Jahon iqtisodiyoti va diplomatiya universiteti faoliyatini tizimli isloh qilish chora-tadbirlari toʻgʻrisida (PQ-330-son)
23.07.2022
Oʻzbekiston Respublikasi Prezidentining
Qarori
Diplomatik kadrlar hamda mamlakat tashqi siyosiy va tashqi iqtisodiy faoliyatining ilmiy-tadqiqot taʼminotini kuchaytirish, diplomatik kadrlarni tanlash, tayyorlash, qayta tayyorlash, malakasini oshirish va ularning zaxirasini yaratish tizimini yanada takomillashtirish maqsadida:
1. Tashqi ishlar vazirligi hamda Oliy va oʻrta maxsus taʼlim vazirligining Jahon iqtisodiyoti va diplomatiya universiteti (keyingi oʻrinlarda — Universitet) faoliyatini yanada rivojlantirishga qaratilgan quyidagi takliflari maʼqullansin:
a) 2022/2023 oʻquv yilidan boshlab quyidagilarni nazarda tutuvchi yangi avlod oliy taʼlim muassasasi — “Smart Universitet” konsepsiyasi asosida Universitet faoliyatini transformatsiya qilish:
Universitetda akademik faoliyatni ilmiy-tahliliy yoʻnaltirilganlik va akademik yaxlitlik taʼlim texnologiyalari hamda ularni taʼminlovchi dasturiy-apparat kompleksi asosida, shu jumladan antiplagiat tizimini joriy etgan holda tashkil etish;
talabalarda bilimni mustaqil shakllantirish, tizimli tahlil qilish, ijodiy fikrlash koʻnikmalarini rivojlantirish maqsadida taʼlimni raqamli texnologiyalar asosida individuallashtirish, oʻquv dasturlari va ular kontentlarining raqamlashtirilgan shakllari, jumladan darsliklar, ilmiy-tadqiqot ishlari, maqolalar, taqdimotlar, multimedia taʼlim mahsulotlari, maʼruzalarning audio va video yozuvlarini oʻz ichiga oluvchi maxsus platformani joriy etish;
talabalar uchun bakalavriat va magistraturaning barcha bosqichlarida individual taʼlim trayektoriyasini ishlab chiqish, oʻquv reja va dasturlarida, shu jumladan fanlar ketma-ketligi asosida oʻqitishni nazarda tutish;
axborot resurs markazlari fondlarini elektron shaklga oʻtkazish, dunyoning nufuzli ilmiy maʼlumot bazalariga ulanish, nazorat ishlari, magistrlik va doktorlik dissertatsiyalari hamda boshqa resurslardan iborat ilmiy-texnik maʼlumotlar elektron bazasini yaratish;
oʻquv va ilmiy jarayonlarni boshqarish, talabalarning darsdan tashqari vaqtlarini mazmunli tashkil etish, shuningdek, barcha hujjatlar aylanmasini raqamlashtirish;
b) 2022/2023 oʻquv yilidan boshlab muntazam ravishda ilgʻor marketing strategiyasi asosida Universitet brendini yanada ommalashtirish, unda olib borilayotgan akademik, ilmiy va maʼrifiy jarayonlarni milliy va xalqaro maydonda keng targʻib etish;
v) 2025-yilga qadar Universitetni xalqaro eʼtirof etilgan tashkilotlarning (Quacquarelli Symonds World University Rankings yoki Times Nigher Education) (keyingi oʻrinlarda — xalqaro eʼtirof etilgan tashkilotlar) sohaviy, mintaqaviy yoxud tematik reytinglariga kiritilishiga erishish.
2. Universitet (S. Safoyev) manfaatdor vazirlik va idoralar bilan birgalikda Universitet faoliyatini transformatsiya qilish maqsadida quyidagilarni amalga oshirsin:
a) har yili:
xalqaro eʼtirof etilgan tashkilotlar reytingining birinchi 1 000 talik roʻyxatiga kirgan oliy taʼlim muassasalarining 10 — 20 nafar professor-oʻqituvchilari Universitetning oʻquv va ilmiy jarayoniga jalb qilinishini taʼminlash;
Universitetning kamida 10 nafar professor-oʻqituvchilari, doktorantlari va magistrantlarini xorijiy davlatlarning yetakchi taʼlim muassasalariga ilmiy stajirovka va malaka oshirish uchun, shuningdek, talabalar almashinuvi dasturlari asosida tahsil olish uchun yuborish;
b) 2025-yil 1-yanvarga qadar:
Universitet jurnalini Scopus xalqaro ilmiy-texnik maʼlumotlar bazasiga kiritish choralarini koʻrish;
Universitet ilmiy salohiyatining 60 foizga yetkazilishini taʼminlash;
xalqaro eʼtirof etilgan tashkilotlar reytingining birinchi 500 talik roʻyxatiga kirgan oliy taʼlim muassasalari bilan hamkorlikda kamida 4 ta qoʻshma taʼlim dasturlarini amalga oshirish;
kamida 2 ta bakalavriat taʼlim yoʻnalishlari va kamida 3 ta magistratura mutaxassisliklarini xalqaro eʼtirof etilgan tashkilotlar akkreditatsiyasidan oʻtkazish.
3. Universitetga:
xalqaro munosabatlar, jahon va mintaqa taraqqiyotining siyosiy muammolari, jahon iqtisodiyoti, xalqaro huquq ixtisosliklari boʻyicha ilmiy darajalar beruvchi ilmiy kengashlar tuzish va ularning tarkibini tasdiqlash hamda mazkur ilmiy kengashlarga talabgorlarni ilmiy darajalarda mustaqil tasdiqlash boʻyicha qarorlar qabul qilish;
professor-oʻqituvchilariga ilmiy unvonlarni berish hamda ularni ishga qabul qilishda akademik mustaqillik negizida berilgan ilmiy unvonlar va ilmiy darajalarni tan olish vakolati berilsin.
4. Universitet hamda Oliy va oʻrta maxsus taʼlim vazirligining 2022/2023 oʻquv yili ikkinchi semestrida Samarqand davlat universiteti, Toshkent davlat iqtisodiyot universiteti, Toshkent davlat sharqshunoslik universiteti hamda Toshkent davlat yuridik universiteti bilan Universitet oʻrtasida talabalar almashinuvini nazarda tutuvchi ichki akademik mobillik dasturlari asosida taʼlim olish istagini bildirgan talabalar uchun bir semestr mos taʼlim yoʻnalishlari boʻyicha oʻqitishni tashkil etish toʻgʻrisidagi taklifi maʼqullansin.
5. Tashqi ishlar vazirligi:
Oliy va oʻrta maxsus taʼlim vazirligi bilan birgalikda Universitet talabalarini ular amaliyot oʻtashi uchun yetakchi korxona va tashkilotlar, jumladan xalqaro faoliyatga jalb etilgan vazirlik va idoralar boʻlinmalari, huquqiy yoki konsalting, taʼlim va boshqa xizmat koʻrsatuvchi tashkilotlar, turizm obyektlariga biriktirish hamda yuqori kurs talabalarini band qilish choralarini koʻrsin;
Investitsiyalar va tashqi savdo vazirligi bilan birgalikda 2022/2023 oʻquv yilidan boshlab Universitetning iqtidorli talabalari ishlab chiqarish amaliyotini oʻtash uchun Oʻzbekiston Respublikasining xorijdagi diplomatik vakolatxonalariga yuborilishini taʼminlasin.
6. Quyidagilar:
2022 — 2025-yillarda Jahon iqtisodiyoti va diplomatiya universitetini transformatsiya qilish va kompleks rivojlantirish dasturi 1-ilovaga muvofiq;
2022-2023-yillarda Jahon iqtisodiyoti va diplomatiya universitetining moddiy-texnika bazasini modernizatsiya qilish dasturi 2-ilovaga muvofiq;
2022 — 2026-yillarda Jahon iqtisodiyoti va diplomatiya universitetini rivojlantirishning maqsadli koʻrsatkichlari 3-ilovaga muvofiq;
Jahon iqtisodiyoti va diplomatiya universiteti kafedralarini Oʻzbekiston Respublikasining xorijdagi diplomatik vakolatxonalariga biriktirish roʻyxati 4-ilovaga muvofiq tasdiqlansin.
