Oʻzbekiston Respublikasi favqulodda vaziyatlarda ularning oldini olish va harakat qilish davlat tizimi toʻgʻrisida (558-son)

23.12.1997

Oʻzbekiston Respublikasi Vazirlar Mahkamasining

qarori

[Koʻchirma]

Oʻzbekiston Respublikasi Prezidentining “Oʻzbekiston Respublikasi Favqulodda vaziyatlar vazirligini tashkil etish toʻgʻrisida” 1996-yil 4-martdagi PF–1378-son Farmonini bajarish yuzasidan Vazirlar Mahkamasi qaror qiladi:

1. Oʻzbekiston Respublikasi Favqulodda vaziyatlarda ularning oldini olish va harakat qilish davlat tizimi (FVDT) toʻgʻrisidagi Nizom va uning tuzilmasi (1, 2*-ilovalar) tasdiqlansin.

* 2-ilova berilmaydi.

2. Aholini va hududlarni favqulodda vaziyatlardan muhofaza qilish boʻyicha funksiyalar 3-ilovaga muvofiq Oʻzbekiston Respublikasi vazirliklari va idoralariga yuklansin.

3. Vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 3 oy muddatda FVDTning funksional va hududiy quyi tizimlari toʻgʻrisidagi nizomlarni ishlab chiqsinlar va Favqulodda vaziyatlar vazirligi bilan kelishgan holda tasdiqlasinlar.

5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari I.H. Joʻrabekov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1997-yil 23-dekabr,

558-son

Vazirlar Mahkamasining 1997-yil 23-dekabrdagi 558-son qaroriga 1-ILOVA

OʻZBEKISTON RESPUBLIKASI FAVQULODDA VAZIYATLARDA ULARNING OLDINI OLISh VA HARAKAT QILISh DAVLAT TIZIMI TOʻGʻRISIDA

NIZOM

1. Mazkur Nizom Oʻzbekiston Respublikasi Favqulodda vaziyatlarda* ularning oldini olish va harakat qilish davlat tizimi (FVDT)ning asosiy vazifalarini, uni tashkil etish, uning tarkibi hamda faoliyat koʻrsatish tartibini belgilaydi.

* Favqulodda vaziyat — muayyan hududda oʻzidan soʻng odamlarning qurbon boʻlishi, odamlar sogʻligʻi yoki atrof tabiiy muhitga ziyon yetkazishi, kishilarning hayot faoliyatiga kattagina moddiy zarar hamda uning buzilishiga olib kelishi mumkin boʻlgan yoki olib kelgan avariya, halokat, stixiyali yoki ekologik ofat, epidemiyalar, epiziotiyalar, enifototiyalar natijasida yuzaga kelgan holat.

2. FZDT boshqaruv organlari, respublika va mahalliy hokimiyat organlarini, aholini va hududlarni** favqulodda vaziyatlardan himoya qilish masalalarini hal etish vakolatiga kiradigan korxonalar va muassasalarning kuch va vositalarini birlashtiradi hamda favqulodda vaziyatlarning*** oldini olish va bartaraf etish sohasidagi tadbirlarni tashkil etish va amalga oshirish, ular yuzaga kelganda aholi xavfsizligini, atrof-tabiiy muhitni muhofaza qilish hamda tinchlik va harbiy davrda davlat iqtisodiyotiga zararni kamaytirishni taʼminlashga moʻljallangan.

** Hudud — bu er, suv, havo makoni yoki uning bir qismi, ishlab chiqarish va ijtimoiy maqsadlardagi obyektlar, shuningdek atrof-tabiiy muhit.

*** Favqulodda vaziyatlarni bartaraf etish — bu favqulodda vaziyatlar yuzaga kelganda amalga oshiriladigan hamda odamlarni qutqarish va kishilar sogʻligʻini saqlash, atrof-tabiiy muhitga zararning hamda moddiy zararlarning miqdorlarini kamaytirish, shuningdek, favqulodda vaziyatlar zonalarining kengayishiga yoʻl qoʻymaslik, ular uchun xos boʻlgan xavfli omillar taʼsirini bartaraf etishga yoʻnaltirilgan avariya-qutqaruv, boshqa kechiktirib boʻlmaydigan ishlar majmui.

Ijtimoiy-siyosiy mojarolar va ommaviy tartibsizliklarni bartaraf etish, shuningdek, favqulodda vaziyatlar oqibatida zararlangan obyektlar va hududlarni tiklash harakatlari FVDT vakolatiga kirmaydi.

3. FVDT organlari oʻz faoliyatlarida Oʻzbekiston Respublikasi Konstitutsiyasiga, qonunlariga, Oliy Majlisning qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Favqulodda vaziyatlar vazirining buyruqlari va koʻrsatmalariga, Oʻzbekiston Respublikasining xalqaro shartnomalariga va mazkur Nizomga amal qiladilar.

4. Quyidagilar FVDTning asosiy vazifalari hisoblanadi:

tinchlik va harbiy davrda aholi va hududlarni favqulodda vaziyatlardan muhofaza qilish sohasida hududiy va iqtisodiy meʼyoriy hujjatlarning yagona konsepsiyasini belgilash, ishlab chiqish va amalga oshirish;

respublika hududidagi mumkin boʻlgan texnogen va tabiiy favqulodda vaziyatlarni prognozlash, ularning ijtimoiy-iqtisodiy oqibatlarini baholash;

favqulodda vaziyatlarning oldini olishga, odamlar xavfsizligini taʼminlashga, xavfli texnologiyalar va ishlab chiqarishlarning tavakkalchiligini pasaytirish, mulkchilik shakllaridan va idoraviy boʻysunishidan qatʼi nazar, iqtisodiyot tarmoqlari, korxonalar, muassasalar va tashkilotlar* faoliyat koʻrsatishining barqarorligini oshirishga qaratilgan maqsadli va kompleks ilmiy-texnik dasturlarni ishlab chiqish va amalga oshirish:

* Keyingi oʻrinlarda obyektlar deb ataladi.

boshqaruv organlari va tizimlarning favqulodda vaziyatlarning oldini olish va ularni bartaraf etish uchun moʻljallangan kuch va vositalarining doimiy tayyorligini taʼminlash;

aholi va hududlarni favqulodda vaziyatlardan muhofaza qilish sohasidagi axborotlarni yigʻish, ishlab chiqish, almashish va berish;

aholini, boshqaruv organlarining mansabdor shaxslarini, FVDT kuchlari va vositalarini favqulodda vaziyatlarda harakat qilishga tayyorlash;

favqulodda vaziyatlarni bartaraf etish uchun moliyaviy va moddiy resurslar zaxiralarini yaratish;

aholi va hududlarni favqulodda vaziyatlardan muhofaza qilish sohasida davlat ekspertizasi, nazorati va tekshiruvini amalga oshirish;

favqulodda vaziyatlarni bartaraf etish;

favqulodda vaziyatlardan zarar koʻrgan aholini ijtimoiy himoya qilishga oid tadbirlarni amalga oshirish;

favqulodda vaziyatlardan muhofaza qilish sohasida aholining, shu jumladan ularni tugatishda bevosita qatnashgan shaxslarning huquq va majburiyatlarini amalga oshirish;

aholi va hududlarni favqulodda vaziyatlardan muhofaza qilish sohasida xalqaro hamkorlik qilish.

5. FVDT hududiy va funksional quyi tizimlardan iborat boʻladi hamda respublika, mahalliy va obyektlar miqyosidagi uch darajaga ega boʻladi.

6. FVDTning hududiy quyi tizimlari oʻz maʼmuriy hududlari doirasida favqulodda vaziyatlarning oldini olish va ularni bartaraf etish uchun Qoraqalpogʻiston Respublikasi, viloyatlar va Toshkent shahrida tuziladi hamda tegishli ravishda tumanlar, shaharlar, shaharchalar, qishloqlar va ovullar miqyosidagi boʻgʻinlardan iborat boʻladi.

FVDT hududiy quyi tizimlarining vazifalari, ularni tashkil etish, kuch va vositalari tarkibi, faoliyat koʻrsatish tartibi mazkur Nizom; ushbu quyi tizimlar toʻgʻrisida mahalliy geofizik va tabiiy iqlim sharoitlarini, kuchli xavfli obyektlarning mavjudligini hisobga olib ishlab chiqiladigan nizomlar bilan belgilanadi hamda Favqulodda vaziyatlar vazirligi bilan kelishilgan holda tegishli ravishda Qoraqalpogʻiston Respublikasi Vazirlar Kengashining Raisi, viloyatlar va Toshkent shahar hokimlari tomonidan tasdiqlanadi.

7. FVDTning funksional quyi tizimlari vazirliklar, davlat qoʻmitalari, korporatsiyalar, konsernlar, uyushmalar va kompaniyalarda* atrof-tabiiy muhit va kuchli xavfli obyektlar holatini kuzatish va nazorat qilishni amalga oshirish, shuningdek idoraga qarashli obyektlarda ularning ishlab chiqarish faoliyati bilan bogʻliq favqulodda vaziyatlarning oldini olish va ularni bartaraf etish uchun tashkil etiladi hamda quyi tizimlarning davlat nazorati (nazorat-inspeksiya xizmatlari) organlari, kuch va vositalaridan iborat boʻladi.

* Keyingi oʻrinlar vazirliklar va idoralar deb ataladi.

FVDT funksional quyi tizimlarining vazifalari, ularni tashkil etish hamda davlat nazorati (nazorat-inspeksiya xizmatlari) organlarining tarkibi, kuzatish va nazorat tashkilotlari va boshqa boʻlinmalari, favqulodda vaziyatlarni tugatish kuchlari va vositalari mazkur Nizom, ushbu quyi tizimlar toʻgʻrisidagi vazirliklar va idoralarning atrof-tabiiy muhit ahvolini kuzatish va nazorat qilish sohasidagi funksiyalari, idoraga qarashli kuchli xavfli obyektlardagi ishlab chiqarish texnologiyalarining xususiyati hisobga olingan holda ishlab chiqiladigan nizomlar bilan belgilanadi hamda Favqulodda vaziyatlar vazirligi bilan kelishilgan holda tegishli vazirlar va idoralar rahbarlari tomonidan tasdiqlanadi.

