Respublikada qon bilan ishlash xizmati muassasalari faoliyatini yanada takomillashtirish va aholi orasida begʻaraz donorlik harakatini rivojlantirish choralari toʻgʻrisida (PQ-348-son)

09.08.2022

Oʻzbekiston Respublikasi Prezidentining

Qarori

Respublikada qon bilan ishlash xizmati muassasalari faoliyatini yanada takomillashtirish, aholi orasida begʻaraz donorlik harakatini rivojlantirish, shuningdek, Oʻzbekiston Respublikasi Prezidentining sogʻliqni saqlash sohasi vakillari bilan yangi formatdagi “Tibbiyotdagi islohotlar — inson qadri uchun” mavzusidagi “ochiq muloqoti” doirasida belgilangan ustuvor vazifalarni bajarish maqsadida:

1. Quyidagilar qon bilan ishlash xizmatini rivojlantirishning asosiy yoʻnalishlari etib belgilansin:

aholi orasida begʻaraz donorlik madaniyatini shakllantirish, donorlik harakatini keng jamoatchilik ishtirokida rivojlantirish, qon donorlariga sifatli xizmat koʻrsatish va ular uchun qulay shart-sharoitlar yaratish;

qon bilan ishlash xizmati muassasalarini yuqori texnologik uskunalar bilan jihozlash, donorlar qoni tarkibida gemotransmissiv infeksiyalar mavjudligini tekshirishda zamonaviy immunoferment tekshiruvlari bilan bir qatorda PZR-tekshiruvlarini amaliyotga tatbiq etish;

ilgʻor xorijiy tajriba asosida klinik va ishlab chiqarish transfuziologiyasi yoʻnalishlari boʻyicha mutaxassislarni tayyorlash, qayta tayyorlash va malakasini oshirish, soha xodimlarini nufuzli xorijiy tibbiyot muassasalari va markazlarida malaka oshirishi va stajirovka oʻtashini tashkil etish;

transfuziologiya yoʻnalishida yuqori texnologiyalarga asoslangan fundamental, innovatsion va ilmiy-amaliy tadqiqotlar olib borish, soha xodimlarining ilmiy salohiyatini oshirish;

qon bilan ishlash xizmati muassasalarining sarf vositalariga boʻlgan ehtiyojini Davlat budjeti mablagʻlari hisobidan toʻliq qoplash;

ommaviy axborot vositalari va ijtimoiy tarmoqlar orqali aholi orasida qon donorligi ahamiyatini keng targʻib qilish, begʻaraz donorlikni rivojlantirish boʻyicha volontyorlik harakatini ommalashtirish, sayyor donorlik koʻlamini kengaytirish.

2. Quyidagilar:

Respublikada qon bilan ishlash xizmati muassasalari faoliyatini yanada takomillashtirish va aholi orasida begʻaraz donorlik harakatini rivojlantirish dasturi 1-ilovaga muvofiq;

2022 — 2025-yillarda qon bilan ishlash xizmati muassasalarini jihozlash parametrlari 2-ilovaga muvofiq;

Aholi orasida begʻaraz donorlik harakatini rivojlantirishning maqsadli koʻrsatkichlari 3-ilovaga muvofiq tasdiqlansin.

3. Sogʻliqni saqlash vazirligi (B. Musayev) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hamda boshqa manfaatdor vazirlik va idoralar bilan birgalikda:

a) 2026-yil 1-yanvarga qadar:

yillik donatsiyalar sonini 350 mingtaga, har ming aholiga donatsiyalar koʻrsatkichini 10 taga, qon tayyorlashda mobil sayyor guruhlar ulushini 50 foizga yetkazish;

qon bilan ishlash xizmati muassasalari tomonidan bir yilda ishlab chiqariladigan qon hajmini 150 ming litrga, eritrotsitlar massasini — 75 ming litrga, plazma hajmini — 60 ming litrga, albumin hajmini — 1 000 litrga, immunoglobulin hajmini — 2 ming dozaga yetkazish choralarini koʻrsin;

b) 2024-yil 1-yanvarga qadar qon bilan ishlash xizmati muassasalarida donorlar qonida gemotransmissiv infeksiyalar mavjudligini ikki bosqichli tekshirish (IFA/PZR) amaliyotini yoʻlga qoʻysin;

v) 2022 — 2024-yillar davomida qon bilan ishlash xizmati muassasalarini 15 ta sitaferez apparati, 15 ta qonni qayta ishlash uchun refrijeratorli sentrifuga, 7 ta tezkor kontaktli muzlatkich, 15 ta toʻliq avtomat immunoferment (IFA/IXLA) analizatori, 14 ta PZR analizatori va 13 ta koʻchma donorlik kompleksi bilan jihozlasin;

g) yetarli hajmda qon komponentlari zaxirasini yaratish maqsadida qon bilan ishlash xizmati muassasalarini zarur miqdordagi gemokonteynerlar bilan taʼminlasin va ularning markazlashgan xaridini tashkil qilsin. Bunda, 2023-yilda jami xarid qilingan gemokonteynerlarning 50 foizini, 2024-yilda — 75 foizini va 2025-yilda — 100 foizini leykofiltrli gemokonteynerlar tashkil etishini taʼminlasin.

Belgilab qoʻyilsinki, qon bilan ishlash xizmati muassasalarini jihozlash bilan bogʻliq sarf-xarajatlar 2022-yilda Oʻzbekiston Respublikasining respublika budjetidan Sogʻliqni saqlash vazirligiga birinchi darajali budjet mablagʻlarini taqsimlovchi sifatida ajratiladigan mablagʻlar doirasida, 2023-yildan boshlab esa Davlat budjeti parametrlarida koʻzda tutilgan mablagʻlar hisobidan amalga oshiriladi.

4. Belgilansinki, 2023-yil 1-yanvardan boshlab:

a) “Oʻzbekiston Respublikasi faxriy donori” koʻkrak nishoni bilan taqdirlangan shaxslarga biryoʻla beriladigan pul mukofoti summasi bazaviy hisoblash miqdorining besh baravaridan oʻn besh baravarigacha oshiriladi;

b) “Oʻzbekiston Respublikasi faxriy donori” koʻkrak nishoni bilan taqdirlangan shaxslarga quyidagi huquqlar beriladi:

ular uchun qulay boʻlgan vaqtda yillik asosiy mehnat taʼtiliga chiqish;

shahar jamoat transportining barcha turlaridan (yoʻnalishli va yoʻnalishsiz taksilardan tashqari) bepul foydalanish;

davlat sanatoriy-kurortlarida davolanish uchun yoʻllanmalarni navbatsiz olish;

v) doimiy (yiliga kamida 3-marta qon topshiruvchi) donorlar va ularning yaqin qarindoshlari (ota-onalari, turmush oʻrtogʻi, farzandlari, aka-uka va opa-singillari, turmush oʻrtogʻining ota-onalari) statsionar davolanish jarayonida, zarurat tugʻilganda, qon va uning tarkibiy qismlari bilan bepul taʼminlanadi;

g) donorlarni bepul ovqat bilan taʼminlash boʻyicha xarajatlarning qiymati respublika boʻyicha bir xil — mehnatga haq toʻlash eng kam miqdorining 3 foizi miqdorida belgilanadi;

d) immun donorlarga oʻtkazilgan immunizatsiya va topshirilgan plazmasi uchun haq toʻlash miqdori mehnatga haq toʻlash eng kam miqdorining oshirilishi darajasi doirasida mutanosib ravishda indeksatsiya qilib boriladi;

e) shoshilinch holatlarda donor qonining tarkibiy qismlarini tashish uchun tez tibbiy yordam xizmatidan foydalanishga ruxsat beriladi.

