Bojxona yuk deklaratsiyasini toʻldirish tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida (2773-8-son)

13.07.2022

Oʻzbekiston Respublikasi Davlat bojxona qoʻmitasining

Qarori

[Oʻzbekiston Respublikasi Adliya vazirligi tomonidan 2022-yil 13-iyulda roʻyxatdan oʻtkazildi, roʻyxat raqami 2773-8]

Oʻzbekiston Respublikasining Bojxona kodeksiga muvofiq Oʻzbekiston Respublikasi Davlat bojxona qoʻmitasi qaror qiladi:

1. Oʻzbekiston Respublikasi Davlat bojxona qoʻmitasining 2016-yil 29-fevraldagi 01-02/15-07-son qarori (roʻyxat raqami 2773, 2016-yil 6-aprel) (Oʻzbekiston Respublikasi qonun hujjatlari toʻplami, 2016-y., 14-son, 133-modda) bilan tasdiqlangan Bojxona yuk deklaratsiyasini toʻldirish tartibi toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

3. Mazkur qaror ilovasining 3-bandi “b” kichik bandi, 4-bandi “v” kichik bandi va 16-bandi “a” kichik bandi qaror rasmiy eʼlon qilingan kundan eʼtiboran uch oydan keyin kuchga kiradi.

Rais A. MAVLONOV

Toshkent sh.,

2022-yil 13-iyun,

12/02-22-0016-son

Kelishildi:

Oʻzbekiston Savdo-sanoat palatasi raisi D. VAXABOV

2022-yil 2-iyun

Oʻzbekiston Respublikasi Davlat bojxona qoʻmitasining2022-yil 13-iyundagi 12/02-22-0016-son qarorigaILOVA

Bojxona yuk deklaratsiyasini toʻldirish tartibi toʻgʻrisidagi yoʻriqnomaga kiritilayotgan oʻzgartirish va qoʻshimchalar

1. 4-band quyidagi tahrirda bayon etilsin:

“4. Quyidagilar bitta BYuDda deklaratsiyalanishi mumkin:

bitta bitimga muvofiq yoki bunday bitim tuzmasdan bitta joʻnatuvchining manzilidan bitta oluvchining manziliga bitta transport hujjati bilan olib oʻtilayotgan (olib oʻtilgan) va bir xil bojxona rejimiga joylashtirilayotgan tovarlar, bundan temir yoʻl transportida olib oʻtilayotgan (olib oʻtilgan) tovarlar mustasno;

temir yoʻl transportida olib chiqilayotgan tovarlar boʻyicha — bitta bitimga muvofiq yoki bunday bitim tuzmagan holda bitta joʻnatuvchidan bitta qabul qiluvchi manziliga bitta temir yoʻl transportida bir vaqtda joʻnatiladigan va bir xil bojxona rejimiga joylashtirilayotgan tovarlar;

temir yoʻl transportida olib kirilayotgan tovarlar boʻyicha — bitta bitimga muvofiq yoki bunday bitim tuzmagan holda bitta joʻnatuvchidan bitta qabul qiluvchi manziliga bitta temir yoʻl transporti tarkibida Oʻzbekiston Respublikasi hududiga bir vaqtda olib kirilgan va bir xil bojxona rejimiga joylashtirilayotgan tovarlar;

bitta pochta yuk xati bilan olib oʻtilayotgan yoxud bojxona chegarasi orqali oʻtayotgan jismoniy shaxsning qoʻl yukida va bagajida olib oʻtilayotgan tovar yoki uning bir qismi;

