Jismoniy tarbiya va sport boʻyicha mutaxassislarni qayta tayyorlash va malakasini oshirish tizimini yanada takomillashtirish chora-tadbirlari toʻgʻrisida (355-son)
04.07.2022
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “Turizm va sport vazirligi faoliyatini tashkil etish toʻgʻrisida” 2021-yil 6-apreldagi PQ-5054-son qarori ijrosini taʼminlash, shuningdek jismoniy tarbiya va sport boʻyicha mutaxassislarni qayta tayyorlash va malakasini oshirish tizimini yanada takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Turizm va sport vazirligi faoliyatini tashkil etish toʻgʻrisida” 2021-yil 6-apreldagi PQ-5054-son qarori 9-bandiga muvofiq Jismoniy tarbiya va sport boʻyicha mutaxassislarni ilmiy-metodik taʼminlash, qayta tayyorlash va malakasini oshirish markazi Jismoniy tarbiya va sport boʻyicha mutaxassislarni qayta tayyorlash va malakasini oshirish instituti (keyingi oʻrinlarda — Institut) etib qayta nomlanganligi maʼlumot uchun qabul qilinsin.
2. Kuyidagilar Institutning asosiy vazifalari etib belgilansin:
davlat maktabgacha taʼlim tashkilotlarining jismoniy tarbiya instruktorlari, umumiy oʻrta va oʻrta maxsus taʼlim, professional taʼlim muassasalarining jismoniy tarbiya fani oʻqituvchilari, oliy taʼlim muassasalarining jismoniy tarbiya va sport yoʻnalishlari boʻyicha rahbar va pedagog kadrlari, olimpiya va paralimpiya sport turlariga tayyorlash markazlari, sport turlari boʻyicha ixtisoslashtirilgan davlat maktab-internatlari, sport maktablarining rahbar kadrlari, instruktor-metodistlari, maxsus fan oʻqituvchilari, trenerlari, psixologlari, sport psixologlari, tarbiyachilari, maxsus xizmat xodimlari hamda sport tashkilotlarining jismoniy tarbiya va sport boʻyicha mutaxassislari (keyingi oʻrinlarda — jismoniy tarbiya va sport boʻyicha mutaxassislar)ni qayta tayyorlash va malakasini oshirish;
davlat taʼlim standartlari hamda kasbga doir bilim va koʻnikmalarga qoʻyilgan talablar asosida mehnat bozori ehtiyojlarini hisobga olgan holda, kasbiy maʼlumotga ega boʻlmagan sport taʼlim muassasalari xodimlari uchun qoʻshimcha ixtisoslik boʻyicha pulli asosda qayta tayyorlash va malaka oshirish kurslarini tashkil etish;
jismoniy tarbiya va sport boʻyicha mutaxassislarni kasbiy, maʼnaviy-axloqiy saviyasini oshirish, sport taʼlim tizimini ilmiy-metodik taʼminlash, ilgʻor pedagogik texnologiyalarni joriy etish;
oʻquv-mashgʻulot jarayoniga, xususan, sport taʼlim muassasalari amaliyotiga zamonaviy innovatsion pedagogik texnologiyalarni, oʻqitishning samarali shakllari va usullarini joriy etish;
davlat va nodavlat sport taʼlim muassasalari, sport tashkilotlari va jamiyatlari samaradorligini oshirish maqsadida jismoniy tarbiya va sport boʻyicha mutaxassislarga trenerlik faoliyati bilan shugʻullanish boʻyicha malaka sertifikatiga ega boʻlishlari uchun barcha zarur shart-sharoitlarni yaratish va oʻz filiallari faoliyatini muvofiqlashtirish hamda ilmiy-metodik ishlarni tashkil etish;
xalqaro aloqalarni kengaytirish va mustahkamlash, konferensiyalar, koʻrgazmalar va boshqa tadbirlar oʻtkazish orqali jismoniy tarbiya va sport sohasida mamlakatimiz yutuqlarini xalqaro darajada keng yoritish, xorijiy sport taʼlim muassasalari bilan hamkorlik qilish.
3. Belgilab qoʻyilsinki:
Institut jismoniy tarbiya va sport boʻyicha mutaxassislarni qayta tayyorlash va malakasini oshirishga ixtisoslashgan davlat taʼlim va ilmiy-tadqiqot muassasasi hisoblanadi;
Institutning Nukus, Samarqand va Fargʻona filiallari (keyingi oʻrinlarda — filiallar) uning yuridik shaxs boʻlgan tarkibiy boʻlinmasi hisoblanadi;
Institut va filiallar xodimlariga oliy taʼlim muassasalarining tegishli lavozimlari uchun belgilangan mehnatga haq toʻlash miqdorlari va shartlari tatbiq etiladi;
taʼlim xizmatlarini koʻrsatishdan tushgan budjetdan tashqari mablagʻlari hisobidan Institut va filiallar professor-oʻqituvchilari va xodimlari lavozim maoshlariga yagona tarif setkasi (bazaviy lavozim maoshi) boʻyicha mehnatga haq toʻlashning tasdiqlangan razryadlariga koʻra 200 foizgacha ustama haq toʻlash amalga oshiriladi;
Institut va filiallar faoliyatini moliyalashtirish Oʻzbekiston Respublikasi Davlat budjeti mablagʻlari, shartnoma asosida xizmatlar koʻrsatishdan tushadigan tushumlar, jismoniy va yuridik shaxslarning homiylik xayriyalari, xalqaro moliya tashkilotlarining grantlari hamda qonunchilik hujjatlarida taqiqlanmagan boshqa manbalar hisobidan amalga oshiriladi.
4. Quyidagilar:
Jismoniy tarbiya va sport boʻyicha mutaxassislarni qayta tayyorlash va malakasini oshirish institutining tuzilmasi 1-ilovaga muvofiq;
Jismoniy tarbiya va sport boʻyicha mutaxassislarni qayta tayyorlash va malakasini oshirish instituti filiallarining namunaviy tuzilmasi 2-ilovaga muvofiq tasdiqlansin.
5. Quyidagilarni nazarda tutuvchi Jismoniy tarbiya va sport boʻyicha mutaxassislarni qayta tayyorlash va malakasini oshirish tartibi toʻgʻrisidagi nizom 3-ilovaga muvofiq tasdiqlansin:
jismoniy tarbiya va sport boʻyicha mutaxassislarni qayta tayyorlash va malakasini oshirish boʻyicha umumiy talablarni belgilash hamda baholash mezonlarini tasdiqlash;
jismoniy tarbiya va sport boʻyicha mutaxassislar malakasini oshirishni bevosita (toʻgʻridan-toʻgʻri), muqobil, mustaqil, ilmiy-tadqiqot muassasalarida va xorijda tajriba orttirish shakllari boʻyicha amalga oshirish hamda malaka oshirish shakllarining umumiy davomiyligini kamida 4 hafta (144 soat) etib belgilash, malaka oshirishning bevosita (toʻgʻridan-toʻgʻri) shakli uchun auditoriya mashgʻulotlari va mustaqil ishlarning hajmi haftasiga 36 soat etib belgilash;
jismoniy tarbiya va sport boʻyicha mutaxassislarni qayta tayyorlashni pedagogik va kasbiy hamda maxsus oʻquv kurslarda oʻqitish shakllari boʻyicha amalga oshirish hamda qayta tayyorlash davomiyligi va oʻquv yuklamasi hajmini pedagogik va kasbiy qayta tayyorlashni — kamida 4 oy (576 soat), maxsus oʻquv kurslarini — 3 oy (432 soat), 6 oy (864 soat), 10 oy (1440 soat) etib belgilash;
jismoniy tarbiya va sport boʻyicha mutaxassislarni qayta tayyorlash, malaka oshirish va maxsus oʻquv kurslari tinglovchilarini kurs yakuni yuzasidan taʼlim dasturlarini oʻzlashtirish darajasini aniqlash va baholash tartibi.
6. Oʻzbekiston Respublikasi Maktabgacha va maktab taʼlimi vazirligi, Oliy taʼlim, fan va innovatsiyalar vazirligi, tizimida maktabgacha taʼlim tashkilotlari, umumiy oʻrta va oʻrta maxsus taʼlim, professional taʼlim muassasalari va oliy taʼlim muassasalari boʻlgan vazirlik va idoralar har yili 15-noyabrga qadar taʼlim tashkilotlarida faoliyat yuritayotgan jismoniy tarbiya va sport boʻyicha mutaxassislarning egallab turgan lavozimiga koʻra malaka oshirish kurslaridan oʻtishi boʻyicha belgilangan davriylikni inobatga olgan holda, keyingi kalendar yilda malaka oshirish kurslariga oʻqishga yuboriladigan tinglovchilar kontingentini shakllantirib, Oʻzbekiston Respublikasi Sport vazirligiga taqdim etib borsinlar.
7. Oʻzbekiston Respublikasi Sportni rivojlantirish vazirligi:
bir oy muddatda Institutning ustavini ishlab chiqib, tasdiqlasin va uni belgilangan tartibda davlat roʻyxatidan oʻtkazilishini taʼminlasin;
uch oy muddatda manfaatdor vazirlik va idoralar bilan birgalikda Institut va uning filiallari professor-oʻqituvchilar tarkibining oʻquv yuklamasi hamda oʻquv-uslubiy, ilmiy-tadqiqot ishlarini belgilash qoidalarini, shuningdek, jismoniy tarbiya va sport boʻyicha mutaxassislarni qayta tayyorlash va malakasini oshirishga qoʻyiladigan davlat taʼlim talablarini ishlab chiqsin va belgilangan tartibda tasdiqlasin;
Institut va uning filiallari moddiy-texnika bazasini mustahkamlash choralarini koʻrsin.
8. Oʻzbekiston Respublikasi Innovatsion rivojlanish vazirligi Sportni rivojlantirish vazirligi bilan birgalikda 2022-yilda jismoniy tarbiya va sport sohasidagi mavjud muammolarning ilmiy yechimini taʼminlashga qaratilgan amaliy va innovatsion loyihalarni tanlovlar asosida shakllantirib, belgilangan tartibda moliyalashtirishni tashkil etsin.
9. Oʻzbekiston Respublikasi Iqtisodiyot va moliya vazirligi 2022-yildan boshlab Oʻzbekiston Respublikasi Davlat budjetining parametrlarini shakllantirishda Institut va uning filiallari faoliyati hamda ularga yuklangan vazifalarni bajarish bilan bogʻliq xarajatlarni “Taʼlim” sohasiga ajratilgan mablagʻlar doirasida moliyalashtirilishini nazarda tutsin.
Institutga 3 ta, shu jumladan 2 ta shaxsan biriktirilgan va 1 ta navbatchi avtotransport vositasini saqlashga limit ajratilsin.
10. Oʻzbekiston Respublikasi Sport vazirligi Institutning bino va inshootlarini rekonstruksiya qilish, mukammal taʼmirlash ishlarini oʻrnatilgan tartibda sohaga ajratilgan limitlar doirasida investitsiya dasturlarini shakllantirishda inobatga olish va takliflarni belgilangan tartibda Iqtisodiyot va moliya vazirligiga kiritishni taʼminlasin.
11. Oʻzbekiston Respublikasi Hukumatining 4-ilovaga muvofiq ayrim qarorlari oʻz kuchini yoʻqotgan deb hisoblansin.
12. Oʻzbekiston Respublikasi Sportni rivojlantirish vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
13. Mazkur qarorning bajarilishini nazorat qilish Oʻzbekiston Respublikasi sport vaziri A.I. Ikramov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 4-iyul,
355-son
Vazirlar Mahkamasining 2022-yil 4-iyuldagi 355-son qaroriga 1-ILOVA
Jismoniy tarbiya va sport boʻyicha mutaxassislarni qayta tayyorlash va malakasini oshirish institutining
TUZILMASI
Rektor Ilmiy kengash Oʻquv ishlari boʻyicha prorektor Ilmiy ishlar va xalqaro aloqalar boʻyicha prorektor Moliya-iqtisod va xoʻjalik ishlari boʻyicha prorektor Malaka oshirish oʻquv jarayonini tashkil etish boʻlimi 4 Ilmiy ishlar va ilmiy pedagog kadrlar bilan ishlash boʻlimi 4 Moliya-reja va iqtisodiyot boʻlimi 3 Xoʻjalik boʻlimi* 1 Qayta tayyorlash oʻquv jarayonini tashkil etish boʻlimi 2 Oʻquv jarayonini metodik taʼminlash boʻlimi 2 Taʼlim sifatini nazorat qilish va monitoring boʻlimi 2 Axborot-kommunikatsiya texnologiyalari va masofadan oʻqitishni tashkil etish boʻlimi 3 Xalqaro aloqalar boʻlimi 2 Kadrlar boʻlimi 2 Axborot-resurs markazi 2 Kafedralar* Bosh yuriskonsult 1 Matbuot kotibi 1 Devonxona va arxiv 2 Nukus, Samarqand va Fargʻona filiallari
Xodimlarning umumiy cheklangan soni (texnik, xizmat koʻrsatuvchi, oʻquv-yordamchi xodimlar va professor-oʻqituvchilar tarkibidan tashqari) — 35 nafar, shu jumladan boshqaruv xodimlari soni — 19 nafar.
