Jismoniy tarbiya oʻqituvchilari (instruktor, kafedra mudirlari) faoliyati samaradorligini baholashning reyting tizimi toʻgʻrisidagi nizomga oʻzgartirishlar kiritish haqida (3135-2-son)

28.07.2022

Oʻzbekiston Respublikasi Sportni rivojlantirish vazirining

buyrugʻi

[Oʻzbekiston Respublikasi Adliya vazirligi tomonidan 2022-yil 28-iyulda roʻyxatdan oʻtkazildi, roʻyxat raqami 3135-2]

Oʻzbekiston Respublikasi Prezidentining 2019-yil 6-sentabrdagi PF-5812-son “Professional taʼlim tizimini yanada takomillashtirishga doir qoʻshimcha chora-tadbirlar toʻgʻrisida”gi, 2022-yil 18-fevraldagi PF-75-son “Turizm, madaniy meros va sport sohalarida davlat boshqaruvini takomillashtirishga doir tashkiliy chora-tadbirlar toʻgʻrisida”gi farmonlariga muvofiq buyuraman:

1. Oʻzbekiston Respublikasi jismoniy tarbiya va sport vazirining 2018-yil 28-dekabrdagi 29-mh-son buyrugʻi (roʻyxat raqami 3135, 2019-yil 4-fevral) (Qonun hujjatlari maʼlumotlari milliy bazasi, 05.02.2019-y., 10/19/3135/2571-son) bilan tasdiqlangan Jismoniy tarbiya oʻqituvchilari (instruktor, kafedra mudirlari) faoliyati samaradorligini baholashning reyting tizimi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur oʻzgartirishlar Oliy va oʻrta maxsus taʼlim vazirligi bilan kelishilgan.

3. Ushbu buyruq rasmiy eʼlon qilingan kundan eʼtiboran kuchga kiradi.

Vazir A. IKRAMOV

Toshkent sh.,

2022-yil 22-iyul,

10-mh-son

Kelishildi:

Oliy va oʻrta maxsus taʼlim vaziri A. TOShKULOV

2022-yil 21-iyul

Oʻzbekiston Respublikasi sportni rivojlantirish vazirining 2022-yil 22-iyuldagi 10-mh-son buyrugʻiga ILOVA

Jismoniy tarbiya oʻqituvchilari (instruktor, kafedra mudirlari) faoliyati samaradorligini baholashning reyting tizimi toʻgʻrisidagi nizomga kiritilayotgan oʻzgartirishlar

1. Muqaddima quyidagi tahrirda bayon etilsin:

“Ushbu Nizom davlat maktabgacha taʼlim tashkilotlarining jismoniy tarbiya instruktorlari, umumiy oʻrta taʼlim maktablari, akademik litsey va professional taʼlim muassasalarining jismoniy tarbiya oʻqituvchilari hamda oliy taʼlim muassasalarining jismoniy tarbiya oʻqituvchilari, kafedra mudirlarining (bundan buyon matnda pedagog kadrlar deb yuritiladi) faoliyati samaradorligini baholashning reyting tizimini belgilaydi.”.

2. 3-banddagi “kasb-hunar kollejlarini” degan soʻzlar “professional taʼlim muassasalarini” degan soʻzlar bilan almashtirilsin.

3. 6-bandda:

birinchi xatboshi quyidagi tahrirda bayon etilsin:

“6. Pedagog kadrlar faoliyati samaradorligini aniqlash maqsadida Qoraqalpogʻiston Respublikasi Sportni rivojlantirish vazirligi, viloyatlar va Toshkent shahar sportni rivojlantirish bosh boshqarmalari (bundan buyon matnda hududiy boshqarmalar deb yuritiladi) boshliqlarining buyrugʻi bilan davlat maktabgacha taʼlim tashkilotlari, umumiy oʻrta, akademik litsey va professional taʼlim muassasalari, oliy taʼlim muassasalari (bundan buyon matnda tegishli taʼlim muassasalari deb yuritiladi) bilan kelishilgan holda kamida 9 kishidan iborat baholash komissiyalari (bundan buyon matnda komissiya deb yuritiladi) tuziladi.”;

toʻrtinchi xatboshidagi “kasb-hunar taʼlimi” degan soʻzlar “professional taʼlim” degan soʻzlar bilan almashtirilsin.

4. 14-bandda:

ikkinchi va uchinchi xatboshilar chiqarib tashlansin;

toʻrtinchi-beshinchi hatboshilar tegishli ravishda ikkinchi-uchinchi xatboshilar deb hisoblansin.

5. 15-bandning ikkinchi xatboshisidan “pasport va taʼlim olganligi toʻgʻrisidagi hujjat nusxasi,” degan soʻzlar chiqarib tashlansin.

6. 18-banddagi “kasb-hunar kolleji” degan soʻzlar “professional taʼlim muassasasi” degan soʻzlar bilan almashtirilsin.

7. 21-bandda:

birinchi xatboshidagi “Oʻzbekiston Respublikasi Jismoniy tarbiya va sport vazirligiga” degan soʻzlar “Oʻzbekiston Respublikasi Sportni rivojlantirish vazirligiga” degan soʻzlar bilan almashtirilsin;

ikkinchi xatboshidagi “Oʻzbekiston Respublikasi Jismoniy tarbiya va sport vazirligi” degan soʻzlar “Oʻzbekiston Respublikasi Sportni rivojlantirish vazirligi” degan soʻzlar bilan almashtirilsin.

8. 3-ilova mazkur oʻzgartirishlarning ilovasiga muvofiq tahrirda bayon etilsin.

Jismoniy tarbiya oʻqituvchilari (instruktor, kafedra mudirlari) faoliyati samaradorligini baholashning reyting tizimi toʻgʻrisidagi nizomga kiritilayotgan oʻzgartirishlarga ILOVA

“Jismoniy tarbiya oʻqituvchilari (instruktor, kafedra mudirlari) faoliyati samaradorligini baholashning reyting tizimi toʻgʻrisidagi nizomga 3-ILOVA

(Qonunchilik maʼlumotlari milliy bazasi, 28.07.2022-y., 10/22/3135-2/0684-son)