5. Har oyning ikkinchi haftasi “Qon donorligi haftaligi” etib eʼlon qilinsin.

Sogʻliqni saqlash vazirligi (B. Musayev), Yoshlar ishlari agentligi (A. Saʼdullayev), Oʻzbekiston Milliy teleradiokompaniyasi (A. Xadjayev), Oʻzbekiston Milliy axborot agentligi (A. Koʻchimov), Axborot va ommaviy kommunikatsiyalar agentligi (A. Xodjayev) boshqa vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda “Qon donorligi haftaligi” doirasida:

aholi orasida begʻaraz donorlik harakatini targʻib etuvchi videoroliklarni, qon donorligi muammolariga bagʻishlangan ijtimoiy reklama mahsulotlarini tayyorlasin hamda Internet jahon axborot tarmogʻida, elektron va ommaviy axborot vositalarida keng yoritib borsin, ushbu jarayonga taniqli insonlar, sport ustalari, sanʼatkorlar, din vakillari, blogerlar va mahalla nuroniylarini jalb qilsin;

qon donorligini rivojlantirishga bagʻishlangan telekoʻrsatuv va radioeshittirishlarni tashkil etsin;

Internet jahon axborot tarmogʻida, elektron va ommaviy axborot vositalarida qon donorligining ahamiyati toʻgʻrisida maqolalar chop etsin. Bunda, qon donorligi jamiyatda insonparvarlik, vatanparvarlik, sezgirlik kabi fazilatlarni mustahkamlashga xizmat qilishini yoritishga alohida eʼtibor qaratsin;

yoshlar uchun “Oʻzbekiston Respublikasi faxriy donori” koʻkrak nishoniga sazovor boʻlgan, shu jumladan koʻp yillar davomida begʻaraz qon donorlari boʻlib kelayotgan shaxslar ishtirokida uchrashuvlar va davra suhbatlarini tashkil etsin;

vazirlik va idoralar, harbiy qismlar va boshqa tashkilotlar, shuningdek, mahallalar hamda taʼlim muassasalarida begʻaraz donorlik aksiyalarini tashkil etsin va ushbu ishlarni amalga oshirish uchun sayyor donorlik guruhlari faoliyatini yoʻlga qoʻysin;

qon topshirgan donorlarni maxsus belgilar tushirilgan futbolkalar, bosh kiyimlar, kanselyariya buyumlari, teatr, konsert-tomoshalar, kafe va restoranlarga sovgʻa kartalari, sport muassasalariga bepul abonementlar hamda boshqa sovrinlar bilan taqdirlash choralarini koʻrsin;

begʻaraz qon donorligi shiori ostida xayriya marafonlari va festivallarni oʻtkazsin.

6. Respublika qon quyish markazi (A. Saidov):

qon bilan ishlash xizmati muassasalari xodimlari uchun — “Ishlab chiqarish transfuziologiyasi” mutaxassisligi boʻyicha, davolash muassasalarining gemotransfuziya amaliyoti bilan shugʻullanuvchi xodimlari uchun — “Klinik transfuziologiya va izoserologiya asoslari” mutaxassisligi boʻyicha malaka oshirish kurslarini tashkil qilsin;

2022-yil 1-sentabrga qadar malaka oshirish kurslarini tashkil etish uchun malakali, shu jumladan xorijiy mutaxassislarni jalb qilsin hamda oʻquv xonalarini zamonaviy adabiyotlar, laboratoriya jihozlari, kompyuter texnologiyalari va asbob-uskunalar bilan jihozlasin;

2022-yil yakuniga qadar “Ishlab chiqarish transfuziologiyasi” mutaxassisligi boʻyicha — 60 nafar, “Klinik transfuziologiya va izoserologiya asoslari” mutaxassisligi boʻyicha — 60 nafar qon quyish xizmati xodimlarini oʻqitsin;

malaka oshirish kurslarida qon quyish xizmati xodimlarini mutaxassisligiga oid koʻnikmalar bilan birga, shaxslararo munosabat va donorlar bilan ishlash madaniyati koʻnikmalariga oʻqitishni tashkil qilsin.

7. Sogʻliqni saqlash vazirligi, Qurilish vazirligi, Qoraqalpogʻiston Respublikasi Vazirlar Kengashi, Toshkent va Sirdaryo viloyati hokimliklarining 2023-yil 1-dekabrga qadar:

Nukus shahar qon quyish stansiyasi hududida laboratoriya boʻlimlari uchun qoʻshimcha bino qurish;

Toshkent va Sirdaryo viloyatlarida qon quyish stansiyalarining yangi binolarini qurish toʻgʻrisidagi takliflari maʼqullansin.

Qoraqalpogʻiston Respublikasi Vazirlar Kengashi, Toshkent va Sirdaryo viloyatlari hokimliklari huzuridagi “Yagona buyurtmachi xizmati” injiniring kompaniyalari Nukus shahar qon quyish stansiyasi hududida laboratoriya boʻlimi uchun qoʻshimcha bino, shuningdek, Toshkent va Sirdaryo viloyatlarida qon quyish stansiyalarining yangi binolarini qurish boʻyicha buyurtmachi etib belgilansin.

8. Toshkent viloyati hokimligi (Z. Mirzayev), Sirdaryo viloyati hokimligi (Gʻ. Mirzayev) va Qurilish vazirligi (B. Zokirov):

ikki oy muddatda qon quyish stansiyalarini qurish uchun boʻsh turgan va zaxiraga olingan yerlarni doimiy foydalanish huquqi asosida Sogʻliqni saqlash vazirligiga belgilangan tartibda ajratsin;

qon quyish stansiyalari qurilishini loyihalashtirish uchun mahalliy budjet mablagʻlari hisobidan zarur mablagʻlarni ajratsin.

9. Investitsiyalar va tashqi savdo vazirligi (L. Kudratov) Sogʻliqni saqlash vazirligi (B. Musayev) bilan birgalikda ushbu qarorda belgilangan chora-tadbirlarni amalga oshirish uchun xalqaro moliya institutlari va xorijiy hukumat moliyaviy tashkilotlarining imtiyozli kreditlari va grantlarini jalb qilish boʻyicha zarur choralarni koʻrsin.

10. Oʻzbekiston Respublikasi Hukumatining ayrim qarorlariga 4-ilovaga muvofiq oʻzgartirish va qoʻshimcha kiritilsin.

11. Sogʻliqni saqlash vazirligi (B. Musayev) manfaatdor vazirlik va idoralar bilan birgalikda:

2023-yil 1-oktabrga qadar aholi orasida donorlik harakatini rivojlantirish, mahalliy ijro etuvchi hokimiyat organlarining qon va uning tarkibiy qismlari donorligi sohasidagi masʼuliyatini kuchaytirish hamda donorlarni ragʻbatlantirish yuzasidan Oʻzbekiston Respublikasining “Qon va uning tarkibiy qismlari donorligi toʻgʻrisida”gi Qonuniga oʻzgartish va qoʻshimchalar kiritish boʻyicha;

ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

12. Mazkur qaror ijrosini samarali tashkil qilishga masʼul va shaxsiy javobgar etib sogʻliqni saqlash vaziri B.A. Musayev hamda moliya vaziri T.A. Ishmetov belgilansin.