7. Universitet huzuridagi Oliy diplomatiya maktabi negizida Diplomatik akademiya (keyingi oʻrinlarda — Diplomatik akademiya) tashkil etilsin va quyidagilar uning ustuvor vazifalari etib belgilansin:
Oʻzbekiston Respublikasi milliy manfaatlaridan kelib chiqqan holda diplomatik kadrlar, jumladan yuqori boʻgʻin diplomatlarini (elchi va maslahatchilarni) tizimli ravishda tayyorlash;
davlat boshqaruvi tizimi va mahalliy hokimiyat organi xodimlari safidan munosib nomzodlarni tanlab olish, tayyorlash hamda diplomatik rahbar xodimlar (elchi, bosh konsul va maslahatchilar) zaxirasini yaratish;
kamida 3 yillik ish tajribasiga ega boʻlgan xodimlarni tor magistratura mutaxassisliklari boʻyicha oʻqitish;
Qoraqalpogʻiston Respublikasi Vazirlar Kengashi Raisining, viloyatlar va Toshkent shahar, shuningdek, tuman (shahar) hokimlarining investitsiyalar va tashqi savdo masalalari boʻyicha oʻrinbosarlari, tashqi siyosiy, tashqi iqtisodiy va xalqaro-huquqiy faoliyat sohasidagi mutaxassislar hamda xodimlarni qisqa va uzoq muddatli oʻquv kurslarida toʻlov-shartnoma asosida, shu jumladan masofaviy tarzda qayta tayyorlash va ularning malakasini oshirish;
Tashqi ishlar vazirligi buyurtmasiga muvofiq xorijga uzoq muddatli safarga chiqib ketayotgan xodimlar, shu jumladan maʼmuriy-texnik xodimlar va ularning oila aʼzolari uchun mezbon mamlakatning oʻziga xosliklari, diplomatik protokol va etiket xususiyatlari, chet elda yashash hamda mahalliy aholi bilan muloqot qoidalari kabilar bilan tanishtirishga qaratilgan qisqa muddatli kurslar tashkil qilish;
yetakchi xorijiy taʼlim muassasalari bilan birgalikda magistratura va oliy taʼlimdan keyingi taʼlim boʻyicha qoʻshma taʼlim dasturlarini joriy qilish;
diplomatik faoliyatni ilmiy-metodik jihatdan taʼminlash, xalqaro munosabatlarning dolzarb muammolari yuzasidan tizimli asosda ilmiy-tadqiqot dasturlari va loyihalarni, shu jumladan milliy, xorijiy va xalqaro grantlarni jalb qilgan holda amalga oshirish;
respublika oliy taʼlim muassasalarining professor-oʻqituvchilari uchun Universitet taʼlim yoʻnalishlariga mos boʻlgan doimiy faoliyat yurituvchi qayta tayyorlash va malaka oshirish kurslarini tashkil qilish;
taʼlim jarayoniga zamonaviy pedagogik va axborot-kommunikatsiya texnologiyalarini, masofaviy taʼlimni keng joriy etish;
diplomatik kadrlar tayyorlash, qayta tayyorlash va malakasini oshirish bilan shugʻullanadigan yetakchi xorijiy taʼlim tashkilotlari bilan uzoq muddatli hamkorlikni yoʻlga qoʻyish va qoʻshma loyihalarni amalga oshirish.
Belgilansinki, 2023-yil 1-yanvardan boshlab roʻyxati 5-ilovada keltirilgan lavozimlarga Diplomatik akademiyaning oʻquv kurslarini tamomlagan nomzodlar tayinlanadi.
8. Diplomatik akademiya Universitet Kuzatuv kengashi bilan kelishgan holda:
kasbiy standartlar asosida ishlab chiqilgan va tasdiqlangan malaka talablari, oʻquv rejalari va oʻquv dasturlari, shuningdek, ilgʻor xorijiy tajriba va oʻquv jarayonining amaliyot bilan qoʻshib olib borilishini hisobga oluvchi baholash tizimi boʻyicha oʻqitishni tashkil etish;
toʻlov-kontrakt va budjetdan tashqari mablagʻlar hisobidan moddiy-texnika bazasini mustahkamlash, shartnoma asosida mutaxassislarni taklif qilish, Diplomatik akademiya xodimlarini moddiy ragʻbatlantirish;
shartnoma asosida konsalting va ekspert-analitik xizmatlar koʻrsatish choralarini koʻrsin.
9. Belgilansinki:
a) Universitet rektoriga Kuzatuv kengashi bilan kelishgan holda xodimlarning belgilangan soni va mehnatga haq toʻlash jamgʻarmasi doirasida Diplomatik akademiya tashkiliy tuzilmasiga oʻzgartirishlar kiritish huquqi beriladi;
b) Diplomatik akademiya:
xodimlariga respublika oliy taʼlim muassasalarida tegishli lavozimlar uchun koʻzda tutilgan mehnatga haq toʻlash miqdori va shartlari tatbiq qilinadi;
Oliy diplomatiya maktabining huquq, majburiyat va shartnomalari boʻyicha huquqiy vorisi hisoblanadi;
faoliyati Davlat budjeti mablagʻlari, Universitet ajratmalari, shartnoma asosidagi xizmatlardan tushgan mablagʻlar, ilmiy-tadqiqot dasturlari uchun ajratilgan grantlar, shuningdek, qonunchilik hujjatlari bilan taqiqlanmagan boshqa manbalar hisobidan moliyalashtiriladi.
10. Jahon iqtisodiyoti va diplomatiya universiteti huzuridagi Diplomatik akademiyaning tuzilmasi 6-ilovaga muvofiq tasdiqlansin.
11. Universitetni xalqaro va mintaqaviy tadqiqotlar yoʻnalishida mamlakatning yetakchi muassasasiga aylantirish maqsadida Universitet tuzilmasidagi Xalqaro iqtisodiy va siyosiy tadqiqotlar markazi hamda Xalqaro-huquqiy tadqiqotlar va qiyosiy ommaviy huquq markazi negizida yuridik shaxs maqomiga ega boʻlgan Jahon iqtisodiyoti va diplomatiya universiteti huzuridagi Istiqbolli xalqaro tadqiqotlar instituti (keyingi oʻrinlarda — Institut) tashkil etilsin hamda quyidagilar uning asosiy vazifalari etib belgilansin:
mamlakat tashqi siyosiy va tashqi iqtisodiy faoliyatini tizimli ravishda ilmiy-metodologik hamda axborot-tahliliy jihatdan taʼminlab borish;
Oʻzbekiston Respublikasining tashqi siyosiy va tashqi iqtisodiy manfaatlarini ilgari surishda muhim ahamiyatga ega boʻlgan xalqaro munosabatlar, jahon iqtisodiyoti, xalqaro huquq, mintaqashunoslik va mamlakatshunoslikning dolzarb muammolarini fanlararo asosda oʻrganish;
hozirgi zamon jahon siyosati va iqtisodiyotining dolzarb muammolarini tadqiq qilish boʻyicha mamlakat boshqaruv organlari oʻzlarining xalqaro faoliyatlarida foydalanishlari uchun tegishli axborot-tahliliy va prognoz hujjatlar hamda tavsiyalar tayyorlash;
Afgʻoniston va Janubiy Osiyo, Osiyo-Tinch okeani mintaqasi, Yevropa va Amerikani oʻrganish, hozirgi global taraqqiyot, barqaror rivojlanish muammolari, energetik geosiyosat, iqtisodiy diplomatiya, xalqaro-huquq masalalari boʻyicha fundamental va amaliy tadqiqotlar olib borish, konfliktologiya masalalarini oʻrganish.
12. Tashqi ishlar vazirligining Jahon iqtisodiyoti va diplomatiya universiteti huzurida yuridik shaxs maqomiga ega boʻlgan davlat muassasasi shaklidagi “Xalqaro munosabatlar: siyosat, iqtisodiyot, huquq” jurnali tahririyatini (keyingi oʻrinlarda — Tahririyat) tashkil etish toʻgʻrisidagi taklifiga rozilik berilsin.
