Davlat organlari va tashkilotlari faoliyatining ochiqlik darajasini oshirish va baholash tizimini joriy etish chora-tadbirlari toʻgʻrisida (PF-154-son)

14.06.2022

Oʻzbekiston Respublikasi Prezidentining

Farmoni

Fuqarolarning axborotni erkin izlash va olishga doir konstitutsiyaviy huquqlarini amalga oshirish, davlat organlari va tashkilotlari faoliyatining ochiqligi, shaffofligi va hisobdorligini taʼminlash, ularning ochiqlik borasidagi samaradorlik koʻrsatkichlarini belgilash hamda faoliyatini ilgʻor xalqaro standartlar asosida baholash tizimini joriy etish maqsadida:

1. 2022-yil 1-avgustdan boshlab:

Davlat budjeti, shuningdek, xalqaro moliya institutlari mablagʻlari hisobidan moliyalashtiriladigan loyihalar, shu jumladan istiqbolli investitsiya va infratuzilma loyihalari boʻyicha ularning asosiy texnik koʻrsatkichlari va boshqa loyiha hujjatlari toʻgʻrisidagi maʼlumotlar Ochiq maʼlumotlar sifatida joylashtirilishi kerak boʻlgan ijtimoiy ahamiyatga molik maʼlumotlar roʻyxatiga kiritilsin;

davlat hokimiyati va boshqaruvi organlari, shuningdek, ustav fondida (ustav kapitalida) davlat ulushi 50 foiz va undan ortiq boʻlgan xoʻjalik jamiyatlari hamda davlat unitar korxonalarida (keyingi oʻrinlarda — davlat organlari va tashkilotlari) ochiqlik boʻyicha amalga oshirilayotgan ishlarning samaradorligi va natijadorligini baholashga qaratilgan Ochiqlik indeksi joriy etilsin.

2. Belgilansinki:

a) Ochiqlik indeksi quyidagi indikatorlar asosida baholanadi:

davlat organlari va tashkilotlarida ochiqlikni taʼminlashga masʼul boʻlgan xodimlar faoliyatining samaradorligi;

davlat organlari va tashkilotlarining rasmiy veb-saytlarida axborotlarni joylashtirish va elektron davlat xizmatlari koʻrsatish holati;

ijtimoiy ahamiyatga molik maʼlumotlarni qonunchilikda belgilangan axborot resurslarida eʼlon qilish va jamoatchilik oldida hisobdorlik tizimining yoʻlga qoʻyilishi;

budjet jarayonining ochiqligini taʼminlashga oid maʼlumotlarning rasmiy veb-saytda joylashtirilishi;

Ochiq maʼlumotlar portalida maʼlumotlar joylashtirilishi;

ommaviy kommunikatsiya texnologiyalarining joriy qilinishi;

korrupsiya holatlarini barvaqt aniqlash va ularning oldini olishda ochiqlik tamoyillaridan foydalanish holati;

jamoatchilik kengashi faoliyatining samaradorligi;

b) Ochiqlik indeksini baholash quyidagi tartibda amalga oshiriladi:

Ochiqlik indeksi “0” balldan “100” ballgacha baholanib, davlat organlari va tashkilotlarining faoliyati samaradorligi “yashil”, “sariq” va “qizil” toifalarga ajratiladi;

baholash har yili oldingi yilning 1-yanvaridan 31-dekabriga qadar boʻlgan davrini oʻz ichiga qamrab oladi;

2022-yilda Ochiqlik indeksi 1-iyuldan boshlab joriy yilning ikkinchi yarmi qamrab olingan davr uchun baholanadi;

Ochiqlik indeksini hisoblash natijalari har yili 1-aprelga qadar Korrupsiyaga qarshi kurashish agentligi (keyingi oʻrinlarda — Agentlik) tomonidan “eanticor.uz” elektron platformasi va ommaviy axborot vositalarida eʼlon qilib boriladi.

3. Davlat organlari va tashkilotlari faoliyatining ochiqligini monitoring qilish va baholash boʻyicha metodika 1-ilovaga muvofiq tasdiqlansin.

4. Agentlik (A. Burxanov) Moliya vazirligi (T. Ishmetov), Axborotlashtirish va telekommunikatsiyalar sohasida nazorat boʻyicha davlat inspeksiyasi (A. Abdullayev) hamda boshqa manfaatdor vazirlik va idoralar bilan birgalikda Ochiqlik indeksini hisoblash natijalariga koʻra quyidagi choralarni koʻrib borsin:

a) “yashil” toifadagi davlat organlari va tashkilotlarining ochiqlikni taʼminlash sohasidagi ijobiy tajribasini ommalashtirish;

b) “sariq” toifadagi davlat organlari va tashkilotlarining ochiqlikni taʼminlash sohasidagi faoliyatini yanada yaxshilash boʻyicha tavsiyalar ishlab chiqish, ularni amalga oshirishga koʻmaklashish va amaliy yordam berish;

v) “qizil” toifadagi davlat organlari va tashkilotlarida:

ochiqlikni taʼminlashga masʼul boʻlgan xodimlarga nisbatan qonunchilikda belgilangan tartibda intizomiy jazo chorasini qoʻllash toʻgʻrisida taklif kiritish;

ochiqlikni taʼminlashda yoʻl qoʻyilayotgan tizimli kamchiliklarni oʻrganish, bartaraf etish hamda ularning ushbu yoʻnalishdagi faoliyatini yaxshilash boʻyicha chora-tadbirlar dasturini ishlab chiqish.

5. Shunday tartib oʻrnatilsinki, unga muvofiq:

amalga oshirilgan ishlar va koʻrilgan choralar ijrosi boʻyicha davlat organlari va tashkilotlarining birinchi rahbarlari hisobotlari har yarim yilda Oliy Majlis Senati majlislarida eshitiladi;

baholash natijalari eʼlon qilingach, bir oy muddatda faoliyati “qizil” toifada baholangan davlat organlari va tashkilotlari rahbarlarining ochiqlik sohasida yoʻl qoʻygan kamchiliklari va ularni bartaraf etish boʻyicha rejalashtirgan chora-tadbirlari yuzasidan Hukumat tizimidagi davlat organlari va tashkilotlari rahbarlarining axboroti Vazirlar Mahkamasi Rayosati majlislarida eshitiladi.

Hukumat tizimiga kirmaydigan tashkilotlar rahbarlarining axborotini Oliy Majlis Senati majlislarida eshitish hamda natijasiga koʻra tegishli choralarni belgilash tavsiya etilsin.

6. Belgilansinki, Agentlikning tavsiyasiga asosan budjet mablagʻlari va qonunchilikda taqiqlanmagan boshqa manbalar hisobidan bir yilda bir marta faoliyati “yashil” toifada baholangan davlat organlari va tashkilotlarining ochiqlikni taʼminlashga masʼul boʻlgan xodimlari bir oylik lavozim maoshining 50 foizi miqdorida ragʻbatlantiriladi.

7. Agentlik huzurida uning direktori rahbarligida masʼul davlat organlari va tashkilotlari vakillaridan iborat tarkibda Ochiqlikni taʼminlash sohasida amalga oshirilayotgan ishlarning samaradorligi va natijadorligini baholash komissiyasi tashkil etilsin va quyidagilar uning asosiy vazifalari etib belgilansin:

davlat organlari va tashkilotlarining Ochiqlik indeksini baholash natijalarini koʻrib chiqish va Ochiqlik indeksi boʻyicha yakuniy qaror qabul qilish;

har yarim yilda davlat organlari va tashkilotlari tomonidan ochiqlikni taʼminlash sohasida amalga oshirilgan ishlar, rejalashtirilgan loyihalar va chora-tadbirlar ijrosini muhokama qilib borish;

tahlillar va keng jamoatchilik fikrini oʻrganish asosida ochiq eʼlon qilinishi lozim boʻlgan maʼlumotlar koʻlamini kengaytirish, sifatini oshirish va dolzarbligini taʼminlash boʻyicha takliflar ishlab chiqish hamda ularni amalga oshirish chora-tadbirlarini belgilash;

davlat organlari va tashkilotlarining ochiqlikni taʼminlash borasidagi yangi loyihalarini koʻrib chiqish va ularni amalga oshirish yuzasidan amaliy yordam koʻrsatish.

8. Agentlik (A. Burxanov) Adliya vazirligi (R. Davletov), Davlat statistika qoʻmitasi (B. Begalov), Axborot va ommaviy kommunikatsiyalar agentligi (A. Xodjayev) bilan birgalikda uch oy muddatda quyidagilarni Vazirlar Mahkamasiga kiritsin:

davlat organlari va tashkilotlari uchun oʻz rasmiy veb-saytida joylashtirilishi majburiy boʻlgan ijtimoiy ahamiyatga molik maʼlumotlarning namunaviy shakllarini;

ijtimoiy ahamiyatga molik maʼlumotlarni rasmiy veb-saytga joylashtirishda ularni pasportlash tizimini joriy etish boʻyicha amaldagi qonunchilik hujjatlarini takomillashtirish yuzasidan takliflarni;

davlat organlari va tashkilotlari tomonidan ochiqlikni taʼminlash sohasidagi normativ-huquqiy hujjatlarda belgilangan majburiyatlarga rioya etilishini masofaviy monitoring qilish, natijalarini rasmiylashtirish va koʻrib chiqish muddatlarini belgilovchi tartibni.

9. 2022-yil 1-iyuldan boshlab Ochiq maʼlumotlar sifatida joylashtirilishi kerak boʻlgan ijtimoiy ahamiyatga molik maʼlumotlar roʻyxatiga kiritilgan maʼlumotlarni rasmiy veb-saytga joylashtirishda (eʼlon qilishda) quyidagi tartib belgilansin:

ijtimoiy ahamiyatga molik maʼlumotlar davlat organlari va tashkilotlari rasmiy veb-saytining bosh sahifasida alohida boʻlimga joylashtiriladi;

ijtimoiy ahamiyatga molik maʼlumotlar rasmiy veb-saytning boshqa sahifasiga (veb-manzilga) joylashtirilgan taqdirda, ular eʼlon qilinmagan deb hisoblanadi va Davlat organlari va tashkilotlari faoliyatining ochiqligini monitoring qilish va baholash boʻyicha metodikaning baholash mezoni bajarilmagan deb topiladi.

10. Agentlikka davlat organlari va tashkilotlari faoliyatining ochiqligini taʼminlash borasida quyidagi qoʻshimcha huquqlar berilsin:

davlat organlari va tashkilotlari hamda ularning mansabdor shaxslariga ochiqlik sohasidagi qonunchilik hujjatlarida belgilangan talablarning buzilishiga yoʻl qoʻymaslik toʻgʻrisida ogohlantirish eʼlon qilish;

ochiqlikka oid qonunchilik hujjatlarida belgilangan talablarning buzilishiga olib kelgan sabab va shart-sharoitlarni bartaraf etish choralarini koʻrish toʻgʻrisida taqdimnoma kiritish;

davlat organlari va tashkilotlari tomonidan rasmiy veb-sayt va boshqa axborot resurslarida eʼlon qilingan ochiq maʼlumotlarning haqqoniyligini tasdiqlovchi hujjatlarni talab qilib olish haqida soʻrovnoma yuborish.

Belgilansinki, Agentlikning ogohlantirish, taqdimnoma va soʻrovnomalari davlat organlari va tashkilotlari tomonidan oʻn kun muddat ichida koʻrib chiqilishi va natijalari yuzasidan yozma axborot berilishi shart.

11. Agentlik (A. Burxanov):

Bandlik va mehnat munosabatlari vazirligi (N. Xusanov), Axborot texnologiyalari va kommunikatsiyalarini rivojlantirish vazirligi (Sh. Shermatov), Adliya vazirligi (R. Davletov) bilan birgalikda ilgʻor xorijiy davlatlar tajribasini chuqur tahlil qilgan holda ikki oy muddatda davlat organlari va tashkilotlarining ochiqlikni taʼminlashga masʼul xodimlari bilan shartnomalar tuzishda qoʻllash uchun tavsiyaviy xususiyatga ega boʻlgan ochiqlikni taʼminlash sohasida qonunchilik talablarini buzganlik uchun intizomiy javobgarlikni belgilovchi namunaviy shartlarni ishlab chiqsin va eʼlon qilsin;

Axborot texnologiyalari va kommunikatsiyalarini rivojlantirish vazirligi (Sh. Shermatov), Axborot va ommaviy kommunikatsiyalar agentligi (A. Xodjayev), Axborotlashtirish va telekommunikatsiyalar sohasida nazorat boʻyicha davlat inspeksiyasi (A. Abdullayev) bilan birgalikda 2023-yil 1-yanvarga qadar ochiqlikni taʼminlash boʻyicha monitoring oʻtkazish, ochiqlik boʻyicha amalga oshirilayotgan ishlarning samaradorligi va natijadorligini baholash, shuningdek, Ochiqlik indeksini baholash jarayonlarini Yagona idoralararo axborot tizimi (platforma) orqali yoʻlga qoʻyilishini taʼminlasin.

Belgilansinki, davlat organlari va tashkilotlari Ochiqlik indeksini baholash mezonlari va indikatorlarida belgilangan talablar ijrosiga oid maʼlumotlarni (hujjatlarni) Yagona idoralararo axborot tizimiga (platforma) joylashtirib borishi shart.

