“Oʻzbekiston Respublikasining Fuqarolik kodeksiga oʻzgartishlar kiritish toʻgʻrisida”gi QL-930-sonli Oʻzbekiston Respublikasi qonuni loyihasi haqida (2358-IV-son)

26.07.2022

Oʻzbekiston Respublikasi Oliy Majlisi Qonunchilik palatasining

Qarori

Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Oliy Majlisi Qonunchilik palatasining deputatlari Sh. Polvanov, D. Aripov va S. Gʻiyosov tomonidan 2022-yil 8-iyulda kiritilgan “Oʻzbekiston Respublikasining Fuqarolik kodeksiga oʻzgartishlar kiritish toʻgʻrisida”gi QL-930-sonli Oʻzbekiston Respublikasi qonuni loyihasi birinchi oʻqishda qabul qilinsin.

2. Oʻzbekiston Respublikasi Oliy Majlisi Qonunchilik palatasining Korrupsiyaga qarshi kurashish va sud-huquq masalalari qoʻmitasi kelib tushgan tuzatishlarni hisobga olgan holda mazkur qonun loyihasini ikki oy ichida maromiga yetkazsin va ikkinchi oʻqishda Qonunchilik palatasi muhokamasiga kiritsin.

3. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasi Spikerining oʻrinbosari U. INOYATOV

Toshkent sh.,

2022-yil 26-iyul,

2358-IV-son