Qoraqalpogʻiston Respublikasida 2022-2024-yillarda aholi salomatligini muhofaza qilishni yanada kuchaytirish toʻgʻrisida (PQ-310-son)

07.07.2022

Oʻzbekiston Respublikasi Prezidentining

Qarori

2022-yil 18-mart kuni oʻtkazilgan Oʻzbekiston Respublikasi Prezidentining sogʻliqni saqlash sohasi vakillari bilan “Tibbiyotdagi islohotlar — inson qadri uchun” mavzusidagi ochiq muloqoti doirasida belgilangan vazifalar ijrosini taʼminlash, shuningdek, Qoraqalpogʻiston Respublikasida tibbiy yordam koʻrsatishni tashkil etishni takomillashtirish, aholi orasida kasalliklarning oldini olish va barvaqt aniqlash, tibbiy xizmatlarni aholiga yaqinlashtirish va ularning sifatini oshirish, tibbiyot muassasalarining moddiy-texnika bazasini mustahkamlash va kadrlar salohiyatini yanada oshirish maqsadida:

1. Sogʻliqni saqlash vazirligi, Moliya vazirligi hamda Qoraqalpogʻiston Respublikasi Vazirlar Kengashining:

Nukus shahrida joylashgan Bolalar ftiziatriya sanatoriysi negizida ushbu sanatoriyda mavjud 250 ta oʻrin fondini maqbullashtirish hisobiga Qoraqalpogʻiston Respublikasida surunkali kasalligi va nogironligi mavjud boʻlgan bolalar uchun 120 oʻrinli Bolalar tibbiy reabilitatsiya markazini hamda Xoʻjayli tumanidagi Respublika koʻp tarmoqli bolalar sanatoriysi negizida 80 oʻrinli Bolalar ftiziatriya sanatoriysini tashkil etish;

Akademik V. Vohidov nomidagi Respublika ixtisoslashtirilgan xirurgiya ilmiy-amaliy tibbiyot markazining Nukus filialini tugatish hamda Nukus shahar tibbiyot birlashmasi tarkibida tugatilayotgan filialning boʻshayotgan hududi, bino-inshootlari negizida mavjud oʻrinlar va shtat birliklarini saqlagan holda 20 oʻrinli xirurgiya boʻlimini tashkil etish;

Qoraqalpogʻiston Respublikasi koʻp tarmoqli tibbiyot markazining xirurgiya boʻlimi negizida akademik V. Vohidov nomidagi Respublika ixtisoslashtirilgan xirurgiya ilmiy-amaliy tibbiyot markazining Nukus filialini tashkil etish;

Nukus shahar tibbiyot birlashmasi tarkibida mavjud oʻrinlar doirasida umidsiz ogʻir bemorlar uchun 20 oʻrinli palliativ yordam koʻrsatadigan boʻlimni (xospis) tashkil etish toʻgʻrisidagi takliflari maʼqullansin.

2. Quyidagilar:

Qoraqalpogʻiston Respublikasida 2022 — 2024-yillarda aholiga koʻrsatilayotgan tibbiy-sanitariya yordamining sifat va samaradorligini oshirish boʻyicha qoʻshimcha chora-tadbirlar dasturi 1-ilovaga muvofiq;

Qoraqalpogʻiston Respublikasi davlat tibbiyot muassasalarini qoʻshimcha jihozlash dasturi 2-ilovaga muvofiq tasdiqlansin.

3. Sogʻliqni saqlash vazirligi (B. Musayev) Moliya vazirligi (T. Ishmetov) va Qoraqalpogʻiston Respublikasi Vazirlar Kengashi (Q. Sariyev) bilan birgalikda:

a) 2022-yil yakuniga qadar:

birlamchi tibbiy-sanitariya yordami muassasalaridan uzoq masofada joylashgan mahallalarda mahalliy budjet mablagʻlari hisobidan qoʻshimcha 34 ta mahalla tibbiyot punktlarini tashkil etish va ularni zarur jihozlar bilan taʼminlash;

tez tibbiy yordam tizimida mavjud avtotransport vositalari parkini bosqichma-bosqich yangilash rejasiga asosan tez tibbiy yordam xizmatini 63 ta yangi tez tibbiy yordam maxsus avtotransport vositalari bilan taʼminlash choralarini koʻrsin;

b) 2022-yil 1-sentabrdan boshlab:

koʻp tarmoqli markaziy poliklinika va oilaviy poliklinika filiallari negizida mahalliy budjet mablagʻlari hisobidan 16 ta oilaviy shifokor punktlarini tashkil etish va faoliyatini yoʻlga qoʻyish choralarini koʻrsin;

bolalar orasida koʻp uchrayotgan kasalliklarni erta aniqlash maqsadida 2 — 10 yoshli bolalar orasida gelmintoz, 12 — 15 yoshli qizlar orasida kamqonlik kasalligi boʻyicha skrining dasturlarini joriy etsin.

4. Oʻzbekiston Respublikasi Sogʻliqni saqlash vazirligi markaziy apparatining tashkiliy tuzilmasida xodimlarning belgilangan umumiy cheklangan soni hamda Davlat budjetidan ajratilgan mablagʻlar doirasida Orolboʻyi mintaqasida tibbiy xizmat boʻyicha vazirning oʻrinbosari lavozimi joriy etilsin va unga quyidagi vazifalar yuklansin:

Orolboʻyi mintaqasida yashovchi aholining genofondini tiklash va sogʻligʻini saqlash boʻyicha takliflar ishlab chiqish, ularni amalga oshirish boʻyicha zarur chora-tadbirlar, xalqaro va mahalliy loyihalar hamda dasturlarni shakllantirishga koʻmaklashish, ularning oʻz vaqtida va sifatli amalga oshirilishini taʼminlash;

Orolboʻyi mintaqasida tarqalgan kasalliklar, shu jumladan yurak qon-tomir, stomatologik, oʻtkir ichak, oʻpka, gematologik va onkologik kasalliklarni profilaktika qilish va kamaytirish choralarini koʻrish;

sogʻliqni saqlash mintaqaviy tizimini takomillashtirish, aholining, ayniqsa bolalar va ayollarning sogʻlomlik darajasini oshirish, sanitariya-epidemiologik vaziyatni yaxshilash, sogʻlom turmush tarzini shakllantirish, kundalik hayotga oilaviy salomatlik madaniyatini joriy etishga koʻmaklashish;

bolalar, tugʻish yoshidagi, homilador va bola emizuvchi ayollarni profilaktik maxsus preparatlar bilan bepul taʼminlash borasidagi ishlarning samarali tashkil etilishiga koʻmaklashish;

hudud aholisi, shu jumladan tugʻma yurak nuqsoni bilan tugʻilgan bolalarga yuqori texnologiyaga asoslangan malakali ixtisoslashtirilgan tibbiy yordam koʻrsatishni taʼminlash;

olis hududlarda tibbiy yordam sifatini yaxshilash, sharoiti ogʻir mahallalarda sogʻliqni saqlash yoʻnalishida mavjud muammolarni hal etish choralarini koʻrish.