12. Agentlik (A. Burxanov) xalqaro tashkilotlar va xorijiy ekspertlarni jalb etgan holda, davlat organlari va tashkilotlarining ochiqlikni taʼminlashga masʼul boʻlgan xodimlarini muntazam oʻqitish va malakasini oshirish choralarini koʻrsin.

13. Oʻzbekiston Milliy teleradiokompaniyasi (A. Xadjayev) va Oʻzbekiston Milliy axborot agentligi (A. Koʻchimov)ga mazkur Farmonning mazmun va mohiyatini hamda Ochiqlik indeksini hisoblash natijalarini keng yoritib borish tavsiya etilsin.

14. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.

15. Agentlik ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga taklif kiritsin.

16. Mazkur Farmonning ijrosini samarali tashkil qilishga masʼul va shaxsiy javobgar etib Agentlik direktori A.E. Burxanov belgilansin.

Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 14-iyun,

PF-154-son

Oʻzbekiston Respublikasi Prezidentining 2022-yil 14-iyundagi PF-154-son Farmoniga 1-ILOVA

Davlat organlari va tashkilotlari faoliyatining ochiqligini monitoring qilish va baholash boʻyicha

METODIKA

1-bob. Umumiy qoidalar

1. Davlat organlari va tashkilotlari faoliyatining ochiqligini monitoring qilish va baholash boʻyicha metodika (keyingi oʻrinlarda — Metodika) davlat organlari va tashkilotlarida ochiqlikni taʼminlash boʻyicha monitoring oʻtkazish, sohada amalga oshirilayotgan chora-tadbirlarning samaradorligi va natijadorligini baholash orqali Ochiqlik indeksini hisoblash tartibini belgilaydi.

2. Baholash davlat organlari va tashkilotlarining ochiqlikni taʼminlash borasidagi samaradorlik koʻrsatkichlarini chuqur tahlil qilish, baholash, tizimli ravishda yoʻl qoʻyilayotgan kamchiliklarni bartaraf etishga qaratilgan taklif va tavsiyalarni ishlab chiqish hamda ochiq maʼlumotlarni eʼlon qilishning ilgʻor xalqaro standartlarga asoslangan mexanizmlarini joriy etish maqsadida oʻtkaziladi.

3. Baholash va mazkur faoliyatda ishtirok etadigan davlat organlari faoliyatini muvofiqlashtirib borish Korrupsiyaga qarshi kurashish agentligi (keyingi oʻrinlarda — Agentlik) tomonidan amalga oshiriladi.

4. Ushbu Metodikada quyidagi asosiy tushunchalardan foydalaniladi:

Ochiqlikni taʼminlash sohasida amalga oshirilayotgan ishlarning samaradorligi va natijadorligini baholash komissiyasi — Agentlik, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Axborotlashtirish va telekommunikatsiyalar sohasida nazorat boʻyicha davlat inspeksiyasi, Iqtisodiyot va moliya vazirligi va Milliy statistika qoʻmitasining zarur bilim va tajribaga ega yuqori malakali mutaxassis va ekspertlaridan iborat tarkibda tuziladigan davlat organlari va tashkilotlari faoliyatining ochiqligini monitoring qilish va baholash natijalari boʻyicha Ochiqlik indeksini hisoblash haqida yakuniy qaror qabul qiladigan, muvofiqlashtiruvchi organ tomonidan shakllantiriladigan kollegial organ;

davlat organlari va tashkilotlari — davlat hokimiyati va boshqaruvi organlari, shuningdek, ustav fondida (ustav kapitalida) davlat ulushi 50 foiz va undan ortiq boʻlgan xoʻjalik jamiyatlari hamda davlat unitar korxonalari;

indikator — ochiqlik boʻyicha amalga oshirilayotgan ishlarning samaradorligi va natijadorligini aniqlashda baholanishi lozim boʻlgan asosiy koʻrsatkich;

muvofiqlashtiruvchi organ (ishchi organ) — Korrupsiyaga qarshi kurashish agentligi;

masʼul xodimlar — ochiqlikka oid qonunchilik hujjatlari bajarilishini oʻz vaqtida va sifatli taʼminlash vazifasi yuklatilgan davlat organlari va tashkilotlarining axborot xizmatlari hamda murojaatlar bilan ishlash boʻlinmalari xodimlari;

monitoring qilish va baholash — indikatorlarda belgilangan mezonlar asosida davlat organlari va tashkilotlari tomonidan ochiqlikni taʼminlash borasida amalga oshirilayotgan ishlarning samaradorligi va natijadorligini aniqlash orqali ularning eng yuqori natijadan eng past natijagacha saralangan roʻyxatdagi oʻrnini belgilash;

baholashda ishtirok etadigan davlat organlari — Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Axborotlashtirish va telekommunikatsiyalar sohasida nazorat boʻyicha davlat inspeksiyasi, Iqtisodiyot va moliya vazirligi va Milliy statistika qoʻmitasi.

5. Davlat organlari va tashkilotlari faoliyatining ochiqligini monitoring qilish va baholash quyidagi prinsiplar asosida amalga oshiriladi:

qonuniylik — davlat organlari va tashkilotlari faoliyatining ochiqligini monitoring qilish va baholashni qonunchilikda belgilangan talablarga muvofiq amalga oshirish;

betaraflik — monitoring va baholash faoliyatini amalga oshiruvchi davlat organlarining xodimlari oʻz vakolat va vazifalarini har qanday davlat organlari, tashkilotlar va mansabdor shaxslardan qatʼi nazar, faqat qonunga boʻysungan holda amalga oshirishi;

xolislik — davlat organlari va tashkilotlarining ochiqlik sohasidagi faoliyatini monitoring qilish va baholashni subyektiv fikrlarning taʼsir qilishiga yoʻl qoʻymagan holda amalga oshirish;

maxfiylikni taʼminlash — davlat sirlari yoki qonun bilan qoʻriqlanadigan boshqa sirdan iborat, shuningdek, oshkor etilishi natijasida shaxsning huquqlari va qonuniy manfaatlariga, jamiyat yoxud davlat manfaatlariga zarar yetkazishi mumkin boʻlgan axborotni eʼlon qilishda qonunchilikda belgilangan cheklovlarga rioya qilish;

ochiqlik va shaffoflik — monitoring va baholash faoliyati haqidagi maʼlumot va axborotlardan toʻliq, oʻz vaqtida, erkin va bepul foydalanish imkoniyatini taʼminlagan holda, ularni belgilangan axborot resurslariga joylashtirish;

ishonchlilik — muvofiqlashtiruvchi organning davlat organlari va tashkilotlari tomonidan ochiqlikni taʼminlash sohasidagi faoliyatini monitoring qilish va baholashda ochiq eʼlon qilingan maʼlumotlarning ishonchliligini tasdiqlovchi qoʻshimcha materiallarni talab qilib olishi, ularning haqqoniyligiga shubha paydo boʻlgan taqdirda mustaqil manbalar orqali oʻrganishni amalga oshirishi.

6. Baholash mazkur Metodikaga 1 — 8-ilovalarda keltirilgan alohida mezonlardan tashkil topgan indikatorlar asosida amalga oshiriladi.

2-bob. Monitoring qilish va baholash tartibi

7. Davlat organlari va tashkilotlari faoliyatining ochiqligi Agentlik tomonidan monitoring qilib boriladi.

8. Davlat organlari va tashkilotlarida ochiqlik boʻyicha amalga oshirilayotgan ishlarning samaradorlik va natijadorlik darajasi Metodikaga tegishli ilovalar boʻyicha quyidagi masʼul davlat organlari tomonidan baholash indikatorlari va mezonlari asosida baholanadi:

Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi — Metodikaga 1-ilovada nazarda tutilgan mezonlar boʻyicha;

Axborotlashtirish va telekommunikatsiyalar sohasida nazorat boʻyicha davlat inspeksiyasi — Metodikaga 2-ilovada nazarda tutilgan mezonlar boʻyicha;

Agentlik — Metodikaga 3, 6 — 8-ilovalarda nazarda tutilgan mezonlar boʻyicha;

Moliya vazirligi — Metodikaga 4-ilovada nazarda tutilgan mezonlar boʻyicha;

Milliy statistika qoʻmitasi — Metodikaga 5-ilovada nazarda tutilgan mezonlar boʻyicha.

9. Baholashda toʻplangan ballar rasmiy veb-sayt, Ochiq maʼlumotlar portali, ijtimoiy tarmoqlardagi rasmiy sahifalar, maxsus dasturiy taʼminot va uning mobil ilovalari hamda boshqa axborot resurslarida joylashtirilgan (qonunchilik hujjatlari, indikator yoki baholash mezonida axborot resursi aniq koʻrsatilgan holatlar bundan mustasno) statistik va tahliliy maʼlumotlar, shuningdek, joriy etilgan mexanizm hamda platformalarni inobatga olgan holda hisoblanadi.

10. Axborot resurslarida yangilab borishning aniq muddati qonunchilik hujjatlari asosida belgilanmagan taqdirda, maʼlumotlarni yangilab borishning oxirgi muddati quyidagi tartibda hisoblanadi:

doimiy (muntazam) yangilab boriladigan maʼlumotlar — bir sutkadan kechiktirmay;

har oyda yangilab boriladigan maʼlumotlar — keyingi oyning beshinchi sanasi;

har chorakda yangilab boriladigan maʼlumotlar — har chorak yakunidan keyingi oyning oʻninchi sanasi;

har yarim yillikda (har olti oyda) yangilab boriladigan maʼlumotlar — har olti oy yakunidan keyingi oyning oʻn beshinchi sanasi;

har yillik (bir yilda bir marotaba) yangilab boriladigan maʼlumotlar — har yil yakunidan keyingi yilning 20-fevral sanasi.

11. Davlat organlari va tashkilotlari faoliyati ochiqligini taʼminlash sohasida amalga oshirilgan ishlar samaradorligi va natijadorligining reytingi Agentlik (ishchi organi) tomonidan aniqlanadi.

Bunda, reyting har yili oldingi yilning 1-yanvaridan 31-dekabriga qadar boʻlgan davrni oʻz ichiga qamrab oladi.

12. Indikatorlar kesimida toʻplangan ballarni hisoblash baholashda ishtirok etadigan davlat organlari tomonidan amalga oshiriladi.

Baholashda ishtirok etadigan davlat organlari oʻzlari masʼul boʻlgan indikatorlar boʻyicha toʻplangan ballarning hisoblash koʻrsatkichlarini mazkur Metodikaga 9-ilovadagi sxemaga asosan muvofiqlashtiruvchi organga har yili 10-martga qadar rasmiy tartibda yuboradi.

Toʻplangan ballarni hisoblash natijalarining haqqoniyligi yoki asosliligiga shubha uygʻotuvchi holat mavjudligi aniqlangan taqdirda, ular muvofiqlashtiruvchi organ tomonidan qayta oʻrganib chiqilishi mumkin.

13. Agentlik har yili 20-martga qadar barcha indikatorlar boʻyicha toʻplangan ballarning hisoblash koʻrsatkichlarini davlat organlari va tashkilotlari kesimida umumlashtirib, Ochiqlik indeksini hisoblash natijalarini koʻrib chiqish uchun Ochiqlikni taʼminlash sohasida amalga oshirilayotgan ishlarning samaradorligi va natijadorligini baholash komissiyasiga (keyingi oʻrinlarda — Baholash komissiyasi) taqdim etadi.

Agentlik Baholash komissiyasi ixtiyoriga Ochiqlik indeksini hisoblash natijalari bilan birga quyidagilarni qamrab olgan oʻz xulosasini taqdim etadi:

baholash yilida ochiqlikni taʼminlash sohasida yuqori samaradorlikka erishgan davlat organlari va tashkilotlari, ularning amaliyotga samarali joriy etgan ijobiy ish tajribasi;

yuqori samaradorlikka erishgan davlat organlari va tashkilotlarining masʼul xodimlarini ragʻbatlantirish boʻyicha takliflar;

baholash yilida eng past natijalarni qayd etgan davlat organlari va tashkilotlari, ularning indikator va mezonlar kesimida ijro etmagan koʻrsatkichlari hamda yoʻl qoʻygan kamchiliklari tahlili;

kamchiliklarga yoʻl qoʻygan masʼul xodimlarga nisbatan intizomiy jazo chorasini qoʻllash va ularning ushbu yoʻnalishdagi faoliyatini yaxshilash boʻyicha ishlab chiqiladigan chora-tadbirlar dasturi boʻyicha takliflar;

chuqur tahlillar asosida davlat organlari va tashkilotlari tomonidan ochiqlikni taʼminlash faoliyatida yoʻl qoʻyib kelinayotgan huquqbuzarliklarning tizimli sabab va shart-sharoitlarini bartaraf etish, sohada ilgʻor xalqaro standartlarni keng joriy etish orqali samaradorlik hamda natijadorlikni yanada oshirish choralari boʻyicha takliflar;

joriy yilda ochiqlikni taʼminlash sohasida amalga oshirilishi lozim boʻlgan chora-tadbirlar, rejalashtirilgan loyihalar, hudud va tarmoqlarga mazkur faoliyatga taalluqli dasturlarini yuqori saviyada ijro qilish yuzasidan taklif va tavsiyalar.

14. Davlat organlari va tashkilotlari faoliyatining Ochiqlik indeksini hisoblash natijalari Baholash komissiyasi tomonidan koʻrib chiqiladi.

