Nizomiy nomidagi Toshkent davlat pedagogika universiteti faoliyatini takomillashtirish boʻyicha qoʻshimcha chora-tadbirlar toʻgʻrisida (PQ-290-son)

21.06.2022

Oʻzbekiston Respublikasi Prezidentining

Qarori

Nizomiy nomidagi Toshkent davlat pedagogika universitetida taʼlim sifatini oshirish, universitet faoliyatiga ilgʻor taʼlim dasturlarini joriy qilish hamda zamonaviy bilim va pedagogik texnologiyalarni qoʻllash koʻnikmalariga ega boʻlgan yuqori malakali mutaxassislar tayyorlashning samarali tizimini yoʻlga qoʻyish maqsadida:

1. Xalq taʼlimi vazirligi hamda Oliy va oʻrta maxsus taʼlim vazirligining 2022 — 2026-yillarda Nizomiy nomidagi Toshkent davlat pedagogika universitetini (keyingi oʻrinlarda — Universitet) xalqaro talablarga muvofiq transformatsiya qilish toʻgʻrisidagi taklifi maʼqullansin.

2. Quyidagilar:

2022 — 2026-yillarda Nizomiy nomidagi Toshkent davlat pedagogika universitetini transformatsiya qilish va kompleks rivojlantirish dasturi 1-ilovaga muvofiq;

2023 — 2026-yillarda Nizomiy nomidagi Toshkent davlat pedagogika universitetini rivojlantirishning maqsadli koʻrsatkichlari 2-ilovaga muvofiq tasdiqlansin.

3. Xalq taʼlimi vaziri zimmasiga quyidagi vazifalar yuklansin:

a) 2023-yil 1-yanvarga qadar Universitetning budjetdan tashqari mablagʻlari hisobidan ixtisoslik kafedralariga kamida 15 nafar malakali xorijiy mutaxassislarni jalb qilish;

b) 2023-yil 1-sentabrga qadar xalqaro eʼtirof etilgan tashkilotlarning oliy taʼlim muassasalari reytingida birinchi 1 000 talikka kirgan xorijiy oliy taʼlim muassasalari bilan hamkorlikda Universitetda kamida 3 ta qoʻshma taʼlim dasturini tashkil etish;

v) 2024-yil 1-yanvarga qadar:

Universitet faoliyatida “Oliy taʼlim jarayonlarini boshqarish” axborot tizimini toʻliq joriy etish;

Universitetning ilmiy jurnalini Scopus, Web of Science yoki boshqa xalqaro maʼlumotlar bazalariga kiritish;

g) 2025-yil 1-yanvarga qadar:

Universitetning Times Higher Education yoki Quacquarelli Symonds xalqaro reyting agentliklarining sohaviy, mintaqaviy yoxud tematik reytinglariga kirishini taʼminlash;

vakolatli xalqaro tashkilotlarni jalb qilgan holda Universitetning bakalavriat taʼlim yoʻnalishlari va magistratura mutaxassisliklarini akkreditatsiyadan oʻtkazish;

Universitet boshqaruv tizimini ISO:21001 (Educational organizations — Management systems for educational organizations) talablari asosida tashkil etish;

d) mazkur qarorga 2-ilovada koʻrsatilgan maqsadli koʻrsatkichlarga erishishni taʼminlash.

4. 2023-yil 1-yanvardan boshlab Universitetga Oʻzbekiston Respublikasi Prezidentining 2021-yil 14-dekabrdagi “Davlat oliy taʼlim muassasalarining akademik va tashkiliy-boshqaruv mustaqilligini taʼminlash boʻyicha qoʻshimcha chora-tadbirlar toʻgʻrisida”gi PQ-60-son va 2021-yil 24-dekabrdagi “Davlat oliy taʼlim muassasalariga moliyaviy mustaqillik berish chora-tadbirlari toʻgʻrisida”gi PQ-61-son qarorlarida belgilangan akademik, tashkiliy va moliyaviy mustaqillik berilsin.

Belgilab qoʻyilsinki, Universitet faoliyati davlat buyurtmasi (davlat granti) asosida kadrlar tayyorlash uchun Davlat budjetidan ajratiladigan mablagʻlar, toʻlov-kontrakt asosida oʻqitishdan hamda xoʻjalik faoliyati va shartnoma asosida xizmatlar koʻrsatishdan tushadigan mablagʻlar, homiylik xayriyalari va grantlar, shuningdek, qonunchilik hujjatlarida taqiqlanmagan boshqa manbalar hisobidan moliyalashtiriladi.

9. Xalq taʼlimi vazirligi (B. Saidov) Universitet va Institutning quyidagi yoʻnalishlarda hamkorlik qilishini taʼminlasin:

xalq taʼlimi tizimini takomillashtirish, pedagogik taʼlim nazariyasi va ishlab chiqarish amaliyoti integratsiyasini kuchaytirish, pedagoglarni tayyorlash va ularning uzluksiz kasbiy rivojlanishini taʼminlashning dolzarb masalalari boʻyicha birgalikda ilmiy-tadqiqot loyihalarini amalga oshirish;

Universitet professor-oʻqituvchilarini xalq taʼlimi xodimlarini uzluksiz kasbiy rivojlantirish kurslariga, Institut ilmiy xodimlarini Universitetning bakalavriat va magistraturasida oʻquv mashgʻulotlarini olib borishga jalb qilish;

Universitet va Institutning malakali mutaxassislarini doktorant, mustaqil tadqiqotchi va magistratura talabalariga ilmiy rahbarlik qilish uchun jalb qilish;

hamkorlikda ilmiy konferensiya, seminar va treninglarni, shuningdek, doktorlik dissertatsiyalari muhokamalarini tashkil qilish;

xodimlar, tinglovchilar va talabalar uchun Universitet va Institutning axborot-resurs markazlari va kutubxonalari manbalaridan erkin foydalanish imkoniyatini taʼminlash;

talabalar va tinglovchilar uchun darslik, oʻquv hamda metodik qoʻllanmalar yaratish.

10. Oʻzbekiston Respublikasi Prezidentining 2022-yil 11-maydagi “2022 — 2026-yillarda xalq taʼlimini rivojlantirish boʻyicha milliy dasturni tasdiqlash toʻgʻrisida”gi PF-134-son Farmoniga muvofiq Maktabgacha va maktab taʼlimi vazirligi zimmasiga:

2022-yil 1-dekabrga qadar maktab direktori lavozimiga nomzodlarning bilim va koʻnikmalarini baholash hamda baholash natijasi boʻyicha ularga menejerlik sertifikatini berish tizimini;

2023-yil 1-avgustga qadar taʼlim sohasida xizmat koʻrsatuvchi vakolatli xalqaro tashkilotlarni jalb qilgan holda pedagog kadrlarning umumtaʼlim fanlari boʻyicha bilim darajasi va kasbiy mahoratini baholash tizimini ishlab chiqish va amaliyotga joriy qilish vazifalari yuklanganligi maʼlumot uchun qabul qilinsin.

