“Qimmatli qogʻozlar bozorida axborot taqdim etish va eʼlon qilish qoidalarini tasdiqlash haqida”gi buyruqqa oʻzgartirish va qoʻshimchalar kiritish toʻgʻrisida (2383-6-son)

09.08.2022

Oʻzbekiston Respublikasi Moliya vazirining

buyrugʻi

[Oʻzbekiston Respublikasi Adliya vazirligi tomonidan 2022-yil 9-avgustda roʻyxatdan oʻtkazildi, roʻyxat raqami 2383-6]

Oʻzbekiston Respublikasining “Qimmatli qogʻozlar bozori toʻgʻrisida”gi va “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi qonunlariga, Oʻzbekiston Respublikasi Prezidentining 2021-yil 13-apreldagi PF-6207-son “Kapital bozorini yanada rivojlantirish chora-tadbirlari toʻgʻrisida”gi Farmoniga muvofiq buyuraman:

1. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi bosh direktorining 2012-yil 24-iyuldagi 2012-13-son “Qimmatli qogʻozlar bozorida axborot taqdim etish va eʼlon qilish qoidalarini tasdiqlash haqida”gi buyrugʻiga (roʻyxat raqami 2383, 2012-yil 31-iyul) (Oʻzbekiston Respublikasi qonun hujjatlari toʻplami, 2012-y., 31-son, 369-modda) ilovaga muvofiq oʻzgartirish va qoʻshimchalar kiritilsin.

2. Mazkur buyruq Oʻzbekiston Respublikasi Savdo-sanoat palatasi bilan kelishilgan.

3. Mazkur buyruq rasmiy eʼlon qilingan kundan eʼtiboran uch oydan keyin kuchga kiradi.

Vazir T. IShMETOV

Toshkent sh.,

2022-yil 29-iyul,

26-son

Kelishildi:

Oʻzbekiston Savdo-sanoat palatasi raisi D. VAXABOV

2022-yil 2-iyun

Oʻzbekiston Respublikasi moliya vazirining 2022-yil 29-iyuldagi 26-son buyrugʻiga ILOVA

“Qimmatli qogʻozlar bozorida axborot taqdim etish va eʼlon qilish qoidalarini tasdiqlash haqida”gi buyruqqa kiritilayotgan oʻzgartirish va qoʻshimchalar

1. Buyruq muqaddimasi quyidagi tahrirda bayon etilsin:

“Oʻzbekiston Respublikasining “Qimmatli qogʻozlar bozori toʻgʻrisida”gi Qonuni, Oʻzbekiston Respublikasi Prezidentining 2021-yil 13-apreldagi PF-6207-son “Kapital bozorini yanada rivojlantirish chora-tadbirlari toʻgʻrisida”gi Farmoniga muvofiq buyuraman:”.

2. Qoidalarda:

a) muqaddima quyidagi tahrirda bayon etilsin:

“Mazkur Qoidalar qimmatli qogʻozlar bozorida axborotni taqdim etish va eʼlon qilish tartibini belgilaydi.”;

b) 1-bandning oʻninchi xatboshisidagi “Oʻzbekiston Respublikasi Kapital bozorini rivojlantirish agentligi va uning hududiy boshqarmalari” degan soʻzlar “Oʻzbekiston Respublikasi Moliya vazirligi” degan soʻzlar bilan almashtirilsin;

v) 3-bandning ikkinchi xatboshi quyidagi tahrirda bayon etilsin:

“ommaviy axborot vositalarida, qimmatli qogʻozlar bozorini tartibga solish boʻyicha vakolatli davlat organining Korporativ axborotning yagona portalida (bundan buyon matnda Korporativ axborotning yagona portali deb yuritiladi) va emitentning rasmiy veb-saytida eʼlon qilish;”;

g) 7-band quyidagi mazmundagi xatboshi bilan toʻldirilsin:

“Shuningdek, emitent mazkur Qoidalarda belgilangan axborotlarni Korporativ axborotning yagona portalida va oʻzining rasmiy veb-saytida oshkor qiladi.”

d) 8-bandda:

uchinchi xatboshi quyidagi tahrirda bayon etilsin:

“Korporativ axborotning yagona portaliga va oʻzining rasmiy veb-saytiga joylashtirish orqali:”;

quyidagi mazmundagi yettinchi xatboshi bilan toʻldirilsin:

“emitent va affillangan shaxs oʻrtasida tuzilgan bitimlar toʻgʻrisidagi axborotni bitim tuzilgan paytdan eʼtiboran 72 soat ichida joylashtirish yoʻli bilan;”;

yettinchi — oʻninchi xatboshilar tegishli ravishda sakkizinchi — oʻn birinchi xatboshilar deb hisoblansin;

sakkizinchi xatboshi quyidagi tahrirda bayon etilsin:

“emitentning faoliyatidagi muhim fakt haqidagi xabarni u yuz bergan sanadan eʼtiboran ikki ish kuni ichida joylashtirish yoʻli bilan oshkor qilishi shart, bundan affillangan shaxslar bilan bitim tuzish toʻgʻrisidagi xabar mustasno”;

e) quyidagi mazmundagi 101-band bilan toʻldirilsin:

“101. Emitent oʻz faoliyatida yuz bergan hamda ushbu Qoidalarning 21 — 28-ilovalarga muvofiq shakldagi axborotlarni ular yuz bergan sanadan eʼtiboran ikki ish kuni ichida Korporativ axborotning yagona portalida va oʻzining rasmiy veb-saytida joylashtirish orqali oshkor etadi.”.

yo) 21 va 22-bandlar quyidagi tahrirda bayon etilsin:

“21. Qimmatli qogʻozlar egasi bitim tuzish natijasida emitent qimmatli qogʻozlari har qanday turining 35 yoki undan ortiq foiziga egalik qila boshlasa, emitentga ushbu axborotni bitim tuzilgan sanani, qimmatli qogʻozlar soni va olingan ulushni (qimmatli qogʻozlar umumiy soniga nisbatan foiz hisobida), shuningdek oʻzining joylashgan erini (pochta manzilini) koʻrsatgan holda mazkur bitim tuzilgan sanadan eʼtiboran besh kun ichida taqdim etishi shart.

Emitent ushbu axborotni olgan kundan boshlab ikki ish kuni ichida Korporativ axborotning yagona portalida va oʻzining rasmiy veb-saytida oshkor etishi lozim.

22. Aksiyalar egasi mustaqil ravishda yoki affillangan shaxslar bilan birgalikda bir yoki bir nechta bitim tuzish natijasida aksiyadorlik jamiyati aksiyalarining mazkur aksiyadorlik jamiyati ustav kapitalining jami 20 va undan ortiq foizini tashkil etuvchi aksiyalar paketini olganligi haqidagi axborotni besh kun ichida mazkur Qoidalarning 5-ilovasiga muvofiq shaklda emitentga oshkor qilishi shart.

Emitent ushbu axborotni olgan kundan boshlab ikki ish kuni ichida Korporativ axborotning yagona portalida va oʻzining rasmiy veb-saytida oshkor etishga majbur.

Jamiyat aksiyalarining 50 va undan ortiq foizi egasiga aylangan shaxs, agar u bungacha mazkur jamiyat aksiyalariga egalik qilmagan yoki aksiyalarining 50 foizidan kamrogʻiga egalik qilgan boʻlsa, qolgan aksiyalar egalariga aksiyalarni bozor qiymati boʻyicha oʻziga sotishlari borasidagi taklifini oʻttiz kun ichida emitentga xabarnoma joʻnatish orqali xabardor qilishi shart.

Emitent ushbu xabarnomani olgan kundan boshlab ikki ish kuni ichida Korporativ axborotning yagona portalida va oʻzining rasmiy veb-saytida oshkor etishi lozim.”;

j) 23-band oʻz kuchini yoʻqotgan deb topilsin;

z) 233-bandning toʻrtinchi xatboshisi quyidagi tahrirda bayon etilsin:

“jismoniy shaxsning shaxsiy identifikatsiya raqami (JShShIR)”;

i) mazkur oʻzgartirish va qoʻshimchalarning 1 — 8-ilovalariga muvofiq tahrirdagi 21 — 28-ilovalar bilan toʻldirilsin.

k) 3-ilova mazkur oʻzgartirish va qoʻshimchalarning 9-ilovasiga muvofiq tahrirda bayon etilsin;

l) 3-33-ilova mazkur oʻzgartirish va qoʻshimchalarning 10-ilovasiga muvofiq tahrirda bayon etilsin.