* Xoʻjalik boʻlimining texnik va xizmat koʻrsatuvchi xodimlari hamda kafedralarning oʻquv-yordamchi xodimlari soni qonunchilik hujjatlarida oliy taʼlim muassasalari uchun belgilangan normativlarga muvofiq aniqlanadi.
Vazirlar Mahkamasining 2022-yil 4-iyuldagi 355-son qaroriga 2-ILOVA
Jismoniy tarbiya va sport boʻyicha mutaxassislarni qayta tayyorlash va malakasini oshirish instituti filiallarining
NAMUNAVIY TUZILMASI
Direktor Ilmiy-metodik kengash Oʻquv, ilmiy va xalqaro aloqalar boʻyicha direktor oʻrinbosari Taʼlim sifatini nazorat qilish va monitoring boʻlimi 2 Qayta tayyorlash va malaka oshirish oʻquv jarayonini tashkil etish boʻlimi 3 Bosh yuriskonsult 1 Kadrlar boʻlimi 1 Axborot-kommunikatsiya texnologiyalari va masofadan oʻqitishni tashkil etish boʻlimi 2 Buxgalteriya 2 Axborot-resurs markazi 1 Xoʻjalik boʻlimi* 1 Kafedralar* Devonxona va arxiv 1
Xodimlarning umumiy cheklangan soni (texnik, xizmat koʻrsatuvchi, oʻquv-yordamchi xodimlar va professor-oʻqituvchilar tarkibidan tashqari) — 16 nafar, shu jumladan boshqaruv xodimlari soni — 11 nafar.
Nukus, Samarqand va Fargʻona filiallari xodimlarining umumiy cheklangan soni (texnik, xizmat koʻrsatuvchi, oʻquv-yordamchi xodimlar va professor-oʻqituvchilar tarkibidan tashqari) — 48 nafar, shu jumladan boshqaruv xodimlari soni — 30 nafar.
* Xoʻjalik boʻlimining texnik va xizmat koʻrsatuvchi xodimlari hamda kafedralarning oʻquv-yordamchi xodimlari soni qonunchilik hujjatlarida oliy taʼlim muassasalari uchun belgilangan normativlarga muvofiq aniqlanadi.
Vazirlar Mahkamasining 2022-yil 4-iyuldagi 355-son qaroriga 3-ILOVA
Jismoniy tarbiya va sport boʻyicha mutaxassislarni qayta tayyorlash va malakasini oshirish tartibi toʻgʻrisida
NIZOM
1-bob. Umumiy qoidalar
1. Mazkur Nizom davlat maktabgacha taʼlim tashkilotlari, umumiy oʻrta va oʻrta maxsus taʼlim, professional taʼlim muassasalari, oliy taʼlim muassasalari, olimpiya va paralimpiya sport turlariga tayyorlash markazlari, sport turlari boʻyicha ixtisoslashtirilgan davlat maktab-internatlari, sport maktablari hamda sport tashkilotlarining jismoniy tarbiya va sport boʻyicha mutaxassislarini qayta tayyorlash va malakasini oshirish tartibini belgilaydi.
2. Ushbu Nizomda quyidagi asosiy tushunchalar qoʻllaniladi:
jismoniy tarbiya va sport boʻyicha mutaxassislar — davlat maktabgacha taʼlim tashkilotlarining jismoniy tarbiya instruktorlari, umumiy oʻrta va oʻrta maxsus taʼlim, professional taʼlim muassasalarining jismoniy tarbiya fani oʻqituvchilari, oliy taʼlim muassasalarining jismoniy tarbiya va sport yoʻnalishlari boʻyicha rahbar va pedagog kadrlari, olimpiya va paralimpiya sport turlariga tayyorlash markazlari, sport turlari boʻyicha ixtisoslashtirilgan davlat maktab-internatlari, sport maktablarining rahbar kadrlari, instruktor-metodistlari, maxsus fan oʻqituvchilari, trenerlari, psixologlari, sport psixologlari, tarbiyachilari, maxsus xizmat xodimlari hamda sport tashkilotlarining jismoniy tarbiya va sport boʻyicha mutaxassislar (keyingi oʻrinlarda — jismoniy tarbiya va sport boʻyicha mutaxassislar);
pedagogik qayta tayyorlash — oliy va oʻrta maxsus maʼlumotga ega pedagog boʻlmagan mutaxassislarning bazaviy kasbiy maʼlumotini taʼlimning tegishli turi malaka talablari bilan belgilanadigan oʻquv-tarbiya jarayonining talab etiladigan sifatini taʼminlovchi darajada pedagogik faoliyatni yuritish uchun zarur va yetarli boʻlgan tayyorgarlikka muvofiqlashtirish maqsadida mutaxassislarni qayta tayyorlash;
kasbiy qayta tayyorlash — oliy va oʻrta maxsus pedagogik maʼlumotga ega mutaxassislar tomonidan taʼlimning tegishli turi malaka talablari bilan belgilanadigan, oʻqitishning talab etiladigan sifatini taʼminlaydigan darajada jismoniy tarbiya fani boʻyicha pedagogik faoliyatni yuritish uchun zarur hajmda yangi kasbiy bilimlar, malaka va koʻnikmalarni oʻqitish;
maxsus oʻquv kurslari — sport faoliyatini yakunlagan sportchilarning trenerlik faoliyati bilan shugʻullanishlari, pedagogik faoliyatni yuritish, zarur va yetarli hajmda yangi bilim, malaka va koʻnikmalarni oʻrgatish;
bevosita (toʻgʻridan-toʻgʻri) malaka oshirish — taʼlim dasturlari va mehnat bozorining takliflari asosida, taʼlimning tegishli turi oʻquv-tarbiya jarayonining monitoringi natijalari va mutaxassislar tayyorlash sifatini hisobga olgan holda davlat taʼlim talablariga muvofiq ishlab chiqilgan modullar boʻyicha maqsadli kasbiy taʼlim dasturlarini oʻzlashtirish;
mustaqil malaka oshirish — taʼlim darajasi va sifatiga qoʻyiladigan davlat taʼlim talablariga muvofiq yangi bilimlar, malaka, koʻnikma va kompetensiyalarni jismoniy tarbiya va sport boʻyicha mutaxassislari tomonidan mustaqil oʻzlashtirish, oʻzini-oʻzi kasbiy mahoratini rivojlantirish shakli;
masofaviy qayta tayyorlash va malaka oshirish — onlayn (masofadan turib oʻqitish metodlari qoʻllaniladigan va oʻz bilimlarini mustaqil oshirishi uchun videomaʼruzalar, maslahatlar, nazorat turlarini masofadan turib real vaqt rejimida oʻtkazish) va offlayn (masofaviy taʼlim platformasidagi tegishli oʻquv-metodik resurslarni mustaqil ravishda oʻzlashtirish hamda oʻz bilimlarini mustaqil oshirish) shaklida masofadan oʻqitish orqali amalga oshiriladigan taʼlim turi;
muqobil malaka oshirish — mustaqil malaka oshirish shakllaridan foydalanib, jismoniy tarbiya va sport boʻyicha mutaxassislarning kasbiy faoliyati boʻyicha erishgan individual natijalari tasdigʻini amaldagi bevosita malaka oshirish shakllariga tenglashtirilgan shakli;
ilmiy-tadqiqot muassasalarida tajriba orttirish — Oʻzbekiston davlat jismoniy tarbiya va sport universiteti, markazlar, laboratoriyalar va boshqa muassasalarda mutaxassislarni fanning zamonaviy yutuqlari, tegishli mutaxassisliklar boʻyicha rivojlantirishning ustuvor yoʻnalishlari, ilmiy tadqiqot uslublarini oʻrganish;
xorijda tajriba orttirish — Oʻzbekiston Milliy olimpiya qoʻmitasi, xorijiy mamlakatlar va xalqaro tashkilotlar tomonidan mamlakatimiz taʼlim tizimini rivojlantirish va takomillashtirishga koʻmaklashish uchun ajratilgan grantlarga muvofiq, shuningdek, taʼlimni boshqarish organlari bilan taʼlim va sport taʼlimi muassasalari hamda sport tashkilotlari tajribalarini oʻrganish;
kasbiy faoliyati natijalari — jismoniy tarbiya va sport boʻyicha mutaxassislarning kasbiy faoliyatida erishgan natijasi, tayyorlagan sportchilari va ularning erishgan yutuqlari, oʻquv adabiyotlari va ilmiy-tadqiqot ishlari, ratsionalizatorlik takliflari, patentlar hamda mualliflik guvohnomalari.
3. Jismoniy tarbiya va sport boʻyicha mutaxassislarni qayta tayyorlash va malakasini oshirish yoʻnalishlari hamda masofaviy qayta tayyorlash va malaka oshirish kurslarini tashkil etish tartibi Oʻzbekiston Respublikasi Sport vazirligi (keyingi oʻrinlarda — Vazirlik) tomonidan tasdiqlanadi.
4. Xorijiy davlatlarda taʼlim muassasalarini tamomlagan jismoniy tarbiya va sport boʻyicha mutaxassislarni qayta tayyorlash va malakasini oshirish ularning bazaviy maʼlumoti toʻgʻrisidagi hujjatini belgilangan tartibda nostrifikatsiyadan oʻtkazgandan keyin amalga oshiriladi.
5. Vazirliklar va idoralar tizimidagi taʼlim muassasalarining jismoniy tarbiya va sport boʻyicha mutaxassislari Jismoniy tarbiya va sport boʻyicha mutaxassislarni qayta tayyorlash va malakasini oshirish instituti (keyingi oʻrinlarda — Institut) va uning filiallarida Vazirlik tomonidan tasdiqlangan rejaga asosan, nodavlat taʼlim tashkilotlarining xodimlari va jismoniy shaxslar esa — ixtiyoriy ravishda ular bilan tuzilgan toʻlov shartnoma asosida qayta tayyorlash va malaka oshirish kurslaridan oʻtadilar.
Oliy taʼlim tashkilotlarining jismoniy tarbiya va sport faoliyati (faoliyat turlari boʻyicha) taʼlim yoʻnalishi hamda olimpiya va paralimpiya sport turlariga tayyorlash markazlari, ixtisoslashtirilgan davlat maktab-internatlari va qayta tayyorlash kurslari bitiruvchilari, shuningdek, oliy taʼlim tashkilotlari jismoniy tarbiya va sport faoliyati yoʻnalishlarining 3 va 4-kurslarida tahsil olayotgan talabalari tegishli sport turi boʻyicha trener lavozimiga ishga qabul qilinganda, ularga Institut tomonidan uch yil muddatga malaka sertifikati beriladi.
Jismoniy tarbiya va sport boʻyicha mutaxassislarning diplomida bittadan ortiq yoʻnalish, mutaxassislik yoki ixtisoslik koʻrsatilgan boʻlsa, ular mashgʻulot olib borayotgan har bir sport turi boʻyicha taʼlim muassasasining tavsiyasi asosida alohida malaka oshirish kurslaridan oʻtadilar.
Jismoniy tarbiya va sport boʻyicha mutaxassislar faoliyat yuritayotgan (yoki ishga qabul qilinayotgan) asosiy yoki oʻrindoshlik asosidagi ish joylari orqali malaka oshirish kurslariga jalb etiladi.
51. Sport taʼlim muassasalari va tashkilotlarida faoliyat olib borayotgan trenerlar, shuningdek, trenerlik faoliyati bilan shugʻullanish istagini bildirgan talabgorlar:
trener kadrlar tayyorlashga yoʻnaltirilgan taʼlim yoʻnalishlari boʻyicha oliy yoki oʻrta maxsus (professional) maʼlumotga ega boʻlganda — diplomda koʻrsatilgan sport turi (turlari) boʻyicha;
jismoniy tarbiya sohasida kadrlar tayyorlashga yoʻnaltirilgan taʼlim yoʻnalishlari (trener kadrlar tayyorlashga yoʻnaltirilgan taʼlim yoʻnalishlaridan tashqari) oliy yoki oʻrta maxsus (professional) maʼlumotga ega boʻlganda — kamida birinchi sport razryadiga (kattalar) ega boʻlgan oʻz sport turi (turlari) boʻyicha;
oliy yoki oʻrta maxsus (professional) maʼlumotga (jismoniy tarbiya va sport yoʻnalishlaridan tashqari) ega boʻlganda — jismoniy tarbiya maʼlumotiga ega boʻlish nazarda tutilmagan sport turlari roʻyxatiga kiritilgan va kamida sport ustaligiga nomzod boʻlgan sport turi (turlari) boʻyicha malaka oshirish kurslaridan oʻtadilar.
Bunda sport federatsiyalari (uyushmalari)ning tavsiyanomalari asosida Vazirlik tomonidan, istisno tariqasida, sport razryadisiz qayta tayyorlash va malaka oshirish kurslaridan oʻtishga ruxsat etiladi.
