“Birja savdolarida polietilenni sotish tartibi haqidagi nizomni tasdiqlash toʻgʻrisida”gi qarorni oʻz kuchini yoʻqotgan deb topish haqida (1837-1-son)

25.07.2022

Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Oʻzbekiston Respublikasi Moliya vazirligining

Qarori

[Oʻzbekiston Respublikasi Adliya vazirligi tomonidan 2022-yil 25-iyulda roʻyxatdan oʻtkazildi, roʻyxat raqami 1837-1]

Oʻzbekiston Respublikasi Vazirlar Mahkamasining 2020-yil 18-martdagi 170-son “Tovar xomashyo birjalari faoliyatiga ilgʻor axborot texnologiyalarini keng joriy etish va elektron tijorat faoliyatini izchil rivojlantirish boʻyicha qoʻshimcha chora-tadbirlar toʻgʻrisida”gi qaroriga muvofiq Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi va Moliya vazirligi qaror qiladi:

1. Oʻzbekiston Respublikasi Iqtisodiyot vazirligi va Moliya vazirligining 2008-yil 30-iyundagi 55 va 68-son “Birja savdolarida polietilenni sotish tartibi haqidagi nizomni tasdiqlash toʻgʻrisida”gi qarori (roʻyxat raqami 1837, 2008-yil 16-iyul) (Oʻzbekiston Respublikasi qonun hujjatlari toʻplami, 2008-y., 29-30-son, 289-modda) oʻz kuchini yoʻqotgan deb topilsin.

2. Mazkur qaror Oʻzbekiston Respublikasi Markaziy banki, Monopoliyaga qarshi kurashish qoʻmitasi, “Oʻzbekneftgaz” AJ va “Oʻzbekiston respublika tovar-xomashyo birjasi” AJ bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.

Iqtisodiy taraqqiyot va kambagʻallikni qisqartirish vaziri D. KUChKAROV

Toshkent sh.,

2022-yil 8-iyul,

55-son

Moliya vaziri T. IShMETOV

Toshkent sh.,

2022-yil 7-iyul,

31-son

Kelishildi:

“Oʻzbekiston respublika tovar-xomashyo birjasi” AJ Boshqaruv raisi Z. BADRIDDINOV

2022-yil 9-iyun

“Oʻzbekneftgaz” AJ Boshqaruv raisi M. ABDULLAYEV

2022-yil 14-iyun

Markaziy bank raisi M. NURMURATOV

2022-yil 17-iyun

Monopoliyaga qarshi kurashish qoʻmitasi raisi Sh. ShARAXMETOV

2022-yil 9-iyun