Institut tuzilmasida yuridik shaxs maqomiga ega boʻlmagan Rahbar kadrlarning bilim darajasi va kasbiy mahoratini baholash markazi (keyingi oʻrinlarda — Markaz) tashkil etilsin.

Belgilab qoʻyilsinki:

a) Markaz tomonidan quyidagilar tashkil etiladi:

umumiy oʻrta taʼlim muassasasi direktori lavozimiga nomzodlarni maxsus dasturlar asosida oʻqitish, ularning boshqaruv sohasiga oid bilim va koʻnikmalarini baholash hamda baholash natijasidan kelib chiqib, talabgorlarga menejerlik sertifikatini (keyingi oʻrinlarda — menejerlik sertifikati) berish;

pedagog kadrlarning umumtaʼlim fanlari boʻyicha bilim darajasi va kasbiy mahoratini baholash hamda baholash natijasidan kelib chiqib, talabgorlarga umumtaʼlim fanlari boʻyicha tegishli darajadagi milliy sertifikatni (keyingi oʻrinlarda — umumtaʼlim fanlar boʻyicha sertifikat) berish;

b) Markaz faoliyati Institutning budjetdan tashqari mablagʻlari hisobidan moliyalashtiriladi;

v) Markaz Toshkent shahar, Olmazor tumani, Ziyo koʻchasi, 6B-uy manzilida joylashgan binoning bir qismida joylashtiriladi;

g) menejerlik sertifikati va umumtaʼlim fanlar boʻyicha sertifikatni berish uchun talabgorlardan bazaviy hisoblash miqdorining bir baravari miqdorida toʻlov undiriladi va ushbu mablagʻlar Institutning budjetdan tashqari jamgʻarmasiga yoʻnaltiriladi.

11. 2023-yil 1-yanvardan boshlab Pedagoglarni yangi metodikalarga oʻrgatish milliy markazlari tuzilmasida yuridik shaxs maqomiga ega boʻlmagan Metodik xizmat koʻrsatish boʻlimlari tashkil etilsin.

Belgilansinki:

Metodik xizmat koʻrsatish boʻlimlari hududiy xalq taʼlimi boshqarmalari va tuman (shahar) xalq taʼlimi boʻlimlarining metodistlari shtat birliklarining bir qismini maqbullashtirish hisobidan tashkil etiladi;

A. Avloniy nomidagi pedagogik mahorat milliy instituti hamda Qoraqalpogʻiston Respublikasi va viloyatlar Pedagogik mahorat markazlari metodistlarining bazaviy tarif stavkasi miqdori oliy taʼlim muassasasi ilmiy daraja yoki ilmiy unvonga ega boʻlgan katta oʻqituvchisining bazaviy tarif stavkasi miqdoriga tenglashtiriladi;

Metodik xizmat koʻrsatish boʻlimlari faoliyatini tashkil etish bilan bogʻliq boʻlgan xarajatlar Pedagoglarni yangi metodikalarga oʻrgatish milliy markazlariga ajratiladigan mablagʻlar hisobidan moliyalashtiriladi.

12. Xalq taʼlimi vazirligi (B. Saidov) 2023-yil 1-martga qadar Iqtisodiy hamkorlik va taraqqiyot tashkiloti (OECD)ning Global Teaching InSights loyihasi tajribasidan kelib chiqib, umumiy oʻrta taʼlim muassasalaridagi ilgʻor oʻqituvchilarning ochiq darslarini onlayn platformalar orqali namoyish qilish va ularning muhokamasini tashkil etish amaliyotini joriy qilsin.

13. Oʻzbekiston Respublikasi Prezidentining ayrim qarorlariga 3-ilovaga muvofiq oʻzgartirishlar va qoʻshimcha kiritilsin.

14. Xalq taʼlimi vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

15. Mazkur qarorning ijrosini samarali tashkil qilishga masʼul va shaxsiy javobgar etib xalq taʼlimi vaziri B.O. Saidov hamda oliy va oʻrta maxsus taʼlim vaziri A.X. Toshkulov belgilansin.

Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 21-iyun,

PQ-290-son

Oʻzbekiston Respublikasi Prezidentining 2022-yil 21-iyundagi PQ-290-son qaroriga 1-ILOVA

2022 — 2026-yillarda Nizomiy nomidagi Toshkent davlat pedagogika universitetini transformatsiya qilish va kompleks rivojlantirish