Qaror ijrosini nazorat qilish, ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti maslahatchisining birinchi oʻrinbosari L.N. Tuychiyev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 9-avgust,

PQ-348-son

Oʻzbekiston Respublikasi Prezidentining 2022-yil 9-avgustdagi PQ-348-son qaroriga 1-ILOVA

Respublikada qon bilan ishlash xizmati muassasalari faoliyatini yanada takomillashtirish va aholi orasida begʻaraz donorlik harakatini rivojlantirish

DASTURI

T/r Chora-tadbirlar Amalga oshirish mexanizmi Amalga oshirish muddati Summa Moliyalashtirish manbai Masʼul ijrochilar I. Qon bilan ishlash xizmati sohasidagi normativ-huquqiy bazani takomillashtirish 1. Qon bilan ishlash xizmatining yangilangan shtat meʼyorlarini tasdiqlash. 1. Shtat meʼyorlari loyihasini tayyorlash boʻyicha ishchi guruh tuzish. 2022-yil 1-oktabr - - Sogʻliqni saqlash vazirligi (B. Musayev), Moliya vazirligi (T. Ishmetov), Bandlik va mehnat munosabatlari vazirligi (N. Xusanov) 2. Qon bilan ishlash xizmati mutaxassislarini jalb etgan holda shtat meʼyorlari loyihasini tayyorlash. 2022-yil 1-noyabr 3. Shtat meʼyorlari loyihasini manfaatdor vazirlik va idoralarga oʻrganish va takliflar kiritish uchun taqdim etish. 2022-yil 1-dekabr 4. Qon bilan ishlash xizmatining yangilangan shtat meʼyorlarini tasdiqlash. Bunda: qon bilan ishlash xizmatlarini qon tayyorlash quvvatiga qarab toifalash; mavjud shtat birliklari doirasida navbatchilik posti, qoʻshimcha vrach va laborantlar, IT-mutaxassis hamda boshqa zarur shtatlarni nazarda tutish. 2023-yil 1-yanvar 2. Qon va uning tarkibiy qismlari donori boʻlishga toʻsqinlik qiluvchi koʻrsatmalar roʻyxatini xalqaro tajribadan kelib chiqib qayta koʻrib chiqish. 1. Sogʻliqni saqlash vazirligining 2013-yil 16-dekabrdagi “Qon va uning tarkibiy qismlarini topshirish tartibi toʻgʻrisidagi nizomni tasdiqlash haqida”gi 423-son buyrugʻiga oʻzgartirish va qoʻshimchalar kiritish boʻyicha ishchi guruh tuzish. 2022-yil 1-oktabr - - Sogʻliqni saqlash vazirligi (B. Musayev), Sanitariya-epidemiologik osoyishtalik va jamoat salomatligi xizmati (B. Yusupaliyev) 2. Buyruq loyihasini ishlab chiqish. 2022-yil 1-noyabr 3. Sogʻliqni saqlash vazirligi buyrugʻini tasdiqlash va Adliya vazirligida roʻyxatdan oʻtkazish. 2022-yil 1-dekabr 3. Donorlardan olingan qonni tayyorlash, qayta ishlash va laboratoriya tekshiruvlarini amalga oshirishda zamonaviy standartlarni (GMP) joriy etish. 1. Soha mutaxassislaridan iborat ishchi guruh tuzish. 2022-yil 1-oktabr - - Sogʻliqni saqlash vazirligi (B. Musayev) 2. Qon tayyorlash, qayta ishlash va laboratoriya tekshiruvlarini amalga oshirishda jahon tajribasini oʻrganish. 2022-yil 1-noyabr 3. Qon bilan ishlash xizmati faoliyatini tashkil etish boʻyicha zamonaviy standartlar loyihasini ishlab chiqish. 2023-yil 1-yanvar 4. Zamonaviy standartlarni belgilangan tartibda tasdiqlash. 2023-yil 1-mart 5. Zamonaviy standartlarni qon tayyorlash, qayta ishlash va laboratoriya tekshiruvlari jarayonlariga joriy etish. 2023-yil 1-may 4. Oʻzbekistonning bezgakdan holi davlat sifatida rasman tan olinganligi va Jahon sogʻliqni saqlash tashkilotining bezgakdan holi davlat maqomini tasdiqlovchi rasmiy sertifikatini olishi munosabati bilan qon donorlarining laboratoriya tekshiruvlarini qayta koʻrib chiqish. 1. Sogʻliqni saqlash vazirligi buyrugʻi loyihasini tayyorlash boʻyicha ishchi guruh tuzish. 2022-yil 1-oktabr - - Sogʻliqni saqlash vazirligi (B. Musayev), Sanitariya-epidemiologik osoyishtalik va jamoat salomatligi xizmati (B. Yusupaliyev) 2. Oʻzbekistonning Jahon sogʻliqni saqlash tashkilotining bezgakdan holi davlat maqomini tasdiqlovchi rasmiy sertifikatini olganligini hisobga olib qon bilan ishlash xizmati mutaxassislarini jalb etgan holda qon donorlari uchun oʻtkaziladigan laboratoriya tekshiruvlarini qayta koʻrib chiqish va Sogʻliqni saqlash vazirligi buyrugʻi loyihasini ishlab chiqish. 2022-yil 1-noyabr 3. Sogʻliqni saqlash vazirligi buyrugʻini tasdiqlash va Adliya vazirligida roʻyxatdan oʻtkazish. 2022-yil 1-dekabr 5. Qon bilan ishlash xizmati muassasalarida donorlar qonida gemotransmissiv infeksiyalar mavjudligini ikki bosqichli tekshirishni (IFA/PZR) yoʻlga qoʻyish. 1. Qon bilan ishlash xizmati muassasalarida donorlar qonida gemotransmissiv infeksiyalar mavjudligini ikki bosqichli tekshirishni (IFA/PZR) joriy etish boʻyicha ishchi guruh tuzish. 2022-yil 1-oktabr - - Sogʻliqni saqlash vazirligi (B. Musayev), Sanitariya-epidemiologik osoyishtalik va jamoat salomatligi xizmati (B. Yusupaliyev) 2. Donorlar qonida gemotransmissiv infeksiyalar mavjudligini ikki bosqichli tekshirish (IFA/PZR) standartlarini ishlab chiqish va tasdiqlash. 2023-yil 1-noyabr 3. Donorlar qonida gemotransmissiv infeksiyalar mavjudligini ikki bosqichli tekshirish (IFA/PZR) standartlarini amaliyotga joriy etish. 2024-yil 1-yanvar II. Aholi orasida begʻaraz donorlik harakatini rivojlantirish 6. Oʻrta maxsus, professional va oliy taʼlim muassasalari, Mudofaa vazirligi va Ichki ishlar vazirligi tizimidagi muassasalarda begʻaraz donorlik harakatini tashkil qilish. 1. Oʻrta maxsus, professional va oliy taʼlim muassasalari, Mudofaa vazirligi va Ichki ishlar vazirligi tizimidagi muassasalarda begʻaraz donorlik harakatini tashkil qilish boʻyicha masʼullarni belgilash. 2. Oʻquvchi-talabalar va harbiy xizmatchilar oʻrtasida qon donorligi boʻyicha tushuntirish ishlarini amalga oshirish. 