8. FVDTning har bir darajasi quyidagilarga ega boʻladi:

FVDT rahbar organlari;

FVDT kundalik boshqaruv organlari;

favqulodda vaziyatlarni bartaraf etish kuchlari va vositalari;

favqulodda vaziyatlarni bartaraf etish uchun moliyaviy va moddiy resurslar zaxiralari;

xabar berish, aloqa tizimlari, boshqaruv va axborot bilan taʼminlashning avtomatlashtirilgan tizimlari (BAT).

9. FVDT rahbar organlari — bu aholi va hududlarni favqulodda vaziyatlardan muhofaza qilish masalalarini hal etish vakolatiga kiradigan davlat boshqaruvi, mahalliy hokimiyat organlari va obyektlar maʼmuriyatidir:

respublika darajasida — Oʻzbekiston Respublikasi Favqulodda vaziyatlar vazirligi;

atrof-tabiiy muhit va kuchli xavfli obyektlarning holatini kuzatish va nazorat qilish uchun masʼul boʻlgan, shuningdek, tarkibida kimyoviy, portlovchi, yongʻin chiqishi mumkin boʻlgan va boshqa xavfli obyektlar mavjud boʻlgan vazirliklar va idoralar;

mahalliy darajada — Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari;

obyektlar darajasida — korxonalar (muassasalar, tashkilotlar) maʼmuriyati.

FVDT, uning quyi tizimlari va boʻgʻinlarining faoliyat koʻrsatishini tashkil etish, aholini va hududlarni favqulodda vaziyatlardan muhofaza qilish boʻyicha ularga yuklangan vazifalarni bajarishga tayyorligi uchun toʻliq javobgarlik tegishli rahbar organlarga yuklanadi.

10. FVDTning kundalik boshqaruv organlari — bu FVDTning tegishli hududiy va funksional quyi tizimlariga hamda uning boʻgʻinlariga bevosita kundalik boshqaruvni amalga oshiruvchi boshqaruv organlaridir, ular quyidagilarni oʻz ichiga oladi:

Qoraqalpogʻiston Respublikasi, viloyatlar va Toshkent shahar favqulodda vaziyatlar boshqarmalari;

shaharlar va tumanlar favqulodda vaziyatlar boʻlimlari;

obyektlarning favqulodda vaziyatlar boʻlimlari (shuʼbalar yoki maxsus tayinlangan mansabdor shaxslar);

vazirliklar va idoralarning davlat nazorati organlari (nazorat-inspeksiya xizmatlari);

vazirliklar va idoralarning favqulodda vaziyatlar boʻlimlari (shuʼbalar yoki maxsus tayinlangan mansabdor shaxslar);

Favqulodda vaziyatlar vazirligining tang vaziyatlarni boshqarish markazi;

FVDT rahbar organlarining zaxiradagi boshqaruv punktlari (ZBP);

favqulodda vaziyatlar boshqarmalari (boʻlimlari)ning tezkor-navbatchilik xizmatlari;

vazirliklar, idoralar va obyektlarning navbatchi-dispetcherlik xizmatlari.

FVDT kundalik boshqaruv organlarini joylashtirish doimiy dislokatsiya punktlarida, shahar va shahardan tashqaridagi ZBP-larda tashkil etiladi, ular tegishli xabar berish, aloqa, axborotni ishlab chiqish va uzatishning roʻyxatli vositalari bilan jihozlanadi hamda ularga yuklangan vazifalarni bajarishga doimiy tayyor holda saqlanadi.

11. Quyidagilar respublika darajasidagi FVDT boshqaruv organlarining asosiy vazifalari hisoblanadi:

tabiiy favqulodda vaziyatlar oqibatlarini imkoni boricha pasaytiruvchi chora-tadbirlarni ishlab chiqish hamda amalga oshirishga rahbarlik qilish, favqulodda vaziyatlar sharoitlarida iqtisodiyot tarmoqlari hamda alohida muhim kuchli xavfli obyektlarning barqaror faoliyat koʻrsatishlarini taʼminlash;

kuchli xavfli obyektlar uchun texnik hujjatlarning sugʻurta jamgʻarmasini tuzish ishlarini tashkil etish;

aholini va hududlarni favqulodda vaziyatlardan muhofaza qilish sohasida respublika maqsadli va ilmiy-texnik dasturlarini ishlab chiqishda qatnashish;

respublika markazlashtirilgan xabar berish tizimini, shuningdek, axborot bilan taʼminlash va boshqarishning avtomatlashtirilgan tizimi (BAT)ni yaratish va uni doimiy tayyor holda saqlash;

aloqa, radio, televideniye va boshqa texnika vositalarining davlat va idoraviy kanallaridan boshqarish va axborotni uzatish uchun markazlashtirilgan holda foydalanishni taʼminlash;

kimyoviy va boshqa kuchli xavfli obyektlarda hamda ularga yondosh hududlarda xabar berish va axborotlarning mahalliy tizimini, shuningdek, suv omborlarining gidrotexnik inshootlarida signalizatsiya va xabar berishning mahalliy avtomatlashtirilgan tizimlarini loyihalashtirish va yaratishni nazorat qilish;

atrof-tabiiy muhit hamda kuchli xavfli obyektlarning holatini kuzatish va nazorat qilish tizimini tashkil etish, favqulodda vaziyatlarni prognozlash;

boshqaruv organlari, boshqaruv punktlari, FVDT kuchlari va vositalarining favqulodda vaziyatlarda harakat qilishga tayyorligini taʼminlash;

yuzaga kelgan favqulodda vaziyatlar, ularning rivojlanish koʻlamlari va kechishi, mumkin boʻlgan oqibatlari hamda favqulodda vaziyatlarni bartaraf etishga oid qabul qilinayotgan chora-tadbirlar toʻgʻrisidagi axborotlarning toʻplanishini va almashilishini hamda xabar qilinishini taʼminlash va nazorat qilish;

avariya-qutqaruv va boshqa kechiktirib boʻlmaydigan ishlarni, shu jumladan evakuatsiya ishlarini oʻtkazishga oid tadbirlarning bajarilishini taʼminlash, zarar koʻrgan aholi uchun hayot sharoiti yaratish;

favqulodda vaziyatlarni bartaraf etishga jalb qilingan vazirliklar va idoralar, kuch va vositalarning oʻzaro hamkorligini tashkil etish va muvofiqlashtirish;

favqulodda vaziyatlarni bartaraf etish uchun respublika (idora) moliyaviy va moddiy resurslar zaxirasini, shuningdek FVDTning maxsus sugʻurta jamgʻarmasini tuzishga va undan foydalanishga rahbarlik qilish;

favqulodda vaziyatlardan zarar koʻrgan aholini ijtimoiy muhofaza qilishga oid tadbirlarni amalga oshirishda qatnashish;

favqulodda vaziyatlarda idoraga qarashli obyektlarning rahbarlari tarkibi, kuch va vositalarini, shuningdek xodimlarini tayyorlashni muvofiqlashtirish;

ishlab chiqarish va texnologiyalar xavfsizligi, shuningdek xodimlarni favqulodda vaziyatlardan muhofaza qilishning tarmoq normalari va qoidalarini ishlab chiqishda qatnashish;

avariya-qutqaruv tuzilmalari va qutqaruvchilarni attestatsiyadan oʻtkazishni tashkil etish.

12. Quyidagilar mahalliy darajadagi FVDT boshqaruv organlarining asosiy vazifalari hisoblanadi:

favqulodda vaziyatlarning oldini olish va ularni bartaraf etish, favqulodda vaziyatlar sharoitlarida kuchli xavfli obyektlar ishining ishonchliligini taʼminlashga oid tashkiliy va muhandislik-texnika tadbirlarini ishlab chiqish va amalga oshirish;

favqulodda vaziyatlarning oldini olish va ularni tugatish boʻyicha hududiy (viloyat) maqsadli dasturlarni ishlab chiqish va amalga oshirishda qatnashish;

viloyat ichidagi aloqa va xabar berish tizimlari, shuningdek boshqaruvning va axborot bilan taʼminlashning avtomatlashtirilgan tizimi (BAT)ni tashkil etish va doimiy tayyor holda saqlash;

boshqarish va axborotni uzatish uchun aloqa, radio, televideniye hamda boshqa texnika vositalarining davlat viloyat va idoraviy kanallaridan markazlashtirilgan holda foydalanishni taʼminlash;

manfaatdor vazirliklar va idoralar bilan birgalikda kimyoviy va boshqa kuchli xavfli obyektlar va ularga yondosh hududlarda xabar berish va axborotning mahalliy tizimlarini, shuningdek suv omborlarining gidrotexnik inshootlarida signalizatsiya va xabar berishning mahalliy avtomatik tizimlarini yaratish;

atrof-tabiiy muhitning holatini, kuchli xavfli obyektlardagi vaziyatni doimiy kuzatish va nazorat qilishni taʼminlash, favqulodda vaziyatlarni prognozlash;

boshqaruv organlari, boshqaruv punktlari, kuch va vositalarning favqulodda vaziyatlar chogʻidagi harakatlarga tayyorligini taʼminlash;

yuzaga kelgan favqulodda vaziyatlar, ularning rivojlanish koʻlamlari va kechishi, yetkazishi mumkin boʻlgan oqibatlar, ularni bartaraf etishga doir koʻrilayotgan chora-tadbirlar toʻgʻrisidagi axborotlarni xabar qilish, toʻplash va almashishni taʼminlash hamda nazorat qilish;

hududiy (viloyat) quyi tizimlarning, shuningdek favqulodda vaziyatlar chogʻida avariya-qutqaruv va boshqa kechiktirib boʻlmaydigan ishlarni amalga oshirish boʻyicha koʻngilli tuzilmalarning kuch va vositalariga rahbarlik qilish va harakatini taʼminlash, ishlarga mehnatga layoqatli aholini jalb qilishni tashkil etish;

aholini evakuatsiya qilish (vaqtincha olib chiqish), joylashtirish, evakuatsiya qilingan aholini hayotiy taʼminlash hamda ularning favqulodda vaziyatlar bartaraf etilgach doimiy yashash joylariga qaytishini rejalashtirish va amalga oshirish;

oʻta tang xavfli zonalardagi aholi punktlarida va xoʻjaliklarda yashovchilarni xavfsiz joylarga doimiy yashash uchun koʻchirish hamda ularning hayotiy faoliyatini har tomonlama taʼminlash;

favqulodda vaziyatlarni bartaraf etish uchun moliyaviy va moddiy resurslar zaxiralarini yaratish;

favqulodda vaziyatlardan zarar koʻrgan aholini ijtimoiy muhofaza qilishga oid tadbirlarni amalga oshirish; fuqarolar, ularning uy-joylari va mulklarini maqsadli sugʻurta qilishni tashkil etish;

aholini, boshqaruv organlarining mansabdor shaxslarini, kuch va vositalarni favqulodda vaziyatlarda harakat qilishga tayyorlashga rahbarlik qilish.

