2022-2024-yillarda Namangan viloyati Pop, Yangiqoʻrgʻon va Chortoq tumanlarining turizm salohiyatini rivojlantirish boʻyicha qoʻshimcha chora-tadbirlar toʻgʻrisida (318-son)

08.06.2022

Oʻzbekiston Respublikasi Vazirlar Mahkamasining

qarori

Namangan viloyatining Pop, Yangiqoʻrgʻon va Chortoq tumanlarining turizm salohiyatidan samarali foydalanish va uni yanada rivojlantirish, zamonaviy turizm infratuzilmasi, yangi dam olish maskanlarini barpo etish, koʻrsatilayotgan xizmatlar sifatini yaxshilash, turizm sohasiga investitsiyalarni keng jalb qilish hamda yangi ish oʻrinlarini tashkil etish orqali aholi bandligini taʼminlash maqsadida Vazirlar Mahkamasi qaror qiladi:

1. Quyidagilar:

2022-2023-yillarda Pop, Yangiqoʻrgʻon va Chortoq tumanlarida turizmni rivojlantirish boʻyicha kompleks chora-tadbirlar rejasi 1-ilovaga muvofiq;

2022-2023-yillarda Pop, Yangiqoʻrgʻon va Chortoq tumanlarida turizm sohasidagi investitsiya loyihalari dasturi 2-ilovaga muvofiq;

2022-2023-yillarda Pop, Yangiqoʻrgʻon va Chortoq tumanlarida oilaviy mehmon uylarini tashkil etishning prognoz koʻrsatkichlari 3-ilovaga muvofiq;

2022 — 2024-yillarda Pop, Yangiqoʻrgʻon va Chortoq tumanlarida turizm hamda yondosh infratuzilmalarni rivojlantirishning manzilli dasturi 4-ilovaga muvofiq;

2022-2023-yillarda Pop, Yangiqoʻrgʻon va Chortoq tumanlari markazlarida 24 soat faoliyat yuritadigan turizm koʻchalari (shopping strit)ni tashkil etish boʻyicha chora-tadbirlar rejasi 5-ilovaga muvofiq tasdiqlansin.

2. Pop, Yangiqoʻrgʻon va Chortoq tumanlarining turizm salohiyatidan samarali foydalanish va uni yanada rivojlantirishning asosiy maqsadlari etib, quyidagilar belgilansin:

zamonaviy turizm infratuzilmasi obyektlari (mehmonxona majmualari, madaniy-sogʻlomlashtirish, savdo-koʻngilochar va turistik ahamiyatdagi boshqa obyektlar) hamda maxsus funksional va mavsumiy rekreatsion dam olish zonalarini yaratish boʻyicha loyihalarni amalga oshirish uchun xorijiy va mahalliy investorlarning investitsiyalarini jalb qilish;

hududning ekomuhiti imkoniyatlarini hisobga olgan holda oʻziga xos turizm yoʻnalishlarini tashkil etish;

hududda transport harakatining yangi (avtobus, mikroavtobus va boshqalar), shu jumladan yoʻlovchi transporti yoʻnalishlarini kengaytirish, ularning muntazam qatnovlarini tashkil etish, tegishli transport infratuzilmasini rivojlantirish;

turistlar xavfsizligining qoʻshimcha sharoitlarini, shu jumladan turizm infratuzilmasi obyektlarini videokuzatuv tizimlari bilan jihozlash, ogohlantirish tizimlarini tashkil etish, hududga keluvchi turistlar haqida yagona maʼlumotlar bazasini, favqulodda holatlarda tez yordam berish tizimini joriy etish yoʻli bilan yaratish;

hududda noyob tabiiy obyektlar va majmualarni, oʻsimliklar va hayvonlarning genetik fondini saqlash, daraxtlarni nobud boʻlishiga yoʻl qoʻymaslik, oʻrmonzorlashtirish va koʻkalamzorlashtirish, shuningdek, faoliyatning atrof-muhitga salbiy taʼsirini oldini olish va minimallashtirish boʻyicha chora-tadbirlarni bosh rejaga asosan amalga oshirish.

3. 2022-2023-yillarda Pop, Yangiqoʻrgʻon va Chortoq tumanlarida turizmni rivojlantirishning asosiy yoʻnalishlari etib quyidagilarni belgilash:

a) Pop tumanini turizmning ekstrimal, trekking, ekoturizm turlariga ixtisoslashtirish. Bunda, xususiy investorlarni jalb qilgan holda tumanda:

zamonaviy kempinglar, osma dor yoʻllari, koʻngilochar turizm maskanlari, tematik ovqatlanish shoxobchalari, turizm axborot markazlari tashkil etiladi;

zamon talablari asosidagi joylashtirish vositalari, oilaviy mehmon uylari hamda sogʻlomlashtirish markazlari barpo etiladi;

tunu-kun faoliyat olib boruvchi turizm koʻchasi tashkil etiladi;

b) Yangiqoʻrgʻon tumanini eko va gastronomik turizm turlariga ixtisoslashtirish. Bunda, tumanda:

mehmonxonalar, eko uylar, oilaviy mehmon uylari faoliyati yoʻlga qoʻyiladi;

gastronomik turizm koʻchasi faoliyati yoʻlga qoʻyiladi;

v) Chortoq tumanini ziyorat, tibbiyot hamda agroturizm turlariga ixtisoslashtirish. Bunda, tumanda:

zamonaviy sogʻlomlashtirish maskanlari, sanatoriylar kempinglar hamda koʻngilochar turizm maskanlari faoliyati yoʻlga qoʻyiladi;

Chortoq suv ombori boʻyida tashrif buyuruvchilarga xizmat koʻrsatadigan tibbiyot markazi barpo etiladi;

Joylashtirish vositalari, shu jumladan yengil konstruksiyali dam olish maskanlari, oilaviy mehmon uylari barpo etiladi hamda turizm axborot markazlari tashkil etiladi.