Belgilansinki, Orolboʻyi mintaqasida tibbiy xizmat boʻyicha vazirning oʻrinbosari oʻz faoliyatini ustuvor tarzda Orolboʻyi mintaqasida tashkil etadi hamda sohaga oid muammolarni shahar va tumanlarning oʻziga xos xususiyatidan kelib chiqqan holda joyida hal etib borish uchun tegishli choralar koʻrilishini taʼminlaydi.

5. Sogʻliqni saqlash vazirligi (B. Musayev) Moliya vazirligi (T. Ishmetov), Bandlik va mehnat munosabatlari vazirligi (N. Xusanov) bilan birgalikda 2022-yil 1-sentabrga qadar Qoraqalpogʻiston Respublikasining aholisi kam boʻlgan va tarqoq joylashgan Moʻynoq, Boʻzatov, Qoraoʻzak, Taxtakoʻpir, Shumanay, Qonlikoʻl tumanlari koʻp tarmoqli markaziy poliklinikalarining ayrim tor soha mutaxassislari (kardiolog, onkolog, urolog, otolaringolog, bolalar otolaringologi, nevrolog, bolalar nevrologi) lavozimlarining shtat meʼyorlarini biriktirilgan aholi sonidan qatʼi nazar bir shtat birligidan kam boʻlmagan miqdorda belgilasin.

6. Sogʻliqni saqlash vazirligi (B. Musayev), Moliya vazirligi (T. Ishmetov) va Davlat tibbiy sugʻurtasi jamgʻarmasi (F. Sharipov) 2025-yil 1-yanvardan boshlab Qoraqalpogʻiston Respublikasi sogʻliqni saqlash tizimi muassasalarini Davlat tibbiy sugʻurtasi jamgʻarmasi orqali moliyalashtirishni yoʻlga qoʻysin.

Bunda, sogʻliqni saqlash tizimi muassasalarini moliyalashtirish uchun ajratiladigan budjet mablagʻlari Qoraqalpogʻiston Respublikasi respublika budjeti darajasida rejalashtirilishi nazarda tutilsin.

7. Qoraqalpogʻiston Respublikasi, Xorazm viloyati va Toshkent shahrida gemodializ xizmatlarini koʻrsatish boʻyicha Sogʻliqni saqlash vazirligi va “Nephrocare Nealth Services Pvt. Ltd — Nephroplus” (Hindiston) kompaniyasi oʻrtasida tuzilgan davlat-xususiy sheriklik (keyingi oʻrinlarda — DXSH) toʻgʻrisidagi bitim doirasida aholiga koʻrsatiladigan gemodializ xizmatlarining narxi milliy valyutaning xorijiy valyutaga nisbatan ayirboshlash kursi tebranishlariga asoslangan mexanizm boʻyicha DXSH bitimiga muvofiq yillik indeksatsiya qilinishi belgilab qoʻyilsin.

Sogʻliqni saqlash vazirligi (B. Musayev) Moliya vazirligi (T. Ishmetov) va Qoraqalpogʻiston Respublikasi Vazirlar Kengashi (Q. Sariyev) bilan birgalikda xususiy sherik (“Nephrocare Nealth Services Central Asia” MCHJ) tomonidan gemodializ xizmatlari koʻrsatish boshlagandan soʻng bir oy muddatda, hududiy shifoxonalarning gemodializ boʻlinmalarini maqbullashtirishdan boʻshagan mablagʻlarni hamda Sogʻliqni saqlash vazirligining markazlashtirilgan xarajatlar smetasida Nefrologiya va gemodializ yordami koʻrsatish samaradorligini oshirish dasturi uchun ajratilgan mablagʻlarning tegishli qismini Sogʻliqni saqlash vazirligining har bir hudud uchun alohida ochilgan shaxsiy gʻazna hisobvaraqlariga koʻchirish choralarini koʻrsin.

Bunda xususiy sherik tomonidan koʻrsatilgan gemodializ xizmatlari uchun toʻlovlar 2022-yildan Oʻzbekiston Respublikasi Sogʻliqni saqlash vazirligi, 2026-yil 1-yanvardan boshlab Davlat tibbiy sugʻurtasi jamgʻarmasi tomonidan amalga oshiriladi hamda mablagʻlarning maqsadli sarflanishi toʻliq nazoratga olinadi.

8. 2022-yil 1-iyuldan boshlab leprozoriylarda ishlaydigan barcha xodimlarning lavozim maoshiga sogʻliq uchun oʻta xavfli sharoitlar munosabati bilan 50 foiz miqdorida ustama belgilansin.

9. Sogʻliqni saqlash vazirligi (B. Musayev) Qoraqalpogʻiston Respublikasi Vazirlar Kengashi (Q. Sariyev) bilan birgalikda:

a) tibbiyot oliy taʼlim muassasalarining 2021-2022-yillardagi bitiruvchilarini ishga qabul qilish orqali mavjud vakant oilaviy shifokor shtatlarini toʻldirsin;

b) kamida 3 yillik ish stajiga ega boʻlgan oilaviy shifokorlarni birlamchi boʻgʻinda tor soha mutaxassisi sifatida faoliyat yuritishi uchun mahalliy budjet mablagʻlari hisobidan respublika ixtisoslashtirilgan ilmiy-amaliy tibbiyot markazlarining Qoraqalpogʻiston Respublikasidagi filiallari, Qoraqalpogʻiston tibbiyot instituti hamda uning klinikasida qayta tayyorlash kurslarida oʻqitsin;

v) tibbiyot oliy taʼlim muassasalari bitiruvchilari hamda tibbiyot muassasalari mutaxassislarini tez tibbiy va shoshilinch yordam xizmatida faoliyat yuritishi uchun Sogʻliqni saqlash vazirligi huzuridagi Tez tibbiy yordamni rivojlantirish jamgʻarmasi mablagʻlari hisobidan Respublika shoshilinch tibbiy yordam ilmiy markazi hamda Tibbiyot xodimlarining kasbiy malakasini rivojlantirish markazi va uning filiallarida qayta tayyorlash kurslarida oʻqitsin;

g) 2022 — 2024-yillarda Iqtidorli va malakali tibbiyot mutaxassislarini qoʻllab-quvvatlash hamda tibbiyot muassasalariga jalb qilish jamgʻarmasi mablagʻlari hisobidan:

Qoraqalpogʻiston Respublikasining respublika darajasidagi shifoxonalari uchun kamida 55 nafar mutaxassislarni respublika ixtisoslashtirilgan ilmiy-amaliy tibbiyot markazlari, Tibbiyot xodimlarining kasbiy malakasini rivojlantirish markazi va tibbiyot oliy taʼlim muassasalarida qayta tayyorlash kurslarida oʻqitsin;

kamida 75 nafar tibbiyot xodimlarini nufuzli xorijiy tibbiyot muassasalari va markazlariga malaka oshirish va stajirovka oʻtash uchun yuborsin.

10. Oʻzbekiston Respublikasi Prezidentining hamda Oʻzbekiston Respublikasi Hukumatining ayrim hujjatlariga 3-ilovaga muvofiq oʻzgartirish va qoʻshimchalar kiritilsin.

11. Sogʻliqni saqlash vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

12. Mazkur qaror ijrosini samarali tashkil qilishga masʼul va shaxsiy javobgar etib sogʻliqni saqlash vaziri B.A. Musayev hamda Qoraqalpogʻiston Respublikasi Vazirlar Kengashi Raisi Q.R. Sariyev belgilansin.