“Qimmatli qogʻozlar bozorida axborot taqdim etish va eʼlon qilish qoidalarini tasdiqlash haqida”gi buyruqqa kiritilayotgan oʻzgartirish va qoʻshimchalarga 1-ILOVA

“Qimmatli qogʻozlar bozorida axborotlarni taqdim etish va eʼlon qilish qoidalariga 21-ILOVA

1. EMITENTNING NOMI Toʻliq: Qisqartirilgan: Birja tikerining nomi:* 2. ALOQA MAʼLUMOTLARI Joylashgan eri: Pochta manzili: Elektron pochta manzili:* Rasmiy veb-sayti:* 3. AXBOROT Axborotning nomi: Emitent qimmatli qogʻozlarining xorijiy v� (yoki) mahalliy uyushgan (tartibga solinadigan) moliya bozorida savdo qilishga ruxsat etilgan listing roʻyxatiga kiritilishi Qaror qabul qilingan sana: Roʻyxatga kiritilgan sana: Roʻyxatga kiritilgan xorijiy fond birjasi: Ijroiya organi rahbarining F.I.O.: _____________________ Bosh buxgalterning F.I.O.: _____________________ Veb-saytda axborot joylashtirgan vakolatli shaxsning F.I.O.: _____________________

*Mavjud boʻlganda koʻrsatiladi.

Axborot yuz bergan vaqt boʻlib, emitent listingdan chiqarilgan sana hisoblanadi.”.

“Qimmatli qogʻozlar bozorida axborot taqdim etish va eʼlon qilish qoidalarini tasdiqlash haqida”gi buyruqqa kiritilayotgan oʻzgartirish va qoʻshimchalarga 2-ILOVA

“Qimmatli qogʻozlar bozorida axborotlarni taqdim etish va eʼlon qilish qoidalariga 22-ILOVA

1. EMITENTNING NOMI Toʻliq: Qisqartirilgan: Birja tikerining nomi:* 2. ALOQA MAʼLUMOTLARI Joylashgan eri: Pochta manzili: Elektron pochta manzili:* Rasmiy veb-sayti:* 3. AXBOROT Axborotning nomi: Emitentning qimmatli qogʻozlarini xoriji� va (yoki) maxalliy uyushgan (tartibga solinadigan) moliya bozorida savdo qilishga ruxsat etilgan listing roʻyxatidan chiqarilishi Qaror qabul qilingan sana: Roʻyxatdan chiqarilgan sana: Roʻyxatdan chiqarilgan xorijiy fond birjasi: Ijroiya organi rahbarining F.I.O. _________________ Bosh buxgalterning F.I.O: _________________ Veb-saytda axborot joylashtirgan vakolatli shaxsning F.I.O. _________________

*Mavjud boʻlganda koʻrsatiladi.

Axborot yuz bergan vaqt boʻlib, emitent listingdan chiqarilgan sana hisoblanadi.”.

“Qimmatli qogʻozlar bozorida axborot taqdim etish va eʼlon qilish qoidalarini tasdiqlash haqida”gi buyruqqa kiritilayotgan oʻzgartirish va qoʻshimchalarga 3-ILOVA

“Qimmatli qogʻozlar bozorida axborotlarni taqdim etish va eʼlon qilish qoidalariga 23-ILOVA

1. EMITENTNING NOMI Toʻliq: Qisqartirilgan: Birja tikerining nomi:* 2. ALOQA MAʼLUMOTLARI Joylashgan eri: Pochta manzili: Elektron pochta manzili:* Rasmiy veb-sayti:* 3. AXBOROT Axborotning nomi: Qimmatli qogʻozlarni chiqarish toʻgʻrisidagi qarorga oʻzgartirish va (yoki) qoʻshimchalar kiritish Emitentning qaror qabul qilgan organi: Qaror qabul qilingan sana:** Qimmatli qogʻozlarni chiqarish toʻgʻrisidagi qarorga oʻzgartirish va (yoki) qoʻshimchalar kiritilishi sababi: Toʻliq boʻlmagan joylashtirish yoki jamiyatning ustav kapitalini kamaytirish maqsadida aksiyalarning umumiy sonini qisqartirish Qimmatli qogʻozning turi: Qimmatli qogʻozlarning soni: qimmatli qogʻozlarni chiqarish toʻgʻrisidagi qarorga oʻzgartirish va (yoki) qoʻshimchalar kiritilgunga qadar qimmatli qogʻozlarni chiqarish toʻgʻrisidagi qarorga oʻzgartirish va (yoki) qoʻshimchalar kiritilgandan keyin Chiqarilishning umumiy summasi: qimmatli qogʻozlarni chiqarish toʻgʻrisidagi qarorga oʻzgartirish va (yoki) qoʻshimchalar kiritilgunga qadar qimmatli qogʻozlarni chiqarish toʻgʻrisidagi qarorga oʻzgartirish va (yoki) qoʻshimchalar kiritilgandan keyin Chiqarilishning davlat roʻyxatidan oʻtkazilgan sanasi Chiqarilishning davlat roʻyxatidan oʻtkazilgan raqami Ijroiya organi rahbarining F.I.O.: ___________________ Bosh buxgalterning F.I.O.: ___________________ Veb-saytda axborot joylashtirgan vakolatli shaxsning F.I.O.: ___________________