4. Quyidagilar moliyalashtirish manbalari etib belgilansin:

Oʻzbekiston Respublikasi Davlat budjeti mablagʻlari;

mahalliy budjet mablagʻlari;

ijrochilar mablagʻlari;

tijorat banklari kredit mablagʻlari;

loyiha tashabbuskorlari va tadbirkorlik subyektlarining oʻz mablagʻlari;

jismoniy va yuridik shaxslarning homiylik xayriyalari;

xalqaro moliya institutlarining grantlari;

qonunchilik hujjatlarida taqiqlanmagan boshqa manbalar.

5. Belgilansinki, 2022-2023-yillarda mazkur qarorning 5-ilovasiga asosan tashkil etiladigan 24 soat faoliyat yuritadigan turizm koʻchalari (shopping strit)da joylashgan turizm namoyishi obyektlarini;

“Xavfsiz shahar” konsepsiyasiga integratsiya qilish va tungi vaqtda uzluksiz yoritish tizimi bilan taʼminlash mahalliy budjet mablagʻlari hisobidan;

videokuzatuv tizimlari bilan jihozlash, ogohlantirish tizimlarini tashkil etish investorlar mablagʻlari hisobidan amalga oshiriladi.

6. Turizm va madaniy meros vazirligi Namangan viloyati hokimligi bilan birgalikda:

muammoli masalalarni joyiga chiqqan holda oʻrganish va ularni tezkorlik bilan hal etish boʻyicha amaliy choralar koʻrsin.

chora-tadbirlar rejasi, investitsiya loyihalari dasturi, prognoz koʻrsatkichlar va manzilli dasturda belgilangan chora-tadbirlar va loyihalarni oʻz vaqtida, toʻliq hajmda sifatli bajarilishining tizimli monitoringini olib borsin va uning natijalarini har oyda muhokama qilsin;

chora-tadbirlar rejasi, investitsiya loyihalari dasturi, prognoz koʻrsatkichlar va manzilli dasturda belgilangan chora-tadbirlarning bajarilishi holati yuzasidan har chorak yakuni boʻyicha keyingi oyning 10-sanasiga qadar Turizm, sport, madaniy meros, transport logistikasi va xizmatlar sohalarida davlat-xususiy sheriklik hamda raqamlashtirishni rivojlantirish masalalari boʻyicha muvofiqlashtiruvchi kengashga maʼlumot kiritib borsin.

7. Oʻzbekiston Respublikasi Turizm va madaniy meros vazirligi ikki oy muddatda Pop, Yangiqoʻrgʻon va Chortoq tumanlarida turizm sohasidagi loyihalarni amalga oshirish va joylashtirish uchun ularni tanlash mezonlari boʻyicha takliflarni Vazirlar Mahkamasiga kiritsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — turizm va madaniy meros vaziri A.A. Abduxakimov va Namangan viloyati hokimi Sh.Sh. Abdurazakov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2022-yil 8-iyun,

318-son

Vazirlar Mahkamasining 2022-yil 8-iyundagi 318-son qaroriga 1-ILOVA

2022-2023-yillarda Pop, Yangiqoʻrgʻon va Chortoq tumanlarida turizmni rivojlantirish boʻyicha kompleks