DASTURI

T/r Chora-tadbirlar nomi Amalga oshirish mexanizmi Bajarish muddati Moliyalashtirish manbai Ijro uchun masʼullar I. Nizomiy nomidagi Toshkent davlat pedagogika universitetini transformatsiya qilish chora-tadbirlari 1. Nizomiy nomidagi Toshkent davlat pedagogika universitetining (keyingi oʻrinlarda — Universitet) kuzatuv kengashi faoliyatini samarali yoʻlga qoʻyish. 1. Universitetning rejasi, uzoq va oʻrta muddatli strategik rivojlantirish dasturini ishlab chiqish. 2023-yil 1-fevral - Toshkent davlat pedagogika universiteti kuzatuv kengashi, Xalq taʼlimi vazirligi (B. Saidov) 2. Yetakchi xorijiy oliy taʼlim va ilmiy-tadqiqot muassasalari bilan samarali aloqalarni oʻrnatish va xorijiy professorlarni oʻquv jarayoniga jalb qilish boʻyicha chora-tadbirlar rejasini ishlab chiqish va tasdiqlash. 2023-yil 1-mart 3. Taʼlim va tadqiqot jarayonlariga investitsiyalarni jalb etish boʻyicha “yoʻl xaritasi”ni ishlab chiqish, tasdiqlash va ijrosini taʼminlash. 2023-yil 1-mart 2. Universitetning xalqaro reytinglarga kirishini taʼminlash. 1. Universitet transformatsiyasiga masʼul prorektor lavozimini kiritish. 2022-yil 1-sentabr Universitetning budjetdan tashqari mablagʻlari Xalq taʼlimi vazirligi (B. Saidov), Toshkent davlat pedagogika universiteti (A. Kirgizbayev) 2. Universitetni xalqaro reytinglarga kiritish maqsadida uning faoliyatini tahlil qilish. 2022-yil 1-noyabr 3. Tahlil natijalariga qarab xalqaro reytingda ishtirok etish boʻyicha chora-tadbirlar rejasini ishlab chiqish. 2023-yil 1-yanvar 4. Chora-tadbirlar rejasida belgilangan vazifalar samaradorligini monitoring qilish. Chora-tadbirlar rejasiga muvofiq 3. Pedagogika oliy taʼlim muassasalarining turdosh bakalavriat taʼlim yoʻnalishlarida tahsil olayotgan talabalarni qoʻshimcha pedagogik tayyorlov dasturi boʻyicha oʻqitish. 1. Pedagogika oliy taʼlim muassasalarida turdosh bakalavriat taʼlim yoʻnalishlarda tahsil olayotgan talabalarni qoʻshimcha pedagogik tayyorlov dasturlari boʻyicha oʻqitish tartibini belgilashga oid Vazirlar Mahkamasining qarori loyihasini ishlab chiqish. Bunda quyidagilarni nazarda tutish: qoʻshimcha pedagogik tayyorlov dasturlari (keyingi oʻrinlarda — dastur) boʻyicha oʻqishga pedagog kadrlar tayyorlovchi oliy taʼlim muassasalari bakalavriatining soʻnggi ikki bosqichida tahsil olayotgan talabalarni qabul qilish; dasturlar boʻyicha oʻqitishni talabalarning oliy taʼlim muassasasida tahsil olishdan boʻsh boʻlgan vaqtida toʻlov-kontrakt asosida amalga oshirish; manfaatdor vazirlik, idoralar va tashkilotlarga dasturlar boʻyicha oʻqitish uchun grant ajratishga ruxsat etish; dasturlarni oʻzlashtirganlik toʻgʻrisidagi sertifikatga ega shaxslarga oliy taʼlim tashkilotida oʻqishni bitirganidan soʻng qayta tayyorlash kurslaridan oʻtmasdan sertifikatda koʻrsatilgan mutaxassislik boʻyicha maktabgacha, umumiy oʻrta, oʻrta maxsus va professional taʼlim tashkilotlarida pedagogik faoliyat bilan shugʻullanish huquqini berish. 2022-yil 1-avgustga qadar - Oliy va oʻrta maxsus taʼlim vazirligi (A. Toshkulov), Xalq taʼlimi vazirligi (B. Saidov), Bandlik va mehnat munosabatlari vazirligi (N. Xusanov), Toshkent davlat pedagogika universiteti (A. Kirgizbayev) 2. Qaror loyihasini Vazirlar Mahkamasiga kiritish. 2022-yil 1-dekabrga qadar 4. Universitetni malakali professor-oʻqituvchilar bilan toʻldirish. 1. Nomzodlarni tanlab olish va saralash boʻyicha tanlov komissiyasi tarkibini tasdiqlash. 2. Tanlov komissiyasi tartibini ishlab chiqish. 3. Munosib nomzodlarni lavozimga tayinlash. 2022/2023 oʻquv yilidan boshlab bosqichma-bosqich - Xalq taʼlimi vazirligi (B. Saidov), Bandlik va mehnat munosabatlari vazirligi (N. Xusanov), Toshkent davlat pedagogika universiteti (A. Kirgizbayev) II. Oʻquv jarayonini takomillashtirish, yangi pedagogik texnologiyalar va oʻqitish metodlarini joriy etish 5. Universitet oʻquv-meʼyoriy hujjatlarini takomillashtirish. 1. Universitetda oʻqitilayotgan taʼlim yoʻnalishlari va mutaxassisliklarning oʻquv rejalaridagi fanlar sonini nomutaxassislik fanlar hisobiga bosqichma-bosqich kamaytirish, asosiy boʻlmagan fanlarni tanlov fanlari roʻyxatiga kiritish hamda mustaqil taʼlim salmogʻini oshirish. 2022-yil 1-sentabr - Xalq taʼlimi vazirligi (B. Saidov), Toshkent davlat pedagogika universiteti (A. Kirgizbayev) 2. Taʼlim yoʻnalishlari xorijiy tillarda oʻqitiladigan mutaxassislik fanlari salmogʻini oshirish. 2022-yil 1-sentabr 3. Fan dasturlari mazmunini kadrlar isteʼmolchilari talablari va xorijiy tajribalar asosida takomillashtirish hamda talabalarda amaliy koʻnikmalarni shakllantirishga yoʻnaltirish. 2022/2023 oʻquv yilidan boshlab 6. Universitet faoliyatini akademik mustaqillik tamoyili asosida tashkil etish. 1. Malaka talabalari, oʻquv rejalari va taʼlim dasturlarini kasbiy standartlar asosida qayta ishlab chiqish va tasdiqlash. 2. Doktorant va mustaqil izlanuvchilarga ilmiy rahbarlik qilish tartibini tasdiqlash. 3. Taʼlim yoʻnalishlari va mutaxassisliklar uchun oʻqish davomiyligi muddatlarini belgilash. 4. Doktoranturada toʻlov-kontrakt asosida oʻqish qiymatini belgilash, budjetdan tashqari mablagʻlar hisobidan grant ajratish orqali doktoranturaga tanlov asosida kvotaga qoʻshimcha ravishda talabgorlarni qabul qilish. 5. Taʼlim yoʻnalishlari va mutaxassisliklar boʻyicha qoʻsh malakalar hamda kasbiy malakalar berish tizimini joriy qilish. 6. Oʻzaro kelishuvlar asosida oliy taʼlim muassasalari bilan ichki akademik mobillikni amalga oshirish. 7. Universitet va uning tasarrufidagi taʼlim muassasalari uchun oʻz grifi asosida darsliklar hamda boshqa oʻquv va ilmiy adabiyotlarni yaratish va nashr etish. 