13. Qaror ijrosini nazorat qilish, ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti maslahatchisining birinchi oʻrinbosari L.N. Tuychiyev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 7-iyul,

PQ-310-son

Oʻzbekiston Respublikasi Prezidentining 2022-yil 7-iyuldagi PQ-310-son qaroriga 1-ILOVA

Qoraqalpogʻiston Respublikasida 2022 — 2024-yillarda aholiga koʻrsatilayotgan tibbiy-sanitariya yordamining sifat va samaradorligini oshirish boʻyicha qoʻshimcha

chora-tadbirlar dasturi

T/r Chora-tadbirlar nomi Amalga oshirish shakli Bajarish muddati Moliyalashtirish manbalari Ijro uchun masʼullar I. Birlamchi tibbiy-sanitariya yordami qulayligini taʼminlash, kasalliklarni erta aniqlash va profilaktika choralarini takomillashtirish 1. Birlamchi tibbiy-sanitariya yordamini aholiga yaqinlashtirish. Quyidagilarni tashkil etish va faoliyatini yoʻlga qoʻyish: Mahalliy budjet mablagʻlari Qoraqalpogʻiston Respublikasi Vazirlar Kengashi (Sariyev), Qoraqalpogʻiston Respublikasi Sogʻliqni saqlash vazirligi (Kurbanov), Sogʻliqni saqlash vazirligi (Inoyatov) a) birlamchi tibbiy-sanitariya yordami muassasalaridan yiroqda joylashgan mahallalarda 34 ta mahalla tibbiyot punktlarini: Beruniy tumanida — 2 ta; Boʻzatov tumanida — 2 ta; Qonlikoʻl tumanida — 8 ta; Kegeyli tumanida — 1 ta; Qoʻngʻirot tumanida — 1 ta; Taxiatosh tumanida — 2 ta; Toʻrtkoʻl tumanida — 4 ta; Xoʻjayli tumanida — 6 ta; Shumanay tumanida — 4 ta; Nukus shahrida — 4 ta; 2022-yil dekabr b) Koʻp tarmoqli va oilaviy poliklinika filiallari negizida 16 ta oilaviy shifokor punktlarini: Beruniy tumanida — 2 ta; Qonlikoʻl tumanida — 2 ta; Qoʻngʻirot tumanida — 2 ta; Taxtakoʻpir tumanida — 1 ta; Xoʻjayli tumanida — 1 ta; Shumanay tumanida — 2 ta; Moʻynoq tumanida — 1 ta; Chimboy tumanida — 1 ta; Nukus tumanida — 1 ta; Ellikqalʼa tumanida — 2 ta; Boʻzatov tumanida — 1 ta. 2022-yil sentabrdan boshlab reja-grafik asosida 2. Aholining profilaktik tibbiy koʻriklari, skrining dasturlarini amaliyotga joriy etish. 655 ming nafar 18 yoshgacha boʻlgan bolalarni chuqurlashtirilgan tibbiy koʻrikdan; 370 ming nafar 18 yoshdan 40 yoshgacha boʻlgan shaxslarni oila shifokori tomonidan profilaktik koʻrikdan; 15 ming nafar nikohlanuvchi shaxslarning tibbiy koʻrikdan oʻtkazilishini taʼminlash. 2022-yil iyuldan boshlab Davlat budjetidan ajratilgan mablagʻlar doirasida Qoraqalpogʻiston Respublikasi Sogʻliqni saqlash vazirligi (Kurbanov), Sogʻliqni saqlash vazirligi (Inoyatov) 3. Yurak-qon tomir va 2 turdagi qandli diabet kasalligini erta aniqla?. 548 ming nafar 40 yoshdan oshgan aholini yuqumli boʻlmagan kasalliklar xavf omillarini aniqlash boʻyicha skrining dasturlari bilan qamrab olish. 2022-yil yakuniga qadar reja-grafik asosida Davlat budjetidan ajratilgan mablagʻlar doirasida Qoraqalpogʻiston Respublikasi Sogʻliqni saqlash vazirligi (Kurbanov), Sogʻliqni saqlash vazirligi (Inoyatov) 4. Xavfli oʻsma kasalliklarini erta bosqichlarda aniqlash. 233 ming nafar 35 — 55 yoshdagi ayollarni bachadon boʻyni saratoni kasalligi; 179 ming nafar 45 — 65 yoshdagi ayollarni koʻkrak bezi saratoni kasalligini aniqlash boʻyicha skrining tekshiruvlardan oʻtkazish. 2022-2023-yillar reja-grafik asosida Davlat budjetidan ajratilgan mablagʻlar doirasida Qoraqalpogʻiston Respublikasi Sogʻliqni saqlash vazirligi (Kurbanov), Sogʻliqni saqlash vazirligi (Basitxanova) 5. Yuqumli boʻlmagan kasalliklar profilaktikasini amalga oshirish. 58 ming nafar 6 — 23 oylik bolalarni mikronutriyent kukunlari; 481 ming nafar 3 — 15 yoshli bolalarni yod preparatlari; 89 ming nafar oʻsmir qizlarni temir preparatlari; 40 ming nafar homiladorlarni vitamin komplekslari; 3 ming 700 nafar bemorni “metformin” va “enalapril” preparatlari bilan bepul taʼminlash. 2022-yil yakuniga qadar reja-grafik asosida Davlat budjetidan ajratilgan mablagʻlar doirasida Qoraqalpogʻiston Respublikasi Sogʻliqni saqlash vazirligi (Kurbanov), Sogʻliqni saqlash vazirligi (Basitxanova) 6. Bolalar orasida koʻp uchrayotgan kasalliklarni erta aniqlash. 345 ming nafar 2 — 10 yoshli bolalar orasida gelmintoz; 151 ming nafar 7 — 10 yoshli bolalar orasida miopiya; 139 ming nafar 12 — 15 yoshli oʻsmir qizlar orasida kamqonlik kasalligini aniqlash boʻyicha skrining dasturlarini amalga oshirish. 2022-yil sentabrdan boshlab reja-grafik asosida Davlat budjetidan ajratilgan mablagʻlar doirasida Qoraqalpogʻiston Respublikasi Sogʻliqni saqlash vazirligi (Kurbanov), Qoraqalpogʻiston tibbiyot instituti (Ataniyazova), Sogʻliqni saqlash vazirligi (Basitxanova) 7. 143 ta birlamchi tibbiy-sanitariya yordami muassasalarida 940 ta kunduzgi statsionar oʻrinlarini tashkil qilish. Amaliy chora-tadbirlar 2022-yil yakuniga qadar Mahalliy budjetdan ajratilgan mablagʻlar doirasida Qoraqalpogʻiston Respublikasi Vazirlar Kengashi (Sariyev), Qoraqalpogʻiston Respublikasi Sogʻliqni saqlash vazirligi (Kurbanov) 8. Aholi orasida sogʻlom turmush tarzini shakllantirish va jismoniy faollikni oshirish choralari samaradorligini taʼminlash. 1. Barcha tuman (shahar) koʻp tarmoqli markaziy poliklinikalarida “Toʻgʻri ovqatlanish va sogʻlom turmush tarzi” xonalarini tashkil etish, jihozlanish jadvaliga muvofiq ularni tegishli jihoz va asbob uskunalar bilan taʼminlash. 