ChORA-TADBIRLAR REJASI

T/r Chora-tadbirlar nomi Loyiha qiymati (mlrd soʻm) Bajarish muddati Moliyalashtirish manbasi Bajarish uchun masʼullar I. Pop tumani 1. Chodak turizm qishlogʻida 300 ta oilaviy mehmon uylari faoliyatini tashkil etish hamda ushbu oilaviy mehmon uylari egalarining malakasini oshirish boʻyicha oʻquv kurslarini tashkil etish. 6,0 2022-2023-yillar Oilaviy tadbirkorlikni rivojlantirish dasturlari doirasida ajratiladigan mablagʻlar Namangan viloyati hokimligi, Markaziy bank, Oilaviy tadbirkorlikni rivojlantirish dasturlari doirasida masʼul tijorat banklari, Turizm va madaniy meros vazirligi 2. Chodak turizm qishlogʻida gastronomik, koʻngilochar, ekstrimal turizm maskanlarini (dor yoʻllari, osma koʻprik) tashkil etish. - 2022-yil iyul Tadbirkorlik subyektlari mablagʻlari Namangan viloyati hokimligi 3. Turistik obyektlar hududida milliy hunarmandchilik mahsulotlari koʻrgazmasi va savdosini tashkil qilish. 0,2 Doimiy Hunarmandlarning oʻz mablagʻlari Namangan viloyati hokimligi, Turizm va madaniy meros vazirligi, Savdo-sanoat palatasi, “Hunarmand” uyushmasi 4. Chodak turizm qishlogʻining stellasini ishlab chiqish hamda uni qishloqqa kirish qismida oʻrnatish. 0,1 2022-yil iyul Mahalliy budjet mablagʻlari Namangan viloyati hokimligi, Turizm va madaniy meros vazirligi 5. Chodak turizm qishlogʻida sportning rafting turi boʻyicha musobaqalar tashkil etish. - 2022-2023-yillar Mahalliy budjet mablagʻlari Namangan viloyati hokimligi, Turizm va madaniy meros vazirligi 6. Chodak turizm qishlogʻi markazida gid-ekskursiya yetakchisi va turoperator xizmatlari markazini tashkil etish. 0,2 2022-2023-yillar Tashabbuskor mablagʻlari Namangan viloyati hokimligi, Turizm va madaniy meros vazirligi 7. Turizm axborot markazini tashkil etish. Bunda, Chodak qishlogʻidagi turizm obyektlari, oilaviy mehmon uylari, turistik marshrutlar, transport xizmati, turizm xizmatlari va yaqin hududlardagi turizm maskanlari toʻgʻrisida maʼlumotlar boʻlishini inobatga olish. 0,05 2022-yil iyul Tadbirkorlik subyekti mablagʻlari Namangan viloyati hokimligi, Turizm va madaniy meros vazirligi, Tadbirkorlik subyekti 8. Chodak turizm qishlogʻi salohiyatini targʻib etish. Bunda, turoperatorlar uchun info turlar tashkil qilish, videomateriallar yaratish, maʼlumotlarni ommaviy axborot vositalari, internet tarmoqlarida joylashtirish va tarqatma materiallarni tayyorlab tarqatish. 0,2 2022-yil iyul Turizmni qoʻllab-quvvatlash jamgʻarmasi Namangan viloyati hokimligi, Turizm va madaniy meros vazirligi, Axborot va ommaviy kommunikatsiyalar agentligi, Oʻzbekiston milliy teleradiokompaniyasi 9. Chodak turizm qishlogʻida mahalliy va xorijiy turistlar uchun “Chodak-Arshanbuloq” marshruti boʻylab ekskursiyalar tashkil etish. - Doimiy - Namangan viloyati hokimligi, Turizm va madaniy meros vazirligi 10. Chodak turizm qishlogʻida “Yuqori Chodakboshi” MFY hududida Zorbing markazini tashkil etish. 0,1 2022-2023-yillar Tashabbuskor mablagʻlari Namangan viloyati hokimligi, Turizm va madaniy meros vazirligi Jami Pop tumani boʻyicha talab etiladigan mablagʻ miqdori 6,85 mlrd soʻm II. Yangiqoʻrgʻon tumani 11. Aholi xonadonlarida milliy hunarmandchilik ustaxonalari va koʻrgazma zallarini tashkil etish. Bunda, hunarmandlar tomonidan tayyorlangan mahsulotlar savdosini yoʻlga qoʻyish hamda sayyohlarga oʻzlari hunarmandchilik ishi bilan shugʻullanib koʻrishi uchun sharoitlar yaratish. 0,1 Doimiy Hunarmandlarning oʻz mablagʻlari Namangan viloyati hokimligi, Turizm sohasidagi NNT, “Hunarmand” uyushmasi, Turizm va madaniy meros vazirligi 12. Togʻ yonbagʻirlari, suv boʻyida 40 ta yengil konstruksiyali joylashtirish vositasini barpo etish. 1,5 2022-2023-yillar Tadbirkorlik subyektlari mablagʻlari Namangan viloyati hokimligi, Turizm va madaniy meros vazirligi 13. 100 ta oilaviy mehmon uylari faoliyatini tashkil qilish, ularni jihozlash va sanitariya-gigiyena shoxobchalarini barpo etish. 3,0 2022-2023-yillar Oilaviy tadbirkorlikni rivojlantirish dasturlari doirasida ajratiladigan mablagʻlar Namangan viloyati hokimligi, Markaziy bank, Oilaviy tadbirkorlikni rivojlantirish dasturlari doirasida masʼul tijorat banklari, Turizm va madaniy meros vazirligi 14. Agroturizm yoʻnalishidagi asalarichilik bilan shugʻullanayotgan tadbirkor va mahalliy aholi xonadonlariga sayyohlar tashrifini tashkil qilish. Bunda, mazkur yoʻnalishda tadbirkorlikni tashkil etish va sayyohlar tashrifi uchun zaruriy shart-sharoitlar yaratish maqsadida boʻlgan tashabbuskorlarga Oilaviy tadbirkorlikni rivojlantirish dasturlari doirasida mablagʻlar ajratishni nazarda tutish. 0,3 2022-2023-yillar Oilaviy tadbirkorlikni rivojlantirish dasturlari doirasida ajratiladigan mablagʻlar Namangan viloyati hokimligi, Markaziy bank, Oilaviy tadbirkorlikni rivojlantirish dasturlari doirasida masʼul tijorat banklari 15. “Doʻstlik” va “Soyboʻy” mahallalarida gid-ekskursiya yetakchisi va turoperator xizmatlari markazini tashkil qilish. 0,2 2022-2023-yillar Tashabbuskorlar mablagʻlari Namangan viloyati hokimligi, Turizm va madaniy meros vazirligi 16. Qishloq markazida turistik axborot markazini tashkil etish va infokiosk oʻrnatish. 0,2 2022-yil iyul Tadbirkorlik subyektlari mablagʻlari Namangan viloyati hokimligi, Turizm va madaniy meros vazirligi 17. Nanay qishlogʻi hududida sayyohlar uchun 5 ta sanitariya-gigiyena shoxobchalarini tashkil qilish. 