3. Oʻrta maxsus, professional va oliy taʼlim muassasalari, Mudofaa vazirligi va Ichki ishlar vazirligi tizimidagi muassasalarda donorlik aksiyasini oʻtkazish sanasini belgilash va potensial donorlar roʻyxatini shakllantirish. 4. Qon donorlarini keng jalb qilish, ularni maʼnaviy-ruhiy hamda psixologik qoʻllab-quvvatlash boʻyicha faol yoshlardan iborat boʻlgan volontyorlik guruhlarini tuzish. 5. Donorlik aksiyalarini oʻtkazish va ularning monitoringini yuritish. 6. Oʻrta maxsus, professional va oliy taʼlim muassasalari, Mudofaa vazirligi va Ichki ishlar vazirligi tizimidagi muassasalarda oʻtkaziladigan donorlik aksiyalarini ommaviy axborot vositalarida keng yoritish. 7. Qon guruhi kamdan-kam uchraydigan donorlar roʻyxatini shakllantirish, ular oʻrtasida qon guruhi ahamiyati haqida tushuntirishlar olib borish va qon aksiyalariga keng jalb qilish. “Qon donorligi haftaligi” doirasida Ijrochilar mablagʻlari hisobidan Oliy va oʻrta maxsus taʼlim vazirligi (A. Toshkulov), Mudofaa vazirligi (B. Qurbanov), Ichki ishlar vazirligi (P. Bobojonov), Yoshlar ishlari agentligi (A. Saʼdullayev) 7. Mahalliy ijro etuvchi hokimiyat organlari va fuqarolarning oʻzini oʻzi boshqarish organlarini jalb qilgan holda aholi orasida donorlik aksiyalarini tashkil etish. 1. Aholi orasida donorlik harakatini tashkil qilish boʻyicha masʼullarni belgilash. 2. Aholi oʻrtasida qon donorligi boʻyicha tushuntirish ishlarini olib borish. 3. Joylarda va tashkilotlarda donorlik aksiyasini oʻtkazish sanasini belgilash va potensial donorlar roʻyxatlarini shakllantirish. 4. Donorlik aksiyalarini oʻtkazish va monitoringini yuritish. 5. Joylarda va tashkilotlarda oʻtkaziladigan donorlik aksiyalarini ommaviy axborot vositalarida keng yoritish. 6. Qon donorlarining quyish uchun qon topshiradigan kuni hamda ertasi kuni mehnat sharoiti oʻta zararli va oʻta ogʻir ishlar, kechki smenadagi ishlar va ish vaqtidan tashqari ishlarda ishlashiga taqiq qoʻyish. “Qon donorligi haftaligi” doirasida Ijrochilar mablagʻlari hisobidan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Sogʻliqni saqlash vazirligi (B. Musayev) 8. Begʻaraz qon donorligini muntazam ravishda Internet jahon axborot tarmogʻi, bosma va elektron ommaviy axborot vositalarida keng yoritib borish. 1. Aholi orasida donorlik harakatini targʻib etuvchi videoroliklar yaratish va bu jarayonga taniqli insonlar, sport ustalari, sanʼatkorlar, din vakillari, blogerlar va mahalla nuroniylarini keng jalb etish. 2. Aholi orasida donorlik harakatini targʻib etuvchi videoroliklarni Internet jahon axborot tarmogʻi va elektron ommaviy axborot vositalarida keng yoritib borish. 3. Respublikada qon donorligini rivojlantirishga bagʻishlangan telekoʻrsatuv va radioeshittirishlar tashkil etish. 4. Internet jahon axborot tarmogʻi, bosma va elektron ommaviy axborot vositalarida qon donorligining ahamiyati toʻgʻrisida maqolalar chop etish. Bunda, qon donorligi jamiyatda insonparvarlik, vatanparvarlik, sezgirlik kabi fazilatlarni mustahkamlashga xizmat qilishini yoritib berish. 5. Taʼlim muassasalari (tanaffus paytida), aeroport, temir yoʻl va avtovokzallar, savdo-koʻngilochar majmualar, madaniyat va istirohat bogʻlari, xiyobonlar, mehmonxonalar va boshqa tashkilotlarning lokal tarmoqlari orqali begʻaraz qon donorligi haqidagi audio va videoroliklarni targʻib etish. 6. Qon donorligi holati toʻgʻrisidagi maʼlumotlarni Ochiq maʼlumotlar portaliga joylashtirish. 7. Begʻaraz qon donorligiga oid ijtimoiy reklama roliklarini tayyorlash va ularni davlat telekanallarida bepul namoyish etish. “Qon donorligi haftaligi” doirasida Ijrochilar mablagʻlari hisobidan Sogʻliqni saqlash vazirligi (B. Musayev), OʻzMTRK (A. Xadjayev), Oʻzbekiston Milliy axborot agentligi (A. Koʻchimov), Axborot va ommaviy kommunikatsiyalar agentligi (A. Xodjayev), Transport vazirligi (I. Maxkamov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 9. Mobil aloqa operatorlari orqali aholini qon topshirishga undaydigan SMS-xabarnomalar yuborish. Qon topshirgan donorlarga ularning qoni muhtoj insonlarga quyilgani haqida mobil aloqa operatorlari va boshqa usullar orqali xabar berish amaliyotini yoʻlga qoʻyish. 1. Mobil aloqa operatorlari bilan kelishuvlar imzolash. 2022-yil 1-noyabr Ijrochilar mablagʻlari hisobidan Sogʻliqni saqlash vazirligi (B. Musayev), Axborot texnologiyalari va kommunikatsiyalarini rivojlantirish vazirligi (Sh. Shermatov) 2. Mobil aloqa operatorlari orqali aholini qon topshirishga undaydigan SMS-xabarnomalar yuborish. “Qon donorligi haftaligi” doirasida 3. Mobil aloqa operatorlariga qon topshirgan donorlar va ularning qoni komponentlari ishlatilishi toʻgʻrisida maʼlumotlar taqdim etish. Doimiy 4. Qon topshirgan donorlarga ularning qoni muhtoj insonlarga qoʻyilganligi haqida mobil aloqa operatorlari va boshqa usullar orqali xabar berish amaliyotini yoʻlga qoʻyish. Maʼlumot taqdim etilgandan boshlab 5 kun ichida 10. Qon bilan ishlash xizmati muassasalarida har bir guruhga mansub qon va uning tarkibiy qismlari zaxiralari toʻgʻrisidagi maʼlumotlar ochiqligini taʼminlash. 1. Respublika qon quyish markazi rasmiy veb-saytini qayta ishlab chiqish, aholiga qon donorligi haqidagi maʼlumotlarni oddiy va tushunarli shaklda, shu jumladan infografika va rasmlar koʻrinishida taqdim etish. 2. Qon bilan ishlash xizmati muassasalarida har bir guruhga mansub qon va uning tarkibiy qismlari zaxirasi toʻgʻrisidagi maʼlumotlarni Respublika qon qoʻyish markazi rasmiy veb-saytiga joylashtirish va ularni doimiy yangilab borish. 