Oʻzbekiston Respublikasi Tashqi iqtisodiy faoliyat tovarlar nomenklaturasini (bundan buyon matnda TIF TN deb yuritiladi) talqin etishning 2a asosiy qoidasiga muvofiq yigʻilmagan yoki ajratilgan tovarning tarkibiy qismlari deb hisoblanadigan va TIF TNning yigʻilgan yoki tugallangan tovarga mos keluvchi pozitsiyasida tasniflanadigan tovarlar, agar bunday tovarlar bitta bitimga muvofiq yoki bunday bitim tuzmagan holda bitta joʻnatuvchidan bitta qabul qiluvchi manziliga bir turdagi transport vositasida olib kirilgan va bojxona hududiga kirib kelish joyida ayni bitta bojxona organiga taqdim etilgan boʻlsa. Bunda, tovarlar olib kirilib avval boshqa bojxona rejimiga joylashtirilmagan boʻlsa, BYuD Oʻzbekiston Respublikasi Bojxona kodeksining 261-moddasida koʻzda tutilgan muddatlar doirasida taqdim etilishi lozim.

Agar tovarlar turli bojxona rejimlariga joylashtirilayotgan boʻlsa, u holda toʻldiriladigan BYuDlar soni bojxona rejimlari soniga muvofiq boʻlishi lozim.”.

2. 5-band quyidagi tahrirda bayon etilsin:

“5. Deklarant bitta bojxona organiga taqdim etilayotgan, mazkur Yoʻriqnomaning 4-bandida koʻrsatilgan talablarga javob beradigan tovarlarni bir nechta BYuD bilan deklaratsiyalashi mumkin, TIF TNni talqin etishning 2a asosiy qoidasiga muvofiq yigʻilmagan yoki ajratilgan tovarning tarkibiy qismlari deb hisoblanadigan va TIF TNning yigʻilgan yoki tugallangan tovarga mos keluvchi pozitsiyasida tasniflanadigan tovarlar bundan mustasno.”.

3. 22-bandda:

a) 14-kichik bandda:

ikkinchi xatboshi quyidagi tahrirda bayon etilsin:

“Grafada Oʻzbekiston Respublikasi bojxona chegarasidagi oʻtkazish punktiga yetkazib berish uchun tovarlar yuklanishi lozim boʻlgan transport vositalari bilan bogʻliq maʼlumotlar koʻrsatiladi.”;

beshinchi xatboshi quyidagi tahrirda bayon etilsin:

“1 AVTO: A987SA;”;

quyidagi mazmundagi oltinchi xatboshi bilan toʻldirilsin:

“2 JD: 63453546; 97893994.”;

oltinchi — oʻn uchinchi xatboshilar tegishli ravishda yettinchi — oʻn toʻrtinchi xatboshilar deb hisoblansin;

toʻqqizinchi xatboshi quyidagi tahrirda bayon etilsin:

“1 AVTO: A987SA/ K118DS”;

quyidagi mazmundagi xatboshilar bilan toʻldirilsin:

“Grafada qoʻshimcha ravishda transport vositasi va undagi tovar bilan bogʻliq quyidagi maʼlumotlar (elektron BYuDda alohida ajratilgan maydonlarda) koʻrsatiladi:

transport vositasidagi tovarning kilogrammdagi “brutto” ogʻirligi;

avtotransport vositasi turining ikki raqamli kodi, avtotransport vositasining VIN raqami, tashuv tugallanadigan mamlakatning Dunyo mamlakatlari tasniflagichiga muvofiq raqamli kodi;

tovarlarni tashuvchisi toʻgʻrisidagi maʼlumotlar (tashuvchi jismoniy shaxs boʻlsa — uning familiyasi, ismi, otasining ismi, JShShIRi, pasport seriyasi va raqami; tashuvchi yuridik shaxs boʻlsa — uning nomi, STIRi), avtotransport vositasi haydovchisining familiyasi, ismi, otasining ismi, JShShIRi, pasport seriyasi va raqami;

Avtotransport vositasi turining ikki raqamli kodi quyidagi tartibda koʻrsatiladi:

“10” — yengil avtomobil (haydovchi oʻrnini hisobga olmaganda 8 tadan koʻp boʻlmagan oʻrindiqqa ega boʻlgan);

“21” — yuk avtomobil (yuk koʻtarish qobiliyati 10 tonnagacha boʻlgan);