* Mavjud boʻlganda koʻrsatiladi.

** Davlat roʻyxatidan oʻtkazilgan qimmatli qogʻozlarni chiqarish toʻgʻrisidagi qaror koʻrsatiladi.

Axborot yuz bergan vaqt boʻlib, qimmatli qogʻozlarning chiqarilishi davlat roʻyxatidan oʻtkazilgan sana hisoblanadi.”.

“Qimmatli qogʻozlar bozorida axborot taqdim etish va eʼlon qilish qoidalarini tasdiqlash haqida”gi buyruqqa kiritilayotgan oʻzgartirish va qoʻshimchalarga 4-ILOVA

“Qimmatli qogʻozlar bozorida axborotlarni taqdim etish va eʼlon qilish qoidalariga 24-ILOVA

1. EMITENTNING NOMI Toʻliq: Qisqartirilgan: Birja tikerining nomi:* 2. ALOQA MAʼLUMOTLARI Joylashgan eri: Pochta manzili: Elektron pochta manzili:* Rasmiy veb-sayti:* 3. AXBOROT Axborotning nomi: Sof foydani (dividendni) taqsimlash boʻyicha Kuzatuv kengashining tavsiyasi (taklifi) Qaror qabul qilingan sana: Kuzatuv kengashi majlisi (yigʻilishi) bayonnomasi tuzilgan sana: Kuzatuv kengashi taklifi: Taqsimlash yoki taqsimlamaslik Taqsimlash boʻyicha taklif berilganda: bir dona aksiyaga soʻmda: bir dona aksiyaning nominal qiymatiga foizda: Imtiyozli aksiyalar boʻyicha dividendlarni hisoblash:* bir dona aksiyaga soʻmda: bir dona aksiyaning nominal qiymatiga foizda: Boshqa qimmatli qogʻozlar boʻyicha daromadlarni hisoblash:* bir dona qimmatli qogʻozga soʻmda: bir dona qimmatli qogʻozning nominal qiymatiga foizda: Ijroiya organi rahbarining F.I.O.: _____________________ Bosh buxgalterning F.I.O.: _____________________ Veb-saytda axborot joylashtirgan vakolatli shaxsning F.I.O.: _____________________

*Mavjud boʻlganda koʻrsatiladi.

Axborot yuz bergan vaqt boʻlib, Kuzatuv kengashi majlisining bayonnomasi imzolangan sana hisoblanadi.”.

“Qimmatli qogʻozlar bozorida axborot taqdim etish va eʼlon qilish qoidalarini tasdiqlash haqida”gi buyruqqa kiritilayotgan oʻzgartirish va qoʻshimchalarga 5-ILOVA

“Qimmatli qogʻozlar bozorida axborotlarni taqdim etish va eʼlon qilish qoidalariga 25-ILOVA

1. EMITENTNING NOMI Toʻliq: Qisqartirilgan: Birja tikerining nomi:* 2. ALOQA MAʼLUMOTLARI Joylashgan eri: Pochta manzili: Elektron pochta manzili:* Rasmiy veb-sayti:* 3. AXBOROT Axborotning nomi: Emitent tomonidan aktsiyadorlarga toʻlab berilgan dividendlar Emitentning qaror qabul qilgan organi: Qaror qabul qilingan sana: Qimmatli qogʻozlar boʻyicha daromadlarni toʻlashni boshlash va tugash sanasi: Boshlash sanasi Tugash sanasi Qimmatli qogʻozlar boʻyicha hisoblangan va toʻlangan dividend miqdori ming soʻmda: hisoblangan toʻlangan qarzdorlik ming soʻm foiz ming soʻm foiz ming soʻm foiz Dividendni toʻliq toʻlamaganlik boʻyicha tushuntirish (izoh): Ijroiya organi rahbarining F.I.O.: _____________________ Bosh buxgalterning F.I.O.: _____________________ Veb-saytda axborot joylashtirgan vakolatli shaxsning F.I.O.: _____________________

*Mavjud boʻlganda koʻrsatiladi.