Universitet (S. Safoyev) jurnalni yetakchi xorijiy va mahalliy olimlarning Oʻzbekiston manfaatlariga mos zamonaviy xalqaro-siyosiy, huquqiy va iqtisodiy muammolarga bagʻishlangan maqolalarini jamlovchi va chop etuvchi ixtisoslashgan nufuzli ilmiy nashr darajasiga olib chiqishni taʼminlasin.
Vazirlar Mahkamasi ikki hafta muddatda Institut hamda Tahririyat faoliyatini yoʻlga qoʻyish toʻgʻrisida Hukumat qarorini qabul qilsin.
13. Belgilansinki, Diplomatik akademiya, Institut hamda Tahririyat rahbarlari Universitet rektori tomonidan Kuzatuv kengashi bilan kelishilgan holda lavozimga tayinlanadi va lavozimidan ozod etiladi.
14. Mamlakat tashqi siyosiy va tashqi iqtisodiy faoliyati hamda xalqaro huquq sohalari uchun iqtidorli yoshlarni saralab olish, malakali mutaxassislar tayyorlashga qaratilgan milliy taʼlim tizimining uzluksizligi va izchilligini taʼminlash maqsadida 2022/2023 oʻquv yilidan boshlab Universitetga quyidagi qoʻshimcha vakolatlar berilsin:
Universitet huzuridagi akademik litseyning (keyingi oʻrinlarda — Akademik litsey) oʻquv-uslubiy jarayonini muvofiqlashtirish, uning tuzilmasi, oʻquv rejalari va dasturlarini ishlab chiqish va tasdiqlash, qabul parametrlari va taʼlim yoʻnalishlarini belgilash;
Akademik litsey pedagog xodimlarining mehnatini meʼyorlashtirish;
Akademik litseyda fakultativ mashgʻulotlar oʻtkazishni autsorsing shartlarida tashkil etish.
Vazirlar Mahkamasi bir oy muddatda Akademik litseyning moddiy-texnika bazasini mustahkamlashga oid Hukumat qarorini qabul qilsin.
15. Tashqi ishlar vazirligi Oliy va oʻrta maxsus taʼlim vazirligi hamda Adliya vazirligi bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
16. Mazkur qaror ijrosini samarali tashkil qilishga masʼul va shaxsiy javobgar etib tashqi ishlar vaziri v.b. V.I. Norov hamda oliy va oʻrta maxsus taʼlim vaziri A.H. Toshqulov belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 23-iyul,
PQ-330-son
Oʻzbekiston Respublikasi Prezidentining 2022-yil 23-iyuldagi PQ-330-son qaroriga 1-ILOVA
2022 — 2025-yillarda Jahon iqtisodiyoti va diplomatiya universitetini transformatsiya qilish va kompleks rivojlantirish
DASTURI
T/r Chora-tadbirlar nomi Amalga oshirish mexanizmi Ijro muddati Moliyalashtirish manbalari Masʼullar I. Universitetni transformatsiya qilish chora-tadbirlari 1. Universitetni uzoq va oʻrta muddatli strategik rivojlantirish dasturini ishlab chiqish. 1. Strategik rivojlantirish dasturi loyihasini ishlab chiqish hamda xorijlik va vatandosh ekspertlar muhokamasidan oʻtkazish. 2022-yil avgust-sentabr Universitetning budjetdan tashqari mablagʻlari Universitet Kuzatuv kengashi (V. Norov), Universitet (S. Safoyev) 2. Ishlab chiqilgan dastur loyihasini Universitetning Kuzatuv kengashi qarori bilan tasdiqlash. 2022-yil sentabr 2. Universitet Transformatsiya ofisini tashkil etish. 1. Transformatsiya ofisi nizomi va shtatlar jadvalini ishlab chiqish. 2022-yil sentabr Universitetning budjetdan tashqari mablagʻlari Universitet Kuzatuv kengashi (V. Norov), Universitet (S. Safoyev) 2. Transformatsiya ofisi rahbari lavozimiga nomzodni xalqaro munosabatlar, jahon iqtisodiyoti va diplomatiya sohasida yuqori tajribaga ega boʻlgan, Oʻzbekiston Respublikasining manfaatlarini xorijda ilgari surgan tajribali, yuqori boʻgʻin diplomatlari orasidan koʻrsatish. 2022-yil oktabr 3. Ofis rahbari maslahatchisi lavozimiga nomzodni rivojlangan xorijiy davlatlar nufuzli oliy taʼlim muassasalarida ish tajribasiga ega boʻlgan soha kadrlari orasidan koʻrsatish. 2022-yil oktabr 3. Universitetni xalqaro eʼtirof etilgan tashkilotlarning sohaviy, mintaqaviy yoxud tematik reytinglaridagi oliy taʼlim muassasalari roʻyxatiga kiritilishiga erishish boʻyicha tizimli va samarali ishlarni olib borish. 1. Universitetning xalqaro reytingdagi oʻrnini oshirish maqsadida uning faoliyatini tahlil qilish. 2022-yil sentabr Universitetning budjetdan tashqari mablagʻlari Universitet Kuzatuv kengashi (V. Norov), Universitet (S. Safoyev) 2. Tahlil natijasida Quacquarelli Symonds (QS) va Times Nigher Education (TNE) xalqaro reytinglarida ishtirok etish boʻyicha chora-tadbirlar rejasini ishlab chiqish. Doimiy 3. Chora-tadbirlar rejasida belgilangan vazifalar samaradorligi monitoringini yuritish. 4. Universitetning xalqaro miqyosda tanilishi boʻyicha targʻibot tadbirlarini tashkil etish. 1. Universitet faoliyatini targʻibot qilish boʻyicha media-dastur ishlab chiqish. Har yili dekabr Universitetning budjetdan tashqari mablagʻlari Universitet Kuzatuv kengashi (V. Norov), Universitet (S. Safoyev) 2. Oliy taʼlim boʻyicha xalqaro koʻrgazmalarda ishtirok etish grafigini ishlab chiqish. Har yili yanvar 3. Targʻibot materiallari, shu jumladan videoroliklar, tarqatma materiallar va taqdimotlarni tayyorlash. Har yili mart 4. Milliy va xorijiy ommaviy axborot vositalari, Internet tarmogʻi va boshqa vositalar orqali targʻibot ishlarini tizimli ravishda amalga oshirish. Doimiy 5. Universitetning moliyaviy holatini yaxshilash imkoniyatlarini kengaytirish. 1. Taʼlim, ilm-fan, uning natijalarini tijoratlashtirish boʻyicha tijorat va notijorat tashkilotlar bilan hamkorlikni tashkil etish. Doimiy Universitetning budjetdan tashqari mablagʻlari Universitet Kuzatuv kengashi (V. Norov), Universitet (S. Safoyev) 2. Universitetning 2023-yilda kutilayotgan daromadlari va xarajatlari toʻgʻrisida prognoz koʻrsatkichlarini aniqlash. 2022-yil oktabr 6. Universitet huzuridagi Oliy diplomatiya maktabi negizida Jahon iqtisodiyoti va diplomatiya universiteti huzuridagi Diplomatik akademiyani tashkil etish. 1. Diplomatik akademiya taʼsis hujjatlarini ishlab chiqish va davlat roʻyxatidan oʻtkazish. 2022-yil avgust Universitetga ajratilgan budjet mablagʻlari doirasida Universitet (S. Safoyev) 2. Diplomatik akademiya faoliyatini tashkil etish boʻyicha kompleks dastur ishlab chiqish va tasdiqlash. 