0,2 2022-yil oktyabr Tadbirkorlik subyektlari mablagʻlari Namangan viloyati hokimligi, Turizm va madaniy meros vazirligi 18. Qishloqning “Soy boʻyi” mahallasidagi togʻoldi hududida “Nanay green zone” kurort dam olish maskanini tashkil qilish, yengil konstruksiyali joylashtirish vositalarini qurish, loyihaga xorijiy investorlarni jalb qilish. 3,0 2022-yil iyul Tadbirkor va investorlar mablagʻlari, Turizmni qoʻllab-quvvatlash jamgʻarmasi Namangan viloyati hokimligi, Davlat soliq qoʻmitasi huzuridagi Kadastr agentligi, Turizm va madaniy meros vazirligi 19. “Doʻstlik” va “Soy boʻyi” MFYga olib boruvchi yoʻl boʻyida 5 ta katta hajmdagi yoʻl koʻrsatkichlarini oʻrnatish. Bunda, bir yoʻnalish va yaqin atrofdagi turizm maskanlari toʻgʻrisida aniq axborotni joylashtirishni nazarda tutish. 0,01 2022-yil Turizmni qoʻllab-quvvatlash jamgʻarmasi Turizm va madaniy meros vazirligi, Namangan viloyati hokimligi, Transport vazirligi huzuridagi Avtomobil yoʻllari qoʻmitasi 20. “Doʻstlik” va “Soy boʻyi” MFYtomonidan belgilangan talablar bajarilgandan soʻng, mazkur hududga “Miraki” turizm qishlogʻi maqomini berish. - 2022-yil sentyabr - Namangan viloyati hokimligi, Mahalla va oilani qoʻllab-quvvatlash vazirligi, Turizm va madaniy meros vazirligi 21. “Doʻstlik” va “Soy boʻyi” MFYning turizm salohiyatini targʻib etish. Bunda, turoperatorlar uchun info turlar tashkil qilish, videomateriallar yaratish, maʼlumotlarni ommaviy axborot vositalari, internet tarmoqlarida joylashtirish va tarqatma materiallarni tayyorlab tarqatish. 0,2 2022-yil oktyabr Turizmni qoʻllab-quvvatlash jamgʻarmasi Turizm va madaniy meros vazirligi, Namangan viloyati hokimligi, Oʻzbekiston Milliy teleradiokompaniyasi 22. Tadbirkorlik subyektlarini jalb qilgan holda “Doʻstlik” va “Soy boʻyi” MFYga tashrif buyuruvchilar uchun 10 ta umumiy ovqatlanish, koʻngilochar va savdo xizmatlarini oʻrnatilgan tartibda tashkil qilish. 2,0 2022-yil Tadbirkorlik subyektlari mablagʻlari Namangan viloyati hokimligi, tadbirkorlik subyektlari Jami Yangiqoʻrgʻon tumani boʻyicha talab etiladigan mablagʻ miqdori 10,71 mlrd soʻm III. Chortoq tumani boʻyicha 23. “Sulton Uvays Qaraniy” ziyoratgohi va “Chortoq” sihatgohiga tutash hududlarda 50 ta oilaviy mehmon uylari faoliyatini tashkil qilish. 3,0 2022-yil Oilaviy tadbirkorlikni rivojlantirish dasturlari doirasida ajratiladigan mablagʻlar Namangan viloyati hokimligi, Turizm va madaniy meros vazirligi 24. Turistik obyektlar hududida milliy hunarmandchilik mahsulotlari koʻrgazmasi va savdosini tashkil qilish. 0,1 Doimiy Hunarmandlarning oʻz mablagʻlari Namangan viloyati hokimligi, Turizm va madaniy meros vazirligi, Savdo-sanoat palatasi, “Hunarmand” uyushmasi 25. Turizm axborot markazini tashkil qilish. Bunda, Chortoq tumanidagi turizm obyektlari, oilaviy mehmon uylari, turistik marshrutlar, transport xizmati, turizm xizmatlari va yaqin hududlardagi turizm maskanlari toʻgʻrisida maʼlumotlar boʻlishini inobatga olish. 0,05 2022-yil sentyabr Tadbirkorlik subyekti mablagʻlari Namangan viloyati hokimligi, Turizm va madaniy meros vazirligi 26. Chortoq turizm zonasiga olib boruvchi yoʻl boʻyida 4 ta katta hajmdagi yoʻl koʻrsatkichlarni oʻrnatish. Bunda, yon atrofda va bir yoʻnalishda joylashgan turizm maskanlari toʻgʻrisi�agi aniq axborotlarni koʻrsatilish. 0,08 2022-yil sentyabr Mahalliy budjet mablagʻlari Namangan viloyati hokimligi, Transport vazirligi huzuridagi Avtomobil yoʻllari davlat qoʻmitasi, Turizm va madaniy meros vazirligi 27. Chortoq tumani turizm salohiyatini targʻib etish. Bunda, turoperatorlar uchun info turlar tashkil qilish, videomateriallar yaratish, maʼlumotlarni ommaviy axborot vositalari, internet tarmoqlarida joylashtirish va tarqatma materiallarni tayyorlab tarqatish. 0,2 2022-yil oktyabr Turizmni qoʻllab-quvvatlash jamgʻarmasi mablagʻlari Namangan viloyati hokimligi, Turizm va madaniy meros vazirligi, Oʻzbekiston milliy teleradiokompaniyasi 28. Chortoq shahri markazida gid-ekskursiya yetakchisi va turoperator xizmatlari markazini tashkil qilish. 0,2 2022-yil Tashabbuskor mablagʻlari Namangan viloyati hokimligi, Turizm va madaniy meros vazirligi 29. Tuman markazidan Namangan shahriga, Yangiqoʻrgʻon tumani Nanay qishlogʻiga harakat jadval asosida harakatlanuvchi transport qatnovlarini tashkil etishga tadbirkorlik subyektlarini jalb etish. - Doimiy Tashabbuskor mablagʻlari Transport vazirligi, Namangan viloyati hokimligi 30. Togʻ yonbagʻirlari, suv boʻyida 20 ta yengil konstruksiyali joylashtirish vositasini barpo etish. Bunda, ekologiya va atrof muhitga shikast yetkazmagan holda �rnatilgan tartibda tashkil etishni nazarda tutish. 1,0 2022-2023-yillar Tadbirkorlik subyektlari mablagʻlari va bank kreditlari Namangan viloyati hokimligi, Turizm va madaniy meros vazirligi, Davlat oʻrmon xoʻjaligi qoʻmitasi 31. “Chartak resorts” sihatgohini foydalanishga topshirish hisobiga sayyohlar oqimini koʻpaytirish, sihatgoh ochilish marosimini tantanali ravishda oʻtkazish va ijtimoiy tarmoqlarda keng yoritish 0,5 2022-yil sentyabr Tashabbuskor mablagʻlari Namangan viloyati hokimligi, Turizm va madaniy meros vazirligi, Milliy teleradiokompaniya 32. Chortoq suv ombori qirgʻoqlarida turizm maskanini tashkil qilish loyihasini amalga oshirish uchun zarur sharoitlarni yaratish. Yangi loyihalarga xorijiy va mahalliy investor hamda tashabbuskorlarni jalb etish 52,0 2022-2023-yillar Loyiha tashabbuskorlari mablagʻlari Namangan viloyati hokimligi, Turizm va madaniy meros vazirligi, Investitsiyalar va tashqi savdo vazirligi Jami Chortoq tumani boʻyicha talab etiladigan mablagʻ miqdori 57,13 mlrd soʻm Jami Pop, Yangiqoʻrgʻon, Chortoq tumanlari boʻyicha talab etiladigan mablagʻlar miqdori 74,69 mlrd soʻm