8. Taʼlim sifatini ichki nazorat qilish mexanizmlarini belgilash va joriy etish. 2023/2024 oʻquv yilidan boshlab - Xalq taʼlimi vazirligi (B. Saidov), Toshkent davlat pedagogika universiteti (A. Kirgizbayev) 7. Universitetning iqtidorli talabalarini maqsadli tayyorlov dasturi boʻyicha oʻqitish. 1. Universitetda ikkinchi bosqichni muvaffaqiyatli tugatgan (barcha fanlardan yaxshi va aʼlo oʻzlashtirishga erishgan) talabalar oʻrtasida, tashqi baholovchilarni jalb qilgan holda, tanlov oʻtkazish. 2. Tanlov natijalari boʻyicha maqsadli tayyorlov dasturi asosida oʻqitiladigan talabalarni saralab olish. 3. Ilgʻor milliy va xorijiy tajriba asosida tayyorlangan maqsadli tayyorlov dasturi boʻyicha oʻqishga tanlab olingan talabalarga oshirilgan miqdorda stipendiya tayinlash, ularni istiqbolli kadrlar “Oltin zaxirasi”ga nomzod sifatida hisobga olish va xorijiy yetakchi oliy taʼlim muassasalarida oʻqishni davom ettirishga jalb qilish. 4. Maqsadli tayyorlov dasturi boʻyicha oʻqishga qabul qilingan talabalar bilan oʻqishni bitirganlaridan soʻng majburiy taqsimot asosida kamida besh yil ishlab berish boʻyicha shartnoma rasmiylashtirish. 5. Maqsadli tayyorlov dasturi boʻyicha oʻqishni muvaffaqiyatli tugatgan bitiruvchilarga maxsus sertifikat berish. 2023/2024 oʻquv yilidan boshlab Xalq taʼlimi vazirligi hamda Universitetning budjetdan tashqari mablagʻlari Xalq taʼlimi vazirligi (B. Saidov), Toshkent davlat pedagogika universiteti (A. Kirgizbayev) 8. Universitet va uzluksiz taʼlim tizimi integratsiyasini taʼminlash. 1. Universitetda ish beruvchilarning doimiy faoliyat koʻrsatuvchi kengashlarini tashkil etish hamda ular orasida soʻrovlar oʻtkazib, oʻquv dasturlarini takomillashtirib borish. Har yili avgust oyida - Xalq taʼlimi vazirligi (B. Saidov), Prezident taʼlim muassasalari agentligi (X. Umarova), Oliy va oʻrta maxsus taʼlim vazirligi (A. Toshkulov), Maktabgacha taʼlim vazirligi (A. Shin), Toshkent davlat pedagogika universiteti (A. Kirgizbayev) 2. Universitet taʼlim yoʻnalishlari va mutaxassisliklarida oʻqitiladigan fanlar boʻyicha amaliy mashgʻulotlar va malakaviy amaliyotlarga taʼlim muassasalarining malakali mutaxassislarini keng jalb qilish. Doimiy 3. Pedagogika sohasini rivojlantirishning ilmiy-metodik vazifalarini hal etish, ilgʻor xorijiy pedagogik texnologiyalarni joriy qilishga yoʻnaltirilgan ilmiy tadqiqotlarni ixtisoslashtirilgan maktablarda olib borish va iqtidorli oʻquvchi-yoshlarni ilmiy faoliyat bilan shugʻullanishga keng jalb etish. Doimiy 9. Taʼlim jarayonini oʻquv adabiyotlar bilan toʻliq taʼminlashga erishish. 1. Universitet tipografiyasini zarur asbob-uskunalar bilan jihozlash orqali zamonaviy raqamli tipografiyani tashkil etish. 2023-yil 1-iyun Universitetning budjetdan tashqari mablagʻlari Xalq taʼlimi vazirligi (B. Saidov), Oliy va oʻrta maxsus taʼlim vazirligi (A. Toshkulov), Toshkent davlat pedagogika universiteti (A. Kirgizbayev) 2. Fanlardan yetishmayotgan oʻquv adabiyotlarni maqsadli rejalar asosida tayyorlash va nashr etish. Doimiy 3. Oʻquv adabiyotlarni nashr etish boʻyicha professor-oʻqituvchilar oʻquv yuklamasini belgilash mexanizmini takomillashtirish. 2022-yil 1-sentabr 4. Oʻquv adabiyotlar va qoʻllanmalarni tayyorlashga yetuk professor-oʻqituvchilar, soha mutaxassislari va xorijiy olimlarni jalb qilish. Doimiy 10. Universitetning taʼlim sohalariga mos tegishli yetakchi xorijiy ilmiy va taʼlim muassasalari bilan hamkorlik aloqalarini rivojlantirish. 1. Xorijiy oliy taʼlim muassasalari bilan hamkorlik shartnomalari doirasida yuqori ilmiy salohiyatga ega professor-oʻqituvchi va mutaxassislarni universitet doktorantlari va mustaqil tadqiqotchilariga ilmiy maslahatchi sifatida biriktirish. 2023-yil 1-fevraldan boshlab Universitetning budjetdan tashqari mablagʻlari, grantlar Xalq taʼlimi vazirligi (B. Saidov), “El-yurt umidi” jamgʻarmasi (A. Bekmurodov), Toshkent davlat pedagogika universiteti (A. Kirgizbayev) 2. Xorijiy professor-oʻqituvchilar bilan hamkorlikda oʻquv, uslubiy va ilmiy adabiyotlarni tayyorlash. Doimiy 3. Xorijiy hamkor tashkilotlar bilan mutaxassislik fanlari boʻyicha vebinarlar tashkil qilish. Doimiy 11. Xorijiy mutaxassislar bilan yaqindan hamkorlik qilish hamda ularni taʼlim jarayoniga jalb etish. Hududlardagi Prezident maktablarida faoliyat yuritayotgan xorijiy mutaxassislar bilan yaqindan hamkorlik qilish hamda ularni Toshkent davlat pedagogika universiteti taʼlim jarayoniga jalb etish. 2022/2023 oʻquv yilidan boshlab - Xalq taʼlimi vazirligi (B. Saidov), Prezident taʼlim muassasalari agentligi (X. Umarova), Toshkent davlat pedagogika universiteti (A. Kirgizbayev) 12. Universitetda xorijiy talabalar ulushini bosqichma-bosqich oshirib borish. 1. Xorijiy talabalar ishtirokida xalqaro fanlararo anjumanlarni oʻtkazish. 2. Xorijiy davlatlarning oliy taʼlim muassasalari bilan qoʻshma taʼlim dasturlarini tashkil etish. 2023 — 2026-yillar Universitetning budjetdan tashqari mablagʻlari, grantlar Xalq taʼlimi vazirligi (B. Saidov), Tashqi ishlar vazirligi (V. Norov), Toshkent davlat pedagogika universiteti (A. Kirgizbayev) 13. Universitetda oʻquv jarayonlarini tashkil etishda axborot kommunikatsiya texnologiyalarini keng joriy etish. 1. Oʻquv auditoriyalarini zamonaviy axborot kommunikatsiya texnologiyalari bilan toʻliq jihozlash. 2023-yil 1-sentabr Universitet hamda Xalq taʼlimi vazirligining budjetdan tashqari mablagʻlari Xalq taʼlimi vazirligi (B. Saidov), Toshkent davlat pedagogika universiteti (A. Kirgizbayev) 2. Kafedra oʻquv yuklamalarini tayyorlash va uning bajarilishini nazorat qilishning elektron tizimini joriy qilish. 