15. Baholash komissiyasi tarkibiga nodavlat notijorat tashkilotlari, ommaviy axborot vositalari va fuqarolik jamiyatining boshqa institutlari vakillari ham kiritilishi mumkin.

16. Agentlik direktori Baholash komissiyasining raisi hisoblanib, uning faoliyatini muvofiqlashtirib boradi.

17. Baholash komissiyasi kamida yetti nafar aʼzodan iborat tarkibda Agentlik, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Axborotlashtirish va telekommunikatsiyalar sohasida nazorat boʻyicha davlat inspeksiyasi, Iqtisodiyot va moliya vazirligi va Milliy statistika qoʻmitasining tavsiyasi asosida Agentlik direktori tomonidan tasdiqlanadi.

18. Baholash komissiyasi toq sonli aʼzolardan iborat boʻladi, uning aʼzolari tarkibi va soni baholash yoʻnalishlari hamda indikator koʻrsatkichlarini hisoblash usullari inobatga olingan holda oʻzgartirilishi mumkin.

19. Baholash komissiyasi aʼzolari xolis boʻlishi va baholash yakunlaridan shaxsan manfaatdor boʻlmasligi kerak.

20. Baholash komissiyasi ishiga rais rahbarlik qiladi. U Baholash komissiyasining reglamentini tasdiqlaydi, majlislarini chaqiradi va olib boradi, ovozga qoʻyishni tashkillashtiradi va qabul qilingan qarorlarni eʼlon qiladi, shuningdek, Baholash komissiyasi majlislarining bayonnomalarini imzolaydi. Baholash komissiyasi raisi yoʻqligida uning vazifalarini oʻrinbosari bajaradi.

21. Baholash komissiyasi raisining oʻrinbosari Agentlik direktorining tavsiyasi bilan komissiya qarori asosida tayinlanadi va vazifasidan ozod qilinadi.

22. Baholash komissiyasining tezkor faoliyatini uning ovoz berish huquqiga ega boʻlmagan kotibi tashkil etadi.

23. Qoidaga koʻra, Baholash komissiyasi kotibi Agentlik masʼul xodimlari orasidan komissiya qarori asosida tayinlanadi va vazifasidan ozod qilinadi.

24. Baholash komissiyasining ishchi organi vazifa va vakolatlari Agentlik tomonidan amalga oshiriladi.

25. Baholash komissiyasining har bir aʼzosi Ochiqlik indeksini hisoblash natijalari boʻyicha ovoz berishda yoqlab ovoz berishi, qarshi ovoz berishi yoki unda ishtirok etishdan bosh tortishi mumkin. Baholash komissiyasining raisi ovoz berishda ishtirok etishdan bosh tortish huquqiga ega emas.

26. Baholash komissiyasining majlislari aʼzolari hozirligida yuzma-yuz oʻtkaziladi.

27. Baholash komissiyasi davlat organlari va tashkilotlari faoliyatining Ochiqlik indeksi yuzasidan yakuniy qarorni ochiq ovoz berish yoʻli bilan qabul qiladi.

28. Baholash komissiyasi majlislariga baholash jarayonida yuzaga kelgan noaniqlik va boshqa zarur deb topilgan hollarda vazirlik va idoralarning ekspertlari, shuningdek, boshqa manfaatdor vazirliklar va idoralarning mutaxassislari taklif etilishi mumkin.

29. Baholash komissiyasi qarori komissiya aʼzolari umumiy sonining koʻpchilik ovozi bilan qabul qilinadi.

30. Ovozlar teng boʻlganda, Baholash komissiyasi raisining ovozi hal qiluvchi hisoblanadi.

31. Baholash komissiyasi qarorlari uning aʼzolarining kamida yarmi ishtirok etgan taqdirda vakolatli hisoblanadi.

32. Davlat organlari va tashkilotlari faoliyatining Ochiqlik indeksi har yil yakunlariga koʻra (keyingi yilning 1-apreliga qadar) Agentlik tomonidan “eanticor.uz” elektron platformasi va ommaviy axborot vositalari orqali ochiq eʼlon qilinadi.

33. Agentlik Baholash komissiyasi qarori bilan tasdiqlangan davlat organlari va tashkilotlari faoliyatining Ochiqlik indeksini hisoblash natijalari va tahliliy maʼlumotlarini har yili 15-aprelga qadar Oʻzbekiston Respublikasi Prezidenti Administratsiyasi va Vazirlar Mahkamasiga kiritib boradi.

3-bob. Ochiqlik indeksini hisoblash tartibi

34. Davlat organlari va tashkilotlari faoliyatining ochiqlik darajasi aniqlanadigan indikatorlar miqdoriga qarab “0” balldan “100” ballgacha baholanib, Ochiqlik indeksi “yashil”, “sariq” va “qizil” toifalarga ajratiladi.

35. Indikatorlarni baholash natijalariga muvofiq, davlat organlari va tashkilotlari faoliyatining ochiqlik darajasi reyting bali boʻyicha:

71 balldan 100 ballgacha boʻlganda — “yashil”;

55 balldan 71 ballgacha boʻlganda — “sariq”;

55 balldan past boʻlganda — “qizil” deb topiladi.

36. Baholash indikatorlari boʻyicha ballar quyidagicha taqsimlanadi:

birinchi indikator — maksimal 20 ball;

ikkinchi indikator — maksimal 20 ball;

uchinchi indikator — maksimal 16 ball;

toʻrtinchi indikator — maksimal 6 ball;

beshinchi indikator — maksimal 8 ball;

oltinchi indikator — maksimal 11 ball;

yettinchi indikator — maksimal 15 ball;

sakkizinchi indikator — maksimal 4 ball.

37. Yakuniy ball mazkur Metodikaning 2-bobida koʻrsatilgan indikatorlardagi ballarni bir-biriga qoʻshish orqali aniqlanadi.

4-bob. Ochiqlik indeksini hisoblash natijalari boʻyicha amalga oshiriladigan chora-tadbirlar

38. Baholash komissiyasi bayoni bilan:

“yashil” toifadagi davlat organlari va tashkilotlarining ochiqlikni taʼminlash borasidagi ijobiy tajribasini ommaviy axborot vositalari orqali ommalashtirish chora-tadbirlari amalga oshiriladi;

“yashil” toifadagi davlat organlari va tashkilotlarining masʼul xodimlarini budjet va qonunchilikda taqiqlanmagan boshqa manbalar hisobidan bir oylik lavozim maoshining 50 foizi miqdorida (bir martalik) ragʻbatlantirish boʻyicha taklif kiritib boriladi;

“sariq” toifadagi davlat organlari va tashkilotlarining ochiqlikni taʼminlash sohasidagi faoliyatini yanada yaxshilash boʻyicha tavsiyalar ishlab chiqish, ularni amalga oshirishda koʻmaklashish va amaliy yordam berish choralari koʻriladi;

“qizil” toifadagi davlat organlari va tashkilotlarining masʼul xodimlariga nisbatan qonunchilikda belgilangan tartibda intizomiy jazo chorasini qoʻllash haqida taklif kiritib boriladi;

ochiqlikni taʼminlashda tizimli ravishda yoʻl qoʻyilayotgan kamchiliklarni aniqlash, bartaraf etish hamda ularning ushbu yoʻnalishdagi faoliyatini yaxshilash boʻyicha chora-tadbirlar dasturi ishlab chiqiladi.

5-bob. Yakunlovchi qoida

39. Ushbu Metodika talablarini buzgan aybdor shaxslar belgilangan tartibda javobgar boʻladi.

Davlat organlari va tashkilotlari faoliyatining ochiqligini monitoring qilish va baholash boʻyicha metodikaga 1-ILOVA

Davlat organlari va tashkilotlarida ochiqlikni taʼminlashga masʼul boʻlgan xodimlar faoliyatining samaradorligini

BAHOLASH MEZONLARI

T/rBaholash mezonlariBallarToʻplangan ball1234Matbuot anjumanlari, brifinglar, press-turlar, taqdimotlar hamda boshqa tadbirlar (tadbirlar) soni1.6 va undan ortiq tadbir205 ta tadbir184 ta tadbir163 ta tadbir142 va undan kam tadbir0Ijtimoiy tarmoqlarda onlayn translyatsiyalar soni2.6 va undan ortiq onlayn translyatsiya205 ta onlayn translyatsiya184 ta onlayn translyatsiya163 ta onlayn translyatsiya142 va undan kam onlayn translyatsiya0Matbuot anjumanlari, brifinglar va boshqa tadbirlarda rahbarlarning ishtiroki3.rahbar ishtirok etsa20rahbarning birinchi oʻrinbosari ishtirok etsa18rahbarning oʻrinbosari ishtirok etsa16rahbarlar ishtirok etmasa0Axborotni yetkazib berish shakli(har oyda kamida bir marta)4.infografika tarzida20foto, video shaklida18matn shaklida16axborot eʼlon qilinmasa0Axborotning qamrovi5.radio, televideniye, gazeta, ijtimoiy tarmoqlar, messenjerlar va veb-saytda eʼlon qilinishi20faqat ijtimoiy tarmoqlar, messenjerlar va veb-saytda eʼlon qilinishi18faqat radio, televideniye va gazetada eʼlon qilinishi16radio, televideniye, gazeta, ijtimoiy tarmoqlar, messenjerlar yoki veb-saytda eʼlon qilinishi14axborot eʼlon qilinmasa0Sohaga oid muammolarni yoritish6.birinchi manba sifatida yoritish20eʼlon qilingan tanqidiy materialga munosabat bildirish15birinchi manba sifatida yoritmasa yoki eʼlon qilingan tanqidiy materialga munosabat bildirmasa0Tanqidiy materiallarga munosabat bildirishning tezkorligi7.tanqidiy material eʼlon qilingan vaqtdan boshlab 5 soat ichida20tanqidiy material eʼlon qilingan vaqtdan boshlab 12 soat ichida18tanqidiy material eʼlon qilingan vaqtdan boshlab 24 soat ichida14tanqidiy material eʼlon qilingan vaqtdan boshlab 24 soatdan keyin0Tadbirlar haqidagi axborotlarning rasmiy veb-sayt, messenjer va ijtimoiy tarmoqlarda eʼlon qilinishi tezkorligi8.tadbir yakunlangandan keyin 1 soat ichida20tadbir yakunlangandan keyin 5 soat ichida18tadbir yakunlangandan keyin 12 soat ichida14tadbir yakunlangandan keyin 12 soatdan keyin0Rahbar yoki axborot xizmati rahbarining muayyan axborot voqeligi munosabati bilan rasmiy bayonot berishi9.video formatida20matn shaklida15bayonot berilmasa0Xorijiy ommaviy axborot vositalarida materiallar eʼlon qilinishi10.tashkilot faoliyati haqida xorijiy ommaviy axborot vositalarida materiallar eʼlon qilinsa20tashkilot faoliyati haqida xorijiy ommaviy axborot vositalarida materiallar eʼlon qilinmasa0Mezonlar soni10 taUmumiy ball200Indikator boʻyicha ballarni hisoblash tartibi:J=U10

Bunda:

U — davlat organi yoki tashkilotining matbuot kotibi tomonidan joriy baholash davrida barcha mezonlar boʻyicha toʻplangan umumiy ballarning yigʻindisi;

10 — axborot xizmati rahbarining faoliyati samaradorligini baholash mezonlari soni (joriy baholash davrida toʻplangan ballar baholash mezonlari soniga boʻlinadi);

J — jami hisoblangan ball (joriy baholash davrida toʻplangan ballar baholash mezonlari soniga boʻlinganida hosil boʻlgan ball).

Izoh.

1. Indikator boʻyicha toʻplangan umumiy ballar Axborot va ommaviy kommunikatsiyalar agentligi tomonidan jamlanib, Davlat organlari va tashkilotlari faoliyati ochiqligini monitoring qilish va baholash boʻyicha metodikaga 9-ilova bilan tasdiqlangan sxemada koʻrsatilgan muddatlarda muvofiqlashtiruvchi organga taqdim qilinadi.

Muvofiqlashtiruvchi organ tomonidan umumiy toʻplangan ballar indikatorda koʻrsatilgan mezonlar soniga boʻlinib, jamlangan holda Baholash komissiyasiga taqdim qilinadi.

2. Axborot va ommaviy kommunikatsiyalar agentligi mazkur mezonlar doirasidan chetga chiqmagan holda, oʻz baholash koʻrsatkichlarini asoslantirishga qaratilgan qoʻshimcha jadvallarni ishlab chiqishi va foydalanishi mumkin.