13. Quyidagilar obyektlar darajasidagi FVDT boshqaruv organlarining asosiy vazifalari hisoblanadi:

favqulodda vaziyatlarning oldini olish va ularni bartaraf etish, obyektlar ishining favqulodda vaziyatlar chogʻida ishonchliligi va barqarorligini oshirishga doir tadbirlarni ishlab chiqish va amalga oshirishga rahbarlik qilish;

kimyoviy va boshqa kuchli xavfli obyektlarda xabar qilish va axborotning mahalliy tizimlarini, shuningdek gidrotexnik inshootlarda signalizatsiya va xabar qilishning mahalliy avtomatik tizimlarini yaratish ishlarini tashkil etish;

boshqaruv organlarining, obyektlar kuch va vositalarining favqulodda vaziyatlar chogʻidagi harakatlarga tayyorligini taʼminlash;

xabar qilish, axborot toʻplashni taʼminlash va nazorat qilish, yuzaga kelgan favqulodda vaziyat, uning rivojlanish koʻlamlari va kechishi, yetkazishi mumkin boʻlgan oqibatlari, favqulodda vaziyatni bartaraf etish uchun koʻrilayotgan chora-tadbirlar va zarur yordam toʻgʻrisida yuqori organlarga maʼlumot berish;

avariya-qutqaruv hamda boshqa kechiktirib boʻlmaydigan ishlarga, shu jumladan obyektlar xodimlarini evakuatsiya qilishga rahbarlik qilish;

favqulodda vaziyatlarni bartaraf etish uchun moliyaviy va moddiy resurslar zaxiralarini yaratish;

obyektlarning rahbarlar tarkibi, kuch va vositalari, shuningdek xodimlarini favqulodda vaziyatlardagi harakatlarga tayyorlashni tashkil etish.

14. FVDTning favqulodda vaziyatlarni bartaraf etish boʻyicha kuch va vositalari quyidagilardan iborat boʻladi:

fuqaro muhofazasi qoʻshinlari;

Favqulodda vaziyatlar vazirligiga toʻgʻridan toʻgʻri hamda tezkor boʻysunuvchi respublika ixtisoslashtirilgan tuzilmalari;

vazirliklar va idoralarning harbiylashtirilgan hamda professional ixtisoslashtirilgan avariya-qutqaruv va avariya-tiklash boʻlinmalari;

mahalliy hokimiyat organlarining (Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari), Favqulodda vaziyatlar vazirligi qutqaruvchi komandalarining tuzilmalari;

obyektlarning ixtisoslashtirilgan tuzilmalari;

hududiy va obyektlarning harbiylashmagan umumiy va maxsus maqsadlardagi tuzilmalari;

Qizil Yarim oy Jamiyatining koʻngillilar otryadlari (komandalari, guruhlari);

“Vatanparvar” mudofaaga koʻmaklashuvchi tashkiloti.

15. Fuqaro muhofazasi qoʻshinlari Favqulodda vaziyatlar vazirligiga boʻysunadi hamda oʻz tezkor yoʻnalishlariga muvofiq harbiy davrda respublikaning muhim mudofaa va sanoat obyektlarida favqulodda vaziyatlarni tugatishga oid ishlarni olib boradilar.

Tinchlik davrida fuqaro muhofazasi qoʻshinlari yirik koʻlamdagi ishlab chiqarish avariyalari, halokatlar, stixiyali ofatlar chogʻida avariya-qutqaruv hamda boshqa kechiktirib boʻlmaydigan ishlarni amalga oshirish va maxsus priborlar, texnikalar, asbob-uskunalar va tayyorlangan mutaxassislarni talab etuvchi favqulodda vaziyatlarni bartaraf etish uchun jalb etiladi.

16. Favqulodda vaziyatlar vazirligiga toʻgʻridan toʻgʻri boʻysunuvchi respublika ixtisoslashtirilgan tuzilmalari professional mutaxassislar bilan toʻldirilgan va jahon standartlariga javob beruvchi maxsus qidiruv priborlari hamda qutqarish uskunalari bilan jihozlangan, shuningdek energiya taʼminoti, maxsus kiyim-boshlarning mustaqil manbalari, yetarlicha suv, oziq-ovqat hamda qidiruv-qutqaruv va boshqa kechiktirib boʻlmaydigan ishlarni avtonom rejimda kamida 72 soat ichida taʼminlashni hisob-kitob qilinib chiqarilgan xarajat materiallariga ega boʻlgan doimiy tayyorgarlikdagi avariya-qutqaruv va avariya-tiklash koʻp tarmoqli tuzilmalarini oʻz ichiga oladi.

17. Favqulodda vaziyatlar vazirligiga tezkor boʻysunuvchi respublika ixtisoslashtirilgan tuzilmalari IIV respublika yongʻinga qarshi harbiylashgan maxsus otryadi, Sogʻliqni saqlash vazirligining respublika tezkor tibbiy yordam respublika markazi, “Oʻzbekiston havo yoʻllari” milliy aviakompaniyasi aviaotryadi, “Oʻzavtotrans” davlat korporatsiyasi, “Toshshaharyoʻlovchitrans” uyushmasining avtosanitariya otryadlari hamda vazirliklar va idoralarning favqulodda vaziyatlarni tugatish va FVDT kuchlari harakatlarini va tadbirlarini taʼminlash uchun moʻljallangan boshqa tarkibiy boʻlinmalarini oʻz ichiga oladi.

Tezkor boʻysunadigan tuzilmalarning vazifalari, tayyogarlik muddatlari, ularni jalb etish tartibi ushbu tuzilmalarning Favqulodda vaziyatlar vazirligi bilan kelishilgan harakat rejalari hamda tegishli vazirliklar va idoralar bilan shartnomalar orqali belgilanadi.

18. Vazirliklar va idoralarning harbiylashtirilgan va professional avariya-qutqaruv, avariya-tiklash va boshqa ixtisoslashtirilgan boʻlinmalari idoraga qarashli obyektlarda ishlab chiqarish-texnologiya avariyalari va halokatlar bilan bogʻliq favqulodda vaziyatlarni bartaraf etish, shuningdek epidemiyalar, epizootiyalar va epifitotiyalar yuzaga kelganda maxsus vazifalarni hal etish uchun moʻljallangan.

Vazirliklar va idoralarning yongʻin, kon, gaz-qutqaruv, qurilish, qurilish-montaj, tibbiyot va boshqa ixtisoslashtirilgan boʻlinmalari va tashkilotlari negizida favqulodda vaziyatlarni mahalliylashtirish hamda ularning oqibatlarini tugatish boʻyicha birinchi navbatdagi ishlar uchun doimiy tayyor holdagi idoraviy tuzilmalar tuzilishi mumkin.

Doimiy tayyor holdagi idoraviy tuzilmalar idoradan tashqari avariya obyektlaridagi favqulodda vaziyatlarni tugatish ishlariga amaldagi xarajatlarni qoplagan holda kontrakt asosida jalb etiladi.

19. Hududiy quyi tizilmalarda — Qoraqalpogʻiston Respublikasi, viloyatlar, shaharlar va tumanlarda — fuqaro muhofazasi boshliqlari — Qoraqalpogʻiston Vazirlar Kengashining Raisi hamda tegishli hokimlar qarorlari bilan geofizik, tabiiy-iqlim va boshqa mahalliy sharoitlarni hisobga olgan holda qurilish, montaj-qurilish, avtokorxonalar va boshqa tashkilotlar negizida mahalliy boshqaruv organlarining hududiy avariya-qutqaruv va avariya-tiklash tuzilmalari, shuningdek Favqulodda vaziyatlar vazirligining viloyat (shahar, tuman) avtootryadlari, tezkor tibbiy yordam markazlari, qutqaruv komandalari tashkil etiladi.

20. Korxonalar rahbarlarining qarorlari bilan kuchli xavfli obyektlarda mavjud ixtisoslashtirilgan xizmatlar va boʻlinmalar (qurilish, kimyo, tibbiy va boshqalar) negizida bevosita obyektlarda avariya-qutqarish va boshqa kechiktirib boʻlmaydigan ishlarni amalga oshirish uchun moʻljallangan shtatsiz ixtisoslashtirilgan avariya-qutqarish va avariya-tiklash tuzilmalari tuziladi.

21. Harbiy davrda aholini va hududlarni muayyan dushmanni magʻlubiyatga uchratishning zamonaviy vositalarini qoʻllash oqibatlaridan himoya qilish, shuningdek Qoraqalpogʻiston Respublikasi, viloyatlar, shaharlar, tumanlar va obyektlardagi avariyalar, halokatlar va stixiyali ofatlar oqibatida kelib chiqishi mumkin boʻlgan favqulodda hodisalarni bartaraf etish boʻyicha vazifalarni bajarish uchun fuqaro muhofazasi boshliqlari — Qoraqalpogʻiston Respublikasi Vazirlar Kengashining Raisi va tegishli hokimlarning qarorlari bilan umumiy va maxsus maqsadlardagi hududiy hamda obyektlarning noharbiy tuzilmalari tuziladi.

Koʻrsatib oʻtilgan noharbiy tuzilmalar alohida vaziyatlarda tegishli fuqaro muhofazasi boshliqlarining qaroriga binoan, shu kabi favqulodda vaziyatlar oqibatlarini tugatishga tinchlik davrida ham jalb etilishi mumkin.

