Nobank kredit tashkilotlarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga oʻzgartirish va qoʻshimchalar kiritish haqida (2925-7-son)

24.06.2022

Oʻzbekiston Respublikasi Markaziy banki boshqaruvi Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining

Qarori

[Oʻzbekiston Respublikasi Adliya vazirligi tomonidan 2022-yil 24-iyunda roʻyxatdan oʻtkazildi, roʻyxat raqami 2925-7]

Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va “Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisida”gi qonunlariga muvofiq Oʻzbekiston Respublikasi Markaziy banki boshqaruvi va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qaror qiladi:

1. Oʻzbekiston Respublikasi Markaziy banki boshqaruvi va Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining 2017-yil 9-avgustdagi 344-V va 26-son qarori (roʻyxat raqami 2925, 2017-yil 4-sentabr) (Oʻzbekiston Respublikasi qonun hujjatlari toʻplami, 2017-y., 36-son, 968-modda) bilan tasdiqlangan Nobank kredit tashkilotlarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Markaziy bank raisi M. NURMURATOV

Toshkent sh.,

2022-yil 1-iyun,

344-B-7-son

Bosh prokuratura huzuridagi Departament boshligʻi D. RAXIMOV

Toshkent sh.,

2022-yil 27-may,

15-son

Oʻzbekiston Respublikasi Markaziy banki boshqaruvining 2022-yil 1-iyundagi 344-B-7-son va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining 2022-yil 27-maydagi 15-son qaroriga ILOVA

Nobank kredit tashkilotlarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga kiritilayotgan oʻzgartirish va qoʻshimchalar

1. 1-banddagi “Mikrokredit tashkilotlari toʻgʻrisida” degan soʻzlar “Nobank kredit tashkilotlari va mikromoliyalashtirish faoliyati toʻgʻrisida” degan soʻzlar bilan almashtirilsin.

2. 2-bandning ikkinchi xatboshisi quyidagi tahrirda bayon etilsin:

“nobank kredit tashkilotlari — banklar tomonidan amalga oshiriladigan ayrim moliyaviy operatsiyalarning Oʻzbekiston Respublikasining “Nobank kredit tashkilotlari va mikromoliyalashtirish faoliyati toʻgʻrisida”gi Qonunida ruxsat etilgan majmuini amalga oshiruvchi kredit tashkilotlari (mikromoliya tashkiloti, lombard va ipotekani qayta moliyalashtirish tashkiloti);”.

3. 21-bandning “a” kichik bandida:

oltinchi xatboshi quyidagi tahrirda bayon etilsin:

“mijoz qonun hujjatlariga muvofiq kreditlar, mikrokreditlar, mikroqarzlar, islomiy moliyalashtirishga oid xizmatlarni olish uchun murojaat qilganda;”;

sakkizinchi xatboshi quyidagi tahrirda bayon etilsin:

“mijoz mikromoliya tashkiloti lizing beruvchi sifatida ishtirok etadigan lizing olish uchun murojaat qilganida;”;

oʻninchi xatboshi quyidagi tahrirda bayon etilsin:

“fuqarolardan shaxsiy isteʼmolga moʻljallangan koʻchar mol-mulkni (ashyoni) vaqtinchalik saqlash uchun qabul qilishda;”;

quyidagi mazmundagi oʻn birinchi xatboshi bilan toʻldirilsin:

“kafolatlar berishda;”.

4. 26-bandning birinchi va ikkinchi xatboshilaridagi “pasport yoki uning oʻrnini bosadigan hujjat” degan soʻzlar “pasport yoki identifikatsiyalovchi ID-karta yoxud ularning oʻrnini bosadigan boshqa hujjat” degan soʻzlar bilan almashtirilsin.

5. 54-banddagi “roʻyxat raqami 2833, 2016-yil 11-oktabr” degan soʻzlar “roʻyxat raqami 3327, 2021-yil 19-oktabr” degan soʻzlar bilan almashtirilsin.

6. 1-ilovaning 5-bandidagi “Pasport yoki uning oʻrnini bosadigan hujjat” degan soʻzlar “Pasport yoki identifikatsiyalovchi ID-karta yoxud ularning oʻrnini bosadigan boshqa hujjat” degan soʻzlar bilan almashtirilsin.