2. “Tibbiyot brigadasi” tomonidan xonadonlarda kasalliklarning xavf omillaridan kelib chiqib, tegishli maslahat va tavsiyalar berish maqsadida ularni innovatsion targʻibot materiallari bilan taʼminlash. 3. Mahallalarda “Salomatlik maktabi” faoliyatini taʼminlash, ayollar orasida “Faol ayol” klublarini tashkil etish orqali ertalabki badantarbiya va kechki sayrlar oʻtkazilishini taʼminlash. 2022-yil yakuniga qadar Mahalliy budjetdan ajratilgan mablagʻlar doirasida Qoraqalpogʻiston Respublikasi Vazirlar Kengashi (Sariyev), Qoraqalpogʻiston Respublikasi Sogʻliqni saqlash vazirligi (Kurbanov), Qoraqalpogʻiston tibbiyot instituti (Ataniyazova), Oila va xotin-qizlar davlat qoʻmitasi (Maxkamova), Sportni rivojlantirish vazirligi (Ikramov) II. Aholiga ixtisoslashtirilgan tibbiy yordam koʻlamini kengaytirish, uning sifat va samaradorligini oshirish 9. Qoraqalpogʻiston Respublikasida surunkali kasalligi va nogironligi mavjud bolalar uchun 120 oʻrinli bolalar tibbiy reabilitatsiya markazi faoliyatini yoʻlga qoʻyish. Amaliy chora-tadbirlar 2022-yil yakuniga qadar Davlat budjetidan ajratilgan mablagʻlar doirasida Qoraqalpogʻiston Respublikasi Sogʻliqni saqlash vazirligi (Kurbanov), Qoraqalpogʻiston Respublikasi Vazirlar Kengashi (Sariyev), Sogʻliqni saqlash vazirligi (Basitxanova) 10. Yuqori texnologik tibbiy xizmat koʻrsatishga muhtoj bemorlarga jarrohlik amaliyotini oʻtkazish boʻyicha respublika ixtisoslashtirilgan tibbiyot markazlari bilan shartnomalar tuzish va ushbu markazlarning filiallarida jarrohlik amaliyotini amalga oshirish. Imtiyozli toifaga kiruvchi bemorlarga sunʼiy boʻgʻim (endoprotez) oʻrnatish jarrohlik amaliyotini amalga oshirishni yoʻlga qoʻyish. Amaliy chora-tadbirlar 2022-yil yakuniga qadar Davlat tibbiy sugʻurta jamgʻarmasiga ajratilgan mablagʻlar doirasida Qoraqalpogʻiston Respublikasi Sogʻliqni saqlash vazirligi (Kurbanov), Sogʻliqni saqlash vazirligi (Sabirov), Davlat tibbiy sugʻurtasi jamgʻarmasi (Sharipov) 11. Respublika ixtisoslashtirilgan tibbiyot markazlari filiallarida yuqori texnologiyali amaliyotlar, davolash va diagnostika usullarini tatbiq qilish. 1. Respublika ixtisoslashtirilgan travmatologiya va ortopediya ilmiy-amaliy tibbiyot markazining Nukus filialida endoprotezlash, artroskopiya usullarini tatbiq etish (2022-yilda — 50 ta, 2023-yilda — 100 ta, 2022 — 2024-yillarda — 300 ta amaliyot); Respublika ixtisoslashtirilgan xirurgiya ilmiy-amaliy tibbiyot markazi Nukus filialida yuqori texnologiyali kaminvaziv jarrohlik amaliyotini tatbiq etish (2022-yilda — 80 ta, 2023-yilda — 150 ta, 2022 — 2024-yillarda — 400 ta amaliyot); Respublika ixtisoslashtirilgan endokrinologiya ilmiy-amaliy tibbiyot markazi Nukus filialida struma-magna, qalqonsimon bez oldi oʻsmalari hamda qandli diabetning yiringli asoratlari, diabetik toʻpiq sindromi boʻyicha yuqori texnologik jarrohlik amaliyotlari oʻtkazish (2022-yilda — 50 ta, 2023-yilda — 80 ta, 2022 — 2024-yillarda — 250 ta amaliyot); Respublika ixtisoslashtirilgan koʻz mikroxirurgiyasi ilmiy-amaliy tibbiyot markazi Nukus filialida vitrektomiya, siklofotokoagulyatsiya va toʻr pardaning lazer koagulyatsiyasi usullarini tatbiq etish (2022-yildan ?oshlab har yili 150 ta amaliyot); Respublika ixtisoslashtirilgan onkologiya va tibbiy radiologiya ilmiy-amaliy tibbiyot markazi Nukus filialida yuqori texnologiyali kaminvaziv jarrohlik amaliyotini tatbiq etish (2022-yilda — 100 ta, 2023-2024-yillarda — 200 ta amaliyot); Respublika ixtisoslashtirilgan dermatologiya va venerologiya ilmiy-amaliy tibbiyot markazi Nukus filialida kasalliklarni zamonaviy tashxislash va davolash usulini tatbiq etish (2022-yildan boshlab har yili 400 nafar bemor); Respublika ixtisoslashtirilgan kardiologiya ilmiy-amaliy tibbiyot markazi Nukus filialida yuqori texnologiyali jarrohlik va rentgen endovaskulyar amaliyotlarini yoʻlga qoʻyish (2022-yilda — 300 ta, 2023-2024-yillarda 700 ta amaliyot); Respublika ixtisoslashtirilgan urologiya ilmiy-amaliy tibbiyot markazi Nukus filialida yuqori texnologiyali kaminvaziv jarrohlik amaliyotini tatbiq etish (2022-yilda — 50 ta, 2023-2024-yillarda — 150 ta amaliyot). 2022 — 2024-yillar Davlat tibbiy sugʻurta jamgʻarmasiga ajratilgan mablagʻlar doirasida Qoraqalpogʻiston Respublikasi Sogʻliqni saqlash vazirligi (Kurbanov), Sogʻliqni saqlash vazirligi (Sabirov) 2. Respublika ixtisoslashtirilgan ilmiy-amaliy tibbiyot markazlari, ularning Qoraqalpogʻiston Respublikasidagi filiallari va Qoraqalpogʻiston Respublikasi hamda tuman (shahar) darajasidagi tibbiyot muassasalari oʻrtasida telemeditsina, onlayn-maslahat va amaliy yordam berish boʻyicha reja asosida tizimli ishlarni yoʻlga qoʻyish. 