Davlat organlari va tashkilotlari faoliyatining ochiqligini monitoring qilish va baholash boʻyicha metodikaga 2-ILOVA

Davlat organlari va tashkilotlarining rasmiy veb-saytlarida axborotlarni joylashtirish va elektron davlat xizmatlari koʻrsatish holatini

BAHOLASH MEZONLARI

T/rBaholash mezonlari BallarToʻplangan ball1234Qayta aloqa tizimining samarali yoʻlga qoʻyilganlik darajasi1.faoliyat sohasiga oid aholi va tadbirkorlik subyektlari tomonidan tez-tez beriladigan savollarga javoblar uchun alohida sahifa tashkil etilib, ularga qonunchilik hujjatlari asosida asoslantirilgan va oʻz vaqtida javoblar eʼlon qilib borilsa1sahifadagi maʼlumotlarni har uch oyda yangilab borish tartibiga rioya qilinmasa0,5sahifa tashkil etilmagan boʻlsa0Tashkilot faoliyatiga oid normativ-huquqiy hujjatlarni eʼlon qilish darajasi2.oʻz faoliyatiga taalluqli boʻlgan (huquqiy maqomini, shu jumladan tarkibiy boʻlinmalari va idoraviy mansub tashkilotlarning tashkiliy tuzilmasi, vazifa va funksiyalarini belgilaydigan) normativ-huquqiy hujjatlar toʻliq eʼlon qilinsa1toʻliq eʼlon qilinmasa yoki ularga kiritilgan oʻzgartirish va qoʻshimchalar hujjat qabul qilingan kundan boshlab yetti kun muddatda yangilanmagan boʻlsa0,5hujjatlar eʼlon qilinmasa0Ichki idoraviy hujjatlarni eʼlon qilish darajasi3.qabul qilingan normativ-huquqiy va boshqa hujjatlar, shu jumladan tadbirkorlik subyektlari bilan oʻzaro munosabatlarga oid masalalar, davlat xizmatlarini hamda xizmatlarning boshqa turlarini koʻrsatish tartibi, muddatlari va qiymatini tartibga soluvchi hujjatlar eʼlon qilinsa1toʻliq hajmda eʼlon qilinmasa yoki ularga kiritilgan oʻzgartirish va qoʻshimchalar hujjat rasman eʼlon qilingandan keyin bir kundan kechiktirib eʼlon qilinsa0,5hujjatlar eʼlon qilinmasa0Ommaviy tadbirlar toʻgʻrisidagi maʼlumotlarning eʼlon qilinishi6.oʻtkazilgan va oʻtkazilishi rejalashtirilgan ommaviy tadbirlar (majlislar, yigʻilishlar, uchrashuvlar, matbuot anjumanlari, seminarlar va brifinglar, davra suhbatlari, rasmiy tashriflar) toʻgʻrisidagi maʼlumotlar, shuningdek, kundalik faoliyat toʻgʻrisidagi boshqa axborotlar eʼlon qilinsa1oʻtkazilishi rejalashtirilgan ommaviy tadbirlar toʻgʻrisidagi maʼlumotlar tadbir oʻtkazilishidan bir sutka oldin eʼlon qilinmasa0,5maʼlumotlar eʼlon qilinmasa0Boʻsh ish oʻrinlari toʻgʻrisidagi maʼlumotlarning eʼlon qilinishi7.boʻsh ish oʻrinlari, ishga qabul qilish shartlari, nomzodlarga qoʻyiladigan talablar va taqdim qilinishi lozim boʻlgan hujjatlar toʻgʻrisidagi maʼlumotlar eʼlon qilinsa1maʼlumotlar toʻliq hajmda eʼlon qilinmasa 0,5maʼlumotlar eʼlon qilinmasa0Ishlab chiqilgan normativ-huquqiy hujjatlar loyihalari toʻgʻrisidagi maʼlumotlarning eʼlon qilinishi8.ishlab chiqilgan normativ-huquqiy hujjatlarning loyihalari bilan birga ularning ishlab chiqilishi va idoralararo kelishuvi, shuningdek, muhokamasi oʻtkaziladigan elektron tizimlardagi (portal, platforma) havolasi haqidagi maʼlumotlar (loyihaning pasport maʼlumotlari) eʼlon qilinsa1maʼlumotlar hujjatlarning rasmiy veb-sayt yoki elektron tizimlardagi havolalarini kiritish toʻgʻrisidagi talablar buzilgan holda eʼlon qilinsa0,5maʼlumotlar eʼlon qilinmasa 0Muvofiqlashtiruvchi va maslahat organlari toʻgʻrisidagi maʼlumotlarning eʼlon qilinishi 9.tashkil etilgan muvofiqlashtiruvchi va maslahat organlari (komissiyalar, kengashlar, qoʻmitalar va boshqalar) toʻgʻrisidagi maʼlumotlar toʻliq eʼlon qilinsa1muvofiqlashtiruvchi va maslahat organlari tarkibi haqidagi maʼlumotlarni yangilab borishga oid talablar (oʻzgartirish kiritish haqidagi qaror qabul qilingan kundan boshlab bir hafta muddat ichida) buzilgan holda eʼlon qilinsa0,5maʼlumotlar eʼlon qilinmasa0Davlat organlari va tashkilotlari hamda ularning hududiy tuzilmalari toʻgʻrisidagi maʼlumotlarning eʼlon qilinishi10.davlat organlari va tashkilotlari tuzilmasining sxematik tasviri, shu jumladan hududiy organlari vazifalari va funksiyalarining tavsifi, hududiy organlar rahbarlarining familiyasi, ismi va otasining ismi hamda aloqa maʼlumotlari (telefon raqami, pochta, elektron manzili va boshqalar) toʻgʻrisidagi maʼlumotlar eʼlon qilinsa1maʼlumotlar toʻliq hajmda eʼlon qilinmasa 0,5maʼlumotlar eʼlon qilinmasa0Idoraviy boʻysunuvdagi tashkilotlarning veb-saytiga havolalar mavjudligi11.oʻz rasmiy veb-saytida idoraviy boʻysunuvidagi tashkilotlarning veb-saytlariga havolalar mavjudligi1idoraviy boʻysunuvidagi tashkilotlarning veb-saytlariga havolalar ishchi holatda boʻlmasa0,5havolalar joylashtirilmasa0Jismoniy va yuridik shaxslarning murojaatlari bilan ishlash tartibi toʻgʻrisidagi maʼlumotlar eʼlon qilinishi12.jismoniy va yuridik shaxslarning murojaatlari bilan ishlash tartibi (rahbarning qabul kunlari, murojaatlar bilan ishlash boʻyicha tarkibiy boʻlinmalarning telefon raqamlari, manzilli rekvizitlar (pochta, elektron manzili va boshqalar), maʼlumotlar berish xizmati, “ishonch telefonlari”ning raqamlari, kirish yoʻllari, toʻxtash joylari, jamoat transporti raqamlari va javob xatlarini olish usullari toʻgʻrisidagi maʼlumotlar eʼlon qilinsa1maʼlumotlar toʻliq boʻlmagan yoki yangilab borish muddatlariga rioya qilinmagan holda eʼlon qilinsa0,5maʼlumotlar eʼlon qilinmasa 0Murojaatlarning umumlashtirilgan natijalarini eʼlon qilib borish darajasi13.real vaqt rejimida murojaatlarni koʻrib chiqish natijalari haqida umumlashtirilgan maʼlumotlar (umumiy koʻrib chiqilgan, shundan qanoatlantirilgan, tushuntirish berilgan, rad qilingan, taalluqliligi boʻyicha yuborilgan, anonim deb topilgan va koʻrib chiqilayotgan murojaatlar) eʼlon qilinsa1maʼlumotlar qisman eʼlon qilinsa0,5maʼlumotlar eʼlon qilinmasa 0Boshqa rasmiy veb-saytlar va Hukumat portaliga havolalarning mavjudligi 14.Internet tarmogʻidagi oʻntadan kam boʻlmagan veb-sayt va Oʻzbekiston Respublikasining Hukumat portaliga havolalar mavjud boʻlsa1beshtadan kam boʻlmagan veb-sayt va Hukumat portaliga havolalar mavjud boʻlsa0,5havolalar mavjud boʻlmasa0Matbuot xizmati va veb-sayt uchun masʼul boʻlgan xodimlar toʻgʻrisidagi maʼlumotlarning mavjudligi16.matbuot xizmati va rasmiy veb-saytga axborotlarni joylashtirish va yangilash uchun javobgar xodimning aloqa maʼlumotlari (familiyasi, ismi va otasining ismi, telefon, pochta va elektron manzillari)1maʼlumotlar toʻliq joylashtirilmasa0,5maʼlumotlar joylashtirilmasa0Maʼlumotlarni boshqa tillarga sinxronlash funksiyalarining mavjudligi17.rasmiy veb-saytdagi barcha sahifalar va ularga joylashtirilgan maʼlumotlarni xorijiy tillarga (rus va ingliz) sinxron tarjima qilish funksiyasi mavjud boʻlsa (zaruratga koʻra, kundalik berib boriladigan xabar tarzidagi maʼlumotlar)1xorijiy tillarga sinxron tarjima qilish funksiyasi qisman mavjud boʻlsa0,5sinxron tarjima qilish funksiyasi mavjud boʻlmasa0Rasmiy veb-saytning mobil versiyasi mavjudligi18.mobil qurilmalar uchun soddalashtirilgan dizayndagi yoki sahifalar moslashtirilgan veb-sayt versiyasining mavjudligi1soddalashtirilgan dizayn va sahifalar toʻliq moslashtirilgan boʻlsa 0,5veb-saytning ushbu versiyalari mavjud boʻlmasa 0Jamoatchilik fikrini oʻrganish vositalarining joriy etilganligi20.oʻz faoliyatiga tegishli masalalarni muhokama qilish maqsadida jamoatchilik fikrini oʻrganish vositalari (onlayn-soʻrovlar, bloglar, forumlar, onlayn-chat) joriy etilib, ularning natijalari toʻgʻrisida hisobotlar eʼlon qilinsa1jamoatchilik fikrini oʻrganish vositalari qisman joriy etilgan boʻlsa yoki hisobotlar eʼlon qilinmasa0,5soʻrovnoma oʻtkazilmasa0Veb-saytda maʼlumotlarni qidirishning soddalashtirilgan usullari mavjudligi21.veb-sayt xaritasi mavjud boʻlsa va iyerarxik strukturasida foydalanuvchining joylashgan joyi aks ettirilsa1qisman tashkil etilgan boʻlsa0,5tashkil etilmagan boʻlsa0Imkoniyati cheklangan shaxslar uchun veb-saytdan foydalanish qulayligi22.imkoniyati cheklangan shaxslarga rasmiy veb-saytdan foydalanish uchun tashkil etilgan xizmatlar (veb-saytdagi matnni tovush joʻrligida berish imkoniyati, koʻrish qobiliyati zaiflashgan shaxslarni qoʻllab-quvvatlash, standart ranglarni muayyan foydalanuvchi koʻradigan ranglarga oʻzgartirish imkonini beradigan rangli sozlamalardan foydalanish, shrift va interfeys elementlarini masshtablash) mavjud boʻlsa1xizmatlar qisman tashkil etilgan boʻlsa0,5xizmatlar tashkil etilmagan boʻlsa0Axborotlarning sanasini koʻrsatish tartibiga rioya qilinishi24.rasmiy veb-saytga joylashtirilayotgan barcha axborot va maʼlumotlarning sanasi koʻrsatilishi tartibiga rioya qilingan boʻlsa 1sanani koʻrsatish tartibiga barcha maʼlumot yoki axborotlarni joylashtirishda toʻliq rioya qilinmasa0,5sanasi koʻrsatilmagan boʻlsa0“Onlayn maslahatchi” xizmatining tashkil etilganligi 25.tashkilot faoliyatiga, shuningdek, rasmiy veb-saytga maʼlumotlarni joylashtirish va elektron davlat xizmatlarini koʻrsatishga oid savollarga real vaqt rejimida javob olish imkonini beruvchi “Onlayn maslahatchi” xizmati mavjud boʻlsa1xizmat orqali yoʻllangan savollarga javob berish mexanizmlari toʻliq faoliyat koʻrsatmasa0,5xizmat yoʻlga qoʻyilmasa0Mezonlar soni20 taIndikatorlar boʻyicha umumiy ball20

Izoh:

1. Indikatorning barcha baholash mezonlaridagi maʼlumotlar (axborotlar) hamda koʻrsatiladigan elektron davlat xizmatlari davlat organlari va tashkilotlari tomonidan oʻz rasmiy veb-saytida eʼlon qilinishi yoki koʻrsatilishi darajasi boʻyicha baholanadi (davlat sirlari va xizmat doirasida foydalanish uchun moʻljallangan maʼlumotlar bundan mustasno).

2. Har bir baholash mezonining birinchi bandida belgilangan barcha talablar toʻliq bajarilmagan, yangilab borish davriyligiga rioya qilinmagan, hajmining toʻliq emasligi yoki notoʻgʻri maʼlumotlar kiritilgan, shuningdek, foydalanish qulayligi talablariga rioya qilinmagan taqdirda, jamlangan umumiy foiz koʻrsatkichidan 1 balldan 3 ballgacha ayirib tashlanishi mumkin.

3. Indikator boʻyicha toʻplangan umumiy ballar Axborotlashtirish va telekommunikatsiyalar sohasida nazorat boʻyicha davlat inspeksiyasi tomonidan jamlanib, Davlat organlari va tashkilotlari faoliyatining ochiqligini monitoring qilish va baholash boʻyicha metodikaga 9-ilova bilan tasdiqlangan sxemada koʻrsatilgan muddatlarda muvofiqlashtiruvchi organga taqdim qilinadi.

Muvofiqlashtiruvchi organ tomonidan umumiy toʻplangan ballar indikatorda koʻrsatilgan mezonlar soniga boʻlinib, jamlangan holda Baholash komissiyasiga taqdim qilinadi.

4. Axborotlashtirish va telekommunikatsiyalar sohasida nazorat boʻyicha davlat inspeksiyasi mazkur mezonlar doirasidan chetga chiqmagan holda, oʻz baholash koʻrsatkichlarini asoslantirishga qaratilgan qoʻshimcha jadvallarni ishlab chiqishi va foydalanishi mumkin.