3. Qon bilan ishlash xizmati muassasalariga donorlarning tashkillashtirilgan holda kelishini taʼminlash maqsadida ularning onlayn navbatlarini shakllantirish tizimini yaratish. 4. Qon olish joylarida donorlar uchun qulay muhit va doʻstona munosabatni shakllantirish. 2023-yil 1-yanvar Loyiha-smeta hujjatlari asosida Ijrochilar mablagʻlari hisobidan Sogʻliqni saqlash vazirligi (B. Musayev), Axborot texnologiyalari va kommunikatsiyalarini rivojlantirish vazirligi (Sh. Shermatov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 11. Doimiy donorlarni ragʻbatlantirish. 1. Doimiy donorlarni taqdirlash uchun maxsus belgilar tushirilgan futbolkalar, krujkalar, bosh kiyimlar, kanselyariya buyumlari va boshqa sovrinlar tayyorlash. 2. Doimiy donorlarni maxsus belgilar tushirilgan futbolkalar, krujkalar, bosh kiyimlar, kanselyariya buyumlari va boshqa sovrinlar bilan taqdirlash. 3. 10, 20 va 30-marta qon topshirgan donorlarni I, II va III darajali sertifikatlar bilan taqdirlash tizimini yoʻlga qoʻyish. 4. Doimiy donorlarni teatrlar, konsert-tomoshalar va kinoteatrlarga bepul chiptalar, kafe va restoranlarga sovgʻa kartalar, sport muassasalariga bepul abonementlar bilan taqdirlash. “Qon donorligi haftaligi” doirasida Ijrochilar mablagʻlari hisobidan Sogʻliqni saqlash vazirligi (B. Musayev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 12. Qon va uning tarkibiy qismlari donorligi bilan bogʻliq masalalarni umumiy oʻrta taʼlim muassasalari oʻquv dasturlariga kiritish. Maktab oʻquvchilarining qon markazlariga tashriflarini tashkil etish, ular bilan maʼrifiy suhbatlar oʻtkazish, ularga koʻrgazmali materiallar taqdim etish. 1. Qon guruhlari, qon donorligi va uning tarixi, qon donorligining ahamiyati toʻgʻrisida ommabop materiallar tayyorlash. 2022-yil 1-noyabr Ushbu maqsadlar uchun ajratilgan Davlat budjeti mablagʻlari Sogʻliqni saqlash vazirligi (B. Musayev), Xalq taʼlimi vazirligi (B. Saidov) 2. Umumiy oʻrta taʼlim muassasalari oʻquv dasturlariga qon guruhlari, qon donorligi va uning tarixi, qon donorligining ahamiyati toʻgʻrisida dars soatlarini kiritish. 2023-yil 1-yanvar 3. Maktab oʻquvchilarining qon bilan ishlash xizmati muassasalariga tashrifini tashkil etish, ular bilan maʼrifiy suhbatlar oʻtkazish, qon donorligining ahamiyati, qon topshirishning inson organizmiga ijobiy taʼsirini, qon va uning tarkibiy qismlarini topshirish tartib va qoidalarini yoritib berish. Doimiy 13. Sayyor donorlik sessiyalar koʻlamini kengaytirish. 1. Tashkil etiladigan sayyor donorlik sessiyalari reja-jadvalini ishlab chiqish va Respublika qon quyish markazining rasmiy veb-saytida joylashtirish. 2022-yil 1-oktabr - - Sogʻliqni saqlash vazirligi (B. Musayev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2. Sayyor donorlik sessiyalarini aholi uchun qulay joylarda va vaqtlarda, shu jumladan dam olish va bayram kunlari, yirik savdo komplekslari, bozorlar, metro stansiyalari, sayohat bogʻlari va aholi gavjum boʻlgan boshqa joylarda tashkil etish. Doimiy 14. Donorlar uchun maxsus mobil ilova va Respublika qon qoʻyish markazining rasmiy veb-saytida alohida sahifa yaratish. Donorlar uchun quyidagilarni onlayn shaklda amalga oshirish imkonini beruvchi mobil ilova va Respublika qon qoʻyish markazining rasmiy veb-saytida alohida sahifa yaratish: qon qoʻyish markazlari va koʻchma qon quyish stansiyalari joylashuvi (xaritada koʻrsatgan holda), ularning ishlash rejimi, qon mahsulotlari zaxirasi (qon qoʻyish markazlari kesimida) va ular qaysi maqsadlarga ishlatilishi haqidagi maʼlumotlarni olish; qon bilan ishlash xizmatlarida koʻrsatiladigan qoʻshimcha pullik xizmatlar va ularning narxlari haqidagi maʼlumotlarni olish; qon donorligi, qon topshirish usullari, ularga sarflanadigan vaqt, qon topshirish huquqiga ega boʻlgan shaxslar va buni amalga oshirish uchun qarshi koʻrsatmalar, shuningdek, boshqa zarur maʼlumotlarni olish; qon topshirish uchun oldindan onlayn roʻyxatdan oʻtish va oʻziga xos navbat raqamini olish; qon topshirish markaziga tashrif buyurish sanasi va vaqti haqida oldindan maʼlumot olish; amalga oshirilgan qon topshirishlar va ularning laboratoriya tahlillar natijalari, donorning qon guruhi va rezus mansubligi toʻgʻrisidagi maʼlumotlarni olish. 2023-yil 1-yanvar Ushbu maqsadlar uchun ajratilgan Davlat budjeti mablagʻlari Sogʻliqni saqlash vazirligi (B. Musayev), “IT-med” MCHJ, Axborot texnologiyalari va kommunikatsiyalarini rivojlantirish vazirligi (Sh. Shermatov) 15. Birlamchi donorlar bilan koʻp yillar begʻaraz qon topshirib kelayotgan donorlarning uchrashuvlarini tashkil etish va motivatsion muhit yaratish. 1. “Oʻzbekiston Respublikasi faxriy donori” koʻkrak nishoniga sazovor boʻlgan shaxslar va koʻp yillar begʻaraz qon topshirib kelayotgan donorlar bilan yoshlar va talabalar uchrashuvlarini tashkil etish. “Qon donorligi haftaligi” doirasida Ijrochilar mablagʻlari hisobidan Sogʻliqni saqlash vazirligi (B. Musayev), Yoshlar ishlari agentligi (A. Saʼdullayev) 2. Koʻp yillar begʻaraz qon topshirib kelayotgan donorlar orasida qon xizmati faoliyati boʻyicha soʻrovnomalar tashkil etish hamda aniqlangan kamchiliklarni bartaraf etish choralarini koʻrish. Yiliga kamida 3-marta III. Qon bilan ishlash xizmati muassasalari xodimlarini transfuziologiya sohasi boʻyicha kasbiy tayyorgarligini tashkil etish 16. Tibbiyot xodimlarining kasbiy malakasini rivojlantirish markazi bilan hamkorlikda Respublika qon quyish markazida “Ishlab chiqarish transfuziologiyasi” mutaxassisligi boʻyicha oʻquv kurslarini tashkil etish. 1. “Ishlab chiqarish transfuziologiyasi” mutaxassisligi boʻyicha oʻquv dasturlarini ishlab chiqish. 