2-bob. Jismoniy tarbiya va sport boʻyicha mutaxassislarni qayta tayyorlash va malakasini oshirishning maqsadi va asosiy vazifalari
6. Qayta tayyorlash faoliyatining maqsadi — jismoniy tarbiya va sport boʻyicha maʼlumotga ega boʻlmagan kadrlarni jismoniy tarbiya va sport yoʻnalishlari boʻyicha faoliyatni amalga oshirishga qoʻshimcha kasbiy bilim, koʻnikma va malakalarning zarur hajmini egallashiga erishish.
7. Jismoniy tarbiya va sport boʻyicha maʼlumotga ega boʻlmagan kadrlarning oʻquv-mashgʻulot jarayonida talab etiladigan sifatini taʼminlaydigan darajadagi faoliyatni olib borishga zarur va yetarli kasbiy tayyorgarlikni taʼminlash qayta tayyorlash faoliyatining vazifasi hisoblanadi.
8. Malaka oshirish faoliyatining maqsadi — kasbiy bilim, koʻnikma va malakalarning chuqurlashtirilishi hamda yangilab borilishini taʼminlash, jismoniy tarbiya va sport boʻyicha mutaxassislarning toifasi, darajasi, razryadi va lavozimi oshishiga xizmat qiladigan zarur hajmini egallashini taʼminlash.
9. Malaka oshirishning asosiy vazifalari quyidagilardan iborat:
jismoniy tarbiya va sport boʻyicha mutaxassislarning kasbiy bilim, koʻnikma va malakalarini uzluksiz yangilab borish mexanizmlarini joriy etish, zamonaviy talablarga muvofiq sport taʼlimi sifatini taʼminlash uchun zarur darajada kasbiy tayyorgarlikni amalga oshirish;
jismoniy tarbiya va sport boʻyicha mutaxassislarning oʻquv mashgʻulotlari, oʻquv-tarbiyaviy ishlarni amalga oshirishda ilgʻor taʼlim texnologiyalari va xalqaro tajribadan foydalanish, ilmiy va oʻquv-metodik tadqiqotlar olib borish hamda amaliyotga joriy etish koʻnikmalarini mustahkamlash;
malaka oshirishning bevosita (toʻgʻridan-toʻgʻri) va bilvosita shakllarini amaliyotga joriy etish va doimiy monitoringini olib borish;
malaka oshirish jarayonlarini tashkil etishda Internet jahon axborot tarmogʻi, multimedia tizimlari, masofadan oʻqitish usullaridan unumli foydalanish, axborot-kommunikatsiya va innovatsion texnologiyalarni egallash va ularni oʻquv jarayoniga tatbiq etish koʻnikmalarini shakllantirish;
ilgʻor xorijiy tajribalar asosida taʼlim dasturlarini doimiy yangilab borish hamda taʼlim jarayoniga joriy etish;
kasbiy bilim, koʻnikma va malakani uzluksiz yangilab borish mexanizmlarini joriy etish, zamonaviy talablarga muvofiq professional taʼlim sifatini taʼminlashga qaratilgan kasbiy tayyorgarlikni amalga oshirish;
mustaqil fikrlash koʻnikmalarini shakllantirish, pedagogik yangilikka intilishni rivojlantirish, zamonaviy axborot-kommunikatsiya texnologiyalaridan foydalanish;
ilmiy-pedagogik salohiyatdan kelib chiqib, malaka oshirishning kasbiy ehtiyojlarni qanoatlantirishga yoʻnaltirilgan shakllarini mustaqil tanlash va oʻzlashtirish;
taʼlim, fan va ishlab chiqarish integratsiyasini taʼminlash orqali jismoniy tarbiya va sport boʻyicha mutaxassislarning tayyorgarligi sifatiga qoʻyiladigan malakaviy talablarni takomillashtirish.
3-bob. Jismoniy tarbiya va sport boʻyicha mutaxassislarni qayta tayyorlash va malakasini oshirish mazmuni hamda sifatiga qoʻyiladigan umumiy talablar
10. Quyidagilar qayta tayyorlash va malaka oshirish boʻyicha taʼlim dasturlari mazmuniga qoʻyiladigan umumiy talablar hisoblanadi:
kasblar va lavozimlarga boʻlgan malaka talablariga muvofiqlik;
taʼlim va kadrlar tayyorlash sohasidagi davlat siyosatining asosiy yoʻnalishlarini, taʼlim turlari va bosqichlari boʻyicha davlat talablarining uzluksizligi va uzviyligini taʼminlashga, tinglovchilarning bilimlarini yangilash va chuqurlashtirishga, zamonaviy axborot texnologiyalaridan foydalana olishga, kasbiy malaka va koʻnikmalarni hosil qilishga, taʼlimning samarali usullari hamda texnologiyalarini egallash va takomillashtirishga qaratilganlik;
davlat taʼlim talablari hajmi va mazmunining qayta tayyorlash va malaka oshirish muddatlariga hamda tegishli qonunosti hujjatlariga muvofiqligi.
11. Taʼlim dasturi ilm-fan, pedagogik va innovatsion texnologiyalarning soʻnggi yutuqlariga muvofiq tashkil etilishi hamda taʼlim turlari oʻrtasida uzluksizlik va uzviylikni taʼminlash talablariga mos boʻlishi kerak.
Taʼlim dasturlarida taʼlim oluvchilar tomonidan bilimlarni mustaqil izlash va ularni oʻzlashtirish nazarda tutilishi lozim.
Institutning oʻquv rejasi va dasturlarini tuzish, ekspertizadan oʻtkazish, tasdiqlash va ularni taʼlim jarayoniga joriy etish vazirlik tomonidan amalga oshiriladi.
12. Qayta tayyorlash va malaka oshirishning sifati jismoniy tarbiya va sport boʻyicha mutaxassislarni tayyorgarlik darajasi, bilimi, koʻnikmasi hamda kasbiy mahorati, ularga qoʻyiladigan malaka talablariga muvofiqligi bilan belgilanadi.
13. Qayta tayyorlash va malaka oshirish kurslaridagi oʻquv jarayoni oʻquv rejalari va dasturlari asosida amalga oshiriladi hamda uning mazmuni va sifatiga qoʻyiladigan talablar tegishli taʼlim dasturlari bilan belgilanadi.
4-bob. Jismoniy tarbiya va sport boʻyicha mutaxassislarni qayta tayyorlash shakllari
14. Jismoniy tarbiya va sport boʻyicha mutaxassislarni qayta tayyorlash oʻqitish sifatiga qoʻyiladigan talablarni oshirishni va mehnat bozori ehtiyojlarini hisobga olgan holda ishlab chiqilgan taʼlim dasturlari boʻyicha yangi kasb bilimlari, malaka va koʻnikmalarni oʻzlashtirish orqali amalga oshiriladi.
15. Jismoniy tarbiya va sport boʻyicha mutaxassislarni qayta tayyorlash quyidagi turlarda amalga oshiriladi:
pedagogik qayta tayyorlash;
kasbiy qayta tayyorlash;
maxsus oʻquv kurslarda oʻqitish.
16. Jismoniy tarbiya va sport boʻyicha mutaxassislarni qayta tayyorlash kurslari yuridik va jismoniy shaxslarning buyurtmalari yoki mehnat bozorining talablari belgilanadigan ayrim pedagoglarning qayta ixtisoslashuvi yoki yangi mutaxassislikka ega boʻlishi munosabati bilan Institut tashabbusiga koʻra toʻlov shartnoma asosida tashkil etiladi.
Institut qayta tayyorlash kurslarida oʻqitish boʻyicha murojaatlarni qabul qiladi, oʻrganib chiqadi, kontingentni shakllantiradi hamda kurslarni tashkil etish muddatini belgilaydi.
5-bob. Jismoniy tarbiya va sport boʻyicha mutaxassislar malakasini oshirishning shakllari
17. Malaka oshirish quyidagi shakllarni oʻz ichiga oladi:
bevosita (toʻgʻridan-toʻgʻri) malaka oshirish;
masofaviy malaka oshirish;
muqobil malaka oshirish;
mustaqil malaka oshirish.
ilmiy-tadqiqot muassasalarida tajriba orttirish;
xorijda tajriba orttirish;
Mustaqil va muqobil shakllarda malaka oshirishning mazmuni davlat taʼlim talablarida aks ettiriladi.
171. Taʼlim olish shakllari quyidagilarni oʻz ichiga oladi:
a) ishlab chiqarishdan ajralgan holda taʼlim olish (kunduzgi) — jismoniy tarbiya va sport boʻyicha mutaxassislarning oʻz ish joylaridan toʻliq ajralgan holda bevosita taʼlim olishi;
b) ishlab chiqarishdan ajralmagan holda taʼlim olish (kechki, masofaviy):
jismoniy tarbiya va sport boʻyicha mutaxassislarning oʻz mehnat faoliyatidan boʻsh vaqtida (ish vaqtidan tashqari vaqtda yoki boshqa hollarda) taʼlim olishi;
jismoniy tarbiya va sport boʻyicha mutaxassislarning zarur bilim, malaka va koʻnikmalarini oshirish maqsadida 3+1 tizimi boʻyicha (75 foiz masofaviy, 25 foiz bevosita) yoki 2+2 tizimi boʻyicha (50 foiz bevosita, 50 foiz masofaviy) va/yoki 1+3 tizimi boʻyicha (25 foiz bevosita, 75 foiz masofaviy) taʼlim olishi.
18. Mustaqil malaka oshirish quyidagicha amalga oshiriladi:
ochiq oʻquv mashgʻulotlari va mahorat darslarini tashkil etish;
sport, hakamlik va malaka toifasiga ega boʻlish;
oʻquvchi va sportchilar bilan ishlash, seminar-treninglar tashkil etish;
sport musobaqalari va turli koʻrik-tanlovlarda sovrindor oʻquvchi va sportchilarni tayyorlash;
darsdan tashqari sport turlari boʻyicha toʻgaraklar tashkil etish;
ilmiy konferensiyalarda maʼruzalar bilan ishtirok etish yoki ilmiy jurnallarda maqolalar chop etish;
mustaqil tajriba orttirish;
oʻquv-uslubiy adabiyotlar tayyorlash va nashrdan chiqarish.
19. Muqobil malaka oshirish shakllari quyidagilarni oʻz ichiga oladi:
“Oʻzbekiston Respublikasida xizmat koʻrsatgan sport ustozi”, “Oʻzbekiston Respublikasida xizmat koʻrsatgan yoshlar murabbiysi”, “Oʻzbekiston Respublikasi xalq oʻqituvchisi”, “Oʻzbekiston iftixori”, “Oʻzbekiston Respublikasida xizmat koʻrsatgan sportchi” faxriy unvonlariga ega boʻlish;
soʻnggi 4 yilda Olimpiya va Paralimpiya oʻyinlarida gʻolib va sovrindor boʻlgan sportchilar va ularni tayyorlagan trenerlar;
Oʻzbekiston Fanlar akademiyasi akademigi ilmiy unvoniga ega boʻlish;
soʻnggi 4 yilda falsafa doktori (PhD) yoki mutaxassislik boʻyicha fan doktori (DSc) darajasini olish uchun dissertatsiya himoya qilish;
soʻnggi 4 yilda kamida bitta mutaxassislik boʻyicha fan doktori (DSc) darajasini olish uchun himoya qilingan dissertatsiya ishiga ilmiy maslahatchi yoki falsafa doktori (PhD) darajasini olish uchun himoya qilingan 2 ta dissertatsiya ishiga ilmiy rahbarlik qilish;
soʻnggi 2 yilda mutaxassislik boʻyicha dotsent yoki professor ilmiy unvoni olgan;
soʻnggi 4 yilda xorijiy mamlakatlarda malaka oshirish, stajirovka oʻtash (malaka oshirishning davomiyligi bir oydan kam boʻlmagan, stajirovkaning davomiyligi uch oydan kam boʻlmagan muddatda);
soʻnggi 2 yilda yakka mualliflikda jismoniy tarbiya va sport boʻyicha darslik yoki oʻquv qoʻllanma tayyorlash va nashrdan chiqarish;
Xalqaro shaxmat federatsiyasidagi (FIDE) reytingi boʻyicha 1 800 va undan yuqori ball toʻplagan boʻlishi;
Qoraqalpogʻiston Respublikasida xizmat koʻrsatgan sport ustozi”, “Qoraqalpogʻiston Respublikasida xizmat koʻrsatgan yoshlar murabbiysi”, “Qoraqalpogʻiston Respublikasi xalq taʼlimi oʻqituvchisi” va “Qoraqalpogʻiston Respublikasida xizmat koʻrsatgan sportchi” faxriy unvonlariga ega boʻlish;
tuman (shahar)larning “Eng yaxshi maktab sport klubi” reytingida 1 — 5-oʻrinlarni egallagan umumtaʼlim maktablarining jismoniy tarbiya oʻqituvchilari;
Jismoniy tarbiya va sport boʻyicha mutaxassislar kasbiy faoliyati natijalarini baholash mezonlari boʻyicha 85 va undan yuqori ball toʻplagan.