“22” — yuk avtomobil (yuk koʻtarish qobiliyati 10 tonnadan 20 tonnagacha boʻlgan);

“23” — yuk avtomobil (yuk koʻtarish qobiliyati 20 tonnadan ortiq boʻlgan);

“31” — avtobus (haydovchi oʻrnini hisoblamaganda 12 tagacha oʻrindiqqa ega boʻlgan);

“32” — avtobus (haydovchi oʻrnini hisoblamaganda 13 tadan 30 tagacha oʻrindiqqa ega boʻlgan);

“33” — avtobus (haydovchi oʻrnini hisoblamaganda 30 tadan ortiq oʻrindiqqa ega boʻlgan);

“40” — mikroavtobus;

“50” — traktor;

“60” — mototransport;

“70” — maxsus transport;”;

b) 39-kichik bandning oʻn birinchi xatboshisi quyidagi tahrirda bayon etilsin:

“v) tovarning bojxona rasmiylashtiruvi amalga oshirilayotgan kontrakt (shartnoma, kelishuv) raqami va sanasi, shuningdek tovarlarni norezident tashuvchining transport xizmatidan foydalangan holda tashish boʻyicha tuzilgan kontrakt (shartnoma, kelishuv) raqami, sanasi hamda uning Tashqi savdo operatsiyalari yagona elektron axborot tizimidagi identifikatsiya raqami.”.

4. 25-bandda:

a) 26-kichik bandning yigirmanchi xatboshisi quyidagi tahrirda bayon etilsin:

“6 raqami ostida (elektron BYuDda alohida aniqlashtirilgan jadvalda) tovarlarning agregatsiyalangan import kodi koʻrsatiladi.”;

b) 35-kichik bandda:

ikkinchi xatboshi quyidagi tahrirda bayon etilsin:

“Tovarlar bayon etilayotgan bojxona rejimidan avval boshqa bojxona rejimiga BYuD taqdim etish orqali joylashtirilgan boʻlsa, grafada tovarlarni avvalgi bojxona rejimiga joylashtirish uchun asos boʻlgan BYuD haqida quyidagi maʼlumotlar koʻrsatiladi:”;

davlat tilidagi matnda uchinchi xatboshidagi “BYuD” qisqartmasi “GTD” qisqartmasi bilan almashtirilsin;

quyidagi mazmundagi oʻn uchinchi — yigirma uchinchi xatboshilar bilan toʻldirilsin:

“Agar tovarlar bayon etilayotgan bojxona rejimidan avval bojxona tranziti bojxona rejimiga joylashtirish uchun tranzit deklaratsiyasi taqdim etilgan boʻlsa, grafada tovarlarni bojxona tranziti bojxona rejimiga joylashtirish uchun asos boʻlgan tranzit deklaratsiyasi haqida quyidagi maʼlumotlar koʻrsatiladi:

avvalgi hujjatning kodi — ushbu holatda “TD”;

tranzit deklaratsiyasining roʻyxat raqami;

ushbu tovarning tranzit deklaratsiyasining 32-grafasidagi tartib raqami;

tranzit deklaratsiyasining 32-grafasida koʻrsatilgan tovarning, rasmiylashtirilayotgan brutto vazni (kilogrammda);

tranzit deklaratsiyasining 32-grafasida koʻrsatilgan tovarning, rasmiylashtirilayotgan netto vazni (kilogrammda);

qoʻshimcha oʻlchov birligidagi miqdori (agar mavjud boʻlsa);

qoʻshimcha oʻlchov birligining TIF TNga muvofiq shartli belgilanishi (agar mavjud boʻlsa).

Masalan:

TD 06010/01.03.2022/0003761 — 3 — 7980 kg — 7900 kg — 350,2 m3.