2022-yil avgust 3. ���aʼmuriy va oʻquv xonalarini zamonaviy ravishda jihozlash va ish jarayoniga tayyorlash. 2022-yil sentabr 4. Tayinlanishi uchun Diplomatik akademiyaning oʻquv kurslarini tamomlash talab etiladigan lavozimlar boʻyicha oʻqitish tartibini nazarda tutuvchi normativ-huquqiy hujjat loyihasini ishlab chiqish va Vazirlar Mahkamasiga kiritish. 2022-yil sentabr 5. Diplomatik akademiya shtatlar jadvalini tasdiqlash va uni salohiyati yuqori, katta amaliy tajribaga ega kadrlar, jumladan, xorijlik mutaxassislar bilan toʻldirish. 2022-yil oktabr 7. Universitetning Yoshlar bilan ishlash, maʼnaviyat va maʼrifat boʻlimi negizida Besh muhim tashabbus markazini tashkil etish. 1. Markaz nizomi, ish rejasini ishlab chiqish va tasdiqlash. 2022-yil avgust Universitetning budjetdan tashqarimablagʻlari Universitet Kuzatuv kengashi (V. Norov), Universitet (S. Safoyev) 2. Markaz shtatlar jadvalini tuzish hamda soha mutaxassislarini ishga qabul qilish. 3. Markaz tomonidan: havaskorlik teatr studiyasi, milliy qoʻshiq va raqs ansambli faoliyatini yoʻlga qoʻyish; Universitet sport bazalarida milliy sport oʻyinlari va ochiq musobaqalar oʻtkazish; IT savodxonlik musobaqalarini tashkil etish; kitobxonlik klublarini tashkil etish, badiiy adabiyotlar taqdimotlarini yoʻlga qoʻyish; oila va sogʻlom turmushga oid seminar-treninglar oʻtkazib borish. Doimiy 8. Universitetga xorijiy talabalarni jalb etishni kengaytirish. 1. Xorijiy mamlakatlar mehnat bozoridagi talabni doimiy oʻrganish va xalqaro taʼlim koʻrgazmalarida ishtirok etish rejasini ishlab chiqish. 2022-yil avgust Universitetning budjetdan tashqari mablagʻlari Universitet (S. Safoyev) 2. Aniqlangan talabga muvofiq xorijiy fuqarolarni toʻlov-kontrakt asosida, shu jumladan, masofaviy taʼlim shaklida qabul qilish va oʻqitishni tashkil etish. 2023/2024 oʻquv yilidan boshlab 9. Universitetda yoshlar oʻrtasida ilmiy-madaniy hamkorlikni yoʻlga qoʻyish. 1. Yozgi maktablarni tashkil qilish dasturini ishlab chiqish va tasdiqlash; 2022-yil sentabr Universitetning budjetdan tashqari mablagʻlari, homiylik va grant mablagʻlari Universitet (S. Safoyev) 2. Yozgi maktablar tashkil etilishiga qaratilgan xalqaro loyihalar bazasini shakllantirish va ularda talaba yoshlar ishtirokini taʼmin�a�. Doimiy 3. Yozgi maktablar faoliyatini respublika miqyosida ommalashtirish. 10. Universitet va uning huzuridagi akademik litsey tuzilmasi va nizomini ilgʻor xorijiy oliy taʼlim muassasalari tajribasi asosida qayta koʻrib chiqish. 1. Yetakchi xorijiy taʼlim muassasalarining tuzilmasi, boshqaruv tizimi va nizomlarini oʻrganish. 2022-yil avgust Universitetning budjetdan tashqari mablagʻlari Universitet Kuzatuv kengashi (V Norov), Universitet (S. Safoyev) 2. Universitet va uning huzuridagi Akademik litseyning yangilangan nizomi va tuzilmasini ishlab chiqish va tasdiqlash. 2022-yil sentabr II. Universitetning taʼlim jarayonini samarali tashkil qilish 11. Kasb standartlari asosida bakalavriat taʼlim yoʻnalishlari va magistratura mutaxassisliklari kesimida malaka talablari, oʻquv reja va oʻquv dasturlarini ishlab chiqish va tasdiqlash. 1. Ish beruvchi vazirlik va idoralar bilan birgalikda taʼlim yoʻnalishlari va mutaxassisliklari kesimida kasbga quyiladigan talablarni shakllantirish. 2022-yil avgust Universitetning budjetdan tashqari mablagʻlari Universitet Kuzatuv kengashi (V. Norov), Universitet (S. Safoyev), Taʼlim sifatini nazorat qilish davlat inspeksiyasi (U. Tashkenbayev) 2. Kasbiy va taʼlim talablari uygʻunlashgan holda taʼlim yoʻnalishlari va mutaxassisliklari kesimida kasb standartini ishlab chiqish. 2022-yil avgust 3. Kasb standartlari asosida taʼlim yoʻnalishlari va mutaxassisliklari kesimida malaka talablari, oʻquv reja va oʻquv dasturlarini ishlab chiqish va tasdiqlash. 2022-yil avgust 12. Universitetda 2025-yilda ilmiy darajali oʻqituvchilar sonini 60 foizga yetkazish. 1. Universitetning budjetdan tashqari mablagʻlari hisobiga talabgorlarni doktoranturaga qabul qilish tartibini ishlab chiqish. 2022-yil avgust Universitetning budjetdan tashqari mablagʻlari Universitet (S. Safoyev), Innovatsion rivojlanish vazirligi (I. Abduraxmonov) 2. Talabgorlarni tayanch doktorantura va doktoranturaga Universitetning budjetdan tashqari mablagʻlari hisobiga qoʻshimcha qabul qilish. 2022/2023 oʻquv yilidan boshlab 13. Xalqaro eʼtirof etilgan tashkilotlarning sohaviy, mintaqaviy yoxud tematik reytinglaridagi oliy taʼlim muassasalari roʻyxatigakirgan oliy taʼlim muassasalari professor-oʻqituvchilarining Universitetdagi ulushini oshirish. 1. Universitetga jalb qilingan xorijiy mutaxassislar mehnatiga haq toʻlash miqdorlarini belgilash tartibini tasdiqlash. 2022-yil avgust Universitetning budjetdan tashqari mablagʻlari, grant mablagʻlari Universitet Kuzatuv kengashi (V. Norov), Universitet (S. Safoyev) 2. Xalqaro eʼtirof etilgan tashkilotlarning sohaviy, mintaqaviy yoxud tematik reytinglaridagi oliy taʼlim muassasalari roʻyxatiga kirgan oliy taʼlim muassasalari professor-oʻqituvchilarini oʻquv va ilmiy jarayonga har yili 10 — 20 nafardan jalb qilish. 2022/2023 oʻquv yilidan boshlab 14. Professor-oʻqituvchi va ilmiy-pedagog xodimlarning kasbiy mahoratini xorijiy oliy taʼlim muassasalarida oshirish. 1. Professor-oʻqituvchilar, doktorantlar va magistrantlarni xorijiy davlatlarning yetakchi taʼlim muassasalarida ilmiy stajirovka va malaka oshirishga yuborish boʻyicha tanlov oʻtkazish. 2. Har yili 10 nafargacha tanlovdan muvaffaqiyatli oʻtganlarni ilmiy stajirovka va malaka oshirishga yuborish. Doimiy Universitetning budjetdan tashqari mablagʻlari, homiylik va grant mablagʻlari Universitet Kuzatuv kengashi (V. Norov), Universitet (S. Safoyev) 15. Universitet oʻquv jarayoniga jalb qilinadigan professor-oʻqituvchilarni ishga qabul qilish tartibini soddalashtirish. 