Izoh: Mahalliy budjet hisobidan tegishli hududiy budjet mablagʻlari taqsimlovchilar uchun ajratilgan xarajatlar smetasida koʻzda tutilgan mablagʻlar doirasida amalga oshiriladi va (yoki) ushbu mablagʻlar tegishli mahalliy budjetning qoʻshimcha manbalari hisobidan ajratilishi boʻyicha Namangan viloyati xalq deputatlari Kengashiga taklif kiritiladi.

Dasturda koʻrsatilgan chora-tadbirlar uchun Turizmni qoʻllab-quvvatlash jamgʻarmasi hisobidan mablagʻlar ajratilish vaqtiga koʻra mazkur dasturidagi muddatlar oʻzgartirilishi mumkin.

Vazirlar Mahkamasining 2022-yil 8-iyundagi 318-son qaroriga 2-ILOVA

2022-2023-yillarda Pop, Yangiqoʻrgʻon va Chortoq tumanlarida turizm sohasidagi investitsiya loyihalari

DASTURI

T/r Tuman Loyiha tashabbuskori Loyiha nomi Loyihaning umumiy qiymati (mln. soʻm) shundan Loyihani ishga tushirish muddati Yaratiladigan yangi ish oʻrinlari oʻz mablagʻlari (mln. soʻm) bank krediti (mln. soʻm) xorijiy investitsiyalar (ming AQSh dollari) 1. Pop tumani “Rasputin Agroservis” MChJ Zamonaviy dam olish maskani tashkil etish 6 000 2 000 4 000 2023-yil dekabr 60 2. “OQTEPA NOUSE” MChJ Mehmonxona va dam olish maskani tashkil etish 4 000 1 000 3 000 2022-yil iyul 30 3. “NEST ONE BILLUR” MChJ 150 oʻringa ega boʻlgan zamonaviy dam olish maskani tashkil etish 1 925 925 1 000 2022-yil iyul 40 4. “Zebiniso Baxromjon” oilaviy korxonasi Dam olish maskani tashkil etish 2 000 500 1 500 2022-yil dekabr 25 5. “STORY SENTR” MChJ Dam olish maskani tashkil etish 1 600 400 1 200 2022-yil dekabr 20 6. Fuqaro Nishanov Begzod Mehmonxona va dam olish maskani tashkil etish 1 650 1 650 2022-yil dekabr 10 7. “Turon Chodak” MChJ Zamonaviy mehmon uyi maskani tashkil etish 1 000 500 500 2022-yil iyul 10 8. “Gʻ�rimsaroy Metan Servis” MChJ Xizmat koʻrsatish markazi barpo etish 10 500 10 500 2022-yil dekabr 90 9. “Naimxon Begzodxon” MChJ Zamonaviy dam olish maskani tashkil etish 800 300 500 2022-yil iyul 2 10. Fuqaro Akbarov Elyor Ekoturizm dam olish maskani tashkil etish 1 500 1 000 500 2022-yil dekabr 20 11. Fuqaro Axmadaliyev Muxam�ad Dam olish maskani tashkil etish 150 50 100 2022-yil dekabr 10 12. Fuqaro Batxonov Mansur Dam olish maskani tashkil etish 250 100 150 2022-yil dekabr 10 13. Fuqaro Mirzayev Soatali (Dostonbek savdo x.k) Dam olish maskani tashkil etish 450 150 300 2022-yil dekabr 15 14. Fuqaro Abduraxmonov Axmadjon Dam olish maskani tashkil etish 700 200 500 2022-yil dekabr 10 15. Namangan viloyat Turizm va sport bosh boshqarmasi Chodak qishlogʻida oilaviy mehmon uylarini tashkil etish 2650 500 2150 2022-yil dekabr 600 16. “Chodak Park Parvoz” MChJ Qorsaroy va Osma koʻprik tashkil etish 3000 2500 500 2022-yil dekabr 10 17. Yangiqoʻrgʻon tumani “Tojiboyev Valijon” QK Mexmonxona va savdo markazi tashkil etish 1600 1600 150 2022-yil dekabr 10 18. “Diyor” MChJ Dam olish maskanini tashkil etish 15 000 15 000 2022-yil dekabr 20 19. “TILLAXON ORGANIK” MChJ Dam olish maskanini tashkil etish 15 000 10 000 5 000 2022-yil dekabr 8 20. “Oxu Dam Olish Uyi” OK Dam olish maskanini tashkil etish 400 200 200 2022-yil dekabr 5 21. “Xalol Xordiq Mexmon Uyi” OK Dam olish maskanini tashkil etish 700 300 400 2022-yil dekabr 5 22. “Temur Shifo” XK Dam olish maskani tashkil etish 1 500 500 1 000 2022-yil dekabr 7 23. “Uztex” QK Zamonaviy klinik sanatoriya tashkil etish 7 000 7 000 2022-yil dekabr 20 24. “GULI FARM” MChJ Dam olish maskanini tashkil etish 8 500 8 500 2022-yil dekabr 16 25. Chortoq tumani “CNARTAK RENAISSANCE” MChJ shaklidagi qoʻshma korxona 2 yulduzli mexmonxona tashkil etish 8000 8000 2022-yil iyul 15 26. “Dilshoda Malika Ikbola” MChJ 2 yulduzli mexmonxona barpo etish 2000 800 1200 2022-yil iyul 10 27. “Matkarim Aziz” OK Zamonaviy istirohat bogʻi tashkil etish 600 400 200 2022-yil iyul 20 28. “Oltin Qudduz tibbiy servis” MChJ Zamonaviy mehmonxona va sogʻlomlashtirish maskani tashkil etish 20000 15000 5000 2023-yil dekabr 100 29. “Chortoq musaffo sihatgohi” MChJ Sanatoriya va sogʻlomlashtirish markazi tashkil etish 11000 11000 2022-yil dekabr 48 30. “Namangan asalarichilik agro tomorqa xizmati” MChJ Apiterapiya va ekoturizm xizmatini tashkil etish 800 300 500 2022-yil iyul 80 31. “INVEST UMID FAYZ” MChJ Xorijiy va mahalliy sayyohlar uchun dam olish maskani tashkil etish 700 200 500 2022-yil iyul 6 Jami Pop, Yangiqoʻrgʻon, Chortoq tumanlari boʻyicha 130 975 101 075 29 900 1332