Axborot yuz bergan vaqt boʻlib, Boshqaruv organining bayonnomasiga koʻra qimmatli qogʻozlar boʻyicha dividendlarni toʻlab berish sanasining oxirgi kuni hisoblanadi.

Boshqaruv organining bayonnomasi taqsimlangan dividendlarni toʻlab berish sanasi koʻrsatilmagan taqdirda, axborot yuz bergan vaqt emitentning vakolatli organi qaror qabul qilgan sananing oltmishinchi kuni hisoblanadi.”.

“Qimmatli qogʻozlar bozorida axborot taqdim etish va eʼlon qilish qoidalarini tasdiqlash haqida”gi buyruqqa kiritilayotgan oʻzgartirish va qoʻshimchalarga 6-ILOVA

“Qimmatli qogʻozlar bozorida axborotlarni taqdim etish va eʼlon qilish qoidalariga 26-ILOVA

1. EMITENTNING NOMI Toʻliq: Qisqartirilgan: Birja tikerining nomi:* 2. ALOQA MAʼLUMOTLARI Joylashgan eri: Pochta manzili: Elektron pochta manzili:* Rasmiy veb-sayti:* 3. AXBOROT Axborotning nomi: Qimmatli qogʻozlar egasi bitim tuzish nati�asida emitent qimmatli qogʻozlari har qanday turining 35 yoki undan ortiq foiziga egalik qila boshlashi Aksiyalar egasining F.I.O. yoki yuridik shaxsning toʻliq nomi: Aksiyalar egasining joylashgan eri (pochta manzili): Emitentning toʻliq nomi: Bitim tuzilgan sanasi: Olingan qimmatli qogʻozlar soni aksiyalarning ustav kapitalidagi miqdori (foizda va ming soʻmda): Olingan qimmatli qogʻozlarning soni Foiz (qimmatli qogʻozlar umumiy soniga nisbatan foiz hisobida) ming soʻmda Aksiyalar egasi emitentni xabardor qilgan sana: Ijroiya organi rahbarining F.I.O.: ________________ Bosh buxgalterning F.I.O.: ________________ Veb-saytda axborot joylashtirgan vakolatli shaxsning F.I.O.: ________________

*Mavjud boʻlganda koʻrsatiladi.

Axborot yuz bergan vaqt boʻlib, aksiyalar egasi emitentni xabardor qilgan sana hisoblanadi.”.

“Qimmatli qogʻozlar bozorida axborot taqdim etish va eʼlon qilish qoidalarini tasdiqlash haqida”gi buyruqqa kiritilayotgan oʻzgartirish va qoʻshimchalarga 7-ILOVA

“Qimmatli qogʻozlar bozorida axborotlarni taqdim etish va eʼlon qilish qoidalariga 27-ILOVA

1. EMITENTNING NOMI Toʻliq: Qisqartirilgan: Birja tikerining nomi:* 2. ALOQA MAʼLUMOTLARI Joylashgan eri: Pochta manzili: Elektron pochta manzili:* Rasmiy veb-sayti:* 3. AXBOROT Axborotning nomi: Aksiyalar egasining aksiyadorlik jamiyati u�tav fondining jami 20 va undan ortiq foizini tashkil etuvchi aksiyalar paketini olganligi Aksiyalar egasining F.I.O. yoki yuridik shaxsning toʻliq nomi: Aksiyalar egasining joylashgan eri (pochta manzili): Olingan qimmatli qogʻozlar soni aksiyalarning ustav kapitalidagi miqdori (foizda va ming soʻmda): Qimmatli qogʻozlar umumiy soniga nisbatan foiz hisobida Olingan qimmatli qogʻozlarning soni ming soʻmda Aksiyalar egasi emitentni xabardor qilgan sana: Ijroiya organi rahbarining F.I.O.: ________________ Bosh buxgalterning F.I.O.: ________________ Veb-saytda axborot joylashtirgan vakolatli shaxsning F.I.O.: ________________

*Mavjud boʻlganda koʻrsatiladi.