1. Universitetga pedagog va boshqa xodimlarni ishga qabul qilish tartibini ishlab chiqish va tasdiqlash. 2022-yil avgust Universitetning budjetdan tashqari mablagʻlari Universitet Kuzatuv kengashi (V. Norov), Universitet (S. Safoyev) 2. Universitet rahbariyati, kafedralari va tarkibiy boʻlinmalari faoliyati samaradorligini baholash mezonlari (KPI) asosida ragʻbatlantirib borish tizimini joriy etish. 2022-yil avgust 16. Xorijiy davlatlarning oliy taʼlim muassasalari bilan taʼlim oluvchilarning akademik almashinuvini rivojlantirish. 1. Xalqaro tan olingan tashkilotlarning sohaviy, mintaqaviy yoxud tematik reytinglaridagi oliy taʼlim muassasalari roʻyxatigakirgan xorijiy oliy taʼlim muassasalari bilan hamkorlikda qoʻshma taʼlim dasturlarini amalga oshirish. 2. Qoʻshma taʼlim dasturlari asosida tashkil etilgan taʼlim yoʻnalishlari va mutaxassisliklari boʻyicha oʻquv jarayonini toʻliq xorijiy tillarda tashkil etish. 3. Xorijiy tilni bilish boʻyicha xalqaro yoki milliy sertifikatga ega talabgorlarni qoʻshma taʼlim dasturlariga qabul qilinishini taʼminlash. 2022/2023 oʻquv yilidan boshlab Universitetning budjetdan tashqari mablagʻlari, homiylik va grant mablagʻlari Universitet Kuzatuv kengashi (V. Norov), Universitet (S. Safoyev) 17. Universitet oʻz grifi asosida darsliklar hamda boshqa oʻquv-ilmiy adabiyotlarni tayyorlash va nashr etish. 1. Universitetning oʻquv adabiyotlari taʼminotini xatlovdan oʻtkazish va yangi adabiyotlarga talabni aniqlash. 2022-yil avgust Universitetning budjetdan tashqari mablagʻlari Universitet (S. Safoyev) 2. Yangilanadigan adabiyotlar roʻyxatini tasdiqlash va ularni nashr qilish reja-jadvalini ishlab chiqish. 2022-yil sentabr 18. Universitetdagi taʼlim sifatini ichki baholashda xalqaro akkreditatsiya tashkilotlari xizmatlaridan foydalanish. 1. Universitetdagi taʼlim sifatini ichki baholashga xalqaro akkreditatsiya tashkilotlarini taklif etish. 2022-yil oktabr Universitetning budjetdan tashqari mablagʻlari Universitet (S. Safoyev), Taʼlim sifatini nazorat qilish davlat inspeksiyasi (U. Tashkenbayev) 2. Taʼlim yoʻnalishlari va magistratura mutaxassisliklarini bosqichma-bosqich akkreditatsiyadan oʻtkazishga tayyorlash. 2022/2023 oʻquv yilidan boshlab 3. Tizimli kamchiliklarni bartaraf etish boʻyicha chora-tadbirlar ishlab chiqish. 19. Universitet kafedralarining oʻquv, ilmiy va innovatsion faoliyatini tubdan takomillashtirish. 1. Zamonaviy taʼlim yoʻnalishlarini inobatga olgan holda, Universitet kafedralarining ilmiy faoliyatini soha muammolarining yechimiga yoʻnaltirish maqsadida qaytadan tashkil etish. 2022-yil avgust-sentabr Universitetning budjetdan tashqari mablagʻlari Universitet Kuzatuv kengashi (V. Norov), Universitet (S. Safoyev) 2. Xorijiy tajribani oʻrgangan holda Universitet tarkibida ilm-fan natijalarini tijoratlashtirish bilan bogʻliq tarkibiy tuzilmalar tashkil qilish. 2022-yil oktabr 20. Nogironligi boʻlgan talabalarning ijtimoiy moslashuvi uchun sharoit yaratish va inklyuziv taʼlim gʻoyalarini targʻib qilish. 1. Universitetda tahsil oluvchi nogironligi boʻlgan talabalar bilan ishlarni tizimli tashkil etish. 2. Inklyuziv taʼlimni yoʻlga qoʻyish choralarini koʻrish. Doimiy Universitetga ajratilgan budjet mablagʻlari doirasida, Universitetning budjetdan tashqari mablagʻlari, homiylik mablagʻlari Universitet (S. Safoyev), Oliy va oʻrta maxsus taʼlim vazirligi (A. Toshqulov) III. Universitetning ilmiy-tadqiqot va innovatsion faoliyatini rivojlantirish 21. Universitet huzuridagi Istiqbolli xalqaro tadqiqotlar instituti faoliyatini yoʻlga qoʻyish. 1. Institutning nizomi va shtatlar jadvalini tasdiqlash. 2022-yil avgust Davlat budjeti mablagʻlari Universitet Kuzatuv kengashi (V. Norov), Universitet (S. Safoyev) 2. Institutni ilmiy salohiyati yuqori, katta amaliy tajribaga ega kadrlar, jumladan xorijlik mutaxassislar bilan toʻldirish. 2022-yil avgust-sentabr 22. Ilmiy-tadqiqot va innovatsion faoliyatning axborot taʼminoti tizimini joriy etish, professor-oʻqituvchilar va tadqiqotchilarning nashriy faolligini oshirish. 1. Universitet axborot-resurs markazini barcha yetakchi ilmiy maʼlumotlar bazalariga ulanishini taʼminlash. 2023-yil sentabr Davlat budjeti mablagʻlari, Universitetning budjetdan tashqari mablagʻlari Universitet (S. Safoyev) 2. Universitet qoshida chop etiladigan jurnalni xalqaro ilmiy-texnik maʼlumotlar bazalariga (Scopus, Web of Science) kiritilishiga erishish. 2025-yil yanvar 23. Universitet magistraturasining istiqbolli bitiruvchilari va professor-oʻqituvchilarini xorijdagi yetakchi taʼlim va tadqiqot muassasalarida ilmiy ishlar olib borishlarini tizimli yoʻlga qoʻyish. 1. Universitet taʼlim va ilmiy-tadqiqot yoʻnalishlaridan kelib chiqib, yetakchi xorijiy universitetlar va ilmiy markazlar roʻyxatini shakllantirish. 2022-yil avgust Universitetning budjetdan tashqari mablagʻlari, grant mablagʻlari Universitet (S. Safoyev) 2. Xorijiy universitet va ilmiy markazlar bilan hamkorlikni kengaytirish hamda istiqbolli qoʻshma ilmiy loyihalarni amalga oshirish. 3. Doimiy ravishda faoliyat koʻrsatuvchi ikki tomonlama va koʻp tomonlama ilmiy kollokviumlar faoliyatini yoʻlga qoʻyish. Doimiy 4. Universitet vakillarining xorijda doktoranturada oʻqishlari uchun toʻlovlar va shu bilan bogʻliq xarajatlarini oʻqishni tugatgandan soʻng Universitetda kamida besh yil uzluksiz ishlash sharti asosida qoplash. 24. Universitetda olib borilayotgan ilmiy-tadqiqot ishlari va innovatsion faoliyatni tijoratlashtirish tizimini shakllantirish. 1. Ilmiy tadqiqotlar natijalarini tijoratlashtirish boʻyicha ilgʻor xorijiy tajribalarni maqsadli oʻrganish va tahlil qilish. 2022-yil avgust Universitetning budjetdan tashqari mablagʻlari Universitet (S. Safoyev), Innovatsion rivojlanish vazirligi (I. Abduraxmonov), buyurtmachi tashkilotlar 2. Mavjud ehtiyojlardan kelib chiqib, buyurtma asosida amalga oshiriladigan ilmiy-amaliy tadqiqotlar yoʻnalishlarini belgilash. Doimiy 25. Universitetning ilmiy tadqiqot faoliyatiga budjetdan tashqari mablagʻlarni jalb etish samaradorligini oshirish. 