilmasi masalalari boʻyicha oʻrinbosari Vazirning investitsiyalar va moliya masalalari boʻyicha oʻrinbosari Vazirning raqamli taʼlimni rivojlantirish boʻyicha oʻrinbosari Vazirning axborot xavfsizligi va rejim masalalari boʻyicha oʻrinbosari Tashkiliy nazorat boshqarmasi 11 Elektron hukumat tizimini rivojlantirish departamenti 13 Raqamli iqtisodiyotni rivojlantirish departamenti 13 Telekommunikatsiya infratuzilmasini rivojlantirish departamenti 16 Iqtisodiyot departamenti 9 Raqamli taʼlimni rivojlantirish departamenti 9 Axborot xavfsizligini taʼminlash boʻlimi 4 Nazorat va ijro intizomi boʻlimi 5 Iqtisodiy tahlil boʻlimi 4 Raqamli industriyani rivojlantirish va IT-rezidentlarini qoʻllab-quvvatlash boʻlimi 4 Elektron davlat xizmatlarini rivojlantirish boʻlimi 3 Telekommunikatsiya tarmoqlarini istiqbolli rivojlantirish boʻlimi 5 Jismoniy va yuridik shaxslar murojaatlari bilan ishlash boʻlimi 3 Taʼlim muassasalari faoliyatini muvofiqlashtirish boʻlimi 5 Budjetni rejalashtirish va ijrosini nazorat qilish boʻlimi 2 Litsenziyalash va litsenziya shartnomalari ijrosini tahlil qilish boʻlimi 4 Elektron tijoratni rivojlantirish boʻlimi 3 Idoralararo hamkorlik va raqamli identifikatsiyani rivojlantirish boʻlimi 3 Multiservis tarmoqlari boʻlimi 4 Moddiy-texnik taʼminot va qurilish boʻlimi 2 Statistika faoliyatini muvofiqlashtirish boʻlimi 2 Kadrlarni tayyorlash va qayta tayyorlash boʻlimi 3 Iqtisodiyot tarmoqlarini raqamlashtirish boʻlimi 3 Radioaloqa, radioeshittirish va televideniye boʻlimi 3 Raqamli loyihalar va bulutli xizmatlarni amalga oshirish boʻlimi 3 Radiochastota spektridan foydalanishni tartibga solish boʻlimi 3 Dasturiy mahsulotlarni rivojlantirish boʻlimi 2 Investitsiyalar va tashqi iqtisodiy aloqalar boshqarmasi 5 Davlat-xususiy sheriklikni rivojlantirish boʻlimi 3 Devonxona Mobil aloqa boʻlimi 3 Davlat organlari loyihalarining samaradorligini tahlil va monitoring qilish boʻlimi 3 Kotibiyat Sunʼiy intellekt texnologiyalarini joriy qilish va rivojlantirish departamenti 7 Mehnatni muhofaza qilish va xavfsizlik texnikasi xizmati 1 Investitsiya loyihalarining amalga oshirilishini muvofiqlashtirish boʻlimi 2 Maxsus ishlar boʻlimi 3 Xizmat koʻrsatuvchi xodimlar Strategik rivojlantirish departamenti 7 Sunʼiy intellekt texnologiyalarini rivojlantirish boʻlimi 3 Hududiy boshqarmalar faoliyatini muvofiqlashtirish boshqarmasi 4 Texnik xodimlar Tashqi iqtisodiy aloqalar boʻlimi 2 Inson resurslari va kadrlar salohiyatini rivojlantirish boshqarmasi 4 Jamoatchilik va ommaviy axborot vositalari bilan aloqalar boʻlimi 3 Strategik rejalashtirish boʻlimi 3 Sunʼiy intellektni rivojlantirish boʻyicha ilmiy-tadqiqot ishlarini muvofiqlashtirish boʻlimi 3 Hududiy boshqarmalar Pochta aloqasi xizmatlari va logistikasini rivojlantirish boʻlimi 3 Xalqaro reytinglar bilan ishlash boʻlimi 3 Ichki audit, moliyaviy va komplayens nazorat boshqarmasi 3 Buxgalteriya hisobi boʻlimi 2 Xalqaro aloqalar boʻlimi 3 Yuridik boʻlim 3

*Markaziy apparat boshqaruv xodimlarining cheklangan umumiy soni — 142 nafar.