2022-yil 1-avgust 12. Buyrak tosh kasalligini erta aniqlash maqsadida bolalar skrining dasturi doirasida 18 yoshdan 25 yoshgacha boʻlgan aholini 3 yilda bir marotaba buyrak ultratovush tekshiruvidan oʻtkazish. Amaliy chora-tadbirlar 2022 — 2024-yillar reja-grafik asosida Mahalliy budjetdan ajratilgan mablagʻlar doirasida Qoraqalpogʻiston Respublikasi Vazirlar Kengashi (Sariyev), Qoraqalpogʻiston Respublikasi Sogʻliqni saqlash vazirligi (Kurbanov) III. Tibbiyot muassasalarining moddiy-texnika bazasini mustahkamlash, bemorlar va tibbiyot xodimlari uchun qoʻshimcha qulayliklar yaratish 13. Birlamchi tibbiy-sanitariya yordami muassasalaridan yiroqda joylashgan mahallalarda 34 ta mahalla tibbiyot punktlarini tashkil etish uchun maxsus konteynerlarni oʻrnatish, ular uchun infratuzilma yaratish (elektr, suv, oqava suv tizimi, atrofni obodonlashtirish va boshqalar), zarur jihozlar bilan taʼminlash orqali faoliyatini yoʻlga qoʻyish. Amaliy chora-tadbirlar 2022-yil yakuniga qadar reja-grafik asosida Mahalliy budjet mablagʻlari (2,2 mlrd soʻm) Qoraqalpogʻiston Respublikasi Vazirlar Kengashi (Sariyev), Qoraqalpogʻiston Respublikasi Sogʻliqni saqlash vazirligi (Kurbanov) 14. 16 ta yangi oilaviy shifokor punktlari faoliyatini yoʻlga qoʻyish uchun tegishli binolarni ajratish, taʼmirlash ishlarini oʻtkazish, ularni tibbiy asbob-uskunalar bilan taʼminlash. Amaliy chora-tadbirlar 2022-2023-yillar reja-grafik asosida Mahalliy budjet mablagʻlari (8,1 mlrd soʻm) Qoraqalpogʻiston Respublikasi Vazirlar Kengashi (Sariyev), Qoraqalpogʻiston Respublikasi Sogʻliqni saqlash vazirligi (Kurbanov) 15. 175 oʻrinli Respublika ixtisoslashtirilgan onkologiya va tibbiy radiologiya ilmiy amaliy tibbiyot markazi Qoraqalpogʻiston filiali binosini yangidan qurish loyihasini Ijtimoiy va ishlab chiqarish infratuzilmasini rivojlantirish dasturiga kiritish. Amaliy chora-tadbirlar 2023-2024-yillar Ijtimoiy va ishlab chiqarish infratuzilmasini rivojlantirish dasturi mablagʻlari Sogʻliqni saqlash vazirligi (Sabirov), Iqtisodiy taraqqiyot va kambagʻallikni qisqartirish vazirligi (Boboyev), Qoraqalpogʻiston Respublikasi Vazirlar Kengashi (Sariyev), Qoraqalpogʻiston Respublikasi Sogʻliqni saqlash vazirligi (Kurbanov) 16. Sogʻliqni saqlash sohasini raqamlashtirish va axborot tizimlari yagona kompleksini joriy etish, aholiga xizmatlar koʻrsatish sifatini oshirish, ushbu yoʻnalishda qabul qilingan raqamli transformatsiya dasturlarini samarali amalga oshirish maqsadida tibbiyot muassasalarini lokal tarmoq bilan taʼminlash. Amaliy chora-tadbirlar 2022-yil yakuniga qadar reja-grafik asosida Davlat budjetidan ajratilgan mablagʻlar doirasida Qoraqalpogʻiston Respublikasi Vazirlar Kengashi (Sariyev), Qoraqalpogʻiston Respublikasi Sogʻliqni saqlash vazirligi (Kurbanov), Sogʻliqni saqlash vazirligi (Fazilkarimov), Moliya vazirligi (Abruyev) 17. Qoraqalpogʻiston Respublikasi hududiy perinatal markazining 3 ta bloki (tugʻuruq boʻlimlari, homiladorlar patologiyasi, chaqaloqlar patologiyasi, chaqaloqlar reanimatsiya boʻlimlari) va xoʻjalik binolarida taʼmirlash ishlarini amalga oshirish loyihasini 2023-yilgi Ijtimoiy va ishlab chiqarish infratuzilmasini rivojlantirish dasturiga kiritish. Amaliy chora-tadbirlar 2022-yil yakuniga qadar Ijtimoiy va ishlab chiqarish infratuzilmasini rivojlantirish dasturi mablagʻlari Sogʻliqni saqlash vazirligi (Sabirov), Iqtisodiy taraqqiyot va kambagʻallikni qisqartirish vazirligi (Boboyev), Qoraqalpogʻiston Respublikasi Vazirlar Kengashi (Sariyev), Qoraqalpogʻiston Respublikasi Sogʻliqni saqlash vazirligi (Kurbanov) 18. Qoraqalpogʻiston Respublikasi hududiy perinatal markazining moddiy-texnika bazasini yangilash (bunda, markazni 36 turdagi 261 dona asbob-uskunalar bilan jihozlash). Amaliy chora-tadbirlar 2022 — 2024 yillar Osiyo taraqqiyot banki loyihasi doirasida (1,1 mln AQSH dollari) Investitsiyalar va tashqi savdo vazirligi (Vafayev), Sogʻliqni saqlash vazirligi (Basitxanova), Qoraqalpogʻiston Respublikasi Vazirlar Kengashi (Sariyev), Qoraqalpogʻiston Respublikasi Sogʻliqni saqlash vazirligi (Kurbanov) 19. Respublika Shoshilinch tibbiy yordam ilmiy markazi Qoraqalpogʻiston filiali sharoitlarini yaxshilash, bemorlarga qulayliklar yaratish maqsadida filialning 5 qavatli, 3 qavatli va 2 qavatli binolarini kapital taʼmirlash. Amaliy chora-tadbirlar 2022 — 2024-yillar Mahalliy budjet mablagʻlari Qoraqalpogʻiston Respublikasi Vazirlar Kengashi (Sariyev), Sogʻliqni saqlash vazirligi (Kurbanov) 20. Qoraqalpogʻiston Respublikasi koʻp tarmoqli tibbiyot markazining xirurgiya boʻlimida buyrak koʻchirib oʻtkazish (buyrak transplantatsiyasi) jarrohlik amaliyotini oʻtkazishni yoʻlga qoʻyish va markazni zarur boʻlgan tibbiyot uskunalari bilan taʼminlash. Amaliy chora-tadbirlar 2022-2023-yillar Davlat budjetidan ajratilgan mablagʻlar doirasida Qoraqalpogʻiston Respublikasi Vazirlar Kengashi (Sariyev), Sogʻliqni saqlash vazirligi (Kurbanov), Akademik V. Vaxidov nomidagi respublika ixtisoslashtirilgan xirurgiya ilmiy-amaliy tibbiyot markazi (Ismailov) IV. Kadrlar taʼminotini yaxshilash, tibbiyot xodimlarining salohiyatini oshirish, tibbiyot sohasida ilm-fanni rivojlantirish 22. Hududiy tibbiyot muassasalarining kamida 75 nafar mutaxassisini yetakchi chet el klinika va markazlarida malaka oshirish va stajirovka oʻtash uchun yuborish. Amaliy chora-tadbirlar 2022 — 2024 yillar Iqtidorli va malakali tibbiyot mutaxassislarini qoʻllab-quvvatlash hamda tibbiyot muassasalariga jalb qilish jamgʻarmasi mablagʻlari Sogʻliqni saqlash vazirligi (Inoyatov), Qoraqalpogʻiston