Davlat organlari va tashkilotlari faoliyatining ochiqligini monitoring qilish va baholash boʻyicha metodikaga 3-ILOVA

Ijtimoiy ahamiyatga molik maʼlumotlarni qonunchilikda belgilangan axborot resurslarida eʼlon qilish va jamoatchilik oldida hisobdorlik tizimining yoʻlga qoʻyilishini

BAHOLASH MEZONLARI

T/rBaholash mezonlari BallarToʻplangan ball1234Oʻz faoliyatiga oid hisobotlarni eʼlon qilish holati1.har yili oʻz faoliyatiga oid hisobotlarni rasmiy veb-saytda eʼlon qilib, ularni keng jamoatchilik ishtirokida muhokama qilish talablariga toʻliq rioya qilinsa1hisobotlar, ularni muhokama joyi va vaqtini eʼlon qilish hamda keng jamoatchilik ishtirokida muhokama qilish uchun matbuot anjumanlarini oʻtkazish tartibi va muddatlariga rioya qilinmasa0,5hisobotlar eʼlon qilinmasa va matbuot anjumanlari oʻtkazilmasa0Tasdiqlangan ish rejalar toʻgʻrisidagi maʼlumotlarning eʼlon qilinishi4.davlat organlari va tashkilotlarining tasdiqlangan yarim yillik va yillik ish rejalari (biznes reja) eʼlon qilinsa 1toʻliq boʻlmagan yoki yangilab borish muddatlariga rioya qilinmagan holda eʼlon qilinsa0,5ish rejalar eʼlon qilinmasa0Hisobot (hayʼat) yigʻilishlari toʻgʻrisidagi maʼlumotlarning eʼlon qilinishi5.yil davomida oʻtkazilgan hisobot (hayʼat) yigʻilishlarining videoyozuvlari va bayonnomalari eʼlon qilinsa1toʻliq boʻlmagan yoki yangilab borish muddatlariga rioya qilinmagan holda eʼlon qilinsa0,5videoyozuv va bayonnomalar eʼlon qilinmasa0Mansabdor shaxslarning xarajatlari toʻgʻrisidagi maʼlumotlarning eʼlon qilinishi6.mansabdor shaxslarning xizmat safarlari va xorijdan tashrif buyurgan mehmonlarni kutib olish xarajatlari haqidagi maʼlumotlar (xizmat safarining yoki tashrifning maqsadi, turi, moliyalashtirish manbai, sutkalik pul, transport va yashash bilan bogʻliq xarajatlar) eʼlon qilinsa1maʼlumotlar toʻliq boʻlmagan yoki yangilab borish muddatlariga rioya qilinmagan holda eʼlon qilinsa0,5maʼlumotlar eʼlon qilinmasa0Avtomototransport vositalari toʻgʻrisidagi maʼlumotlarning eʼlon qilinishi7.tasarrufidagi xizmat avtomototransport vositalari toʻgʻrisidagi maʼlumotlar (soni, rusumi, davlat raqami, ishlab chiqarilgan yili, balansga olingan vaqti va qiymati, saqlash xarajatlari, hisobot davrida harakatlangan masofasi) ochiq eʼlon qilinsa1maʼlumotlar toʻliq boʻlmagan yoki yangilab borish muddatlariga rioya qilinmagan holda eʼlon qilinsa0,5maʼlumotlar eʼlon qilinmasa 0Xizmat uylari va boshqa koʻchmas mulklar toʻgʻrisidagi maʼlumotlarning eʼlon qilinishi8.tasarrufidagi xizmat uylari va boshqa koʻchmas mulklar toʻgʻrisidagi maʼlumotlar (soni, joylashgan manzili, davlat roʻyxatidan oʻtkazilgan kadastr raqami, balansga olingan vaqti, qiymati, qayta baholangan narxi va saqlash xarajatlari) ochiq eʼlon qilinsa1maʼlumotlar toʻliq boʻlmagan yoki yangilab borish muddatlariga rioya qilinmagan holda eʼlon qilinsa0,5maʼlumotlar eʼlon qilinmasa0Xarajatlar smetasi toʻgʻrisidagi maʼlumotlarning eʼlon qilinishi9.tasdiqlangan yillik xarajatlar smetasi bilan bir qatorda, uning ijrosi, shu jumladan obyektlarni qurish, rekonstruksiya qilish va mukammal taʼmirlash ishlari, avtomototransport vositalarini sotib olish va saqlash xarajatlari toʻgʻrisidagi maʼlumotlar ochiq eʼlon qilinsa1maʼlumotlar toʻliq boʻlmagan yoki yangilab borish muddatlariga rioya qilinmagan holda eʼlon qilinsa0,5maʼlumotlar eʼlon qilinmasa0Budjet hamda budjetdan tashqari jamgʻarmalar toʻgʻrisidagi maʼlumotlarning eʼlon qilinishi10.budjet hamda budjetdan tashqari jamgʻarmalarning tushumlari va xarajatlari toʻgʻrisidagi maʼlumotlar eʼlon qilinsa1maʼlumotlar toʻliq boʻlmagan yoki yangilab borish muddatlariga rioya qilinmagan holda eʼlon qilinsa0,5maʼlumotlar eʼlon qilinmasa0Davlat xaridlari toʻgʻrisidagi maʼlumotlarning eʼlon qilinishi11.amalga oshirilgan har bir davlat xaridi (auksion, elektron doʻkon, milliy doʻkon, eng yaxshi taklifni tanlash, tender va toʻgʻridan-toʻgʻri xarid) toʻgʻrisidagi maʼlumotlar (lot raqami, xarid turi, miqdori, moliyalashtirish manbai, yetkazib beruvchi nomi va STIR raqami, xarid boshlangʻich qiymati, xarid amalga oshirilgan qiymat, shartnoma raqami va sanasi, yetkazib berish muddati, toʻgʻridan-toʻgʻri shartnoma asosida sotib olishning asosi) eʼlon qilinsa1maʼlumotlar toʻliq boʻlmagan yoki yangilab borish muddatlariga rioya qilinmagan holda eʼlon qilinsa0,5maʼlumotlar eʼlon qilinmasa 0Davlat xaridini rejalashtirish toʻgʻrisidagi maʼlumotlarning eʼlon qilinishi12.davlat budjeti, davlat maqsadli jamgʻarmalari va budjet tashkilotlarining budjetdan tashqari jamgʻarma mablagʻlari hisobiga xarid qilinishi rejalashtirilgan tovarlar (ishlar, xizmatlar) toʻgʻrisidagi maʼlumotlar (xarid eʼlon qilinishidan kamida 6 oy oldin) eʼlon qilinsa1maʼlumotlar toʻliq boʻlmagan yoki xarid amalga oshirilishidan oldin eʼlon qilish belgilangan muddatlarga rioya qilinmagan holda eʼlon qilinsa0,5maʼlumotlar eʼlon qilinmasa0Xarid komissiyasi tarkibi toʻgʻrisidagi maʼlumotlarning eʼlon qilinishi13.davlat xaridlari va investitsiya loyihalari doirasida hamda ruxsat etish xususiyatiga ega hujjatlarni berish boʻyicha tashkil etiladigan xarid komissiyalarining tarkibi toʻgʻrisidagi maʼlumotlar (xarid komissiyasi tarkibini tasdiqlash haqidagi qaror, xarid komissiyasi aʼzolarining maʼlumotlari, shu jumladan familiyasi, ismi va otasining ismi, ish joyi va egallab turgan lavozimi) eʼlon qilinsa1maʼlumotlar toʻliq boʻlmagan yoki yangilab borish muddatlariga rioya qilinmagan holda eʼlon qilinsa0,5maʼlumotlar eʼlon qilinmasa0Davlat xaridlarini amalga oshirishga oid tartib-taomillar toʻgʻrisidagi maʼlumotlarning eʼlon qilinishi14.davlat xaridlarini amalga oshirish tartib-taomillarini belgilovchi ichki idoraviy hujjat hamda davlat xaridlariga oid shikoyatlarni koʻrib chiquvchi komissiya aʼzolari toʻgʻrisidagi maʼlumotlar (komissiya tarkibini tasdiqlash haqidagi qaror, komissiya aʼzolarining maʼlumotlari, shu jumladan familiyasi, ismi va otasining ismi, ish joyi va egallab turgan lavozimi) eʼlon qilinsa1maʼlumotlar toʻliq boʻlmagan yoki yangilab borish muddatlariga rioya qilinmagan holda eʼlon qilinsa0,5maʼlumotlar eʼlon qilinmasa0Oʻzini oʻzi baholash tartibi toʻgʻrisidagi maʼlumotlarning eʼlon qilinishi16.davlat organlari va tashkilotlari, shu jumladan mahalliy davlat hokimiyati organlari har yil yakuni boʻyicha oʻz tasarrufidagi tarkibiy tarmoqlar, muassasa, korxona va tashkilotlar hamda quyi organlarda ochiqlikni taʼminlash sohasida amalga oshirilayotgan ishlarning samaradorligi va natijadorligini baholash tizimini joriy etib, yakuniy hisobotlar ochiq eʼlon qilib borilsa1yakuniy hisobotlar asoslantirilmagan, qamrovi toʻliq boʻlmagan yoki aniqlangan muammolarni oldini olishga qaratilgan aniq chora-tadbirlar ishlab chiqilmagan holda eʼlon qilinsa;0,5tizim joriy etilmagan va hisobotlar eʼlon qilinmagan boʻlsa0Ochiqlikni taʼminlash boʻyicha onlayn soʻrovnoma oʻtkazish blokining tashkil etilganligi19.oʻz faoliyatida aholini qiziqtirgan masalalar, shu jumladan ochiqlikni taʼminlash borasida amalga oshirilgan ishlar yuzasidan onlayn soʻrovnoma oʻtkazib borilsa (har yarim yilda bir marotaba)1soʻrovnomani oʻtkazish muddati buzilib oʻtkazilsa 0,5soʻrovnoma oʻtkazilmasa0Ochiq maʼlumotlar toʻplamini pasportlash tartibining joriy etilganligi20.ijtimoiy ahamiyatga molik maʼlumotlar toʻplamini (rasmiy veb-saytda) bir xil identifikatsiya qilish imkonini beruvchi pasport maʼlumotlari (toʻplamning nomi, identifikatsiya raqami, tarkibi, mulkdori, toʻplam uchun masʼul shaxs, masʼul shaxsning telefon raqami va elektron pochta manzili, toʻplamning ochiq maʼlumotlar portalidagi manzili, formati, dastlab joylashtirilgan sanasi, oxirgi yangilangan sanasi, davriy yangilab borish muddati hamda kalit soʻzlar) asosida eʼlon qilinsa1toʻplamning belgilangan pasport maʼlumotlari toʻliq eʼlon qilinmasa0,5pasport maʼlumoti mavjud boʻlmasa0Ochiq maʼlumotlar toʻplami va qayta aloqa samaradorligini baholash tizimining joriy etilganligi21.har bir ochiq maʼlumotlar toʻplamining dolzarbligini baholash imkoniyati (toʻplamni avtomatik baholash, soʻrovlar yuborish, dolzarbligini oshirish yuzasidan takliflar qabul qilish, matn shaklida izoh qoldirish va toʻplam koʻrib chiqilgan hamda koʻchirib olgan foydalanuvchilar soni) tashkil etilgan boʻlsa1toʻplam dolzarbligini baholashda belgilangan choralar toʻliq tashkil etilmasa 0,5baholash imkoniyatlari mavjud boʻlmasa0Mezonlar soni16 taIndikator boʻyicha umumiy ball*16

Izoh:

1. Indikatorning barcha baholash mezonlarida koʻrsatilgan ochiq maʼlumotlar davlat organlari va tashkilotlari tomonidan oʻz rasmiy veb-saytida eʼlon qilish darajasi boʻyicha baholanadi (davlat sirlari va xizmat doirasida foydalanish uchun moʻljallangan maʼlumotlar bundan mustasno).

Bunda, indikatorning baholash mezonlarida koʻrsatilgan maʼlumotlar (axborot, blok, tizim, tartib) rasmiy veb-saytning bosh sahifasida alohida boʻlimga joylashtirilishi, maʼlumotlar boshqa sahifaga (veb-manzilga) joylashtirilgan taqdirda baholash mezoni bajarilmagan deb topilishiga sabab boʻladi.

2. Indikator boʻyicha toʻplangan umumiy ballar Korrupsiyaga qarshi kurashish agentligi tomonidan jamlanadi va Davlat organlari va tashkilotlari faoliyati ochiqligini monitoring qilish va baholash boʻyicha metodikaga 9-ilova bilan tasdiqlangan sxemada koʻrsatilgan muddatlarda muvofiqlashtirilib, jamlangan holda Baholash komissiyasiga taqdim qilinadi.

3. Korrupsiyaga qarshi kurashish agentligi mazkur mezonlar doirasidan chetga chiqmagan holda oʻz baholash koʻrsatkichlarini asoslantirishga qaratilgan qoʻshimcha jadvallar ishlab chiqishi va foydalanishi mumkin.

*Baholash mezonlari boʻyicha maʼlumotlarni eʼlon qilish va yangilab borishning qonunchilik yoki Metodikada koʻrsatilgan har bir muddatlari (davr) alohida baholab boriladi.