Axborot yuz bergan vaqt boʻlib, aksiyalar egasi emitentni xabardor qilgan sana hisoblanadi. aksiyalar affillangan shaxslar bilan birgalikda olinganda koʻrsatiladi.”.

“Qimmatli qogʻozlar bozorida axborot taqdim etish va eʼlon qilish qoidalarini tasdiqlash haqida”gi buyruqqa kiritilayotgan oʻzgartirish va qoʻshimchalarga 8-ILOVA

“Qimmatli qogʻozlar bozorida axborotlarni taqdim etish va eʼlon qilish qoidalariga 28-ILOVA

1. EMITENTNING NOMI Toʻliq: Qisqartirilgan: Birja tikerining nomi:* 2. ALOQA MAʼLUMOTLARI Joylashgan eri: Pochta manzili: Elektron pochta manzili:* Rasmiy veb-sayti:* 3. AXBOROT Axborotning nomi: Jamiyat aksiyalarining 50 va undan ortiq foizi egasiga aylangan shaxs qolgan aksiyalar egalariga aksiyalarni bozor qiymati boʻyicha oʻziga sotishlari borasidagi taklifi Aksiyalar egasining F.I.O. yoki yuridik shaxsning toʻliq nomi: Aksiyalar egasining joylashgan eri (pochta manzili): Qaytarib sotib olinishini talab qilish huquqini yuzaga keltiruvchi qimmatli qogʻozlar turi: Qaytarib sotib olinishini talab qilish huquqini yuzaga keltiruvchi qimmatli qogʻoz nominal qiymati (soʻm/1 dona): Qaytarib sotib olinishini talab qilish huquqini yuzaga keltiruvchi asos: Qaytarib sotib olinishini talab qilish huquqini yuzaga kelishiga asos boʻlgan qaror qabul qilingan sana: Qaytarib sotib olish bahosi (soʻm/1 dona): Qaytarib sotib olishni boshlash sanasi: Ijroiya organi rahbarining F.I.O.: _______________________ Bosh buxgalterning F.I.O.: _______________________ Veb-saytda axborot joylashtirgan vakolatli shaxsning F.I.O.: _______________________

*Mavjud boʻlganda koʻrsatiladi.

Axborot yuz bergan vaqt boʻlib, aksiyalar egasi emitentni xabardor qilgan sana hisoblanadi.”.

“Qimmatli qogʻozlar bozorida axborot taqdim etish va eʼlon qilish qoidalarini tasdiqlash haqida”gi buyruqqa kiritilayotgan oʻzgartirish va qoʻshimchalarga 9-ILOVA

“Qimmatli qogʻozlar bozorida axborotlarni taqdim etish va eʼlon qilish qoidalariga 3-ILOVA