20. Masofadan oʻqitish asosidagi malaka oshirish kurslarida oʻquv mashgʻulotlari onlayn va offlayn shakllarda oʻtkaziladi.
6-bob. Jismoniy tarbiya va sport boʻyicha mutaxassislarni qayta tayyorlash va malaka oshirish kursining davomiyligi hamda oʻquv yuklamasining hajmi
21. Jismoniy tarbiya va sport boʻyicha mutaxassislarning malakasini oshirish davomiyligi uni tashkil etish shakllariga hamda kasbiy malaka darajasi va individual kasbiy ehtiyoji tizimida jismoniy tarbiya va sport boʻyicha mutaxassislari mavjud boʻlgan vazirliklar, idoralar va boshqa tashkilotlar (keyingi oʻrinlarda — buyurtmachi) talablarini hisobga olgan holda aniqlanadi.
22. Jismoniy tarbiya va sport boʻyicha mutaxassislar toʻrt yilda kamida bir marta malaka oshirishlari shart.
Malaka oshirish shakllarining umumiy davomiyligi kamida 4 hafta (144 soat) etib belgilanadi.
Malaka oshirishning bevosita (toʻgʻridan-toʻgʻri) shakli uchun auditoriya mashgʻulotlari va mustaqil ishlarning hajmi haftasiga 36 soat etib belgilanadi.
Ayrim hollarda malaka oshirishning bevosita (toʻgʻridan-toʻgʻri) shakli umumiy davom etish muddati, asosiy ishdan ajralgan holda oʻqitishda, kamida 3 hafta (144 soat), auditoriya mashgʻulotlarining va mustaqil ishlarning eng yuqori hajmi haftasiga 48 soat etib belgilanishi mumkin.
23. Jismoniy tarbiya va sport boʻyicha mutaxassislarni qayta tayyorlash davomiyligi va oʻquv yuklamasining hajmi:
pedagogik qayta tayyorlash — kamida 4 oy (576 soat);
kasbiy qayta tayyorlash — kamida 4 oy (576 soat);
maxsus oʻquv kurslari — 3 oy (432 soat), 6 oy (864 soat), 10 oy (1440 soat) etib belgilanadi.
24. Sport faoliyatini yakunlagan (kamida I kattalar razryadi) sportchilar trenerlik faoliyati bilan shugʻullanishlari uchun sport turlari boʻyicha trener, sport pedagogikasi va psixologiyasi boʻyicha 3 oylik (oliy maʼlumotli sportchilar uchun), 6 oylik (oʻrta va oʻrta maxsus maʼlumotli sportchilar uchun) va 10 oylik (oʻrta maʼlumotli sportchilar uchun) maxsus oʻquv kurslarida, toʻlov shartnoma asosda oʻqitiladi.
25. Auditoriya mashgʻulotlari va mustaqil ishlarning haftalik yuklamasi eng yuqori hajmi haftasiga 36 soat etib belgilanadi.
26. Auditoriya mashgʻulotlarining barcha turlari 80 daqiqa davom etadi, oʻquv mashgʻulotlari oraligʻidagi tanaffus kamida 10 daqiqani tashkil etadi.
7-bob. Jismoniy tarbiya va sport boʻyicha mutaxassislarni qayta tayyorlash hamda malaka oshirish kurslarini tashkil etish va oʻtkazish
27. Qayta tayyorlash va malaka oshirish kurslaridagi oʻquv jarayonlari 15 — 25 nafar tinglovchidan iborat akademik guruhlarda tashkil etiladi.
Istisno tariqasida, tinglovchilar kontingenti yetarli boʻlmagan yoʻnalishlarda, shu jumladan rus tilida dars olib boriladigan guruhlarda, tinglovchilar kontingenti guruh tarkibida yigʻilmaydigan kam sonli alohida sport turlarida oʻquv jarayonini tashkil etishda tinglovchilar soni kamida 5 nafar etib belgilanishi mumkin. Malaka oshirish kurslari uchun guruh talab etilgan tarkibda shakllanmagan taqdirda, tinglovchilar kontingentini oʻqitish turdosh sport turlari va malaka oshirish yoʻnalishlari boʻyicha guruhlar tarkibida amalga oshiriladi.
Malaka oshirish kurslarida tinglovchilar kontingenti yetarli boʻlmagan yoʻnalishlarda, shuningdek, homilador ayollar, uch yoshga toʻlmagan bolalari bor ayollarga yoki uch yoshga toʻlmagan bolani yolgʻiz oʻzi tarbiyalayotgan ota (vasiy)lar, sport va ommaviy jismoniy tarbiya tadbirlarining respublika kalendar-rejasiga kiritilgan oʻquv-mashgʻulotlar yigʻinlari va musobaqalarga jalb etilganlar, istisno tariqasida, Institut va uning filiallari rahbarining buyrugʻiga muvofiq masofaviy taʼlim shaklida malaka oshirishlari mumkin.
28. Kurslarga tinglovchilarni qabul qilish tasdiqlangan reja-jadval va joʻnatuvchi tomonlarning buyrugʻi asosida Institut va filiallar rahbarining buyrugʻi bilan amalga oshiriladi. Malaka oshirish kurslariga tinglovchilarni qabul qilish toʻgʻrisidagi buyruq kurslar boshlanishi sanasidan boshlab 3 kun mobaynida rasmiylashtiriladi.
29. Qayta tayyorlash yoki malaka oshirishga yuborilgan jismoniy tarbiya va sport boʻyicha mutaxassislar Institut va filiallar rahbarlarining buyrugʻi bilan tinglovchilar safiga qabul qilinadi.
30. Qayta tayyorlash va malaka oshirish kurslari boshlangandan keyin uch kun mobaynida kelmagan tinglovchilar, sabablaridan qatʼi nazar, kurslarga qoʻyilmaydi.
31. Tinglovchilarning qayta tayyorlash va malaka oshirish kurslariga oʻz vaqtida kelmaganligining hujjat bilan tasdiqlangan uzrli sabablari boʻlgan taqdirda ularga oʻqishning tegishli yoʻnalishi (mutaxassisligi) boʻyicha navbatdagi kurslarda oʻqishga ruxsat beriladi. Tinglovchilarning qayta tayyorlash va malaka oshirish kurslariga oʻz vaqtida kelmaganligining hujjat bilan tasdiqlangan uzrli sabablari boʻlmagan taqdirda ular kurslardan oʻtmagan hisoblanadi.
Joriy yilda rejaga kiritilgan tinglovchilar turli sabablarga koʻra egallab turgan lavozimidan ozod etilgan holatda, ularning oʻrniga hududiy boshqarma va tashkilotlar tomonidan tinglovchilar roʻyxati taqdim etilishi mumkin.
32. Institut va filiallar tinglovchilarining qayta tayyorlash va malaka oshirish kurslariga oʻz vaqtida kelmaganligi holatlari toʻgʻrisida buyurtmachi va vazirlikka darhol xabar beradi.
33. Qayta tayyorlash va malaka oshirish kurslaridagi oʻquv mashgʻulotlari maʼruza, onlayn maʼruza, interfaol seminarlar, video darslar, amaliy mashgʻulot, koʻchma mashgʻulot, tajriba almashish, mahorat darslari, mustaqil oʻqish, masofadan oʻqitish, onlayn va boshqa shakllarda olib boriladi.
Ayrim tor ixtisoslik talab etiladigan va sport reyestriga yangi kiritilayotgan sport turlari boʻyicha qayta tayyorlash va malaka oshirish kurslarida mashgʻulotlar oʻtkazish uchun, istisno tariqasida, kamida bakalavr darajasiga ega yuqori malakali sport mutaxassislari jalb etiladi.
34. Koʻchma, amaliy mashgʻulotlar ilgʻor taʼlim va sport taʼlimi muassasalari, sport majmualari va boshqa tashkilotlarda tashkil etiladi.
35. Qayta tayyorlash va malaka oshirish kurslarini tashkil etish, ularni talab darajasida oʻtkazish, taʼlim samaradorligini taʼminlash uchun sharoitlar yaratish masʼuliyati Institut va filiallarga yuklanadi.
36. Joriy yilda rejaga kiritilmagan jismoniy tarbiya va sport boʻyicha mutaxassislar Institut va filiallar bilan tuzilgan toʻlov shartnoma asosida malaka oshirish kurslaridan oʻtishlari mumkin.
37. Institut va filiallar buyurtmachi tomonidan taqdim etilgan hujjatlarni oʻrganib chiqib, qayta tayyorlash va malaka oshirish kurslarini tashkil etadi.
38. Institutda 3, 6 va 10 oylik maxsus oʻquv kurslarga murojaat etilgan yoʻnalishlardan kelib chiqqan holda toʻlov shartnoma asosida tashkil etiladi.
39. Qayta tayyorlash va malaka oshirish kurslarida oʻquv jarayoni tegishli yoʻnalishlar boʻyicha tasdiqlangan namunaviy oʻquv rejasi va dasturlariga muvofiq ishlab chiqilgan ishchi oʻquv rejasi va dasturlar asosida amalga oshiriladi hamda mashgʻulotlar jadvali bilan tartibga solinadi.
40. Namunaviy oʻquv rejasi va dasturlar taʼlim, sport, fan, texnika, texnologiyalar hamda sohani rivojlantirishning ustuvor yoʻnalishlari asosida takomillashtiriladi.
41. Institut rektori, prorektorlari va filiallar direktorlari, direktor oʻrinbosarlari hamda professor-oʻqituvchilari, boʻlim boshliqlari, ilmiy xodimlariga oliy taʼlim muassasalarining tegishli xodimlari uchun belgilangan mehnatga haq toʻlash shartlari tatbiq etiladi. Bunda, bir nafar oʻqituvchi hisobiga toʻgʻri keladigan tinglovchilar nisbatining cheklangan normativi Institut va filiallarda taʼlim jarayonini tashkil etishning oʻziga xos xususiyatlarini hisobga olgan holda 1:10 nisbat etib belgilanadi.
Institut va uning filiallarida faoliyat koʻrsatayotgan uslubchi va dasturchi-muhandislari shtat birliklari negizida bosh mutaxassis va yetakchi mutaxassis shtat birliklari joriy etiladi hamda mehnatga haq toʻlash shartlari boʻyicha Institutning oʻqituvchi tarif stavkalari miqdori qoʻllaniladi.
42. Qayta tayyorlash va malaka oshirish kurslarini tashkil qilish, ularni talab darajasida oʻtkazish, taʼlim jarayoni samaradorligini taʼminlash hamda tinglovchilarning yashashi uchun sharoit yaratish (tinglovchilar turar joyi mavjud boʻlsa) Institut va uning filiallari zimmasiga yuklatiladi.
8-bob. Malaka oshirish kurslarining tinglovchilari
43. Vazirlik tomonidan tasdiqlangan rejaga kiritilgan malaka oshirish kurslari tinglovchilari uchun oʻqishning barcha davrida ularning asosiy ish joyi boʻyicha egallagan lavozimi va oʻrtacha ish haqi saqlanadi, ularning oʻquv yuklamasi esa boshqa aʼzolar oʻrtasida taqsimlanadi.
44. Ishdan ajralgan holda Institut va uning filiallariga malaka oshirishga yuborilgan tinglovchilar uchun qonunchilik hujjatlarida belgilangan tartibda xizmat safari xarajatlari safarga yuboruvchi tashkilot hisobidan qoplanadi.
45. Tinglovchi quyidagi sabablarga koʻra kursdan chetlashtiriladi:
oʻz xohishiga binoan;
kasalligi tufayli (tibbiy komissiya maʼlumotnomasi asosida);
oʻquv intizomini va taʼlim muassasasining ichki tartib-qoidalarini muntazam ravishda yoki bir marotaba qoʻpol ravishda buzganligi uchun;
malaka oshirish kursida 18 akademik soatdan ortiq, qayta tayyorlashda 36 akademik soatdan ortiq oʻquv mashgʻulotlarini sababsiz qoldirgani uchun;
masofaviy qayta tayyorlash va malaka oshirish kurslari modullarini mashgʻulotlar jadvaliga muvofiq toʻliq oʻzlashtirmagani uchun;
toʻlov shartnoma asosida oʻqiyotgan tinglovchilar shartnoma bilan bogʻliq majburiyatlarni bajarmagani uchun;
sud tomonidan ozodlikdan mahrum etilganligi sababli;
vafot etganligi sababli.
46. Tinglovchilar malaka oshirish yoki qayta tayyorlash kursidan chetlatilganda sabablari koʻrsatilgan holda buyurtmachiga maʼlum qilinadi.
47. Malaka oshirish kursidan chetlatilgan yoki yakuniy attestatsiyadan oʻta olmagan tinglovchi malaka oshirish kursida bir yil mobaynida takroran oʻqiydi. Malaka oshirish kursida takroran oʻqish tinglovchining oʻz hisobidan toʻlov shartnoma asosida amalga oshiriladi va bunda, buyurtmachi tashkilot tomonidan unga ish haqi saqlanmagan holda, taʼtil berish tartibida malaka oshirishga qayta yuboriladi.