Respublikasi Sogʻliqni saqlash vazirligi (Kurbanov), Qoraqalpogʻiston tibbiyot instituti (Ataniyazova) 23. Qoraqalpogʻiston Respublikasida ehtiyoj yuqori boʻlgan tez tibbiy yordam hamda tor mutaxassisliklar boʻyicha maqsadli birlamchi ixtisoslashtirish (internatura) hamda qoʻshimcha ixtisoslashtirish orqali tibbiyot kadrlarini tayyorlash. Amaliy chora-tadbirlar 2022 — 2024 yillar Davlat budjetidan ajratilgan mablagʻlar doirasida Qoraqalpogʻiston Respublikasi Sogʻliqni saqlash vazirligi (Kurbanov), Sogʻliqni saqlash vazirligi (Inoyatov) 24. Qoraqalpogʻiston Respublikasining respublika darajasidagi diplomdan keyingi tibbiy taʼlim tizimini shakllantirish, pedagog kadrlarni tayyorlash, Qoraqalpogʻiston Respublikasi hududida rejali malaka oshirish va qayta tayyorlash oʻquv jarayonini amalga oshirish. Amaliy chora-tadbirlar 2022 — 2024 yillar - Qoraqalpogʻiston Respublikasi Sogʻliqni saqlash vazirligi (Kurbanov), Sogʻliqni saqlash vazirligi (Inoyatov), Tibbiyot xodimlarining kasbiy malakasini rivojlantirish markazi (Akilov) 25. Barcha tuman (shahar) tibbiyot birlashmalari rahbarlari, 143 ta ambulator-poliklinika muassasalari mudirlari, 758 ta tibbiyot brigadalari aʼzolari uchun sogʻlom turmush tarzi asoslari va yuqumli boʻlmagan kasalliklar profilaktikasi boʻyicha maxsus seminarlar tashkil etish va oʻtkazish. Reja-jadval 2022-yil yakuniga qadar - Qoraqalpogʻiston Respublikasi Sogʻliqni saqlash vazirligi (Kurbanov), Aholining sogʻlom turmush tarzini qoʻllab-quvvatlash va jismoniy faolligini oshirish markazi (Alixanova) 26. Sogʻliqni saqlash tizimi rahbar xodimlarini menejment, tibbiy xizmatlar sifatini oshirish, muassasalar faoliyatini tashkillashtirish va tahlil etish masalalari boʻyicha maxsus kurslarda oʻqitish. Reja-jadval 2022-yil yakuniga qadar - Qoraqalpogʻiston Respublikasi Sogʻliqni saqlash vazirligi (Kurbanov), Sogʻliqni saqlash vazirligi (Inoyatov) 27. Qoraqalpogʻiston tibbiyot institutida tor soha mutaxassislarining malakasini oshirish va ularni qayta tayyorlash kompleks dasturini ishlab chiqish. Amaliy chora-tadbirlar 2022-yil yakuniga qadar - Qoraqalpogʻiston tibbiyot instituti (Ataniyazova), Tibbiyot xodimlarining kasbiy malakasini rivojlantirish markazi (Akilov), Sogʻliqni saqlash vazirligi (Inoyatov) Birlamchi tibbiy-sanitariya yordami muassasalari shifokorlarining ekologik tibbiyot boʻyicha bilimlarini oshirish. Reja-jadval 2022-2023-yillar 28. Qoraqalpogʻiston tibbiyot instituti professor-oʻqituvchilari va xodimlari tomonidan hudud aholisining salomatligini mustahkamlash, sogʻlom turmush tarzini yuritish boʻyicha birlamchi tibbiy-sanitariya yordami muassasalariga (oilaviy shifokor punkti, oilaviy poliklinika, koʻp tarmoqli markaziy poliklinika) joyiga chiqqan holda koʻmaklashish. Birlamchi tibbiy-sanitariya yordami muassasalarida va aholi orasida quyidagi tadbirlarni amalga oshirishda Qoraqalpogʻiston tibbiyot instituti professor-oʻqituvchilari va xodimlarining ishtirokini va amaliy koʻmagini taʼminlash: aholining salomatlik holatini, kasalliklarni keltirib chiqaruvchi xavf omillarining tarqalganlik darajasini oʻrgangan holda aholini xavf guruhlariga tasniflash; qishloq va mahallalarda “Salomatlik maktabi” faoliyatini yoʻlga qoʻyish, nafaqadagi oʻqituvchi va tibbiyot xodimlari, ziyolilar hamda yoshlardan iborat volontyorlik guruhlarini tuzish; qishloq va mahallalarda homilador ayollar sogʻligʻi hamda 5 yoshgacha bolalarning oʻsishi va rivojlanishi yuzasidan ilmiy izlanishlar olib borish; aholi orasida toʻgʻri ovqatlanish asoslari, kasalliklar profilaktikasi, jismoniy faollik, shaxsiy va jamoat gigiyenasi, alkogol va tamaki kabi zararli odatlardan voz kechish boʻyicha targʻibot ishlarini olib borish. 2022 — 2024 yillar reja-grafik asosida - Qoraqalpogʻiston tibbiyot instituti (Ataniyazova), Qoraqalpogʻiston Respublikasi Sogʻliqni saqlash vazirligi (Kurbanov) V. Aholining xabardorligini oshirish va tadbirlarni ommaviy axborot vositalarida yoritib borish 29. Qoraqalpogʻiston Respublikasi Sogʻliqni saqlash vazirligi qoshida muntazam faoliyat yurituvchi “call-markaz” faoliyatini yoʻlga qoʻyish. Ushbu markazda fuqarolar va tibbiyot xodimlaridan murojaatlarni qabul qilish, ushbu murojaatlardan sogʻliqni saqlash tizimidagi islohotlarni amalga oshirishda foydalanishni yoʻlga qoʻyish. Amaliy chora-tadbirlar 2022-yil 1-avgust - Qoraqalpogʻiston Respublikasi Sogʻliqni saqlash vazirligi (Kurbanov), Qoraqalpogʻiston Respublikasi Vazirlar Kengashi (Sariyev) 30. Tizimda amalga oshirilayotgan ishlarni ommaviy axborot vositalari va ijtimoiy tarmoqlarda keng yoritib borish, televideniye orqali sogʻlom turmush tarzi asoslari boʻyicha roliklarni namoyish etish. Bunda, tuman (shahar) tibbiyot birlashmalarining “Salomatlik saboqlari” telegram-boti, mahallalarda “Mahallada duv-duv gap” kanallarini tashkil etish orqali aholiga sogʻlom turmush tarzi asoslari toʻgʻrisida maʼlumotlarni berib borish nazarda tutiladi. Amaliy chora-tadbirlar 2022 — 2024 yillar - Qoraqalpogʻiston Respublikasi Vazirlar Kengashi (Sariyev), Qoraqalpogʻiston Respublikasi Sogʻliqni saqlash vazirligi (Kurbanov), Qoraqalpogʻiston tibbiyot instituti (Ataniyazova)