1. Davlat grantlari va xorijiy grantlar tanloviga loyihalar tayyorlash. 2. Grantlarni jalb etgan oʻqituvchi va xodimlarni moddiy ragʻbatlantirib borish. Doimiy Grant mablagʻlari, xoʻjalik shartnomalari mablagʻlari Universitet (S. Safoyev), Innovatsion rivojlanish vazirligi (I. Abduraxmonov) IV. Universitetning oʻquv resurslarini takomillashtirish va moddiy-texnika bazasini rivojlantirish 26. Universitet hududida talabalar uchun mos kontentga ega, qonunga zid boʻlmagan 24 soat rejimda faoliyat yuritadigan Internet va axborot-resurs bazalaridan foydalanish hududlarini tashkil qilish. 1. Loyiha-smeta hujjatlarini oʻrnatilgan tartibda ekspertizadan oʻtkazish. 2022-yil avgust-sentabr Universitetga ajratilgan budjet mablagʻlari doirasida, Universitetning budjetdan tashqari mablagʻlari Universitet (S. Safoyev) 2. Universitetni 400 Mbit/s dan kam boʻlmagan tezlikdagi internet tarmogʻiga ulash yoki Universitetning internet tarmogʻi tezligini 400 Mbit/s dan kam boʻlmagan darajaga koʻtarish. 2022-yil sentabr 3. Universitet hududida bepul Wi-Fi zonalarini tashkil etish. 2022-yil sentabr 4. Internet va messenjerlardan foydalanish savodxonligi toʻgaraklarini yoʻlga qoʻyish, elektron dasturlar, mobil ilovalar va elektron kutubxonalarni joriy etish. 2022/2023 oʻquv yilidan boshlab 27. Keng nomenklaturadagi bosma mahsulotlarni ishlab chiqarish uchun Universitet bosmaxonasini toʻliq sikldagi raqamli bosma uskunalar bilan jihozlash. 1. Bosmaxona moddiy-texnika bazasi uchun zarur asbob-uskunalar roʻyxatini shakllantirish. 2022-yil avgust Davlat budjeti mablagʻlari Universitet (S. Safoyev) 2. Asbob-uskunalarni xarid qilish uchun tender eʼlon qilish. 3. Tender natijasidan kelib chiqib asbob-uskunalarni sotib olish va bosmaxonada joylashtirish. 2022-yil avgust-sentabr 28. Universitetning talabalar va ilmiy kutubxonalari moddiy-texnik bazasini mustahkamlash. 1. Universitet kutubxonasi faoliyatiga avtomatlashgan RFID texnologiyasini tatbiq etish. 2022-yil avgust-sentabr Davlat budjeti mablagʻlari Universitet (S. Safoyev) 2. Kutubxonaning jahondagi yetakchi ilmiy maʼlumotlar elektron bazasiga ulanishini taʼminlash. 2022-yil sentabr 3. Kutubxona fondini xalqaro munosabatlar va diplomatiya sohasidagi zamonaviy nashrlar bilan toʻldirish. Doimiy 4. Kutubxona fondi va arxivini saqlash sharoitlarini zamonaviy meʼyorlar asosida takomillashtirish. 2022-yil sentabr-oktabr
Oʻzbekiston Respublikasi Prezidentining 2022-yil 23-iyuldagi PQ-330-son qaroriga 2-ILOVA
2022-2023-yillarda Jahon iqtisodiyoti va diplomatiya universitetining moddiy-texnika bazasini modernizatsiya qilish
DASTURI
T/r Obyekt nomi Ijro muddati Dastlabki qiymati (mln soʻm)* Shu jumladan: Moliyalashtirish manbalari 2022-yil 2023-yil 1. Oʻquv jarayoniga yangi taʼlim dasturlari va zamonaviy oʻquv-pedagogik uslublarni tatbiq etish hamda “Smart Universitet” konsepsiyasini amalga oshirish 6 095 5 855 240 - 1.1. Raqamlashtirish texnologiyalari bilan jihozlash xarajatlari 2022-yil 5 615 5 615 - Davlat budjeti mablagʻlari 1.2. Raqamlashtirish texnologiyalarini dasturlash xarajatlari 2022-2023-yillar 300 150 150 Universitetning budjetdan tashqari mablagʻlari 1.3. Avtomatik oʻquv jarayonining asosini shakllantirish 2022-2023-yillar 180 90 90 Universitetning budjetdan tashqari mablagʻlari 2. Ilm-fan sohasi va ilmiy-tadqiqot faoliyatiga innovatsion gʻoyalar va ishlanmalarni tatbiq etish 870 450 420 - 2.1. Universitetning elektron jurnalini tashkil etish 2022-2023-yillar 300 150 150 Universitetning budjetdan tashqari mablagʻlari 2.2. Yetakchi xorijiy taʼlim muassasalarida Universitet yosh ilmiy xodimlarining malakasini oshirish xarajatlari 2022-2023-yillar 570 300 270 Universitetning budjetdan tashqari mablagʻlari, grant mablagʻlari 3. Bosmaxona va nashriyotning moddiy-texnika bazasini yangilash 550 385 165 - 3.1. Keng nomenklaturadagi bosma mahsulotlarni ishlab chiqarish uchun toʻliq sikldagi raqamli bosma uskunalar bilan jihozlash 2022-2023-yillar 550 385 165 Davlat budjeti mablagʻlari 4. Kutubxona faoliyatini takomillashtirish 2 515 1 815 700 - 4.1. RFID texnologiyasini joriy etish (kutubxona jarayonlarini avtomatlashtirish) xarajatlari 2022-yil 1 115 1 115 - Davlat budjeti mablagʻlari, Universitetning budjetdan tashqari mablagʻlari 4.2. Kutubxonani diplomatiya va xalqaro munosabatlar sohasidagi zamonaviy nashrlar bilan toʻldirish 2022-2023-yillar 600 300 300 Universitetning budjetdan tashqari mablagʻlari 4.3. Jahondagi yetakchi kutubxonalarning elektron bazasiga aʼzo boʻlish xarajatlari 2022-2023-yillar 200 100 100 Universitetning budjetdan tashqari mablagʻlari 4.4. Kutubxona fondi va arxivini saqlash sharoitlarining zaruriy meʼyorlarini taʼminlash 2022-2023-yillar 600 300 300 Universitetning budjetdan tashqari mablagʻlari 5. Universitet huzuridagi Diplomatik akademiya va Institut faoliyatini rivojlantirish 1 599 1 599 - 5.1. Diplomatik akademiyani yangidan jihozlash 2022-yil 1 030 1 030 - Davlat budjeti mablagʻlari 5.2. 9 ta ilmiy-tadqiqot markazlarini tashkil etish va jihozlash 2022-2023-yillar 569 569 - Davlat budjeti mablagʻlari 6. Boshqa xarajatlar 4 000 3 000 1 000 - 6.1. Universitet hududini obodonlashtirish va “G” oʻquv binosining ichki qismini kapital taʼmirlash xarajatlari 2022-2023-yillar 4 000 3 000 1 000 Davlat budjeti mablagʻlari Jami 15 629 13 104 2 525 -
Izoh: loyihaning yakuniy qiymat koʻrsatkichlari loyiha-smeta hujjatlari va tanlov (tender) savdolari natijalari asosida aniqlashtiriladi.
Shundan:
12,7 mlrd soʻm Davlat budjeti mablagʻlari hisobidan;
2,9 mlrd soʻm Universitetning budjetdan tashqari mablagʻlari, grant mablagʻlari hisobidan moliyalashtiriladi.