Agar deklaratsiyalanayotgan tovar avval bir nechta tovar turkumlariga boʻlingan holda bir nechta tranzit deklaratsiyalari bilan rasmiylashtirilgan boʻlsa, avvalgi rasmiylashtirilgan har bir tranzit deklaratsiyalari toʻgʻrisidagi maʼlumotlar alohida yangi qatordan yuqorida qayd etilgan tartibda koʻrsatiladi.”;

oʻn uchinchi — yigirmanchi xatboshilar tegishli ravishda yigirma toʻrtinchi — oʻttiz birinchi xatboshilar deb hisoblansin;

yigirma toʻrtinchi xatboshidagi “BYuD” qisqartmasidan keyin “yoki tranzit deklaratsiyasi” degan soʻzlar bilan toʻldirilsin;

v) 39-kichik bandning oʻn birinchi xatboshisi quyidagi tahrirda bayon etilsin:

“v) tovarning bojxona rasmiylashtiruvi amalga oshirilayotgan kontrakt (shartnoma, kelishuv) raqami va sanasi, shuningdek tovarlarni norezident tashuvchining transport xizmatidan foydalangan holda tashish boʻyicha tuzilgan kontrakt (shartnoma, kelishuv) raqami, sanasi hamda uning Tashqi savdo operatsiyalari yagona elektron axborot tizimidagi identifikatsiya raqami.”.

5. 27-banddan “40,” raqami chiqarib tashlansin.

6. 28-band quyidagi tahrirda bayon etilsin:

“28. BYuDning 40 va “S” grafalarini toʻldirilishi quyidagi oʻziga xos xususiyatlarga ega:

1) 40-grafa. “Umumiy deklaratsiya/avvalgi hujjat”.

Grafada mazkur Yoʻriqnomaning 22-bandida belgilangan tartibda tovarlarni avvalgi bojxona rejimiga joylashtirish uchun asos boʻlgan BYuD toʻgʻrisidagi maʼlumotlar koʻrsatiladi.

Agar tovarlarni avvalgi bojxona rejimiga joylashtirish uchun tranzit deklaratsiyasi rasmiylashtirilgan boʻlsa, tranzit deklaratsiyasi haqida quyidagi maʼlumotlar koʻrsatiladi:

avvalgi hujjatning kodi — ushbu holatda “TD”;

tranzit deklaratsiyasining roʻyxat raqami;

ushbu tovarning tranzit deklaratsiyasining 32-grafasidagi tartib raqami;

tranzit deklaratsiyasining 32-grafasida koʻrsatilgan tovarning, rasmiylashtirilayotgan brutto vazni (kilogrammda);

tranzit deklaratsiyasining 32-grafasida koʻrsatilgan tovarning, rasmiylashtirilayotgan netto vazni (kilogrammda);

qoʻshimcha oʻlchov birligidagi miqdori (agar mavjud boʻlsa);

qoʻshimcha oʻlchov birligining TIF TNga muvofiq shartli belgilanishi (agar mavjud boʻlsa).

Masalan:

TD 06010/01.03.2022/0003761 — 3 — 7980 kg — 7900 kg — 350,2 m3;

Agar tovarlarni ichki bojxona organiga yetkazib berish uchun yukni yetkazib berishni nazorat qilish kitobchasi yoki MDP kitobchasi rasmiylashtirilgan boʻlsa, quyidagi maʼlumotlar koʻrsatiladi:

yetkazib berishni nazorat qilish hujjatining kodi: yukni yetkazib berishni nazorat qilish kitobchasi uchun — KKDG, MDP kitobchasi uchun — MDP;

tovarni bojxona nazorati ostida yetkazib berish ustidan nazorat hujjat raqami (99999/99.99.9999/IM999999 — post kodi/sana/yukni yetkazib berishni nazorat qilish kitobchasi raqami, 99999/99.99.9999/ZX99999999 — post kodi/sana/MDP kitobchasi raqami). Bunda, yukni yetkazib berishni nazorat qilish kitobchasi raqamidagi harflar kirill alifbosi harflarida, MDP kitobchasi raqamidagi harflar esa lotin alifbosida yozilishi shart;

yetkazib berishni nazorat qilish toʻgʻrisidagi hujjatda koʻrsatilgan tovarning, rasmiylashtirilayotgan brutto vazni (kilogrammda).