Malaka oshirish kursiga qayta yuborilgan jismoniy tarbiya va sport boʻyicha mutaxassislar oʻqish yakunlari boʻyicha yakuniy attestatsiyadan takroran oʻtmagan boʻlsa, toʻlov shartnoma boʻyicha toʻlangan mablagʻlari qaytarilmaydi.
Malaka oshirish kurslarida oʻqish yakunlari boʻyicha attestatsiyadan takroran oʻtmagan yoki asosiy ish joyi boʻyicha belgilangan muddatda malaka oshirish kurslaridan takroran oʻtmagan taqdirda, ushbu xodimlar bilan tuzilgan mehnat shartnomasining amal qilish muddatidan qatʼiy nazar mehnat shartnomasi belgilangan tartibda ikki oy mobaynida bekor qilinadi. Ular oʻz faoliyatini boshqa taʼlim muassasalarida (tegishli taʼlim turidan tashqari) davom ettirishi yoxud boshqa tashkilotlarda ishlashi hamda oʻzining kasbiy malakasini mustaqil ravishda oshirishi mumkin.
Bunda jismoniy tarbiya va sport boʻyicha mutaxassislarga malaka oshirish kurslaridan oʻtishga hamda ular bilan asosiy ish joyi boʻyicha mehnat shartnomasi bekor qilingan kundan bir yil oʻtgandan keyin toʻlov shartnoma asosida malakasini oshirishiga ruxsat beriladi. Buning uchun ular Institut va uning filiallariga malakasini oshirish toʻgʻrisida ariza bilan murojaat qiladilar.
9-bob. Jismoniy tarbiya va sport boʻyicha mutaxassislarni qayta tayyorlash va malakasini oshirish tizimi va uni boshqarish
48. Jismoniy tarbiya va sport boʻyicha mutaxassislarni qayta tayyorlash va malakasini oshirish tizimiga quyidagilar kiradi:
Oʻzbekiston Respublikasi Sport vazirligi;
tizimida jismoniy tarbiya va sport boʻyicha mutaxassislari mavjud vazirliklar, idoralar hamda boshqa tashkilotlar (buyurtmachi).
49. Oʻzbekiston Respublikasi Sport vazirligi:
Institut va filiallar tizimiga umumiy rahbarlik qiladi hamda ularning faoliyatini muvofiqlashtiradi;
keyingi kalendar yil uchun Oʻzbekiston Respublikasi Davlat budjetidan moliyalashtiriladigan malaka oshirish kurslari boʻyicha taqdim etilgan buyurtmalar asosida reja va jadvallarni tasdiqlaydi;
Institut va uning filiallari tomonidan buyurtma va rejalar bajarilishi yuzasidan umumiy nazoratni amalga oshiradi;
har yili 15-noyabrga qadar buyurtmachilarning buyurtmanomalari asosida hamda vazirlik tomonidan qayta tayyorlash va malaka oshirish kurslaridan oʻtish davriyligiga muvofiq keyingi kalendar yil uchun oylar va taʼlim yoʻnalishlari rejasi va roʻyxatini shakllantiradi;
qayta tayyorlash va malaka oshirish yillik rejasi hamda roʻyxatini har yili 5-dekabrga qadar tasdiqlaydi;
qayta tayyorlash va malaka oshirish kurslarining namunaviy oʻquv reja va dasturlarini taʼlim sohasidagi tegishli vazirliklar bilan kelishilgan holda tasdiqlaydi;
Institut va filiallar xodimlari hamda pedagoglar tarkibini institut, shuningdek xorijiy davlatlarning yetakchi taʼlim va ilmiy muassasalarida malakasini oshirish choralarini koʻradi.
50. Buyurtmachi:
navbatdagi kalendar yilga jismoniy tarbiya va sport boʻyicha mutaxassislar haqida maʼlumotlarni ularning familiyasi, ismi va otasining ismi, qachon va qaysi taʼlim muassasasini bitirganligi, diplom boʻyicha mutaxassisligi, ish joyi va staji, lavozimi, oxirgi malaka oshirgan vaqti koʻrsatgan holda Vazirlikka taqdim etadi;
tasdiqlangan reja va jadval asosida jismoniy tarbiya va sport boʻyicha mutaxassislarni belgilangan muddatda Institut va filiallarga oʻqishga yetib borishlarini taʼminlaydi.
10-bob. Qayta tayyorlash kurslari tinglovchilarini attestatsiyadan oʻtkazish va baholash
51. Tinglovchilar qayta tayyorlash kurslari taʼlim dasturlarini oʻzlashtirib boʻlgandan soʻng, Institut tomonidan yakuniy attestatsiyadan oʻtkaziladi. Yakuniy attestatsiya suhbat va onlayn test sinovlaridan iborat boʻladi.
52. Yakuniy attestatsiya komissiyasi tarkibi kamida 5 kishidan iborat tarkibda Institut tomonidan tuziladi va tasdiqlanadi.
53. Yakuniy attestatsiya komissiyasi tarkibiga Vazirlik, Institut uning filiallari, taʼlim muassasalari, sport maktablari, federatsiyalar, uyushmalar vakillari jalb qilinishi mumkin.
54. Yakuniy attestatsiya komissiyasi tarkibining uchdan ikki qismi ishtirok etganda vakolatli hisoblanadi.
55. Qayta tayyorlash kurslari tinglovchilari yakuniy attestatsiyasi suhbat va onlayn test sinovlari asosida umumiy 100 ballik tizimda baholanadi.
56. Qayta tayyorlash kurslari tinglovchilari uchun suhbat umumiy 50 ballik mezon asosida baholanadi. Mezon Institut ilmiy kengashi tomonidan tasdiqlanadi.
Mezon tinglovchilarning kasbiy-amaliy faoliyati boʻyicha savollardan iborat boʻladi.
Suhbatda beshta yoʻnalishdan bittadan savollar avtomatlashtirilgan tarzda kompyuterda ixtiyoriy tanlanadi. Har bir savol 10 ballik tizimda baholanadi.
Bunda, suhbat savollari oldindan Jismoniy tarbiya va sport boʻyicha mutaxassislarni qayta tayyorlash va malakasini oshirish institutining rasmiy veb-saytida eʼlon qilinadi.
Onlayn test qayta tayyorlash kurslari oʻquv rejasidagi barcha modullar boʻyicha tayyorlangan test savollari asosida oʻtkaziladi. Onlayn test asosida tinglovchining bilim darajasi 50 daqiqa davomida 50 ta test savollari asosida 50 ballik baholash tizimi orqali aniqlanadi.
Onlayn test natijasi test yakunlanishi bilan darhol avtomatik tarzda ekranda aks ettiriladi. Ushbu test sinovlarini oʻtkazish Institutning serverida joylashtirilgan elektron tizimga kompyuterlarining ulanishi va test sinovlarini markazlashgan holda videokuzatuvini yozib borish orqali amalga oshiriladi.
Suhbat va onlayn test sinovlaridan umumiy 56 ball va undan yuqori ball toʻplagan tinglovchi yakuniy attestatsiyadan muvaffaqiyatli oʻtgan hisoblanadi va mazkur Nizomning 1-ilovasida keltirilgan davlat namunasidagi diplom beriladi.
57. Masofadan oʻqitish shakllari asosidagi qayta tayyorlash kurslarida tinglovchilarning oʻzlashtirishi onlayn shaklida qayd etib boriladi va kurslarni toʻliq oʻzlashtirgan tinglovchilarga qayta tayyorlash va malaka oshirish muassasalarida oʻtkaziladigan yakuniy attestatsiyada bevosita ishtirok etishga ruxsat beriladi.
Masofadan oʻqitish shakllari asosidagi qayta tayyorlash kurslarini toʻliq oʻzlashtirmagan (56 foizdan kam) tinglovchilar navbatdagi kurslarda bir marotaba qayta oʻqishga ruxsat beriladi.
Tinglovchilar bevosita yakuniy attestatsiyada ishtirok etishi imkoniyati mavjud boʻlmagan (karantin holati, favqulodda vaziyatlar) hollarda istisno tariqasida masofadan turib onlayn shaklda attestatsiyadan oʻtadilar.
Jismoniy tarbiya va sport boʻyicha mutaxassislarni qayta tayyorlash kurslari ushbu Nizomning 2-ilovasiga muvofiq tashkil etiladi.
11-bob. Malaka oshirish kurslari tinglovchilarini attestatsiyadan oʻtkazish va baholash
58. Tinglovchilarning malaka oshirish kursi davomida olgan bilimlarini baholash maqsadida Institut va filiallar tomonidan attestatsiyadan oʻtkaziladi.
59. Attestatsiya ikki bosqichda amalga oshiriladi. Birinchi bosqich kasbiy faoliyat natijalari, ikkinchi bosqich yakuniy onlayn test sinovlaridan iborat boʻladi.
60. Attestatsiyani oʻtkazish uchun Attestatsiya komissiyasi kamida 5 kishidan iborat tarkibda Institut va filiallar tomonidan tuziladi va tasdiqlanadi.
61. Attestatsiya komissiyasi tarkibiga Institut va filiallar, oliy taʼlim muassasalari, sport maktablari, federatsiyalar (uyushmalar) vakillari jalb qilinishi mumkin.
62. Attestatsiya komissiyasi tarkibining uchdan ikki qismi ishtirok etsa vakolatli hisoblanadi.
63. Attestatsiya komissiyasi oʻz qarorini tinglovchining kasbiy faoliyat hamda onlayn test sinovlari natijalarini hisobga olgan holda qabul qiladi.
64. Attestatsiya komissiyasining qarori Institut va uning filiallari rahbarining kurslarni muvaffaqiyatli yakunlagan tinglovchilarga belgilangan namunadagi malaka sertifikati berish toʻgʻrisidagi buyrugʻini rasmiylashtirish uchun asos hisoblanadi.
65. Tinglovchilar ikki bosqich natijalariga koʻra baholanadi. Birinchi bosqich uchun 100 ball, ikkinchi bosqich uchun 50 ball.
Birinchi bosqich mazkur Nizomning 3-ilovasida keltirilgan jismoniy tarbiya va sport boʻyicha mutaxassislar kasbiy faoliyati natijalarini baholash mezonlariga, ikkinchi bosqich modullar boʻyicha tayyorlangan 50 ta test savollari asosida aniqlanadi.
66. Birinchi bosqich natijalariga koʻra 56 ball va undan yuqori ball toʻplagan tinglovchilar yakuniy attestatsiyadan ozod qilinadi, biroq malaka oshirish kursining oʻquv jarayoniga jalb etiladi.
67. Masofadan oʻqitish shakllari asosidagi kurslarda tinglovchilarning oʻzlashtirishi onlayn shaklida qayd etib boriladi va kurslarni toʻliq oʻzlashtirgan tinglovchilarga Institut va filiallarda oʻtkaziladigan attestatsiyada bevosita ishtirok etishga ruxsat beriladi.
68. Attestatsiyani birinchi bosqichi natijalariga koʻra 56 balldan kam toʻplagan tinglovchi ikkinchi bosqichga jalb etiladi.
Ikkinchi bosqich malaka oshirish kursi oʻquv rejasidagi modullar boʻyicha tayyorlangan 50 ta test savollari asosida 50 daqiqa davomida 50 ballik baholash tizimi orqali aniqlanadi.
Birinchi bosqich natijalariga koʻra umumiy 100 balldan kamida 56 ball (56 foiz) yoki ikkinchi bosqich natijalariga koʻra umumiy 50 balldan 28 ball (56 foiz) toʻplagan tinglovchi attestatsiyadan muvaffaqiyatli oʻtgan hisoblanadi hamda unga mazkur Nizomga 4-ilovaga muvofiq davlat namunasidagi elektron raqamli imzo (QR-kod) bilan tasdiqlangan hujjat (malaka sertifikati) beriladi.
Muqobil malaka oshirish shakllaridan birini amalga oshirgan jismoniy tarbiya va sport boʻyicha mutaxassislariga Institut va filiallarda oʻtkazilgan mahorat darsi natijasiga koʻra Attestatsiya komissiyasining qaroriga muvofiq davlat namunasidagi malaka sertifikati beriladi.
Birinchi bosqich natijalariga koʻra 56 ball (56 foiz)dan, ikkinchi bosqich natijalariga koʻra 28 ball (56 foiz)dan kam toʻplagan tinglovchi attestatsiyadan oʻtmagan hisoblanadi.
69. Jismoniy tarbiya va sport boʻyicha mutaxassislarning malaka toifalarini olishi (oʻzgartirishi) va egallab turgan lavozimlariga mosligi attestatsiyadan oʻtkazishda ular qayta tayyorlash yoki malaka oshirish kurslaridan oʻtganligi toʻgʻrisida hujjatning (diplom, malaka sertifikati) mavjudligi talab etiladi.
Jismoniy tarbiya va sport boʻyicha mutaxassislarni malaka oshirish kurslari ushbu Nizomning 5-ilovasiga muvofiq tashkil etiladi.