2024-yil 1-yanvar 3. Universitetning kutubxona fondini raqamlashtirish va elektron kutubxona tizimiga kiritish. 2024-yil 1-yanvar 14. Universitet oʻquv jarayoniga raqamli texnologiyalarni joriy etish. Taʼlim jarayoniga “Oliy taʼlim jarayonlarini boshqarish” axborot tizimini bosqichma-bosqich joriy qilish, shu jumladan: akademik faoliyatni, xususan, talabaning davomat hisoboti, oʻzlashtirish qaydnomasi va reyting daftarchasi, shuningdek, guruh jurnali, dars va imtihon jadvallarini raqamlashtirish; professor-oʻqituvchilarning ilmiy loyihalari, maqolalari, ilmiy-uslubiy nashrlari, ilmiy izlanuvchilar toʻgʻrisidagi maʼlumotlar bazasini shakllantirish; boshqaruv kadrlar, professor-oʻqituvchilar tarkibi va talabalar toʻgʻrisidagi maʼlumotlarni yuritish hamda tegishli hisobotlarni tayyorlash jarayonlarini raqamlashtirish; toʻlov-shartnomalar va stipendiya toʻlovlari toʻgʻrisidagi maʼlumotlarni tizim orqali elektron shaklda taqdim etishni yoʻlga qoʻyish. 2024-yil 1-yanvar Universitetning budjetdan tashqari mablagʻlari Xalq taʼlimi vazirligi (B. Saidov), Toshkent davlat pedagogika universiteti (A. Kirgizbayev) 15. Universitet bilan uning tuzilmasidagi taʼlim muassasalari oʻrtasida oʻquv-uslubiy, ilmiy-amaliy yoʻnalishlarda axborot almashinuvini raqamlashtirish. 1. Universitet tuzilmasidagi taʼlim muassasalarini optik tolali Internetga ulash orqali ularning oliy taʼlim muassasalari bilan integratsiyalashgan elektron oʻquv-uslubiy taʼminot tizimini yaratish. 2023-yil 1-yanvar Universitetning budjetdan tashqari mablagʻlari Axborot texnologiyalari va kommunikatsiyalarini rivojlantirish vazirligi (Sh. Shermatov), Toshkent davlat pedagogika universiteti (A. Kirgizbayev) 2. Universitet tuzilmasidagi taʼlim muassasalari kutubxonalarini elektron adabiyotlar bilan toʻldirish va Universitet bilan umumiy elektron makondan foydalanish mexanizmini joriy etish. 2023-yil 1-sentabr 16. Taʼlim jarayoni samaradorligini oshirish va raqamli axborot-texnologiyalarini joriy etish maqsadida Universitet huzurida “Media markaz”ni tashkil etish. 1. Universitet media-markazini zarur texnika va jihozlar bilan taʼminlash. 2023-yil 1-avgust Universitetning budjetdan tashqari mablagʻlari Xalq taʼlimi vazirligi (B. Saidov), Toshkent davlat pedagogika universiteti (A. Kirgizbayev) 2. Taʼlim jarayonini multimedia mahsulotlari bilan boyitish va mashgʻulotlarga bosqichma-bosqich innovatsion taʼlim texnologiyalarini joriy etish. 2024-yil 1-yanvar III. Universitetning ilmiy-tadqiqot va innovatsion faoliyatini rivojlantirish hamda ilmiy ishlar natijadorligini taʼminlash 17. Universitet professor-oʻqituvchilarining ilmiy salohiyatini oshirish. 1. Tegishli ixtisosliklar boʻyicha tayanch doktorantura va doktorantura qabul kvotasini Davlat budjeti mablagʻlari hisobiga umumiy qabul kvotasi doirasida Universitetning ilmiy darajaga ega boʻlgan professor-oʻqituvchilari umumiy sonidan kamida 60 foiz miqdorida belgilash. 2023-yil 1-sentabrdan boshlab Davlat budjetining ushbu maqsadlar uchun ajratilgan mablagʻlari, Universitetning budjetdan tashqari mablagʻlari, “El-yurt umidi” jamgʻarmasi mablagʻlari Innovatsion rivojlanish vazirligi (I. Abduraxmonov), Moliya vazirligi (T. Ishmetov), Xalq taʼlimi vazirligi (B. Saidov), “El-yurt umidi” jamgʻarmasi (A. Bekmurodov), Toshkent davlat pedagogika universiteti (A. Kirgizbayev) 2. Universitet tomonidan respublikadagi oliy taʼlim muassasalariga ilmiy-pedagogik kadrlarni maqsadli tayyorlashni yoʻlga qoʻyish. Doimiy 3. Professor-oʻqituvchilar uchun Web of Science, Scopus, Google Scholar kabi xalqaro maʼlumotlar bazalarida ilmiy maqolalar chop etish va ularning iqtiboslik darajasini oshirish boʻyicha seminar-treninglar tashkil etib borish. Doimiy 4. Yetakchi xorijiy oliy taʼlim va ilmiy-tadqiqot muassasalari bilan hamkorlikda qoʻshma doktorantura dasturlarini yoʻlga qoʻyish. Doimiy 18. Universitetda olib borilayotgan amaliy va innovatsion tadqiqotlarni qoʻllab-quvvatlash orqali ularning natijadorligini oshirish, ilmiy ishlanmalar transferini samarali tashkil etish. 1. Amaliy va innovatsion tadqiqotlar mavzularini hududiy va ishlab chiqarish sohalari muammolariga yoʻnaltirish nuqtai nazaridan qayta koʻrib chiqish. 2. Pedagogik taʼlimning dolzarb muammolarini hal etishga qaratilgan fundamental va amaliy izlanishlar koʻlamini kengaytirish. 3. Ilmiy ishlanmalar hamda innovatsiyalar transferini joriy etish va ularni tijoratlashtirish uchun sharoitla? yaratish. 2022 — 2026-yillar davomida Davlat budjetining ushbu maqsadlar uchun ajratilgan mablagʻlari Innovatsion rivojlanish vazirligi (I. Abduraxmonov), Moliya vazirligi (T. Ishmetov), Xalq taʼlimi vazirligi (B. Saidov), Toshkent davlat pedagogika universiteti (A. Kirgizbayev) 19. Universitetda oʻquv va ilmiy laboratoriyalarni tashkil qilish. 1. Laboratoriyalar joylashadigan xonalarni xalqaro standartlarga mos asbob-uskunalar bilan jihozlash. 2023-yil 1-avgust Universitetning budjetdan tashqari mablagʻlari, grantlar, homiylik xayriyalari Xalq taʼlimi vazirligi (B. Saidov), Toshkent davlat pedagogika universiteti (A. Kirgizbayev) 2. Hududiy muammolar bankini yaratish va laboratoriyalarda olib borilayotgan tadqiqotlarni mazkur muammolar yechimiga yoʻnaltirish. 2023-yil 1-sentabr 20. Xorijiy davlatlarning oliy taʼlim muassasalari bilan taʼlim oluvchilarning akademik almashinuvini rivojlantirish. 