Masalan:

KKDG 06006/31.03.2012/IM003761 — 15000 kg;

MDP 27002/01.01.2014/XY00156239 — 19456 kg.

Agar tovar bir nechta yetkazib berishni nazorat qilish toʻgʻrisidagi hujjatlardan rasmiylashtirilayotgan boʻlsa, har bir maʼlumot alohida yangi qatordan yuqorida qayd etilgan tartibda koʻrsatiladi.

Tovarlarda ichki bojxona organiga yetkazib berish uchun asos boʻladigan tovarni bojxona nazorati ostida yetkazib berish ustidan nazorat hujjatlari mavjud boʻlmagan hollarda grafada qoʻshimcha ravishda ushbu hujjat haqida maʼlumot koʻrsatilishi talab etilmaydi;

2) “C” grafa.

Grafada quyidagilar koʻrsatiladi (maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi):

1 — tashqi savdo kontraktining (shartnomasining, kelishuvining) Tashqi savdo operatsiyalari yagona elektron axborot tizimidagi identifikatsiya raqami (bundan olib chiqilayotgan tovarlar tashqi savdo kontrakti (shartnomasi, kelishuvi) ijrosiga bogʻliq boʻlmagan hollar mustasno);

2 — tovarlarni erkin muomalaga chiqarish (import) yoki bojxona hududida qayta ishlash bojxona rejimlariga rasmiylashtirishda BYuD roʻyxatga olingan sana. Agar, Oʻzbekiston Respublikasi hududiga olib kirilganda, tovar erkin muomalaga chiqarish (import) yoki bojxona hududida qayta ishlash bojxona rejimlariga joylashtirilmagan boʻlsa, tovarni boshqa tegishli bojxona rejimiga joylashtirishda rasmiylashtirilgan BYuD roʻyxatga olingan sana koʻrsatiladi.”.

7. 31-bandning 1-kichik bandida:

uchinchi xatboshi “MDP kitobchasi” degan soʻzlardan keyin “, tranzit deklaratsiyasi” degan soʻzlar bilan toʻldirilsin;

quyidagi mazmundagi toʻrtinchi xatboshi bilan toʻldirilsin:

“tovarlarni ichki bojxona organiga yetkazib berish uchun yukni yetkazib berishni nazorat qilish kitobchasi yoki MDP kitobchasi rasmiylashtirilgan boʻlsa, quyidagi maʼlumotlar koʻrsatiladi:”;

toʻrtinchi — oʻn birinchi xatboshilar tegishli ravishda beshinchi — oʻn ikkinchi xatboshilar deb hisoblansin;

quyidagi mazmundagi oʻn birinchi — yigirmanchi xatboshilar bilan toʻldirilsin:

“tovarlarni ichki bojxona organiga yetkazib berish uchun tranzit deklaratsiyasi rasmiylashtirilgan boʻlsa, tranzit deklaratsiyasi haqidagi quyidagi maʼlumotlar koʻrsatiladi:

avvalgi hujjatning kodi — ushbu holatda “TD”;

tranzit deklaratsiyasining roʻyxat raqami;

ushbu tovarning tranzit deklaratsiyasining 32-grafasidagi tartib raqami;

tranzit deklaratsiyasining 32-grafasida koʻrsatilgan tovarning, rasmiylashtirilayotgan brutto vazni (kilogrammda);

tranzit deklaratsiyasining 32-grafasida koʻrsatilgan tovarning, rasmiylashtirilayotgan netto vazni (kilogrammda);

qoʻshimcha oʻlchov birligidagi miqdori (agar mavjud boʻlsa);

qoʻshimcha oʻlchov birligining TIF TNga muvofiq shartli belgilanishi (agar mavjud boʻlsa).