Izoh. Mazkur loyihalar hududlarni kompleks ijtimoiy-iqtisodiy rivojlantirish mahalliy investitsiya dasturlariga kiritilgan.

Vazirlar Mahkamasining 2022-yil 8-iyundagi 318-son qaroriga 3-ILOVA

2022-2023-yillarda Pop, Yangiqoʻrgʻon va Chortoq tumanlarida oilaviy mehmon uylarini tashkil etishning

PROGNOZ KOʻRSATKIChLARI

T/r Tuman Qishloq va shaharcha nomi Mahalla fuqarolar yigʻini 2022-yil 2023-yil OMU soni Yangi ish oʻrni OMU soni Yangi ish oʻrni 1. Pop tumani Chodak qishlogʻi Guliston MFY 5 10 10 20 2. Chodak qishlogʻi Boyon MFY 7 14 15 30 3. Chodak qishlogʻi Qoʻshminor MFY 9 18 20 40 4. Chodak qishlogʻi Yuqori Chodak MFY 10 20 17 34 5. Chodak qishlogʻi Maydon MFY 8 16 10 20 6. Chodak qishlogʻi Imon Ota MFY 9 18 11 22 7. Chodak qishlogʻi Bogʻishamol MFY 6 12 11 22 8. Chorkesar qishlogʻi Maftunkor MFY 7 14 20 40 9. Madaniyat MFY 5 10 12 24 Jami: 66 132 126 252 10. Yangiqoʻrgʻon tuman Nanay qishlogʻi Doʻstlik MFY 50 102 55 140 11. Nanay qishlogʻi Moʻgʻol MFY 5 13 10 30 12. Nanay qishlogʻi Namuna MFY 5 12 10 30 13. Nanay qishlogʻi Qayroqi MFY 8 17 15 28 14. Nanay qishlogʻi Soy boʻyi MFY 60 175 65 195 15. Nanay qishlogʻi Zarbdor MFY 25 48 30 60 16. Nanay qishlogʻi Mamay MFY 5 12 15 30 Jami: 158 379 200 513 17. Chortoq tuman Bogʻiston qishlogʻi “Baliqli koʻl” MFY 5 15 8 24 18. Chortoq shaharchasi “Oromgoh” MFY 6 18 7 21 Jami: 11 33 15 45 Pop, Yangiqoʻrgʻon va Chortoq tumanlari boʻyicha jami: 235 544 341 810

Izoh: 2022-2023-yillarda Namangan viloyatining Pop, Yangiqoʻrgʻon va Chortoq tumanlarida jami 576 ta oilaviy mehmon uyi tashkil etilib, 1 354 ta yangi ish oʻrni yaratiladi.