1. Qoʻshma taʼlim dasturlari asosida tashkil etilgan taʼlim yoʻnalishlari va mutaxassisliklar boʻyicha oʻquv jarayonini hamkor mamlakat tili yoki ingliz tilida tashkil etish. Kelishuvga muvofiq Universitetning budjetdan tashqari mablagʻlari Xalq taʼlimi vazirligi (B. Saidov), Oliy va oʻrta maxsus taʼlim vazirligi (A. Toshkulov), Toshkent davlat pedagogika universiteti (A. Kirgizbayev) 2. Xorijiy davlatlarning oliy taʼlim muassasalari bilan taʼlim oluvchilarning akademik almashinuvini amalga oshirish boʻyicha shartnoma tuzish. 2023-yil 1-yanvar 3. Xorijiy davlatlarning oliy taʼlim muassasalari bilan taʼlim oluvchilarning akademik almashinuvini tashkil etish. 2023/2024 oʻquv yilidan boshlab VI. Universitetning oʻquv resurslarini takomillashtirish va moddiy-texnika bazasini rivojlantirish 21. Universitet, uning tuzilmasidagi taʼlim va ilmiy muassasalarning moddiy-texnika bazasini modernizatsiya qilish, shu jumladan yangi oʻquv binolari va talabalar turar joylarini qurish, mavjudlarini rekonstruksiya qilish hamda jihozlash, shuningdek, laboratoriyalarni zamonaviy oʻquv-ilmiy uskunalar bilan jihozlash. 1. Universitet, uning tuzilmasidagi taʼlim va ilmiy muassasalarning moddiy-texnika bazasini modernizatsiya qilish boʻyicha ishchi guruh tuzish. 2023-yil 1-yanvar Universitetning budjetdan tashqari mablagʻlari, Davlat budjetining ushbu maqsadlar uchun ajratilgan mablagʻlari Xalq taʼlimi vazirligi (B. Saidov), Iqtisodiy taraqqiyot va kambagʻallikni qisqartirish vazirligi (A. Boboyev), Toshkent davlat pedagogika universiteti (A. Kirgizbayev) 2. Universitet, uning tuzilmasidagi taʼlim va ilmiy muassasalarning moddiy-texnika bazasini xatlovdan oʻtkazish. 2023-yil 1-iyun 3. Xatlov natijalariga koʻra, moliyalashtirish manbalarini aniq koʻrsatgan holda Universitetning moddiy-texnika bazasini modernizatsiya qilish va mustahkamlash boʻyicha kompleks chora-tadbirlar dasturini ishlab chiqish. 2023-yil 1-iyul 22. ?niversitet hududida boʻsh turgan yer maydonida 5 000 oʻrinli bino va inshootlarni qurish hamda jihozlash. 1. Obyekt qurilishi rejalashtirilgan maydonning geologik parametrlarini oʻrganish va texnik xulosalarini olish. 2023-yil 1-yanvar Universitetning budjetdan tashqari mablagʻlari, Ijtimoiy va ishlab chiqarish infratuzilmasini rivojlantirish dasturi doirasida ajratiladigan mablagʻlar, homiylik xayriyalari Qurilish vazirligi (B. Zokirov), Iqtisodiy taraqqiyot va kambagʻallikni qisqartirish vazirligi (A. Boboyev), Xalq taʼlimi vazirligi (B. Saidov), Toshkent davlat pedagogika universiteti (A. Kirgizbayev) 2. Obyektning loyiha-smeta hujjatlarini ishlab chiqish va tegishli tashkilotlar xulosasini olish. 2023-yil 1-iyun 3. Obyektni qurish va jihozlash ishlarini moliyalashtirish manbalarini aniqlash. 2023-yil 1-sentabr 4. Davlat budjeti mablagʻlari hisobidan bajariladigan ishlarni Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturiga kiritish boʻyicha takliflar tayyorlash. 2023-yil 1-oktabr 23. T.N. Qori-Niyoziy nomidagi Oʻzbekiston pedagogika fanlari ilmiy-tadqiqot institutining faoliyatini takomillashtirish. 1. T.N. Qori-Niyoziy nomidagi Oʻzbekiston pedagogika fanlari ilmiy-tadqiqot instituti faoliyati samaradorligini tahlil qilish va kelgusi yillar uchun rivojlantirish dasturini ishlab chiqish. 2023-yil 1-fevral - Xalq taʼlimi vazirligi (B. Saidov), Toshkent shahar hokimligi (J. Ortiqxoʻjayev) Toshkent davlat pedagogika universiteti (A. Kirgizbayev) 2. T.N. Qori-Niyoziy nomidagi Oʻzbekiston pedagogika fanlari ilmiy-tadqiqot instituti moddiy-texnika bazasini yaxshilash boʻyicha takliflarni Vazirlar Mahkamasiga kiritish. 2023-yil 1-aprel V. Talabalarga sogʻlom turmush tarzini yuritish uchun shart-sharoitlar yaratish, shuningdek, maʼnaviy-maʼrifiy va tarbiyaviy ishlar tizimini takomillashtirish 24. Talabalarni jismoniy chiniqtirish va ularga sport sohasida oʻz qobiliyatini namoyon qilish uchun zarur shart-sharoitlar yaratib berish. 1. Sport turlari boʻyicha Universitet rektori kubogini oʻtkazish. 2. Jismoniy tarbiya va sportga doir tadbir hamda aksiyalar tashkil etish. Har yili reja asosida Universitetning budjetdan tashqari mablagʻlari, grantlar, homiylik xayriyalari Xalq taʼlimi vazirligi (B. Saidov), Toshkent davlat pedagogika universiteti (A. Kirgizbayev) 25. Tarixiy shaxslar va xalq qahramonlari haqida talaba-yoshlar orasida targʻibot-tashviqot ishlarini keng yoʻlga qoʻyish. 1. Amir Temur, Jaloliddin Manguberdi, Temur Malik, Najmiddin Kubro, qatagʻon qurbonlari, Ikkinchi jahon urushi davrida oʻz jonini fido qilgan qahramonlarning hayoti va ijodiga bagʻishlangan kechalar va ijodiy uchrashuvlarni tashkil etish. 2. Ijodiy ishlar tanlovlarini oʻtkazish. 3. El-yurt hurmatiga sazovor boʻlgan keksa avlod vakillari bilan doimiy uchrashuvlar va davra suhbatlari oʻtkazish. 4. Oʻquvchi-yoshlarning boʻsh vaqtini mazmunli tashkil etish, musiqa va sanʼatga qiziqishini oshirish maqsadida Universitetning musiqa madaniyati taʼlim yoʻnalishi talabalarini jalb etgan holda umumiy oʻrta taʼlim muassasalarida toʻgaraklar faoliyatini yoʻlga qoʻyish. Har yili reja asosida Universitetning budjetdan tashqari mablagʻlari, grantlar, homiylik xayriyalari Xalq taʼlimi vazirligi (B. Saidov), Respublika Maʼnaviyat va maʼrifat markazi (M. Xojimatov), Toshkent davlat pedagogika universiteti (A. Kirgizbayev) 26. Alohida taʼlim ehtiyojlari boʻlgan talabalarning ijtimoiy moslashuvi uchun sharoit yaratish va inklyuziv taʼlim gʻoyalarini targʻib qilish. 1. Universitetda tahsil oluvchi nogironligi boʻlgan talabalar bilan ishlarni tizimli tashkil etish. 2. Inklyuziv taʼlimni yoʻlga qoʻyish choralarini koʻrish. Doimiy - Xalq taʼlimi vazirligi (B. Saidov), Toshkent davlat pedagogika universiteti (A. Kirgizbayev)