22. FVDT qurilmasi prinsipi, tuzilmasi, kuch va vositalari tarkibi, uning maxsus texnika, asbob-uskunalar, priborlar hamda transport vositalari bilan roʻyxatli jihozlashni, moliyaviy taʼminlanishi, favqulodda vaziyatlarni tugatish chogʻidagi tayyorgarlik muddati va vazifalarni bajarish tartibi Davlat yagona tezkor qutqaruv xizmati toʻgʻrisida Nizom bilan tartibga solinadi.

23. Yirik koʻlamli tabiiy va texnogen favqulodda vaziyatlar yuzaga kelganda tezkor qutqaruv ishlarini bajarish hamda zarar koʻrgan aholiga birinchi navbatda yordam koʻrsatish uchun Oʻzbekiston Respublikasi Prezidentining qaroriga binoan Mudofaa vazirligining muhandislik, kimyo, sapyor va boshqa harbiy boʻlinmalari, harbiy-transport aviatsiyasi hamda tibbiy xizmat muassasalari jalb etilishi mumkin.

24. FVDTning axborot-boshqaruv quyi tizimi quyidagilarni oʻz ichiga oladi:

Favqulodda vaziyatlar vazirligining tang vaziyatlarni boshqarish markazi;

FVDT hududiy va funksional quyi tizimlarining axborot-tahlil markazlari;

atrof-tabiiy muhitning va kuchli xavfli obyektlar holatini kuzatish va nazorat qilish organlarining axborot markazlari;

zaxiradagi shahardan tashqari va shahar boshqaruv punktlari;

favqulodda vaziyatlarni bartaraf etish kuchlari va vositalarini boshqarishning harakatlanuvchi punktlari;

aloqa va axborot uzatish vositalari, shu jumladan boshqarish va axborot bilan taʼminlashning avtomatlashtirilgan tizimi.

Axborot-boshqaruv tizimi quyidagilarni taʼminlashi lozim:

FVDTning hududiy va funksional quyi tizimlaridan olingan seysmologik, geologik, gidrometeorologik xavfli koʻrinishlar, sensat va transportdagi avariyalar va halokatlar, epidemiyalar, epizootiyalar, epifitotiyalar, radioaktiv, kimyo va biologik (bakteriologik) ahvol toʻgʻrisidagi maʼlumotlarni toʻplash va qayta ishlash (tahlil qilish, saqlash);

rahbar organlar, FVDTning kundalik boshqaruv organlari, favqulodda vaziyatlarni bartaraf etish kuchlari va vositalari hamda aholini favqulodda vaziyatlarning yuzaga kelish faktlari, xususiyatlari, rivojlanish koʻlamlari va kechishi, koʻrilishi mumkin boʻlgan oqibatlari, favqulodda vaziyatlarda harakat qilish tartibi toʻgʻrisida xabar qilish va axborot berish;

FVDT quyi tizimlari va boʻgʻinlari, FVDTning rahbarlik qiluvchi boshqaruv organlari, boshqaruv punktlari, favqulodda vaziyatlarni tugatish kuchlari va vositalari oʻrtasida oʻzaro axborotlar almashish.

Favqulodda vaziyatlar toʻgʻrisidagi axborotlarning mezonlari, mazmuni va koʻrinishlari, FVDTga, quyi tizimlari va boʻgʻinlariga, shuningdek aholiga yetkazish muddatlari va tartibi favqulodda vaziyatlar xavfi boʻlganda va ular yuzaga kelganda vazirliklar, idoralar, hokimliklar va obyektlar tomonidan FVDTga kundalik faoliyatda yetkaziladigan axborotlar roʻyxati bilan belgilanadi.

25. Prognozlashtirilayotgan yoki yuzaga kelgan favqulodda vaziyatlarning ahvoli, koʻlamlaridan kelib chiqib Oʻzbekiston Respublikasi Fuqaro muhofazasi boshligʻi — Favqulodda vaziyatlar vaziri, tegishli fuqaro muhofazasi boshliqlari — Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining qarorlari bilan muayyan hududlar doirasida FVDT faoliyat koʻrsatishining quyidagi rejimlaridan biri oʻrnatiladi:

kundalik faoliyat rejimi — meʼyordagi ishlab chiqarish-sanoat, radiatsion, kimyoviy, biologik (bakteriologik), seysmik va gidrometeorologik vaziyatda, epidemiyalar, epizootiyalar va epifitotiyalar boʻlmaganda;

yuqori tayyorgarlik rejimi — ishlab chiqarish-sanoat, radiatsion, kimyoviy, biologik (bakteriologik), seysmik va gidrometeorologik vaziyat yomonlashganda, favqulodda vaziyatlar yuzaga kelishi mumkinligi toʻgʻrisida prognoz olinganda;

favqulodda rejim — favqulodda vaziyatlar yuzaga kelganda va favqulodda vaziyatlar davrida,

26. FVDT faoliyat koʻrsatishi chogʻida amalga oshiriladigan asosiy tadbirlar:

a) kundalik faoliyat rejimida:

atrof-tabiiy muhit ahvolini, kuchli xavfli obyektlar va ularga yondosh hududlardagi vaziyatni kuzatish va nazorat qilishni amalga oshirish;

favqulodda vaziyatlarning oldini olish, aholi xavfsizligi va muhofazasini taʼminlash, yetkazilishi mumkin boʻlgan zarar va ziyonni qisqartirish boʻyicha, shuningdek favqulodda vaziyatlarda sanoat obyektlari va sanoat tarmoqlarining faoliyat koʻrsatishining barqarorligini oshirish boʻyicha maqsadli va ilmiy-texnik dasturlar hamda chora-tadbirlarni rejalashtirish va bajarish;

favqulodda vaziyatlar boʻyicha boshqaruv organlarini, kuchlar va vositalarni favqulodda vaziyatlar chogʻidagi harakatlarga tayyorlashni takomillashtirish, aholini favqulodda vaziyatlar chogʻida muhofaza qilish usullari va harakat qilishga oʻrgatishni tashkil etish;

favqulodda vaziyatlarni bartaraf etish uchun moliyaviy va moddiy resurslar zaxiralarini yaratish va toʻldirish;

sugʻurtaning maqsadli turlarini amalga oshirish;

b) yuqori tayyorgarlik rejimida:

favqulodda vaziyatlar yuzaga kelishi xavfi toʻgʻrisida boshqaruv organlariga xabar berish va aholini xabardor qilish;

favqulodda vaziyatlar boʻyicha tegishli boshqaruv organlarining FVDT quyi tizimlari va boʻgʻinlari faoliyatiga rahbarlikni oʻzlariga olishi, zarur hollarda vaziyatning yomonlashishi sabablarini aniqlash uchun ofat yuz berishi mumkin boʻlgan rayonlarda tezkor guruhlarni tashkil etish;

FVDT rahbarlari tarkibining doimiy dislokatsiya punktlarida kecha-kunduz navbatchilikni joriy etish;

viloyatlar, shaharlar, tumanlar favqulodda vaziyatlar boʻyicha boshqarmalari (boʻlimlar)ning tezkor-navbatchi xizmatlarini hamda vazirliklar, idoralar va obyektlarning navbatchi-dispetcherlik xizmatlarini kuchaytirish;

atrof-tabiiy muhitning ahvoli, kuchli xavfli obyektlar va ularga yondosh boʻlgan hududlardagi vaziyatni kuzatish va nazorat qilishni kuchaytirish, favqulodda vaziyatlarning yuzaga kelishi ehtimollarini, ularning koʻlamlari va oqibatlarini prognozlash;

favqulodda vaziyatlarda aholi va atrof-tabiiy muhitni muhofaza qilish, shuningdek obyektlar va iqtisodiyot tarmoqlarining barqaror faoliyat koʻrsatishini taʼminlash chora-tadbirlarini koʻrish;

kuchlar va vositalarni tayyor holga keltirish, ularning harakat rejalarini aniqlashtirish hamda zarur boʻlganda moʻljallanayotgan favqulodda vaziyatlar rayoniga siljitish;

v) favqulodda rejimda:

favqulodda vaziyatlar yuzaga kelganligi toʻgʻrisida boshqaruv organlariga xabar berish va aholini xabardor qilish;

tezkor guruhlarni favqulodda vaziyatlar rayoniga siljitish;

aholini muhofaza qilishni tashkil etish;

favqulodda vaziyatlarni bartaraf etishni tashkil qilish;

favqulodda vaziyatlar zonalari chegaralarini belgilash;

sanoat tarmoqlari va obyektlarning barqaror faoliyat koʻrsatishini taʼminlash, zarar koʻrgan aholining hayotini taʼminlash ishlarini birinchi navbatda tashkil etish;

favqulodda vaziyatlar rayonlaridagi atrof-tabiiy muhitning ahvoli, avariya obyektlari va ularga yondosh hududlardagi vaziyatni uzluksiz nazorat qilishni amalga oshirish.

27. Favqulodda vaziyatlarni tugatish uchun quyidagi mablagʻlardan foydalaniladi:

Oʻzbekiston Respublikasi Vazirlar Mahkamasining favqulodda vaziyatlarni bartaraf etishga zaxiradagi moliyaviy jamgʻarmasi va favqulodda vaziyatlarni tugatish chogʻida birinchi navbatdagi ishlarni amalga oshirish uchun davlat zaxirasi tarkibida yigʻiladigan moddiy resurslar zaxiralari — respublika budjeti mablagʻlari hisobidan;

idoraviy moliyaviy va moddiy resurslar zaxirasi — vazirliklar va idoralar mablagʻlari hisobidan;

mahalliy hokimiyat organlarining moliyaviy va moddiy resurslari zaxirasi — mahalliy budjet mablagʻlari hisobidan;

obyektlarning moliyaviy va moddiy resurslari zaxirasi — korxonalar, muassasalar va tashkilotlarning oʻz mablagʻlari hisobidan;

Qizil Yarim oy Jamiyatining stixiyali ofatlardan zarar koʻrgan aholiga yordam koʻrsatish uchun birinchi navbatda zarur boʻlgan tovarlar omborlari va zaxiralari tizimlari.