Vazirlar Mahkamasining 2022-yil 8-iyundagi 318-son qaroriga 4-ILOVA

2022 — 2024-yillarda Pop, Yangiqoʻrgʻon va Chortoq tumanlarida turizm hamda yondosh infratuzilmalarni rivojlantirishning

MANZILLI DASTURI

T/r Tuman Obyekt nomi va amalga oshiriladigan chora-tadbirlar Loyiha qiymati mln. soʻm Moliyalashtirish manbai Amalga oshirish muddati Masʼul ijrochilar I. Turizm va yondosh infratuzilmalarni barpo etish, rekonstruksiya qilish, kengaytirish 1. Chortoq tumani Chortoq tumani “Sulton Uvays Qaroniy” va “Bibi Naima” majmuasida axborot markazini tashkil etish. 300 mahalliy budjet parametrlarini orttirib bajarilgan qismidan 2022-yil 1-iyul Namangan viloyati hokimligi, Turizm va madaniy meros vazirligi, Axborot texnologiyalari va kommunikatsiyalarini rivojlantirish vazirligi II. Yoʻl infratuzilmasini yaxshilash 1. Pop tumani “Apart Notel Cosmos” dam olish maydoniga olib boruvchi yoʻlning 0 — 7,5 km, 4K-470 va A-373 a/y dan Xonobod q.-Chorkesar q. yoʻlining 0 — 30 kmning 10 km qismini joriy taʼmirlash. 3 300 Moliya vazirligi huzuridagi Avtomobil yoʻllarini rivojlantirish maqsadli jamgʻarmasi mablagʻlari 2022-yil 30-dekabr Moliya vazirligi, Avtomobil yoʻllari qoʻmitasi 2. 4R-125-Gurumsaroy q.-Xonobod q.-Chodak q.-Guliston q. 0 — 37 km yoʻlining 15 km qismini joriy taʼmirlash. 3 300 3. 4K-464 Koʻshminor q.-Chodak q. 0 — 12 km yoʻlini joriy taʼmirlash. 2 050 4. “Bogʻishamol” mahallasi Kalkurbon, Childuxteron, Xarkor, Busmatabuvi koʻchalari ichki yoʻllarini joriy taʼmirlash. 440 mahalliy budjet parametrlarini orttirib bajarilgan qismidan 2022-yil 30-dekabr Namangan viloyati hokimligi, Avtomobil yoʻllari qoʻmitasi 5. “Chodak boshi” mahallasi Sohil, Doʻstlik koʻchalari ichki yoʻllarini joriy taʼmirlash. 4 500 Mahalliy budjet va uning qoʻshimcha manbalari mablagʻlari 2023-2024-yillar Namangan viloyati hokimligi, Avtomobil yoʻllari qoʻmitasi 6. “Maydon” mahallasi Ibn Sino, Ohunon, Maydon, Merganon koʻchalari ichki yoʻllarini joriy taʼmirlash. 4 200 7. “Shayxon” mahallasi I. Atoyi, Doʻstlik, Beruniy-1, Bodomzor koʻchalari ichki yoʻllarini joriy taʼmirlash 296 mahalliy budjet parametrlarini orttirib bajarilgan qismidan 2022-yil 30-dekabr Namangan viloyati hokimligi, Avtomobil yoʻllari qoʻmitasi 8. “Boyon” mahallasi Mulayon, Mingak, Avga, Bayon-1, Bayon-2, Bayon-3 koʻchalari ichki yoʻllarini joriy taʼmirlash 318 9. “Guliston” mahallasi Tangi, Kokin, Koʻprik-1, Koʻprik-2, Maydon, Teppa, Eshonbobo koʻchalari ichki yoʻllarini joriy taʼmirlash. 1 890 10. “Qoʻshminor” mahallasi A.Navoiy, Firdavsiy, Yangi hayot, Konchilar, Islomobod-1, Islomobod-2, Yangi Chodak-2, Gagarin, Rezak koʻchalari ichki yoʻllarini joriy taʼmirlash. 7 530 2023-2024-yillar Namangan viloyati hokimligi, Avtomobil yoʻllari qoʻmitasi 11. “Yuqori Chodak boshi” mahallasi A.Navoiy, Dehkonobod, Doʻstlik, Sohil koʻchalari ichki yoʻllarini joriy taʼmirlash. 2 970 12. “Istiqlol” mahallasi Navodot, Qoziy, Agolikon, Parrak, Kaltabozor koʻchalari ichki yoʻllarini joriy taʼmirlash. 307 mahalliy budjet parametrlarini orttirib bajarilgan qismidan 2022-yil 30-dekabr Namangan viloyati hokimligi, Avtomobil yoʻllari qoʻmitasi 13. “Oʻrta Xonobod” mahallasi Oʻzbekiston, Namuna, Yangi hayot, Nihol, Sohil, Yuksalish, Ipak yoʻli, Sada, Mustaqillik koʻchalari ichki yoʻllarini joriy taʼmirlash 4 110 2023 — 2025-yillar 14. Yangiqoʻrgʻon tumani Mamay va Olmazor MFY hududida 27,6 km ichki koʻchalarni shagʻallash 4 432 mahalliy budjet parametrlarini orttirib bajarilgan qismidan 2023 — 2025-yillar Namangan viloyati hokimligi, Avtomobil yoʻllari qoʻmitasi 15. 8 ta mahalla fuqarolar yigʻini hududidagi (Qayroqi, Zarbdor, Doʻstlik, Moʻgʻol, Olmazor, Tinchlik, Poromon, Qandiyon) MFYlardagi jami 14 ta koʻchada 17 km yoʻlni shagʻallash, 19 km asfaltlash hamda 1 ta mavjud koʻprikni taʼmirlash. 