Oʻzbekiston Respublikasi Prezidentining 2022-yil 21-iyundagi PQ-290-son qaroriga 2-ILOVA

2023 — 2026-yillarda Nizomiy nomidagi Toshkent davlat pedagogika universitetini rivojlantirishning

MAQSADLI KOʻRSATKICHLARI

T/r Ustuvor vazifa Maqsadli koʻrsatkich Yillar kesimida Oʻsish koʻrsatkichi, (2023-yilga nisbatan) 2023-yil 2024-yil 2025-yil 2026-yil 1. Chet tili fanidan milliy yoki unga mos darajadagi xalqaro sertifikatga ega professor-oʻqituvchilar ulushini oshirish Asosiy shtatdagi professor-oʻqituvchilar soniga nisbatan (foizda) 12 15 20 25 2,1 baravar 2. Chet tili fanidan milliy yoki unga mos darajadagi xalqaro sertifikatga ega talabalar ulushini oshirish Jami talabalar soniga nisbatan (foizda) 5 8 12 25 5 baravar 3. Yuqori malakali ilmiy va ilmiy-pedagog kadrlarni tayyorlash Ilmiy salohiyat (foizda) 52 60 65 70 35 foiz 4. Himoya qilinadigan falsafa doktori dissertatsiyalari (PhD) soni 40 70 90 100 2,5 baravar 5. Himoya qilinadigan doktorlik dissertatsiyalari (DSc) soni 6 8 12 20 3,3 baravar 6. Falsafa doktori ilmiy darajasini olishga talabgor doktorantlar (PhD) soni 10 20 30 40 4 baravar 7. Fan doktori ilmiy darajasini olishga talabgor doktorantlar (DSc) soni 3 6 8 12 4 baravar 8. Mustaqil izlanuvchilar soni 12 20 30 40 3,3 baravar 9. Professor-oʻqituvchilarning ilmiy-uslubiy faoliyati natijadorligini oshirish Darsliklar soni 25 35 45 60 2,4 baravar 10. Oʻquv qoʻllanmalar soni 35 45 60 75 2,1 baravar 11. Monografiyalar soni 30 40 55 60 2 baravar 12. Scopus, Web of Science xalqaro maʼlumotlar bazasiga kiritilgan maqolalar soni 17 29 42 51 3 baravar 13. Respublika jurnallarida eʼlon qilingan ilmiy maqolalar soni 40 62 97 118 3 baravar 14. Scopus, Web of Science xalqaro maʼlumotlar bazasiga kiritilgan har bir maqolaga toʻgʻri keluvchi iqtiboslar soni 0,7 1,4 2,1 2,8 4 baravar 15. Xalqaro hamkorlikni kengaytirish Universitet professor-oʻqituvchilarini jahonning yetakchi universitetlari va ilmiy markazlariga xizmat safarlariga yuborish 60 80 100 120 2 baravar 16. Universitetga xorijiy olimlarning tashrifi (kamida 36 soat yuklamasini bajarish) 7 11 16 21 3 baravar 17. Xorijiy oliy taʼlim muassasalari bilan akademik almashuv dasturlarida universitet talabalarining ishtiroki (foizda) 5 8 18 30 6 baravar 18. 19. Xalqaro loyihalar soni 2 3 5 6 3 baravar 20. Talaba-yoshlar taʼlimi uchun qoʻshimcha sharoitlar yaratish, maʼnaviy-maʼrifiy va tarbiyaviy ishlar samaradorligini oshirish Talaba-yoshlarning ilmiy maqola, kitob va ijod namunalarini nashr etish (foizda) 20 30 40 50 2,5 baravar 21. Professor-oʻqituvchilar va xodimlar orasida sport bilan shugʻullanuvchilarning ulushi (foizda) 20 30 45 60 3 baravar 22. Talabalar orasida sport bilan shugʻullanuvchilarning ulushi (foizda) 35 45 60 80 2,3 baravar 23. Universitet talabalarining “Yil talabasi”, beshta muhim tashabbus va boshqa yoʻnalishlardagi tanlovlarda ishtiroki 5 10 15 25 5 baravar

Oʻzbekiston Respublikasi Prezidentining 2022-yil 21-iyundagi PQ-290-son qaroriga 3-ILOVA

Oʻzbekiston Respublikasi Prezidentining ayrim qarorlariga kiritilayotgan oʻzgartirishlar va qoʻshimcha

1. Oʻzbekiston Respublikasi Prezidentining 2019-yil 30-sentabrdagi “Xalq taʼlimi tizimidagi maktabdan tashqari taʼlim samaradorligini tubdan oshirish chora-tadbirlari toʻgʻrisida”gi PQ-4467-son qarorining 9-bandidagi “xalq taʼlimi muammolarini oʻrganish va istiqbollarini belgilash ilmiy-tadqiqot institutida” soʻzlari “Pedagoglarni kasbiy rivojlantirish va yangi metodikalarga oʻrgatish milliy-tadqiqot institutida” soʻzlari bilan almashtirilsin.