Indikatordagi 6 — 11-mezonlar boʻyicha baholash ballarini yakuniy hisoblash tartibi:

Bunda:

U — davlat organi yoki tashkilotning baholash yili davomida butun davr uchun toʻplagan umumiy ballarining yigʻindisi;

4 (2) — baholash mezonlarida koʻrsatilgan maʼlumot (axborot) baholash yili davomida yangilanishi lozim boʻlgan davriylik miqdori (butun davr uchun toʻplagan ballar maʼlumotlarni yangilab borish davriyligiga boʻlinadi);

J — jami hisoblangan ball (butun davr uchun toʻplagan ballar maʼlumotlarni yangilab borish davriyligiga boʻlinganida hosil boʻlgan ball).

Davlat organlari va tashkilotlari faoliyatining ochiqligini monitoring qilish va baholash boʻyicha metodikaga 4-ILOVA

Budjet jarayonining ochiqligini taʼminlashga oid maʼlumotlarning rasmiy veb-saytda joylashtirilishini

BAHOLASH MEZONLARI

T/r Baholash mezonlari Ballar Toʻplangan ball 1 2 3 4 Mablagʻlar taqsimoti toʻgʻrisidagi maʼlumotning eʼlon qilinishi 1. oʻz tasarrufidagi budjet tashkilotlari kesimida mablagʻlar taqsimoti toʻgʻrisida maʼlumotlar belgilangan shakl va muddatda toʻliq eʼlon qilinsa 1 maʼlumotlarni eʼlon qilish shakliga qoʻyilgan talablar buzilib yoki belgilangan muddatdan kechikib eʼlon qilinsa 0,5 maʼlumotlar eʼlon qilinmasa 0 Kapital qoʻyilmalar hisobidan amalga oshirilayotgan loyihalarning ijrosi toʻgʻrisidagi maʼlumotlarning eʼlon qilinishi 2. kapital qoʻyilmalar hisobidan amalga oshirilayotgan loyihalarning ijrosi toʻgʻrisidagi maʼlumotlar belgilangan shakl va muddatda toʻliq eʼlon qilinsa 1 maʼlumotlarni eʼlon qilish shakliga qoʻyilgan talablar buzilib yoki belgilangan muddatdan kechikib eʼlon qilinsa 0,5 maʼlumotlar eʼlon qilinmasa 0 Davlat xaridlari toʻgʻrisidagi maʼlumotlarning eʼlon qilinishi 3. oʻtkazilgan eng yaxshi taklifni tanlash (tenderlar) va amalga oshirilgan davlat xaridlari toʻgʻrisidagi maʼlumotlar belgilangan shakl va muddatda toʻliq eʼlon qilinsa 1 maʼlumotlarni eʼlon qilish shakliga qoʻyilgan talablar buzilib yoki belgilangan muddatdan kechikib eʼlon qilinsa 0,5 maʼlumotlar eʼlon qilinmasa 0 Asosiy vositalarning xarid qilinishi toʻgʻrisidagi maʼlumotlarning eʼlon qilinishi 4. asosiy vositalarni xarid qilish uchun oʻtkazilgan eng yaxshi taklifni tanlash (tenderlar) va amalga oshirilgan davlat xaridlari toʻgʻrisidagi maʼlumotlar belgilangan shakl va muddatda toʻliq eʼlon qilinsa 1 maʼlumotlarni eʼlon qilish shakliga qoʻyilgan talablar buzilib yoki belgilangan muddatdan kechikib eʼlon qilinsa 0,5 maʼlumotlar eʼlon qilinmasa 0 Kam baholi va tez eskiruvchi buyumlarning xaridi toʻgʻrisidagi maʼlumotlarning eʼlon qilinishi 5. kam baholi va tez eskiruvchi buyumlarni xarid qilish uchun oʻtkazilgan tanlovlar (tenderlar) va amalga oshirilgan davlat xaridlari toʻgʻrisidagi maʼlumotlar belgilangan shakl va muddatda toʻliq eʼlon qilinsa 1 maʼlumotlarni eʼlon qilish shakliga qoʻyilgan talablar buzilib yoki belgilangan muddatdan kechikib eʼlon qilinsa 0,5 maʼlumotlar eʼlon qilinmasa 0 Qurilish, rekonstruksiya qilish va taʼmirlash ishlari toʻgʻrisidagi maʼlumotlarning eʼlon qilinishi 6. qurilish, rekonstruksiya qilish va taʼmirlash ishlari boʻyicha oʻtkazilgan tanlovlar (tenderlar) toʻgʻrisidagi maʼlumotlar belgilangan shakl va muddatda toʻliq eʼlon qilinsa 1 maʼlumotlarni eʼlon qilish shakliga qoʻyilgan talablar buzilib yoki belgilangan muddatdan kechikib eʼlon qilinsa 0,5 maʼlumotlar eʼlon qilinmasa 0 Mezonlar soni 6 ta Indikatorlar boʻyicha umumiy ball 6

Izoh:

1. Indikatorning barcha baholash mezonlarida koʻrsatilgan ochiq maʼlumotlar davlat organlari va tashkilotlari tomonidan oʻz rasmiy veb-saytida eʼlon qilish darajasi boʻyicha baholanadi (davlat sirlari va xizmat doirasida foydalanish uchun moʻljallangan maʼlumotlar bundan mustasno).

2. Har bir baholash mezonining birinchi bandida koʻrsatilgan talablar toʻliq bajarilmagan, yangilab borish davriyligiga rioya qilinmagan, hajmining toʻliq emasligi yoki notoʻgʻri maʼlumotlar kiritilgan taqdirda, jamlangan umumiy foiz koʻrsatkichidan 1 ballgacha ayirib tashlanishi mumkin.

3. Indikator boʻyicha toʻplangan umumiy ballar Moliya vazirligi tomonidan jamlanib, Davlat organlari va tashkilotlari faoliyati ochiqligini monitoring qilish va baholash boʻyicha metodikaga 9-ilova bilan tasdiqlangan sxemada koʻrsatilgan muddatlarda muvofiqlashtiruvchi organga taqdim qilinadi.

Muvofiqlashtiruvchi organ tomonidan umumiy toʻplangan ballar indikatorda koʻrsatilgan mezonlar soniga boʻlinib, jamlangan holda Baholash komissiyasiga taqdim qilinadi.

4. Moliya vazirligi mazkur mezonlar doirasidan chetga chiqmagan holda oʻz baholash koʻrsatkichlarini asoslantirishga qaratilgan qoʻshimcha jadvallar ishlab chiqishi va foydalanishi mumkin.

Davlat organlari va tashkilotlari faoliyatining ochiqligini monitoring qilish va baholash boʻyicha metodikaga 5-ILOVA

Ochiq maʼlumotlar portalida maʼlumotlar joylashtirilishini

BAHOLASH MEZONLARI

T/rBaholash mezonlari BallarToʻplangan ball1234Ochiq maʼlumotlar portalida maʼlumotlar toʻplamining eʼlon qilinishi1.belgilangan maʼlumotlar toʻplami 100 foizlik koʻrsatkichda eʼlon qilinsa 271 foizdan 86 foizgacha koʻrsatkichda eʼlon qilinsa155 foizdan 71 foizgacha koʻrsatkichda eʼlon qilinsa0,555 foizdan kam koʻrsatkichda eʼlon qilinsa0Ijtimoiy ahamiyatga molik maʼlumotlar toʻplamining eʼlon qilinishi2.belgilangan maʼlumotlar toʻplami 100 foizlik koʻrsatkichda eʼlon qilinsa271 foizdan 86 foizgacha koʻrsatkichda eʼlon qilinsa155 foizdan 71 foizgacha koʻrsatkichda eʼlon qilinsa0,555 foizdan kam koʻrsatkichda eʼlon qilinsa0Geopozitsiyaga bogʻlangan ochiq maʼlumotlar toʻplamining ulushi3.belgilangan maʼlumotlar toʻplami 100 foizlik koʻrsatkichda bogʻlansa271 foizdan 86 foizgacha koʻrsatkichda bogʻlansa155 foizdan 71 foizgacha koʻrsatkichda bogʻlansa0,555 foizdan kam koʻrsatkichda bogʻlansa0Elektron hukumat yagona identifikatorlariga bogʻlangan ochiq maʼlumotlarning soni4.maʼlumotlar 100 foizlik koʻrsatkichda bogʻlansa 271 foizdan 86 foizgacha koʻrsatkichda bogʻlansa155 foizdan 71 foizgacha koʻrsatkichda bogʻlansa0,555 foizdan kam koʻrsatkichda bogʻlansa0Mezonlar soni10 taUmumiy ball8**Mezon boʻyicha baholash ballarini yakuniy hisoblash tartibi: Bunda:W — eʼlon qilingan (bogʻlangan) maʼlumotlar toʻplamining foiz koʻrsatkichi;Q — baholanadigan koʻrsatkichlarning umumiy miqdori;F — ijro etilmagan koʻrsatkichlarning umumiy miqdori;Q — baholanadigan koʻrsatkichlarning umumiy miqdori.

Izoh:

1. Indikatorning barcha baholash mezonlarida koʻrsatilgan maʼlumotlar davlat organlari va tashkilotlari tomonidan Ochiq maʼlumotlar portalida eʼlon qilish darajasi boʻyicha baholanadi (davlat sirlari va xizmat doirasida foydalanish uchun moʻljallangan maʼlumotlar bundan mustasno).

2. Baholash mezoni boʻyicha eʼlon qilingan (bogʻlangan) maʼlumotlarni yangilash davriyligiga rioya qilinmaganligi, hajmining toʻliq emasligi yoki notoʻgʻri ekanligi, foydalana olish imkoniyati va qulayligi talablarga javob bermagan taqdirda, jamlangan umumiy foiz koʻrsatkichidan 1 balldan 3 ballgacha ayirib tashlanishi mumkin.

3. Indikator boʻyicha toʻplangan umumiy ballar Milliy statistika qoʻmitasi tomonidan jamlanib, Davlat organlari va tashkilotlari faoliyati ochiqligini monitoring qilish va baholash boʻyicha metodikaga 9-ilova bilan tasdiqlangan sxemada koʻrsatilgan muddatlarda muvofiqlashtiruvchi organga taqdim qilinadi;

Muvofiqlashtiruvchi organ tomonidan umumiy toʻplangan ballar indikatorda koʻrsatilgan mezonlar soniga boʻlinib, jamlangan holda Baholash komissiyasiga taqdim qilinadi.

4. Milliy statistika qoʻmitasi mazkur mezonlar doirasidan chetga chiqmagan holda oʻz baholash koʻrsatkichlarini asoslantirishga qaratilgan qoʻshimcha jadvallar ishlab chiqishi va foydalanishi mumkin.

Davlat organlari va tashkilotlari faoliyatining ochiqligini monitoring qilish va baholash boʻyicha metodikaga 6-ILOVA

Ommaviy kommunikatsiya texnologiyalarining joriy qilinishini

BAHOLASH MEZONLARI

T/rBaholash mezonlariBallarToʻplangan ball1234Qayta aloqaning tashkil etilganligi 1.“Ishonch telefonlari” (Call-markazlar) orqali qayta aloqa tashkil etilib, doimiy faoliyat yuritishi taʼminlansa 2qayta aloqa yoʻlga qoʻyilmagan boʻlsa0Operator bilan bogʻlanish uchun urinishlar soni2.birinchi qoʻngʻiroqda muvaffaqiyatli bogʻlanish imkoni mavjud boʻlsa2ikkinchi qoʻngʻiroqda muvaffaqiyatli bogʻlanish imkoni mavjud boʻlsa1bogʻlanish imkoni mavjud boʻlmasa0Operator bilan bogʻlanish uchun sarflangan vaqt 3.240-300 soniyagacha muvaffaqiyatli bogʻlanish imkoni mavjud boʻlsa2301-420 soniyagacha muvaffaqiyatli bogʻlanish imkoni mavjud boʻlsa1421 va undan ortiq soniyada bogʻlanish imkoni mavjud boʻlsa0Murojaat yoʻllashning interaktiv usullari tashkil etilganligi4.murojaatni toʻgʻridan-toʻgʻri veb-sayt yoki uning mobil versiyasi orqali yuborish, koʻrib chiqish jarayonini real vaqt rejimida kuzatib borish, shaxsning identifikatsiya maʼlumotlari asosida javob olish, koʻrib chiqish natijalariga nisbatan munosabat bildirish va baholash imkoniyati mavjud boʻlsa2murojaatni yoʻllash va koʻrib chiqishning interaktiv usullari qisman joriy etilgan boʻlsa1murojaat yoʻllashning imkoni mavjud boʻlmasa0Foydalanuvchilar bilan kommunikatsiya tarmogʻi orqali muloqot qilish tizimi yoʻlga qoʻyilganligi5.foydalanuvchilar bilan kommunikatsiya tarmogʻi orqali muloqot qilish uchun maxsus dasturiy taʼminot va uning mobil ilovasi mavjud boʻlsa2maxsus dasturiy taʼminot va uning mobil ilovasi ishchi holatda boʻlmasa1maxsus dasturiy taʼminot va uning mobil ilovasi mavjud boʻlmasa0Rahbar bilan bevosita muloqot qilish tizimining tashkil etilganligi6.shaxsan rahbar bilan muloqot qilish va murojaat yoʻllash tizimi tashkil etilgan boʻlsa1rahbar oʻrinbosarlari bilan muloqot qilish va murojaat yoʻllash tizimi tashkil etilgan boʻlsa0,5muloqot qilish yoki murojaat yoʻllash tizimi yoʻlga qoʻyilmagan boʻlsa0Mezonlar soni6 taUmumiy ball11

Izoh.