12 500 2023-2024-yillar 16. Chortoq tumani 4R 119 “Chortoq-Kalishox-Xazratishox-Zarkent” a/y 0-29 km oraligʻida yoʻllarda joriy taʼmirlash ishlarini olib borish, yoʻl elementlarini zamonaviy tarzda yangilash 500 Moliya vazirligi huzuridagi Avtomobil yoʻllarini rivojlantirish maqsadli jamgʻarmasi mablagʻlari 2022-yil 30-dekabr Moliya vazirligi, Avtomobil yoʻllari qoʻmitasi 17. 4R 118 “Jiydakapa-Uychi-Chortoq-Yangiqoʻrgʻon-Zarkent-Nanay” a/y 11-24 km oraligʻida yoʻllarda joriy taʼmirlash ishlarini olib borish, yoʻl elementlarini zamonaviy tarzda yangilash 500 18. 4K 425 “Shoʻrkent-Gulshan-Koʻshan” a/y 10-12 km oraligʻida yoʻllarda joriy taʼmirlash ishlarini olib borish, yoʻl elementlarini zamonaviy tarzda yangilash 50 19. 4K423 A “Sassiqsoy qishlogʻiga” a/y 0-1 km oraligʻida yoʻl elementlarini zamonaviy tarzda yangilash 50 Moliya vazirligi huzuridagi Avtomobil yoʻllarini rivojlantirish maqsadli jamgʻarmasi mablagʻlari 2024-yil 30-dekabr Moliya vazirligi, Avtomobil yoʻllari qoʻmitasi 20. Ziyoratgoxga olib boruvchi ichki yoʻl elementlarini zamonaviy tarzda yangilash 50 Mahalliy budjet mablagʻlari 2024-yil 30-dekabr Namangan viloyati hokimligi, Avtomobil yoʻllari qoʻmitasi III. Ichimlik suvi, kanalizatsiya va boshqa muhandislik kommunikatsiya tarmoqlarini yangilash 1. Yangiqoʻrgʻon tumani Mamay va Olmazor MFY hududida 16,8 km yangi ichimlik tarmogʻi va 3 dona suv inshoatini rekonstruksiya qilish 2796 Viloyat va tuman budjeti mablagʻlari 2022-yil 30-dekabr Namangan viloyati hokimligi, Oʻzsuvtaʼminot AJ 2. Chegara hududidagi 13 ta mahalla fuqarolar yigʻini hududidagi mavjud suv inshotlarini taʼmirlash va yangidan qurish 2168 Mahalliy budjet mablagʻlari 2022-2023-yillar Namangan viloyati hokimligi, “Oʻzsuvtaʼminot” AJ 3. 4 ta (Moʻgʻol, Poromon) MFYlarda 440 dona tayanchlar oʻrnatish, 7 km sip kabel tarmoqlari tortish, 3 km demontaj yogʻoch tayanchlari oʻrnatish, 7 km AS 35 simlari tortish, 3 dona TP quvvati oshirish, 1 ta TP koʻchirib berish, 13 dona TP punktlari mukammal taʼmirlash, 3 ta yangi TP oʻrnatish, 1500 “Hududiy elektr tarmoqlari” AJ 2022-yil 30-dekabr Namangan viloyati hokimligi, “Namangan HETK” AJ 4. Mamay va Olmazor MFY hududida 11,1 km elektr tarmoqlari tortish va almashtirish, 5 dona transformator oʻrnatish va taʼmirlash hamda 172 dona tayanch ustunlari oʻrnatish 494 “Hududiy elektr tarmoqlari” AJ 2022-yil 1-iyul Namangan viloyati hokimligi, “Namangan HETK” AJ 5. Mamay MFYda chegara hududiga 2 ta koʻchaga 600 metr boʻlgan 20 ta tungi yoritish chiroqlari oʻrnatish 25 Viloyat va tuman budjeti; tarmoq korxonalari mablagʻlari hisobidan; 2022-yil 1-iyul Namangan viloyati hokimligi, “Namangan HETK” AJ 6. Chortoq tumani Chortoq tumani “Sulton Uvays Qaroniy” va “Bibi Naima” majmuasining elektr tizimini yaxshilash 104,9 mahalliy budjet parametrlarini orttirib bajarilgan qismidan 2022-yil 1-iyul Namangan viloyati hokimligi, “Namangan HETK” AJ Turizm obyektlarini telekommunikatsiya tarmoqlarini tortish hamda zonalarni tashkil etish 1. Yangiqoʻrgʻon tumani Mamay va Olmazor MFY hududida 20,0 km yangi aloqa tarmoqlarini tortish 240 “Oʻzbektelekom” AK mablagʻlari hisobidan 2022-yil 1-iyul Namangan viloyati hokimligi, “Oʻzbektelekom” AK Jami 60 921

Vazirlar Mahkamasining 2022-yil 8-iyundagi 318-son qaroriga 5-ILOVA

Pop, Yangiqoʻrgʻon va Chortoq tumanlari markazlarida 24 soat faoliyat yuritadigan turizm koʻchalari (shopping strit)ni tashkil etish boʻyicha

ChORA-TADBIRLAR REJASI

T/r Tuman nomi Savdo-xarid koʻchasi (shopping strit) tashkil etiladigan koʻcha manzili Mahalla fuqarolari yigʻini nomi Koʻchaning uzunligi (km) Koʻchada joylashadigan savdo shaxobchalari soni Yaratiladigan ish oʻrinlari soni Savdo-xarid koʻchasini tashkil etish muddati 1. Pop tumani Pop shahri, Ultama koʻchasi “Uchyillik” MFY 1,0 25 54 2022-yil sentyabr 2. Yangiqoʻrgʻon tumani Yangiqoʻrgʻon shaharchasi, Namangan koʻchasi “Obod” MFY 0,8 28 60 2022-yil noyabr 3. Chortoq tumani Chortoq shahri, Mustaqillik koʻchasi “Dildosh” MFY 1,4 18 38 2023-yil mart Jami: 3,2 71 152