12-bob. Apellyatsiyalarni koʻrib chiqish tartibi
70. Institut va uning filiallarida tinglovchilar apellyatsiyalarini koʻrib chiqish uchun apellyatsiya komissiyasi tashkil etiladi.
71. Apellyatsiya komissiyasi tarkibiga sport federatsiya (uyushma)lari, institut va filiallarning hamda sport taʼlim muassasalarining malakali mutaxassislari, taniqli sport vakillari, shuningdek Vazirlik xodimlari kiritiladi.
72. Apellyatsiya komissiyasining tarkibi Institut va uning filiallari rahbarlarining buyrugʻi bilan tasdiqlanadi. Apellyatsiya komissiyasining ish tartibi apellyatsiya komissiyasini tashkil etish toʻgʻrisidagi buyruqda belgilanadi.
73. Tinglovchi yoki uning buyurtmachisi yoxud ularning oʻrnini bosuvchilar (vasiylar) qayta tayyorlash va malaka oshirish kursi yakuniy attestatsiyasi toʻliq yakunlanib, natijasi eʼlon qilingandan soʻng uch kun davomida Institut va uning filiallarida tashkil etilgan apellyatsiya komissiyasiga yozma shaklda apellyatsiya shikoyatini berish huquqiga ega.
74. Tinglovchining murojaati qonunchilikda belgilangan talablarga muvofiq boʻlmasa yoki belgilangan muddatdan kechikib taqdim etilsa tinglovchining apellyatsiyasi koʻrib chiqilmaydi.
75. Murojaat etuvchi (tinglovchi) apellyatsiya komissiyasi tomonidan apellyatsiyani koʻrib chiqilishi jarayonida ishtirok etishi mumkin.
Apellyatsiyani komissiyasining ishi bayonnoma bilan rasmiylashtiriladi. Apellyatsiyani koʻrib chiqish natijasi boʻyicha bayonnoma apellyatsiya komissiyasi raisi, aʼzolari va daʼvogar tomonidan imzolanadi.
76. Apellyatsiya shikoyati uch ish kunida apellyatsiya komissiyasi tomonidan koʻrib chiqiladi. Apellyatsiya komissiyasi apellyatsiyani koʻrib chiqish natijalari boʻyicha quyidagi qarorlardan birini qabul qiladi:
yakuniy attestatsiya komissiyasining qarorini oʻzgarishsiz qoldirish va apellyatsiyani qanoatlantirishni rad etish;
yakuniy attestatsiya komissiyasining qarorini bekor qilish va malaka sertifikatini berish toʻgʻrisida.
77. Yakuniy attestatsiya komissiyasining qarorini oʻzgarishsiz qoldirish va apellyatsiyani qanoatlantirishni rad etish toʻgʻrisidagi qaror quyidagi hollarda qabul qilinadi:
apellyatsiya mazkur Nizom talablari buzilgan holda taqdim etilgan boʻlsa;
apellyatsiyada keltirilgan sabablar oʻz tasdigʻini topmasa.
78. Yakuniy attestatsiya komissiyasining qarorini bekor qilish va malaka sertifikatini berish toʻgʻrisidagi qaror malaka imtihoni mazkur Nizom talablari buzilgan holda oʻtkazilgan taqdirda qabul qilinadi.
79. Malaka sertifikatini berish toʻgʻrisidagi qaror qabul qilingandan soʻng Institut va uning filiallari murojaat etuvchi (tinglovchi)ga malaka sertifikatini beradi.
13-bob. Yakunlovchi qoida
80. Mazkur Nizom talablarining buzilishida aybdor boʻlgan shaxslar qonunchilikda belgilangan tartibda javobgarlikka tortiladi.
Jismoniy tarbiya va sport boʻyicha mutaxassislarni qayta tayyorlash va malakasini oshirish tartibi toʻgʻrisidagi nizomga 1-ILOVA
Qayta tayyorlash haqida davlat namunasidagi
DIPLOM
Qayta tayyorlash toʻgʻrisidagi diplom muqovasi tomonlari 148x210 mm oʻlchovda yaxlit qoplangan toʻq yashil rang sunʼiy charmdan tayyorlangan koʻrinishga ega.
Uning yuz tomoni yuqori qismida tilla rangda, lotin yozuvidagi oʻzbek tilida “OʻZBEKISTON RESPUBLIKASI SPORT VAZIRLIGI” soʻzlari pastroqda bosma naqsh usulida Oʻzbekiston Respublikasi Davlat gerbi tasviri, “JISMONIY TARBIYA VA SPORT BOʻYICNA MUTAXASSISLARNI QAYTA TAYYORLASN VA MALAKASINI OSNIRISN INSTITUTI” hamda “DIPLOM” soʻzlari yozilgan.
Qayta tayyorlash toʻgʻrisidagi diplom muqovasi ichki qismi qalin, tomonlari 145x200 mm oʻlchamda oq qogʻozda ofset usulida besh xil rangdan foydalangan holda: matn uchun — qora rangda, rasmlar tasviri uchun — yashil, koʻk, qizil ranglarda, fon uchun — och pushti rangda bosib chiqariladi.
Qayta tayyorlash toʻgʻrisidagi diplomning ichki qismi chap tomonida chetidan 5 mm chekingan holda eni 22 mm boʻlgan Oʻzbekiston Respublikasi Davlat bayrogʻi tasvirlangan tasma joylashtiriladi. Tasmaning yuqori qismida diametri 20 mm boʻlgan Davlat gerbi tasviri joylashgan.
Qayta tayyorlash toʻgʻrisidagi diplomning ichki qismi chap tomonida yuqorida lotin yozuvidagi oʻzbek tilida “OʻZBEKISTON RESPUBLIKASI. Qayta tayyorlash haqida DIPLOM” soʻzlari bosiladi. “DIPLOM” soʻzidan pastroqda QT ikki lotin harfi va olti xonalik sondan iborat boʻlgan raqam toʻq pushti rangda bosiladi.
Shuningdek, diplom blankasining oʻng tomoni quyi qismida fonsiz 35x35 mm oʻlchamda QR-kod tizimi joylashtiriladi.
Diplom:
bosib chiqarishning ikki usuli — asosiy qism uchun ofset bosma usuli, raqamlarni chop etish uchun yuqori usuli;
yorugʻlik vositasida nusxa koʻchirishni qiyinlashtirish uchun ochiq ranglar;
naqshli rastr;
har xil rangli rastrlardan foydalanish yoʻli bilan turli ranglarni tashkil etish;
maxsus qogʻozlar;
oʻzgaradigan raqamlardan iborat tartib raqami qoʻllangan holda oltita himoyaga ega.
QAYTA TAYYORLASH HAQIDAGI DIPLOMNING SHAKLI
Diplomning muqovasi
Diplomning ichki tomoni
Jismoniy tarbiya va sport boʻyicha mutaxassislarni qayta tayyorlash va malakasini oshirish tartibi toʻgʻrisidagi nizomga 2-ILOVA
Jismoniy tarbiya va sport boʻyicha mutaxassislarni qayta tayyorlash kurslarini tashkil etish
SXEMASI
BosqichlarSubyektlarIjrochilarAmalga oshirish mexanizmiBajarish muddati1-bosqichSport vazirligi, tizimida jismoniy tarbiya va sport boʻyicha mutaxassislari mavjud vazirliklar, idoralar, tashkilotlar, shuningdek jismoniy shaxslarVazirliklar, idoralar, tashkilotlar, shuningdek jismoniy shaxslarVazirliklar, idoralar, tashkilotlar (buyurtmachi) va jismoniy shaxslar (talabgor) Sport vazirligiga (Vazirlik) kurslarda taʼlim olishga talabgorlar roʻyxatini (jismoniy shaxslar — ariza) taqdim etadiBuyurtmachi va talabgor-jismoniy shaxs murojaatiga (arizasiga) muvofiqSport vazirligi (masʼul), Institut (ijrochi)Talabgorlar (tinglovchilar) roʻyxatini va guruhlarni shakllantiradiGuruhlar shakllanishi uchun zarur tinglovchilar sonidan kelib chiqib2-bosqichInstitut tinglovchilariVazirlik, InstitutInstitut rahbari va buyurtmachi (tinglovchi) oʻrtasida tegishli shartnoma tuziladiBuyurtmachi va talabgor murojaatiga (arizasiga) muvofiqBuyurtmachi (tinglovchi)Buyurtmachi (tinglovchi) shartnomada belgilangan toʻlovlarni amalga oshiradi10 kun ish kunida3-bosqichVazirlik, Institut, tinglovchi (buyurtmachi)Vazirlik (masʼul), Institut (ijrochi)Buyurtmachi (tashkilot) shartnomada belgilangan toʻlovlarni amalga oshirishi va mablagʻlar tegishli hisobvaraqqa tushishi bilan Institut kurslar boshlanishi va yakunlanishi boʻyicha reja-jadvalni tasdiqlaydi3 ish kunida4-bosqichVazirlik, Institut, tinglovchi (buyurtmachi)Institut (ijrochi), buyurtmachi (tinglovchi)1. Institut kurslar boshlanishi toʻgʻrisida buyurtmachi (tinglovchi)ni xabardor qiladi.2. Buyurtmachi (tinglovchi) belgilangan muddatda oʻqish jarayoniga va toʻlov-shartnoma shartlarini bajarishga kirishadi.Tasdiqlangan reja-jadvalga muvofiq5-bosqichVazirlik, Institut, tinglovchi (buyurtmachi)Institut (ijrochi), Buyurtmachi (tinglovchi)Kurslarga tinglovchilarni qabul qilish toʻgʻrisida Institut rahbarining buyrugʻi rasmiylashtiriladi hamda tinglovchi kurslarga oʻz vaqtida kelmaganligi (tinglovchi 36 soatdan ortiq dars qoldirsa kurslardan chetlatiladi) toʻgʻrisida buyurtmachi va Vazirlikka darhol xabar beradiKurslar boshlanishi sanasidan boshlab 3 kun davomida6-bosqichInstitut, tinglovchiInstitut (ijrochi), tinglovchiOnlayn kirish testi asosida tinglovchining dastlabki bilim darajasi aniqlanadi. Oʻquv jarayonida (maʼruza, amaliy mashgʻulot, onlayn dars, seminar trening, koʻchma mashgʻulot, pedagogik amaliyot, mahorat saboqlari, interfaol, masofaviy va boshqa shakllar) tinglovchilar bilim oladi.Tasdiqlangan reja-jadvalga muvofiq pedagogik va kasbiy qayta tayyorlash davomidaInstitut (ijrochi), Attestatsiya komissiyasi, tinglovchiTinglovchilarning yakuniy attestatsiyasi suhbat va onlayn test sinovlari asosida umumiy 100 ballik tizimda baholanadi7-bosqichInstitut, tinglovchiInstitut (ijrochi), Attestatsiya komissiyasi, tinglovchiSuhbat va onlayn test sinovlaridan umumiy 56 ball va undan yuqori ball toʻplagan tinglovchi yakuniy attestatsiyadan muvaffaqiyatli oʻtgan hisoblanadi hamda tinglovchiga davlat namunasidagi diplom beriladiTasdiqlangan reja-jadvalga muvofiq pedagogik va kasbiy qayta tayyorlash davomidaYakuniy attestatsiya suhbat va onlayn test sinovlarida 56 balldan (100 ballning 56 %) kam toʻplagan tinglovchi kurs sinovlaridan oʻtmagan hisoblanadi
Jismoniy tarbiya va sport boʻyicha mutaxassislarni qayta tayyorlash va malakasini oshirish tartibi toʻgʻrisidagi nizomga 3-ILOVA
Jismoniy tarbiya va sport boʻyicha mutaxassislar kasbiy faoliyati natijalarini baholash
MEZONLARI
T/rKasbiy faoliyat natijalari (portfolio)Ballar(jami 100 ball)I. Sport taʼlim muassasalari rahbar va oʻrinbosarlari1.Jismoniy tarbiya va sport sohasidagi maʼlumoti: oliy;10qayta tayyorlash.52.Rahbarlik davridagi sport-taʼlim muassasasining faoliyat samaradorligi reytingi: reytingning birinchi yigirmataligida (1 — 20-oʻrinlar);50reytingning ikkinchi yigirmataligida (21 — 40-oʻrinlar);30reytingning uchinchi yigirmataligida (41 — 60-oʻrinlar).203.Sport toifasi uchun: xalqaro toifadagi sport ustasi;10sport ustasi;5sport ustaligiga nomzod.34.Sport turi boʻyicha hakamlik toifasi uchun: xalqaro toifa;5milliy toifa.35.Oʻquv-uslubiy adabiyotlar tayyorlagani: respublikada tatbiq etilgan har bir yakka mualliflikdagi namunaviy oʻquv dastur;20metodik qoʻllanma, oʻquv-uslubiy tavsiya, ishlanmalar uchun.106.Sport sinovlari natijasiga koʻra jismoniy tayyorgarlik darajasi: I oʻrin;5II oʻrin;3III oʻrin.2II. Sport taʼlim muassasalari yoʻriqchi-uslubchilari1.Jismoniy tarbiya va sport sohasidagi maʼlumoti: oliy;10qayta tayyorlash;7oʻrta-maxsus.52.Sport toifasi uchun: xalqaro toifadagi sport ustasi;10sport ustasi;5sport ustaligiga nomzod.33.Malaka toifasi uchun: oliy toifa;15birinchi toifa;10ikkinchi toifa.54.Sport turi boʻyicha hakamlik toifasi uchun: xalqaro toifa;10milliy toifa.55.Oʻquv-uslubiy adabiyotlar tayyorlagani: respublikada tatbiq etilgan har bir yakka mualliflikdagi namunaviy oʻquv dastur;40metodik qoʻllanma, oʻquv-uslubiy tavsiya, ishlanmalar uchun.156.Sport sinovlari natijasiga koʻra jismoniy tayyorgarlik darajasi: I oʻrin;10II oʻrin;8III oʻrin.57.Katta yoʻriqchi-uslubchi.5III. Sport turlarini rivojlantirish respublika markazlari, Olimpiya va paralimpiya sport turlariga tayyorlash markazlari, ixtisoslashtirilgan sport maktablari, ixtisoslashtirilgan olimpiya zaxiralari maktablari trenerlari1.Sport toifasi uchun: xalqaro toifadagi sport ustasi;5sport ustasi;3sport