Favqulodda vaziyatlarni bartaraf etish uchun moliyaviy va moddiy resurslar zaxiralari nomenklaturasi va hajmlari ularni tashkil etgan organ tomonidan belgilanadi.

28. Favqulodda vaziyatlarni bartaraf etish ular balansida turadigan avariya obyektlari, vazirliklar va idoralarning, hududida favqulodda vaziyatlar yuzaga kelgan hokimliklarning kuchlari va vositalari bilan amalga oshiriladi.

29. Favqulodda vaziyatlarni bartaraf etish obyektlarning, vazirliklar (idoralar) va hokimliklarning tezkor guruhlari (mutaxassislari) rahbarlarining bevosita rahbarligida amalga oshiriladi.

30. Favqulodda vaziyatlar oqibatlarini tugatishda, agar bu birlashmalarning qutqaruvchilarida attestatsiya tartibida tasdiqlangan tegishli tayyorgarlik mavjud boʻlsa, jamoat birlashmalari ishtirok etishlari mumkin.

31. Agar favqulodda vaziyatlarning koʻlamlari mavjud kuchlar va vositalar bilan uni mahalliylashtirish va bartaraf etish mumkin boʻlmagan holda boʻlsa zarur yordam koʻrsatishi yoki ushbu favqulodda vaziyatni bartaraf etishga rahbarlikni oʻziga olishi mumkin boʻlgan FVDTning yuqori rahbar organiga yordam soʻrab murojaat qilinadi.

Tegishli vazirliklar (idoralar) va hokimliklarning kuch va vositalari yetarli boʻlmagan taqdirda Favqulodda vaziyatlar vazirligining kuchlari va vositalari jalb etiladi.

Alohida vaziyatlarda favqulodda vaziyatlarni va uning oqibatlarini bartaraf etish uchun Hukumat komissiyasi tashkil qilinishi mumkin.

32. Yuzaga kelgan favqulodda vaziyatlarni bartaraf etish uchun resurslar yetarli boʻlmagan taqdirda ular obyekt maʼmuriyati, vazirlik (idora) yoki hokimlik rahbariyatining talabnomasiga binoan FVDTning boshqa zaxiralaridan ajratilishi mumkin.

33. Aholini va hududlarni favqulodda vaziyatlardan muhofaza qilish boʻyicha, tarmoqlar va obyektlar faoliyat koʻrsatishining barqarorligini taʼminlash boʻyicha maqsadli dasturlarni mablagʻ bilan taʼminlash har bir darajada tegishli budjetlar, vazirliklar (idoralar) va obyektlar mablagʻlari hisobidan amalga oshiriladi.

Favqulodda vaziyatlarni bartaraf etish boʻyicha tadbirlarni mablagʻ bilan taʼminlash favqulodda vaziyatlar zonalarida joylashgan obyektlarning mablagʻlari, vazirliklar va idoralarning mablagʻlari, tegishli budjetlar, sugʻurta jamgʻarmalari va boshqa manbalar hisobidan amalga oshiriladi.

Koʻrsatilgan mablagʻlar mavjud boʻlmagan yoki yetarli boʻlmagan taqdirda Oʻzbekiston Respublikasi Vazirlar Mahkamasining zaxira jamgʻarmasidan mablagʻlar ajratiladi.

34. Aholi va hududlarni favqulodda vaziyatlardan muhofaza qilish, favqulodda vaziyatlarning oldini olish, ular yuzaga kelganda ziyon va zararlar miqdorini kamaytirish boʻyicha oldindan choralar koʻrish maqsadida harakat qilishning respublika, idora rejalari, hokimliklar va obyektlarning harakat qilish rejalari, shuningdek FVDTning barcha darajalarida oʻzaro birgalikda harakat qilish rejalari ishlab chiqiladi.

FVDT harakatlarini rejalashtirishga tashkiliy-uslubiy rahbarlikni Favqulodda vaziyatlar vazirligi amalga oshiradi.

Vazirlar Mahkamasining 1997-yil 23-dekabrdagi 558-son qaroriga 3-ILOVA

Oʻzbekiston Respublikasi vazirliklari va idoralarining aholi va hududlarni favqulodda vaziyatlardan muhofaza qilish boʻyicha

FUNKSIYALARI

Oʻzbekiston Respublikasi Favqulodda vaziyatlar vazirligi

FVDTni tashkil etishga va uning faoliyatiga rahbarlik qilish.

Oʻzbekiston Respublikasi Ichki ishlar vazirligi

Yongʻinlarni profilaktika qilish va oʻchirishga oid tadbirlarni tashkil etish va amalga oshirish, ular bilan bogʻliq birinchi navbatdagi avariya-qutqaruv ishlarini amalga oshirish.

FVDT boshqaruvi organlari va aholini yongʻin holati, yuzaga kelgan yongʻinlarni bartaraf etish, ziyon va koʻrilishi mumkin boʻlgan zararning dastlabki bahosi toʻgʻrisidagi axborot bilan taʼminlash.

Favqulodda vaziyatlar chogʻida jamoat tartibi va yoʻl xavfsizligini, obyektlar, hududlar, moddiy va madaniy boyliklarni muhofaza qilishni taʼminlash.

Davolash muassasalari bilan birgalikda favqulodda vaziyatlarda nobud boʻlgan aholini hisobga olish.

FVDT funksional quyi tizimini tashkil etishga va uning faoliyatiga;

jamoat tartibi, yoʻl va yongʻin xavfsizligini saqlash xizmatiga rahbarlik qilish.

Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi

Favqulodda vaziyatlarning oldini olish va ularni bartaraf etish sohasida mutaxassis kadrlar tayyorlashni tashkil etish.

Umumtaʼlim maktablarining (shu jumladan gimnaziyalar, litseylar va boshqa turdagi oʻrta umumtaʼlim oʻquv yurtlarining) va kasb-hunar taʼlimi oʻquv yurtlarining oʻquvchilari, oʻrta va oliy oʻquv yurtlarining talabalarini favqulodda vaziyatlarda muhofaza asoslari va harakat qilishga oʻqitishni tashkil etish.

“Oʻzkommunxizmat” agentligi

Favqulodda vaziyatlarda xoʻjalik-ichimlik suv bilan taʼminlash tizimlari inshootlari ishining barqarorligini oshirish tadbirlarini ishlab chiqish va amalga oshirish; suv manbalarining radioaktiv, kimyoviy hamda zaharli moddalar, bakterial vositalar va ogʻir metallar bilan ifloslanishidan (zaharlanishidan) muhofaza qilinishini taʼminlash.

Ichimlik suvining sifatini va oqava suvlarning tozalanishini nazorat qilishni taʼminlash.

“Oʻzbekenergo” davlat-aksiyadorlik kompaniyasi bilan birgalikda xavfli zonalardagi obyektlar va aholini elektr energiyasi, gaz va yoqilgʻi bilan uzluksiz taʼminlash tadbirlarini ishlab chiqish va amalga oshirish.

FVDT funksional quyi tizimini tashkil etishga va uning faoliyatiga;

kommunal-texnik xizmatga rahbarlik qilish.

Oʻzbekiston Respublikasi Sogʻliqni saqlash vazirligi

Respublika hududidagi sanitariya-epidemiyaga oid ahvolni kuzatish, nazorat qilish va prognozlash.

Favqulodda vaziyatlarning xususiyatini hisobga olib zarar koʻrgan aholiga tezkor tibbiy xizmat koʻrsatish uslublarini ishlab chiqish, joriy etish va takomillashtirish.

Zarar koʻrganlarga tezkor tibbiy xizmat koʻrsatish, favqulodda vaziyatlar rayonlarida sanitariya-gigiyena va epidemiyaga qarshi tadbirlarni oʻtkazishga oid ishlarni tashkil etish va muvofiqlashtirish.

Favqulodda vaziyatlar rayonlariga dori-darmonlarning shoshilinch yetkazib berilishini taʼminlash.

Zarar koʻrgan va transportda tashish mumkin boʻlmagan kasallarni hisobga olish va ularning favqulodda vaziyatlar zonalaridan evakuatsiya qilinishiga doir ishlarni muvofiqlashtirish.

Favqulodda vaziyatlar rayonidagi atrof-tabiiy muhitning radioaktiv, kimyoviy, zaharli moddalar va bakterial (biologik) vositalar bilan ifloslanishini nazorat qilishni tashkil etish.

FVDT boshqaruv organlari va aholini favqulodda vaziyatlar zonalaridagi sanitariya-epidemiyaga oid ahvol toʻgʻrisidagi axborot bilan taʼminlash.

Tibbiy mulk, dori-darmonlar, sanitariya-gigiyena va epidemiyaga qarshi vositalar zaxiralarini yaratish hamda ularni zarur darajada saqlash.

Aholini favqulodda vaziyatlar chogʻida dastlabki tibbiy yordam koʻrsatishga oʻqitish va tayyorlashning uslubiy asoslarini ishlab chiqish.

Qizil Yarim oy Jamiyati bilan birgalikda sanitariya drujinalari va postlarini shifokorgacha dastlabki tibbiy yordam koʻrsatishga tayyorlash.

FVDT funksional quyi tizimlarini tashkil etishga va ularning faoliyatiga;

favqulodda vaziyatlar rayonlaridagi zarar koʻrgan aholiga davlat shoshilinch tibbiy yordam xizmatiga;

davlat sanitariya-epidemiya nazorati xizmatiga rahbarlik qilish.

Oʻzbekiston Respublikasi Mudofaa vazirligi

Favqulodda vaziyatlar vazirligiga harbiy davrda aholini va hududlarni favqulodda vaziyatlardan muhofaza qilish tadbirlarini rejalashtirish uchun dastlabki maʼlumotlarni berish.

Qurol-yarogʻlar, texnika va oʻq-dorilarni saqlash, ulardan foydalanish hamda ularni tashish bilan bogʻliq favqulodda vaziyatlarni bartaraf etish chogʻida, shuningdek harbiy qismlarda oʻq-dorilarni zararsizlantirish chogʻidagi ishlarni tashkil etish va ularning xavfsizligini taʼminlash.