1. Indikator baholash mezonlarida koʻrsatilgan maʼlumot (axborot) va xizmatlar davlat organlari va tashkilotlarining rasmiy veb-sayti hamda maxsus dasturiy taʼminot vositalari orqali eʼlon qilinishi (davlat xizmatini koʻrsatish) darajasi boʻyicha baholanadi (davlat sirlari va xizmat doirasida foydalanish uchun moʻljallangan maʼlumotlar bundan mustasno).

2. Har bir baholash mezonining birinchi bandida koʻrsatilgan barcha talablar toʻliq bajarilmagan, hajmining toʻliq emasligi, notoʻgʻri maʼlumotlardan foydalanilgan yoki foydalanish imkoniyati talablariga javob bermagan taqdirda, jamlangan umumiy foiz koʻrsatkichidan 1 ballgacha ayirib tashlanishi mumkin.

3. Indikator boʻyicha toʻplangan umumiy ballar Korrupsiyaga qarshi kurashish agentligi tomonidan jamlanadi va Davlat organlari va tashkilotlari faoliyati ochiqligini monitoring qilish va baholash boʻyicha metodikaga 9-ilova bilan tasdiqlangan sxemada koʻrsatilgan muddatlarda muvofiqlashtirilib, jamlangan holda Baholash komissiyasiga taqdim qilinadi.

4. Korrupsiyaga qarshi kurashish agentligi mazkur mezonlar doirasidan chetga chiqmagan holda oʻz baholash koʻrsatkichlarini asoslantirishga qaratilgan qoʻshimcha jadvallar ishlab chiqishi va foydalanishi mumkin.

* Indikatordagi 2-3-mezonlar boʻyicha baholash ballarini yakuniy hisoblash tartibi:

U — davlat organi yoki tashkilotning baholash yili davomida butun davr uchun toʻplagan umumiy ballarining yigʻindisi;

4 — baholash mezonlarida koʻrsatilgan talablarni baholash yilining har chorakdagi yigʻindisi (butun davr uchun toʻplagan ballar baholash amalga oshiriladigan davriga boʻlinadi);

J — jami hisoblangan ball (butun davr uchun toʻplagan ballar baholash oʻtkaziladigan davrlarga boʻlinganida hosil boʻlgan ball).

Davlat organlari va tashkilotlari faoliyatining ochiqligini monitoring qilish va baholash boʻyicha metodikaga 7-ILOVA

Korrupsiya holatlarini barvaqt aniqlash va ularning oldini olishda ochiqlik tamoyillaridan foydalanish holatini

BAHOLASH MEZONLARI

T/rBaholash mezonlari BallarToʻplangan ball1234Korrupsiya holatlarini barvaqt aniqlash va ularning oldini olishga doir ichki idoraviy hujjatlarning ochiq eʼlon qilinishi1.korrupsiya holatlarini barvaqt aniqlash va ularningoldini olishga doir idoraviy hujjatlar (korrupsiyaga qarshi kurashish siyosati, manfaatlar toʻqnashuvini boshqarish haqida nizom, odob-axloq qoidalari, korrupsiyaga qarshi kurashish samaradorligini monitoring va nazorat qilish uslubiyati, kontragentlarni tekshirish boʻyicha yoʻriqnoma, davlat xaridlarini oʻtkazish toʻgʻrisidagi nizom, korrupsiyaviy xavf-xatarlarni barvaqt aniqlash va baholash uslubiyati, korrupsiyaviy harakatlar toʻgʻrisida maʼlumot berish uchun aloqa kanallari orqali kelib tushgan xabarlarni qabul qilish, koʻrib chiqish va qayta ishlash reglamenti, sohadagi hisobotni shakllantirish va taqdim etish reglamenti) eʼlon qilinsa2hujjatlar toʻliq boʻlmagan yoki yangilab borish muddatlariga rioya qilinmagan holda eʼlon qilinsa1hujjatlar eʼlon qilinmasa 0Korrupsiya haqida xabar berishga moʻljallangan alohida aloqa kanallari toʻgʻrisidagi maʼlumotlarning eʼlon qilinishi 2.korrupsiyaviy holatlar haqida xabar berishga moʻljallangan alohida aloqa kanallari (qisqa raqamli “ishonch telefoni”, elektron pochta va boshqa elektron manzillar, telegram bot, platforma yoki boshqa maxsus dasturiy taʼminot) haqidagi maʼlumotlar eʼlon qilinsa2aloqa kanallari qisman tashkil etilsa yoki toʻliq eʼlon qilinmasa1aloqa kanallari tashkil etilmasa va eʼlon qilinmasa0Kadrlarni tanlash va joy-joyiga qoʻyishda korrupsiyaviy holatlarning oldini olish tizimi joriy etilganligi 3.rasmiy veb-saytda ishga qabul qilish va rotatsiya toʻgʻrisidagi maʼlumotlar (axborot) eʼlon qilinib, boʻsh ish oʻrinlari uchun nomzodlarni tanlash jarayonlari jonli (onlayn) translyatsiya qilib borilsa2maʼlumotlarni eʼlon qilish, yangilab borish va jonli translyatsiya qilish toʻliq amalga oshirilmasa1maʼlumotlar eʼlon qilinmasa va nomzodlarni tanlash jarayonlari jonli translyatsiya qilinmasa0Korrupsiyaga nisbatan murosasizlik munosabatini belgilovchi hujjatlarni eʼlon qilish darajasi4.mehnat munosabatlariga oid hujjatlarda (mehnat yoki jamoat shartnomasi) korrupsiyaga qarshi shartlarni kiritish, korrupsiya holatlari haqida xabar bergan xodimlarni ragʻbatlantirish va ularni taʼqibga olmaslik kafolatini belgilovchi ichki idoraviy hujjatlar eʼlon qilinsa2hujjatlar toʻliq eʼlon qilinmasa1hujjatlar eʼlon qilinmasa0Manfaatlar toʻqnashuvi holatlari haqida jamoatchilik oldida hisobdorlik tizimining joriy etilganligi5.aniqlangan har bir manfaatlar toʻqnashuvi holatlariga nisbatan ichki idoraviy tekshiruv natijalari, qabul qilingan qaror va ularningoldini olish boʻyicha koʻrilgan chora-tadbirlar haqidagi maʼlumot (hisobot, axborot va boshqa) eʼlon qilinsa2eʼlon qilinishi lozim boʻlgan maʼlumotlarga qoʻyilgan talablar qisman bajarilsa1maʼlumot eʼlon qilinmasa0Korrupsiyaviy xavf-xatarlarni aniqlash, ularning oldini olish choralarini koʻrish va natijalari haqida hisobdorlik tizimi yoʻlga qoʻyilganligi6.korrupsiyaviy xavf-xatarlarni aniqlash borasida amalga oshirilgan chora-tadbirlar (tahlillar va jamoatchilik soʻrovlari, shu jumladan onlayn soʻrovnoma va uning natijalari, korrupsiyaviy xavf-xatarlarni aniqlash va minimallashtirish boʻyicha koʻrilgan choralar haqidagi hisobotlar (axborot), ichki idoraviy hujjatlarning korrupsiyaga qarshi ekspertiza natijalari) eʼlon qilinsa2eʼlon qilinishi lozim boʻlgan maʼlumotlarga qoʻyilgan talablar qisman bajarilsa1maʼlumot eʼlon qilinmasa0Xodimlarning korrupsiyaga qarshi kurashish boʻyicha ichki tartib-taomillaridan xabardorligi hamda sohadagi bilim va koʻnikmalarini oshirishga qaratilgan chora-tadbirlar toʻgʻrisidagi maʼlumotlarning eʼlon qilinishi7.xodimlarini korrupsiyaga qarshi kurashish boʻyicha tayyorlash va qayta tayyorlash, shu jumladan yangi ishga qabul qilingan xodimlarning korrupsiyaga qarshi kurashish boʻyicha bilim va koʻnikmalarini oshirish boʻyicha joriy etilgan tizim, ishlab chiqilgan maxsus oʻquv dasturlar, qoʻllanma va boshqa hujjatlar eʼlon qilinsa1eʼlon qilinishi lozim boʻlgan maʼlumotlarga qoʻyilgan talablar qisman bajarilsa0,5maʼlumot eʼlon qilinmasa0Keng jamoatchilik va ommaviy axborot vositalari ishtirokida oʻtkazilgan press-tadbirlarni (matbuot anjumanlari, brifing, seminar, trening, davra suhbati, taqdimot, muhokama va boshqa tadbirlar) eʼlon qilish darajasi 8.infografika va video formatda eʼlon qilinsa1foto va matn shaklida eʼlon qilinsa0,5axborot eʼlon qilinmasa0Korrupsiyaga nisbatan murosasiz munosabatni shakllantirish borasida tayyorlangan targʻibot materiallarini (slayd, rolik, maʼruza matnlari, maqola, buklet, risola va boshqalar) eʼlon qilish darajasi9.slayd, rolik, buklet va risola shaklida eʼlon qilinsa 1maʼruza matnlari va maqola shaklida eʼlon qilinsa0,5axborot eʼlon qilinmasa0Mezonlar soni9 ta Umumiy ball15*

Izoh:

1. Indikator baholash mezonlarida koʻrsatilgan maʼlumotlar (axborot) davlat organlari va tashkilotlarining rasmiy veb-saytida eʼlon qilinishi hamda maxsus dasturiy taʼminot vositalari orqali amalga oshirilishi darajasi boʻyicha baholanadi (davlat sirlari va xizmat doirasida foydalanish uchun moʻljallangan maʼlumotlar bundan mustasno).

2. Baholash mezonlarining birinchi bandida koʻrsatilgan talablar toʻliq bajarilmagan, hajmining toʻliq emasligi, notoʻgʻri maʼlumotlar kiritilgan yoki foydalanish imkoniyati talablarga javob bermagan taqdirda, jamlangan umumiy foiz koʻrsatkichidan 1 balldan 3 ballgacha ayirib tashlanishi mumkin.

3. Indikator boʻyicha toʻplangan umumiy ballar Korrupsiyaga qarshi kurashish agentligi tomonidan jamlanadi va Davlat organlari va tashkilotlari faoliyati ochiqligini monitoring qilish va baholash boʻyicha metodikaga 9-ilova bilan tasdiqlangan sxemada koʻrsatilgan muddatlarda muvofiqlashtirilib, jamlangan holda Baholash komissiyasiga taqdim qilinadi.

4. Korrupsiyaga qarshi kurashish agentligi mazkur mezonlar doirasidan chetga chiqmagan holda oʻz baholash koʻrsatkichlarini asoslantirishga qaratilgan qoʻshimcha jadvallar ishlab chiqishi va foydalanishi mumkin.

*Indikatorning 8 va 9-baholash mezonlari boʻyicha eng kam miqdor har yili ikki martadan (ikkitadan) kam boʻlgan taqdirda mezonlar boʻyicha maksimal ballning 50 foizi miqdorida baholanadi.

Davlat organlari va tashkilotlari faoliyatining ochiqligini monitoring qilish va baholash boʻyicha metodikaga 8-ILOVA

Jamoatchilik kengashining faoliyati samaradorligini

BAHOLASH MEZONLARI

T/rBaholash mezonlari BallarToʻplangan ball1234Rasmiy veb-saytda jamoatchilik kengashi haqidagi maʼlumotlarning joylashtirilishi1.jamoatchilik kengashiga bagʻishlangan alohida sahifa tashkil etilib, kengash faoliyati haqidagi (jamoatchilik kengashining yigʻilishlari va kun tartibidagi masalalar, tasdiqlangan aʼzolari roʻyxati, telefon raqami, pochta va elektron manzillari, ijtimoiy messenjerlardagi rasmiy sahifalari, davlat organi rahbarining davriy hisobotlari eshituvi hamda kengash faoliyati toʻgʻrisida ommaviy axborot vositalarida eʼlon qilingan maqola va chiqishlarning yoritib borilishi) maʼlumotlar eʼlon qilinsa1maʼlumotlar toʻliq boʻlmagan, alohida sahifadan boshqa manzilda yoki yangilab borish muddatlariga rioya qilinmagan holda eʼlon qilinsa0,5maʼlumotlar eʼlon qilinmasa0Jamoatchilik kengashining tashkiliy-huquqiy asoslari ishlab chiqilganligi hamda belgilangan tartibda eʼlon qilinganligi2.jamoatchilik kengashining tasdiqlangan nizomi, amalga oshirilishi rejalashtirilgan vazifalar boʻyicha har yillik chora-tadbirlar rejasi va tasdiqlangan reja asosida oʻtkazilishi kutilayotgan yigʻilishlar jadvali eʼlon qilinsa1hujjatlar toʻliq boʻlmagan yoki yangilab borish muddatlariga rioya qilinmagan holda eʼlon qilinsa0,5hujjatlar eʼlon qilinmasa0Jamoatchilik kengashi tarkibini shakllantirish boʻyicha belgilangan talablarning bajarilish darajasi3.jamoatchilik kengashi tarkibini shakllantirishga oid talablarga (tarkibning kamida 50 foizini nodavlat notijorat tashkilotlari vakillari tashkil etishi va Jamoatchilik palatasi bilan kelishilganligi haqidagi maʼlumotlar kiritilgan davlat organi rahbarining qarori, aʼzolarining soni 15 nafardan kam boʻlmasligi, tarkibida ishchi (ekspert) guruhlar tashkil etilganligi) rioya etilishi va bu haqdagi maʼlumotlar (hujjatlar) ochiq eʼlon qilinsa1hujjatlar (maʼlumotlar) toʻliq boʻlmagan yoki yangilab borish muddatlariga rioya qilinmagan holda eʼlon qilinsa0,5hujjatlar (maʼlumotlar) eʼlon qilinmasa0Jamoatchilik kengashining ochiqlikni taʼminlash, korrupsiyaga qarshi kurashish va davlat organi faoliyatini takomillashtirishdagi ishtiroki4.kengashning ochiqlikni taʼminlash, korrupsiyaga qarshi kurashish va davlat organi faoliyatini takomillashtirish borasida amalga oshirgan chora-tadbirlar haqidagi (ochiqlik, shaffoflik va jamoatchilik oldida hisobdorlikni taʼminlash, davlat dasturlari hamda boshqa hujjatlar boʻyicha berilgan vazifalarning ijrosiga oid hisobotlarni eshitish, xorijiy mamlakatlardagi analogik organlar tajribasi oʻrganilib, ichki hujjatlar va faoliyatni takomillashtirish borasida takliflar ishlab chiqilganligi) tahliliy maʼlumotlar muntazam eʼlon qilinsa 1maʼlumotlar toʻliq boʻlmagan, alohida sahifadan boshqa manzilda yoki yangilab borish muddatlariga rioya qilinmagan holda eʼlon qilinsa0,5maʼlumotlar eʼlon qilinmasa 0Mezonlar soni4 taUmumiy ball4

Izoh:

1. Indikator baholash mezonlarida koʻrsatilgan maʼlumotlar (axborot) davlat organlari va tashkilotlarining rasmiy veb-saytida eʼlon qilinishi darajasi boʻyicha baholanadi.