Oʻzbekiston Respublikasi Prezidentining 2022-yil 23-iyuldagi PQ-330-son qaroriga 3-ILOVA
2022 — 2026-yillarda Jahon iqtisodiyoti va diplomatiya universitetini rivojlantirishning
MAQSADLI KOʻRSATKICHLARI
T/r Koʻrsatkich (indikator)lar nomi Oʻlchov birligi Amaldagi koʻrsatkich 2022-y. 2023-y. 2024-y. 2025-y. 2026-y. I. Universitetni xalqaro eʼtirof etilgan tashkilotlarning sohaviy, mintaqaviy yoxud tematik reytinglaridagi oliy taʼlim muassasalari roʻyxatiga kiritish va xalqaro hamkorlikni rivojlantirish 1. Web of Science va Scopus ilmiy-texnik maʼlumotlar bazasidagi jurnallarda nashr etilgan maqolalarning professor-oʻqituvchilar soniga nisbati koeffitsiyent 0.08 0.16 0.8 1.2 1.3 1.8 2. Web of Science va Scopus ilmiy-texnik maʼlumotlar bazasidagi jurnallarda xorijiy professor-oʻqituvchilar bilan hammualliflikda nashr etilgan maqolalar Foizda (jami maqolalar soniga nisbatan) - 9 15 20 25 30 3. Iqtiboslar soni boʻyicha “Xirsh” indeksi (h-indeks) 5 va undan yuqori boʻlgan professor-oʻqituvchilar ulushi Foizda (jami professor-oʻqituvchilar soniga nisbatan) 1.47 3 5 12 15 20 4. Web of Science va Scopus ilmiy-texnik maʼlumotlar bazasida Q1 va Q2 kvartil jurnallarida chop etilgan maqolalar foizda (jami maqolalar soniga nisbatan) - 1 5 15 20 30 5. Xorijiy ta?abalar soni nafar 36 40 50 75 100 120 6. Xalqaro eʼtirof etilgan tashkilotlar reytingining birinchi 1 000 talik roʻyxatiga kirgan oliy taʼlim muassasalari professor-oʻqituvchilarining oʻquv va ilmiy jarayonga jalb qilinishi nafar 2 6 10 12 15 20 7. Xorijiy universitetlarning PhD dasturlarida tahsil olish uchun yuborish nafar 3 4 7 11 15 18 8. Xorijiy universitetlarning magistratura dasturlarida, shu jumladan talabalar almashinuvi dasturi asosida tahsil olish uchun yuborish nafar - 1 5 10 15 20 9. Xalqaro eʼtirof etilgan tashkilotlar reytingining birinchi 500 talik roʻyxatiga kirgan xorijiy oliy taʼlim muassasalari bilan hamkorlikda amalga oshirilgan qoʻshma taʼlim dasturlari taʼlim dasturlari soni - - 2 3 4 5 10. Talabalar almashinuvini yoʻlga qoʻyish talabalar soni - 5 30 40 50 60 11. Xalqaro loyihalarda talabalar ishtiroki talabalar soni 5 3 6 10 15 20 12. Xalqaro konferensiyalardagi talabalar ishtiroki tezislar soni 15 15 25 35 45 80 13. Xalqaro loyihalar loyihalar soni 6 3 5 7 9 12 14. Xalqaro taʼlim resurslaridan foydalanish imkoniyatlari xalqaro maʼlumotlar bazalari soni 2 2 3 4 5 8 II. Yuqori malakali mutaxassislarni tayyorlash tizimini takomillashtirish 15. Xorijiy oliy taʼlim muassasalarida malaka oshirgan pedagog va rahbar kadrlar soni xodimlar soni 35 14 25 40 55 75 16. Chet tilini bilish darajasini baholash boʻyicha milliy sertifikat, “International English Language Testing System (IELTS), Test of English as a Foreign Language (TOYEFL) yokiboshqasertifikatlargaegaboʻlgan professor-oʻqituvchilar ulushi professor-oʻqituvchilar ulushi foizda 13 18 30 40 50 55 17. Chet tilini bilish darajasini baholash boʻyicha milliy sertifikat, “International English Language Testing System (IELTS), Test of English as a Foreign Language (TOYEFL) yoki boshqa sertifikatlarga ega boʻlgan talabalar ulushi talabalar ulushi foizda 15 18 25 35 45 50 18. Mutaxassislik fanlari boʻyicha xorijiy tillarda oʻqitiladigan fanlar ulushi fanlar ulushi foizda 12 14 20 25 30 40 III. Ilmiy-tadqiqot ishlari samaradorligini oshirish 19. Universitetning ilmiy salohiyati (ilmiy darajaga ega boʻlgan professor-oʻqituvchilar ulushi) Foizda (jami professor-oʻqituvchilar soniga nisbatan) 41 42 45 50 56 60 20. Oliy malakali ilmiy-pedagogik kadrlarni tayyorlash (PhD, DSc) himoyalar soni 1 7 14 20 26 32 21. Ilmiy faoliyatga oid dasturlar doirasida bajariladigan ilmiy-tadqiqot ishlari samaradorligi jalb qilingan mablagʻlar (mlrd soʻmda) 2.3 2.3 4 5 5.5 6 22. Monografiyalarni nashr etish monografiyalar soni 10 10 20 25 30 35 23. Respublika ilmiy jurnallarida maqolalar chop etish maqolalar soni 75 100 150 200 250 350 24. Ilmiy konferensiyalarni oʻtkazish konferensiyalar soni 7 9 14 18 22 28 IV. Talaba-yoshlar taʼlimi uchun qoʻshimcha sharoitlar yaratish, maʼnaviy-maʼrifiy va tarbiyaviy ishlar samaradorligini oshirish 25. Bakalavriat bosqichi talabalarining ilmiy maqola, kitob va ijod namunalarining nashr etilishi maqolalar soni 50 80 130 150 160 180 26. Professor-oʻqituvchilar, xodimlar va talaba yoshlar orasida sport bilan shugʻullanuvchilar soni professor-oʻqituvchilar, xodimlar va talabalar soniga nisbatan foizda 40 70 86 93 95 98 27. Talaba-yoshlar orasida sport bilan shugʻullanuvchilarning ulushi umumiy talabalar soniga nisbatan foizda 50 70 80 90 100 100 28. “Yil talabasi”, “Beshta muhim tashabbus” yoʻnalishlaridagi tanlovlarda talabalar ishtiroki umumiy talabalar soniga nisbatan foizda 30 35 40 45 50 55 V. Universitet kutubxonasini kompleks rivojlantirish Repozitoriy yaratish 29. Repozitoriyni PhD va DSc ilmiy darajalarini olish uchun himoya qilingan dissertatsiya tadqiqot ishlari bilan toʻldirish joylashtirilgan dissertatsiya materiallari soni 35 50 100 150 200 250 30. Kutubxona xavfsizlik tizimi (kitoblarni maxsus belgilash va yoʻqolishiga qarshi uskunalar oʻrnatilganligi) foizda 50 60 68 80 100 100 Kutubxona fondini yangilash 31. Oʻzbek tilidagi kitob va darsliklar kitoblar soni 3 500 3 500 4 000 5 000 6 000 8 000 32. Rus tilidagi kitob va darsliklar kitoblar soni 8 000 8 000 10 000 11 000 14 000 16 000 33. Ingliz tilidagi kitob va darsliklar kitoblar soni 4 500 4 500 4 800 5 000 5 500 6 000 34. Davriy nashrlar fondi (2018-yildan keyin nashr qilingan) nashrlar soni 383 383 400 420 450 500 35. Elektron darsliklar elektron darsliklar soni 250 250 300 350 400 450
Oʻzbekiston Respublikasi Prezidentining 2022-yil 23-iyuldagi PQ-330-son qaroriga 4-ILOVA
Jahon iqtisodiyoti va diplomatiya universiteti kafedralarini Oʻzbekiston Respublikasining xorijdagi diplomatik vakolatxonalariga biriktirish
ROʻYXATI