Masalan:

TD 06010/01.03.2022/0003761 — 3 — 7980 kg — 7900 kg — 350,2 m3.”;

oʻn birinchi va oʻn ikkinchi xatboshilar tegishli ravishda yigirma birinchi va yigirma ikkinchi xatboshilar deb hisoblansin.

8. 70-band “44,” raqamidan keyin “47,” raqami bilan toʻldirilsin.

9. 71-bandda:

birinchi xatboshidan “, 47” raqami chiqarib tashlansin;

4-kichik band oʻz kuchini yoʻqotgan deb topilsin.

10. 73-bandning 1-kichik bandida:

uchinchi xatboshi “MDP kitobchasi” degan soʻzlardan keyin “, tranzit deklaratsiyasi” degan soʻzlar bilan toʻldirilsin;

quyidagi mazmundagi toʻrtinchi xatboshi bilan toʻldirilsin:

“tovarlarni ichki bojxona organiga yetkazib berish uchun yukni yetkazib berishni nazorat qilish kitobchasi yoki MDP kitobchasi rasmiylashtirilgan boʻlsa, quyidagi maʼlumotlar koʻrsatiladi:”;

toʻrtinchi — oʻn birinchi xatboshilar tegishli ravishda beshinchi — oʻn ikkinchi xatboshilar deb hisoblansin;

quyidagi mazmundagi oʻn birinchi — yigirmanchi xatboshilar bilan toʻldirilsin:

“tovarlarni ichki bojxona organiga yetkazib berish uchun tranzit deklaratsiyasi rasmiylashtirilgan boʻlsa, tranzit deklaratsiyasi haqidagi quyidagi maʼlumotlar koʻrsatiladi:

avvalgi hujjatning kodi — ushbu holatda “TD”;

avvalgi tranzit deklaratsiyasining roʻyxat raqami;

ushbu tovarning avvalgi tranzit deklaratsiyasining 32-grafasidagi tartib raqami;

avvalgi tranzit deklaratsiyasining 32-grafasida koʻrsatilgan tovarning, rasmiylashtirilayotgan brutto vazni (kilogrammda);

avvalgi tranzit deklaratsiyasining 32-grafasida koʻrsatilgan tovarning, rasmiylashtirilayotgan netto vazni (kilogrammda);

qoʻshimcha oʻlchov birligidagi miqdori (agar mavjud boʻlsa);

qoʻshimcha oʻlchov birligining TIF TNga muvofiq shartli belgilanishi (agar mavjud boʻlsa).

Masalan:

TD 06010/01.03.2022/0003761 — 3 — 7980 kg — 7900 kg — 350,2 m3.”;

oʻn birinchi va oʻn ikkinchi xatboshilar tegishli ravishda yigirma birinchi va yigirma ikkinchi xatboshilar deb hisoblansin.

11. 77-band “44,” raqamidan keyin “47,” raqami bilan toʻldirilsin.

12. 78-band quyidagi tahrirda bayon etilsin:

“78. BYuDning 42, 45, 46, 50-grafalarining toʻldirilishi quyidagi oʻziga xos xususiyatlarga ega:

1) 42-grafa. “Tovarning faktura qiymati”.

Grafada tashqi savdo kontrakti (shartnomasi, kelishuvi) valyutasida 31-grafada deklaratsiyalanayotgan tovarni qayta ishlash boʻyicha xizmatlar qiymati koʻrsatiladi.

Begʻaraz asosda qayta ishlashda grafada “0” koʻrsatiladi.

Olib kirish kontrakti asosida olib kirilgan tovarlarni deklaratsiyalashda, tovarning tashqi savdo kontrakti (shartnomasi, kelishuvi) valyutasidagi qiymati koʻrsatiladi.

Tovarlar va xizmatlar qiymati matematik qoidalarga koʻra verguldan keyingi ikki belgigacha aniqlikda yaxlitlanadi;

2) 45-grafa. “Bojxona qiymati”.