ustaligiga nomzod.22.Malaka toifasi uchun: oliy toifa;5birinchi toifa;5ikkinchi toifa.33.Sport turi boʻyicha hakamlik toifasi uchun: xalqaro toifa;5milliy toifa.34.Osiyo va Paraosiyo oʻyinlari, Jahon va Osiyo chempionatlari hamda kuboklarining sovrindorini tayyorlagani uchun (har bir sportchi uchun): 1-oʻrin;202-oʻrin;153-oʻrin.105.Oʻzbekiston chempionati va kubogi sovrindorini tayyorlagani uchun (har bir sportchi uchun): 1-oʻrin;152-oʻrin;103-oʻrin.56.Sport musobaqalari (turnir, liga, olimpiya choʻqqilari) gʻolib hamda sovrindorini tayyorlagani uchun: respublika;15viloyat;10tuman.57.Oʻzbekiston milliy terma jamoa aʼzosini tayyorlagani uchun (har bir sportchi uchun): asosiy tarkib;15zaxira tarkib.108.Sport sinovlari natijasiga koʻra jismoniy tayyorgarlik darajasi: I oʻrin;5II oʻrin;4III oʻrin.39.Ochiq oʻquv mashgʻulotlari va mahorat darslarini tashkil etish: umumiy oʻrta taʼlim tashkilotida;5maktabgacha taʼlim tashkilotida;4kasbiy taʼlim tashkilotida.310.Oʻquv adabiyotlar tayyorlagani: viloyat yoki respublikada tatbiq etilgan (har bir yakka mualliflikdagi oʻquv qoʻllanma, metodik qoʻllanma, oʻquv-uslubiy tavsiyalar uchun);10tuman (shahar)da tatbiq etilgan (har bir yakka mualliflikdagi metodik qoʻllanma, oʻquv-uslubiy tavsiyalar uchun);8muassasa uchun tatbiq etilgan (har bir yakka mualliflikdagi metodik qoʻllanma, oʻquv-uslubiy tavsiyalar uchun).5IV. Sport maktablari trenerlari1.Jismoniy tarbiya va sport sohasidagi maʼlumoti: oliy;10qayta tayyorlash;7oʻrta maxsus.52.Sport toifasi uchun: xalqaro toifadagi sport ustasi;5sport ustasi;3sport ustaligiga nomzod.23.Malaka toifasi uchun: oliy toifa;5birinchi toifa;5ikkinchi toifa.34.Sport turi boʻyicha hakamlik toifasi uchun: xalqaro toifa;5milliy toifa.35.Osiyo va Paraosiyo oʻyinlari, Jahon va Osiyo chempionatlari hamda kuboklarining sovrindorini tayyorlagani uchun (har bir sportchi uchun): 1-oʻrin;202-oʻrin;153-oʻrin.106.Oʻzbekiston chempionati va kubogi sovrindorini tayyorlagani uchun (har bir sportchi uchun): 1-oʻrin;152-oʻrin;103-oʻrin.57.Sport musobaqa(turnir, liga)lari gʻolib hamda sovrindorini tayyorlagani uchun: respublika;15viloyat;10tuman.58.Oʻzbekiston milliy terma jamoa aʼzosini tayyorlagani uchun (har bir sportchi uchun): asosiy tarkib;15zaxira tarkib.109.Sport sinovi natijasiga koʻra jismoniy tayyorgarlik darajasi: I oʻrin;5II oʻrin;4III oʻrin.310.Ochiq oʻquv mashgʻulotlari va mahorat darslarini tashkil etish: umumiy oʻrta taʼlim tashkilotida;5maktabgacha taʼlim tashkilotida;4kasbiy taʼlim tashkilotida.3V. Sport psixologlari1.Psixologiya (sport) sohasidagi maʼlumoti: oliy;10qayta tayyorlash.52Sport turi boʻyicha kattalar sporti razryadi: birinchi va undan yuqori;10ikkinchi razryad;8uchinchi razryad.53.Oʻquv-uslubiy adabiyotlar tayyorlagani: hammualliflikdagi oʻquv qoʻllanmalar uchun;15yakka mualliflikdagi uslubiy qoʻllanma yoki uslubiy koʻrsatma uchun;10hammualliflikdagi uslubiy koʻrsatma yoki uslubiy tavsiyalar uchun.84.Ilmiy konferensiyalarda yakka mualliflikdagi maqola va tezislar chop etish hamda maʼruzalar bilan qatnashish: xalqaro miqyosda;15respublika miqyosida;10viloyat miqyosida.85.Sport taʼlim muassasalarida sportchilarni psixologik tayyorlashga asoslangan seminar-trening mashgʻulotlarini oʻtkazgani (bayonnomasi): Sport akademiyalari, Olimpiya va paralimpiya sport turlariga tayyorlash markazlari;10Sport turlarini rivojlantirish respublika markazlari;8Ixtisoslashgan sport maktabi, sport maktablari.56.Kasbiy faoliyati boʻyicha seminar-trening kurslarida ishtirok etgani (sertifikat): xalqaro miqyosda (onlayn);10respublika miqyosida;8viloyat miqyosida.57.Sport taʼlim muassasasida psixologik xizmat ishlarini tashkil etgani: (psixologik maʼrifat va tashviqot, psixologik-pedagogik tashxis, psixologik profilaktika, psixologik korreksiya, psixologik maslahat, sport faoliyatiga yoʻnaltirish).158.Sportchining qobiliyatlarini rivojlantirish uchun individual dasturlarni tuzgani: (Aqliy va jismoniy qobiliyatlarni rivojlantirish dasturi).59.Ochiq oʻquv mashgʻulotlari hamda mahorat darslarini tashkil etgani va oʻtkazgani: Sport turlarini rivojlantirish respublika markazlari;10Olimpiya va paralimpiya sport turlariga tayyorlash markazlari;8Sport turlari boʻyicha ixtisoslashtirilgan davlat maktab-internatlari.5VI. Oliy taʼlim muassasalarining jismoniy tarbiya va sport yoʻnalishlari boʻyicha rahbar va pedagog kadrlari1.Ochiq oʻquv mashgʻulotlari va mahorat darslarini tashkil etish: maktabgacha taʼlim tashkilotida;5umumiy oʻrta taʼlim tashkilotida;5kasbiy taʼlim tashkilotida;5sport taʼlim muassasasida.52.Xalqaro va respublika miqyosidagi fan olimpiadalari, sport musobaqalari sovrindorlarini tayyorlagani uchun: xalqaro miqyosda;5respublika miqyosida.33.Ilmiy konferensiyalarda maʼruza bilan qatnashish: xalqaro miqyosda;5respublika miqyosida.34.Ilmiy jurnallarda maqolalar chop etish: xalqaro maʼlumotlar bazasiga kiritilgan yuqori reytingli ilmiy jurnallar yoki “impakt-faktor”ga ega boʻlgan ilmiy jurnallarda;10respublika miqyosidagi jurnallarda.55.Ixtiro (patent), ratsionalizatorlik takliflari, innovatsion ishlanmalarga mualliflik qilish: ixtiro (patent);10ratsionalizatorlik taklifi;6innovatsion ishlanmalarga mualliflik.46.Oʻquv adabiyotlari (darslik, oʻquv qoʻllanma, metodik qoʻllanma) tayyorlash va nashrdan chiqarish: darslik hammualliflikda;15oʻquv qoʻllanma hammualliflikda.107.Ilmiy daraja va unvoni uchun.158.“Universiada” sport musobaqasi gʻolib xamda sovrindorini tayyorlagani uchun: respublika;20viloyat (shahar).109.Trenerlik yoki trener-yoʻriqchilik faoliyat(lari)n bilan shugʻullanayotganligi uchun (malaka oshirish davriga muvofiq).510.Darsdan tashqari sport turlari boʻyicha toʻgaraklar soni: sport turi — 2 ta;10sport turi — 1 ta.8VII. Kasbiy taʼlim tashkilotlari jismoniy tarbiya fani oʻqituvchilari (jismoniy tarbiya va sportga ixtisoslashtirilganlar bundan mustasno)1.Malaka toifasi uchun: oliy toifa;10birinchi toifa;8ikkinchi toifa.52.Sport toifasi uchun: xalqaro toifadagi sport ustasi;10sport ustasi;8sport ustaligiga nomzod;5birinchi toifa.33.Jismoniy tarbiya va sport boʻyicha turli koʻrik-tanlov va musobaqalar gʻoliblarini tayyorlagani uchun: respublika;10viloyat;8tuman (shahar) (koʻpi bilan 2 ta natija).54.“Barkamol avlod” sport musobaqasi gʻolib hamda sovrindorini tayyorlagani uchun: respublika;30viloyat;20tuman.105.Trenerlik yoki trener-yoʻriqchilik faoliyat(lari)i bilan shugʻullanayotgani uchun (malaka oshirish davriga muvofiq).56.Ochiq oʻquv mashgʻulotlari va mahorat darslarini tashkil etish: umumiy oʻrta taʼlim tashkilotida;5maktabgacha taʼlim tashkilotida;4professional taʼlim muassasasida.z7.Darsdan tashqari sport turlari boʻyicha toʻgaraklar soni: sport turi — 2 ta;5sport turi — 1 ta.38.Sport sinovlari natijasiga koʻra jismoniy tayyorgarlik darajasi: I oʻrin;10II oʻrin;5III oʻrin.39.Oʻquv-uslubiy adabiyotlar tayyorlagani: viloyat yoki respublikada tatbiq etilgan (har bir yakka mualliflikdagi oʻquv qoʻllanma, metodik qoʻllanma, oʻquv-uslubiy tavsiyalar uchun);15tuman (shahar)da tatbiq etilgan (har bir yakka mualliflikdagi metodik qoʻllanma, oʻquv-uslubiy tavsiyalar uchun);10muassasa uchun tatbiq etilgan (har bir yakka mualliflikdagi metodik qoʻllanma, oʻquv-uslubiy tavsiyalar uchun).5VIII. Umumiy oʻrta va oʻrta maxsus taʼlim tashkilotlari jismoniy tarbiya fani oʻqituvchilari1.Malaka toifasi uchun: oliy toifa;10birinchi toifa;8ikkinchi toifa.52.Sport toifasi uchun: xalqaro toifadagi sport ustasi;10sport ustasi;8sport ustaligiga nomzod;5birinchi toifa.l3.Jismoniy tarbiya va sport boʻyicha turli koʻrik-tanlov va musobaqalar gʻoliblarini tayyorlagani uchun: respublika;10viloyat;8tuman (shahar) (koʻpi bilan 2 ta natija).54.“Umid nihollari” sport musobaqasi gʻolib hamda sovrindorini tayyorlagani uchun: viloyat;15tuman.105.Jismoniy tarbiya fan olimpiadasining gʻolib va sovrindorlarini tayyorlagani uchun: respublika;20viloyat;15tuman.106.Trenerlik yoki trener-yoʻriqchilik faoliyat(lari)i bilan shugʻullanayotgani uchun (malaka oshirish davriga muvofiq).57.Ochiq oʻquv mashgʻulotlari va mahorat darslarini tashkil etish: maktabgacha taʼlim tashkilotida;5sport taʼlim muassasasida;4umumiy oʻrta taʼlim tashkilotida.38.Darsdan tashqari sport turlari boʻyicha toʻgaraklar soni: sport turi — 2 ta;5sport turi — 1 ta.39.Sport sinovlari natijasiga koʻra jismoniy tayyorgarlik darajasi: I oʻrin;10II oʻrin;5III oʻrin.310.Oʻquv-uslubiy adabiyotlar tayyorlagani: viloyat yoki respublikada tatbiq etilgan (har bir yakka mualliflikdagi oʻquv qoʻllanma, metodik qoʻllanma, oʻquv-uslubiy tavsiyalar uchun);10tuman (shahar)da tatbiq etilgan (har bir yakka mualliflikdagi metodik qoʻllanma, oʻquv-uslubiy tavsiyalar uchun);8muassasa uchun tatbiq etilgan (har bir yakka mualliflikdagi metodik qoʻllanma, oʻquv-uslubiy tavsiyalar uchun).5IX. Maktabgacha taʼlim tashkilotlari jismoniy tarbiya yuriqchilari1.Jismoniy tarbiya va sport sohasidagi maʼlumoti: oliy;10qayta tayyorlash;5oʻrta maxsus. 2.Malaka toifasi uchun: oliy toifa;10birinchi toifa;8ikkinchi toifa.53.Sport toifasi uchun: xalqaro toifadagi sport ustasi;10sport ustasi;8sport ustaligiga nomzod;5birinchi toifa.34.Jismoniy tarbiya va sport boʻyicha turli koʻrik-tanlov va musobaqalarda erishgan yutuqlari uchun: respublika;20viloyat;15tuman.105.Trenerlik yoki trener-yoʻriqchilik faoliyat(lari)i bilan shugʻullanayotgani uchun (malaka oshirish davriga muvofiq).106.Ochiq oʻquv mashgʻulotlari va mahorat darslarini tashkil etish: sport taʼlim muassasasida;10maktabgacha taʼlim tashkilotida.57.Sport turlari boʻyicha toʻgaraklar tashkil etganligi: sport turi — 2 ta;10sport turi — 1 ta.58.Sport sinovlari natijasiga koʻra jismoniy tayyorgarlik darajasi: I oʻrin;10II oʻrin;5III oʻrin.39.Oʻquv-uslubiy adabiyotlar tayyorlagani: viloyat yoki respublikada tatbiq etilgan (har bir yakka mualliflikdagi oʻquv qoʻllanma, metodik qoʻllanma, oʻquv-uslubiy tavsiyalar uchun);10tuman (shahar)da tatbiq etilgan (har bir yakka mualliflikdagi metodik qoʻllanma, oʻquv-uslubiy tavsiyalar uchun);8muassasa uchun tatbiq etilgan (har bir yakka mualliflikdagi metodik qoʻllanma, oʻquv-uslubiy tavsiyalar uchun).5
Izoh. Oʻzbekiston Respublikasi sport vaziri buyrugʻiga asosan ushbu mezonlarga oʻzgartirishlar kiritilishi mumkin/
Jismoniy tarbiya va sport boʻyicha mutaxassislarni qayta tayyorlash va malakasini oshirish tartibi toʻgʻrisidagi nizomga 4-ILOVA
Malaka oshirish haqida davlat namunasidagi
MALAKA SERTIFIKATI
Malaka oshirish toʻgʻrisidagi malaka sertifikati muqovasi tomonlari 148x210 mm oʻlchovda yaxlit qoplangan toʻq koʻk rang sunʼiy charmdan tayyorlangan koʻrinishga ega.