Emitent faoliyatidagi muhim faktlar

ROʻYXATI

Muhim faktning nomi Muhim faktning raqami Nom oʻzgarishi 01 Joylashgan yer (pochta manzili), elektron pochta manzili yoki veb-sayti oʻzgarishi 02 Qayta tashkil etilganligi 03 Faoliyatning toʻxtatilganligi 04 Faoliyatning tugatilganligi 05 Emitentning yuqori boshqaruv organi tomonidan qabul qilingan qarorlar 06 Qimmatli qogʻozlarga boʻlgan huquqlarning oʻzgarganligi 07 Kuzatuv kengashining, taftish komissiyasining yoki ijroiya organining tarkibidagi oʻzgarishlar 08 Filiallar roʻyxatidagi oʻzgarishlar 09 Vakolatxonalar roʻyxatidagi oʻzgarishlar 10 Shuʼba xoʻjalik jamiyatlari roʻyxatidagi oʻzgarishlar 11 Tobe xoʻjalik jamiyatlari roʻyxatidagi oʻzgarishlar 12 Emitentning mol-mulki va (yoki) bank hisobvaraqlari xatlanganligi 13 Emitentga nisbatan uning aktivlari qiymatining 10 foizidan ortiq miqdorda daʼvo qoʻzgʻatilganligi 14 Ustav kapitalining 50 foizidan ortiq miqdor�a kredit olinganligi 15 Aktivlarning 50 foizidan ortiq miqdorda kredit olinganligi 16 Aktivlarning qiymati bir marta 10 foizdan ortiqroq miqdorda koʻpayganligi 17 Aktivlarning qiymati bir marta 10 foizdan ortiqroq miqdorda kamayganligi 18 Miqdori yoki mol-mulkining qiymati bitim tuzilgan sanadagi holatga koʻra emitent aktivlarining 10 foizidan ortigʻini tashkil etadigan emitentning bir martalik bitimlari 19 Emitent tomonidan yirik bitim tuzilishi 20 Affillangan shaxs bilan bitim tuzilishi 21 Faoliyatning ayrim turlarini amalga oshirish uchun litsenziya olinganligi 22 Faoliyatning ayrim turlarini amalga oshirish uchun berilgan litsenziyaning bekor qilinganligi yoki amal qilishi tugatilganligi 23 Faoliyatning ayrim turlarini amalga oshirish uchun berilgan litsenziyaning amal qilishi toʻxtatilganligi 24 Qimmatli qogʻozlarni chiqarish 25 Qimmatli qogʻozlar chiqarilishini toʻxtatib turilishi 26 Qimmatli qogʻozlar chiqarilishining qayta tiklanganligi 27 Qimmatli qogʻozlar chiqarilishini amalga oshmagan deb topish 28 Qimmatli qogʻozlar chiqarilishini haqiqiy emas deb topish 29 Emitent 10 va undan ortiq foiz aksiyalarga (ulushlarga, paylarga) egalik qilayotgan yuridik shaxslar roʻyxatidagi oʻzgarishlar 30 Emitent qimmatli qogʻozlarni qaytarib sotib olishga (muomaladan chiqarishga) doir majburiyatlarini bajarish muddatlari kelganligi 31 Qimmatli qogʻozlar boʻyicha daromadlarni hisoblash 32 Emitentga nisbatan toʻlovga qobiliyatsizlik taomili joriy etilganligi 33 Kuzatuv kengashi aʼzolarining emitent aksiyalariga egalik qilishidagi oʻzgarishlar 34 Ijroiya organi aʼzolarining emitent aksiyalariga egalik qilishidagi oʻzgarishlar 35 Affillangan shaxslar roʻyxatidagi oʻzgarishlar 36 Qimmatli qogʻozlar egalarida ularga tegishli boʻlgan qimmatli qogʻozlarning emitent tomonidan qaytarib sotib olinishini talab qilish huquqining yuzaga kelganligi 37 ”.

“Qimmatli qogʻozlar bozorida axborot taqdim etish va eʼlon qilish qoidalarini tasdiqlash haqida”gi buyruqqa kiritilayotgan oʻzgartirish va qoʻshimchalarga 10-ILOVA

“Qimmatli qogʻozlar bozorida axborotlarni taqdim etish va eʼlon qilish qoidalariga 3-33-ILOVA

1. EMITENTNING NOMI Toʻliq: Qisqartirilgan: Birja tikerining nomi:* 2. ALOQA MAʼLUMOTLARI Joylashgan er Pochta manzili: Elektron pochta manzili:* Rasmiy veb-sayti:* 3. MUHIM FAKT TOʻGʻRISIDA AXBOROT Muhim faktning raqami: 33 Muhim faktning nom�: Emitentga nisbatan toʻlovga qobiliyatsizlik taomili joriy etilganligi Toʻlovga qobiliyatsizlik taomilining joriy etilishi toʻgʻrisida qaror qabul qilingan sana: Toʻlovga qobiliyatsizlik kim tomonidan tashabbus etilgan: Toʻlovga qobiliyatsizlik jarayoni: kuzatuv sud sanatsiyasi kelishuv bitimi tashqi boshqaruv tugatishga doir ish yuritish Emitent tomonidan sud qarori olingan sana: Ijroiya organi rahbarining F.I.O.: __________________ Bosh buxgalterning F.I.O.: __________________ Veb-saytda axborot joylashtirgan vakolatli shaxsning F.I.O.: __________________

*Mavjud boʻlganda koʻrsatiladi.

Muhim fakt yuz bergan vaqt boʻlib, emitent tomonidan sud qarori olingan sana hisoblanadi.”.