Yordamchi xodimlar soni amaldagi meʼyoriy hujjatlar asosida belgilanadi”;

g) 3-ilovaning matni quyidagi tahrirda bayon etilsin:

“Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Qoraqalpogʻiston Respublikasi, viloyatlar va Toshkent shahri hududiy boshqarmalarining

NAMUNAVIY TUZILMASI

Boshqarma boshligʻi Boshqarma boshligʻi oʻrinbosari Telekommunikatsiya infratuzilmasini rivojlantirish boʻyicha bosh mutaxassis Elektron hukumat va raqamli iqtisodiyotni rivojlantirish boʻyicha bosh mutaxassis Raqamli taʼlimni rivojlantirish va hududlarni raqamlashtirish boʻyicha bosh mutaxassis Telekommunikatsiya infratuzilmasini rivojlantirish boʻyicha yetakchi mutaxassis Raqamli taʼlimni rivojlantirish va hududlarni raqamlashtirish boʻyicha yetakchi mutaxassis (Toshkent shahri, Andijon, Sirdaryo, Navoiy va Xorazm viloyatlarida mavjud emas) (Toshkent shahrida mavjud emas) Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining tashkiliy tuzilmasiga kiruvchi tashkilotlarning hududiy boʻlinmalari Viloyat elektromagnit moslashuv xizmati Muhammad al-Xorazmiy nomidagi Toshkent axborot texnologiyalari universiteti filiali* “Respublika maxsus aloqa bogʻlamasi” DUKning viloyat filiali “Oʻzbekiston pochtasi” aksiyadorlik jamiyati filiali Viloyat radioteleuzatish markazi “Aloqabank” aksionerlik tijorat banki filiali* Feldyegerlik xizmatining viloyat boʻlinmasi “ALSKOM” sugʻurta kompaniyasi” aksiyadorlik jamiyati tarkibiy boʻlinmalari “Oʻzbektelekom” aksiyadorlik kompaniyasi filiali “Dasturiy mahsulotlar va axborot texnologiyalari texnologik parki direksiyasi” masʼuliyati cheklangan jamiyatining viloyat filiali*

*filial va boʻlinmalar tashkil etilgan hududlarda

Hududiy boshqarmalar xodimlarining cheklangan umumiy soni — 92 nafar:

Toshkent shahrida — 5 nafar;

Andijon, Sirdaryo, Navoiy va Xorazm viloyatlarida — 6 nafardan;

Qolgan hududlarda — 7 nafardan”.

13. Oʻzbekiston Respublikasi Prezidentining 2020-yil 23-iyuldagi “Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligi faoliyatini tashkil etish toʻgʻrisida”gi PQ-4787-son qarori 10-bandining ikkinchi xatboshisidagi “hamda Axborot-kommunikatsiya texnologiyalarini rivojlantirish jamgʻarmasi mablagʻlari hisobidan teng ulushlarda” soʻzlari “mablagʻlari hisobidan” soʻzlari bilan almashtirilsin.

14. Oʻzbekiston Respublikasi Prezidentining 2021-yil 27-maydagi “Osiyo taraqqiyot banki va Osiyo infratuzilmaviy investitsiyalar banki ishtirokida “Oʻzbekiston Respublikasida koronavirus COVID-19 infeksiyasiga qarshi shoshilinch choralarni koʻrish” loyihasini amalga oshirish chora-tadbirlari toʻgʻrisida”gi PQ-5129-son qarorida:

a) 3-bandning toʻrtinchi xatboshisi quyidagi tahrirda bayon etilsin:

“1 000 ta tez tibbiy yordam maxsus avtotransport vositalarini xarid qilish uchun yoʻnaltirilgan mablagʻlar Axborot-kommunikatsiya texnologiyalarini rivojlantirish jamgʻarmasi mablagʻlari hisobidan Oʻzbekiston Respublikasi respublika budjetiga qaytariladi”;

b) 4-ilova izohining beshinchi xatboshisi quyidagi tahrirda bayon etilsin:

“1000 ta tez tibbiy yordam maxsus avtotransport vositalarini xarid qilish bilan bogʻliq xarajatlar, shuningdek, xizmat koʻrsatuvchi agent xizmatlari Axborot-kommunikatsiya texnologiyalarini rivojlantirish jamgʻarmasi mablagʻlari hisobidan qoplanadi”.