Uning yuz tomoni yuqori qismida tilla rangda, lotin yozuvidagi oʻzbek tilida “OʻZBEKISTON RESPUBLIKASI SPORT VAZIRLIGI” soʻzlari pastroqda bosma naqsh usulida Oʻzbekiston Respublikasi Davlat gerbi tasviri, “JISMONIY TARBIYA VA SPORT BOʻYICNA MUTAXASSISLARNI QAYTA TAYYORLASN VA MALAKASINI OSNIRISN INSTITUTI” hamda “MALAKA SERTIFIKATI” soʻzlari yozilgan.
Malaka oshirish toʻgʻrisidagi sertifikat muqovasi ichki qismi qalin, tomonlari 145x200 mm oʻlchamda oq qogʻozda ofset usulida besh xil rangdan foydalangan holda: matn uchun — qora rangda, rasmlar tasviri uchun — yashil, koʻk, qizil ranglarda, fon uchun — och pushti rangda bosib chiqariladi.
Malaka oshirish toʻgʻrisidagi sertifikatning ichki qismi chap tomonida chetidan 5 mm chekingan holda eni 22 mm boʻlgan Oʻzbekiston Respublikasi Davlat bayrogʻi tasvirlangan tasma joylashtiriladi. Tasmaning yuqori qismida diametri 20 mm boʻlgan Davlat gerbi tasviri joylashgan.
Malaka oshirish toʻgʻrisidagi sertifikatning ichki qismi chap tomonida yuqorida lotin yozuvidagi oʻzbek tilida “OʻZBEKISTON RESPUBLIKASI. Malaka oshirish haqida MALAKA SERTIFIKATI” soʻzlari bosiladi. “MALAKA SERTIFIKATI” soʻzidan pastroqda MS ikki lotin harfi va olti xonalik sondan iborat boʻlgan raqam toʻq pushti rangda bosiladi.
Shuningdek, malaka sertifikati blankasining oʻng tomoni quyi qismida fonsiz 35x35 mm oʻlchamda QR-kod tizimi joylashtiriladi.
Malaka sertifikati:
bosib chiqarishning ikki usuli — asosiy qism uchun ofset bosma usuli, raqamlarni chop etish uchun yuqori usuli;
yorugʻlik vositasida nusxa koʻchirishni qiyinlashtirish uchun ochiq ranglar;
naqshli rastr;
har xil rangli rastrlardan foydalanish yoʻli bilan turli ranglarni tashkil etish;
maxsus qogʻozlar;
oʻzgaradigan raqamlardan iborat tartib raqami qoʻllangan holda oltita himoyaga ega.
MALAKA OSHIRISH HAQIDAGI MALAKA SERTIFIKATINING SHAKLI
Malaka sertifikatining muqovasi
Malaka sertifikatining ichki tomoni
Jismoniy tarbiya va sport boʻyicha mutaxassislarni qayta tayyorlash va malakasini oshirish tartibi toʻgʻrisidagi nizomga 5-ILOVA
Jismoniy tarbiya va sport boʻyicha mutaxassislarni malakasini oshirish kurslarini tashkil etish
SXEMASI
BosqichlarSubyektlarIjrochilarAmalga oshirish mexanizmiBajarish muddati1-bosqichSport vazirligi tizimida jismoniy tarbiya va sport boʻyicha mutaxassislari mavjud vazirliklar, idoralar va tashkilotlar, shuningdek jismoniy shaxslarVazirliklar, idoralar, tashkilotlar, shuningdek jismoniy shaxslarVazirliklar, idoralar, tashkilotlar (buyurtmachi), jismoniy shaxslar (talabgor) Sport vazirligiga (Vazirlik) kurslarda taʼlim oluvchilar roʻyxatini (jismoniy shaxslar — ariza) taqdim etadiHar yili 15-noyabrga qadarSport vazirligi (masʼul),Institut va filiallar (ijrochi)Talabgorlar (tinglovchilar) roʻyxatini va guruhlarni shakllantiradiGuruhlar shakllanishi uchun zarur tinglovchilar sonidan kelib chiqib2-bosqichJismoniy tarbiya va sport boʻyicha mutaxassislarni qayta tayyorlash va malakasini oshirish instituti (Institut) tinglovchilariVazirlik, InstitutInstitutda Vazirlik tomonidan tasdiqlangan yillik reja va roʻyxat boʻyicha (joriy yilda rejaga kiritilmagan va kursdan chetlatilgan yoki yakuniy attestatsiya sinovlaridan oʻta olmagan tinglovchilar Institut va filiallar rahbari oʻrtasida tegishli shartnoma boʻyicha) oʻrnatilgan tartibda tinglovchilar uchun malaka oshirish kurslari tashkil etiladiTasdiqlangan yillik reja asosida(10 kun davomida)Institut va uning filiallari tinglovchilarga shart-sharoitlarni yaratadi va koʻmaklashadiBuyurtmachi (tinglovchiBuyurtmachi (tinglovchi) tasdiqlangan yillik reja va roʻyxat boʻyicha belgilangan muddatlarda tinglovchilarni kurslarga qatnashishini taʼminlaydi (shartnoma asosidagi tinglovchilar belgilangan toʻlovlarni amalga oshiradi)3-bosqichVazirlik (masʼul), Institut (filiallar), tinglovchi (buyurtmachi)Vazirlik (masʼul), Institut va filiallar (ijrochi)Buyurtmachi (tashkilot) shartnomada belgilangan toʻlovlarni amalga oshirishi va mablagʻlar tegishli hisobvaraqqa tushishi bilan Institut kurslar boshlanishi va yakunlanishi boʻyicha reja-jadvalni tasdiqlaydi3 ish kunida4-bosqichVazirlik (masʼul), Institut (filiallar), tinglovchi (buyurtmachi)Institut (ijrochi), Buyurtmachi (tinglovchi)Institut taʼlim kurslari boshlanishi toʻgʻrisida buyurtmachi (tinglovchi)ni xabardor qiladi, buyurtmachi (tinglovchi) belgilangan muddatda oʻqish jarayoniga va shartnoma shartlarini bajarishga kirishadiTasdiqlangan reja-jadvalga muvofiq5-bosqichVazirlik (masʼul), Institut (filiallar), Tinglovchi (buyurtmachi)Institut va filiallar (ijrochi), buyurtmachi (tinglovchi)Kurslarga tinglovchilarni qabul qilish tasdiqlangan rejaga muvofiq rasmiylashtiriladi hamda tinglovchi kurslarga oʻz vaqtida kelmaganligi toʻgʻrisida buyurtmachi va Vazirlikka darhol xabar beradiKurslar boshlanishi sanasidan boshlab 3 kun davomida6-bosqichInstitut (filiallar), tinglovchiInstitut va filiallar (ijrochi), tinglovchiOnlayn kirish testi asosida tinglovchining dastlabki bilim darajasi aniqlanadi. Oʻquv jarayonida (maʼruza, onlayn maʼruza, interfaol seminarlar, video darslar, amaliy va koʻchma mashgʻulot, tajriba almashish, mahorat darslari, pedagogik amaliyot, mustaqil oʻqish, masofadan oʻqitish va boshqa shakllar) tinglovchilar bilim oladi.Tasdiqlangan reja-jadvalga muvofiq(1 oylik kurslar davomida)Institut va filiallar (ijrochi), Attestatsiya komissiyasi, tinglovchiAttestatsiya ikki bosqichda amalga oshiriladi. Birinchi bosqich kasbiy faoliyat natijalari, ikkinchi bosqich yakuniy onlayn test sinovlaridan iborat boʻladi. Birinchi bosqich natijalariga koʻra umumiy 100 balldan kamida 56 ball (56 foiz) yoki ikkinchi bosqich natijalariga koʻra umumiy 50 balldan 28 ball (56 foiz) toʻplagan tinglovchi attestatsiyadan muvaffaqiyatli oʻtgan hisoblanadi.7-bosqichInstitut (filiallar), tinglovchiInstitut (ijrochi), Attestatsiya komissiyasi, tinglovchi.Attestatsiyani birinchi bosqichida 56 ball yoki ikkinchi bosqichida 28 ball toʻplagan tinglovchi attestatsiyadan muvaffaqiyatli oʻtgan hisoblanadi va unga Davlat namunasidagi sertifikat beriladi. Muqobil malaka oshirish shakllaridan birini amalga oshirgan tinglovchilarga Institut va filiallarda oʻtkazilgan mahorat darsi natijasiga koʻra Attestatsiya komissiyasining qaroriga muvofiq davlat namunasidagi sertifikat beriladi.1 kun (ish kuni)da kurs sinovlaridan muvaffaqiyatli oʻtgan tinglovchiga sertifikat beriladi yoki oʻta olmagan tinglovchilar roʻyxati eʼlon qilinadi
Vazirlar Mahkamasining 2022-yil 4-iyuldagi 355-son qaroriga 4-ILOVA
Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari
ROʻYXATI
1. Vazirlar Mahkamasining “Oʻzbekiston Respublikasi Jismoniy tarbiya va sport vazirligi huzuridagi Jismoniy tarbiya va sport boʻyicha mutaxassislarni ilmiy-metodik taʼminlash, qayta tayyorlash va malakasini oshirish markazi faoliyatini yanada takomillashtirish toʻgʻrisida” 2018-yil 14-avgustdagi 658-son qarori.
2. Vazirlar Mahkamasining “Oʻzbekiston Respublikasi Hukumatining ayrim qarorlariga mamlakatimizda jismoniy tarbiya va sportni qoʻllab-quvvatlash tizimini yanada takomillashtirishga qaratilgan oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2019-yil 15-yanvardagi 32-son qaroriga 1-ilovaning 7-bandi.
3. Vazirlar Mahkamasining “Olimpiya zaxiralari kollejlari faoliyatini tashkil etish chora-tadbirlari toʻgʻrisida” 2020-yil 12-avgustdagi 480-son qaroriga 8-ilovaning 11-bandi.
4. Vazirlar Mahkamasining “Oʻzbekistonda sogʻlom turmush tarzini keng targʻib qilish va aholini jismoniy tarbiya va ommaviy sportga jalb etish toʻgʻrisida” 2019-yil 29-yanvardagi 65-son qarori.