Mudofaa vazirligi joylashgan rayonlardagi radiatsion, kimyoviy va bakteriologik ahvolning nazorat qilinishini taʼminlash.

Harbiy-transport aviatsiyasining favqulodda vaziyatlar rayonlariga avariya-qutqaruv xizmati kuchlari va vositalarini, maxsus texnika va moddiy resurslarni yetkazishda qatnashishini taʼminlash.

Oʻzbekiston Pochta va telekommunikatsiyalar agentligi

Respublika va mahalliy darajalardagi hamda FVDT faoliyat koʻrsatishining barcha rejimlarida aloqa va markazlashtirilgan xabar berish tizimlarining ishonchli va barqaror ishlashini taʼminlash tadbirlarini tashkil etish va amalga oshirish.

Favqulodda vaziyatlar oqibatlarini tugatishga rahbarlikni amalga oshiruvchi FVDT boshqaruv organlarini davlat va idora aloqalari vositalari va kanallari bilan ustun darajada taʼminlash.

Favqulodda vaziyatlar toʻgʻrisidagi axborotlarni toʻplash, ishlash va FVDT boshqaruv organlariga uzatishni texnik taʼminlash.

Xabar berish, aloqa va axborot bilan taʼminlashning turgʻun vositalariga foydalanish-texnik xizmat koʻrsatishni shartnomaviy shartlarda amalga oshirish.

FVDT quyi tizimini tashkil etishga va uning faoliyatiga;

xabar berish va aloqa xizmatiga rahbarlik qilish.

Oʻzbekiston Respublikasi Qishloq va suv xoʻjaligi vazirligi

Epizootik, fitopatologik va toksikologik nazorat ishlarini tashkil etish va muvofiqlashtirish.

Qishloq xoʻjaligi mulklarining radioaktiv va zaharli moddalar bilan ifloslanishini nazorat qilishni amalga oshirish.

Favqulodda vaziyatlar rayonlarida sanitariya-veterinariya va epizootiyaga qarshi tadbirlarni oʻtkazish ishlarini tashkil etish va amalga oshirish.

Epizootiyalar va epifitotiyalarni tugatish.

Suv omborlari, daryolar va kanallardagi gidrotexnik inshootlardan foydalanish xavfsizligini, ularda avariyalar va halokatlarning yuzaga kelishi ehtimollarini prognozlash.

Suv xoʻjaligi obyektlarining ish rejimini oʻzgartirish yoki keyinchalik foydalanish zaruratini belgilash, suv omborlaridan suvni avariyani oldini olish maqsadida chiqarib yuborish.

Suv omborlarida signalizatsiya va xabar berishning mahalliy avtomatik tizimlarini yaratish.

Qoraqalpogʻiston Respublikasi Vazirlar Kengashi, manfaatdor hokimliklar, vazirliklar va idoralar bilan birgalikda suv bosishi, toshqinlar, sellarning oldini olish va ularning halokatli oqibatlarini kamaytirish hamda toshqin suv va sellarning avariyasiz oʻtkazilishini taʼminlashga oid kechiktirib boʻlmaydigan chora-tadbirlar majmuini tashkil etish, ishlab chiqish va amalga oshirish.

Favqulodda vaziyatlar vazirligi, manfaatdor vazirliklar va idoralar, viloyatlar, shaharlar, tumanlar hokimlari va aholini favqulodda vaziyatlar zonalaridagi sanitariya-veterinariya va agrokimeviy ahvol, kutilayotgan toshqinlar hamda suv omborlari va boshqa suv manbalarining urib ketishi bilan bogʻliq halokatli suv bosishlar toʻgʻrisidagi axborot bilan taʼminlash.

FVDT funksional quyi tizimlarini tashkil etishga va ularning faoliyatiga;

hayvonlar va oʻsimliklarni muhofaza qilish xizmatiga;

davlat veterinariya nazorati xizmatiga;

agrokimyoviy nazorat xizmatiga;

suv omborlari, daryolar va kanallardagi gidrotexnik inshootlarning holatini nazorat qilish davlat xizmatiga;

suv omborlari, toshqinlar va halokatli suv bosishlarning gidrologik rejimi monitoringiga rahbarlik qilish.

Oʻzbekiston Respublikasi Moliya vazirligi, Oʻzbekiston Respublikasi Vazirlar Mahkamasi huzuridagi Davlat moddiy zaxiralari Bosh boshqarmasi

Vazirlar Mahkamasining farmoyishiga binoan moddiy resurslarni yaratish va favqulodda vaziyatlarni tugatish tadbirlarini mablagʻ bilan taʼminlash.

“Oʻzdavzaxira”ning favqulodda vaziyatlarni tugatish uchun zarur boʻlgan moddiy resurslari zaxiralarini yaratish.

“Oʻzbekenergo” davlat-aksiyadorlik kompaniyasi

GESlar, GRESlar, TESlar, yordamchi stansiyalar, transformator punktlari va elektr tarmoqlaridan avariyasiz foydalanishga oid tadbirlar majmuini tashkil etish va amalga oshirish.

“Oʻzkommunxizmat” agentligi va mahalliy hokimiyat organlari bilan birgalikda isteʼmolchilarni hamda, birinchi navbatda, favqulodda vaziyatlar zonalaridagi hayotiy taʼminot obyektlarini elektr quvvati bilan uzluksiz taʼminlash tadbirlarini ishlab chiqish va amalga oshirish.

Chorvoq suv omborida signalizatsiya va xabar qilishning mahalliy avtomatik tizimini yaratish.

Chorvoq suv omboridan suvni avariyani oldini olish maqsadida chiqarib yuborish.

Ixtisoslashtirilgan avariya-qutqaruv va avariya-tiklash boʻlinmalarini tuzish hamda ularning idoraga qarashli obyektlardagi ishlab chiqarish-texnologik avariyalar bilan bogʻliq favqulodda vaziyatlarni tugatishda ishtirok etishini taʼminlash.

FVDT boshqaruv organlarini “Oʻzbekenergo” davlat-aksiyadorlik kompaniyasi obyektlarida yuzaga kelgan favqulodda vaziyatlar toʻgʻrisidagi axborot bilan taʼminlash.

FVDT funksional quyi tizimini tashkil etishga va uning faoliyatiga;

elektr stansiyalari, elektr tarmoqlari va boshqa energiya taʼminoti obyektlarining texnik holatini nazorat qilish davlat xizmatiga rahbarlik qilish.

Oʻzbekiston Respublikasi Makroiqtisodiyot va statistika vazirligi

Favqulodda vaziyatlar vazirligi, Moliya vazirligi bilan birgalikda vazirliklar, idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan taqdim etiladigan aholini va hududlarni favqulodda vaziyatlardan muhofaza qilish obyektlarini qurishning adresli dasturlarini koʻrib chiqish hamda ular boʻyicha Oʻzbekiston Respublikasi Vazirlar Mahkamasiga kiritish uchun takliflar tayyorlash.

Favqulodda vaziyatlar vazirligi, Moliya vazirligi hamda “Oʻzdavzaxira” bilan birgalikda favqulodda vaziyatlarning oldini olish va ularni bartaraf etish tadbirlarini amalga oshirish uchun davlat zaxirasida toʻplangan moddiy resurslar toʻgʻrisida Vazirlar Mahkamasiga takliflar tayyorlash.

Oʻzbekiston Respublikasi Davlat tabiatni muhofaza qilish qoʻmitasi

Kuchli xavfli obyektlar hamda intensiv sanoat va qishloq xoʻjaligi faoliyati joylashgan rayonlardagi ekologik vaziyatni; ularni yaxshilash tadbirlarini rejalashtirish va amalga oshirishni nazorat qilishni tashkil etish va amalga oshirish.

Sanoat chiqindilarini toʻplagichlar, chiqindi omborlari, zahar koʻmilmalari va boshqalarning joylashishi va ulardan foydalanishni ekologik nazorat qilishni amalga oshirish.

Suvdan foydalanish va ochiq suv havzalaridagi suvning sanoat, baliqchilik xoʻjaliklari va boshqa tarmoqlarning chiqaradigan chiqitlaridan ifloslanishini kuzatish va nazorat qilish.

Atrof-tabiiy muhitga zaharli moddalar ajrab chiqishini nazorat qilish,

Favqulodda vaziyatlar vazirligi, manfaatdor vazirliklar va idoralar, Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimlarini ekologik vaziyat, atrof-tabiiy muhitda zaharli moddalarning otilib chiqishi va chiqarib yuborilishi toʻgʻrisidagi axborot bilan taʼminlash.

FVDT funksional quyi tizimini tashkil etishga va uning faoliyatiga;

atrof-tabiiy muhitni qoʻriqlash hamda ekologik xavfsizlik boʻyicha nazorat-inspeksiya xizmatiga rahbarlik qilish.

Oʻzbekiston Respublikasi Davlat geologiya va mineral resurslar qoʻmitasi

Xavfli geologik jarayonlar (koʻchish, qulash va boshqalar)ning rivojlanish rayonlarini aniqlash; ularning faollashishini prognozlash; koʻchkilarga qarshi va boshqa tadbirlar birinchi navbatda oʻtkaziladigan zonalarni belgilash.

Xavfli geologik jarayonlar monitoringini tashkil etish va oʻtkazish.

Favqulodda vaziyatlar vazirligi, manfaatdor vazirliklar va idoralar, viloyatlar, shaharlar va tumanlar hokimlarini xavfli geologik jarayonlarning rivojlanish i ehtimollari toʻgʻrisidagi axborot bilan taʼminlash, koʻchki xavfi boʻlgan rayonlardagi hududlardan oqilona foydalanish boʻyicha tavsiyalar berish.

Yer osti suvlarining radioaktiv, kimyoviy va boshqa zaharli moddalar bilan ifloslanishini kuzatish va nazorat qilish.

“Boshgidromet” hamda Qishloq va suv xoʻjaligi vazirligi bilan birgalikda xavfli zonalarda joylashgan, aholisini vaqtincha evakuatsiya qilish yoki bosqichma-bosqich xavfsiz joylarga doimiy yashash uchun koʻchirish shart boʻlgan posyolkalar va xoʻjaliklar roʻyxatini belgilash hamda Favqulodda vaziyatlar vazirligi, mahalliy hokimiyat organlariga taqdim etish.