2. Har bir baholash mezonining birinchi bandida koʻrsatilgan talablar toʻliq bajarilmagan, yangilab borish davriyligiga rioya qilinmagan, hajmining toʻliq emasligi yoki notoʻgʻri ekanligi yoxud foydalanish imkoniyati talablarga javob bermagan taqdirda, jamlangan umumiy foiz koʻrsatkichidan 1 ballgacha ayirib tashlanishi mumkin.

3. Indikator boʻyicha toʻplangan umumiy ballar Korrupsiyaga qarshi kurashish agentligi tomonidan jamlanadi va Davlat organlari va tashkilotlari faoliyati ochiqligini monitoring qilish va baholash boʻyicha metodikaga 9-ilova bilan tasdiqlangan sxemada koʻrsatilgan muddatlarda muvofiqlashtirilib, jamlangan holda Baholash komissiyasiga taqdim qilinadi.

4. Korrupsiyaga qarshi kurashish agentligi mazkur mezonlar doirasidan chetga chiqmagan holda, oʻz baholash koʻrsatkichlarini asoslantirishga qaratilgan qoʻshimcha jadvallar ishlab chiqishi va foydalanishi mumkin.

Davlat organlari va tashkilotlari faoliyatining ochiqligini monitoring qilish va baholash boʻyicha metodikaga 9-ILOVA

Davlat organlari va tashkilotlari faoliyati ochiqligini

BAHOLASH SXEMASI

BosqichlarTadbirlarMuddatlarMasʼul organlar1-bosqichOchiqlikni taʼminlashga masʼul xodimlar tomonidan maʼlumotlarni Internet resurslari va Yagona idoralararo axborot tizimiga (platforma) joylashtirishMetodikaning 10-bandida koʻrsatilgan muddatlardaDavlat organlari va tashkilotlarining masʼul xodimlari2-bosqichBaholash faoliyatida ishtirok etadigan davlat organlari tomonidan oʻzlari masʼul boʻlgan indikatorlar boʻyicha toʻplangan ballarning hisoblash koʻrsatkichlarini muvofiqlashtiruvchi organga yuborishHar yili mart oyining 10-sanasiga qadarKorrupsiyaga qarshi kurashish agentligi, Axborot va ommaviy kommunikatsiyalar agentligi, Iqtisodiyot va moliya vazirligi, Milliy statistika qoʻmitasi3-bosqichBarcha indikatorlar boʻyicha toʻplangan ballarning hisoblash koʻrsatkichlarini davlat organlari va tashkilotlari kesimida umumlashtirib, ochiqlik indeksini hisoblash natijalarini Baholash komissiyasiga taqdim qilishHar yili mart oyining 20-sanasiga qadarKorrupsiyaga qarshi kurashish agentligi4-bosqichDavlat organlari va tashkilotlari faoliyatining ochiqlik indeksini eʼlon qilishHar yili aprel oyining 1-sanasiga qadarKorrupsiyaga qarshi kurashish agentligi(Baholash komissiyasi qarori asosida)5-bosqichOchiqlik indeksini hisoblash natijalari va tahliliy maʼlumotlarni Oʻzbekiston Respublikasi Prezidenti Administratsiyasi va Vazirlar Mahkamasiga kiritishHar yili aprel oyining 15-sanasiga qadarKorrupsiyaga qarshi kurashish agentligi

Oʻzbekiston Respublikasi Prezidentining 2022-yil 14-iyundagi PF-154-son Farmoniga 2-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2020-yil 29-iyundagi “Oʻzbekiston Respublikasida korrupsiyaga qarshi kurashish tizimini takomillashtirish boʻyicha qoʻshimcha chora-tadbirlar toʻgʻrisida”gi PF-6013-son Farmonining 2-bandi quyidagi mazmundagi oʻn toʻrtinchi — oʻn sakkizinchi xatboshilar bilan toʻldirilsin:

“davlat organlari va tashkilotlari faoliyatining ochiqligini taʼminlash sohasini muvofiqlashtirish va doimiy monitoring qilish, shu jumladan ularning normativ-huquqiy hujjatlar bilan belgilangan maʼlumotlarni Internet tarmogʻiga joylashtirish (eʼlon qilish) boʻyicha majburiyatlari hisobini yuritish;

davlat organlari va tashkilotlari faoliyati ustidan ommaviy axborot vositalari orqali samarali jamoatchilik nazoratini oʻrnatish boʻyicha choralarning ishlab chiqilishi va joriy etilishiga koʻmaklashish;

jismoniy va yuridik shaxslarning murojaatlaridan kelib chiquvchi davlat organlari va tashkilotlari faoliyatining ochiqligi va shaffofligiga oid dolzarb masalalarni “Mening fikrim” veb-portali orqali umumxalq muhokamasiga chiqarish;

Ochiq maʼlumotlar sifatida joylashtirilishi kerak boʻlgan ijtimoiy ahamiyatga molik maʼlumotlar roʻyxatini uzluksiz toʻldirish, takomillashtirib borish va yangilab borish boʻyicha takliflar ishlab chiqish hamda ularni amalga oshirishga koʻmaklashish;

ommaviy axborot vositalari orqali davlat organlari va tashkilotlari xizmatchilariga “davlat organlari faoliyati ochiqligi, shaffofligi va hisobdorligi” madaniyatini singdirish hamda davlat organlari va mansabdor shaxslar xalq oldida hisobdorligini taʼminlash muhimligi toʻgʻrisida tushuntirish ishlari olib borilishini tashkil etish”.

2. Oʻzbekiston Respublikasi Prezidentining 2021-yil 16-iyundagi PF-6247-son Farmoni bilan tasdiqlangan Ochiq maʼlumotlar sifatida joylashtirilishi kerak boʻlgan ijtimoiy ahamiyatga molik maʼlumotlar roʻyxati quyidagi mazmundagi 35-pozitsiya bilan toʻldirilsin:

“ 35. Davlat budjeti, shuningdek, xalqaro moliya institutlari mablagʻlari hisobidan moliyalashtiriladigan loyihalar, shu jumladan istiqbolli investitsiya va infratuzilma loyihalari boʻyicha ularning asosiy texnik koʻrsatkichlari va boshqa loyiha hujjatlari toʻgʻrisidagi maʼlumotlar. Rasmiy veb-saytlar har yarim yillikda Iqtisodiy taraqqiyot va kambagʻallikni qisqartirish vazirligi, Moliya vazirligi, Investitsiyalar va tashqi savdo vazirligi, masʼul vazirlik va idoralar (loyiha tashabbuskorlari) ”.

3. Oʻzbekiston Respublikasi Prezidentining 2017-yil 18-martdagi PQ-2847-son qarori bilan tasdiqlangan Oʻzbekiston Respublikasi Moliya vazirligi toʻgʻrisidagi nizomning 9-bandida:

a) 3-kichik band quyidagi mazmundagi oʻn yettinchi xatboshi bilan toʻldirilsin:

“davlat ishtirokidagi korxonalarga sarflangan Davlat budjeti mablagʻlari toʻgʻrisidagi maʼlumotlarni Oʻzbekiston Respublikasining Ochiq maʼlumotlar portaliga joylashtirib boradi va ularning har chorakda yangilanishini taʼminlaydi”;

b) 5-kichik band quyidagi mazmundagi oʻn toʻrtinchi xatboshi bilan toʻldirilsin:

“tegishlicha xorijdan jalb etilgan mablagʻlar, shu jumladan davlat tashqi qarzi summalari hamda ularning sarflanishi toʻgʻrisidagi maʼlumotlarni Oʻzbekiston Respublikasining Ochiq maʼlumotlar portaliga joylashtirib boradi va ularning har chorakda yangilanishini taʼminlaydi”.

4. Oʻzbekiston Respublikasi Prezidentining 2018-yil 4-iyuldagi “Davlat organlari huzurida jamoatchilik kengashlari faoliyatini tashkil etish chora-tadbirlari toʻgʻrisida”gi PQ-3837-son qarorida:

a) 4-bandda:

quyidagi mazmundagi sakkizinchi xatboshi bilan toʻldirilsin:

“davlat organining rasmiy veb-saytida jamoatchilik kengashi faoliyati bilan bogʻliq ochiq eʼlon qilinishi lozim boʻlgan maʼlumotlarni joylashtirib borish hamda ularning har chorakda yangilanib borilishini taʼminlash”;

sakkizinchi — oʻninchi xatboshilar tegishincha toʻqqizinchi — oʻn birinchi xatboshilar deb hisoblansin;

b) ilovada:

8-bandda:

quyidagi mazmundagi sakkizinchi xatboshi bilan toʻldirilsin:

“davlat organining rasmiy veb-saytida jamoatchilik kengashi faoliyati bilan bogʻliq ochiq eʼlon qilinishi lozim boʻlgan maʼlumotlarni joylashtirib borish hamda ularning har chorakda yangilanib borilishini taʼminlash”;

sakkizinchi — oʻninchi xatboshilar tegishincha toʻqqizinchi — oʻn birinchi xatboshilar deb hisoblansin;

16-band quyidagi tahrirda bayon etilsin:

“16. Jamoatchilik kengashining tasdiqlangan aʼzolari haqidagi maʼlumotlar, shuningdek, ularning aloqa maʼlumotlari (telefon, pochta va elektron manzillari) va ularga kiritilgan oʻzgartishlar ular tasdiqlangan paytdan boshlab 5 kun ichida davlat organining rasmiy veb-saytida eʼlon qilinishi shart”;

22-band quyidagi mazmundagi uchinchi xatboshi bilan toʻldirilsin:

“Jamoatchilik kengashining yigʻilishlari va kun tartibidagi masalalar davlat organining rasmiy veb-saytida eʼlon qilinishi shart”.

5. Oʻzbekiston Respublikasi Prezidentining 2020-yil 29-iyundagi “Oʻzbekiston Respublikasi Korrupsiyaga qarshi kurashish agentligi faoliyatini tashkil etish toʻgʻrisida”gi PQ-4761-son qaroriga ilova quyidagi tahrirda bayon etilsin:

“Oʻzbekiston Respublikasi Prezidentining 2020-yil 29-iyundagi PQ-4761-son qaroriga ILOVA

Oʻzbekiston Respublikasi Korrupsiyaga qarshi kurashish agentligi

TUZILMASI

Direktor Direktorning birinchi oʻrinbosari Direktor oʻrinbosari — boshqarma boshligʻi Direktor oʻrinbosari — boshqarma boshligʻi Kadrlar boʻyicha bosh inspektor 1 Tizimli tahlil va prognozlashtirish yigʻma boʻlimi 2 Korrupsiyaga qarshi kurashish tizimini tahlil va monitoring qilish boshqarmasi 9 Jamoatchilik bilan aloqalar, murojaatlar bilan ishlash va xalqaro hamkorlik boshqarmasi 8 Shaxsiy xavfsizlik boʻlimi 2 Ichki audit xizmati 1 Korrupsiyani oldini olish va “komplayens-nazorat” tizimini joriy etish boshqarmasi 10 Yuriskonsult 1 Buxgalteriya 1 Davlat xizmatchilarining daromadlari va mol-mulkini deklaratsiya qilish boshqarmasi 5 Birinchi boʻlim 1 Ishlar boshqarmasi 2 Davlat organlari va tashkilotlari faoliyati ochiqligini taʼminlash boshqarmasi 5 Call-markaz

Agentlik boshqaruv xodimlarining umumiy soni — 50 nafar”.