T/r Kafedralar Oʻzbekiston Respublikasining xorijdagi diplomatik vakolatxonalari 1. 1. Xalqaro munosabatlar 2. Siyosatshunoslik 1. Oʻzbekiston Respublikasining Amerika Qoʻshma Shtatlaridagi Elchixonasi 2. Oʻzbekiston Respublikasining Buyuk Britaniya va Shimoliy Irlandiya Birlashgan Qirolligidagi Elchixonasi 3. Oʻzbekiston Respublikasining Fransiya Respublikasidagi Elchixonasi 4. Oʻzbekiston Respublikasining Belgiya Qirolligidagi Elchixonasi 5. Oʻzbekiston Respublikasining Turkiya Respublikasidagi Elchixonasi 6. Oʻzbekiston Respublikasining Rossiya Federatsiyasidagi Elchixonasi 7. Oʻzbekiston Respublikasining Xitoy Xalq Respublikasidagi Elchixonasi 8. Oʻzbekiston Respublikasining Pokiston Islom Respublikasidagi Elchixonasi 9. Oʻzbekiston Respublikasining xalqaro tashkilotlar huzuridagi vakolatxonalari 2. Xalqaro iqtisodiyot 1. Oʻzbekiston Respublikasining Amerika Qoʻshma Shtatlaridagi Elchixonasi 2. Oʻzbekiston Respublikasining Buyuk Britaniya va Shimoliy Irlandiya Birlashgan Qirolligidagi Elchixonasi 3. Oʻzbekiston Respublikasining Germaniya Federativ Respublikasidagi Elchixonasi 4. Oʻzbekiston Respublikasining Fransiya Respublikasidagi Elchixonasi 5. Oʻzbekiston Respublikasining Belgiya Qirolligidagi Elchixonasi 6. Oʻzbekiston Respublikasining Yaponiyadagi Elchixonasi 7. Oʻzbekiston Respublikasining Xitoy Xalq Respublikasidagi Elchixonasi 8. Oʻzbekiston Respublikasining Koreya Respublikasidagi Elchixonasi 9. Oʻzbekiston Respublikasining Quvayt Davlatidagi Elchixonasi 10. Oʻzbekiston Respublikasining Birlashgan Arab Amirliklaridagi Elchixonasi 11. Oʻzbekiston Respublikasining Singapurdagi Elchixonasi 12. Oʻzbekiston Respublikasining xalqaro tashkilotlar huzuridagi vakolatxonalari 3. Tizimli tahlil va matematik modellashtirish 1. Oʻzbekiston Respublikasining Rossiya Federatsiyasidagi Elchixonasi 2. Oʻzbekiston Respublikasining Buyuk Britaniya va Shimoliy Irlandiya Birlashgan Qirolligidagi Elchixonasi 3. Oʻzbekiston Respublikasining Xitoy Xalq Respublikasidagi Elchixonasi 4. Oʻzbekiston Respublikasining Yaponiyadagi Elchixonasi 5. Oʻzbekiston Respublikasining Koreya Respublikasidagi Elchixonasi 4. Xalqaro moliya va investitsiyalar 1. Oʻzbekiston Respublikasining Amerika Qoʻshma Shtatlaridagi Elchixonasi 2. Oʻzbekiston Respublikasining Buyuk Britaniya va Shimoliy Irlandiya Birlashgan Qirolligidagi Elchixonasi 3. Oʻzbekiston Respublikasining Germaniya Federativ Respublikasidagi Elchixonasi 4. Oʻzbekiston Respublikasining Fransiya Respublikasidagi Elchixonasi 5. Oʻzbekiston Respublikasining Belgiya Qirolligidagi Elchixonasi 6. Oʻzbekiston Respublikasining Yaponiyadagi Elchixonasi 7. Oʻzbekiston Respublikasining Turkiya Respublikasidagi Elchixonasi 8. Oʻzbekiston Respublikasining Xitoy Xalq Respublikasidagi Elchixonasi 9. Oʻzbekiston Respublikasining Koreya Respublikasidagi Elchixonasi 10. Oʻzbekiston Respublikasining Quvayt Davlatidagi Elchixonasi 11. Oʻzbekiston Respublikasining Ummon Sultonligidagi Elchixonasi 12. Oʻzbekiston Respublikasining Birlashgan Arab Amirliklaridagi Elchixonasi 13. Oʻzbekiston Respublikasining Singapurdagi Elchixonasi 14. Oʻzbekiston Respublikasining xalqaro tashkilotlar huzuridagi vakolatxonalari 5. 1. Xalqaro huquq va ommaviy huquqiy fanlar 2. Fuqarolik huquqi va xalqaro xususiy huquq fanlari 1. Oʻzbekiston Respublikasining Amerika Qoʻshma Shtatlaridagi Elchixonasi 2. Oʻzbekiston Respublikasining Buyuk Britaniya va Shimoliy Irlandiya Birlashgan Qirolligidagi Elchixonasi 3. Oʻzbekiston Respublikasining Germaniya Federativ Respublikasidagi Elchixonasi 4. Oʻzbekiston Respublikasining Fransiya Respublikasidagi Elchixonasi 5. Oʻzbekiston Respublikasining Belgiya Qirolligidagi Elchixonasi 6. Oʻzbekiston Respublikasining Turkiya Respublikasidagi Elchixonasi 7. Oʻzbekiston Respublikasining xalqaro tashkilotlar huzuridagi vakolatxonalari 6. Oʻzbek va rus tili 1. Oʻzbekiston Respublikasining Rossiya Federatsiyasidagi Elchixonasi 2. Oʻzbekiston Respublikasining Turkiya Respublikasidagi Elchixonasi 3. Oʻzbekiston Respublikasining Ozarbayjon Respublikasidagi Elchixonasi 4. Oʻzbekiston Respublikasining Qozogʻiston Respublikasidagi Elchixonasi 7. Ingliz tili 1. Oʻzbekiston Respublikasining Buyuk Britaniya va Shimoliy Irlandiya Birlashgan Qirolligidagi Elchixonasi 2. Oʻzbekiston Respublikasining Amerika Qoʻshma Shtatlaridagi Elchixonasi 8. Roman-German tillari 1. Oʻzbekiston Respublikasining Fransiya Respublikasidagi Elchixonasi 2. Oʻzbekiston Respublikasining Germaniya Federativ Respublikasidagi Elchixonasi 3. Oʻzbekiston Respublikasining Italiya Respublikasidagi Elchixonasi 4. Oʻzbekiston Respublikasining Ispaniya Qirolligidagi Elchixonasi 5. Oʻzbekiston Respublikasining Belgiya Qirolligidagi Elchixonasi 9. Sharq tillari 1. Oʻzbekiston Respublikasining Xitoy Xalq Respublikasidagi Elchixonasi 2. Oʻzbekiston Respublikasining Yaponiyadagi Elchixonasi 3. Oʻzbekiston Respublikasining Koreya Respublikasidagi Elchixonasi 4. Oʻzbekiston Respublikasining Turkiya Respublikasidagi Elchixonasi 5. Oʻzbekiston Respublikasining Quvayt Davlatidagi Elchixonasi 6. Oʻzbekiston Respublikasining Ummon Sultonligidagi Elchixonasi 7. Oʻzbekiston Respublikasining Birlashgan Arab Amirliklaridagi Elchixonasi 8. Oʻzbekiston Respublikasining Misr Arab Respublikasidagi Elchixonasi
Izoh: Tashqi ishlar vazirligi biriktirilgan kafedralar hamda Oʻzbekiston Respublikasining xorijdagi diplomatik vakolatxonalari roʻyxatiga oʻzgartirish va qoʻshimchalar kiritish huquqiga ega.
Oʻzbekiston Respublikasi Prezidentining 2022-yil 23-iyuldagi PQ-330-son qaroriga 5-ILOVA
Tayinlanish uchun Jahon iqtisodiyoti va diplomatiya universiteti huzuridagi Diplomatik akademiyaning oʻquv kurslarini tamomlash talab etiladigan lavozimlar
ROʻYXATI
T/r Lavozimlar roʻyxati 1. Oʻzbekiston Respublikasining Favqulodda va Muxtor Elchisi 2. Oʻzbekiston Respublikasining xalqaro tashkilotlar huzuridagi doimiy vakili 3. Bosh konsul, konsul 4. Oʻzbekiston Respublikasining xorijiy mamlakatlardagi diplomatik vakolatxonalari, konsullik muassasalari, xalqaro tashkilotlar huzuridagi vakolatxonalaridagi maslahatchi-vakili, maslahatchisi (shu jumladan, savdo-iqtisodiy masalalar boʻyicha), birinchi kotibi, ikkinchi kotibi, uchinchi kotibi, attashesi
Oʻzbekiston Respublikasi Prezidentining 2022-yil 23-iyuldagi PQ-330-son qaroriga 6-ILOVA
Jahon iqtisodiyoti va diplomatiya universiteti huzuridagi Diplomatik akademiya
TUZILMASI
Direktor Ilmiy kengash Direktor oʻrinbosari Direktor oʻrinbosari Umumiy boʻlim 2 Xalqaro aloqalar boʻlimi 1 Diplomatik kadrlarni qayta tayyorlash va malakasini oshirish fakulteti 1 Amaliy diplomatiya fakulteti 1 Moliya-iqtisod boʻlimi 2 Diplomatik kadrlarni qayta tayyorlash kafedrasi 1 Maxsus fanlar kafedrasi 1 Axborot-kommunikatsiya texnologiyalari boʻlimi 2 Malaka oshirish kafedrasi 1 Xalqaro muammolarning amaliy tahlili kafedrasi 1 Axborot-resurs markazi 1 Xoʻjalik boʻlimi 1 Yuriskonsult 1
Maʼmuriy-boshqaruv xodimlar soni 19 nafar.
Professor-oʻqituvchilar, xizmat koʻrsatuvchi va texnik xodimlar soni oliy taʼlim muassasalari uchun belgilangan meʼyoriy-normativ hujjatlarga asosan aniqlanadi.