Yangidan qurilayotgan aholi punktlari va obyektlar uchun yer ajratishni kelishish; ularni oʻzlashtirishda togʻ qiyaliklari barqarorligining saqlanishini nazorat qilish.

Xavfli geologik jarayonlar boʻyicha maʼlumotlarning kompyuter bankini shakllantirish va ularning taʼsiridan koʻrilgan zararlarni baholash.

FVDT funksional quyi tizimini tashkil etishga va uning faoliyatiga;

xavfli geologik jarayonlarni kuzatish davlat xizmatiga rahbarlik qilish.

Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi

Kimyoviy, portlovchi hamda boshqa kuchli xavfli obyektlarning holatini nazorat qilishni tashkil etish va amalga oshirish, ularda avariyalar va halokatlar yuzaga kelishi ehtimollarini prognozlash.

Texnogen avariyalar va halokatlarning oldini olish, radioizotop priborlarini saqlash va ulardan foydalanish tadbirlarini ishlab chiqish va amalga oshirishni nazorat qilish.

Favqulodda vaziyatlar vazirligi, manfaatdor vazirliklar va idoralar, viloyatlar, shaharlar va tumanlar hokimlarini sanoat obyektlarida yuzaga kelgan avariyalar va halokatlar, ularning koʻlamlari, rivojlanishining borishi, olib kelishi mumkin boʻlgan oqibatlari hamda favqulodda vaziyatlarni bartaraf etish boʻyicha koʻrilayotgan chora-tadbirlar toʻgʻrisidagi axborot bilan taʼminlash.

Harbiylashtirilgan kon-qutqarish qismlari boʻlinmalarining kon qazish ishlaridagi nafas olish organlarini muhofaza qilish vositalarini qoʻllash hamda maxsus jihozlarni talab etuvchi gaz va chang portlashlari, otilib chiqishlar va toʻlib qolishlar bilan bogʻliq avariyalarni tugatishda qatnashishini taʼminlash.

FVDT funksional quyi tizimini tashkil etishga va uning faoliyatiga;

kon-ruda, kimyoviy, neft va gaz qazish hamda qayta ishlash sanoati va “Toshmetroqurilish” obyektlarida ishlarni olib borishning ahvoli va xavfsizligi ustidan davlat nazoratiga rahbarlik qilish.

Oʻzbekiston Respublikasi Davlat arxitektura va qurilish qoʻmitasi, Oʻzbekiston sanoat va xoʻjalik qurilishi davlat korporatsiyasi, Oʻzbekiston montaj va maxsus qurilish ishlari uyushmasi, “Toshkentuyjoyinvestqurilish” moliya-qurilish korporatsiyasi

Ekstremal sharoitlardagi rayonlarda obyektlarni loyihalashtirish, qurish va ulardan foydalanishning hududlarni favqulodda vaziyatlardan muhandislik jihatidan muhofaza qilishning yangi uslublarini ishlab chiqish va amaldagilarini takomillashtirish.

Shaharsozlik hujjatlarini davlat ekspertizasidan oʻtkazishda va obyektlar qurilishining qurilish normalari va huquqlari talablariga rioya etilishi yuzasidan loyihalashtirishda qatnashish.

Favqulodda vaziyatlar natijasida obyektlarga hamda fuqarolarning turar-joylariga yetkazilgan zararni hamda avariya-qutqaruv va boshqa kechiktirib boʻlmaydigan ishlarni amalga oshirish uchun zarur boʻlgan moddiy resurslarga ehtiyojlarni hisob-kitob qilish.

Qurilish va qurilish-montaj tashkilotlari negizida avariya-qutqaruv tuzilmalarini tashkil etish va ularning favqulodda vaziyatlar rayonlaridagi avariya-qutqaruv hamda boshqa kechiktirib boʻlmaydigan ishlarni amalga oshirishda qatnashishini taʼminlash.

FVDT funksional quyi tizimini tashkil etishga va uning faoliyatiga;

shaharlar, aholi punktlari va hududlarni favqulodda vaziyatlardan muhofaza qilish muhandislik xizmatiga rahbarlik qilish.

Oʻzbekiston Respublikasi Fanlar akademiyasi

Respublika iqtisodiyoti va hududlari uchun xos boʻlgan antropogen va tabiiy favqulodda vaziyatlarning yuzaga kelishini, favqulodda vaziyatlarning oldini olish, aholini muhofaza qilish hamda tarmoqlar va obyektlarning faoliyat koʻrsatishi barqarorligini oshirishga doir tadbirlarning samaradorligini prognozlash muammolari boʻyicha ilmiy tadqiqotlarni tashkil etish.

Zilzilalarni prognozlash va seysmik rayonlashtirish, respublika hududidagi seysmik hodisalarni kompleks kuzatishni amalga oshirishning ilmiy asoslari va uslublarini ishlab chiqish.

FVDT boshqaruv organlari va aholini zilzilalar toʻgʻrisidagi axborot bilan taʼminlash,

FVDT funksional quyi tizimini tashkil etishga va uning faoliyatiga;

davlat seysmik xizmatiga rahbarlik qilish.

“Oʻzdonmahsulot” aksiyadorlik korporatsiyasi

Ofatlar zonalaridagi zarar koʻrgan aholini va ular joylashgan rayonlardagi evakuatsiya qilingan aholini taʼminlash uchun eng zarur oziq-ovqatlar va tovarlar yetkazib berilishini; oshxonalarda (ovqatlanish punktlarida) tuzilmalarning shaxsiy tarkibi va zarar koʻrgan aholiga ovqat tayyorlash uchun suv bilan taʼminlashni tashkil etish.

Saqlash, texnologik qayta ishlash va sotish chogʻida don va undan qayta ishlangan mahsulotlar, oziq-ovqatlar va boshqa tovarlarni muhofaza qilish tadbirlarini; Sogʻliqni saqlash vazirligi, boshqa vazirliklar (idoralar) bilan birgalikda oziq-ovqat va suvlarning radioaktiv moddalar, ogʻir metallar, nitratlar va pestitsidlar bilan yoʻl qoʻyilishi mumkin boʻlgan konsentratsiyalarning belgilangan darajasidan ortiqcha ifloslanishini nazorat qilishni amalga oshirish.

Mahsulotlar va boshqa tovarlarni zararsizlantirish, texnologik qayta ishlash yoki zararsizlantirib boʻlmaydiganlarini yoʻq qilish.

FVDT funksional quyi tizimini tashkil etishga va uning faoliyatiga;

savdo va ovqatlanish xizmatiga rahbarlik qilish.

Oʻzbekiston Respublikasi Vazirlar Mahkamasi huzuridagi Gidrometeorologiya Bosh boshqarmasi

Stixiyali gidrometeorologik hodisalarni prognozlash, kuzatish va nazorat qilish.

Selga va koʻchkiga qarshi tadbirlarni oʻtkazish zarur boʻlgan rayonlar va zonalarni aniqlash.

Atrof-tabiiy muhit (atmosfera, tuproq va yer usti suvlari)ning ifloslanishi, gidrologik rejim va daryolar qayirlari hamda oʻzanlaridagi toshib ketishlar xavfining monitoringini tashkil etish va oʻtkazish.

Favqulodda vaziyatlar vazirligi, manfaatdor vazirliklar va idoralarni, Qoraqalpogʻiston Respublikasi Vazirlar Kengashi Raisini, viloyatlar, shaharlar va tumanlar hokimlarini gidrometeorologik axborot bilan taʼminlash; atrof-tabiiy muhit ifloslanishining ekstremal yuqori darajalari toʻgʻrisida ogohlantirish.

FVDT funksional quyi tizimini tashkil etishga va uning faoliyatiga;

stixiyali gidrometeorologik koʻrinishlar va atrof-tabiiy muhit holatini kuzatish va nazorat qilish davlat xizmatiga rahbarlik qilish.

Neft va gaz sanoati milliy korporatsiyasi

Ishlab chiqarish va texnologik jarayonning kuchli xavfli oʻziga xosliklari bilan bogʻliq boʻlgan avariyalar va halokatlarning oldini olish hamda ularni bartaraf etish boʻyicha tadbirlarni tashkil etish va amalga oshirish.

Idoraga qarashli obyektlarda avariyalarning kelib chiqish ehtimollarini va oqibatlarini prognozlash, tarmoqning birlashmalari va obyektlarida favqulodda vaziyatlar chogʻida ishlarning barqarorligini oshirish.

Neft, gazni qayta ishlash va boshqa xavfli obyektlar hamda ularga yondosh boʻlgan hududlarda xabar berish va axborotning mahalliy tizimini yaratish.

Tarmoq obyektlarida favqulodda vaziyatlar chogʻida avariya-qutqaruv va boshqa kechiktirib boʻlmaydigan ishlarni amalga oshirishda idoraviy ixtisoslashtirilgan tuzilmalarning qatnashishini taʼminlash.

FVDT boshqaruv organlari va aholini idoraga qarashli obyektlardagi avariyalar va halokatlar, koʻrilayotgan chora-tadbirlar, shuningdek favqulodda vaziyatlar chogʻida aholining harakat qilish tartibi toʻgʻrisidagi axborot bilan taʼminlash.

FVDT funksional quyi tizimini tashkil etishga va uning faoliyatiga;

tarmoq obyektlarida ishlarni olib borishning ahvoli va xavfsizligini idoraviy nazorat qilish xizmatiga rahbarlik qilish.

Oʻzbekiston avtomobil transporti davlat-aksiyadorlik korporatsiyasi, Toshkent shahar yoʻlovchilar tashish transporti korxonalari davlat uyushmasi, Oʻzbekiston avtomobil yoʻllari qurish va foydalanish davlat-aksiyadorlik konserni

Favqulodda vaziyatlarni tugatish hamda evakuatsiya tadbirlarini amalga oshirish uchun zarur boʻlgan FVDT avariya-qutqaruv kuchlari va vositalari, harbiy tuzilmalar va yuklarni birinchi navbatda tashishni taʼminlash.

Avtotransportni va transport vositalari asbob-uskunalarini odamlar tashish uchun tayyorlashni taʼminlash.