Grafaning oʻng boʻlmasida 31-grafada deklaratsiyalanayotgan tovarning tashqi savdo kontrakti (shartnomasi, kelishuvi) valyutasidagi bojxona qiymati koʻrsatiladi. Bojxona qiymati Oʻzbekiston Respublikasi Bojxona kodeksida belgilangan tovarlarning bojxona qiymatini aniqlash usullariga muvofiq hisoblanadi.

Bojxona qiymati matematik qoidalarga koʻra verguldan soʻng ikki belgigacha aniqlikda yaxlitlanadi;

3) 46-grafa. “Statistik qiymat”.

Grafada 45-grafada keltirilgan bojxona qiymati asosida hisoblangan tovarlarning statistik qiymati ming AQSh dollarida koʻrsatiladi. Statistik qiymat matematik qoidalarga koʻra verguldan keyingi uch belgigacha aniqlikda yaxlitlanadi.

Statistik qiymatni hisoblashda BYuD bojxona rasmiylashtiruvi uchun qabul qilingan kunda amalda boʻlgan Oʻzbekiston Respublikasi Markaziy banki tomonidan belgilangan kurs qoʻllaniladi;

4) 50-grafa. “Ishonch bildirgan shaxs”.

Grafa mazkur Yoʻriqnomaning 25-bandiga muvofiq, quyidagi oʻziga xos xususiyatlarni inobatga olgan holda toʻldiriladi:

grafada qoʻshimcha ravishda quyidagi mazmundagi yozuv amalga oshiriladi: “Tovarni qayta ishlash muddati yakunlangach uni boshqa bojxona rejimiga joylashtirish uchun bojxona organlariga murojaat qilish majburiyatini olaman”.”.

13. 81-bandning 1-kichik bandida:

toʻrtinchi xatboshi quyidagi tahrirda bayon etilsin:

“Olib chiqish kontrakti asosida olib chiqilayotgan tovarlarni deklaratsiyalashda, tovarning tashqi savdo kontrakti (shartnomasi, kelishuvi) valyutasidagi qiymati koʻrsatiladi.”.

quyidagi mazmundagi xatboshi bilan toʻldirilsin:

“Tovarlar va xizmatlar qiymati matematik qoidalarga koʻra verguldan keyingi ikki belgigacha aniqlikda yaxlitlanadi;”.

14. 882-bandning 2-kichik bandi toʻrtinchi xatboshisidagi “999999999” kodi “99999999999999” kodi bilan almashtirilsin.

15. 11-ilovaning 46-pozitsiyasi quyidagi tahrirda bayon etilsin:

“ 46 Zarur hujjatlar (bundan ruxsat etish xususiyatiga ega hujjatlar mustasno) va maʼlumotlar taqdim etilmaganligi sababli shartli chiqarib yuborilgan tovarlar 036 ”.

16. 12-ilovada:

a) quyidagi mazmundagi 171 va 172 pozitsiyalar bilan toʻldirilsin:

“ 171. Norezident tashuvchining transport xizmatidan foydalanish boʻyicha tuzilgan kontrakt (shartnoma, kelishuv) 305 KNT_TR 172. Norezident tashuvchining transport xizmatidan foydalanish boʻyicha tuzilgan kontrakt (shartnoma, kelishuv)ning Tashqi savdo operatsiyalari yagona elektron axborot tizimidagi identifikatsiya raqami 306 IDN_TR ”;

b) 18 va 693-pozitsiyalar chiqarib tashlansin;

v) quyidagi mazmundagi 6918-pozitsiya bilan toʻldirilsin:

“ 6918. Oʻzbekiston Respublikasiga olib kiriladigan tovarlar boʻyicha toʻlanishi lozim boʻlgan bojxona toʻlovlari miqdorini aniqlash boʻyicha dastlabki qaror 869 PRTP ”.

17. 15-ilova quyidagi mazmundagi 691-pozitsiya bilan toʻldirilsin:

“ 691. Koʻkdala tumani 1710240 ”.

18. Mazkur oʻzgartirish va qoʻshimchalar Oʻzbekiston Respublikasi Savdo-sanoat palatasi bilan kelishilgan.