Oʻzbekiston Respublikasi Prezidentining 2022-yil 7-iyuldagi PQ-310-son qaroriga 2-ILOVA

Qoraqalpogʻiston Respublikasi davlat tibbiyot muassasalarini qoʻshimcha jihozlash dasturi

AQSH dollari T/r Tibbiy jihoz nomi Qoraqalpogʻiston Respublikasi Jami Bita uskuna narxi Jami narxi Amudaryo tumani Beruniy tumani Boʻzatov tumani Kegeyli tumani Qonlikoʻl tuman Qoraoʻzak tumani Qoʻngʻirot tumani Moʻynoq tumani Nukus tumani Nukus shahri Taxiatosh tumani Taxtakoʻpir tumani Toʻrtkoʻl tumani Xoʻjayli tumani Chimboy tumani Shumanay tumani Ellikqalʼa tumani Jami 176 187 75 176 104 59 174 58 70 230 32 56 194 72 146 79 133 2021 11 287 300 1. Gematologik analizator 1 1 2 4 15 000 60 000 2. Koagulometr 1 1 2 10 000 20 000 3. Avtoklav 100 l. (plazmali sterilizator) 1 2 2 4 2 1 4 1 2 1 1 1 2 24 6 000 144 000 4. Siydik analizatori (10 parametr) 1 1 2 4 3 250 13 000 5. Bemorni havo orqali isitish uskunasi 1 1 5 000 5 000 6. Plazmaferez uskunasi 1 1 12 000 12 000 7. Infuzion eritmani isitish uskunasi 3 3 2 000 6 000 8. Kattalar uchun sunʼiy nafas berish uskunasi 3 2 2 2 1 2 12 20 000 240 000 9. Chaqaloqlar uchun sunʼiy nafas berish uskunasi 2 2 2 1 1 1 1 1 1 12 20 000 240 000 10. Lazer muolajasi uskunasi 1 1 2 500 2 500 11. Magnit muolajasi uskunasi 1 1 7 500 7 500 12. UTT uskunasi 2 2 2 2 7 1 1 2 1 2 1 1 24 28 350 680 400 13. Ultratovush ingalyatsiya uskunasi 4 4 1 000 4 000 14. Fibroskan uskunasi 1 1 95 000 95 000 15. Audiometr uskunasi 1 1 2 7 000 14 000 16. Binokulyar mikroskop 2 2 2 3 2 1 12 2 500 30 000 17. Biopsik jamlama ekzitsenzion biopsiya uchun uskuna 1 1 1 500 1 500 18. Bioximik analizator 1 1 1 1 1 2 7 35 000 245 000 19. Bioximik yarimavtomatik analizator 2 2 15 000 30 000 20. Katta akusher-ginekologik jamlama 1 1 7 500 7 500 21. Vakuum aspiratori (soʻrgʻich) 4 4 4 2 4 2 7 1 4 4 36 2 500 90 000 22. Videogastrokolonoskop 1 1 1 1 4 50 000 200 000 23. Videoduodenofibroskop 1 1 1 3 25 000 75 000 24. Videoendoskop (bronxoskop) 1 1 30 000 30 000 25. Gemodializ apparati 2 2 16 000 32 000 26. Ginekologik jihoz 2 3 2 7 4 500 31 500 27. Defibrillyator 2 2 2 1 2 4 1 1 1 3 1 20 5 350 107 000 28. Duodenofibroskop 1 1 22 000 22 000 29. Immunoferment analizatori 3 3 15 000 45 000 30. Inkubator (kuvez) chaqaloqlar uchun 2 6 4 4 1 3 1 9 1 2 4 4 41 10 785 442 185 31. Infuzion nasos 1 1 2 000 2 000 32. Kardiomonitor chaqaloqlar uchun 8 8 5 500 44 000 33. Kardiotoxograf (fetal monitor) 1 1 1 2 2 1 12 2 22 3 000 66 000 34. Gisteroskop 1 1 25 000 25 000 35. Kislorod konsentratori 3 3 14 1 21 2 500 52 500 36. Laboratoriya sentrifugasi 2 1 3 3 000 9 000 37. Operatsion chiroq (lampa) 1 4 2 4 1 3 2 2 3 3 25 9 200 230 000 38. Fototerapiya uchun chiroq 2 2 2 6 5 000 30 000 39. Mikrotom morfologik tadqiqotlar uchun 1 1 5 000 5 000 40. Koʻp funksiyali elektroxirurgiya tizimi 1 1 30 000 30 000 41. Bemor uchun monitor 3 3 5 8 1 7 2 29 4 259 123 511 42. Mobil rentgen apparati 1 1 1 3 17 500 52 500 43. Kompyuter tomografi 1 1 1 1 4 262 500 1 050 000 44. Jihozlar toʻplami (xirurgik, LOR, travmatologik) 4 6 6 6 9 7 3 6 1 1 26 3 6 8 3 95 11 863 1 126 985 45. Narkoz-nafas berish apparati 1 3 2 3 2 2 2 1 1 1 2 20 19 600 392 000 46. Neoterm (reanimatsion stol intensiv chaqaloqlar muolajasi uchun) 2 1 2 2 2 2 5 1 2 19 9 000 171 000 47. Jarrohlik stoli 1 6 3 6 2 2 4 1 3 28 14 000 392 000 48. Ochiq turdagi chaqaloqlar uchun reanimatsion tizim 3 3 3 3 12 7 000 84 000 49. Bugʻli sterilizator 4 4 9 000 36 000 50. Rentgen apparat 1 1 60 000 60 000 51. Plazmali sterilizator 1 1 52 000 52 000 52. Chaqaloqlar uchun koʻchma sunʼiy nafas berish jihozi 1 1 1 1 4 5 000 20 000 53. Portativ aspirator 21 21 1 000 21 000 54. Portativ ultratovush skaneri 1 1 1 1 4 24 000 96 000 55. Bemor konsol monitori 6 6 6 3 3 4 1 2 31 5 500 170 500 56. Stomatologiya uskunasi 1 3 3 3 1 1 1 9 2 2 26 15 000 390 000 57. LOR kombayn 1 1 1 1 1 1 1 1 8 40 000 320 000 58. Rektoromanoskop 1 1 10 000 10 000 59. Rentgen “S” dugali 1 1 1 1 4 58 750 235 000 60. Havo retsirkulyatori 10 10 200 2 000 61. Suv tayyorlash tizimi (5-oʻrinli) 1 1 40 000 40 000 62. Chaqaloqlar uchun CPAP 1 2 3 6 1 13 20 000 260 000 63. Kunlik xolter monitoring uskunasi (EKG/AD) 1 1 1 3 3 000 9 000 64. Xolter monitoring qilish tizimi 1 1 6 000 6 000 65. Eksimer nur tizimi 1 1 25 000 25 000 66. Statsionar kislorod stansiyasi 1 1 320 000 320 000 67. Quruq holda isituvchi shkaf 1 10 11 4 364 48 004 68. Quruq havo termostati 5 5 2 000 10 000 69. Tromboelastograf 1 1 10 000 10 000 70. UTT (UZI) 1 1 1 3 10 000 30 000 71. Ultratovush yuvish jihozi 2 2 11 000 22 000 72. Universal angiografik tizimi 1 1 600 000 600 000 73. FGDS (fibroezofago-gastroduodenoskop) 1 1 1 3 15 000 45 000 74. Xirurgik aspirator 20 20 3 000 60 000 75. Sistoskop 1 1 10 000 10 000 76. Raqamli rentgen apparati 1 1 2 4 115 000 460 000 77. Mobil raqamli rentgen apparati 1 1 50 000 50 000 78. Immunoferment analizator sheykeri 2 2 1 000 2 000 79. Shpritsli nasos 4 6 1 11 2 000 22 000 80. Elektrokardiograf 2 2 1 2 3 1 10 1 1 2 2 2 29 1 500 43 500 81. Elektroxirurgik yuqori chastotali koagulyator 1 1 1 2 1 1 1 1 9 15 000 135 000 82. Exoensefalograf 1 1 4 000 4 000 83. Oftalmoskop toʻplami/otoskop 19 15 1 13 8 7 15 7 4 2 6 18 6 11 6 14 152 300 45 600 84. Xirurgiya uchun asboblar kichik toʻplami 10 8 1 7 4 4 8 4 2 1 3 9 3 6 3 7 80 500 40 000 85. Akusher va ginekologlar uchun kichik toʻplam 10 8 1 7 4 4 8 4 2 1 3 9 3 6 3 7 80 800 64 000 86. Stomatologik moslama 10 8 1 7 4 4 8 4 2 1 3 9 3 6 3 7 80 2 550 204 000 87. Rektoskop aksessuarlari 2 2 2 2 2 2 2 2 3 2 2 2 2 2 2 2 33 355 11 715 88. Boʻy oʻlchagichli elektron tarozi (kattalar va bolalar uchun) 46 32 4 28 20 16 34 14 12 4 14 40 16 24 16 32 352 600 211 200 89. Boʻy oʻlchagichli tarozi (chaqaloqlar uchun) 46 32 4 28 20 16 34 14 12 4 14 40 16 24 16 32 352 100 35 200 90. Ginekologik kreslo 15 10 3 9 6 6 11 5 5 2 4 11 5 8 6 11 117 2 000 234 000