Portlovchi, yongʻinga xavfli yuklar va kuchli taʼsir etuvchi zaharli moddalarni tashish chogʻida xavfsizlikni taʼminlash.

Yoʻl va yoʻl inshootlarini avariya-qutqaruv kuchlari va vositalarini favqulodda vaziyatlar rayonlariga tashish uchun tayyorlash.

Idoraviy tarmoqlar orqali FVDT boshqaruv organlari, shuningdek yoʻlovchilarni favqulodda vaziyatlar xavfi yoki yuzaga kelganligi toʻgʻrisida xabardor qilishni tashkil etish.

FVDT funksional quyi tizimlarini tashkil etishga va ularning faoliyatiga;

avtotransport va avtoyoʻl xizmatiga rahbarlik qilish.

Oʻzbekiston kimyo sanoati korxonalari uyushmasi

Ishlab chiqarish va texnologik jarayonning kuchli xavfli oʻziga xosliklari bilan izohlanadigan avariyalar va halokatlarning oldini olish va bartaraf etish tadbirlarini tashkil etish va amalga oshirish.

Kimyoviy xavfli obyektlardagi avariyalarning yuzaga kelish ehtimollari va oqibatlarini prognozlash, favqulodda vaziyatlar chogʻida ular ishining barqarorligini oshirish.

Kimyoviy xavfli obyektlar va ularga yondosh boʻlgan hududlarda xabar berish va axborotning mahalliy tizimlarini yaratish.

FVDT boshqaruv organlari va aholini avariyalar va halokatlar, ularning oqibatlari, koʻrilayotgan chora-tadbirlar hamda aholining favqulodda vaziyatlar chogʻida harakat qilish tartibi toʻgʻrisidagi axborot bilan taʼminlash.

Idoraviy ixtisoslashtirilgan tuzilmalarning tarmoq obyektlaridagi favqulodda vaziyatlar chogʻida avariya-qutqaruv va boshqa kechiktirib boʻlmaydigan ishlarni amalga oshirishda qatnashishini taʼminlash.

FVDT funksional quyi tizimini tashkil etishga va uning faoliyatiga;

tarmoq obyektlarida ishlarni olib borishning ahvoli va xavfsizligini idoraviy nazorat qilish xizmatiga rahbarlik qilish.

Oʻzbekiston ulgurji va birja savdosi boʻyicha respublika aksiyadorlik uyushmasi

Favqulodda vaziyatlar vazirligi va Hukumatning talabnomalariga binoan vatanimizdagi va xorijdagi tovar ishlab chiqaruvchilar, tijorat tuzilmalaridan buyurtmachining mablagʻlari hisobiga favqulodda vaziyatlarning oldini olish va ularni bartaraf etish uchun maxsus texnika, asbob-uskunalar, priborlar va materiallarni trast kontrakt-shartnomaviy asosda xarid qilishni amalga oshirish.

Oʻzbekiston Teleradiokompaniyasi

Aholini radioeshittirish stansiyalari va televideniye orqali favqulodda vaziyatlar xavfi va yuzaga kelganligi toʻgʻrisidagi axborot bilan taʼminlash.

Mahalliy hokimiyat organlari, manfaatdor vazirliklar, idoralar va boshqa tashkilotlar bilan birgalikda aholi oʻrtasida favqulodda vaziyat zonasida qolgan odamlarning birinchi navbatdagi harakatlari toʻgʻrisida tushuntirish ishlarini tashkil etish.

Favqulodda vaziyatlar vazirligi, fuqaro muhofazasi boshliqlari — Qoraqalpogʻiston Respublikasi Vazirlar Kengashi Raisi, viloyatlar, shaharlar va tumanlar hokimlarining buyurtmanomalariga binoan aholi va hududlarni favqulodda vaziyatlardan muhofaza qilish masalalariga oid telekoʻrsatuvlar va radioeshittirishlarni tashkil etish.

Sogʻliqni saqlash vazirligi va Qizil Yarim oy Jamiyati bilan birgalikda aholini dastlabki tibbiy oʻzaro va oʻz-oʻziga yordam koʻrsatishga oʻqitish boʻyicha ixtisoslashtirilgan eshittirishlarni tashkil etish.

“Oʻzbekiston havo yoʻllari” milliy aviakompaniyasi

Aviatsiya texnikasidan avariyasiz foydalanish va parvozlar xavfsizligi boʻyicha tadbirlarni tashkil etish va amalga oshirish.

Favqulodda vaziyatlarni tugatish uchun zarur boʻlgan FVDTning avariya-qutqaruv kuchlari va vositalarini, harbiy tuzilmalar va yuklarni favqulodda vaziyatlar rayonlariga va orqaga birinchi navbatda yetkazishni taʼminlash.

Qidiruv ekipajlari, qidiruv havo kemalari va avariya-qutqaruv komandalarining qidiruv-qutqaruv, avariya-qutqaruv va boshqa kechiktirib boʻlmaydigan ishlarni olib borishda qatnashishini taʼminlash.

FVDT boshqaruv organlarini milliy aviakompaniyadagi favqulodda vaziyatlar toʻgʻrisida xabardor etish.

FVDT funksional quyi tizimini tashkil etishga va uning faoliyatiga;

qidiruv va avariya-qutqaruv xizmatiga rahbarlik qilish.

“Oʻzbekiston temir yoʻllari” davlat-aksiyadorlik kompaniyasi

Temir yoʻl transporti vositalaridan avariyasiz foydalanish, tashish chogʻida portlovchi, yongʻin xavfi boʻlgan yuklar va KTZM xavfsizligini taʼminlash tadbirlarini tashkil etish va amalga oshirish.

Favqulodda vaziyatlarni tugatish va evakuatsiya tadbirlarini amalga oshirish uchun zarur boʻlgan FVDT avariya-qutqaruv kuchlari va vositalarini, harbiy tuzilmalar, maxsus texnika va moddiy resurslarni birinchi navbatda tashishni taʼminlash.

Shoshilinch tibbiy yordam poyezdlarini tuzish va tayyorlash.

Yongʻin va tuzatish-tiklash poyezdlari, tezkor tibbiy yordam poyezdlari, sanitariya-epidemiologiya stansiyalari va boshqa idoraga qarashli avariya-qutqaruv boʻlinmalarining temir yoʻl transportida favqulodda vaziyatlarni tugatishda qatnashishni taʼminlash.

FVDT boshqaruv organlari va aholini temir yoʻl transportidagi avariyalar va halokatlar, ularning kutilayotgan oqibatlari, koʻrilayotgan chora-tadbirlar va favqulodda vaziyatlarning borishi toʻgʻrisidagi axborot bilan taʼminlash.

FVDT funksional quyi tizimini tashkil etishga va uning faoliyatiga;

temir yoʻl transportida yongʻin, portlash xavfi boʻlgan yuklar, kimyoviy moddalar va KTZMni tashishni nazorat qilish xizmatiga rahbarlik qilish.

“Oʻzagrosugʻurta” va “Kafolat” davlat-aksiyadorlik sugʻurta kompaniyalari

Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari bilan birgalikda suv toshqini, koʻchkilar, sel xavfi boʻlgan rayonlarda imoratlarni, fuqarolarning shaxsiy mulklarini va chorva mollarini sugʻurtalashni taʼminlash.

Ishlab chiqarish va ijtimoiy yoʻnalishdagi obyektlarni hamda hududlarni sugʻurtalash.

Qizil Yarim oy Jamiyati

Favqulodda vaziyatlar vazirligi, boshqa vazirliklar (idoralar) va sogʻliqni saqlash organlari bilan birgalikda aholini favqulodda vaziyatlar chogʻida kasallar va zarar koʻrganlarga dastlabki tibbiy yordam koʻrsatish hamda gʻamxoʻrlik qilish masalalari boʻyicha tayyorlash.

Vazirliklar, idoralar, mahalliy boshqaruv organlariga hamda korxonalar, muassasalar va tashkilotlarning rahbarlariga sanitariya drujinalarini tuzish, ularni yuklatilgan vazifalarni bajarishga jihozlash, tayyorlash va tayyorgarlik holatini nazorat qilishda yordam koʻrsatish.

Xalq taʼlimi va sogʻliqni saqlash organlari bilan birgalikda oʻrta maxsus oʻquv yurtlari va umumtaʼlim maktablarida sanitariya postlarini tashkil etish va oʻqitish.

Ichki ishlar vazirligi, eng avvalo, davlat avtomobil nazorati xodimlarini kursantlar, haydovchilar va yoʻl-transport xizmati ishchilarini zarar koʻrganlarga dastlabki tibbiy va boshqa yordam koʻrsatish amaliyotiga kontrakt asosida oʻqitishni tashkil etish.

Sogʻliqni saqlash organlari bilan birgalikda aholini dastlabki tibbiy yordam koʻrsatish, oʻzaro, oʻz-oʻziga hamda zarar koʻrganlarga gʻamxoʻrlik qilishga oʻqitish boʻyicha ixtisoslashtirilgan telekoʻrsatuvlar va radioeshittirishlarni tashkil etish.

Qizil Yarim oy Jamiyatining otryadlari va boshqa koʻngillilar boʻlinmalarini tuzish, oʻqitish, jihozlash.

Favqulodda vaziyatlardan zarar koʻrgan aholiga yordam koʻrsatish uchun Qizil Yarim oy Jamiyatining eng zarur tovarlar omborlari va zaxiralari tizimini tashkil etish.

“Davsuvxoʻjaliknazorat” inspeksiyasi

Gidrotexnika inshootlarining ahvoli, ularga tabiiy va texnogen taʼsirlar monitoringini tashkil etish va oʻtkazish.

Suv xoʻjaligi va energetika obyektlarining mukammalligi I, II va III klass boʻlgan gidrotexnika inshootlari texnik holatini diagnostika qilish va xavfsizligini baholash.

Mukammalligi I, II va III klass boʻlgan, davlat mulki boʻlgan, shuningdek respublika va mintaqa suv xoʻjaligi va energetika tizimiga kiruvchi gidrotexnika inshootlarining xavfsizligi ustidan nazorat xizmatini tashkil etish.