2022-yil 1-oktabr Ushbu maqsadlar uchun ajratilgan Davlat budjeti mablagʻlari Sogʻliqni saqlash vazirligi (B. Musayev), Sanitariya-epidemiologik osoyishtalik va jamoat salomatligi xizmati (B. Yusupaliyev) 2. Oʻquv kurslarini tashkil etish uchun malakali, shu jumladan xorijiy ilmiy xodim va mutaxassislarni jalb qilish. 2022-yil 1-noyabr 3. Oʻquv xonalarini zarur adabiyotlar, laboratoriya jihozlari va kompyuter texnikasi bilan jihozlash. 2022-yil 1-noyabr 4. Oʻquv kurslari doirasida tinglovchilarning: qon tayyorlash, uni qayta ishlash va laborator tekshiruvlarni oʻtkazish, jihozlardan toʻgʻri foydalanish boʻyicha malakasini oshirish; donorlar bilan ishlash madaniyati koʻnikmalarini shakllantirish va rivojlantirish. 2023-yil 1-yanvar 17. Tibbiyot xodimlarining kasbiy malakasini rivojlantirish markazi bilan hamkorlikda Respublika qon quyish markazida “Klinik transfuziologiya va izoserologiya asoslari” mutaxassisligi boʻyicha oʻquv kurslarini tashkil etish. 1. “Klinik transfuziologiya va izoserologiya asoslari” mutaxassisligi boʻyicha oʻquv dasturlarini ishlab chiqish. 2022-yil 1-oktabr Ushbu maqsadlar uchun ajratilgan Davlat budjeti mablagʻlari Sogʻliqni saqlash vazirligi (B. Musayev), Sanitariya-epidemiologik osoyishtalik va jamoat salomatligi xizmati (B. Yusupaliyev) 2. Oʻquv kurslarini tashkil etish uchun malakali, shu jumladan xorijiy ilmiy xodim va mutaxassislarni jalb qilish. 2022-yil 1-noyabr 3. Oʻquv xonalarini zarur adabiyotlar, laboratoriya jihozlari va kompyuter texnikasi bilan jihozlash. 2022-yil 1-noyabr 4. Donor qoni va uning tarkibiy qismlarini ishlatish xavfsizligini taʼminlash, davolash muassasalarining gemotransfuziya amaliyoti bilan shugʻullanuvchi shifokorlarining klinik transfuziologiya boʻyicha kasbiy bilim, koʻnikma va malakalarini muntazam oshirib borish. 2023-yil 1-yanvar 5. Davolash muassasalarining gemotransfuziya amaliyoti bilan shugʻullanuvchi shifokorlarining ish faoliyatini muntazam ravishda baholab borish va ularning kasbiy koʻnikmalarini oshirish uchun zarur boʻlgan qoʻshimcha, izoserologiya asoslari boʻyicha, treninglar oʻtkazilishini taʼminlash. Doimiy 6. Davolash muassasalari gemotransfuziya amaliyoti bilan shugʻullanuvchi shifokorlariga malaka toifalarini berishda, ularning klinik transfuziologiya va izoserologiya asoslari boʻyicha malaka oshirish kurslarini oʻtganligini hisobga olish. Doimiy 18. Qon bilan ishlash xizmati xodimlarini xorijiy davlatlarning yetakchi markazlariga malaka oshirishga yuborish. 1. Xorijiy davlatlarning yetakchi markazlari bilan respublika qon bilan ishlash xizmati xodimlarini kasbiy malakasini oshirish boʻyicha kelishuv imzolash. 2. Qon bilan ishlash xizmati xodimlarining qon tayyorlash, uni qayta ishlash va laboratoriya tekshirish jarayonlari samaradorligini oshirish uchun zarur boʻladigan kasbiy bilim, koʻnikma va malakalarini xalqaro tajribalar asosida oshirish. 2022 — 2024-yillar davomida Sogʻliqni saqlash vazirligining Iqtidorli va malakali tibbiyot mutaxassislarini qoʻllab-quvvatlash hamda tibbiyot muassasalariga jalb qilish jamgʻarmasi mablagʻlari Sogʻliqni saqlash vazirligi (B. Musayev) 19. Osiyo transfuzion tibbiyot uyushmasi (Asian Associations of Transfusion Medicine — AATM) bilan qon donorligi sohasida hamkorlikni yoʻlga qoʻyish va rivojlantirish. 1. Qon bilan ishlash xizmati muassasalari xodimlari oʻrtasida Osiyo transfuzion tibbiyot uyushmasiga aʼzo boʻlish boʻyicha targʻibot ishlarini tashkil qilish. 2022-yil 1-noyabr - - Sogʻliqni saqlash vazirligi (B. Musayev), Respublika qon bilan ishlash xizmati muassasalari rahbarlari 2. Qon bilan ishlash xizmati muassasalari xodimlarini Osiyo transfuzion tibbiyot uyushmasining transfuziologiya boʻyicha oʻtkaziladigan vebinarlarida ishtirok etishga taklif qilish. 2024-yil 1-yanvar 20. Transfuziologiya sohasida fundamental, amaliy va innovatsion ilmiy tadqiqotlar olib borish. 1. Transfuziologiya sohasida grant loyihalarini ishlab chiqish. 2023-yil 1-yanvar Ushbu maqsadlar uchun ajratilgan Davlat budjeti mablagʻlari Sogʻliqni saqlash vazirligi (B. Musayev), Innovatsion rivojlanish vazirligi (I. Abduraxmonov), Respublika qon bilan ishlash xizmati muassasalari rahbarlari 2. Loyihalarni belgilangan tartibda koʻrib chiqish. 2023-yil 1-iyun IV. Qon bilan ishlash xizmati muassasalari binolarini bosqichma-bosqich qurish, rekonstruksiya qilish, kapital taʼmirlash hamda ularning moddiy-texnika bazasini mustahkamlash 21. Hududiy qon quyish stansiyalari binolarini kapital va joriy taʼmirlash. 1. Hududiy qon quyish stansiyalari binolarini kapital va joriy taʼmirlash boʻyicha loyiha-smeta hujjatlarini ishlab chiqish va ekspertizadan oʻtkazish. 2022-yil 1-dekabr Loyiha-smeta hujjatlari asosida Mahalliy budjet mablagʻlari Qoraqalpogʻiston Respublikasi Vazirlar Kengashi, viloyatlar va Toshkent shahar hokimligi, Qurilish vazirligi (B. Zokirov) 2. Hududiy qon quyish stansiyalari binolarini kapital va joriy taʼmirlash boʻyicha tender savdolarini oʻtkazish. 2023-yil 1-iyun 3. Hududiy qon quyish stansiyalari binolarini kapital va joriy taʼmirlash. 2023-yil 1-sentabr 22. Toshkent va Sirdaryo viloyatlari qon quyish stansiyalari uchun yangi bino qurish. 1. Qon quyish stansiyalari uchun yangi bino qurish boʻyicha loyiha-smeta hujjatlarini ishlab chiqish va ekspertizadan oʻtkazish. 