15. Oʻzbekiston Respublikasi Prezidentining 2021-yil 21-apreldagi “Yoshlar sanoat va tadbirkorlik zonalari faoliyatini tashkil etish hamda yoshlarning tadbirkorlikka oid tashabbuslarini qoʻllab-quvvatlash chora-tadbirlari toʻgʻrisida”gi PQ-5088-son qarorining 6-bandi quyidagi mazmundagi xatboshi bilan toʻldirilsin:

“axborot-kommunikatsiya texnologiyalari sohasida IT-taʼlim xizmatlarini koʻrsatish, dasturiy mahsulotlar ishlab chiqish hamda eksportga yoʻnaltirish boʻyicha startap-loyihalarni qoʻllab-quvvatlash uchun tanlov asosida 1 milliard soʻmgacha boʻlgan grantlar ajratish”.

16. Oʻzbekiston Respublikasi Prezidentining 2021-yil 30-dekabrdagi “Oʻzbekiston Respublikasining 2022 — 2026-yillarga moʻljallangan investitsiya dasturini tasdiqlash hamda investitsiya loyihalarini boshqarishning yangi yondashuv va mexanizmlarini joriy etish toʻgʻrisida”gi PQ-72-son qaroriga 7-ilovaning 42-pozitsiyasida:

a) “TIA ishlab chiqish muddati” ustunidagi “2022-yil sentabr” soʻzlari “2022-yil dekabr” soʻzlari bilan almashtirilsin;

b) “Tender savdolarini oʻtkazish muddati” ustunidagi “2022-yil dekabr” soʻzlari “2023-yil dekabr” soʻzlari bilan almashtirilsin.

17. Oʻzbekiston Respublikasi Prezidentining 2022-yil 26-apreldagi “Intellektual mulk sohasini yanada rivojlantirishga oid qoʻshimcha chora-tadbirlar toʻgʻrisida”gi PQ-221-son qaroriga 2-ilovaning 19-pozitsiyasida:

a) “Amalga oshirish shakli” ustunidagi “Oʻzbekiston Respublikasi Prezident qarori loyihasi” soʻzlari “Axborot-tahliliy maʼlumotnoma” soʻzlari bilan almashtirilsin;

b) “Amalga oshirish muddati” ustunidagi “2022-yil sentabr” soʻzlari “2023-yil mart” soʻzlari bilan almashtirilsin.

18. Oʻzbekiston Respublikasi Prezidentining 2022-yil 30-martdagi “Toshkent viloyatida axborot texnologiyalari va dasturiy mahsulotlarga ixtisoslashgan “Astropolis” massivini qurish chora-tadbirlari toʻgʻrisida”gi PQ-184-son qarori 11-bandi:

a) ikkinchi va toʻrtinchi xatboshilaridagi “Astrum” IT-akademiyasining bir yillik oʻquv kurslarida” soʻzlari “Astrum” IT-akademiyasining oʻquv kurslarida” soʻzlari bilan almashtirilsin;

b) toʻrtinchi xatboshidagi “iqtidorli va ijtimoiy himoyaga muhtoj oʻquvchilarga” soʻzlari “iqtidorli yoki ijtimoiy himoyaga muhtoj oʻquvchilarga” soʻzlari bilan almashtirilsin.

19. Oʻzbekiston Respublikasi Prezidentining 2022-yil 18-maydagi “Xalqaro reyting va indekslar bilan ishlashda ilmiy salohiyat hamda amaliy faoliyat uygʻunligini taʼminlash chora-tadbirlari toʻgʻrisida”gi PQ-246-son qaroriga ilovaning 7-pozitsiyasi “Ijro muddati” ustunidagi “2022-yil iyul” soʻzlari “2022-yil dekabr” soʻzlari bilan almashtirilsin.

Oʻzbekiston Respublikasi Prezidentining 2022-yil 22-avgustdagi PF-194-son Farmoniga 2-ILOVA

Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim qarorlari

ROʻYXATI

1. Oʻzbekiston Respublikasi Prezidentining 2017-yil 29-avgustdagi “Axborot-kommunikatsiya texnologiyalari sohasida loyiha boshqaruvi tizimini yanada takomillashtirish chora-tadbirlari toʻgʻrisida”gi PQ-3245-son qarorining 6 va 9-bandlari, qarorga 1-ilovaning 12 va 14-pozitsiyalari hamda 2-ilova.

2. Oʻzbekiston Respublikasi Prezidentining 2021-yil 26-avgustdagi “Sunʼiy intellekt texnologiyalarini qoʻllash boʻyicha maxsus rejimni joriy qilish chora-tadbirlari toʻgʻrisida”gi PQ-5234-son qaroriga ilovaning 5-bandi.