Izoh:

*Mazkur tibbiy asbob-uskunalar roʻyxati, qiymati va ularning taqsimotiga zarur hollarda Sogʻliqni saqlash vazirligi tomonidan aniqlik kiritilishi mumkin.

Oʻzbekiston Respublikasi Prezidentining 2022-yil 7-iyuldagi PQ-310-son qaroriga 3-ILOVA

Oʻzbekiston Respublikasi Prezidentining hamda Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2003-yil 26-fevraldagi “Sogʻliqni saqlash tizimini yanada isloh qilish chora-tadbirlari toʻgʻrisida”gi PF-3214-son Farmonida:

a) 10-bandning ikkinchi xatboshisida “barcha Respublika ixtisoslashtirilgan ilmiy-amaliy tibbiyot markazlari” soʻzlari “yuqori texnologik ixtisoslashtirilgan tibbiy yordam koʻrsatuvchi tibbiyot tashkilotlari” soʻzlari bilan almashtirilsin;

b) 2-ilovada:

nomlanishida “Barcha respublika ixtisoslashtirilgan ilmiy-amaliy tibbiyot markazlari” soʻzlari “Yuqori texnologik ixtisoslashtirilgan tibbiy yordam koʻrsatuvchi tibbiyot tashkilotlari” soʻzlari bilan almashtirilsin;

quyidagi mazmundagi 17-pozitsiya bilan toʻldirilsin:

“17. Dasturli gemodializ oluvchi bemorlar”.

2. Oʻzbekiston Respublikasi Prezidentining 2021-yil 28-iyuldagi “Sogʻliqni saqlash sohasida ixtisoslashtirilgan tibbiy yordam koʻrsatish tizimini yanada takomillashtirish chora-tadbirlari toʻgʻrisida”gi PQ-5199-son qarori 1-bandining “b” kichik bandi quyidagi tahrirda bayon etilsin:

“b) quyidagilar:

2021-yil 1-noyabrdan boshlab koʻz mikroxirurgiyasi va urologiya;

2022-yil 1-yanvardan kardiologiya, travmatologiya va ortopediya hamda akusherlik va ginekologiya;

2022-yil 1-iyuldan xirurgiya va neyroxirurgiya yoʻnalishlaridagi tibbiy xizmatlar imtiyozli toifaga kiruvchi shaxslarga Davlat budjeti mablagʻlari hisobidan nodavlat tibbiyot tashkilotlari tomonidan koʻrsatilishiga ruxsat berilsin.”.

3. Oʻzbekiston Respublikasi Vazirlar Mahkamasining 2013-yil 22-iyuldagi “Shaxslarning ayrim toifalarini imtiyozli asosda dori vositalari bilan taʼminlash tartibini yanada takomillashtirish chora-tadbirlari toʻgʻrisida”gi 204-son qaroriga 1-ilovaning matni quyidagi tahrirda bayon etilsin:

“Ambulatoriyada davolanishda dori vositalari bilan imtiyozli taʼminlanish huquqiga ega boʻlgan shaxslar toifalari

ROʻYXATI

1. Onkologik kasalliklarga chalinganlar.

2. Sil kasalligiga chalinganlar.

3. Moxov kasalligiga chalinganlar.

4. Endokrinologik kasalliklarga (qandli va qandsiz diabetga) chalinganlar.

5. Ruhiy kasalliklarga chalinganlar.

6. OIV kasalligini yuqtirganlar.

7. Yurak klapanini protezlash va organlarni koʻchirish yuzasidan operatsiya qilingan shaxslar.

8. Dasturli gemodializ oluvchi bemorlar.

9. Oʻzgalar parvarishiga muhtoj yolgʻiz pensionerlar.

10. 1941 — 1945-yillardagi urush oqibatida nogiron boʻlgan shaxslar va urush qatnashchilari, shuningdek, ularga tenglashtirilgan shaxslar.

11. 1941 — 1945-yillardagi urush mehnat fronti qatnashchilari.

12. Chernobil AESi falokatini tugatishda ishtirok etgan shaxslar jumlasiga kiruvchi nogironligi boʻlgan shaxslar.

13. Baynalmilalchi jangchilar.

14. Harbiy xizmatni yadro poligonlarida va boshqa radiatsiya-yadro obyektlarida oʻtagan pensiya yoshidagi shaxslar”.

4. Oʻzbekiston Respublikasi Vazirlar Mahkamasining 2019-yil 24-oktabrdagi 892-son qarori bilan tasdiqlangan Onkologik xizmatni yanada rivojlantirish va onkologik kasalliklarning kechki bosqichlarini boshidan oʻtkazayotgan bemorlarga tibbiy-psixologik yordam koʻrsatishni takomillashtirish boʻyicha chora-tadbirlar dasturi quyidagi mazmundagi 19-pozitsiya bilan toʻldirilsin:

“ 19. Toshkent viloyati Zangiota tumanidagi “2-son Zangiota” maxsus shifoxonasida 20 oʻrinli bolalar xospis boʻlimini 2022-yil 1-avgustdan boshlab tashkil qilish. Bolalar xospis boʻlimi faoliyatini amalga oshirishda “Ezgu Amal” jamoatchilik fondi bilan hamkorlikni yoʻlga qoʻyish. Sogʻliqni saqlash vazirining buyrugʻi 2022-yil 1-avgust - Sogʻliqni saqlash vazirligiga ajratilgan budjet mablagʻlari doirasida Sogʻliqni saqlash vazirligi, “Ezgu Amal” jamoat fondi ”.