2. Oʻzbekiston Respublikasi Prezidentining 2020-yil 6-noyabrdagi “Taʼlim-tarbiya tizimini yanada takomillashtirishga oid qoʻshimcha chora-tadbirlar toʻgʻrisida”gi PQ-4884-son qarorida:

a) 5-banddagi “xalq taʼlimi muammolarini oʻrganish va istiqbollarini belgilash ilmiy-tadqiqot instituti” soʻzlari “Pedagoglarni kasbiy rivojlantirish va yangi metodikalarga oʻrgatish milliy-tadqiqot instituti” soʻzlari bilan almashtirilsin;

b) 6-bandning birinchi xatboshisidagi “xalq taʼlimi xodimlarini qayta tayyorlash va ularning malakasini oshirish hududiy markazlari” soʻzlari “Pedagoglarni yangi metodikalarga oʻrgatish milliy markazlari” soʻzlari bilan almashtirilsin.

3. Oʻzbekiston Respublikasi Prezidentining 2021-yil 25-yanvardagi “Xalq taʼlimi sohasidagi ilmiy-tadqiqot faoliyatini qoʻllab-quvvatlash hamda uzluksiz kasbiy rivojlantirish tizimini joriy qilish chora-tadbirlari toʻgʻrisida”gi PQ-4963-son qarorida:

a) 4-bandning ikkinchi xatboshisidagi “xalq taʼlimi muammolarini oʻrganish va istiqbollarini belgilash ilmiy-tadqiqot instituti (keyingi oʻrinlarda — Institut), Qoraqalpogʻiston Respublikasi, viloyatlar va Toshkent shahar xalq taʼlimi xodimlarini qayta tayyorlash va ularning malakasini oshirish hududiy markazlari)” soʻzlari “Pedagoglarni kasbiy rivojlantirish va yangi metodikalarga oʻrgatish milliy-tadqiqot instituti (keyingi oʻrinlarda — Institut), Qoraqalpogʻiston Respublikasi, viloyatlar va Toshkent shahar Pedagoglarni yangi metodikalarga oʻrgatish milliy markazlari” soʻzlari bilan almashtirilsin;

b) 10-bandida:

uchinchi xatboshidagi “direktor” soʻzi “rektor” soʻzi bilan almashtirilsin;

toʻrtinchi xatboshi quyidagi tahrirda bayon etilsin:

“hududiy markazlarining rahbarlari va rahbar oʻrinbosarlari Xalq taʼlimi vazirligi bilan kelishilgan holda Institut rektori tomonidan lavozimga tayinlanadi va lavozimidan ozod etiladi”;

v) 11-bandning ikkinchi — toʻrtinchi xatboshilaridagi “xalq taʼlimi muammolarini oʻrganish va istiqbollarini belgilash ilmiy-tadqiqot instituti” soʻzlari “Pedagoglarni kasbiy rivojlantirish va yangi metodikalarga oʻrgatish milliy-tadqiqot instituti” soʻzlari bilan almashtirilsin;

g) 1-ilovaning 12-pozitsiyasi “Chora-tadbirlar” ustunidagi “xalq taʼlimi xodimlarini qayta tayyorlash va ularning malakasini oshirish hududiy markazlari” soʻzlari “Pedagoglarni yangi metodikalarga oʻrgatish milliy markazlari” soʻzlari bilan, “xalq taʼlimi muammolarini oʻrganish va istiqbollarini belgilash ilmiy-tadqiqot instituti” soʻzlari “Pedagoglarni kasbiy rivojlantirish va yangi metodikalarga oʻrgatish milliy-tadqiqot instituti” soʻzlari bilan almashtirilsin;

d) 2-ilovaning 1-pozitsiyasi “Koʻrsatkichlar nomi” ustunidagi “xalq taʼlimi xodimlarini qayta tayyorlash va ularning malakasini oshirish hududiy markazlarining” soʻzlari “Pedagoglarni yangi metodikalarga oʻrgatish milliy markazlarining” soʻzlari bilan almashtirilsin;

e) 3-ilovaning nomida va 1-pozitsiyasi “Ustuvor masalalar” ustunidagi “xalq taʼlimi muammolarini oʻrganish va istiqbollarini belgilash ilmiy-tadqiqot institutining” soʻzlari “Pedagoglarni kasbiy rivojlantirish va yangi metodikalarga oʻrgatish milliy-tadqiqot institutining” soʻzlari bilan almashtirilsin;

j) 4-ilovaning nomidagi “xalq taʼlimi muammolarini oʻrganish va istiqbollarini belgilash ilmiy-tadqiqot institutining” soʻzlari “Pedagoglarni kasbiy rivojlantirish va yangi metodikalarga oʻrgatish milliy-tadqiqot institutining” soʻzlari bilan almashtirilsin;

z) 5-ilovaning nomidagi “xalq taʼlimi muammolarini oʻrganish va istiqbollarini belgilash ilmiy-tadqiqot instituti” soʻzlari “Pedagoglarni kasbiy rivojlantirish va yangi metodikalarga oʻrgatish milliy-tadqiqot instituti” soʻzlari bilan almashtirilsin.

4. Oʻzbekiston Respublikasi Prezidentining 2021-yil 8-iyundagi “Ishchi kasblar boʻyicha kadrlarni tayyorlash tizimini yanada takomillashtirish chora-tadbirlari toʻgʻrisida” PQ-5140-son qarori 12-bandining birinchi, toʻrtinchi — oltinchi xatboshilaridagi “9” raqami “10” raqami bilan almashtirilsin.

5. Oʻzbekiston Respublikasi Prezidentining 2021-yil 24-dekabrdagi “Davlat oliy taʼlim muassasalariga moliyaviy mustaqillik berish chora-tadbirlari toʻgʻrisida”gi PQ-61-son qarorining 1-ilovasi quyidagi tahrirdagi 36-band bilan toʻldirilsin:

“36. Nizomiy nomidagi Toshkent davlat pedagogika universiteti”.

Izoh: mazkur ilovaning 5-bandi 2023-yil 1-yanvardan eʼtiboran kuchga kiradi.