2022-yil 1-dekabr 20 mlrd soʻm Mahalliy budjet mablagʻlari va qonunchilik hujjatlarida taqiqlanmagan boshqa manbalar Toshkent viloyati hokimligi (Z. Mirzayev), Sirdaryo viloyati hokimligi (Gʻ. Mirzayev), Iqtisodiy taraqqiyot va kambagʻallikni qisqartirish vazirligi (A. Boboyev), Moliya vazirligi (T. Ishmetov) 2. Qon quyish stansiyalari uchun yangi bino qurish boʻyicha tender savdolarini oʻtkazish. 2023-yil 1-iyun 3. Qon quyish stansiyalarini qurib bitkazish va jihozlarni eski binodan koʻchirish. 2023-yil yakuniga qadar 23. Nukus shahar qon quyish stansiyasi hududida laboratoriya boʻlimlari uchun qoʻshimcha bino qurish. 1. Qon quyish stansiyasi hududida laboratoriya boʻlimi uchun qoʻshimcha bino qurish loyiha-smeta hujjatlarini ishlab chiqish va ekspertizadan oʻtkazish. 2022-yil 1-dekabr 15 mlrd soʻm Mahalliy budjet mablagʻlari va qonunchilik hujjatlarida taqiqlanmagan boshqa manbalar Qoraqalpogʻiston Respublikasi Vazirlar Kengashi (Q. Sariyev), Iqtisodiy taraqqiyot va kambagʻallikni qisqartirish vazirligi (A. Boboyev), Moliya vazirligi (T. Ishmetov) 2. Qon quyish stansiyasi hududida laboratoriya boʻlimi binosini qurish boʻyicha tender savdolarini oʻtkazish. 2023-yil 1-iyun 3. Qon quyish stansiyasi hududida laboratoriya boʻlimi binosini qurib bitkazish va ishga tushirish. 2023-yil yakuniga qadar 24. Aholini qon preparatlari bilan taʼminlash holatini yaxshilash maqsadida Respublika qon quyish markazida xalqaro GMP amaliyoti talablariga javob beradigan qon preparatlarini ishlab chiqarish korxonasini tashkil etish boʻyicha taklif tayyorlash. 1. Qon preparatlarini ishlab chiqarish korxonasini tashkil etish boʻyicha xalqaro tajribani oʻrganish. 2022-yil 1-noyabr - - Sogʻliqni saqlash vazirligi (B. Musayev), Farmatsevtika tarmogʻini rivojlantirish agentligi (S. Kariyev) 2. Qon preparatlarini ishlab chiqarish korxonasini tashkil etish va uni xalqaro GMP amaliyoti talablariga javob beradigan uskunalar bilan jihozlash boʻyicha Vazirlar Mahkamasiga taklif kiritish. 2023-yil 1-yanvar 25. Respublika qon quyish markazining Qon preparatlarini ishlab chiqarish boʻlimining mavjud binosini rekonstruksiya qilish va taʼmirlash. 1. Respublika qon quyish markazining Qon preparatlarini ishlab chiqarish boʻlimi binosini rekonstruksiya qilish va taʼmirlash boʻyicha loyiha-smeta hujjatlarini ishlab chiqish hamda ekspertizadan oʻtkazish. 2023-yil 1-sentabr 10 mlrd soʻm Ushbu maqsadlar uchun ajratilgan Davlat budjeti mablagʻlari va qonunchilik hujjatlarida taqiqlanmagan boshqa manbalar Sogʻliqni saqlash (B. Musayev), Moliya vazirligi (T. Ishmetov) 2. Respublika qon quyish markazining Qon preparatlarini ishlab chiqarish boʻlimi binosini rekonstruksiya qilish va taʼmirlash boʻyicha tender savdolarini oʻtkazish. 2024-yil 1-yanvar 3. Respublika qon quyish markazining Qon preparatlarini ishlab chiqarish boʻlimida qon (autoermassa, kam uchraydigan qon guruhli ermassa va kindik qoni oʻzak hujayralari) bankini yaratish va jihozlash. 2024-yil 31-dekabr 26. “Qon xizmati” axborot tizimini takomillashtirish. 1. “Qon xizmati” axborot tizimini takomillashtirish boʻyicha texnik topshiriqlarni ishlab chiqish va tasdiqlash. 2023-yil 1-yanvar Loyiha-smeta hujjatlari asosida Ushbu maqsadlar uchun ajratilgan Davlat budjeti mablagʻlari Sogʻliqni saqlash vazirligi (B. Musayev), “IT-med” MCHJ, Axborot texnologiyalari va kommunikatsiyalarini rivojlantirish vazirligi (Sh. Shermatov) 2. “Qon xizmati” axborot tizimida quyidagilarni onlayn rejimda amalga oshirish imkonini yaratish: donorlarni roʻyxatga qoʻyish, ular, shu jumladan kam uchraydigan qon guruhi boʻlgan donorlar haqida maʼlumotlarni axborot tizimiga kiritish va olish; donorning har bir donatsiyasi haqidagi maʼlumotlarni axborot tizimiga kiritish va olish, shu jumladan donorlik ixtiyoriy yoki pullik amalga oshirilganligini belgilash; donorda qon va uning tarkibiy qismlari donorligiga qarshilik qiluvchi koʻrsatmalar mavjudligi haqidagi maʼlumotlarni axborot tizimiga kiritish va olish; donorlarni tibbiy koʻrikdan va laboratoriya tekshiruvidan (skriningdan) oʻtkazish natijalari haqidagi maʼlumotlarni axborot tizimiga kiritish va olish; donorda donorlikning butunlay rad etilishiga olib keluvchi holatlar mavjudligi haqidagi maʼlumotlarni axborot tizimiga kiritish va olish; donor uchun keyingi donatsiyani amalga oshirishning afzal vaqtini belgilash; donorda donorlikdan vaqtincha chetlashtirishga olib keluvchi holatlar mavjudligi va chetlashtirish muddati vaqti haqidagi maʼlumotlarni axborot tizimiga kiritish va olish. 2023-yil 1-sentabr 3. “Qon xizmati” axborot tizimini “Elektron hukumat” tizimining idoralararo integratsiyalashuv platformasi orqali boshqa tibbiyot muassasalarining hamda manfaatdor vazirlik va idoralarning axborot tizimlari bilan integratsiya qilish. 2023-yil 1-noyabr 4. Barcha qon bilan ishlash xizmatlarini “Qon xizmati” axborot tizimiga ulash. 2023-yil 1-dekabr 5. Qon bilan ishlash xizmati xodimlarini “Qon xizmati” axborot tizimida ishlash boʻyicha malakasini oshirish. 2023-yil 1-dekabr 27. Qon bilan ishlash xizmatlarida lokal kompyuter tarmogʻini yaratish va oʻzaro bogʻlash orqali “Qon xizmati” axborot tizimini amaliyotga joriy etish. 1. Qon quyish stansiyalarida lokal kompyuter tarmogʻini yaratish. 2023-yil 1-yanvar 352,8 mln soʻm Mahalliy budjet mablagʻlari Sogʻliqni saqlash vazirligi (B. Musayev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2. Qon quyish stansiyalarini zarur kompyuter texnikasi, uzluksiz quvvat manbai (UPS), shtrix kod oʻquvchi skanerlar, shtrix kod, etiketka chop etuvchi printerlar bilan taʼminlash. 2023-yil 1-may Loyiha-smeta hujjatlari asosida

Oʻzbekiston Respublikasi Prezidentining 2022-yil 9-avgustdagi PQ-348-son qaroriga 2-ILOVA

2022 — 2025-yillarda qon bilan ishlash xizmati muassasalarini jihozlash

PARAMETRLARI

T/r Tibbiy uskunalar (avtotransport vositalari) nomi Soni Narxi, mln soʻm Jami summasi, mln soʻm* 2022-yil 2023-yil 2024-yil 2025-yil Soni Summasi, mln soʻm Soni Summasi, mln soʻm Soni Summasi, mln soʻm Soni Summasi, mln soʻm I. Donor qonini yigʻish, qayta ishlash, laborator tekshirish va saqlash uchun zarur jihozlar 1. Donorlar kreslosi 45 26 1 170 45 1 170 2. Avtomatik qon yigʻish uchun mikserli tarozi 45 15 675 45 675 3. Qon yigʻish uchun mikserli tarozi va boshqa aksessuarlar uchun stend 45 1 45 45 45 4. Plazmaferez apparati 15 110 1 650 15 1 650 5. Sitaferez apparati 15 1 376 20 640 8 11 008 7 9 632 6. Qonni qayta ishlash uchun refrijeratorli sentrifuga 15 345 5 175 15 5 175 7. Plazma ekstraktor 30 10 300 30 300 8. Naychalarni statsionar kavsharlagich 15 25 375 15 375 9. Naychalarni portativ kavsharlagich 30 21 630 30 630 10. Tezkor, kontaktli muzlatkich 7 1 051 7 357 7 7 357 11. Oʻta past haroratli qon banki muzlatkichi (-40°S gacha) 15 173 2 595 15 2 595 12. Oʻta past haroratli qon banki muzlatkichi (-86°S gacha) 15 206 3 090 15 3 090 13. Qon banki sovutkichi 15 74 1 110 15 1 110 14. Trombotsitlar mikserli inkubatori 15 75 1 125 15 1 125 15. Sovutkich sumka (termokonteyner) 30 2 60 30 60 16. Gematologik analizator 15 55 825 15 825 17. Immunologik analizatori 8 850 6 800 8 6 800 18. Gemoglobinometr 30 18 540 30 540 19. Bioximik analizator 15 55 825 15 825 20. Toʻliq avtomat immunoferment (IFA/IXLA) analizatori 15 525 7 875 7 3 675 8 4 200 21. PZR analizator toʻplami 14 500 7 000 12 6 000 2 1 000 Jami: 449 69 862 210 3 195 49 20 182 55 24 133 135 22 352 II. Avtotransport vositalari 22. Koʻchma donorlik majmualari (maxsus avtobuslar) ** 13 13 Hammasi: 462 69 862 223 3 195 49 20 182 55 24 133 135 22 352

* 2022-yilda Oʻzbekiston Respublikasi respublika budjetidan Sogʻliqni saqlash vazirligiga ajratilgan mablagʻlar hisobidan amalga oshiriladi, 2023 — 2025-yillarda Davlat budjeti parametrlarida koʻzda tutiladi.

** 2022-yilda qon bilan ishlash xizmati Sogʻliqni saqlash vazirligi tomonidan 13 ta qoʻchma donorlik majmualari (maxsus avtobus) bilan taʼminlanadi va ushbu avtobuslar Oʻzbekiston Respublikasi respublika budjetidan Sogʻliqni saqlash vazirligiga ajratilgan mablagʻlar hisobidan jihozlanadi.

Oʻzbekiston Respublikasi Prezidentining 2022-yil 9-avgustdagi PQ-348-son qaroriga 3-ILOVA

Aholi orasida begʻaraz donorlik harakatini rivojlantirishning

maqsadli koʻrsatkichlari

T/r Maqsadli koʻrsatkichlar 2023-yil 2024-yil 2025-yil I. Donatsiyalar sonini oshirish 1. Donorlar soni 220 000 250 000 300 000 2. Donatsiyalar, qon (plazma, trombotsitlar) topshirishlar soni 245 000 290 000 350 000 3. Har ming aholiga donatsiyalar koʻrsatkichi 7 8 10 4. Qon tayyorlashda mobil (sayyor) guruhlar ulushi, foizda 35 40 50 II. Qon va uning tarkibiy qismlarini tayyorlash 5. Donor qoni, litr 120 000 135 000 150 000 6. Eritrotsitlar massasi, litr 55 000 65 000 75 000 7. Plazma, litr 50 000 55 000 60 000 8. Trombotsitlar, litr 1 300 1 400 1 500 III. Qon preparatlarini tayyorlash 9. Albumin, litr 700 850 1 000 10. Immunoglobulinlar, doza 1 500 1 750 2 000

Oʻzbekiston Respublikasi Prezidentining 2022-yil 9-avgustdagi PQ-348-son qaroriga 4-ILOVA

Oʻzbekiston Respublikasi Hukumatining ayrim qarorlariga kiritilayotgan

oʻzgartirishlar va qoʻshimcha

1. Vazirlar Mahkamasining 2014-yil 27-noyabrdagi 324-son qarori bilan tasdiqlangan Qon bilan ishlash xizmati faoliyatini muvofiqlashtirish tartibi toʻgʻrisidagi nizomning 4-bandi quyidagi tahrirda bayon etilsin:

“4. Qon bilan ishlash xizmati quyidagilarni oʻz ichiga oladi:

Respublika qon quyish markazi;

Toshkent shahridagi “Qon preparatlari” ilmiy-ishlab chiqarish korxonasi;

Qoraqalpogʻiston Respublikasi va viloyatlarning qon quyish stansiyalari;

Akademik V. Vohidov nomidagi Respublika ixtisoslashtirilgan xirurgiya ilmiy-amaliy tibbiyot markazi huzuridagi qon quyish stansiyasi;

Toshkent tibbiyot akademiyasi koʻp tarmoqli klinikasining qon quyish stansiyasi;

Qoraqalpogʻiston Respublikasi va viloyatlar koʻp tarmoqli tibbiyot markazlarining donor qonini tayyorlash bilan shugʻullanuvchi qon quyish boʻlimlari;

tuman (shahar) tibbiyot birlashmalarining donor qonini tayyorlash bilan shugʻullanuvchi qon quyish boʻlimlari;

vazirliklar, idoralar va boshqa davlat tashkilotlarining qon quyish stansiyalari va boʻlimlari”.

2. Vazirlar Mahkamasining 2014-yil 23-iyuldagi 202-son qarori bilan tasdiqlangan “Oʻzbekiston Respublikasi faxriy donori” (“Pochetniy donor Respubliki Uzbekistan”) koʻkrak nishoni toʻgʻrisidagi nizomning 31-bandida:

a) birinchi xatboshidagi “besh baravari” soʻzlari “oʻn besh baravari” soʻzlari bilan almashtirilsin;

b) quyidagi mazmundagi ikkinchi — beshinchi xatboshilar bilan toʻldirilsin:

“Oʻzbekiston Respublikasi faxriy donori” (“Pochetniy donor Respubliki Uzbekistan”) koʻkrak nishoni bilan taqdirlangan shaxslarga quyidagi huquqlar beriladi:

ular uchun qulay boʻlgan vaqtda yillik asosiy mehnat taʼtiliga chiqish;

shahar jamoat transportining barcha turlaridan (yoʻnalishli va yoʻnalishsiz taksilardan tashqari) bepul foydalanish;

davlat sanatoriy-kurortlarda davolanish uchun yoʻllanmalarni navbatsiz olish”.